|
Re: على ميرغني هل ستعتذر ام ان الاعتذار منقصة في حقك ؟؟ (Re: العوض المسلمي)
|
Quote: معتصم يا اخوي انا كل الطلبتو معلومات زيادة عن الرجل .. فانا لا اعرفه ولم اتشرف بمعرفته لكنه يدخل ضمن نطاق تحقيق اعمل فيه |
Quote: المهم تلقيت معلمومات من مصادر داخل سودانير ارجعت كل الحاصل في سودانير الى سياسة التميكن وانها اصبحت ملاذ لكل منسوبي المؤتمر الوطني بدون مؤهلات متخصصة ... والرجل كان واحد من الأمثلة التي ضربوها .. وقالوا .. وبالمناسبة هم من الحركة الاسلامية ولم ينضموا لاي حزب بعد المفاصلة لا شعبي ولا وطني... هم قالوا ان الرجل كان البودي قارد بتاع شيخ الترابي ومن ثم ادخل الى سودانير حيث عمل فترة مديرا لمحطات بالجنوب ومن ثم انتقل مباشرة الى العمل بالخليج ....متخطيا من هم اسبق منه في العمل واحق بالمنصب.....
|
Quote: كمان يأخذون عليه بقاؤه بالخليج لمدة سبعة سنوات على الرغم من ان قوانين الشركة تحدد الفترة بثلاثة سنوات فقط.. |
Quote: الاخ معتصم الوصية في الذمة جهات داخل سودانير تابعت البوست دا وصيتهم الاولى اولا البوست بتاعك دا قد يكون اصاب الرجل في مقتل بعد ان شعر الكبار في سودانير بانو ربما يطيح بهم الوصية التانية من تابعو البوست دا طلبوا مني اقول ليك انو الادلة الطالبت بيها ح تصلك في اي ميلك..... يعني كلها دقائق فتك بعافية |
Quote: يا معتصم الكلام لمن يصفيهو بانو اقاويل يعني تشكيك في مصداقيتو ... وزي ما قلت ليك الوصيتين من ناس سودانير... فاذا وصلتك ادلتهم الحمد لله، ولو ما وصلت انتظرهم شوية كمان... ما اظنك قاعد في الشمس او في عداد بالزمن |
هذا بعض حديث اخونا الصحفي على ميرغني عن الاخ الصديق ادم موسي ! هل نامل في اعتذار او تصحيح للمعلومات ؟؟ من حق الرد والتصحيح الصحفي يفترض سماع اخونا علي ميرغني ورؤية مصوغاته لهذا الحديث اعلاه ..
| |
|
|
|
|
|
|
Re: على ميرغني هل ستعتذر ام ان الاعتذار منقصة في حقك ؟؟ (Re: Hussein Mallasi)
|
تحياتي لجميع سكان هذا البوست اخوي العوض الاعتذار في عرفي ابدا ما مذلة ... وبعد اذن الاخ شكوكو خليني اجيب حكمة درج على كتابتها في مداخلاتو (ملء السنابل تنحني بتواضع .. والفارغات رؤوسهن شوامخ) ..
Quote: عليك الله يا علي إن اعتذرت فحاول أن يكون اعتذاراً عادياً؛ و ليس اعتذاراً (مدهشاً) زي بتاع عثمان ميرغني بتاع المادة الإعلانية يومداك! |
ملاسي بالجد اضحك الله سنك المهم.. خليني احكي ليك قصة حصلت حقيقة في ملكال عسكري لقا قطعة حديد ما عرف هي شنو ... المهم قعد يبعبص فيها كدا بعدين قام جدعا في واحد شليق قام مشي للحديدة دي جابها تاني وقعد يبعبص فيها ... لحدي ما انفجرت فيهو وقطعت اصبعو ـــــــــــــــ انا بعبصت في البوست دا لمن قنعت ومسحت مداخلاتي استجابة لطلب من زول اكن له الاحترام رغم اني الى الآن لم التقيه وجها لوجه وكنت عايز اطلب من الاخ معتصم صالح يمسح الكوتيشن الشالو من مداخلاتي يقوم اخونا العوض يفتح بوست جديد علشان يورد المداخلات تاني ــــــــــــــ العوض اخوي عليك الله اجدع الحديدة قبل ما تنفجر فيك لكم جميعاً مودتي
| |
|
|
|
|
|
|
|