|
Re: أمسية الحقيبة تعود الى القها ببيت الفنون (كل اربعاء ) (Re: وليد عبد اللطيف)
|
بختكم يا ناس بيت الفنون الاخ الفنان مرزوق محمود معاكم والله دي متعة ما بعدها ، مرزوق فنان مطبوع والإستماع له لا يمل أبدا خاصة إذا غنى الناعسات عيونن نور جبينن هلا ما بين تبري صافي واخضراني اللـــــــــــون ،، فلقد كنا في فترة زمنية سابقة نشكل أعمدة أساسية في كثير من المنتديات التي غمرت الخرطوم وبحري وام درمان في ذاك الزمان السمح فمرزق فنان لم ينل حظه من التلميع والشهرة التي وجدها كثير من المطربين وأنصاف المطربين في هذا الزمان ، ولقد أخذت الغربة منه الكثير ، وأراهن على ان الليالي التي شارك فيها مرزوق ستكون أنجح الليالي وننتظر الحبيب علاء حيمورة لكي يأتينا بالخبر اليقين ... وبختكم يا حيمورة غايتو مرزوق ده فكو لينا سريع ما تسجنوه عندكم لانو فك التسجيل ما شام ، لو من دار الصحافة في الرياض ... مع تمنياتي لكل عشاق الحقيبة ولكل مرتادي بيت الفنون بليالي جميلة وطالما هي حقيبة حتما حا تكون جميلة .. تحياتي : ياسر العيلفون
| |
|
|
|
|
|
|
Re: أمسية الحقيبة تعود الى القها ببيت الفنون (كل اربعاء ) (Re: ياسر السر)
|
غايتو صاحبنا ( عمر حيمورة ) القاعد جنب بدر الدين اسحاق دا لو لحق مسك المايك تاني بكون هنالك مطالبات جماهيرية بحرواية ان شاء الله يغني ليك يوم في الشاطي طاب لينا السمر
اها شوفو جنس الطرب دا الصورة من اليسار عضو المنبر مدثر قرجاج غايتو ياناس الخرطوم تهججو ساكت في بحري يوم بنربط ليكم في في المنطقة الصناعية ماقلنا ليكم من زمان بحري سر الهوى
ترمة بدر الدين اسحاق زاتو غناي
| |
|
|
|
|
|
|
Re: أمسية الحقيبة تعود الى القها ببيت الفنون (كل اربعاء ) (Re: إبراهيم عبد الحليم)
|
ياناس بيت الفنون والله بالغتوا عدييييييييييل
الطرب بندوره علا الفيكم اتعرفت ..
عليكم الله سمعتوا ليكم طرب بشوفو؟؟؟؟؟
الطرب بتسمع ما بتشاف !!!
والله اناواحد زعلان خالس خالس وبقيت كلما اشوف بيت الفنون بتاعكم ده اعمل نفسي ماشايف وافوت..
بتحندكونا واللا شنو؟؟
يااخوانا قلنا ليكم سجلوا لياليكم دي وانشروها لينا عشان نطرب معاكم ..مش تجيبوا لينا صورة
وتقولوا طرب !!!
قبل كده طلبت منكم تنزلوا لينا ليلة احمد عجوز وما هببتوا لينا
مش في ناس بتكتب يوجد صور ؟ بعد كده عناوينكم لومافي ( يوجد غناء) البيت ده مابندخلوا..
الله يخدر لياليكم ويمتعكم بالصحه والعافيه
| |
|
|
|
|
|
|
Re: أمسية الحقيبة تعود الى القها ببيت الفنون (كل اربعاء ) (Re: عماد شمت)
|
Quote: والله اناواحد زعلان خالس خالس وبقيت كلما اشوف بيت الفنون بتاعكم ده اعمل نفسي ماشايف وافوت.. |
عماد شمت حبابك والله ما جاب الزعل
لكن بالجد بنخطط على اننا نحاول ننقل امسيات الحقيبة حية على الانترنت فشيل معانا الصبر وكلو بنسمع ليه ...
_______________________
الاربعاء وكل اربعاء امسيات الحقيبة الرائعة
| |
|
|
|
|
|
|
Re: أمسية الحقيبة تعود الى القها ببيت الفنون (كل اربعاء ) (Re: Hani Arabi Mohamed)
|
الاخ حيمورة لك التحيه وكثير الاحترام
شكرا ليك ياراقي بس ده من باب العشم فيكم وخاصة انتم تنثروا لنا الجمال والمحبه والخير
وكلنا امل فيكم في تطوير هذا العمل الرائع حتي ندخل بيتكم بنشوة وطرب
واتمني حتي لو صوت فقط من دون صورة.قطعا سيكون العمل فيه مجهود مقدر
وتحياتي لكل من يقف وراء هذا العمل الراقي الجميل
وتحياتي للاخ الفنان محمد اسماعيل المبدع صاحب الصوت الجميل والاداء المقنع
وتحياتي لكل اسرتك الجميلة حيمورة هم دائما في الصفوف الاماميه يضربون اروع الامثال
لكم جميعا محبتي
| |
|
|
|
|
|
|
|