|
طلب خاص للأخ محمد البشرى الخضر(ما محتاجة اقول يمنع دخول طلحة)
|
ما بحب كلو كلو فتح بوستات ( لاسباب معينة) واحدة منها انو مخي فاضي وضحكنجية وبرضو منها( مكره اخاك لا بطل)... عليه.. يا ود البشر(ى)النبي فيك والرسول فيك، يخلي ليك عيالك ووليداتك ويحججك ومن ثم يعمرك وتشوف النبي ويرزقك ويديك الفي مرادك ويزيدك كمان وكمان ويمد في أيامك وينهي غربتك ويعلي مراتبك ويريح بالك ويديك من نعيم الدنيا واهم شئ يقدرك على طلحة ... كان ما... كان ما شنو؟ يا النبي نوح نسيت لووووول
|
|
|
|
|
|
|
|
Re: طلب خاص للأخ محمد البشرى الخضر(ما محتاجة اقول يمنع دخول طلحة) (Re: سارة علي)
|
سرور Quote: يخلي ليك عيالك ووليداتك ويحججك ومن ثم يعمرك وتشوف النبي ويرزقك ويديك الفي مرادك ويزيدك كمان وكمان ويمد في أيامك وينهي غربتك ويعلي مراتبك ويريح بالك ويديك من نعيم الدنيا واهم شئ يقدرك على طلحة |
آميييييين يا بت عمي الله يديك العافية ويديك الفي دعوتك واكتر أما دي Quote: واهم شئ يقدرك على طلحة |
فاااا done من زماااااااان وكدا اسي شغال بيه قزقزة ساي
المهم اولا آسف على التاخير زنقة بت لزينا ونت قاطع كان في البيت بدخل من الشغل مسارقة ما لاقاني البوست إلاّ كتّر خير تنظير حدثني بيه
اها يا بت العم طلبك غالي و خاطرك اغلى لكن و حاة الخوة مزرور زرة السنين دا غير انو الظروف اتغيرت وبرنامج فروم صنداي تو ونزداي تاني بح الاسابيع دي يا بتي دايرة ليها بال رايق وقراية اروق ومتابعة للبورد لا سبيل لها في الوقت الحالي دا غير عدم النفس وانعدام المزاج بصفة عامة وكدا فتديني خاطرك امي و تكوني طالباني
سلام للشباب الفوق جميع
| |
|
|
|
|
|
|
Re: طلب خاص للأخ محمد البشرى الخضر(ما محتاجة اقول يمنع دخول طلحة) (Re: محمد البشرى الخضر)
|
سارة أها عاد أقيفي النجيهك أنا دا .. الحقيقة إتي الاحرجتي جرجير ودخلتيهو في أضافرينو حتة حتة .. الزول ما قادر قدام ملايين البروف أمين القالا دي يقول ليك ما عندو حيلة لطلبك دا لأنو كما معروف زول بتاع مط وجرار وتكرار واعادة والأسبوعين تلاتة النسبا لي نفسو من دون وجه حق ديل لو لميتا كلامو فيهن كلو ما بتطلعي ليك بى عشرة خمستاشر سطر الباقي كلو تكرار واعادة بنفس المفردات ونفس الفكرة ونفس المعني ولو ما المجاملات الكتيرة الفي البورد دا زولك دا الا يبل بوستاتو القال عليهن أسابيع ديل في موية ساقطة .. الواحد ما كان يقول الحقيقة دي لكن شايفك مصرة على أنك تحرجي الزول دا .
| |
|
|
|
|
|
|
Re: طلب خاص للأخ محمد البشرى الخضر(ما محتاجة اقول يمنع دخول طلحة) (Re: طلحة عبدالله)
|
طلحه يا أخطبوط ، سلام يا حبيبنا Quote: الحقيقة إتي الاحرجتي جرجير ودخلتيهو في أضافرينو حتة حتة .. الزول ما قادر قدام ملايين البروف أمين القالا دي يقول ليك ما عندو حيلة لطلبك دا لأنو كما معروف زول بتاع مط وجرار وتكرار واعادة والأسبوعين تلاتة النسبا لي نفسو من دون وجه حق ديل لو لميتا كلامو فيهن كلو ما بتطلعي ليك بى عشرة خمستاشر سطر الباقي كلو تكرار واعادة بنفس المفردات ونفس الفكرة ونفس المعني ولو ما المجاملات الكتيرة الفي البورد دا زولك دا الا يبل بوستاتو القال عليهن أسابيع ديل في موية ساقطة .. الواحد ما كان يقول الحقيقة دي لكن شايفك مصرة على أنك تحرجي الزول دا . |
ياخي اسمح لي اختلف معاك : البشري قادر يرجع الأسابيع و عندو الوقت و المزاج ، المساله - فيما أري - طنقعه و إستوساخ غير مبرر ! البشري ده لو كان بكتب في الجرايد زينا ، ما عارفو كان عمل شنو !!
| |
|
|
|
|
|
|
Re: طلب خاص للأخ محمد البشرى الخضر(ما محتاجة اقول يمنع دخول طلحة) (Re: سارة علي)
|
الاخ طلحة صاحب القلم الرائع والكتابة العميقة والتحليل الصائب والأفكار المتجددة..شكرًا عشان فتحت عيوني الكانت مغمضة.. اصلن ما مشكلة .. مافي درس بالمجان .. بس بيني وبينك دفعت تمن غالي .. ياخ دة استوس.خني بصورة غريبة! يعني كان استجديه؟ في شآن شنو ؟ ايام اسبوعو السبعة العجاف ديل؟ ياخو بي(عجفتم) دي كان بلاهم زي ما نصحتو من هسه يستعوض ربو في موية البّل ذاااتا... ذاتو احسن انو رفض لي طلبي عشان اكسب زمني وأركز في بوستاتك المفيدة.. ومنها نتعلم كورة..
شكرًا على الجيهة يا أستاذنا ...
| |
|
|
|
|
|
|
Re: طلب خاص للأخ محمد البشرى الخضر(ما محتاجة اقول يمنع دخول طلحة) (Re: محمد البشرى الخضر)
|
حولتن!!! عزيزي الشامت.. شفت الفرق واضح كيف بين الدكتور أمين والاستاذ طلحة وبين صاحب "الغارب"؟ "الغارب" دي لو كتبا امين سهوا سااااي بأكد ليك انو حيشنق روحو.. لو الدنيا كانت رمضان كنا عذرناه... يا ود الصائم..اظنو لمن كتبا كان بالو في صورتك ام براشوت وبيفكر في كلام أمين ..وما لقى حاجة غير "القارب" تحلو.. يا ريتني لو ما فتحت البوست ده.. يا ريتني.. عشاني يا طلحة مشيها ليهوما تعلق لانك حتنهيه..نبقى عليه انحنا والتماسيح؟
الغارب؟!
| |
|
|
|
|
|
|
Re: طلب خاص للأخ محمد البشرى الخضر(ما محتاجة اقول يمنع دخول طلحة) (Re: محمد البشرى الخضر)
|
Quote: أنا كنت بستعيض (بستعيض دي طبعا بروف أمين ذاتو ما بعرف يستخدمهاخلي ود الصايم) |
جعفر المستعيض ، سلام يا حبيبنا ياخي البشرى ده دأب - و 'دأب' دي خت لي عليها كم خط كده - علي إستو ساخ الناس و تحقير مخالفيه و تسفيه ارائهم . البشرى بتعامل مع الناس بتعالي و عجرفه و طنقعه في الفاضيه و المليانه . صبرنا عليه عله يرعوي - برضو 'يرعوي' دي ساعدها لي بكم خط كده - فما زاده صبرنا إلا تماديا و لا حلمنا إلا تعاليا ، لكن أن تصل لحد إستو ساخ ساره و احراجها أمام نفسها و الملايين ممن اطلعو علي هذا البوست فهذا إستوساخ بائن و جريمة مكتملة الأركان ! أصالة عن نفسي و نيابة عن مفكري هذه الأمه و علمائها ندعو البشرى للاعتذار لساره و مواصلة اسابيع البورد في موعد لا يتجاوز الأسبوع من تاريخ فتح هذا البوست ، والله الموفق بروفسير أمين محمد سليمان : صحفي و ناشط في حقوق الوهم الهنا ديل !
| |
|
|
|
|
|
|
|