ماهية المعايير الجمالية ( علاقته بالهوية و الاستلاب ) - خصوصا للنساء-

حفل دعم الجالية السودانية بمنطقة واشنطن الكبري بالفنان عمر احساس
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-09-2018, 04:02 PM الصفحة الرئيسية

مكتبة بكرى الجاك(Bakry Eljack)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-12-2003, 11:45 AM

Bakry Eljack
<aBakry Eljack
تاريخ التسجيل: 02-05-2003
مجموع المشاركات: 1040

للتواصل معنا

FaceBook
تويتر Twitter
YouTube


ماهية المعايير الجمالية ( علاقته بالهوية و الاستلاب ) - خصوصا للنساء-

    الاخوة/ت اعضاء/عضوات البورد

    الاعزاء زوارا وزائرات

    تحية عطرة وكل سنة و الشعب السودانى اكثر قدرة على مقاومة الملاريا و سوء التغذية و السرطانات المستحدثة من استخدام خميرة البوتاسيوم, وكل سنة و الشعب السودانى اكثر قدرة على تحمل ورم الفشفاش من ثقالة الحكام والسياسيين كثيرى الكلام خصوصا فى التلفزيون و الراديو.
    التحية لكل شهداء الحرية والديمغراطية و شهداء الانسانية و بقول ليهم كل سنة و انتم طيبين فى قبوركم المبعثرة فى على امتداد ارض المليون ميل .
    اشعر بالاسى كثيرا للشباب اللذين تاجر بهم الترابى واتباعه و قذفوا بهم فى اتون حربا اسموها مقدسة و ليس لى الا ان ارثى على ارواحهم الضالة .

    هذا ليس هو الموضوع الذى انا بصدده ما قصدت قوله اننى افكر منذ سنوات فى سؤال فلسفى لكنه واقعى حول ما هى المعايير الجمالية التى يمكن ان نتعامل معها كمرجعية للحكم على ان تلكم المراءة او الفتاة اكثر جمالا؟؟؟؟؟؟؟؟؟؟ قد يبدو السؤال بسيطا و سهل الاجابة للوهلة الاولى لكنه ليس كذلك , فقديما قيل ان حب الناس مذاهب بمعنى ان ما هو جميل عند فرد هو ليس بالضرورة كذلك عند اخر و هو ما قاد الناس الى القول لولا اختلاف الاراء لبارت السلع . قد تكون هذه الزا وية للنظر للموضوع مريحة اذ ترجع المسالة برمتها الى المزاج الشخصى و الى رغبة الفرد فى كيف يريد ان يكون شكله و كيف يريد ان يكون شكل من يحب, الا ان الحقيقة الماثلة امامنا هنا ان هنالك حالة استلاب عام يمكن متابعة خيوطها دون عناء اذ هنالك اعتقاد شبه عالمى وخصوصا فى الجزء الجنوبى للكرة الارضية ان معايير الجمال هى كالاتى:-
    1- بياض البشرة و الاقتراب من البياض دوما يعطى صاحبته درجة فى سلم القبول الاجتماعى و الترتيب الجمالى وعلى ذلك فالنقس الحرب الكيميائية التى تدور فى غرف البنات بعد منتصف الليل
    2- طول الشعر و سواده كقيمة جمالية اصيلة بالرغم من ظهور الميج و الاوكسجين بالوان مختلفة كموضة من فترة الى اخري
    3- بياض الاسنان
    4- الطول
    5- الرشاقة وعلى ذلك فالنقس كمية الهوس التتخسيسى الذى اصبح من لازمة لتاكيد على درجة تحضر الفتاة وتمدنها
    ما ذكرته من معايير هوليس للحصر ولكن هذه هى اهم المعايير فى نظر الغالبية من خلال تجربتى و المعلوم سلفا ان كا هذه المعايير تخضع لقانون النسبية , ولكن ما دفعنى الى التفكير بصوت عالى فى هذ ا الموضوع هو اننى اطلعت على تقرير من بعض المنظمات فى السنة الماضية ان التقديرات الاقتصادية تقول ان حوالى ربع الانتاج المحلى للعالم اذ تعامانا مع العالم كدولة واحدة تذهب الى ادوات التجميل و مساحيقه و من ثم الى السجائر, و دققت بدرجة كبيرة فى الاتجاه العام الى الدعاية فى الكثير من القنوات الفضائية التى دوما تردد ان هذا الكريم الفلانى يجعل بشرتك اكثر بياضا و اكثر اشراقا و اكثر نعومة, المضمن تحت هذه الدعاية ان اكثر بياضا هى اتوماتيكيا اكثر جمالا طالما ان الغاية العليا من استخدام المركبات اصلا هو التجمل.

    علينا الاعتراف اولا ان حالة الاستلاب تجاه اللون الابيض لها اسبابها التاريخية الموضوعية تتمثل فى سيادة هذا الابيض لسنوات وقرون طويلة على عرش كل الامبراطوريات العظيمة فى التاريخ الانسانى و الابيض هو الذى يملك القوة بكل انواعها الاقتصادى والسياسى والعسكرى وهو المستعمر و هو المالك للعلم والتكنولوجيا , فالاستتباع الحضاري ليس فى مستوي الافكار و المشاريع السياسية فحسب فهو ايضا فى المستوى الثقافى الذى يجعل المعايير الجمالية فى العالم بهذا الاختلال , انا لست بصدد الحديث عن الاستتباع الحضاري ولكن بما ان هنالك فهم واعتقاد شائع لدى انسان الجزء الجنوبى للكرة الارضية ان الابيض هو الذى دوما يملك المال ويملك كل ما هو متاح فى هذه الارض وما جاورها الى درجة تجعل الكثير من الاطفال فى الدول الافريقية يتحلقون حول اي رجل ابيض حتى ولو كان سائحا لا يملك ثمن التذكرة الى بلده وهم موقنون انه يملك كل شىء , اعتقد ان الاسباب الموصوعية لجعل اللون الابيض هو المعيار الجمالى مفهومة ومستوعبة و تتفاوت حالة الاستلاب هذى ففى واقع السودان يعتقد الناس ان تكون احمر او فاتح البشرة هى المعايير الاساسية لدخول سلم التراتب الجمالى و بما ان هذه البشرة لا تتوفر لدى الكثير من السودانيين فى السودان الشمالى بالمعنى السياسى اللذين اختلطت دمائهم بمجموعات افريقية(سكان السودان الاصليين) ظل الاعتقاد ان اللون الفاتح هذا هو لون العرب وهذه حقيقة عملية فاصبح الناس اللذين يبحثون عن المعاوضة النفسية بنسب نفسهم الى قبائل عربية بل وذهب بعضهم الى التاكيد على ان لون العرب الاصلى هو السمرة وهذا جانب اخر من الاستلاب على المستوى الثقافى الذى يتجلى فى سلوك كثير من الفتيات اللائى لا يملكن المقومات البيولوجية ليملك بشرة فاتحة او تميل الى البياض النسبى , فالنسال انفسنا كيف يتسنى لاغلبية سكان افريقيا لدخول سلم المعايير المنحازة هذا وهم بيولوجيا غير مؤهلين لدخول المنافسة ثم الى متى ستظل هذه المعاييير الغير موضوعية هى السائدة فى مجتمعات تصرف بناتها ما يعادل صرف الاسر على تلكم الحروب الكيميائية و الضحايا اللائىيدفعن الثمن فى التقيح و سرطانات الجلد لا يعلمن انهن ضحايا حالة من الاستلاب المركب الذى هو ذو علاقة بسؤال الهوية سؤال التاريخ بابعاده السياسية و الاجتماعية والثقافية؟؟؟؟

    قصدت باثارة هذا الموضوع ان افجر بعض الاسئلة التى تمر مرور الكرام فانا كنت اشهد على ان انحياز الدولة السودانية ممثلا فى اختيار المذيعين والمذيعات للتلفزيون الذى يفترض ان يكون قوميا اعتباطا, ان تسمع ان وجه فلانة او وجه فلانة غير تلفزيونى ولذلك تم ابعاده من المنافسة فى الاختبارات الصورية التى هى اصلا من تصميم عصابات التلفزيون و الاذاعة هذا المستوى يمثل تجليات الازمة فى الواقع العملى اذ كيف لشخص ان يغير شكله ليصبح وجها تلفزيونيا وما هى معايير هذا الوجه التلفزيونى , طبعا فى اعتقاد العصابة ان الوجه التلفزيونى يحب ان يكون على الاقل نصف وجه خديجة بن قنة و فاطمة بن حوحو فرح بسيسو قولوا لى بربكم كيف للسودان بتكوينة الاثنى هذا ان ينتج وجها تلفزيونيا بمعايير الثقافة المنحازة التى هى اصلا ثقافة تمثل حالة الاستقطاب القصوى من الاستلاب , وهل التلفزيون اليوغندى يقوم بتعيين مزيعات عربيات حتى يجد القبول لتعذر وجود المعايير المنحازة معايير العصابات فى بلد مثل يوغندا وان توفر الشكل يكون الراس فاضى وتلفزيون السودان نموذجا و اذا اتيحت الفرصة لبعض الشينين حسب راي اللجنة هو للترميز التضليلى بان الجهاز قومى و الامور ماشة ( عبد الماجد هارون نموذجا)

    اذن كيف سيحدث هذا الانقلاب الثقافى الذى يجعل كل مجموعة تحتكم الى معاييرها الجمالية وفقا لمكوناتها الثقافية و هو فعلا ما كان سائد فى القدم , كيف يتم ذلك فى ظل ثقافات فى حالة حراك وحوار وتواصل( العولمة بكل ابعادها وتاثرها الثقافى) اما حال المستلبين(بفتح الباء) فهو موضوع لحركة التاريخ و انتشار الوعى بالذات كذات وعليه تصبح هذه الذات مهما حملت من سمات فهى تملك قوانينها الخاصة التى تقدمها للعالم
    اما الحرب الكيمائية التى تنتهى بسرطانات فى بلد مازالت الملاريا تمثل الخطر الرئيسى به و اكثر اسباب الوفيات, فا تمنى ان ينتشر الوعى لايقافها و اتمنى ان يدار حوار عميق حول هذا الموضوع عله يساعد فى زوال هذه الغشاوة الثقافية. وللامانة العلمية قد ينطبق هذا الكلام على الرجال بنسب متفاوتة الا ان الوضع اكثر تفاقما وسط نصف المجتمع الاخر.

    بكرى الجاك
                   |Articles |News |مقالات |بيانات

02-12-2003, 12:02 PM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    اخونا بكري
    تحية و احترام
    قد يختلف الناس في بقية المعايير الجمالية لكن
    Quote: - بياض الاسنان

    اظن ما فيها اختلاف
                   |Articles |News |مقالات |بيانات

02-12-2003, 12:49 PM

Shinteer
<aShinteer
تاريخ التسجيل: 04-09-2002
مجموع المشاركات: 2083

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Hussein Mallasi)

    الأخ بكري الجاك ..
    هذا الأمر (معايير الجمال) يشغلني كثيراً ودائماً ما أدخل في نقاشات مع معارفي من سودانيين وأفريقيي جنوب الصحراء .. ولم أصل إلى شيء غير تاكيدهم و"تهافتهم" على الحسناوات البيض. وحتى الشعوب الصفراء ترى في البشرة البيضاء، وقبل ذلك العيون الزرقاء، قمة الجمال. وحتى اليوم لم ألتق أحداً، إفريقياً أو آسيويًا، أو من سكان نصف الكرة الجنوبي يتغزل في اللون الأسود والشعر الأجعد.
    شخصياً أجد نفسي ميالاً لشيء آخر، غير اللون: اهتم بالقَسَمات أولاً. لا أدري لماذا لا يهتم الناس بالقَسَمات والتقاطيع؟.

    الأخ بكري الجاك .. هل لي أن أعرف رأيك شخصياً؟ وماذا تفضل؟ وإلى أي مواصفات جمالية يميل قلبك؟

    هذه أسئلة أطرحها عليك علّي أجد احداً يختلف عن السائد.

    ولك الشكر على مناقشة موضوع يشغلني كثيراً، كما ذكرت.
                   |Articles |News |مقالات |بيانات

02-12-2003, 12:54 PM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Shinteer)

    الروح
                   |Articles |News |مقالات |بيانات

02-12-2003, 12:58 PM

Shinteer
<aShinteer
تاريخ التسجيل: 04-09-2002
مجموع المشاركات: 2083

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Tumadir)

    الروح مهمة .. بس دايرة دفرة شوية.
                   |Articles |News |مقالات |بيانات

02-12-2003, 01:12 PM

msd


للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Shinteer)

    الاخ بكري الجال
    في الحقيقة اتفق معك في كثيراً مما ذكرت لكن يبقي ايضاً العامل الفردي موثر، فلكل احد رويته للجمال، اي كل شخص عنده مستقبل خاص به، بالمناسبة البيض يحبون جداً النساء الافريقيات السمر والسود، ومن ملاحظتي في اوربا ان الفتاة الافريقية تجد كل الحظوظ للزواج والصداقات، يعني فعلاً حب الناس مذاهب، بشكل شخصي انا احب اللون الاسمر بشكل مبالغ فيه، ولكني لاحظت ايضاً ان السمر يحبون اللون الابيض والبيض يحبون اللون الاسمر، يا شيخ لولا اختلاف الامزجة فعلاً لبارت السلع.
                   |Articles |News |مقالات |بيانات

02-12-2003, 01:47 PM

ibrahim eldeen


للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: msd)

    Dear brother
    I just want to say that I live in South Africa but a very few example showed that black women preferable than white color insteade they are inferior !!!! I dont know the situation in other counrties
                   |Articles |News |مقالات |بيانات

02-12-2003, 04:28 PM

Bakry Eljack
<aBakry Eljack
تاريخ التسجيل: 02-05-2003
مجموع المشاركات: 1040

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Hussein Mallasi)

    الاخ حسين

    بنظرة عميقة كل المعايير فيها اختلاف و المرجعية الثقافية لهل تاثير كبير على الاختيار
    صادفت بعض القبائل بغض النظر عن الموقع لتجنب سوء الفهم التى تعتقد ان رائحة العرق (الصنان) هى من علامة الرجولة, وان الريحة الفيوم وبياض الاسنان دلالة على التخنس و الفقر,

    احترم وجهة نظرك و اتمنى ان تشاركنا فى قلب الموضوع

    بكرى الجاك
                   |Articles |News |مقالات |بيانات

02-12-2003, 01:05 PM

ودقاسم
<aودقاسم
تاريخ التسجيل: 07-07-2003
مجموع المشاركات: 11129

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    الصديق بكري
    هذا موضوع قيم وطرحك جميل ، وقد سبق لي أن طرحت موضوعا من خلال البورد يتحدث عن الجمال الأسود ، لكن الاخوة في البورد يبدو أنه لم يعجبهم هذا فاختفى الموضوع وذهب إلى آرشيف المنبر ، المهم أنا أرى أننا جميلين وأن الأسود منا ليس في حاجة للتبييض ولا أرى سببا للتطلع للبيضة ، ولا أرى للأبيض منا سببا للتطلع للسواد ،
    أما معايير التلفزيون فهي معايير مختلة والنتيجة واضحة في مخرجات إعلامنا ، أو بالأصح ( إعلامهم )
                   |Articles |News |مقالات |بيانات

02-12-2003, 01:40 PM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: ودقاسم)

    مما يجيبو سبرة البياض والناس البريدو الابيض...
    اتذكر قصتين: قصه فى السودان لما "ابراهيم" ود حلتنا عرس "نوال"

    وقصه فى امريكا لمن " بابكر" عرس "كرستبنا"

    اول حاجه عرس ابراهيم دة الشفع الغبش قريوا يهدوا الكوشه من الدفسيبه...والعرق..والمخاخيت والقهييه...(العروس زى الفمره) اخوات العريس ديل ما بعاينو لينا من شدة ما اتفرضمن علينا وشافننا زرق وشينين...لمن نسوا انه لونهن..زينا او اخدر مننا شويه...
    والغريبه بنات العروس ما بعاينوا ليهن..بعاينن لى بنات بحرى...بيوووض متل الشب...والشعور دى متل الليل...

    المهم مارست حلتنا فى تلك الليله العنصريه على اصولها...وبنات الحله رجعن حردانات وزول عاين لمرايه بعد العرس داك مافى...مشينا جدعنا خلطات الكستر والكركم..والرول..الخليناهم فى الشبابيك.ونمنا مغبنين..والصباح اصبحنا حاقدين لكن فى صمت...
    اما اخوات العريس فمشكلتهم كانت اكبر..بعدموقفن العنصرى التافه معانا..بقوا ما عندهم وش..ونحن اتشكلنا..مليشيات...بقينا عصبه حاقدة ضدهن...العريس رحل بحرى...وحلتنا ياها دى...حيمشن يتفرجن فى المسلسل وين؟؟؟وحيقيفوا فى خشم الباب يقدمن منو وبتونسوا بالساعات...بلقوها عند الغافل...

    ومضت اسابيع من الحرب البارده...بيننا ولبن اخوات العربس...لمن حننونا ...وبعد داك نسنا الموضوع...وبفينا نتبادل براءات البنات...معاهن..."زورروق" زينا ..وخوتنا فى محلتها...

    بس بعد شهور بدت الوسوسه..."نوال " عروس ابراهيم مسيخه...نوال تغيانه...اهلها ماحطرمونا...محطرمونا محطرمونا...نوال..بقت سمينه قدر الدبه...نوال بيتها مبشتن..نوال..ولدت..يوم السمايه ما اهتموا بى ضبوفنا...محطرمونا

    وارتفع صوت الشناف..والمحطرمونا....حتى اصبح الجميع فى الحى صفا واحدا ضد " الحلبه"..واصبحنا نتلذذ بتسفيهها عند ما تزور بيت نسابتها..حتى حينما نلاحظ انها ظريفه مرات...وان الحرب الطاحنه...ربما تكون وسيله اتخذتها اخوات ابراهيم لاسترداد عشرتنا الحلوه وايامنا العامره فى الحله..لكن تقديرا لموقفهن المتهاون نتغاضى عن ظرافتها ونتمادى فى تحطيم معنوياتها الحلبيه البيضاء.
    المهم اننا حققنا انتصارنا العنصرى الاول...بجداره..تفوق وقفة ابطال معركة ام دبيكرات ضد المستعمر.

    وترانا فى ذروة حالات التحطيم المعنوى خصوصا فى حفلات الاعراس التاليه، نصرخ بهستيريا واضحه عندما يجىء مقطع مثل " اصلو الجمال ادوه الخدر"..صراخا تدوى له الارجاء: واصلو الجمال ادوه الخودووووور وطق اطق اطق اطق...ايوى ايوى ايووووى...
    ونحن نتجاهل تماما نظرات نوال المفزوعه من حقدنا الجماعى..الصارخ.

    (اصحى الاولاد للمدرسه واجى احكى ليكم قصة بابكر وكرستبنا)

    (عدل بواسطة Tumadir on 02-12-2003, 01:53 PM)
    (عدل بواسطة Tumadir on 02-12-2003, 02:29 PM)

                   |Articles |News |مقالات |بيانات

02-12-2003, 02:02 PM

nada ali
<anada ali
تاريخ التسجيل: 01-10-2003
مجموع المشاركات: 5258

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    الاخ بكرى
    تحية و سلام
    اهتم كثيرا بهذا الموضوع، خاصة ربطه بمسألة الهوية، فلك التحية لاثارته. اعتقد قبل فترة كان هناك نقاش فى هذا المنتدى حول مسألة استخدام مساحيق التبييض ايضاً و كنت أود المساهمة فيه لكن للأسف لم أجد الوقت لذلك.

    فى عام 1995 طلب منى أحد الأصدقاء المناضلين أن اساهم بافكار حول مواضيع تهم المرأة ليتم تناولها فى اذاعة التجمع الوطنى الديمقراطى. اذكر اننى كتبت له فى ذلك الوقت (ضمن اشياء اخرى) انه رغم كل المشاكل التى تواجهنا كسودانيات، فان الكثيرات للأسف مازلن منهمكات فى مشاريع للتخسيس او التسمين، و فى استخدام الكريمات التى تمسخ الوجه للون الفاتح... او شىء من هذا القبيل. و بعد سنة، فى عام 1996 قدم أصدقائى و زملائى/ زميلاتى مؤسسى/ات ال
    Sudan Cultural Digest Project
    فى الجامعة الأمريكية بالقاهرة تقريرا حول الأبحاث التى قاموا/قمن بها وسط السودانيين/ات من الجنوب فى القاهرة و فى معسكر كاكوما و بعض المناطق الأخرى. و ذكر احدهم ان "بعض اخواتنا ايضا انبهرن باللون الأبيض و اصبحن يستخدمن كريمات تبييض الوجه لدرجة أن هنالك مثل يقول " الوجه مثل لون الميراندا و اليد مثل لون الكوكاكولا" و بالطبع قوبل هذا الكلام بالكثير من الضحك و الاستهزاء و النقد لهؤلاء الفتيات. اذكر اننى استأت حينذاك و قلت لمقدم الورقة اننا لا يجب ان ننحو باللائمة على البنات اللائى يستخدمن هذه الكريمات، بل علينا البحث فى الأسباب التى أدت لذلك. ومنها أن الجمال فى الكثير من ثقافاتنا اصبح يتم تشكيله وفق اللون الأبيض، وان ذلك يتم استغلاله و تكريسه بواسطة الدعاية التى تقوم بها شركات انتاج هذه المواد. عقب ذلك نقاش طويل تباينت فيه الاراء و ذكر أحد الحضور انه لن يسمح لاى من بناته استخدام مثل هذه المساحيق ل"تغيير جلدهن" والا فالويل لهن، و ذكر اخر انه لن يتدخل اذا ما قررت احدى بناته استخدام احد هذه الكريمات.

    من ناحيتى، رغم اننى لن استطيع ان افرق بين علبة أحد هذه المساحيق و بين علبة ورنيش ابيض، اعتقد اننا لا يجب أن نفرض على النساء ان لا يستخدمن هذه المساحيق، فقط للحفاظ على "هويتنا"، بل يجب ان نبذل جهدا فى البداية حتى نقتنع جميعا أن ذلك يجب ان يتم،
    لان هذه المساحيق تسبب التجاعيد المبكرة و الأمراض الجلدية، و امراض الكلى
    وايضاً
    لان الواننا جميلة

    و سأعود و حتى ذلك الحين اطلب منك ان تأتينا بمثل اخر غير ’لولا اختلاف الأنظار لبارت "السلع".’ و يا ود قاسم كيف يمكن الحصول على موضوعك حول الجمال الأسود؟
    ندى
                   |Articles |News |مقالات |بيانات

02-12-2003, 02:21 PM

مراويد

تاريخ التسجيل: 08-09-2003
مجموع المشاركات: 0

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    لووووووووووووووووول
    بكرى الموضوع فعلآ فيهو اشياء كتيره تستحق الحوار, اسمح لى اضحك اول و بعد الشغل بجى للنقه

    ملاسي

    Quote: اخونا بكري
    تحية و احترام
    قد يختلف الناس في بقية المعايير الجمالية لكن

    بياض الاسنان


    اظن ما فيها اختلاف


    تماضر

    Quote: الروح


    شنتير

    Quote: الروح مهمة .. بس دايرة دفرة شوية.


    msd

    Quote: يا شيخ لولا اختلاف الامزجة فعلاً لبارت السلع.


    ندا

    Quote: اطلب منك ان تأتينا بمثل اخر غير ’لولا اختلاف الأنظار لبارت "السلع".


    and the hammer

    تماضر

    Quote: ماحطرمونا...محطرمونا محطرمونا محطرمونا محطرمونا محطرمونا


    تماضر بطرقتك دى بتكتلى ليك زول...ضحك..مسرح يا وهج

    و..دنيا صفا ..دنيا...
    لى بعدين
                   |Articles |News |مقالات |بيانات

02-12-2003, 02:50 PM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: مراويد)

    مراويد..ولا يهمك بس ركز معاى.

    اها القصه التانيه قصه يايكر العرس كريستينا...

    بابكر كمل تعليمه واشتغل فى احسن الجامعات فى ولاية ANSO

    لما حبته كريستينا زميلتو فى التدريس...وقررت ترحل وتسكن معاه...مسكها من ايدها وقال ليها الكلام دة غلط..نحن نتزوج على سنة الله...وقداسة المسيح..

    فرحت كريستينا..واحمرت خداها زيها وزى اى خدان من خدود بنات الجليد..والانجلوسكسونيا...
    وبدوا يطبعوا فى الكروت ويعزموا فى الاصحاب من الولايات المجاورة...
    وحجزوا القاعه...وجابوا الماذون والقسيس وسامى المغربى...والعشا...
    وجابونا نحن...

    اها السودانيات اتحننن واتجيهن ولبسن دهبن ومرات بناطلين جينزهن..وقشرن وبدن فى " ابهى حله" ياعملات كتب المطالعه.

    جينا العرس وكان نكوذج لعرس علبر للفارات متحضر...راعوا فيه الاختلافات الثفافيه واتقدمت فقرات متنوعه..مت كل ثقافه قطره...ومن كل دين فقره.

    المهم فى اثناء الاحتفال كان اكتر زول معكنن...العروس...

    لما بابكر قالى..اتفربى ليها...مشبنا انا وبنات ظريفات..وقعدنا نتراقق ليها بالانجليزى

    WHAT IS WRONG??

    WHAT IS GOING ON??


    المهم لما بدينا نخنسها ونسالها انقلي وشها الى فشفاش كامل زبدت تتنخج بالبكا...

    اها غلبتنا الحيله ونادبنا ليها بابكر...وطلع معاها بره الصاله...وبدا يحنس ويحنس...المهم فى الآخر جو وواصلوا الحفله...بوجهها الفشفاشى وكان فى وجه بابكر ابتسامه ماكره...

    المهم وقبل ما نمشى اهلنا...اخذنى بابكر على جمب وفال لى انتى عارفاها كانت بتبكى ليه؟؟؟ قلت ليه ليه؟؟؟

    قال لى قالت السودانيات سمحات

    اها من القصتين ديل ورونى اسمح البيض ولا السود؟؟

    واصلو الجمال ادوه ال......جاوب واكسب
                   |Articles |News |مقالات |بيانات

02-12-2003, 02:38 PM

nabta


للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    الصديق العزيز بكري الجاك عاطر التحايا واستميحك عذرا في ان اطل عليك عبر الصديق نبتة
    اتفق معك في ان نظرتنا الجمالية لها علاقة وثيقة بي هويتنا وبما انني في السودان نعاني من استلاب الهوية الاسلاموعربية لنا لذا نجد ان الاغلبية تشترط في الجمال ان يكون ابيض وايضا الغالبية تشترط ان تكون الانثة مكتنزة اللحم والشحم ومشيتها من بيت جارتها الي بيتها مشي السحاب الوجل وطبعا هذا المقياس ايضا مستلف من العرب لكن لو نظرنا الي الاوربين بي المقابل فانني لا نستطيع ان نربط نظرتهم الي الجمال بهويتهم كما هو حالنا يوجد الكثير منهم يحبذون اللون الاسود والكثيرين منهم يسافرون في الصيف الي الاقطار التي تستطيع فيها الشمس وتكون لديهم رغبة تغير الوانهم وايضا عادي جدا ان تري اوربي يعشق فتاة سوداء او العكس فتاة اوربية تعشق فتي اسودوايضا هم لا يحبذون السمنة في النساء .
    يبدو لي ان من الصعب تحديد مقياس جمالي يمكن ان يحتكم له الجميع لكن اعتقد ان نظرتنا الجمالية لها علاقة وثيقة بي طفولتنا وزاكرتنافكلما كان الشخص يملك ملامح تشبة صور ايجابية في زاكرتنا فانني نقول ان هذا الشخص جميل.
    منذ زمن بعيد محيرني سؤال لم اجد له ايجابة وهو لماذا دائما ما يربط بين الجمال والقوام والكثيرين لا يقرون بي امكانية وجود امراءة جميلة جدا وقصيرة كانما ان من شروط الجمال الطول
    ولك كل الود بكري
    شريف محمد ادم
                   |Articles |News |مقالات |بيانات

02-12-2003, 03:03 PM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    ياسلام
    بوست ظريف خالص
    انا راجعة بعدالشغل
                   |Articles |News |مقالات |بيانات

02-12-2003, 03:44 PM

عشة بت فاطنة
<aعشة بت فاطنة
تاريخ التسجيل: 06-01-2003
مجموع المشاركات: 4572

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: الجندرية)

    بكري الجاك سلام وكل سنة وانت الف خير ،
    وبركة الجيت ، وانا طبعا زعلانة منك وبيني وبينك بنات دولة اكسوم وانت عارف
    الموضوع خطير والاخطر منو الطرح والافق البضوي النيل ، لحدي ما ارجع
    اليك لوني اللون الذي يسحرني ويجعلني اسبح فاغرة الفم في ابداع الخالق الوهاب ، انه لون الابنوس الاسود الرصين لون الصحة والعافية ، وما يحزنني في سفرتي الاخيرة الى السودان وجدت ان ميري عبثت بهذا الخلق البديع وطمسته جريا وراء البياض وطمس الهوية ,
                   |Articles |News |مقالات |بيانات

02-12-2003, 04:27 PM

Abo Amna
<aAbo Amna
تاريخ التسجيل: 01-05-2002
مجموع المشاركات: 2199

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: عشة بت فاطنة)

    تحية طيبـــــة

    الواحد بس ما بلقي صور سودانية في الانترنت وبتحسس من التعامل معاها ..













    مع تحياتي

    أبو آمنة
                   |Articles |News |مقالات |بيانات

02-12-2003, 03:52 PM

أبو ساندرا
<aأبو ساندرا
تاريخ التسجيل: 26-02-2003
مجموع المشاركات: 15487

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    1-بكري الجاك
    موضوع ظريف وتناول حريف ونتوقع للبوست الرواج
    معايير الجمال تتعرض لهذا الذي ذكرت وعبرت عنه بحالة استلاب سببه الرئيسي ازمة الهوية السودانية التي لم ننجح حتى الآن في بلورة توصيف واضح لها وتحديد مقوماتها
    هذه الازمة لا تطول فقط مسألة معايير الجمال بل تتعدى ذلك الى مجمل نظرتنا وتعاملنا مع مكوناتنا ، ويمكنك ان تلحظ حالة الاستلاب في الفن ،مثلآ وردي قامتنا الفنية العالية مرجعه الفني محمد عبدالوهاب الى درجة انه اسمى ولده تيمنآ به ، ومصر كلها لا تعرف شيء عن وردي بينما نجد قبول واسع لوردي في القرن الافريقي ، وبشكل عام نبذل الجهد للفت انتباه العرب لفننا ونتجاهل حديقتنا الخلفية القرن الافريقي ، وهناك العاقب والجابري ، بل شرحبيل ذاتو عروبي الهوى الغنائي وهو المؤهل لفتح نفاج غنائي تجاه غرب افريقيا ( بوعي ناهض )
    عايزين امثلة تانية ؟ ممكن ،لاحظوا اسماء احياء الخرطوم الجديدة ، الرياض ، الدوحة ، العزبة ، الطائف ، الزمالك وهذا حي جديد (لنج) غي الخرطوك لدي فيه قطعة ارض افكر في بيعها بسبب الاسم ، آل زمالك آل وطبعآ هذه الاحياء يقطنها العروبيين ، ومن الناحية الاخرى تأمل احياء الهامش ومسمياتها من شاكلة زقلونا وطردونا وجبرونا واطلع بره
    2- تماضر
    ( محطرمونا) تذكرت سؤال صديقي عن حد المساطيل


    ثمة ملاحظة : ان هناك اتجاه لتبضيع / تسليع المرأة عبرت عنه بعض الردود
                   |Articles |News |مقالات |بيانات

02-12-2003, 04:12 PM

Shinteer
<aShinteer
تاريخ التسجيل: 04-09-2002
مجموع المشاركات: 2083

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: أبو ساندرا)

    الأخ نبتا كتب:
    Quote: اتفق معك في ان نظرتنا الجمالية لها علاقة وثيقة بي هويتنا وبما انني في السودان نعاني من استلاب الهوية الاسلاموعربية لنا لذا نجد ان الاغلبية تشترط في الجمال ان يكون ابيض

    الأخ نبتا .. اقتبست كلامك هذا لشيء في نفس يعقوبي الخاص .. وأرجو أن تكون أميناً معي .. لأني أريد أن أعرف:
    من الواضح أنك على الضد مما تسميه بالاستلاب "الاسلاموعربي" .. مثلما أنا محصن من الاستلاب الغربي تماماً. طيب يا استاذنا .. ماذا تفضل أنت؟ ما رأيك أنت الذي لم تتعرض للاستلاب؟ وحتى لا تشطح وتفترض في نفسك فيلسوف زمانه .. فإن العرب والمسلمين على السواء هم من مفتوني البيض والعيون الخضر؟ في هذه الحالة لا فرق بين "الاسلاموعربي" و"الآفروقردي" و"الآسيوكلبي".
    ورينا انت رايك شنو؟ هل تفضل اللون الأسود على الأبيض أم لا؟ هل تفضل الشعر الأجعد الـ مافي زاتو على الشعر الطويل أم لا؟ هل تفضل الأنف الأفطس على الأنف المستقيم أم لا؟
    صراحة أنا مهتم بمعرفة آراء الأفراد. بالذات بكري الجاك وانت يا نبتا .. وكل الاخوة المشاركين.
    الأخ مراويد .. والله أنا ضحكت قبييييييييل .. إنت يا دوب ضحكت؟ أنا ضحكت لسبب عملي محض .. وإن أردت معرفة هذا السبب .. أُحيلك للسيد كوفي أنان .. وسلم لي على زوجته

    (عدل بواسطة Shinteer on 02-12-2003, 04:54 PM)

                   |Articles |News |مقالات |بيانات

02-12-2003, 03:56 PM

Rawia

تاريخ التسجيل: 23-11-2002
مجموع المشاركات: 8396

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    بغض النظر عن راي ولا عن اي شي

    انا في حياتي ما شفتا اجمل من طفله عمرها خمس سنوات شقراء و عيونها زرق و شعرها دهبي




    و انا مع حكايه الروح دي

    و برضو راجعه بعد الشغل
                   |Articles |News |مقالات |بيانات

03-12-2003, 06:19 PM

doma
<adoma
تاريخ التسجيل: 04-02-2002
مجموع المشاركات: 15894

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Rawia)

    والله انا مع تماضر الروح الجميله ما بتحتاج اي دفره ولو كايس ليك دميه يا شنتير امشي اشتري ليك باربي.
                   |Articles |News |مقالات |بيانات

02-12-2003, 04:03 PM

Raja
<aRaja
تاريخ التسجيل: 19-05-2002
مجموع المشاركات: 16034

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)


    الزميل العزيز بكري الجاك،،
    الموضوع جميل جدا طرحا ومضمونا.. والمداخلات جميلة جدا.. برضو طرحا وموضوعا،،
    في رأيي ان أي بنت أو سيدة، وأي شاب أو رجل به جمال ما يرضى غرور شخص ما يرتبط به،، بمعنى انك اذا جلت بنظرك في الشارع لرأيت الآتي.. شاب وسيم للغاية وبصحبته بنت غير وسيمة.. ونستطيع ان تدرك على الفور من نظرة هذا الشاب إلى أي مدى هو طاير بمن معه، ايضا تقابلك سيدة زي فلقة القمر شايلا ليها طفل تسال نفسك هل هو ابنها او بنتها يا رب.. إلى ان يظهر زوجها الشيييييييييييييين.. لتسال نفسك مرة اخرى.. ماذا اعجب هذه السيدة في هذا الرجل..
    وعليه: اضيف مع الحبيبة تماضر،، الروح،، وأضيف مع العزيز شانتير الدفرة التي يمكن ان تكون في ترتيب المظهر ومعرفة ما هو جميل فينا لإظهاره وما هو غير ذلك لمعالجته بالأساليب التي نعرفها من كحل، وروج مناسب وتسريحة مناسبة... الخ
    قصرتا..؟
                   |Articles |News |مقالات |بيانات

02-12-2003, 04:40 PM

إيمان أحمد
<aإيمان أحمد
تاريخ التسجيل: 08-10-2003
مجموع المشاركات: 3468

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Raja)

    الأستاذ بكري الجاك
    أولا لك التحية علي طرح الموضوع وعلي الموضوعية والوعي في تناوله.
    أوافقك علي مسألة الاستلاب تجاه الشمال الجغرافي/ الأبيض دي. وقد كتبت الزميلة زولا قبل فترة حول كريمات التبييض وآثارها الجانبية (بما فيها العناء النفسي الذي تدخل فيه المستخدمة). كانت هناك ردود مميزة فليتك تجد ذلك البوست (لا أعرف كيف أربط عنوان بوست آخر فاعذر جهلي).

    تعليقي الإجمالي علي المعايير التي أوردتها أعلاه: أظن أن لأمريكا دور كبيييييير في إنتاج الصور النمطية للجمال stereotypes for beauty بصورة مستمرة ومتجددة. فصرعة الرشاقة أو التخسيس هذه مرض امريكي اجتاح هذه القارة في الثمانينات ومازال. ولا أرجو أن يخلط البعض بين كلامي هذا واهتمامي الكامل بأن يكون جسد الفرد صحيحا، معافي من الأمراض، ويتمتع باللياقة البدنية التي تضمن له/ا حياة أفضل (وفي روايات أخري عمرا أطول أيضا). وكنت قد علقت علي بوست نشرته إحدي الأخوات نقلا عن جمعية إسلامية في توليدو بأمريكا خلال رمضان، يتحدث عن الصيام ودوره في التخسيس!! علقت بأن رمضان قد دخل صرعة التخسيس الأمريكية، فهنيئا لرمضان بالعولمة.

    أسمح لي أن أفرع موضوع سؤالك أيضا: أليس من حق المرأة أن تنظر إلي معايير الجمال في الرجل أيضا، وكيف يري الرجل نفسه في هذا الإطار، أو في هذه الدوامة أو العلبة الأنيقة لأكون أكثر تحديدا؟؟ وهل هو علي استعداد بأن يتحول إلي a male Barbie doll؟؟

    عموما لي عودة وتسعدني قراءة المداخلات أعلاه!
    (أستاذ أبو ساندرا: شكرا للرد الذكي!)

    إيمان
                   |Articles |News |مقالات |بيانات

02-12-2003, 04:48 PM

Raja
<aRaja
تاريخ التسجيل: 19-05-2002
مجموع المشاركات: 16034

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: إيمان أحمد)


    الحبيبة ايمان،،
    يسلم تمك.. أؤمن تماما انه مثلما للمرأة سمعة يجب ان تحميها.. للرجل ايضا.. ومثلما تعتبر المرأة في بعض الأذهان عورة، فالرجل ايضا.. ومثلما يمكن ان نضع مقاييس مادية لجمال هذه او تلك فاللرجل ايضا..
    معلومة.. المرأة ايضا عندها نفس ومقاييس للجانب الآخر لا علاقة لها بـ "الجيب" الذي يقال انه يعيب الرجل..
                   |Articles |News |مقالات |بيانات

02-12-2003, 05:14 PM

Nada Amin

تاريخ التسجيل: 17-05-2003
مجموع المشاركات: 1626

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    بكري الجاك

    عيد سعيد و كل سنة و انت طيب
    كل مواضيعك بتعجبني و دايما أكون عاوزة أشارك فيها لكن بقول لازم مشاركتي تكون بحجم قوة الطرح...و أجلها شوية لحدي ما أروق و أكتب ....و يختفي الموضوع. لكن المرة دي أصله ما حأفوت الموضوع ده لأنه عندي فيه كلام كتييير! بس أروق شوية و أرجع.
                   |Articles |News |مقالات |بيانات

02-12-2003, 06:25 PM

msd


للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Nada Amin)

    السوال ده بالمناسبة للبنات فقط وما داير اي واحد عندو شنب يجاوب عليهو يعني ما هي المقاييس الجمالية للرجل، بالمناسبة لفت انتباهي حدث لذيذ كده في حفلة في المانيا، كنا مجموعة من السودانين قامت بت المانية قعدت جنب واحدة سودانية وقالت ليها ياختي بالمناسبة انتو اولادكم كلهم حلوين شديد قامت اخوتنا اتعوذت وعملت لينا بخور كده وقالت هيييييييييي بنات النصاري ديل عينهم حارة وانا خائفة تكون البنت طقتكم عين، يا بعني يا جماعة السودانين ديل ما عارفين روحهم ساي، وبرضو مرة كنت شغال مع ناس عرب في السودان، وكل مرة يسالوا فينا ويعلقوا في الانسان بتاعت السودانين وقالو ليا والله السودانين ديل عندهم سنون سمحة خلاص، غايتو دي فضفضة وفك زهج ومشاركة كده صغيرة لكن بالجد يا بنات شنو السماحة البتعجبكم في الاولاد.
    بالمناسبة في السودان في حاجات ما مرتبطة في اللون وبتعبر من مقاييس الجمال زي النونات والشامة الفي الوجيهو متكية والفلجة في السنينات وديل بصراحة ما عندهم علاقة باللون وغيره، تصدقوا بالمناسبة انا بريد اللون الاسمر شديد ولكن لما عرست ما عرست مرة سمرة وطلعت بيضة ما اصلو العرس ده قسمة ولكن تصدقو بتي طلع لونها اسمر زي الريدو،، غايتو انا عارف ان الموضوع سياسي مبطن باجتماعي لكن انا اخدتو اجتماعي فقط.
    ارقدوا عافية

    (عدل بواسطة msd on 02-12-2003, 06:29 PM)
    (عدل بواسطة msd on 02-12-2003, 06:29 PM)

                   |Articles |News |مقالات |بيانات

02-12-2003, 07:14 PM

Bakry Eljack
<aBakry Eljack
تاريخ التسجيل: 02-05-2003
مجموع المشاركات: 1040

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Nada Amin)

    الاخ شنتير:

    شكرا لهذا الحضور الانيق
    حقيقة السؤال صعب لكن دعنى احكى لك تجربة شخصية , ففى النصف الثانى من التسعينات و انا فى طريقى الى اسمرا تقطعت بى السبل فى بعض دول الشرق الاوسط ( او ما يسمى بالهلال الخصيب) وبالرغم من ان سكان تلكم البلاد ليسو بالبيض الا ان الغالبية يملكون بشرة فاتحة تميل الى الاحمرار فطوال تجوالى فى تلكم الشوارع لم اشعر باي نوع من الانتماء او حتى ان التفت نظرى الى اننى اعيش الحياة كما يجب, وكان يدهشنى ان اري حالة الاستلاب القصوى فى شوارع دمشق حينما اصادف بعض السودايين اللذين تزوجوا من فلسطينيات ودافع الطرفين مختلف , ومع احترامى للتجارب المغايرة الا اننى تلمست ان دافع الشاب السودانى عادة ما يكون انبهاره بالبشرة و تراه ممتشقا كانه امتلك اغلى شى فى الوجود , اما الفتاة الفلسطينية فهى فى حالة اللاوطن و يكفى ان تجد وطن فى شخص الزوج, فعندما حلت بى الطائرة فى اسمرا بدات احس اننى وصلت الى مكان اري فيه اناس يستفزون رغبتى فى الحياة, واللون الافريقى يريحنى حقيقة فى تقبل الشخص , اما التجربة الاخري فكانت فى علاقتى باللون الابيض عبر علاقات قوية و مميزة و لم استطع ان اتجاوز فيها نظرتى للاخر الذى يروق لى و يسكن قريبا من نفسى, والبقية فى المسنجر يا شنتير لو كنت راغبا.

    المبدعة تماضر:
    الروح واشياء كثيرة تدخل ضمن حبنا للاخر و مدى قربه الى نفسنا , اعتقد انه اذا استطاع الانسان ان يصل الى درجة عالية من التماهى فى الانسانية تصبح الروح هى جوهر المعايير الجمالية و هذا صعب المنال بوجود التعقيدات المادية والقضايا الحياتية الشائكة,
    تماضر انا لمن قلت ليك بحب ناس المسرح كنت عارف السبب شنو , انا والله ما عندكم طريقة غير انكم تقبلونى معاكم, والله يا تماضر شدة ما ضحكت من جوة العصب الحى لمن رميت الكى بورد وده كان سبب التاخير فى الرد على هذا الالق الجميل الذى تمثل فى كل الموقعين فى هذا الركن الانسانى,
    الشناف و ما احطرمونا دى مبالغة ,,,,,,,,,,,,,,,,,,,,, ربنا يديك الصحة والقدرة لامتاعنا بهذا القدر من الجمال و الوجود الخلاق.

    الاخ MSD
    فى المستوى الفردى و ما يتعلق بالاختيار اعتقد ان الموضوع يرتبط بالامزجة الا انه لابد لنا ان نعى بمسالة اساسية تكمن فى السؤال عن الكيفية التى يتكون بها هذا المزاج الذى يشكل القاعدة المركزية للاختيار الفردى, وهو ما يقودنا الى نقاش الظاهرة المسماة بالاستلاب و من ثم تفكيك الاسس الموضوعية التى انبنت عليها هذه المعايير بشكل تاريخى تحليلى و هذا سيقودنا حتما الى علاقة ذلك بالهوية فى مستوياتها الذاتية(الفرد) و الكلية (المجتمع /الدولة) , اتمنى ان يتواصل الحوار حول هذا الموضوع من هذه الزاوية

    الاخ ابراهيم الديم:

    ارجو ان تسلم لى على الزعيم الافريقى الفلتة مانديلا , و ان تزور قبر سيسيلو وتضع عليه باقة من الورود فهؤلاء اعطونا تجربة انسانية سيقف عندها التاريخ والقادمون كثيرا, تفضيل المراءة البيضاء فى جنوب افريقيا و افريقيا عموما هو فى تقديرى يرجع الى حالة الاستلاب المركب التى تعانى منها القارة بشكل عام و بنسب متفاوتة , ولكى تتغير هذه الوضعية لابد للانسان الاسود من النهوض وتقديم تجارب انسانية مماثلة فى القها الحضاري لما يقدمه البيض وهذا لن يحدث ما لم ينتشر الوعى بالذات و موضع هذه الذات من الاخر.

    الاخ ودقاسم:
    اتمنى ان تاتى بالمشاركة الرئسية لبوستك الى هنا فهى حتما ستعطى الموضوع بعدا اخر, اما موضوع الملوخية و الخضرة و ام تكشو و السبروق (الورق فى الجزيرة ) و ام بقبق ( البامية المفروكة) فاتابع و اعتقد ان له علاق وطيدة بهذا الموضوع باجراء القليل من المقاربات المنهجية, فاذا بنا نحارب الاغذية المعدلة وراثيا لمصلحة حياة خالية من الامراض فايضا شن حملة على الحربالكيميائية سيجنبنا الكثير من الامراض و السرطانات و كيف لنا ان نقتنع بان الاشياء فى اصولها اجمل و اكثر نضارة.

    الاخت الدكتورة ندي مصطفى
    احييى فيك هذه النهضة و النظرة الموضوعية الشاملة للموضوع بجوانبه المختلفة( الثقافى / السياسى/ الاقتصادى) سعدت جدا بمشاركتك ذات الاضافة الثرة والغنية و التى اتمنى ان تتواصل
    و بخصوص قولك
    سأعود و حتى ذلك الحين اطلب منك ان تأتينا بمثل اخر غير ’لولا اختلاف الأنظار لبارت "السلع".’ و يا ود قاسم كيف يمكن الحصول على موضوعك حول الجمال الأسود؟
    اولا دعينى اعتذر مبكرا لك ولكل نساء بلادى ونساء الارض بلا تمييز عن اللبس الواضح الذى يمكن يثيره استخدامى الى مثل هذه الامثال الشائعة التى بلا شك تحمل مدلولات ذكورية والمثل طبعا انتاج ثقافة ذكورية اذ انه نصور المراءة كانما هى فى سوق للعرض و ان اختلاف امزجة المشتري (الرجل) هى التى تعطى القبول للنساء باختلاف اشكالهن , اذا تبادر الى ذهن اي منكم/منكن رجالا ونساء اننى قصدت هذا المعنى فانا اعتذر و لكن عميق اسفى , الا اننى حاولت فقط ان استخدم المثل فى اطار فلسفة قبول الاخر ليس الا ومسالة القبول هذى ستكون موضوع نقاش اخر قد يقودنا الى من هو الذى يحدد معايير القبول ؟؟؟ وكيف يحدد هذه المعايير هذا اذا نزلنا بالحوار الى مستوى النظرة الفردية و التى هى ليست ما قصدته من اثارة الموضوع و ربطه بحالة الاستلاب التاريخى , اتمنى ان تعودى تعطرين هذا المكان ببعض من عبير كلماتك المليئة بالتجارب العملية والعلمية ولك كثير احترامى.

    الاخ مراويد:
    والله انا بضحك من ما دخلت البوست ده لهس و قدر ما اتذكر ما احطرمونا دى ارجع اضحك تانى, يا خى قربت اكسر الكمبيوتر, ارجع سريع وما طول نحن فى انتظارك.

    تماضر مرة اخري:

    اي جمالا هذا الذى جعلك تنتصبين عالية فوق كل الاشياء القصوى , ابدعى و اتمسرحى و يا بختنا بيك
    اعضك على انفك كثيرا و اعض عاصم على انفه اكثر

    الاخ نبتة( شريف )

    وينك يا راجل , انتصب و اقفا ومحييا الى رؤيتك التى عمقت الموضع وو ضعته فى الاتجاه الصحيح, اتفق معك حول حالة الاستلاب فى مجتمعات وسط السودان (بالمفهوم السياسى للوسط), اما مسالة رغبة البيض فى تغيير الوانهم فهى تدخل فى اطار الموضة و الرغبة فى التغيير على الاقل هذا حسب تقديرى للمسالة , فانا اعيش فى مدينة ساحلية سياحية يؤمها السياح من كل بقاع الارض و سبق لى ان التقيت ببعض الاوروبيين اللذين يمكثون ساعات تحت الشمس فى مدينة تصل درجة الحرارة فيها الى 50 درجة فى شهور الصيف, و انا اري فعلهم هذا يمكن تفسيره فى بند الماعندك بتحبو و بتحن ليه, و هذه وضعية مغايرة من وضعية مجتمعات الجزء الجنوبى من الكرة الارضية, فهم ليس لهم ادنى عقد نفسية تدفعهم للتحرق باشعة الشمس. اتمنى ان تعود الى هذا الحوار

    الاخت الجندرية:
    ارجعى و سريع عليك الله منتظرين البعد الجندري لحالة الاستلاب الثقافى , نحن فى انتظارك

    عشة بت فاطمة:
    فعلا انت طالبانى مشاركة فى موضوع الابارق و الجنس , ما نسيتك بس قاعد اوثق فى المشاركة و بفتش ليها فى مراجع اكثر دقة انت عارفة ده تاريخ شعوب , شايفك مشغولة بلمة ناس مسقط و بالخضرة و التقلية مع ود قاسم و خليت موضوعنا يحتل فى بئر بكرى , خلينا نجيبو راجع تانى, ارجعى و سمعينا غناك فى البياض الماخمج , و الكساتر بتاعة ناس تماضر الماحطرموم.

    الاخ ابوامنة:
    ابدعت اها صورة و صوت وبعد مغاير لفكرة الجمال , ادينى زيادة بالله , انا كنت دخلت كورس تحميل الصور بتاع ابا لكنى نسيت كل الكورس.

    ابوساندرا
    تحياتى لرشيدة , و الامورتين ساندرا وماهيتاب
    اول حاجة اقول ليك بيع الارض طوالى بلا زمالك بلا اهلى و الله اخر زمن, الاسماء السودانية كملت , ولا الخيال السودانى عجز, لكن حقيقة حالة تدعو للاسى والى الرثاء فى ان و احد, النموذج الانسانى الفريد لدى كثير من السودانيين هو مصر , ورايك شنو لو قلت ليك انو فى ارتريا و اثيوبيا السودان يعتبر ممثلا لحالة استلاب ثقافى لتلك الشعوب, و صدق نايريري و صدق نكروما, بدل نكون افضل الافارقة اختار ساسيننا ان نكون ارزل العرب, وكمان مع نبذة و شوية شتيمة, كويس عشان على الاقل نفهم انو نحدد نحن منو و عاوزين شنو, سؤال الهوية سؤال كبير و بالرغم من الاجتهادات الجادة لبعض الكتاب الا ان الموضوع مازال يحتاج الى مزيد من البحث,

    الاخت راوية:

    رايك مهم طبعا , وفى انتظار سماعه, لكن ما قلت لى البت الشقرا الشعرها ذهبى دى فى السودان يلدوها كيف؟؟؟؟
    انا والله بالجد بالرغم من زنقة شنتير لى فى نوعية الناس البحبهم لكن حقيقة مرات تلقى نفسى بحب الناس من كل الاصناف و ده صحيح فا لبضبط الافضل بالنسبة لى قرب يروح منى,

    العزيزة رجاء:

    اتفق معاك جملة وتفصيلا اذا انزل السؤال على المستوى الفردى و مستوى الاختيار الفردى, انا شخصيا تلفت نظرى المراءة التى لا تضع اي مساحيق اكثر من غيرها اذا اخذنا الموضوع من هذه الناحية, طيب ماذا سنفعل بضحايا الاستلاب اللائى يخضن حربا كيميائية لا لشىء الا لاعتقادهن ان البشرة الفاتحة هى الاقرب الى المعايير الجمالية , كيف لنا ان نشيع وعيا يقنع كل انسان امراءة كان او رجل ان ما لديه من خصائص موروثة كانت او مكتسبة هى ما يميزه عن الاخرين, و خصوصا اللذين يحاربون قوانين البيولوجيا بالكيمياء.

    الاخت الدكتورة ايمان:

    لم يسعدنى حظى بقراءة ذلك البوست و لكن اذا امكن لما لا ناتى بالمشاركة الرئيسة الى هنا اذ كثيرا ما يتكاسل الناس من الذهاب عبر اللنك الى الموضوع الاساسى,
    مساهمتك قيمة و مليئة بالبعد العملى و العلمى اتمنى ان يسعفك وقتك بالعودة حتى نواصل البحث عن الاثار الجانبية للكوزمتكس و علاقة ذلك بالهوية الذاتية و الجمعية و كيف يمكن ان يسهم حوارنا هذا فى تغيير الذهنية السائدة فى دوائر الاجهزة المتحكمة و بعد عودتك ساروى لك تجربة عملية مع جهاز تلفزيون السودان القومى. نحن فى انتظارك و بالمناسبة فعلا اجابة ابوساندرا ذكية و اللبيب بالاشارة يفهم.
    اما اثارة الوجه الاخر من العملة اي المعايير الجمالية عند الرجل فهذا من دواعى سرورى فهذا فعلا سيضيف الى الموضوع بعدا هاما و جديدا غير مطروق ( اي ضمن المسكوت عنه فى مجتمعاتنا السودانية) و لعل السبب فى ذلك يرجع الى سيادة ثقافة ذكورية تجعلة مقبول باي شكل كان وهو طبعا صاحب اليد العليا و الطولى حسب السائد الذى نحن بصدد تفكيكه وهدمه لبناء ثقافة انسانية رحبة تحترم الجميع بقدر متساوي و تمنح الخصوصية حقها دون انتقاص فى النظرة والتقييم, اتمنى ان نسمع ان فلانة رفضت الزواج من علان ليس لقلة ماله او علمه ولكن لانو شكله لم يعجبها فانا لم يسعفنى الحظ بمصادفة هذا النوع المباشر ولكن صادفنى الرفض المغلف تحت تضنيفات اثنية و عرقية ما اكثر ذلك.

    الاستاذة ندى امين:

    شكرا على روحك الطيبة حضورك البهى و كل سنة و انت طيبة و فى انتظار عودتك التى ستكون محملة بالدرر المعرفية بلا ادنى شك فاستعجلى قبل ان يفتس حجر الموضوع.

    ولكم جميعا حتى وتقديري و اتمنى ان يتواصل الحوار

    بكرى الجاك
                   |Articles |News |مقالات |بيانات

02-12-2003, 06:45 PM

abuarafa
<aabuarafa
تاريخ التسجيل: 20-05-2003
مجموع المشاركات: 962

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    الاخ/ بكرى الجاك
    حقيقة موضوع جميل جدا ونحنا فى نقاش يومى مع الزملاء و الزميلات حول هذا الموضوع و شخصيا انى ارى ان المعايير الجمالية مرتبطة اولا
    بالبيئة التى نشأ فيها الشخص المعين و نوعية الثقافة التى تلقاها
    طوال سنين عمره ثم احتكاكه بالعالم الخارجى فاعتقد ان المعايير
    تختلف من شخص لاخر فمثلا اذا كان العرب فى الجزيرة العربية كانوا فى الماضى يرون الجميلة هى المكتنزة فنجد قبائل الدينكا فى جنوب السودان يرون الجمال فى الطول بغض النظر عن اللون الفاتح و الذى هو معيار فى السودان الشمالى .
    اما علاقة المعايير الجمالية و علاقتها بالهوية و الاستلاب خصوصا للنساء فانا اعتقد ان السودان حالة طارئة و لا زال يرزح تحت نير مفاهيم مستلبة و غير حقيقية فمنها ما يرتبط بالقديم و التراث و منها ما ارتبط بفترة الانقاذ الحالية و التى حددت للسودان شكل واحد
    و حتى فى مجال الفن التشكيلى ظهرت مدرسة الواحد و فى مجال الغناء
    سمح فقط بالمدائح و اشعار الحماسة و الفراسة و لكن عندما يزول هذا الغبش حتما سوف تتغير المعايير .
                   |Articles |News |مقالات |بيانات

02-12-2003, 07:58 PM

Roada


للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    الأخ بكرى تحية طيبة،
    أتمنى أن أعود فى بمشاركة طويلة، و حتى ذاك الحين ..
    أرجو تسليط الضوء على القيم الجمالية فى الرجال أيضا.
    فأذا ما كان الأستلاب الحضارى و (الدعائى)يقود الكثير من النساء الى الرغبة فى
    ال(الماتش) مع (الأمدج) التى تقدم لهم كالأنموذ الجمالى الذى يجب أن يعتد بة الجميع...فالتعبير عن هذة الرغبة (فيزيائيا) طبعا يأتى فى أستخدام (الأدوية) المجملة كما تكرمت بعض الأخوات المشاركات فى الحديث عنها.

    السئوال ماهو المعادل لفعل (المرأةهذا عند الرجل؟
    أى ماذا يفعل الرجل حتى يبدو جميلا...أو وسيما لنكون (بوليتكلى كوركت)

    ماهى المواصفات (الجماليلة أو الوسامية) التى تبحث فيها المرأة عند الرجل.


    حتى ذلك الحين، تحياتى ، و عليك وزوارك (بجيمس بلدوين)

    (عدل بواسطة Roada on 02-12-2003, 08:00 PM)

                   |Articles |News |مقالات |بيانات

02-12-2003, 08:26 PM

nabta


للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    كل الود ومشتاقين يا بكري
    العزيز شنيتر ان من سايكلوجية الانسان المهزوم ان يتمثل قيم واساليب الاخر الذي انتصر عليه اذا كنت تتفق معي انه لا يوجد في العالم انسان ابيض او علي الاقل لا يوجد في السودان انسان ابيض اذا فلماذا يوجد كثيرين منا يربطون الجمال بي اللون &الابيض & لا شك عندي ان اللون الاسود عاني لفترات طويلة من الاضطهادفي تاريخ الانسانية لذا نري انه في اغلب اللغات دائما ما يربط القبح والسوء بي اللون الاسود ولدينا نحن السودانين الكثير من الامثلة التي تكرث لهذا الواقع بل ان الاغلبية ترفض ان يطلق عليها لقب اسود ولكن بمجرد مغادرة حدود السودان يدرك الكثيرين انهم اناس سود وهكذا تبداء طائفة بي تطور نفسها في اتجاه رؤيتها لنفسها وتوجد طائفة اخري تصبح اكثر تطرفا في رفض اللون الاسودومحاولة التماهي في اللون الذي يزعم انه ابيض
    قد تكون محق يا عزيزي بكري في ان البعض يحب التغير مستعين بي نظرية الجديد شديد لكن يوجد اخرين لديهم رؤية اخري وهذا يا عزيزي يقودنا الي نقطة اعتقد انها مهمة جدا وهي ما هي المقايس الموضوعية للجمال لا شك ان كثير من تلك المقايس يمكن ان تتاثر بي الثقافة السائدة ولكن بما ان الانسان كائن متفريد بمعني انك لا تستطيع ان تجد شخصان متماثلان لذا تدخل المقايس الفردية وهنا يكمن تعقد العملية وتداخل الوعي واللاوعي في تحديدنا للجمال فالبعض مثلا يكون الطول لديه عامل مهم في تحديد الجمال والبعض الاخر تكون العيون عامل مهم والي الاخر وحتي لو اخذنا مقياس واحد فايضا سنجد صعوبة في تحديد الحمال فية فمثلا البعض يعتقد ان الشعر الاسود هو الاجمل واخرين يرون الاشقر هو الاجمل وهكذا يا عزيزي من الصعب ان نتفق في موضوع الجمال بي النسبة لي بصورة خاصة فانني اعتقد ان كل من ارتاح له هو انسان جميل واعتقد ان اللون الاسود لون جميل جدا ولكني لا اعتقد ان مسالة اللون مهمة في تحديد الجمال فالانسان الجميل جميل حتي ولو كان بمبي سوري اقصد ابيض شريف محمد ادم
                   |Articles |News |مقالات |بيانات

03-12-2003, 00:51 AM

مراويد

تاريخ التسجيل: 08-09-2003
مجموع المشاركات: 0

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    اخونا بكرى و المشاركين/ات
    من الافضل تحويل السؤال ل"ما الذى يجعل هذا/ه الانسان/ه تبدو/يبدو اكثر جمالآ؟؟" ليس من باب ال political correctness وان كانت ضروريه,لكن لنخرج من حلقة تحويل النساء لobject جنسي/جمالى,ثانيأ تتيح فرصه للحوار و الونس حول معايير الجمال فى المجتعات المختلفه بمختلف ثقافاتها و اعراقها و شرائحها الاجتماعيه و اوهامها و احلامها ...الخ,و الاهم هو كسر احد التابوهات الكثيره فى السودان و لنتحدث بعاديه عن امر يشغل/شغل ذهن الكثيرين/ات مننا,تصورات النساء تم اختزالها من قبل المجتمع الذكورى فى المثل الشائع "الراجل ما يعيبو الا جيبو" و هو يلغى كثير من الجوانب اللازمه لنجاح اى شراكه ناهيك عن مشروع شائك و معقد مثل العلاقه العاطفيه..
    صحيح ان الاعجاب قضيه فرديه,لكن كل انسان/ه هو/ي ابن/ه مجمعه/ا, و موهوم من يعتقد انه تخلص من كل احكام و معايير المجتمع و لنأخذ هنا معايير الجمال.
    سالتنى احدى الصديقات الخواجيات,لماذا يميل الافارقه و الاجانب من دول العلم الثالث "مع تحفظاتى على التعبير" الى النساء البدينات او الممتلئات؟؟ هل لانهن قليلات الحظ فى الحصول على علاقه مع شخص من مجتمعهن لانهن لا يطابقن معايير الجمال فى هذا المجتمع,كان هذا سؤالها.
    من ناحيه التفسير لحد ما سليم ,فكثير من الاجانب/ الاجنبيات لهذا السبب او ذاك يقيمون علاقات مع نساء/رجال حظوظهم ضعيفه بمعايير مجتمعهم المجحفه, لكن وهذه تجربتى و ما حولى ,فى كثير من الاحيان يلعب المعيار الجمالى دورآ كبيرآ فى هذا الشأن,بوعى او دون وعى من الشخص المحدد,مثلآ امتلاء الجسد هو ميزه جماليه عاليه فى كثير من المجتمعات عكس وسط اوروبا و ما تفرضه الميديا من معايير.و لا زلت اذكر صديقي الذى كانت له علاقه مع زميلته "النحيفه" و حين اراد الزواج قامت الدنيا ولم تقعد لانها "كملانه من لحم الدنيا",نفس هذه الانسانه لو حضرت لامريكا او اوروبا قد تكون من الجميلات المرغوبات...
    قصدت ان ابدأ بنقطة "السمنه والنحافه" لان الالغام فيها اقل,حسب اعتقادى,و الناظر مثلا للوحات القرون السابقه الموناليزا مثلآ,سيلاحظ انها "مجليه" من معايير السوق السائده اليوم كما تمثلها الموديلات/المغنيات/الممثلات هذا فى حالة النساء.

    ساعود لاحقآ.....و ين باقى المساهمات
                   |Articles |News |مقالات |بيانات

03-12-2003, 05:45 AM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: مراويد)

    ازيكم ؟
    قريبا كنت بشاهد فى برنامج فى اللفزبون عن ال Biological beauty

    و كانت الفكره الرئسية فى البرنامج ان الرجل او المرأة يبحثوا عن الرفيق ذو الصفات الجينبة القوية و القادرة على الاستمرار و المنافسة فى الحياة و ده شى غريزى
    يعنى الواحد بيكون بيفتش على معايير معينة للجمال و بالمناسة هنالك نسب معينة و معروفة للعلاقة بين مقاسات اعضاء الجسم . يعنى النسبة بين طول الازرع لطول الجسم و طول الانف لول الوجه و حجات ذى دى . دى معايير الجمال , طبيا معروف انه اصحاب هذه النسب او الناس القريبة منها هم الاكثر صحة و الاقدر على الانجاب . و هناك شى اخر هاو ال Symmetry
    اعنى ان النصف الايمن يكون مطابق تمام للنصف الايسر .
    فى حاجه ح اقولها انا عارفه انها ح تفتح على نيران فى البورد . بس ده الى اتقال فى البرنامج الطبى ده . هو ان الشقراوات هن اكثر صحة و مقدرة على الانجاب من السمراوات لهذا الرجال فى كل العالم يفضلون الشقراوات
    الكلا ده ما ممقنع بس لو عاينا لى جنفرلوبيز و كيف هى بقت ايكون للجمال فى اوربا و امريكا و بعض الناس اللى ما عندها موضوع عندنا رغم انها لاتينية و ليست شقراء
    هل من االممكن ان اقول انه حتى فى السودان الرجال ( دون وعى ) تقيس على ان البيضاء موازيه للشقراء ؟ الله اعلم
    بالنسة المرأة هى تبحث عن الرجل الطويل و الخ من الصفات البدنيه لنفس السبب ( البقاء)
    بالمناسبة حتى بياض الاسنان دليل على الصحة

    حاجه صغيره : من الناس المعروفين و اللى عندهم مطابقة غير عادية للجزء الايمن و الايسر سندى كروفر و توم كروز
    ومع السلامه

    (عدل بواسطة smart_ana2001 on 03-12-2003, 05:49 AM)

                   |Articles |News |مقالات |بيانات

03-12-2003, 08:19 AM

Bakry Eljack
<aBakry Eljack
تاريخ التسجيل: 02-05-2003
مجموع المشاركات: 1040

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: smart_ana2001)

    تماضر:
    خليك معانا شوية بحكوة وحكوتين و بالمناسبة جاييك بهناك فى مسالة الاعتداء على الزوجات و العنف المنزلى و حاحكى ليك تجارب شعوب القرن الافريقى فى الاعتداء على المراءة والى اي مدى ان مثل هذا السلوك اصبح عميقا فى تكوين التركيبة النفسية للمراءة.
    بس واصلى حكى عشان المرة دى مش الكى بورد و بس احتمال الاسكرين.


    الاخ ابوعرفة

    التحية لك و لعرفة كمان
    اتفق معك ان البيئة دور كبير وهو قد يساهم ضمنا مع العوامل الموروثة فى تشكيل صورة الانسان امراءة كانت او رجل, الا اننا لابد ان تغى دوما ان هنالك ما هو مكتسب و هذا يتمثل فى جملة التصورات و الاعتقادات التى يتشريها الفرد من الثقافة وبالضرورة ربما تتفق معى ان هذه الثقافة هى التى تحمل هذه التشوهات المشبوهة المتمثلة فى التصورات الخاطئة التى يبنيها الفرد عن نفسه وهى تساهم مع عوامل اخري لتفرز الوضعية التى نطلق عليها الاستلاب فى المستوى العام لتشخيص الحالة الراهنة فى وسط السودان بمفهومه السياسى بشكل كبير, طبعا للامانة حتى الاطراف و الهوامش لم تنجو من حالة الاستلاب بل ان عملية اعادة الانتاج الثقافى التى تعرضت لها الهوامش كان لها اثر كبير فى ذلك , للاخ الكاتب ابكر ادم نص تحت اسم اربعة تغريبات فى سفر الاحزان , ففى داخل هذا النص يتطرق ابكر الى حالة الاستلاب فى احدى الاغانى التى يرددها الناس فى منطقة جنوب كردفان و فى طقس حصاد اللوبيا وهو معروف بسبر اللوبيا فيقول
    عندى بنية حمرا جلوا من صغيرا راسها رورو
    المعانى واضحة لسكان تلكم المناطق, فحمرا دلالة على ان لها بشرة فاتحة, اما الرورو فهو شجر طويل يماثل شجر البان و رسها رورو دلالة على ان شعرها طويل .
    تتضح الرؤية بمدى الاستلاب الذى تعرضت له تلكم المجموعات, فالصورة الجمالية تتمثل فى درجة بياض البشرة و طول الشعر حتى وان كانت قوانين البيولوجيا الوراثية تمنع علميا و عمليا من انجاب طفلة بهذه المواصفات, اذن ما الحل؟؟؟ فى حالة المستلب( بفتح اللام) هى خوض الحرب الكيميائية على مستوى الفرد ( البنت) و العمل على اثبات الانتماء بالنسب عبر اليات الرواية و الا نتماء الى العنصر العربى يمنح المستلبين حالة من الراحة النفسية و القبول الاجتماعى المتوهم بالرغم من ان العرب انفسهم ضحايا حالة استلاب اكبر تجاه ثقافة العالم الابيض, و المؤكد ان هنالك تطبيقات مادية و عملية ذات بعد نفعى مصلحى يتمثل فى التدرج الوظيفى و احتكار وظائف بعينها .
    اتمنى ان تواصل الحوارمعنا.

    الاخت العزيزة رودا:

    شدى حيلك و خلصى امتحاناتك, فكاودا , الكرمك و ابيي حلفا و طوكر فى انتظار نجاحك العلمى الذى سيسهم لا محالة فى اضاءة شموع فى طريق الظلام لبناء السودان الجديد,
    اعتقد ان المعايير الجمالية للرجل تشابه الى حد كبير المعايير الجمالية للمراءة وبالتحديد ان الرجل ذو البشرة الفاتحة و الشعر السبيبى الناعم و ذو الاسنان الناصعة البياض و الممتشق القامة بلا سمنة مفضل عند النساء, هذا اعتقاد من عندى فانا حقيقة لم اسمع امراءة فى حياتى (سودانية يعنى ) تتكلم عن مواصفات الرجل الذى تحب ان ترتبط به, يمكن للحضور البهى للانسات هنا من الاضافة فى هذه الزاوية, لكن دعينا ننظر الى المسالة فى اطارها العام الذى يمثل حالة الاستلاب الكلية وغياب الوعى بالذات , وفى احسن الاحوال الوعى بها وهى متماهية فى نموذج المستلب(بكسر اللام) فالمجتمع رجالا و نساءا هو ضحية سجن ثقافى كبير تحكمه حزمة من القوانين الثقافية المركبة التى بالضرورة لها تطبيقاتها المادية فى الواقع الحياتى, ارجو ان نجد اضافات فيما يتعلق بامعايير الجمالية للرجل فى نظر المراءة على نربط ذلك فى مستواه النهائى بالهوية و الاستلاب و كيفية المساهمة فى اشاعة الوعى بالذات للتحضير الارضية ليتحقق الانتقال باهوية من الظرفية الى التاريخية تحت مظلة الوحدة فى اطار التنوع حيث ليس مسالة بوتقة الانصهار المزعومة ماهى الا محاولة جديدة من الالتفاف و اعادة الانتاج و كل بما عندهم من خصائص يجب ان يكونوا فرحون. فى انتظار عودتك.

    الاخ نبتة( محمد)

    اتفق معك انه من الصعب اذا لم يكن من المستحيل الاتفاق على معايير جمالية لكل الناس و لعل هذه هى الحكمة فى ان الاستمرارية المطلوبة لمسيرة البشرية ترتبط بالتعدد و الاختلاف واختلاف المعايير و المرجعيات هو الذى يحقق مبدا التعدد و الاختلاف , اتفق معك ان تجربة السود فى الارض مليئة بالذكريات و الشجون الاليمة التى جعلت ان الانتماء الى اللون الاسود او حتى كلمة الاسود فى اللغات عامة ذات دلالات سلبية و عنصرية,
    اليوم الاسود
    اللستة السوداء
    السحر الاسود
    The black list
    اعتقد ان موضوع التمييز اللغوي عبارة عن ميدان خصب للبحاثة اللذين يمكن لهم ان يسهموا فى كثير من الاضاءات, المطلوب فى اعتقادى لتجاوز حالة الاستلاب هو
    •الوعى بالذات و بموقعها من الاخر
    •النهوض بثقافة سوداء تسهم ايجابا فى مسيرة الانسانية وتغيير صورة الاسود المستعبد و المزلول , التغيير طبعا ليس على النموذج الامريكى الذى جعل مجرد مرور رجل اسود امامك يذكرك بالموت .
    اتمنى ان تواصل معنا

    الاخ مراويد:
    اضافة ثرة و بعد اخر للموضوع لم تكن على بالى , بالرغم من اننى لا اميل الى يذهب الموضوع الى معايير الفرد الجمالية المفضلة بقدر ما اتمنى ان ينحى الموضوع الى وجهة عامة ليس باستخدام مناهج وصفية للظاهرة , بل باستخدام مناهج حفرية ابستمولوجية تعيننا على فهم لماذا اننا حيال هذه الوضعية و ليس الاكتفاء بوصف وجود وضعية الاستلاب. فى انتظار عودتك و نشوف راي الجمهور فى النحافة والبدانة.
    العزيزة sMart –ana 2001
    اتمنى ان تفسرى لنا بعض الاشياء الواردة فى نقلك عن البرامج يعنى ماذا يعنى الجانب الايمن و الجانب الايسر, اما مسالة ان الشقراوات اكثر حظا فى الانجاب و اكثر صحة فهى مثلها مثل كثير من الاعتقادات السائدة, كفاءة الرجل الاسود جنسيا , و قوته البدنية و البعض يعزى تفوقهم فى العاب القوى لهذه الاسباب, اعتقد ان مثل هذه الاعتقادات تمثل ملاحظات اولية لم تدعم بالدراسة العلمية المتعمقة و هى تصبح مثل كثير من الاراء الظنية مثل ان البطاطا المحمر يسبب السرطان و بعد ايام تسمع ان البطاطا يساهم فى علاج السرطان, ارجو ان تواصلى معنا و تورينا المواصفات الطبية عشان نشوف علاقتها بالهوية و الاستلاب , اذا صح الموضوع بتاع صحية الشقراوات فالعالم حيكون فيه حملة شقرنة كبيرة.

    ولكم عميق ودى و احترامى جميعا

    بكرى الجاك
                   |Articles |News |مقالات |بيانات

03-12-2003, 09:36 AM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    بكرى الجاك...

    انا ذاتى لما قربت محطرمونا دى بعد داك ضحكت..
    شكرا لدهوتك لى للكتابه هنا وانت عارف انا بحطرمك قدر شنو...لكن الساعه حسه عندنا اتنين (بالليل) وفى الساعه الزى دى دمى ما بكون خفيف...

    فعلى السماجه العلى دى كنت دايره اامن على نظريه الصحه ...

    واعترض على حكايه انه التخسيس وممارسه الرياضه..هم ممارسات تهافت على الجمال والمقاييس الجماليه...ختى لاينصرف عنها الناس ...قالواقع ان الانفتاح على الثقافه الصحيه كل يوم بزيد فى تشجيع الجنسين على ممارسة الرياضه..التى تقى من امراض القلب والضغط وتزيد افراز العرق وتخلص من السموم والاملاح الزائده ...والنساء بعرفن فائده العرق للبشره والشعر..وكله..
    فالواقع ان الشخص الصحيح..شخص جميل..غالبا...وكما اتفق معظم المساهمين...

    اما قوه الجينات التى يبحث عنها الآخر فى رفيقه (الاول) فهو قول مناسب..وممكن..بس الشقراوات ما اكثر قدره على الانجاب...ياخ انا خالتى سعاد ولدت سبعتاشر...قول ما شاء الله...وما شقراء بل مشلخه وصفراء هاهاها...

    الافريقيات ديل كبوا كميه من الاجنه...خرافيه...لو ما المرض وبيئتنا المهببه...كان فاخرنا بهم الخواجات...

    العامل التانى هو الذكاء الاجتماعى والمعرفه بلغه الجسد...يعنى فى ناس حسمهم وقسماتهم بليده..فى الرجال والنسوان..حتى لو ملامحهم (جميله) بمعايير موضوعيه...خارجه عن طرحهم الذاتى لصورتهم كجسد وملامح...بعنى معرفة الشخص بمزاياه وعيوبه وطرح صورته امام الآخرين/ بزيد او بقلل من قبول الاخرين ليه..بعنى ما ضرورى بثقه وبس...ممكن يكون شى ما ملموس ولا مقصود...(يحلى) الواحد فى نظر الاخرين...ودى الروح..وصدق القائل (ماشرطى السماحه كفاى طيبة اخلاقو)
    والياء فى شرطى زائده للاماله...

    اما الجانب الخطير فى (صناعة)القيم الجماليه والترويج ليها...فهى ترجع فعلا للصراعات الثقافيه...والتيارات الراسماليه المسيطره على العالم اليوم...وانا بفتكر انه الفن المرئى (سينما تلفزيون مسرح تصوير تشكيل) والمسموع( موسيقى غناء) ومكتوب(شعر روايه) لعب دور اساسى فى غسل مخ العالم بمن هو (الجميل) والباقى لايسوى قلامة ظفره...تبعته شركات الاعلانات وصناعه المنتجات التجميليه (وتمت الباقى) ولن بداوى هذا الداء الا فن مضاد له..فن منحاز للعاديه...ليثيت قيم جمال الانسان العادى الحقيقى..الفعال الذى تقع عليه مسئوليه اطعام..وانتاج احنياجات الانسانيه...كل يوم...

    السؤال الاصلى : فى انسان ما جميل؟؟؟

                   |Articles |News |مقالات |بيانات

03-12-2003, 09:45 AM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    ولا في كائن ماجميل؟
    ياخي الدنيا دي حلو خاااااااااالص
    حتى الشجرة الناشفة
    مش المفروض يكون مصدر جمالها الخضرة
    لمن تنشف برضو جميلة
                   |Articles |News |مقالات |بيانات

03-12-2003, 10:24 AM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: الجندرية)

    اخى بكرى
    قصدى الجانب الايمن و الايسر من جسم الانسان او وجه الانسان
    اما البطاطس المقلية اللى بتجيب سلطان . الكلام ده من استخدام الزيت اكثر من مره فى التحمير .
    اما حكاية الشقروات دى الله اعلم
    و بس
                   |Articles |News |مقالات |بيانات

03-12-2003, 10:17 AM

AlRa7mabi
<aAlRa7mabi
تاريخ التسجيل: 15-08-2002
مجموع المشاركات: 1334

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    الأخ بكري

    لا أدري ، ولكن بدأ لي الموضوع وكأنه يتشابك مع سلسلة من حلقات ( رنّت ) أصواتها في هذا البورد ، وكلها تتماشى مع سياسة / أجندة التشكيك في سلوكيات و ( عفويات ) مجتمع ، له الحق كسائر المجتمعات في أن يعبّر عن رغباته .. في المشي .. والطعام .. واللبس .. والحب ونظرته للجمال ، دون أن يّلوح له من حينٍ لآخر بعصى الإستلاب .. والذوبان في ثقافات أخرى .. وهذا ( إستلاب ) في حد ذاته .. أن تسلبني متعة أن أختار .. وأن أقرر .. وأن أنتزع من جميع ألوان الطيف اللون الذي يروق لي

    ولا أجد فرقاً ابداً حينما يأتي ( صبية ) النظام العام المتزمتين في الأسواق ليضايقوا هذه أو تلك بحجة عدم شرعية لبسها وبين أن يأتي من يقول لك إن أحببت لونا غير ( اللخدر واللسود ) فأنت مستلبٌٌ ..

    غير أن ما شدّ إنتباهي

    أولا :

    رغم طرحك للأسئلة ( المشروعة ) ومطالبة الناس بالتعبير عن رؤاهم .. إلا أنك انزويت جانبا آخذا معك ذراع حبيبي شنتير لتهمس له في أذنه خلف الكواليس حينما سألك صراحة عن رأيك .. وكان الأجدر بل والأصوب أن تعلن عن رأيك هنا حتى يبدو الأمر للآخرين وكأنه فعلا يحمل مفهوم طرحه الواضح دون أن تجبرنا على فهم ما وراء السطور .. بحق وصدق ..

    ثانياً :

    الإزدواجية في محاولة فهم الأمور ومحاولة ( تفهيمها ) لنا قسراً .. وكأنه ( حلال عليهم .. وعلينا لا ) ، وهذا يتضح جليا في تأمينك واتفاقك مع أحد المشاركين بقولك :
    Quote:
    أتفق معك حول حالة الاستلاب فى مجتمعات وسط السودان (بالمفهوم السياسى للوسط), اما مسالة رغبة البيض فى تغيير الوانهم فهى تدخل فى اطار الموضة و الرغبة فى التغيير على الاقل هذا حسب تقديرى للمسالة


    ولا أستطيع هضم أن تقرر بملء الفم أن ما يحدث في وسط السودان من ( ركض ولهث ) في تغيير أنماطهم هو ( محض ) استلاب .. وبين ما يقوم به ( البيض ) من تشميس لتغيير ألوانهم هو ( محض ) موضة ليس إلا .. بس كييييييييييييييف ؟؟؟؟

    ما أفهمه أن هذا السودان الواسع الشاسع حملت له الرياح من جنباته الأربع مختلف البذور .. فجادت السماء بمائها .. فأنبتت هذه الأزهار والرياحين .. فدعونا نتنسم من كل زهرة ( شمة ) ودع كل ( ساق ) وردة ترقص مع الرياح كلٍ حسب مرونتها ولدانتها .. وكل أهل السودان جميلين وحلوين .

    كسـرة :

    يا تماضر مع احطرامي ليك ( الروح ) حلوة يا تماضر بس دفرة شنتير مطلوبة ، ذكرتيني غنمي طرعى ، الظاهر إنو حرف الطاء دي أداة طيعة جدا وهي ( جميلة ) في حد ذاتها

    كسرة تاني :

    أنا يا ناس بعجبني ( الصوت ) الصوت دا فيهو جمال عجيب يا ناس ..
    وتاني بتقتلني ( العيون ) وبخاف منها شديد
    وتالت ( الوجنات ) الزي الفي المراتب ديك ( بتلفت نظري )

    وأكتر حاجة .. يا جماعة

    ( البسمة تحرق في الحشا )

    رحمابي

    (عدل بواسطة AlRa7mabi on 03-12-2003, 02:15 PM)

                   |Articles |News |مقالات |بيانات

03-12-2003, 11:27 AM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: AlRa7mabi)

    الاخت تماضر
    تحياتي
    Quote: "الحلبة "...
    "بحرى"...
    محطرمونا...

    متين محطرمناهم .... كدى ذكريني .... المدة طالت !
                   |Articles |News |مقالات |بيانات

03-12-2003, 12:47 PM

Bakry Eljack
<aBakry Eljack
تاريخ التسجيل: 02-05-2003
مجموع المشاركات: 1040

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: AlRa7mabi)

    العزيزة تماضر : خليك قريبة , و شوفى الناس الماحطرمونا نعمل معاهم شنو.

    الاخت الجندرية

    والله حقيقة مافى كائن ما جميل, وكل الخصائص والمميزات التى يتمتع بها اي كائن هى سر جماله, لكن لمن يبقى فى كائنات بقت بتشكك فى انو خصائصة دى ما بتاهلها فى سلم الترتيب الجمالى و تمشى تفتش على حاجات ضد قوانين البيولوجيا هنا بكون الموضوع اتشابك. ودى ما بحلها الا الفرتقة والفكفكة و الخلخلة و طبعا العمليات دى هى اتوماتيكيا عمليات بنائية فى نفس الوقت.

    Smart-ana-2001
    شكرا على التوضيح , طيب المقاسات دى بتتاخد كيف لانى داير اجري اختبار عملى
    لك عميق ودى

    الاخ الرحمابى
    اولا كتبت

    أدري ، ولكن بدأ لي الموضوع وكأنه يتشابك مع سلسلة من حلقات ( رنّت ) أصواتها في هذا البورد ، وكلها تتماشى مع سياسة / أجندة التشكيك في سلوكيات و ( عفويات ) مجتمع ، له الحق كسائر المجتمعات في أن يعبّر عن رغباته .. في المشي .. والطعام .. واللبس .. والحب ونظرته للجمال ، دون أن يّلوح له من حينٍ لآخر بعصى الإستلاب .. والذوبان في ثقافات أخرى .. وهذا ( إستلاب ) في حد ذاته .. أن تسلبني متعة أن أختار .. وأن أقرر .. وأن أنتزع من جميع ألوان الطيف اللون الذي يروق لي
    ولا أجد فرقاً ابداً حينما يأتي ( صبية ) النظام العام المتزمتين في الأسواق ليضايقوا هذه أو تلك بحجة عدم شريعة لبسها وبين أن يأتي من يقول لك أن أحببت لونا غير ( اللخدر واللسود ) فأنت مستلوبٌ ..


    ان فهمت قصدك جيدا, انت اشتممت رائحة الوصايا فى ما ارتايت , و كانما نحن نمثل الهيئة العليا للجماليات , على نمط الهيئة العليا للدفاع عن العقيدة والوطن, وهذا ما جعلك تري انه الفروق كمية بين اللذين يفرضون على الناس لبس معين و بين ما قدمناه نحن هنا من محاولة تشخيصية لعلاقة فكرة الجمال بالثقافة و الهوية و الاستلاب, انا اري ان الفرق نوعى وذلك لاننى لا انطلق من وصاية على الجماهير او الشعوب لتختار نموذجا جماليا بعينه حتى و ان كان ما تود اختياره هو ما لايمكن ان يتحقق علميا وعمليا, انا كل ما اقوم به هو اننى وصفت وضعية حسب تجربتى و حاولت استخدام ما اتيح لى من مناهج لسبر اغوار الظاهرة و ارجاعها الى جذورها التاريخية و مبرراتها الموضوعية, الذى يمكننى الاعتراف به مبكرا هو اننى لست ناظرا متاملا و اقبل بكل الاشياء بغض النظر عن اتفاقى واختلافى معها, فانا يا سيدى احمل فكرة و مشروع للتغيير وهذا المشروع له مستوياته السياسية و الاجتماعية و الثقافية و الاقتصادية و ما اناقشه هنا يمثل جزء ضئيل من رؤيتى للاشياء فى المشهد السودانى الذى اعتقد ان القبول به بكلياته ليس بالموقف الثوري الصحيح , و ما اثرته ليس الا تساؤلات تصب فى نهايتها الى تفجير الوعى بذاتنا.
    اما مسالة التشكيك وما الى ذلك فلا اري لها وجود فى مشاركتى او فى مداخلات الاخرين وكلما هنا هو اراء قد تتفق و تختلف مع السائد و بنسب متفاوتة, ثم ما المشكلة فى مبدا التشكيك اصلا , التغيير ينطلق من ارضيات اساسية تتمثل فى
    *فهم الواقع و استيعاب الظروف الموضوعية التى ادت الى كينوينته بهذه الطريقة
    * ثم رفض هذا الواقع
    * تقديم الرؤية البديلة للواقع المرفوض
    تتم هذه العمليات فى ان و احد وفى حركة جدل كبير تاخذ ابعادها فى كل حراكنا اليومى وبكل مستوياته و انا اري ان عفويات هذا المجتمع هى احدى اسباب ترديه و اعمل الى محاورتها لاتاكد من انها عفويات صالحة اما انها مجرد مسلمات خالدة بلا ادنى اسس كما حال الكثير من الخرافات التى هى انعكاس لبنية الوعى الاسطورى, الا تري ان لى الحق فى ان اتبنى مثل هذه الرؤية اما ماذا هو محور سؤالك؟؟؟؟؟؟؟؟؟؟


    ثانيا:
    انا لم اطالب اي من المتحاورين بالاجابة على اي سؤال , يمكنك بالرجوع الى كل مشاركاتى فى هذا الخيط , سؤال شنتير المباشر احبت عليه فى حدود قناعاتى الا تري انها كافية , انا اصلا لم اكن اتوقع ان يمضى الحوار فى هذا الاتجاه, بل كنت فى انتظار سماع الاراء للتعامل مع الوضعية فى مستواها الكلى لان اجابتى على ماذا احب او ماذا يحب شانتير سوف لن تقدم ولن تؤخر فى شىء, و ما حاولت ان اهمس به لشانتير فى اذنه لم اهمس به حتى الان و لكنى احي اجتهادك فى استنطاق اعتراف لم يصدر بعد.


    ثالثا : كتبت:

    ولا أستطيع هضم أن تقرر بملء الفم أن ما يحدث في وسط السودان من ( ركض ولهث ) في تغيير أنماطهم هو ( محض ) استلاب .. وبين ما يقوم به ( البيض ) من تشميس لتغيير ألوانهم هو ( محض ) موضة ليس إلا .. بس كييييييييييييييف ؟؟؟؟

    بسيطة يا رحمابى انا اوردت هذا الكلام فى اطار تجربتى الشخصية بلقائى المباشر مع ناس يسعون الى الاسوداد ( ان يصيروا سودا) , اما كيف هذى , فاعتقد ان قراءة تاريخ العالم بشكل سطحى بدون تعمق كفيلة بان تجيب على سؤالك هذا, لا اعتقد انك برغبة الى الجدال حول التاخر والتخلف الذى يعانى منه السود عموما فى هذا العالم, ولا اعتقد انك لم تسمع بالتمييز العنصرى و بحملة مارتن لوثر كنج , او بالتمييز العنصرى فى جنوب افريقيا , او بالتمييز العنصرى فى السودان ففى السودان هنالك من هم العبيد ومن هم الاحرار و يمكنك القول ان مثل هذه النظرة لا توجد فى القوانين و المعاملات الان و انا ساقول لك انها موجودة على الاقل فى المخيال الاجتماعى و انت تعلم العلاقة بين المخيال الاجتماعى و بين الاكسس الى السلطة و الثروة فى مجتمعات ما قبل الراسمالية التى تصنف على انها مجتمعات تسودها علاقات عشائرية , فالمدينة فى مجمتعات ما قبل الراسمالية هى عبارة عن ارياف كبيرة, قد تتسال ما علاقة ذلك باللون ؟؟؟ وانا ساجيب ان تجذر مثل هذه الخلفيات فى ذاكرة البشرية جعلت هنالك متفوق ( بكسر الواو) و متفوق(بفتح الفاء) عليه يعنى باختصار اننا لم نسمع فى تاريخ البشرية بوجود تمييز عنصرى ضد البيض ولم اسمع ان البيض قاموا بحركات للتحرر من الاستعلاء العنصري للسود, بما ان حركة التاريخ هى التى رسمت هذه الصورة المشوهة للانسانية فاصبحنا ازاء عملية النمذجة للجمالى و الثقافى و السياسى و المدنى فالنموذج الجمالى هو اتى به الانسان المسيطر(بكسر الطاء) و عليه اري لو ان حركة الاسوداد هذه قامت قبل مائة عام حيث كان سيكون لها اثرها المادى بشكل مباشر على روادها لكان بامكانى الاتفاق معك فى ان ما يدفع الاسود للابيضاض هو نفس ما يدفع الابيض للاسوداد وهذا ما جعلنى اعتقد انها نوع من حب التغيير وليس لها اي اسس بانها تحمل بعد جمالى فى نظر فاعلي ومتلقي الاسوداد كظاهرة, ارجو ان اكون قد ابنت.

    رابعا كتبت

    ما أفهمه أن هذا السودان الواسع الشاسع حملت له الرياح من جنباته الأربع مختلف البذور .. فجادت السماء بمائها .. فأنبتت هذه الأزهار والرياحين .. فدعونا نتنسم من كل زهرة ( شمة ) ودع كل ( ساق ) وردة ترقص مع الرياح كلٍ حسب مرونتها ولدانتها .. وكل أهل السودان جميلين وحلوين .

    انا اتفق معك ان السودانيين كلهم جميلين و حلوين كل بما يحمل من خصائص , هذا الكلام سليم افتراضا و خصوصا فى مثل هذه المنتديات و فى شاشات الكمبيوتر , فهل لك ان تقنع اجهزة الدولة فى السودان منذ العام 56 والى هذه اللحظة لماذا لم تسمح لاي من اللذين ينظقون العربية مكسرة لانها ليست لغته الام ليعمل فى اجهزة الدولة القومية طالما انها ترفض ان تمنح زمنا للبث بلغات الناس اللذين يشكلون اكثر من نصف السكان, دعك من هذا حتى الدارجة السودانية هذى لم يسمح لها بالظهور وكيف لا؟؟ فهم عرب خالص و يصححون سيبويه و اثبتوا ان اللون الاصلى للعرب هو الاسود حتى ياصلوا الى اصولهم العربية, الا تندهش حينما تسمع كل الاذاعات والتلفزيونات العربية تبث بلهجاتها عدا السودانية , اما الرياحين التى تتحدث عن جمالها يا رحمابى فعليك الله امشى اقنع لى العصابة بتاعة لجنة الاختيار للتلفزيون و قول ليهم بكرى الجاك ريحانة من رياحين بلدنا و عاوزين نستنشقها فعينوه معاكم عشان يعطر الجو شوية, طبعا قبل سنوات قالوا لى فى احدى المعاينات انو وجهى ما تلفزيونى ودى الحاجة الانا عايز افهمها وكيف بقدرة قادر بقى وجه الطيب عبد الماجد و هبة الله المهندس تلفزيونى و وجهى انا و معاي اكول و اسحاق و اسماعيل مرمار ما تلفزيونى, انا ما قاعد اهظر انا بروى ليك فى حكاية حقيقية حصلت مع تلفزيون جكومة السودان (القومى), و برضو جاي تقول لى رياحين والامور ماشا وروقو المنقا يا رحمابى.
    لك كثير احترامى للمشاركة القيمة و اتمنى ان تعود

    بكرى الجاك

    (عدل بواسطة Bakry Eljack on 03-12-2003, 08:30 PM)

                   |Articles |News |مقالات |بيانات

06-12-2003, 02:49 AM

Munir
<aMunir
تاريخ التسجيل: 11-02-2002
مجموع المشاركات: 10431

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: AlRa7mabi)

    الأخ الرحمابــي ـ يبـدو أنك اصبت كبد الموضـوع و قرأت المدسوس بين سطور الأخ بـكري ـ وحقيقـة واحدة من سوءات ادمان السياسـة أن تختزل ألوان البشر الي ابيض واسود ــ و كما أشرت أصبح هناك التهديد بالاستلاب حتي في المشاعر ومقاييس للجمال ـ

    عمومآ أوافق شنتير أن التقاطيع والقسمات هي التي لها تأثير الجاذبية الاكبر ـ وربما يكاد يجمع الناس علي أن تناسق الملامح وتماثلها هو المظهر الجمالي الاساسي ثم بعد ذلك تجي البوهية ـ وعلي هذا القياس ينظر الناس الي الزنوج والآسيويين كالأقل حظآ في هذا المقياس ـ ودلالة علي ذلك يجمع ، علي الاقل معظم السودانيين، علي الجمال الهندي ـ بيضهم وسمرهم ـ وهنا لا يلعب اللون العامل الاساسي ـ اذ أن حتي السرلانكيين يعتبروا من أجمل البشر ــ
                   |Articles |News |مقالات |بيانات

03-12-2003, 11:16 AM

EMU إيمو
<aEMU إيمو
تاريخ التسجيل: 16-02-2002
مجموع المشاركات: 2917

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    كلمة جميل - رائع - يجنن - بديع كلها تعني الجمال
    ونحن نقول عن الطبيعة إنها جميلة وعن اللوحات الفنية والأعمال الأدبية ومخلوقات الله من الإنسان والحيوان ... ولأننا مختلفون فمعاني الجمال ومقاييسه مختلفة أيضاً..
    وما كنا نراه جميلاً ونحن صغار لم يعد كذلك عندما كبرنا . والجمال نسبي : أهل الريف يرونه بشكل ، وأهل المدن يرونه بشكل آخر .. والجاهل والمتعلم والفنان والعالم ورجل الدين كل واحد منهم له مقاييس خاصة بالجمال والعرب قديماً كانون يرون الجمال في المرأة البدينة وأنا كمثلهم والآن معظمنا يراه في الفتاة النحيفة ولكن هناك مقاييس معيارية كما يقولون بعيدة مهوى القرط أو الكشح كإنفراد الغزال شكل المعصم كما تتمنى بعض النساء ان يكون لها معصم كمعصم حسين خوجلي وكما يقول عمنا بخيت باخت الرقم ثمانية اللاتيني يشبه زوجته الجميلة
    وما أردت أن أقوله أن إدراك الجمال غريزي .. ولكن الجمال وإدراكه والتعبيير عنه يحتاج إلى فهم وإلى تدريب .. إلى أن نتعلم كيف نتذوق الجمال . أو إذا تذوقناه أن نفهم بالضبط ما هذا الذي أحسسنا به وأسعدنا ذلك.
    والفتاة البيضاء عندنا في السودان ترى نفسها جميلة والسمراء تريد أن تستخدم مبيض لتزوير الحقيقة في نفس الوقت الذي نرى فيه شريحة كبيرة من الأوربيات يسعين وراء البشرة السمراء.
                   |Articles |News |مقالات |بيانات

03-12-2003, 03:08 PM

abuarafa
<aabuarafa
تاريخ التسجيل: 20-05-2003
مجموع المشاركات: 962

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    الاخ بكرى الجاك
    التحية و التجلة لك
    و تحية اخرى من عرفة
    و تحية ثالثة من عارف

    اتفق معك تماما و عندما قلت انا بان البيئة و التنشئة لها اثر كبير فى المعايير الجمالية كنت اقصد بان النش فى السودان من حلفا الى نمولى من بورتسودان الى الجنينة يتلقى تصورات خاطئة من البيئة
    و التنشئة حتى المدرسة فانظر الى النماذج فى التاريخ او الادب
    فتجدها كلها ذات اتجاه احادى اقصائى للون الاخر و فى التاريخ الاسلامى و اتمنى ان لا افهم بالخطأ حتى نماذج سيدنا بلال مؤذن الرسول
    (ص) لا تاتى فى السياق كمسالة عادية فانها دائما ترد فى صياغ المساواة فى الاسلام و يمكن القاء نظرة الى الايات القرانية فتجد السواد دائما مذموم (( ايضا اتمنى ان تفهم هذه الجملة فى سياقها الصحيح)) و لكنى اعتقد بان المعالجة سهلة جدا فالاحتكاك بالعالم الخارجى مهم و يمكن ان نرى ذلك فى طلاب الشهادة العربية فى الجامعات السودانية فتجدهم اكثر احتكاكا بالاخوة الجنوبيين و قد يكون السبب وعيهم بحقيقة انهم سود فى البلاد العربية و حاصة السعودية و الخليج او معاملتهم فى تلك البلدان كسود ايضا السودانيين فى اوروبا و امريكا تجدهم المعايير الجمالية عندهم مختلفة عن ساكنى ديار السودان ايضا المعالجة يمكن ان تكون عن طريق
    الاعلام و المتابع للقناة السودانية هذه الايام يلمح وجوه سمراء كثيرة بات تظهر بخلاف ايام الهوس فى اواسط التسعينيات و هنالك المعالجة الشاملة للمقررات الدراسية حتى تستطيع ان تعطى الفرد حرية الاختيار
                   |Articles |News |مقالات |بيانات

03-12-2003, 04:03 PM

Giwey
<aGiwey
تاريخ التسجيل: 03-09-2003
مجموع المشاركات: 2129

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: abuarafa)

    الاخ بكرى

    الموضوع جميل
    واجمل ما فيه تنوع المداخلات حوله
    بعض المداخلات قوية وجنحت للموضوعية
    وبعضها الاخر طريف وخفيف الدم
    ساحاول العودة لادلى بدلوى مع الاحباب

    ولكم الود من قبل ومن بعد
                   |Articles |News |مقالات |بيانات

03-12-2003, 03:23 PM

ودقاسم
<aودقاسم
تاريخ التسجيل: 07-07-2003
مجموع المشاركات: 11129

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)
                   |Articles |News |مقالات |بيانات

03-12-2003, 03:35 PM

nada ali
<anada ali
تاريخ التسجيل: 01-10-2003
مجموع المشاركات: 5258

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    الأخ بكرى الجاك،
    سلامات و ارى ان الموضوع قد اثار نقاشا عميقا

    الأخ ابراهيم
    خلال التسعينيات أفردت دورية ِ
    AGENDA
    النسوية التى تصدر فى جنوب أفريقيا عددا كاملا حول المساحيق و معايير الجمال و النساء السود، `
    مازلت اذكر حتى الان احد المقالات و عنوانه
    “My hair has gone home”
    و اقرب معنى لها عندنا فى السودان " شعرى طار" أو "شعرى اتنكش". تحدثت الكاتبة حول الوقت الذى يجب ان تقضيه كل اسبوع (او اكثر – لا اذكر بالضبط) فى معالجة شعرها بالمستحضرات الكيميائية التى تنعم الشعر، و ربطته بقضايا النوع و العنصر.
    اريد ان اعرف اذا ما كانت افكار ستيف بيكو و نضال حركة الوعى الأسود، التى كان من أهم اهدافها رفع ال
    Self esteem
    وسط الشباب و الشابات السود فى جنوب افريقيا باستدعاء معانى الكرامة و القوة و الجمال و ربطها باللون الأسود
    “Black is beautiful”
    له امتداد فى الحاضر و اذا ما كان قد تم تحويرها بما يضمن مواجهة التحديات الجديدة و الاشكال الجديدة من الهيمنة.

    و شكرا يا بكرى مرة أخرى على هذا البوست و التحية لك على أفكارك . و بالمناسبة اكيد السبب الحقيقى لمنعك من العمل فى التلفزيون حا يكون لانه افكارك "ما تلفزيونية" و ما بتنفع معاهم.

    ابو ساندرا

    " محطرمونا تذكرت سؤال صديقي عن حد المساطيل"
    حد المساطيل طلع شنو؟

    ندى
                   |Articles |News |مقالات |بيانات

03-12-2003, 07:53 PM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: nada ali)

    ملاسى

    ليس لصاحبة القصه اى علاقه بالموضوع...القصه مستلهمه من الواقع لكن غير واقعيه...
                   |Articles |News |مقالات |بيانات

03-12-2003, 09:15 PM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Tumadir)

    تماضر
    و الكتبتو انا برضو - بالتاكيد - غير و اقعي
                   |Articles |News |مقالات |بيانات

03-12-2003, 08:31 PM

Nada Amin

تاريخ التسجيل: 17-05-2003
مجموع المشاركات: 1626

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    موضوع جميل و راقي

    من منا لا يحب الجمال؟ ليس جمال المرأة فقط و لكن جمال الأشياء، الطبيعة،و جمال خصال الناس من حولنا! تختلف معايير الجمال ""aesthetical values ليس فقط بين الشعوب و لكن حتى بين الأفراد في بيت واحد. حتى تذوقنا للموسيقى و النغم يمكن أن يختلف على حسب" مزاجنا" ، فيمكن أن نستمع الى نفس الأغنية عدة مرات ... كل مرة بأذن مختلفة و احساس "غير"!

    قرأت قبل فترة طويلة من الزمن كلاما جميلا لأحد الكتاب {لا أذكر اسمه} يعبر عن قلقه من انتشار ظاهرة استمتاع الناس بالجمال "المركب" أكثر من الجمال الطبيعي و قال ما معناه أن الناس و نتيجة لايقاع الحياة السريع و متطلبات الحياة العصرية صاروا يفضلون الاستماع الى زخات المطر و زقزقة العصافير من خلال أسطوانة موسيقية في منازلهم بدلا عن الانطلاق الى فضاءات طبيعية أرحب!

    اذا كان هوس الرجل و المرأة في السودان امتلاك بشرة أثر بياضا فهوس المرأة في أمريكا مثلا امتلاك بشرة أكثر سمارا ، و الاحصائيات تؤكد أن القوة الشرائية لمستحضراتtanning lotions "لتسمير" البشرة الأمريكية الفاحشة البياض في ازدياد مستمر! و اذا كانت المرأة السودانية تبذل الغالي و النفيس لاكتساب بشرة "صفره" فالمرأة الأمريكية أو الأوربية تنفق كل مدخراتها السنوية من أجل عيون summer vacation للتمدد تحت أشعة الشمس الحارقة لساعات ظويلة لاكتساب لون البرونز و شئ من السواد! اذن بماذا نفسر هذا هل هو تمرد الناس عاى الطبيعة "اللونية" أم فقط رغبة في التغيير و كسر الروتين و ربما أيضا للحصول على شئ من التميز وسط بيئة عرقية سائدة!

    للحصول على استحسان المجتمع من رجال و نساء على حد سواء ، المرأة السودانية ما زالت تتعاطى و بجهالة هانئة كل مخدرات الحياة الاجتماعية من فنون "الكبرته" التي تأخذ الكثير على حساب نموها الانساني. الارث الثقافي التقليدي في السودان ما زال يؤطر جمال المرأة ضمن مفاهيم و ممارسات معينة{حنة،دخان، تياب،دهب} و كثيرا ما نرى النسوة يتهامسن ساخرات شامتات اذا ما تجرأت احدى النساء بالخطو خارج باب بيتها و هي غير "محننة و مدخنة" للمشاركة في احدى المناسبات الاجتماعية و لو كانت هذه المناسبة "بكا"!

    بالنسبة لي جمال المرأة...ببساطة... لا يفسر! لا مقاييس له، أناس كثيرون يقولون أن فلانة جميلة و أنظر اليها و أجدها كقطعة من الرخام، لا روح و لا نبض! و على نفس المساق أجد امرأة يقولون عنها غير جميلة و امكن شينة حتى ، أراها في غاية الجاذبية و الحلاوة! تعجبني المرأة التي تتميز "بذكاء الحياة"، و جمال المرأة بالنسبة لي هو ذلك المزيج الآسر من خلايا الروح المتقدة بالثقة بالذات ، التمسك بالمبادئ، و الرغبة في مد جسور "خارج السياج الانثوي" الى عالم الآخرين/يات. هذ ا المزيج يطلق كهارب مثل الأشعة البنفسجية تضئ كل شئ حولها بنور العقل،و أناقة الابتسامة!

    لا أؤيد اهمال المرأة لمظهرها واسترجالها بدعوى أن اهتمام المرأة بأناقتها و عطرها و ماكياجها استلاب لانسانيتها كما تقول د. نوال السعداوي مثلا حيث تظهر علينا متجهمة النظرات و شعرها "كقطعة من القطن الأبيض المنفوش". على الجانب الآخر و أيضا من المفاهيم الجندرية السائدة بالسودان أن كل من لها اهتمامات جادة و تدافع عن حقوق المرأة هي بالضرورة "شينة و معقدة" لأن لا أحد يهتم بها من النصف الآخر و لكن كاتبات و شاعرات جميلات مثل غادة السمان و سعاد الصباح يدحضن هذه النظرية و يعشن في تصالح مع انوثتهن و انسانيتهن.

    أعجب بالرجل ذو الشخصية البريزينتابلpresentable، أنيق الفكر و المضمون و الذي يمتلك "حضورا كثيفا" يجعله يطغي على كل ما حوله و من حوله. و أعجب بالرجل الملتزم دينيا و أخلاقيا و أقيس انسانية أي رجل و تحضره برؤيته الراقية للمرأة الانسانة أولا و الأنثى ثانيا.
                   |Articles |News |مقالات |بيانات

03-12-2003, 09:22 PM

Bakry Eljack
<aBakry Eljack
تاريخ التسجيل: 02-05-2003
مجموع المشاركات: 1040

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Nada Amin)

    ايمو

    احييك على على اضافة بعد اخر لفكرة الجمال.
    اتمنى العودة لاسراء الحوار

    الاخ ابوعرفة
    تحياتى لعرفة و عارف و ام عرفة حفظهم الله
    مسالة انحياز اللغة دى ما فيها شك , ما نحتاجه ان يشمر البحاثة عن عقولهم و حمل مناهجهم الكشفية لمسائلة هذا التاريخ بما فيه من تراث دينى , و اتفق معك ان خروج السودانوين الى الخارج اسهم كثيرا فى تغيير نظرتهم لانفسهم وللعالم وهو الحوار الثقافى الذى يعيشه العالم اجمع. ارجو ان تبقى لمواصلة الحوار و محاصرة السائد

    الاخ قوي

    فى انتظار عودتك و اوعك تتاخر عشان ما تفوتك الماحطرمونا و الله لهس بضحك.

    ود قاسم
    ياخى نزل المشاركة الرئيسة هنا لانو البورد اليومين دى صعب يفتح معاك

    الاخت الدكتورة ندى مصطفى

    تحية على العودة الممتشقة السامقة التى حملت معها رياح ستيف بيكو, كم يحتاج الناس الى ستيف اليوم , اما بخصوص ناس التلفزيون انا كنت بطمن نفسى بانو انا زول معارض و حكاية وجه تلفزيونى دى سبب لرفضى, بس لقيت انو اكول و اسحاق و مرمار وهم ناس على الاقل ما مجاهرين بالعداء , فهم حقيقة جادين فى مسالة الوجه التلفزيونى دى, و حنشوف اخرها معاهم. ارجو ان تواصلى المشاركات فمن الواضح انك تمتلكين معلومات مفصلة عن بحوث و دراسات فى هذا المجال.

    الاخ ملاسى:
    انت من الجماعة الماحطرموا ناس تماضر ولا شنو ؟؟؟

    تماضر:
    والله البوست بقدر ما استفدت من مشاركات العديد من المداخلين و المداخلات الا اننى استفدت جدا من من الناحية الصحية, فانا قدر ما امر بهنا بضحك , و لانو فعلا ما احطرمونا

    الاستاذة ندى امين:

    اضافة مليئة بالمنطق و الموضوعية و الشمول و غطت جوانب متعددة من الموضوع , نعشم فى اضاءات حول علاقة فكرة الجمال المتصورة وعلاقتها بالهوية الذاتية( الفرد) و الهوية الجمعية ( المجتمع) و اثر مشاريع الابيضاض والاسوداد على مسالة الهوية بالرغم من الفارق الضخم بين دعوة الاسوداد و الابيضاض, فالاسوداد فى تقديري هو البحث عن التميز ( اللون الخمري و البرونزي) ودعوة الابيضاض هى للبحث عن القبول . اتمنى ان تواصلى اشراقاتك المضيئة

    بكرى الجاك
                   |Articles |News |مقالات |بيانات

04-12-2003, 04:52 AM

AnwarKing
<aAnwarKing
تاريخ التسجيل: 05-02-2003
مجموع المشاركات: 11481

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    pretty impressive topic surrouned by complete great ppl..
    thanks dear Bakry...
    AnwarKing
                   |Articles |News |مقالات |بيانات

04-12-2003, 06:41 AM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: AnwarKing)
                   |Articles |News |مقالات |بيانات

04-12-2003, 07:20 AM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)


    كتبت تماضر
    Quote:
    وارتفع صوت الشناف..والمحطرمونا....حتى اصبح الجميع فى الحى صفا واحدا ضد " الحلبه"..واصبحنا نتلذذ بتسفيهها عند ما تزور بيت نسابتها..حتى حينما نلاحظ انها ظريفه مرات...وان الحرب الطاحنه...ربما تكون وسيله اتخذتها اخوات ابراهيم لاسترداد عشرتنا الحلوه وايامنا العامره فى الحله..لكن تقديرا لموقفهن المتهاون نتغاضى عن ظرافتها ونتمادى فى تحطيم معنوياتها الحلبيه البيضاء.
    المهم اننا حققنا انتصارنا العنصرى الاول...بجداره..تفوق وقفة ابطال معركة ام دبيكرات ضد المستعمر.


    رد بكري

    Quote:
    تماضر انا لمن قلت ليك بحب ناس المسرح كنت عارف السبب شنو , انا والله ما عندكم طريقة غير انكم تقبلونى معاكم, والله يا تماضر شدة ما ضحكت من جوة العصب الحى لمن رميت الكى بورد وده كان سبب التاخير فى الرد على هذا الالق الجميل الذى تمثل فى كل الموقعين فى هذا الركن الانسانى,
    الشناف و ما احطرمونا دى مبالغة ,,,,,,,,,,,,,,,,,,,,, ربنا يديك الصحة والقدرة لامتاعنا بهذا القدر من الجمال و الوجود الخلاق.


    سال الاخ حسين مللاسي

    Quote:
    الاخت تماضر
    تحياتي

    Quote: : "الحلبة "...
    "بحرى"...
    محطرمونا...



    متين محطرمناهم .... كدى ذكريني .... المدة طالت !


    رد بكري مرة أخرى
    Quote:
    العزيزة تماضر : خليك قريبة , و شوفى الناس الماحطرمونا نعمل معاهم شنو.


    بعدها ردت تماضر

    Quote:
    ملاسى

    ليس لصاحبة القصه اى علاقه بالموضوع...القصه مستلهمه من الواقع لكن غير واقعيه...



    انا من امس منتظر زول يعلق علىالموضوع ده ساكت ما لقيت ويخيل لي ما مفروض الناس تمر فيه مرور الكرام، لكن شايف الناس كلها لبدت ولا "غضت الطرف" ما عارف، والسبب التاني اني بكرة مسافر لي بلدا طيرها عجم وما اظن يكون هناك في كومبيوتر، فعشان كده معليش، ح امرقكم من موضوعكم شوية واشوف رايكم لأنو الشئ المعروف عن اهل البورد انهم حقانين وما برضو الشينة وبقولوا للأعور اعور في عينه

    طيب يا اخ بكري ما بتتفق معاي انه كلمة "حلبي" تعتبر سبة عندنا في السودان وكلمة عنصرية موازية لكلمات أخرى؟ فلو كان الاخت تماضر استخدمت واحدة من الكلمات الموازية الأخرى هل برضو كنت ح تضحك لغاية ما ترمي الكيبورد ولا كان ردت فعلك ح تكون كيف؟؟؟؟؟؟ اولا يعتبر هذا نوع من "الاستلاب " ضد اللونهم فاتح شوية في السودان (ماعايز اقول البيض عشان ما ترمي الكومبيوتر المره دي)؟؟؟ ولا نظرية "الاستلاب "حاجة مفصلة وجاهزة وما بتحتمل الاتجاه الآخر، يعني اتجاه واحد؟؟؟

    شئ عجيب مش كده!!! فهسع انا عايز اعرف الفرق بين استخدام الكلمات العنصرية في السودان شنو؟ وبعدين في السودان الجديد الموعود هل برضو ح تكون في كلمات مسموح بيها وكلمات غير مسموح بيها ولا كيف ح يكون الكلام؟؟؟؟ وبعدين بعد ما تبنو السودان الجديد بكرة الناس (الماحطرموكم) ديل ح تعملوا معاهم شنو؟؟؟ لأنه شايف في صيغة بتاعت تهديد كده لو ما اكون كضاب، وبرضو عشان ناخد فكرة عن كيف ح يكون السودان الجديد من هسع

    وزي ما قال المثل زمان: البتريدوه تقلبو ليه القلبة وما بتريدو تحرشو ليه الكلبة

    لكم تحياتي جميعا ولو حيين بنتقابل باذن الله
                   |Articles |News |مقالات |بيانات

04-12-2003, 09:03 AM

Bakry Eljack
<aBakry Eljack
تاريخ التسجيل: 02-05-2003
مجموع المشاركات: 1040

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Yassir7anna)

    الاخ انور كنق

    تحية عميقة مليئة بالاحترام على تواجدك فى هذه الفضاء, نتمنى ان نسمع رايك فى الموضوع و لك جزيل شكرى للاشادة بالموضوع والمداخلات.

    الاخت Smart-ana-2001
    شكرا على الاستجابة السريعة و سافيدك باكنشافاتى فى هذا المجال لاحقا واذا المسالة جابت فائدة فلك حق (بالنص)تنبيهى فى وجود مثل هذه المعايير البيولوجية.

    الاخ ياسر :
    اولا دعنى احييك على تواجدك الخلاق و متابعتك الجيدة لما كتب فوق السطور وما خلفها, و دعنى اتفق معك ان مفردة حلبى ان قيلت على اطلاقها هكذا فهى تمثل نوع من الاساءة و العنصرية, ومثلها و مثل عربى لدى سكان بعض الاقاليم ومثلها ومثل عب و مثلها ومثل السرارى ومثلها ومثل الغرابى و مثلها ومثل ادروب و مثلها ومثل اهل العوض, لكن حسب فهمى للنص الذى وردت فيه المفردة و من ثم السياق فانا لم اشعر بما شعرت به انت من تحميل المفردة بدلالات عنصرية , فكما اعتقد انك تعلم جيدا ان السياق الذى يرد فيه اي لفظ يلعب دورا رئيسيا فى اعطاء البعد اللفظى والدلالى لاي مفردة, فاخراج المفردة(حلبى) من سياق النص الدرامى فى تلك القصة المتخيلة والمستمدة من الواقع برغم انها غير حقيقية يحمل المفردة ما لم تحتمله داخل السياق.

    هذا من جانب اما الجاني الاكثر اهمية هو اننا لا نستطيع اغلاق افواه الناس و فصلهم عن مخيالهم الاجتماعى بين عشية وضحاها و مثل هذه التعابير المليئة بالعنصرية البغيضة ستستمر الى ان تسمو ثقافة التحمل و قبول الاخر على ثقافة التحامل التى تفرز العنصرية المضادة مثل الذى مارسته اخوات ابراهيم تجاه الحلبية فى نص المبدعة تماضر, بالمام بسيط بطبيعة التراتب الطبقى للمجتمع السودانى و اعنى بالتراتب الطبقى ان التقسيم هنا لايقوم على المعايير الماركسية من بلورتاريا الى برجوازية ومن ثم ارستقراطية بل التراتب الطبقى فى منظوره الثقافى يلعب عامل العنصر و الانتماء القبلى فيه دورا رئيسا اذن مفردة حلبى بالرغم من ما تحمله من دلالات عنصرية الا انها لا تقذف بالموصومين بالحلبنة الى قاع سلم التراتب الاجتماعى كما هو الحال لمفردة عب مثلا , فالحلبة فى السودان تخرج من اطار وصف بعض قبائل الغجر التى استقر بها المقام فى السودان الى ان تطلق على الناس ذو البشرة الاكثر بياضا فهؤلاء الحلبة انتمائا ووصفا لا يعانون بقدر ما يعانى الاخرون بمعنى ان معاناتهم قد تبقى فى الاطار الادبى المعنوي من نوع شناف اخوات ابراهيم لكن قل يا اخ ياسر ما ذا انت قائل فى الاذى الادبى و المعنوي والمادى الذى يلحق باناس ينتمون الى قبائل ليس بمقدورها بيولوجيا من انجاب ابناء بلون هؤلاء الحلبة اللذين لهم كل الاكسس الى البنك العقاري الذى يكاد ان يكون مؤسسة خاصة بهم و يملكون الاكسس الى التلفزيون فوجوههم تلفزيونية خالص فهم اكثر بياضا من بكري الجاك و من اكول و من اسحاق و من مرمار , ورغم ذلك اود ان اتفق معك فى اننا احوج ما نكون فى ارثاء قيم التسامح و الاخاء و التى لا يمكن ان تبنى ما لم تسود ثاقفة التحمل على ثقافة التحامل السائدة الان ,
    اما مشروع السودان الجديد فهو مشروعك قبل ان يكون مشروع اي كائن فهمو المشروع الذى نعلق عليه الامال لجعل البلاد المسماة السودان مكان افضل للعيش الكريم وهذه لا تتاتى دون ان تحترم حقوق الفرد و الجماعة بكل مستوياتها السياسية والاجتماعية والثقافية, فلا اري ولا احمل تهديد فى ما احلم به اللهم الا المصالح التى ستنهار بانهيار البنيات وطبيعة العلاقات السائدة فى الدولة السودانية القديمة, فاصحاب المصالح هم الذين سيستشعرون هذا التهديد وهم اللذين لم يصور لهم خيالهم ان دولة عادلة منحازة للجميع يمكن ان توفر لهم كل احلامهم , فالتهديد موجود لاصحاب المشاريع الاقصائية اللذين لا يرغبون فى ان يشاركهم احد فى هذه البقرة الحلوب ( جهاز الدولة) و انا اتفهم انك لست من هؤلاء الاقصائيين لكنك تخشي من ان تتحول ثقافة النضال ضد الاقصاء الى اقصاء مضاد وهذا وارد و لكن وعينا به و حربنا ضد اي شكل من اشكاله يمكن ان تضيء الطريق الى تعايش و اخاء فى اطار الدولة العادلة و التى فيها وجوه كل السودانيين تلفزيونية.

    ويهمنى ايضا ان اسمع راي المبدعة تماضر فى هذه الملاحظة

    ولكم كثير احترامى

    بكرى الجاك
                   |Articles |News |مقالات |بيانات

04-12-2003, 09:09 AM

ASAAD IBRAHIM
<aASAAD IBRAHIM
تاريخ التسجيل: 26-11-2003
مجموع المشاركات: 3920

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    الاخ بكري الجاك
    اولا اود ان اشكرك علي الموضوع المريح شوية طلعتنا من ما يدور حولنا من معارك.
    انا شخصيا لو تصدق لا احب اللون الابيض، وانما يأسرني الوجه الصبوح لا ادري كيف اشرح الوجة الصبوح المنشرح عموما هو بيديك احساس جميل جدا ويتغلغل بسرعة لجوة، وبالمناسبة الوجة الصبوح مش شرط يكون جميل، هي صفة حباها الله لبعض عبادة بان اعطهم الوجه المريح.
    شكري مرة تانية.

    (عدل بواسطة ASAAD IBRAHIM on 04-12-2003, 09:10 AM)

                   |Articles |News |مقالات |بيانات

04-12-2003, 11:19 AM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: ASAAD IBRAHIM)

    ياسر

    مافى شك انها كلمه عنصريه جدا جدا ... زيها زوى عب وخادم...

    وانا ما استعملتها الا لهذا السبب... وكما ترى فالعنصريه..والعنصريه المضاده لها هما عنصريه طبعا...

    وافتكر الناس ما علقوا لانه كلامى البين السطور.. وقع ليهم..

    وعاين للنموذجين...تلقاهم اوحتيم معكوسات زى صورة المرايه...

    والناس لما عقولهم تقدر تستوعب الصورة والصورة المقلوبه... بتذوقوا بعض...وبكون الجمال ما عندو معايير..اقصائيه او فيها بتنفى الآخر...

    عشان كدة فى النهايه... قلت نسأل السؤال الاصلى ...فى انسان ما جميل؟؟؟

    اما ملاسى فما عندى فكره بتكلم عن شنو..؟؟ لكن واضح انه بهظر,,,لانه اظنه من بحرى...وزى لونو فاتح...وكدة...والله اعلم! الا يوضح لى براه
                   |Articles |News |مقالات |بيانات

04-12-2003, 04:20 PM

doma
<adoma
تاريخ التسجيل: 04-02-2002
مجموع المشاركات: 15894

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Tumadir)

    هووووووي يا تماضر ملاسي ما براه كلناحلب بحري المهم ماحطرمناك ولما جينا الحفله طفيناكم
                   |Articles |News |مقالات |بيانات

04-12-2003, 12:43 PM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    الاخ بكري الجاك
    شكرا ليك كتير على هذا الرد والتوضيح واسمح لي بهذا التعقيب البسيط قبل الانسحاب بداعي السفر

    انا ما عارف دايما بتنادوا الناس لي انهم يقرؤا ما بين السطور، لكن ما بين سطوري انا ما عارف غلبكم تقروها ولا ما عايزين تقروه، ولا الحاصل شنو ما عارف، طيب الاقراهو ليكم انا.

    اولا انا شخصيا ضحكت كثيرا والله العظيم لمن قرات مداخلة تماضر لأني دايما بستخدم كل هذه المفردات في جياتي العادية بتجرد شديد، يعني مثال: في حلتنا عندنا كل الوان الطيف السوداني فلمن نكون قاعدين اي واحد بيقوم بيشتغل التاني بصفة حسب لونه، يعني يا عربي يا عب يا حلبي وفي النهاية كلنا بنضحك وينفض سامرنا بدون ما يكون في اي ضغينة تجاه اي واحد مننا للآخر بل حتى داخل البيت الواحد واكاد اجزم انها موجودة في كل بيت في السودان، لأنه بي بساطة السودان منطقة انتقالية بين اللون الابيض في شمال القارة واللون الاسود في جنوب القارة، لذلك في الاسرة الواحدة بتلقة الاصفر والاسمر والاخدر والاسود وفي غالب الاعم بيكون اخوان اولاد ام وابو.

    يعني اضرب ليك مثل ويخيل كل الناس البقرو في الموضوع ده عندهم مثل شبيه ليه في حياتهم يعني شي عام في السودان لكن حبيت اذكره فقط للدلاله: عندنا واحد صديقنا وانسان عزيز علينا كلنا وعيش معانا وزول صديقنا شديد فبحب يشاغل الناس، وهو ميكانيكي، فبنمشي نقعد في الدكان معاهو من الصباح نفطر ونتغدى ونهذر ونشاغل بعض لغاية ما تمسي نمشي نتعشى وبعدها يامشينا كتلنا حفلة يا قعدنا قبلنا نتوس لم ينتصف الليل، المهم اثناء عمله يكون معاه واحد بيصلح ليه في عربيته يجي واحد ماشي مننا يقول ازيك ياعب؟ يقوم يتلفت للزول المعاه، عليك الله عاين زي ده يقول لي انا ياعب، يقوم الراجل يتعاطف معاه اي والله ماليه حق، بعد ما يضمن الزول وقع في الشرك، يقوم يقول ليه عليك الله هسع اولاد العرب ما ظاهرين...يجي زي الحلبي ولا العرب ده يقول لي يا عب.. الراجل طبعا بكون اندهش حسب مفاهيم السودانين ولكن بحب يواصل في المجاملة ويقول اي والله يا ولدي، بعد داك بيقوم بيخش ليه في اللحم الحي، اها يا خال انا هسع عايز اعرس ما عندك لي عروس، طبعا في الوقت داك الرجل يقعد يبلبط ونحن بنكون متنا من الضحك، ما قصدته من القصة الطويلة دي انحن برضو كان عندنا راي ومازال راي في تقسيم البشر على حسب الوانهم وكان لينا طريقتنا في محاربة هذ الاشياء الضارة وانا شخصيا على قناعة تامة انه الناس ديل كلهم واحد ومافي جنس في الدنيا احسن من جنس علىالاطلاق، قال تعالى في سورة الحجرات ( يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ (13)) صدق الله العظيم، فيكون معيار التفضيل هو التقوى وليس الجنس ولا اللون ولا القبيلة ولا البلد (واظن يا تماضر بتذكري تماما مدخلاتي معاكم في بوست الساحر بتاع نحن اولاد عرب، ولغاية الآن ما زلت على قناعة انه السودانين ليس بعرب، ويا اخ بكري ممكن تبحث عن البوست ده وتقراه وشوف مداخلاتي انا في الموضوع كانت شنو)

    الكلام ده كلو عايز اخلص الى نظرية بتاعت واحد اديب وشاعر معروف كان هنا في مسقط بدري، في احدى الونسات جات سيرة الموضوع ده فقام لخصه كالتالي: انه السودانين ديل تلاته كيمان، يا ناس لونهم فاتح وديل حلب، يا لونهم وسط وديل عرب يا لونم داكن وديل عبيد، وكلها بتعتبر نبذه في السودان، يعني اي واحد تقول يا عب بزعل تقول يا حلبي بزعل تقول يا عربي بزعل.

    فكنت عايزكم تقروه من خلال السطور، انه الاخ بكري ومعاه بعض الاخوة حاولوا يفرضوا علينا (استلاب) فكري لكي نكره اللون الاسود ونحب اللون الابيض، واي واحد يجيب سيرة الموضوع ده ولو بالهذار فهم له بالمرصاد ويا ويله وسواد ليله، فكنت اتوقع انه بكري فعلا محايد في مسالة الالوان وبكره العنصرية بكل الوانها سواء ضد السود او البيض وكنت اتوقع انه يثور لكن لاحظت انه ضحك ملأ شدقيه، بل زاد الطين بله بانه هدد الحلب ودعى تماضر للأنتظار عشان تشوف هم ح يعملوا في الجماعة ديل شنو، ولغاية الآن انا منتظر توضيح لنوع الفعلة الحا يعملوها في حلب السودان لأنه انت لما ذكرت الكلام اكيد عندك تصور محدد لنوع الفعلة، فياريت تورينا ليه؟؟؟

    الاستاذة العزيزة تماضر

    والله العظيم انا ما عاتب عليك وزي ما قلت والله انا اكاد اجزم اكثر انسان استمتع بمدخلتك وحكايتيك الاتنين في البوست ده، ولكن زي ما قلت نزلت البوست السابق ولشئ في نفس يعقوب، وما كان في طريقة اني ما اتطرق لي كلامك، لك العتبى حتى ترضي

    الكلام الفوق ده هو ده الا كنت عايز اقولو بين السطور، وان شاء الله يكون وضح

    وعليكم الله (خصوصا تماضر) ادوني رضاكم انا قدامي سفر

    لكم تحياتي جميعا

    واستودعكم الله الذي لا تضيع ودائعه
                   |Articles |News |مقالات |بيانات

04-12-2003, 12:55 PM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Yassir7anna)

    بالله يا حنا هو انت من اندنا!!
                   |Articles |News |مقالات |بيانات

04-12-2003, 02:05 PM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Hussein Mallasi)

    ياسر هاك رضاى
                   |Articles |News |مقالات |بيانات

04-12-2003, 07:40 PM

Yassir7anna
<aYassir7anna
تاريخ التسجيل: 08-09-2002
مجموع المشاركات: 2619

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)


    الاخ حسين ملاسي

    كدي اول شئ والله انا واحد من الناس المعجبين جدا بتعليقاتك الجميلة والمعبرة بمعنى الكلمةواول امس كنا بنتكلم في الموضوع ده انا والرحمابي، الليلة جيتني عديل، لكن سؤالك الاستدراكي ده جهجهني جهجهة شديدة وحقيقة غلبتني الاجابة عليه لكن لم غلبني خلا ص قلت الا احاول ارد ليك وانا حسع سرقت الوقت ده سرقة عشان بجهز للسفر وسرقت الانترنيت ده من واحد صاحبنا، لأني اول حاجة قلت لمن امشي واجي لكن تاني قلت الموت من الحياة ما معروف

    اها لو قلت ليك ما من عنديكم اكون كضبت عليك، لكن باختصار، تعرف انا ابوي جده من منطقةسيدون في نهر عطبرة جنب عطبرة، اها جدي ده اللهو جد ابوي نزح من هناك بعد موقعة النخيلة على حسب تعبير ابوي، يعني ما كب الزوغة ولا حاجة، نزح عديل كده، المهم بعد داك ولده اللهو جدي جا اتزوج من حلفاية الملوك الهي حبوبتي ام ابوي اللهم باكراب مسلماب، ده باختصار من جهة الوالد

    لكن من جهة الوالدة بصراحة هم شوية محس + شوية مصريين + شوية اتراك وجدهم لي ورا المرضي الخضر، الرجل المعروف في تاريخ السودان وتاريخ الخرطوم بالتحديد لمن قرا كتاب د محمد ابراهيم ابو سليم عن تاريخ الخرطوم، حتى بالامارة حبوبتي ام امي شدت ما حلبية لمن عيونها خدر زي الكديس الله يرحمها ويحسن اليها

    يعني الخلاصة قريبكم عديل كده، عشان كده الكلام امبارح حرقني وكنت عايز اعرف ناس بكري ديل عايزين يعملوا في اهلي الحلبة ديل شنو؟ عشان الواحد يكون على بينة

    الاخت تماضر

    كتر الف خيرك وبارك الله فيك

    الاخ بكري

    آسف مره أخرى (لآستلاب) البوست لموضع خارج نطاق الموضوع

    اها العفو العافية، وكان لقيت لي انترنيت هناك بنتواصل ان شاء الله

    والسلام عليكم ورحمة الله تعالى وبركاته

    (عدل بواسطة Yassir7anna on 04-12-2003, 07:42 PM)

                   |Articles |News |مقالات |بيانات

04-12-2003, 08:17 PM

abuguta
<aabuguta
تاريخ التسجيل: 20-04-2003
مجموع المشاركات: 8275

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Yassir7anna)

    الاخ بكرى الجالك
    والاخوة المشاركين
    تحياتى
    ياسرحنا
    لك ودى
    حقيقة مقولتك حلب عبيد عرب التلاتة نبز
    طبعا انا فى الشركة بعض الشباب بنادونى تعال ياعربى
    سمعها واحد اخونا لبنانى , استغرب كيف انا عربى ولونى اسمر
    وجنسى سودانى
    كنا نحن طلبة فى الهند من اجناس مختلفة فى السودان
    جمال الحلبى, وواحد اسمه صديق العربى, وماك الجنوبى
    شافهم واحد هندى بقى ينادهم وين ياعبيد(نقرو) بالذات اخونا جمال
    الحلبى وهو من المسالمة بناتوه بwhite negro
    اما اخونا ماك علق الموضوع وقال نهنا كلنا هنا عبيييييد يعيش الهنود...من راى انا من ناحية الجنس واللون السودانين منصفين وكل ناس متمتعين بلونهم وما عوزين لون الاخرين
    اتصل على ابوى قبل سنة قال لى بنت عمى خطبها واحد حلبى من ناس الخرطوم
    ود جيرانهم ,انا قلت ليه المطلوب منى شنو قال انت ما راجل بت عمك يعرسوها الاغراب انت عاوز تخلط الانساب اقنعته بكلام ظريف وجميل والبت الان عندها طفل وواحد فى الطريق, اما اخوى الصغير قال ليه انشاء الله امها ذاتها يعرسها حلبى.
    عندناعمنا بنته جاءها واحد كان سواق فى حلتنا ووافق عليه يوم السيرة الصباح الشباب بدقوا فى الصيوان اخوها سمع واحد قال ليه الولد دا عنده حبوبة خادم على حسب كلام العمدة , وعلى طول كلم ابوه
    عمنا وقف عمل الشباب وقال ليهم انا سمعت الولد حبوته خادم وانا اديتوه خلاص لكن لو فيكم واحد عاوزها برجع السيرة اسع فصمت الكل اسى ولدها دخل المدرسة
    ولكم ودى
                   |Articles |News |مقالات |بيانات

04-12-2003, 07:57 PM

esam gabralla

تاريخ التسجيل: 03-05-2003
مجموع المشاركات: 6116

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    ياسر سلامات
    انت بتلف و تدور مالك ما تقول ليهو عديل اى انا "حلبى" زيك !!!!!!!!!!
    بالناسبه يا حسين برضو قاعد تعجبنى كتير من طقاتك السريعه دى,واصل...
    ملاحظتك يا ياسر طبعآ لحد كبير صحيحه يعنى زى البحصل تساهل مع بعض المفردات البتحمل تمييز عرقى,رغم انو فى قصة "نماضر محطرمونا" كانت الدلاله واضحه و نقدها العلنى لسلوك العنصرى تجاه الحلب واضح و شجاع ,دى بتذكرنى بنكات د. عوض دكام اله يرحمو,رغم ماساوية المفارقات العنصريه التى تحتويها لا تملك الا ان تضحك و الضحك لا يعنى ابدآ الموافقه على مضمون و لا شكل الكلام, ممكن تقول عليها نكته طفبوعيه مع الاعتذار لبشرى الفاضل

    اسف برضو لانى زدت تخريمة البوست اللطيف ده
    تمشى و تجى بالسلامه
                   |Articles |News |مقالات |بيانات

04-12-2003, 11:36 PM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: esam gabralla)

    تعرف يا حنا انت بس ادخل بحري القديمة من أي اتجاه و اسال وين يا اخوانا حلب بحري و بتلقي البيوصلك و حينذاك بوقع ليك نحن ياتو حلب ...

    اخونا بكري الجاك عشان نرجع مرجوعنا بخصوص :

    Quote: صادفت بعض القبائل بغض النظر عن الموقع لتجنب سوء الفهم التى تعتقد ان رائحة العرق (الصنان) هى من علامة الرجولة, وان الريحة الفيوم وبياض الاسنان دلالة على التخنس و الفقر,


    و الله ياخوي يطرشني ..... لكين وارد جدا, اصلو السودان ده ممكن يكون فيهو أي حاجة عشان كدا مفروض برضو يسع كل الناس

    اما بخصوص ما ذكره اخونا ابو قوتة فما زلت اعتقد ان لا علاقة بين قبول الاخر و تزويجه او تزوجه.... وده موضوع تاني خارج عن مضمون هذا الخيط كما يقول اخونا الصادق حيدر..و لانو ده لا علاقة له مع قلب الموضوع فكما قلت لي في الاعلي:

    Quote: احترم وجهة نظرك و اتمنى ان تشاركنا فى قلب الموضوع


    شكرا يا جبر الله و بنتقابل لينا في خيط من الخيوط


    تحية و احترام للجميع
    ملاسى

    (عدل بواسطة Hussein Mallasi on 04-12-2003, 11:58 PM)

                   |Articles |News |مقالات |بيانات

04-12-2003, 11:57 PM

abuguta
<aabuguta
تاريخ التسجيل: 20-04-2003
مجموع المشاركات: 8275

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Hussein Mallasi)

    الاخ حسين
    طبعا كنا طلبة وانا الوحيد الاجنبى فى كلاص الكومبيوتر
    الاستاذ مرة يدرس مهراتى ومرة هندى ومرة ولما ينتبه يقوم
    يعتذر لى ويبدا بالانجليزى بس انا وصلت لدرجة كل اللغات دى كانت عندى واحد فى درجة الفهم

    لو رجعت لو مشاركة تماضر فى البورد كان فيها عرس ابراهيم
    وكان الكلام عن اللون

    انا كنت بتكلم عن اللون وفجاءة لقيت نفسى دخلت فى الزواج والقبائل
    زى المواضيع العامة والتخصصات , انا ما عارف هل هى خرمجة منى اما
    هنالك علاقة بين الالوان والقبائل والتزاوج
    ممكن تعمل لينا بوست بهذا الموضوع
    عموما لك ودى ومعزرتى
                   |Articles |News |مقالات |بيانات

05-12-2003, 07:39 AM

Bakry Eljack
<aBakry Eljack
تاريخ التسجيل: 02-05-2003
مجموع المشاركات: 1040

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: abuguta)

    اسعد ابراهيم :

    لك التحية فى تواجدك بجاي, انا اتفق معاك انو الوجه الصبوح بتحب من اول وهله واهم ما يميز ذلك انه يتسرب الى دواخلك زي ضو القمر لمن يطلع من تحت السحابة, لكن خلينى اقول ليك حاجة مفجعة تصدق انو انا لهس مل قابلنى وجه صبوح عشان اربط بين فكرة صبوح نظؤيا وعمليا. لك عميق ودى

    الاخ : حسين ملاسى:

    فعلا تعليقاتك فى السلك , تصدق اول مرة يقابلنى حلبى ظريف , فهم دائما دمهم تقيل و باردين و متعنطزين فى فارغة , وكمان ما احطرمو ناس تماضر. لكم حبى من اقصى اقاصى الروح حلبتكم على نوبتكم على ادروباتكم على كل اشيائكم القصوى.

    خالة دوما:

    انت طلعت حلبية بالله , انا و الله حاج دوم ده زول مو هين , انا والله يا خالة دوما اجزم على انك بتكونى من الحلبة ومن النوبة ومن البجا ومن الشلك ومن الفور و بكل صدق مش ادعاء احترام , ما عندي شك فى انو دى دواخلك السمحة زي تماضر و دواخلها.

    تماضر:
    مفهوم وليك الوقفة و كمان تانية العيد.

    الاخ ياسر :
    فهمنا البين السطور من بدري بس قلنا نوضح للناس الماعندهم زمن عشان يجتهدو و كفاية عليهم الضرائب و جري المعيشة, يا اخوي ابشر ما فى حاجة حتصل لاهلك الحلبة , و لا انا و لا الناس المعاي ديل هم حاملين ضغينة على زول, نحن بس مشكلتنا مع جهاز الدولة , كيف يتفرتق و تتم اعادة بناءه من جديد لينحاز لكل السودانيين بكل الوانهم بكل اديانهم و بكل قبائلهم, بعدين لمن ده يحصل و الوعى يملا السماء اي زول بكون ما محتاج يغير لونو لانو هو اصلا جميل بالعندو وهو مقبول و وجهو تلفزيونى خالص, و ببقى الحلبى و الدينكاوي و البجاوي و الزغاوي و المحسى كلهم موحدين فى اطار تنوعهم و ببقى اي زول فيهم معتد بحاجاته و الداير يكسر العربى يكسرو انشاءالله يعملو كانون ما مجبور على تجويدو و ما خجلان من انو يكون من اندكم تدل عندكم, و يا اخوي هاك رضاي انا كمان الى طبعا ما قدر و لا يضاهى رضا الانسانة تماضر , العفو و ربنا يرجعك بالسلامة,

    ابوقوتة:

    لك عظيم تقديرى على التوضيحات من واقع حياتنا العملية, طبعا نحن اصلا ما طارحين خلاف السودانيين حول الالوان بقدر ما نحاول ان نربط علاقة المعايير الجمالية بالهوية الذاتية (الفرد) و الهوية الجمعية( المجتمع /الدولة) و حاولنا نتلمس وجود ظاهرة فى كثير من المجتمعات السودانية اي ظاهرة ربط الابيضاض بالتدرج فى سلم المعايير الجمالية, و حاولنا نربط المسالة بجذور تاريخية للوصول الى العوامل الموضوعية التى ادت الى طفوح الظاهرة الى مستوى ان تلاحظ مع العلم ان الموضوع لا يخص السودان وحده بل الجزء الجنوبى من الكرة الارضية باكمله و يمكن مراجعة بعض المداخلات الواردة اعلاه, اذا ظل وجود تطبيقات مادية للمعايير الجمالية الغير عادلة والغير متفق عليها بالضرورة فى ما يتعلق بمصائر الناس و تدرجهم الوظيفى و التحاقهم باي نوع من الوظائف اذن نحن ازاء مشكلة لا تنفصل عن الاشكالات الاخري المتمثلة فى القبلية و المحسوبية و الرشوة و المحاباة و غيرها. لك عظيم احترامى

    الاخ: عصام جبر الله:
    قلت المفيد و ما فى تخريمة و لا حاجة
    لك كل الورود

    الاخ : حسين ملاسى:

    قصدت ان اقول ان اي محاولة لجعل معايير بعينها كمرجعية جمعية مهددة بان لا تكون منصفة, فالمعايير ترتبط بالثقافة و بما ان الثقافات تتقاطع فى فهمها للاشياء و تقديرها لها فعليه تصبح بعض المعايير حتى التى معلومة بالضرورة الصحية كالنظافة مثل الاستحمام و السواك ما الى ذلك هى فى بعض المجموعات ذات مدلولات سلبية, يمكنك القول ان هذا تخلف و ساقول لك بمنظور موقفك الثقافى تخلف و بمنظوره انت تمارس التانث( من ان تصير انثى) , ما الحل اذن؟؟؟
    الحل مزيدا من الحوار الثقافى فى ظل التعايش و تحمل بعضنا البعض , و البقاء للاصلح طبعا اذا خرجت الدولة من لعبة الانحياز المكرورة عبر التاريخ.
    لك التحية ثانيا.

    ولكم جميعا كل الدنيا
    بكرى الجاك
                   |Articles |News |مقالات |بيانات

05-12-2003, 10:47 AM

doma
<adoma
تاريخ التسجيل: 04-02-2002
مجموع المشاركات: 15894

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    تصدق يا بكري انا حقيقه ما عندي جنس معين ولا لون معين وبحس اني انا السودان بكل لغاته بكل ثقافاته واعراقه ونحن اتربينا في زمن زين وحنين الخرطوم بحري مسقط راسي اكاد اعرفها حي حي وشارع شارع فيها كل قبائل السودان ولم يحدث قط ان نظر احدنا للاخر غيرانه انسان متله والله دا الكان حاصل اي زول من الناس ديل كان خالتي وعمي . ويا حليل زمناممكن احدثك عن كيف كنا بنشارك في افراحنا واتراحنا ولو اي زول لقاني بعمل في شئ خطافي الشارع ممكن يقومني وامي او ابي لا يعترضون ولو كان الشخص نوباوي جنوبي دنقلاوي حلبي جعلي شايقي غرابي ولا غيره المهم هو عمي او خالتي وانا عملت خطاوكمان يشكر انه قام بالواجب في غيابهم
                   |Articles |News |مقالات |بيانات

05-12-2003, 04:29 PM

Shinteer
<aShinteer
تاريخ التسجيل: 04-09-2002
مجموع المشاركات: 2083

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: doma)

    الأخ بكري .. والأخ نبتا .. معليش على الغيبة الطويلة دي .. ما قدرت اتابع البوست .. لسببٍ ما(خصّصتكما لأن الأخ بكري هو صاحب البوست والاخ نبتا هو صاحب المصطلح القمئ "الاسلاموعربية" الذي لا أحب كمصطلح)

    لا أدري لماذا انحرف معظم المتداخلين لسودنة البوست .. مع ان الموضوع عالمي بامتياز ولا يمكن حصره في السودان. وفي مداخلتي السابقة ذكرت أن اللون الابيض (والعيون الزرق أحياناً) يكاد يكون الشرط الأساسي للدخول في دائرة الجمال. والانبهار لا يقتصر فقط على السود .. بل ان الشعوب الصفراء، التي أعيش بينها، منبهرة أيضاً باللون الأبيض .. غير أن السود في مجملهم يتهاوون على "البياض" كما يتهاوى الذباب على بقايا الموائد. وهذه الحقيقة لا تحتاج مني لمرافعة .. حيث ذكرت للأخ مراويد أن يسأل كوفي أنان .. وقصدت بذلك أنه من صفوة افريقيا وزوجته بيضاء .. وكل صفوة افريقيا متزوجون من البيض (بيهاجروا ليها عديل كده). قناعتي ان الرجل الأسود مقتول في صميم ذاته .. مستلب في عقله ودمه .. وأعني المتعلمين منهم. المتعلمون أو المنفتحون من الرجال السود ينزعون لتحقيق ذواتهم عبر الهزء بذواتهم وهم لا يعلمون. كلهم بلا استثناء .. حتى الأمريكان منهم (وقد دخلت في نقاش مع بعضهم) يفتخرون بأن لهم "خليلات" بيض .. وأنهم يتزوجزن النساء البيضّ!!!!!!!! أما ابناء افريقيا الأصليين ممن تتاح لهم فرص التعليم في الخارج .. والهجرة .. فحدث ولا حرج. وبالمناسبة .. كلما كانت الافريقية متمكنة في الشخص .. كلما زاد تهافته على "البياض". وبعضهم مقرف لدرجة القرف.

    آتي إلى نقطة الأخ نبتا.. الاسلاموعربية
    الأخ نبتة .. لا أدري علاقة الإسلام بهذه الفصامية .. لكني أعلم علاقة العربية بها (قسّمت مصطلحك الذي لا أحب إلى جزئيه المكونين له). العرب يا سيدي .. كالأفارقة .. مع بعض التعديل .. يميلون "للبياض" كميلهم للحياة والترف. التعديل يأتي من كون العرب يوجد بينهم اللون الفاتح الذي يشبه ذلك اللون القوقازي .. لذلك .. قد يستطيع البعض منهم إشباع توْقه للبياض داخل مجتمعه المحلي .. أما الأفارقة فعليهم الهجرة إلى الشمال. والله أنا ما عارف بنات افريقيا يعملن شنو في النهاية؟!!!!!!!!! إذا كان أبناء افريقيا قد هجروهن ولهثوا خلف البيض!!!!

    أرجع لبكري تاني. قلت لي الحبشة؟؟؟ هنا جيت معاي في مركب واحد .. وابتعدت انت عن ما رميت إليه (اعتقد ذلك) لأن هؤلاء الأحباش الذين تحب وأحب لا تنطبق عليهم السمات السوداء القصوي التي نجدها في غانا ونيجيريا مثلاً .. بل فيهم اللون الفااااااااااتح والقسمات الدقيقة من أنف وخصر (وحاجات تانية ما حامياني ولا حاجة) .. والشعر شبه المسترسل (وحاجات تانية حامياني)

    الخلاصة: ربما يكون تقييم اللون قد خضع لمحددات خارجة عن إرادة "الشعوب التابعة" .. لكن تظل الحقيقة: لو اجتمع اللون الأسود الداكن مع القسمات المضخّمة .. ينتفي الجمال. لذلك قلت أن القسمات تهمني كثيراً.

    وشكراً ليك يا بكري .. وشكراً ليك يا نبتا (بالله عليك الله ما تحاول تؤدلج الذوق الإنساني) .. وشكراً لكل المساهمين

    يا بكري .. رسّل لي على المسنجر .. ما في اي مانع. بس ما تقع في البياض. البياض الراسمو حنّة. أمانة ما فتحت موضوع. أتمنى انو "الافريقانيين" برضو يساهموا في إثراء الحوار

    (عدل بواسطة Shinteer on 05-12-2003, 04:32 PM)
    (عدل بواسطة Shinteer on 05-12-2003, 04:34 PM)

                   |Articles |News |مقالات |بيانات

05-12-2003, 04:39 PM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Shinteer)

    اما الرجال فبالله يبعدوا لينا من الكروش والسذاجة والراس الفاضى والنفخ الكاذب...كلهم بكونوا جميلين
                   |Articles |News |مقالات |بيانات

05-12-2003, 05:02 PM

AnwarKing
<aAnwarKing
تاريخ التسجيل: 05-02-2003
مجموع المشاركات: 11481

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Shinteer)

    Quote:
    أرجع لبكري تاني. قلت لي الحبشة؟؟؟ هنا جيت معاي في مركب واحد.. وابتعدت انت عن ما رميت إليه (اعتقد ذلك) لأن هؤلاء الأحباش الذين تحب وأحب لا تنطبق عليهم السمات السوداء القصوي التي نجدها في غانا ونيجيريا مثلاً .. بل فيهم اللون الفااااااااااتح والقسمات الدقيقة من أنف وخصر (وحاجات تانية ما حامياني ولا حاجة) .. والشعر شبه المسترسل (وحاجات تانية حامياني)

    الخلاصة: ربما يكون تقييم اللون قد خضع لمحددات خارجة عن إرادة "الشعوب التابعة" .. لكن تظل الحقيقة: لو اجتمع اللون الأسود الداكن مع القسمات المضخّمة .. ينتفي الجمال. لذلك قلت أن القسمات تهمني كثيراً

    .

    والله ضحكتنى الله يديك العافية يا شنتير بالمناسبة انت قريب منا...وعلى قولك الجنس الاصفر ذاتم بيموتوا فى اللون الابيض...
    اتذكر.. قريت قبل كده research انو التؤام غير المتطابق فى اللون يعانى من التميز فى الرضاعه لصالح الابيض برضو...
    AnwarKing
                   |Articles |News |مقالات |بيانات

05-12-2003, 05:08 PM

Shinteer
<aShinteer
تاريخ التسجيل: 04-09-2002
مجموع المشاركات: 2083

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: AnwarKing)

    الأخت تماضر .. موضوع الرجال ده مفروض يتفتح ليه بوست خاص .. لأنهم دايرين زول يقرعهم ويدخلهم في علبهم (طبعاً أنا في نصهم، بس داير علبة كبيرة شوية عشان ما أخنق). ليه هم عاملين فيها الوحيدين الممكن يحددوا معايير الجمال؟ ده موضوع مهم بالجد

    الأخ أنور .. ياخوي أنا ما قريب ليكم ولا حاجة .. أنا جنب كسلا وانتو في بورتسودان: كسلاااتا .. أم دقاق. حَدَرْكا.
                   |Articles |News |مقالات |بيانات

05-12-2003, 05:14 PM

Tumadir
<aTumadir
تاريخ التسجيل: 23-05-2002
مجموع المشاركات: 14699

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Shinteer)

    خلاص اتفقنا...نفتحو سنة الفين واربعة...

    (نحن حنعجز هنا ولا شنو؟؟؟)
                   |Articles |News |مقالات |بيانات

05-12-2003, 05:22 PM

Muhib
<aMuhib
تاريخ التسجيل: 12-11-2003
مجموع المشاركات: 3993

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: AnwarKing)

    جمال الروح واللون الابيض رغم الارهاب ...ولايعني هذا اني اكره السواد...
                   |Articles |News |مقالات |بيانات

05-12-2003, 07:16 PM

Shinteer
<aShinteer
تاريخ التسجيل: 04-09-2002
مجموع المشاركات: 2083

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Muhib)

    النصيحة نور يا محب/مهيب (ياخي اسمك منو؟). تعرف أنا ممكن أراهنك هنا باي مبلغ لو في أي واحد شاف اللون الأبيض وقال بيفضلو عليه اللون الأسود. أها رايك شنو؟ يازول الجماعة بيجاي نازلين الاعمى شايل المكسر

    (عدل بواسطة Shinteer on 05-12-2003, 07:40 PM)

                   |Articles |News |مقالات |بيانات

05-12-2003, 07:24 PM

Muhib
<aMuhib
تاريخ التسجيل: 12-11-2003
مجموع المشاركات: 3993

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Shinteer)

    شانتير العزيز
    اسمي محب...وقلت احب البياض ولكن لااكره اوابغض السواد
    ولكم الود..
                   |Articles |News |مقالات |بيانات

06-12-2003, 10:22 AM

Bakry Eljack
<aBakry Eljack
تاريخ التسجيل: 02-05-2003
مجموع المشاركات: 1040

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Muhib)

    الخالة دوما:

    انت وصلت الى المرحلة بتاعة البيور هيومان زي ما قالت تماضر , يعنى الجمال فى اي حتة موجود و قديما قالو ان الاشياء محايدة نحن البنلونها بدواخلنا , انا ما عندي شك تب في نظرتك للانسان كانسان, بس ما تجى تاخدى بيد الناس اللس بيفتكرو انو مجرد انو الزول الطولو ما واصل 170 سنت, و سنونو ما بيض, و لونو اذا كا ابيض يكون خمري(شوكليت) او برونزي ده وجه ما تلفزيونى. محتاجين لتجربتك و خبرتك فى الاعشاب والنباتات و خبرتك كمان فى الفهم الانسانى.

    الاخ شانتير
    تحية لك مرة اخري على المداخلة القيمة, فقط اود ان اعلق ان الانتلجنسيا الافارقة او العرب او من الشعوب الصفراء فى زواجهم من حسناوات البيض عموما والانجلوساكسن خصوصا يدخل فى دائرة التقييم الفردى الذى لا يعطى الصورة الكاملة عن حالة الاستلاب بالرغم من اعطاءه مؤشرات يمكن توظيفها للقراءة والتحليل لحجم الظاهرة(الاستلاب), ما ذكرته عن احساسى بالانتماء الى القارة السمراء بشكل شخصى فى رحلتى الصيفية الى اسمرا لا يمكن اخذه بعيدا عن اطار المقاربة الثقافية , بامكانك استنطاق القصة البعد النفسى لاحساسى كفرد, الا اننى قصدت من هذا الحوار الطاهرة فى مستواها الجمعى وبما اننى افترضت ان درجة اقتراب اللون من الابيض هو الذى يحدد الدرجة فى سلم التراتب الجمالى فعليه تصبح حالة الاستلاب فى السودان متدرجة من لون فاتح الى لون (قوقازي) لون العرب ومن ثم الى بياض كامل افتراضا, ما نحن بصدده هو دراسة مكونات الظاهرة تاريخيا وثقافيا اذا اتفقنا حول سلامة الافتراض علميا, ففى المستوى الفردى الذى بالضرورة هو بشكل او باخر تحركه حالة الاستلاب هذى يكون الامر سهل و كل الحجج مدفوعة لنا باعتبار ان الانسان حر فى اختياراته على حد قول مراويد , ولكن فى المستوي الكلى لا يمكن قفل الباب بهذه السهولة, و احب ان اطمنك انو الافريقيات الاشد سوادا ايضا محبوبات من الرجل الابيض و سيجدن حظا من التزاوج طبعا , اذا تم التزاوج هذا فى مستواه الانسانى بمعنى ان الانسان يحب ما نقترب الى نفسه فليس هنالك مشكلة , لكن ان تتم عملية التزاوج مفهوم الهروب الى الامام فهذا هو الذى نحن قصدناه بالبحث حيث لابد من اكتناه القيم الجمالية لكل كائن وهى خصوصيته سواء كانت سواد بشرة او انف ضخم او جسم ممتليء , المعلوم بالضرورة ان الظاهرة لا يمكن ان تزول بجرة قلم فما صنع بحركة التاريخ لا يمكن ان يزول الا بحركة التاريخ نفسها مع التاكيد على دور الوعى بالذات على مستوى الافراد والجماعات.
    اما موضوع سكان الهضبة الاثيوبية ( الاحباش) و انا غير ميال لاستخدام هذه المفردة لانها اسيء استخدامها فى السودان و اصبحت مشحونة بالدلالات الاخلاقية و العنصرية فى ان واحد و خصوصا من السودانيين , و شهدنا كثير من التجارب السيئة للكثير من السودانيين اللذين يتعاملون مع الموروث من الفاظ كمسلمات, و اهو سيرة وانفتحت اتمنى ان تعاود الحضور
    اما مصطلح الاسلاموعربية بالرغم ما يحمله من دلالات كثيرة و يمكن توظيفه فى دراسة الحالة السودانية الا اننى ساترك المجال للاخ نبتة( شريف صاحب المشاركة اصلا) فى اجلاء ابعاده فى هذا الحوار.

    الفنانة تماضر


    اما الرجال فبالله يبعدوا لينا من الكروش والسذاجة والراس الفاضى والنفخ الكاذب...كلهم بكونوا جميلين

    نؤيد و نضيف وان يبعدوا عن الاراء القيمية و القطعية و فكرة ان العالم خلق لهم وان النساء اضفن لتجميله ( هن نعمة(متعة) لنا) و بعداك تعالى شوفى ليك جنس لمة جمالية من السكا لحدى استراليا.
    الاخ انور كنق:
    اها زي التمييز فى الرضاعة ده حلو شنو سوى التفكيك المعرفى لهذا العقل الجمعى المستلب و اعادة بناءه بما يحمى حقوق السود من الرضع .

    تماضر تانى:
    فعلا جمال الرجل ده حيكون سؤال كبير و صعب, اعملى الدعاية من هس انو البنات يقولو رايهم بصراحة, لانو شانتير ده حيكون عندو حجج اولها فى كسلا و اخرها فى اليابان.

    الاخ محب
    :

    جمال الروح واللون الابيض رغم الارهاب ...ولايعني هذا اني اكره السواد...

    سلامات و الله انا ما فهمت اي حاجة؟؟؟؟؟؟؟؟؟؟

    ولكم اجمل الورود و انضرها و بالمناسبة اليابانيين مفترض يكونو انتجو اول وردة زرقاء فى الدنيا بعام 2005 , شانتير حقو تشوف لينا الموضوع وصل وين, الواحد لو ما ساكت هس يقول حتى الطبيعة عنصرية ومستلبة.

    بكرى الجاك


                   |Articles |News |مقالات |بيانات

06-12-2003, 11:23 AM

Bakry Eljack
<aBakry Eljack
تاريخ التسجيل: 02-05-2003
مجموع المشاركات: 1040

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Muhib)

    الخالة دوما:

    انت وصلت الى المرحلة بتاعة البيور هيومان زي ما قالت تماضر , يعنى الجمال فى اي حتة موجود و قديما قالو ان الاشياء محايدة نحن البنلونها بدواخلنا , انا ما عندي شك تب في نظرتك للانسان كانسان, بس ما تجى تاخدى بيد الناس اللس بيفتكرو انو مجرد انو الزول الطولو ما واصل 170 سنت, و سنونو ما بيض, و لونو اذا كا ابيض يكون خمري(شوكليت) او برونزي ده وجه ما تلفزيونى. محتاجين لتجربتك و خبرتك فى الاعشاب والنباتات و خبرتك كمان فى الفهم الانسانى.

    الاخ شانتير
    تحية لك مرة اخري على المداخلة القيمة, فقط اود ان اعلق ان الانتلجنسيا الافارقة او العرب او من الشعوب الصفراء فى زواجهم من حسناوات البيض عموما والانجلوساكسن خصوصا يدخل فى دائرة التقييم الفردى الذى لا يعطى الصورة الكاملة عن حالة الاستلاب بالرغم من اعطاءه مؤشرات يمكن توظيفها للقراءة والتحليل لحجم الظاهرة(الاستلاب), ما ذكرته عن احساسى بالانتماء الى القارة السمراء بشكل شخصى فى رحلتى الصيفية الى اسمرا لا يمكن اخذه بعيدا عن اطار المقاربة الثقافية , بامكانك استنطاق القصة البعد النفسى لاحساسى كفرد, الا اننى قصدت من هذا الحوار الطاهرة فى مستواها الجمعى وبما اننى افترضت ان درجة اقتراب اللون من الابيض هو الذى يحدد الدرجة فى سلم التراتب الجمالى فعليه تصبح حالة الاستلاب فى السودان متدرجة من لون فاتح الى لون (قوقازي) لون العرب ومن ثم الى بياض كامل افتراضا, ما نحن بصدده هو دراسة مكونات الظاهرة تاريخيا وثقافيا اذا اتفقنا حول سلامة الافتراض علميا, ففى المستوى الفردى الذى بالضرورة هو بشكل او باخر تحركه حالة الاستلاب هذى يكون الامر سهل و كل الحجج مدفوعة لنا باعتبار ان الانسان حر فى اختياراته على حد قول مراويد , ولكن فى المستوي الكلى لا يمكن قفل الباب بهذه السهولة, و احب ان اطمنك انو الافريقيات الاشد سوادا ايضا محبوبات من الرجل الابيض و سيجدن حظا من التزاوج طبعا , اذا تم التزاوج هذا فى مستواه الانسانى بمعنى ان الانسان يحب ما نقترب الى نفسه فليس هنالك مشكلة , لكن ان تتم عملية التزاوج مفهوم الهروب الى الامام فهذا هو الذى نحن قصدناه بالبحث حيث لابد من اكتناه القيم الجمالية لكل كائن وهى خصوصيته سواء كانت سواد بشرة او انف ضخم او جسم ممتليء , المعلوم بالضرورة ان الظاهرة لا يمكن ان تزول بجرة قلم فما صنع بحركة التاريخ لا يمكن ان يزول الا بحركة التاريخ نفسها مع التاكيد على دور الوعى بالذات على مستوى الافراد والجماعات.
    اما موضوع سكان الهضبة الاثيوبية ( الاحباش) و انا غير ميال لاستخدام هذه المفردة لانها اسيء استخدامها فى السودان و اصبحت مشحونة بالدلالات الاخلاقية و العنصرية فى ان واحد و خصوصا من السودانيين , و شهدنا كثير من التجارب السيئة للكثير من السودانيين اللذين يتعاملون مع الموروث من الفاظ كمسلمات, و اهو سيرة وانفتحت اتمنى ان تعاود الحضور
    اما مصطلح الاسلاموعربية بالرغم ما يحمله من دلالات كثيرة و يمكن توظيفه فى دراسة الحالة السودانية الا اننى ساترك المجال للاخ نبتة( شريف صاحب المشاركة اصلا) فى اجلاء ابعاده فى هذا الحوار.

    الفنانة تماضر


    اما الرجال فبالله يبعدوا لينا من الكروش والسذاجة والراس الفاضى والنفخ الكاذب...كلهم بكونوا جميلين

    نؤيد و نضيف وان يبعدوا عن الاراء القيمية و القطعية و فكرة ان العالم خلق لهم وان النساء اضفن لتجميله ( هن نعمة(متعة) لنا) و بعداك تعالى شوفى ليك جنس لمة جمالية من السكا لحدى استراليا.
    الاخ انور كنق:
    اها زي التمييز فى الرضاعة ده حلو شنو سوى التفكيك المعرفى لهذا العقل الجمعى المستلب و اعادة بناءه بما يحمى حقوق السود من الرضع .

    تماضر تانى:
    فعلا جمال الرجل ده حيكون سؤال كبير و صعب, اعملى الدعاية من هس انو البنات يقولو رايهم بصراحة, لانو شانتير ده حيكون عندو حجج اولها فى كسلا و اخرها فى اليابان.

    الاخ محب
    :

    جمال الروح واللون الابيض رغم الارهاب ...ولايعني هذا اني اكره السواد...

    سلامات و الله انا ما فهمت اي حاجة؟؟؟؟؟؟؟؟؟؟

    ولكم اجمل الورود و انضرها و بالمناسبة اليابانيين مفترض يكونو انتجو اول وردة زرقاء فى الدنيا بعام 2005 , شانتير حقو تشوف لينا الموضوع وصل وين, الواحد لو ما ساكت هس يقول حتى الطبيعة عنصرية ومستلبة.

    بكرى الجاك


                   |Articles |News |مقالات |بيانات

06-12-2003, 01:36 PM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    كيف حالك يا جاك ....

    يا أخي بالرغم من محاولتي تجاوز حكاية بياض الأسنان و رائحة العرق
    – الصنان – التي ذكرت إلا إنني ارجع لهما رغما عني, فقد ذكرت:
    Quote: صادفت بعض القبائل بغض النظر عن الموقع لتجنب سوء الفهم التي تعتقد إن رائحة العرق (الصنان) هى من علامة الرجولة, وان الريحة الفيوم وبياض الاسنان دلالة على التخنس و الفقر,

    و عليه اطلب منك مساعدتي علي توضيح بعض المسائل من واقع مصادفاتك.

    أولا:
    هل المرأة في هذه القبائل إن كانت رائحتها "كاربة" تعتبر مسترجلة بالمعيار المذكور أعلاه.

    ثانياً:
    و هل لو كانت أسنانها بيضاء تعتبر اكثر أنوثة و إن كانت فقيرة....

    عذرا يا جاك لانو من زمان لو ما وقعت لي نقطة ما بقدر انتقل للتي تليها بسهولة

    و لك كل تقديري و احترامي

    ملاسى
                   |Articles |News |مقالات |بيانات

06-12-2003, 07:58 PM

Muhib
<aMuhib
تاريخ التسجيل: 12-11-2003
مجموع المشاركات: 3993

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Hussein Mallasi)

    الاخ بكري..اجد نفسي احب بيض النساء ولااعني هذا اني اكره السود منهم. والاهم فوق ماذكرت جمال الروح..
                   |Articles |News |مقالات |بيانات

06-12-2003, 09:10 PM

nabta


للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    الشوق بحر يا بكري وعذرا لي الانقطاع بسبيب الجري الشديد
    العزيز شنيتر يبدو لي انك ممكن تتفق معي ومعي بكري في ان لكل ثقافة معاير جمالية واعتقد ان العزيز بكري ضرب مثل واضح وجميل مثل رائحة العرق عند احدي القبائل دعني يا استاذ شنيتر اتسائل ما هي الثقافة التي سيطرت علي مقاليد الامور في السودان واقصية السقافات الاخري .هل نستطيع التحديث عن ثقافة عربية بمعزل عن الاسلام والعكس ايضا هل نستطيع ان نتحدث عن الاسلام بمعزل عن الثقافة العربية.هل استطيع ان ازعم ان الثقافة الاسلاموعربية لم تاثر فينا وانا الان اخاطبكم بلغة عربية.اتمني ان تكون وجدت في تلك الاسئلة اجابة علي سؤالك لماذا ادخلت الثقافة الاسلاموعربية في الموضوع.
    عزيزي بكري اتفق معك في انه توجد معاير كشيرة في تحديد الجمال وهي مختلفة بي اختلاف الثقافات ولكن يا عزيزي لو تساءلنا عن اللون تحديدا كمعيار من ضمن معاير اخري في تحديد الجمال يا تري ما هو اللون الاجمل.وعلي مستوي العالم كثيرا ما نسمع كلمة ابيض ولكن حقيقة هل يوجد انسان ابيض ام اننا حينما نقول علمة ابيض نقصد لون اخر.والي اي مدي ياتري نحن كسودانين نكون منسجمين مع معايرنا الجمالية بمعني الي اي معايرنا التي نتبناها لا تديننا كبشر وتسلبنا من ان نكون جميلين.
    لقد فهمت من احدي مداخلات الاخ شنيتر ان الشعر القرقدياو الاجعد غير جميل واريد هنا ان احكي لك تجربة افادتني كثيرا وهي انه يوجد سوداني بي المقايس السودانية شعرو سبيبي من ذاك النوع الذي يطلق علية لقب صيني .في احد المرات كنت اتكلم مع جاري العراقي في موضوع اوصاني به السوداني صاحب الشعر الصيني الي العراقي لكن العراقي لم يعرف السوداني ولكي اوضح له السوداني المعني قلت له انه صاحب الشعر السبيبي وهنا رد العراقي بكل براءة ووضوح انه لا يوجد سوداني يمتلك شعر سبيبي وهنا انتبهة الي نفسي وبعد تبني معاير اخري استطعت ان ابين السوداني المطلوب.لكني استطيع ان ازعم ان هذا العراقي قدم لي خدمي جليلة وهي يا تري هل صحيح انه في السودان يوجد اناس يملكون شعر سبيبي واخرون قرقدي ام اننا كلنا في الهوي سوي لكن الثقافة السائدة لها راي غير ذلك .لك عميقي ودي بكري شريف محمد ادم مركز
                   |Articles |News |مقالات |بيانات

06-12-2003, 09:39 PM

Muhib
<aMuhib
تاريخ التسجيل: 12-11-2003
مجموع المشاركات: 3993

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: nabta)

    نبته العزيز..احب حديثكم خلال هذا المنبر. انا مولود في امدر ومسلم. انا غير عربي ونعم اثحدث العربيه وادين بالاسلام. الاسلام لكل الناس دون غصب اواجبار وهو
    ليس حكر علي العرب. كما قلت اني غير عربي. ليس لدي
    دليل علي اني عربي. في اعتقادي العروبه قوميه وليست
    جنس وحتي ان كانت جنس فلاابدوا عربيا في المنظر.
    اخي نبته...هنالك سودانيين يبدون عربا في منظرهم
    والامر محير. انا لاابدو وسبحان الله..ولي عوده
                   |Articles |News |مقالات |بيانات

07-12-2003, 08:56 AM

haleem

تاريخ التسجيل: 10-09-2002
مجموع المشاركات: 0

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    فهمت حاجة يا بكري؟؟؟ ويا نبتة ؟؟ أنا لأ

    (عدل بواسطة haleem on 07-12-2003, 09:01 AM)

                   |Articles |News |مقالات |بيانات

07-12-2003, 09:07 AM

Muhib
<aMuhib
تاريخ التسجيل: 12-11-2003
مجموع المشاركات: 3993

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: haleem)

    Incomprehensible huh!
                   |Articles |News |مقالات |بيانات

07-12-2003, 11:32 AM

Bakry Eljack
<aBakry Eljack
تاريخ التسجيل: 02-05-2003
مجموع المشاركات: 1040

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Muhib)

    الاخ حسين ملاسى

    أولا:

    هل المرأة في هذه القبائل إن كانت رائحتها "كاربة" تعتبر مسترجلة بالمعيار المذكور أعلاه.

    طبعا ليس من الصعب ان اسمى لك القبيلة او المنطقة, ولكن اعتقد انت تعلم حساسية الموضوع لما يبدو من حمله لرؤية قيمية, اما فيما يخص السؤال فالذى تمكنت من ملاحظته ان المعايير تتشابه الى حد كبير بين المراءة والرجل بمعنى ان الامر ليس كما هو حالنا فى سودان الوسط بمفهوم الوسط السياسى , فعندنا هنالك بعض الممارسات التى تدخل فى دائرة تجمل المراءة و تكاد تدخل فى دائرة العيب اذا ما قام بها الرجل هذا طبعا اذا ما صنفت على انها تشبه بالنساء حسب منظور العقل السلفى وكانما ان هؤلاء النساء لهن شكل ثابت للمارسة الحياتية عبر التاريخ, فيا صديقى ملاسى عند هؤلاء القوم الذهب من الاشياء المحبوبة لدي الجنسين ولا عيب فى ذلك, و المراءة التى تكثر من استخدام الماء (الاستحمام) تعتبر منحرفة و العطر مرتبط فقط بطقس الممارسة الجنسية و اذا كانت المراءة ذات رائحة(كاربة) ليس هنالك استرجال توصف به, و السواك باستخدام المعجون والفرشاة من غير المستحبب لدى الجنسين هذا فى المستوي الريفى لهذه الثقافة و فى المدن استحدثت ثقافة تشابه العالم فى بعض الاشياء ولكن لم تنصهر فى اشياءه, قد نتفق ان هنالك اشياء ثبت علميتها وعلاقتها بصحة الانسان مثل الممارسات التى لها علاقة بالنظافة بشكل عام و عليه يسهل ان نصف ان كل من لا يتماثل مع هذه الممارسات بانهم قوم متخلفون و هكذا و لكن تبقى حقيقة ماثلة ان هؤلاي الناس ايضا يرون فى ان العالم اضاع جهد كبيرا فى اكتشاف مثل الاشياء التى نراها انا وانت معاييرا للنظافة وعليه يصبح معيار الجمال مرتبط بمنظومة الثقافة بشكل مباشر الى درجة انهم يمشطون شعرهم بطريقة تستفذنى انا شخصيا ولا اري فيها اي قيمة جمالية الا انه ليس امامى سوى تقبل هذا الشان و ترك الموضوع للحوار والحراك الثقافى.

    كتبت


    ثانياً:
    و هل لو كانت أسنانها بيضاء تعتبر اكثر أنوثة و إن كانت فقيرة....


    معايير الانوثة التى تتحدث عنها تحاكمها بذاكرتك الثقافية , فهنا يشاع عن سوداني الوسط انهم يحبون المراءة ذات الارداف الممتلئة و انهم يحبون المراءة الممتلئة الجسم بمعنى ان المراءة بمثل المعايير المذكورة اعلاه تعتبر اكثر انوسة هذا طبعا بالاضافة الى بياض الاسنان الذى اوردته انت كمثال, و لافاجئك اننى بالرغم من معرفتى بلغة القوم اللذين احثك عنهم الا انه لا توجد مفردة ترادف مفردة انوثة فى لغتهم و لا توجد مفردة ترادف مفردة الجنس او sexy مثل ان تقول فلانة سكسى ويقول صناع السينما بان فلانة ملكة الاغراء, اذا لم تتوفر المفردة اصلا فى منظومة اللغة كيف يمكن ان يكون للمراءة ذات الاسنان البيضاء حظ اوفر من الانوثة دون غيرها, حقيقة لم استطع ان افهم الكيفية التى تعتبر بها المراءة مفضلة الا اننى اعرف ان رجالهم يميلون الى المراءة ذات البشرة الفاتحة الاقرب الى البياض, نسائهم تميل الى الرجل ذو اللون الكاكاوي. اتمنى ان اكون قد اجبت على اسئلتك واذا كان هذا صحيحا اتمنى ان تبقى معنا لتنقلنا الى النقطة التى تراها التالية.

    الاخ محب
    الاخ بكري..اجد نفسي احب بيض النساء ولااعني هذا اني اكره السود منهم. والاهم فوق ماذكرت جمال الروح

    الاخ محب لا غبار فى ان تحب المراءة البيضاء او الشقراء و لكن هل حدث ان سالت نفسك لماذا ؟؟؟؟ لماذا تحب المراءة البيضاء , هل كما افترض فرويد اننا نحب النساء على شاكلة امهاتنا ام ان هنالك سبب ثقافى اخر ؟؟؟؟ اذا استطعت اردت ان تجيب على هذا السؤال هنا فحتما سيكون هذا اضافة للحوار, و اذا قررت ان تجيب ان كثير من الاسياء التى نحبها لكن لا نستطيع تعليلها او معرفة الاسباب التى جعلتنا نحبها فعليه موضوع بحثنا سيظل قائما كمحاولة للاجابة على الاسباب التى جعلت محب و العرب و الشعوب الصفراء و سود افريقيا يحبون المراءة البيضاء وحينها نرجو ان تجتهد معنا فى ان نجيب سويا على السؤال.

    الاخوان نبتة(محمد) والصديق عميقا شريف مركز

    اولا يا شريف مالك قطعت الايميلات ياخى ارجو ان تدينا اخبارك و العنوان موجود مع الاخ نبتة, كيف الصقيع فى تلكم المنافى البعيدة, اشتاقكم جميعا .
    صحيح ماذهبت اليه اخى شريف انه من الصعب اليوم ان يتم الفصل بشكل عضوى بين ما هو عربى و ما هو اسلامى, و مصطلح الثقافة الاسلاموعربية مصطلح تم تطويره من قبل الكثير من البحاثة و الكتاب لوصف الحالة الثقافية لبلدان ما يسمى بالوطن العربى والعروف ان معطم البلدان التى تعتبر اقتراضا مسلما بلاد عربية تعرضت الى حالة من التزاوج والاختلاط الثقافى والعرقى مع مجموعات كانت تقطن البلاد التى هاجر اليها العرب و معهم الاسلام , بل عمليا لا يوجد ما يسمى بالثقافة العربية حاليا ولكن يوجد ما يسمى بالثقافة الاسلاموعربية, و ما فهمته اخى شانتير من كلام الاخ شريف انه يقول المعايير نسبية لفكرة الجمال و بما اننا افترضنا وجود حالة استلاب فى السودان و فى وسط السودان و المجموعات الاثنية التى تعرضت لعملية اعادة انتاج وفق منظومة ثقافة الوسط التى هى الثقافة الاسلاموعربية , فالذى حدث ان هنالك استلاب عالمى تجاه اللون الابيض و التدرج فى سلم التراتب الجمالى يزداد كلما اقترب لون حامله/ته من اللون الابيض ففى السودان التطبيقات العملية لحالة الاستلاب تتمثل فى الحرب الكيميائية التى تخاض من اجل الحصول على بشرة فاتحة نسبيا وطبعا اذا توفرت الامكانية فالكثيرون يحلمون بالمضى الى الابيضاض الكامل و طالما ان اكتشافات بيوت الكوزمتكس ما زالت متخلفة فى تلبية هذه الرغبات فعليه يبقى الاكتفاء بدرجة من الحمرة و لهذه الحمرة دور فى تحديد درجة القبول الاجتماعى وفق منظومة الثقافة الاسلاموعربية كثقافة سائدة لها معاييرها الجمالية التى تفضل الاقرب الى الابيض على الاسود الكالح هذا ما اراد قوله الاخ شريف اذا استوعبت صحيحا, وهذا سليم فكيف لكم ان تفسروا مصطلح وجه تلفزيونى فى بلد مثل السودان الغالبية العظمى من سكانه هم سود بما فيهم من يعتقدون انهم عرب ويحملون شعرا سبيبيا, مزيد من الاضاءة فى هذا الموضوع يمكن مراجعة كتاب صراع الهويات – للدكتور فرانسيس دينق.


    الاخ محب
    كتبت

    نبته العزيز..احب حديثكم خلال هذا المنبر. انا مولود في امدر ومسلم. انا غير عربي ونعم اثحدث العربيه وادين بالاسلام. الاسلام لكل الناس دون غصب اواجبار وهو
    ليس حكر علي العرب. كما قلت اني غير عربي. ليس لدي
    دليل علي اني عربي. في اعتقادي العروبه قوميه وليست
    جنس وحتي ان كانت جنس فلاابدوا عربيا في المنظر.
    اخي نبته...هنالك سودانيين يبدون عربا في منظرهم
    والامر محير. انا لاابدو وسبحان الله..ولي عوده


    ما كتبته هنا هو الذى جعل مصطلح الثقافة الاسلاموعربية يكون ذو فعالية فى دراسة حالة مثل السودان, فانت غير عربى الملامح و لكنك مسلم و هذا اتومتيكيا جعلك عربى الوجدان ومن ثم التاريخ المشترك ومن ثم تجري فى دمائك الدماء العربية فى مستوها الثقافى والوجدانى , فكيف لك ان تقول انك لست بعربى ومن ثم لانك مسلم اذن انت عربى؟؟؟؟؟ هذا سيقودنا الى تحليل اخر ذو علاقة بالدين الاسلامى وعدم قدرته للتخلص من جنسيته الثقافية العربية ليخاطب الناس كناس وليس ليعربهم كما عرب محب الذى هو ليس بعربى ولكن باعتناقه الاسلام فتم عربنته.

    الاخ حليم :
    انا فهمت الكتبت ده لكن تعرف هذا ليس له ادنى علاقة بموضوع البوست , اتمنى ان اكون استطعت من ان اقرب الصورة الى ذهنكم كما بدت لى وقد اكون مخطئا. وشكرا على الطلة يا سيدى

    ولكم ودى جميعا
    بكرى الجاك
                   |Articles |News |مقالات |بيانات

10-12-2003, 00:57 AM

Muhib
<aMuhib
تاريخ التسجيل: 12-11-2003
مجموع المشاركات: 3993

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    عزيزي بكري الجاك
    كون يكون ديني الاسلام لايعني انني عربي. الاسلام دين لكل الناس. الاسلام لايستطيع ان يجعل الجنس الهندي عربي, او
    الجنس الامريكي الزنجي او الابيض بان يكون..معزره لي عوده...I Gotta leave right now!
                   |Articles |News |مقالات |بيانات

22-12-2003, 04:08 AM

Rawia

تاريخ التسجيل: 23-11-2002
مجموع المشاركات: 8396

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    امنت بالحسن بردا
    وبالصبابه نارا
    وبالكنيسه عقدا
    منضدا من عذارى
    وبالمسيح ومن طاف
    من حوله واستجارا
    ايمان من يعبد
    الحسن في عيون النصارى




    التجاني يوسف بشير



    لقد وعدت بالعوده لهذا البوست بعد العمل
    وسوف اعود
                   |Articles |News |مقالات |بيانات

22-12-2003, 07:40 AM

JAD
<aJAD
تاريخ التسجيل: 05-02-2002
مجموع المشاركات: 4768

للتواصل معنا

FaceBook
تويتر Twitter
YouTube


Re: ماهية المعايير الجمالية ( علاقته بالهوية و الاستلاب ) - خصوصا للنساء- (Re: Bakry Eljack)

    ========
    ((علينا الاعتراف اولا ان حالة الاستلاب تجاه اللون الابيض لها اسبابها التاريخية الموضوعية تتمثل فى سيادة هذا الابيض لسنوات وقرون طويلة على عرش كل الامبراطوريات العظيمة فى التاريخ الانسانى و الابيض هو الذى يملك القوة بكل انواعها الاقتصادى والسياسى والعسكرى وهو المستعمر و هو المالك للعلم والتكنولوجيا , فالاستتباع الحضاري ليس فى مستوي الافكار و المشاريع السياسية فحسب فهو ايضا فى المستوى الثقافى الذى يجعل المعايير الجمالية فى العالم بهذا الاختلال , انا لست بصدد الحديث عن الاستتباع الحضاري ولكن بما ان هنالك فهم واعتقاد شائع لدى انسان الجزء الجنوبى للكرة الارضية ان الابيض هو الذى دوما يملك المال ويملك كل ما هو متاح فى هذه الارض ..))
    ========

    لماذا لم يكن أصحاب البشرة السوداء هم المسيطرون .. ولماذا يمسك هذا اللون الأبيض بذمام الأمور منذ بداية الخليقة؟؟؟

    وإلى الآن تشاهد السياح الأوربيين البيض .. يتجولون خفافاً في أدغال أفريقيا .. ويتبعهم الأفارقة يحملون مستلزمات الرحلة على ظهورهم في حميرية متناهية .. لماذا؟

    يكمن الحل لمعضلة التخلف والحالة البهيمية التي يعيشها الزنوج في معظم أقطار الأرض هي بث الإشعاع الإلهي في تلك الأرواح الخاوية لتحيا بنور ربها .. إن الدين الإسلامي والثقافة العربية هي مفتاح الرقي والتقدم البشري لأن الإسلام هو فطرة الله التي فطر الناس عليها.

    وإنني أدعو كل من في هذا البورد من غير المسلمين أن لا يحرموا أنفسهم من الهدى والخير الوفير الذي جاء به الإسلام .. ولا يصدنهم عن تلك النعم غواية من غوى وضلال من ضل.

    والسلام على من اتبع الهدى،

    جاد
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de