|
Re: صور لأنواع الفطور لمعظم بلدان العالم (رجاءً لو ما فاطر ما تخاطر) (Re: ناصر احمد الامين)
|
Quote: يا زول انت مهكر من يهودي ؟؟؟ يا النذير ياخي حرام عليك .. راعي للناس الصايمة بي اخلاص. |
هاهاها @ ناصر والله يا ناصر معليش شكلها الصور دي عذبتك هاهاها يا زول خلي الناس دي تتمتع بعيونها هاها أجمل حاجة إنو ربنا ما قال غضوا البصر لمن تكون صايمين هاها
خلاص يا ناصر أنا ح أقيف هنا ولو في زول عايزنا نواصل ح نواصل، وللأ رأيكم شنو يا شباب؟! والله الصور الجاية شرط (أمريكي وياباني وصيني، والقائمة تطول هاهاها)
| |
|
|
|
|
|
|
Re: صور لأنواع الفطور لمعظم بلدان العالم (رجاءً لو ما فاطر ما تخاطر) (Re: سفيان بشير نابرى)
|
Quote: أكلت* مافي ؟!!!
ــــــــــــــ نذير ...كل عام وانت بخير *عصصيدة بلغتنا المحلية |
سلام يا فايز، وكل سنة وإنت طيب
يا فايز دا فطور مبسط جداً للفطور السوداني وعلشان كدا ناقصو صحن العصيدة والبيض المقلي طبعاً أنا الاتنين ديل بحبهم جداً وهما: العصيدة بملاح الروب، والبيض المقلي، وشية الجمر، والفول المصري، والبيض المسلوق الاتنين ديل بس
وشكراً على المعلومة إنو العصيدة في شرق السودان على ما أعتقد بسموها: "أكلت"
تحياتي ورمضان كريم
| |
|
|
|
|
|
|
Re: صور لأنواع الفطور لمعظم بلدان العالم (رجاءً لو ما فاطر ما تخاطر) (Re: النذير حجازي)
|
Quote: المصريين بياكلوا مسكيت في الفطور!!
|
هاهاها @ عمدة ياخي والله يا عماد المصريين ديل بالغوا بالله بيأكلوا مسكيت في الفطور؟! هاها
وبخصوص الشراب البارد شكلك كدا ياعمدة النوع اللي بعطش في رمضان، تعرف أخوك والله النوع اللي بكون خرماااااااااااااااان طول اليوم، ونفسي هسا في سيجارة، وبعديها أي حاجة أكلها بس ما يكون مسكيت هاها
تحياتي ورمضان كريم
| |
|
|
|
|
|
|
Re: صور لأنواع الفطور لمعظم بلدان العالم (رجاءً لو ما فاطر ما تخاطر) (Re: النذير حجازي)
|
ياود حجازي المسكيت اشتهيناه وكل حاجه من البلد مشتهينها لكن نعمل ايه انكتب علينا البعاد ..تعرف ياالنذير لما كنا اطفال عندنا طلعات خاصة للمسكيت
عشان كده اول ما شفت صحن البطاطس المحمر قلت مسكيت
ياخي المويه دي نعمة كبيرة انا كل يوم بشرب علي الاقل لتر ونصف في الشغل
ربنا مايحرمنا من المويه الساقطه انا غايتو رأسي ده مافيهو اي كيف
مريح نفسي علي الاخر
ياسلام الواحد لمن يعيد ويستعيد الزكريات الجملة في بلدنا الحبيب الجريح
تسلم ياحبيب وتصوم وتفطر علي خير
| |
|
|
|
|
|
|
Re: صور لأنواع الفطور لمعظم بلدان العالم (رجاءً لو ما فاطر ما تخاطر) (Re: اساسي)
|
دحين فطورك ده ماناقص مرارة ياسيد هههههههههههههه اختانا من الفطور العراقى التعبان ده وركز لينا على السورى فطور بى مزاتو مبالغة الفطور المغربى ده لو مافيه حريرة ما يبقى مافطور شايف العيش البلدى المغربى لكن ناقصاهو الحريرة اسال ود جبريل ده شكلكم كده رمضان دخل فى العضم وكل سنة وانتم جميعا بالف خير وتصوموا وتفطروا على خير
| |
|
|
|
|
|
|
Re: صور لأنواع الفطور لمعظم بلدان العالم (رجاءً لو ما فاطر ما تخاطر) (Re: عبد المنعم سيد احمد)
|
Quote: ياود حجازي المسكيت اشتهيناه وكل حاجه من البلد مشتهينها لكن نعمل ايه انكتب علينا البعاد ..تعرف ياالنذير لما كنا اطفال عندنا طلعات خاصة للمسكيت
عشان كده اول ما شفت صحن البطاطس المحمر قلت مسكيت |
يا عماد، إنت شكلك كدا من سُكان حي أركويت غرب تعرف يا عماد زمان لمن كنا شفع كنا ساكنين حي أركويت شرق، المهم المسكيت كان بقوم في المزارع والجريف غرب وديل الاتنين كانوا متاخمين لحدود أركويت شرق، المهم أولاد أركويت غرب كان عندهم طلعات للمسكيت، ولازم يجوا مارين بأركويت شرق، تخيل كنا بنعمل شنو؟ كنا بنربط ليهم في الطريق ودنقهم ونقلع المسكيت بتاعهم هاهاها وفي واحد مننا اسمو "مصطفى قرويج" الله يرحمو ويغفر ليهو زول مصيبة كان بشيل المسكيت ويبعوا في المدرسة هاهاها
تحياتي ليك وللمسكيت
| |
|
|
|
|
|
|
Re: صور لأنواع الفطور لمعظم بلدان العالم (رجاءً لو ما فاطر ما تخاطر) (Re: النذير حجازي)
|
Quote: دحين فطورك ده ماناقص مرارة ياسيد هههههههههههههه اختانا من الفطور العراقى التعبان ده وركز لينا على السورى فطور بى مزاتو مبالغة الفطور المغربى ده لو مافيه حريرة ما يبقى مافطور شايف العيش البلدى المغربى لكن ناقصاهو الحريرة اسال ود جبريل ده شكلكم كده رمضان دخل فى العضم وكل سنة وانتم جميعا بالف خير وتصوموا وتفطروا على خير |
هاهاها@ منعم وييييييين يا منعم ومشتاقين يا منعم المرارة في رمضان بتعمل تسهيلات تقيلة هاهاها والعجب الشطة كمان في رمضان ياخي مصيبة والله تاني يوم إلا تجلدو هاهاها يا منعم ياخي الفطور العراقي دا شكلو فيهو كوارع والكوارع دي بت عم المرارة هاهاها وشكلك كدا يا منعم خبرة طويلة في أنواع الأكل وللا دي جرسة ساي بتاع رمضان هاهاها وشكراً ليك كتير على فيديوهات العضة
تحياتي ورمضان كريم
| |
|
|
|
|
|
|
Re: صور لأنواع الفطور لمعظم بلدان العالم (رجاءً لو ما فاطر ما تخاطر) (Re: النذير حجازي)
|
ود حجازي اها ماشين للرابع لكن عليك الله انا بصوم 17 ساعة ونصف دي بحسبوها لي بكم!!
عرفت ليه انا بجي بتاوق بي هنا!!
ياخي قربت لكن اسمك ده ماغريب علي ياالنذير !! علي العموم نحن كنا بنمشي وراء العشش بي غادي
نرجع شي مشك في الرجلين ياكمان سكونا اولاد العشش العندنا معاهم مشكله ..
انا من الامتداد جنبك مابعيد..لكن اكيد بنعرف بعض
لكن اكتر شعب بياكل وبدون رحمة الشعب العراقي ..لا حولة ولاقوة والله انا مرات بشفق عليهم
مرات بتفرج عليهم بس بشبع ثلاثه يوم ...
نواصل ونترككم مع الصينيه الجايه..
| |
|
|
|
|
|
|
Re: صور لأنواع الفطور لمعظم بلدان العالم (رجاءً لو ما فاطر ما تخاطر) (Re: عماد شمت)
|
Quote: ود حجازي اها ماشين للرابع لكن عليك الله انا بصوم 17 ساعة ونصف دي بحسبوها لي بكم!!
عرفت ليه انا بجي بتاوق بي هنا!!
ياخي قربت لكن اسمك ده ماغريب علي ياالنذير !! علي العموم نحن كنا بنمشي وراء العشش بي غادي
نرجع شي مشك في الرجلين ياكمان سكونا اولاد العشش العندنا معاهم مشكله ..
انا من الامتداد جنبك مابعيد..لكن اكيد بنعرف بعض
لكن اكتر شعب بياكل وبدون رحمة الشعب العراقي ..لا حولة ولاقوة والله انا مرات بشفق عليهم
مرات بتفرج عليهم بس بشبع ثلاثه يوم ...
نواصل ونترككم مع الصينيه الجايه.. |
سلامات يا عمدة
ولا حول ولا قوة إلا بالله! بالله يا عمدة 17 ساعة صيام والله ربنا يعينكم طبعاً شرامة العشش ديل زمان كانوا برضو بسكونا لمن نمشي السوق الشعبي الخرطوم كداري هاها والله أيام حلوة.
ومرحب بي ناس الأمتداد، وبالمناسبة الأمتداد والصحافات وأركويت كلها حاجة واحدة وحتى مربعاتها بالترتيب من الإمتداد إلى المعمورة وكأنهم حي واحد.
وبالمناسبة اسمك دا برضو ما غريب علي، احتمال نكون إتلاقينا في مدرسة الخرطوم القديمة
تحياتي
| |
|
|
|
|
|
|
|