|
رمزية زيارة البشير الى الصين!!
|
بصراحة كده ما عندها اي رمزية ولا أي حاجة تعبيرية.. البشير وجماعته قالوا الصين دي أبعد حته وعشان كده الرئيس لازم يمشي ليها ويتحدى ليك أوكامبو والمحكمة الجنائية
|
|
|
|
|
|
|
|
Re: رمزية زيارة البشير الى الصين!! (Re: الامين موسى البشاري)
|
مش يتخفى زي الحرامي وينط من دولة لي دولة ومن مجال جوي الى آخر والجماعة واقفين ليهو امش بهنا لالالالالالالالالالالا بعندنا ما بتعدي يا زول انت زول حرامي وقاتل وسافك للدماء ونحن ما بشرفنا تجي بعندنا تجيب لينا شبهة ســـااااي فتش ليك طريق تاني عليك الله ما تحرجنا مع أمريكا وأوكامبو دا يااااخ
| |
|
|
|
|
|
|
Re: رمزية زيارة البشير الى الصين!! (Re: الامين موسى البشاري)
|
عشان كده الزيارة ما عندها أي معنى غير إنو قال للعالم يا جماعة انا مطارد والنوم زاتو طاير من عيني.. المشكلة المستشارين الكتارااااات ديل زول كده ينصح الزول دا ماف وهم حوالي خرطمية مستشار ما هو كده حاجة من اثنين يا هم ما شغالين حاجة وكل همهم اللهف واللهط وبس او عايزين يتخلصوا منك يا البشير..... والله صحي وبعدين وحاة الله كان دايرينك كان جابوك بفرد صارخ واوباما يشرب في جبنته يعني اسي امريكا وفرنسا وبقية الدول غالبها تجيبك ما قبال كده مشوا يوغسلافيا وجابوا العايزينه ومشوا برضو العراق وجابوا صدام ومشوا افعانستان وجابوا اسامة بن لادين ومشوا نيكاراغوا وجابو دانيال أورتيغا الخ الخ الخ الناس دي ساقطه تاريخ ولا شنو ؟ فصدقني هم مطنشين بمزاجهم وكده ... والله صحي
| |
|
|
|
|
|
|
Re: رمزية زيارة البشير الى الصين!! (Re: الامين موسى البشاري)
|
وبعدين سبحان الله الضكاره بقت إنو الرئيس يسافر بره البلد وهو متخفي ولما يصل الصين يبقى أسد العرب... وما عارف شنو والجماعة هناك اهللوا ويطبلوا ليهو خليك في حالتك دي وحاة الله لو قبضوك زول اسأل منك ماف وبرضو زول اجيب ليك عمود وفيهو كسره بملاح ويكه ماف ما عادي الرؤساء ديل بسافروا محل ما عايزين يعني شنو مشيت الصين ولا الواق الواق والله صحي
| |
|
|
|
|
|
|
Re: رمزية زيارة البشير الى الصين!! (Re: الامين موسى البشاري)
|
الانقاذ دي تحدت الغرب مرات كتيرة منذ قيامها نجحت في بعض التحديات وتغلبت على الصعوبات والعراقيل ومشت أمورها مرة على حساب الشعب السوداني ومره على البلد واقتصادها أها قرار المحكمة ده والله ما فيهو لعب زول بقدر الغيهو ليك ماف الا القضاة ... والقضاة ديل اريتهم قضاتنا ياااااخ بحكموا بالعدل وبالقوانين العندهم وماف زول بخالف ضميروا في حكم لأنه حيكون محسوب عليهم وفي تاريخهم ومهما طال الزمن يا البشير لا بد انك ماثل أمام محكمة الجنايات الدولية ... والله صحي أها انت لو بــرئ صحي أمشـــي دافع عن نفسك هناااااااااااااااك
| |
|
|
|
|
|
|
Re: رمزية زيارة البشير الى الصين!! (Re: الامين موسى البشاري)
|
الاصل إنو الرئيس يتحرك بحرية تامه من غير ما تكون مشيته لمكان انتصار او رجاله غايتو حالتك بقت تحنن عديييييييل كدا مرة في قطر كان في مؤتمر دولي وكانت حاضرة فيهو تسبني ليفني وزيرة خارجية اسرائيل وفي رؤساء وسفراء عرب والبنية مسكينة عايزة تسلم عليهم اها كل ما تجي تسلم على واحد فيهم (مسكينة فاقده حنان ) اقوم جاااااااااري منها لا يلوي على شئ أها قامت اتعقدت من نفسها وصرحت في وسيلة اعلام وقالت ليهم : يا جماعة أنا لست جرباء حتى يتحاشاني الرجال اها دي ياها زاتها مقارنات بين الجمال والجهل وسوء الاختيار قال الصين قال يا البشير عيب الدنيا حر والموية بتسخن عليك قال حرم إلا اصوقر في الصين واسلم على تشينج شانج كونج الكلام الرجعة كيفنها ... والله صحي
| |
|
|
|
|
|
|
Re: رمزية زيارة البشير الى الصين!! (Re: الامين موسى البشاري)
|
اها النحدثك يا البشير اصلك فاضي الليلة وبكره الا كان تمشـــي تتفرج في سور الصين العظيم الرئيس الصيني قال ما فاضي ليك اليومين دي اها أنكمل ليك الحديث الغرب ده باله طويييييييييييييييييييييييييييييييييييييل سلبه أطول من بال ممثلات هوليود .. والله صحي صبر 18 سنة حتى قبض على زعيم الصرب رادوفان كراديتش وبقية العصابة اها يعني امر القبض ده يحلك منو الحله بله وراك وراك الى أن تمثل .. فمرحب بيك وحياتك .. كتر من زياراتك للصين والدول المجاورة ليها... زول يوغندا وكينيا دي ما قادر يمشـــي .. والله صحي يمشي يتشوبر ويقول ماشي الصين ...
| |
|
|
|
|
|
|
|