|
كتب الكاتب الفاتح جبرا المتوفرة بمعرض الدوحة
|
|
 Re: الناس في شنو وسكان العباسيـة وأبو عنجة في شنو ؟! .. (Re: HAIDER ALZAIN)
|
شيوخ وأطفال المنطقة يتنافسون في المشي وسباق اللساتك والحمير!
(قطار المحنة) تجسيد يعكس طقوس السودان، والأئمة يدخلون التنافس بجدية
أم درمان : محمد أحمد الدويخ
على منعرج خور أبو عنجة العريق بأم درمان _ العباسية ، تفاجأ المارة من المشاة وسائقي العربات، بـ(عربات قطار)، تحمل مئات المسافرين بسحناتهم المختلفة وأزيائهم التي تمثل كافة شرائح المجتمع و طبقات الأفندية، والطلاب والعمال، والعساكر والباعة المتجولين، وقد انبعث من بين تلك التجمعات صوت المغني يردد الأغنية الأشهر عن القطار:
قطار الشوق متين ترحل تودينا.. نشوف بلداً عزاز أهلا
وترسى هناك ترسينا .. نسائم عطبرة الحلوة تهدينا وترسينا
نقابل فيها ناس طيبين .. فراقم كان ببكينا.. قطار الشوق متين ترحل تودينا ..
ولم ينفك لجام الدهشة إلا عندما علم المارة أن هذا القطار هو (قطار المحنة) ، تلك المبادرة التي أطلقها أطفال منطقة العباسية وأبو عنجة على شرف انطلاقة أطرف مبادرة اجتماعية بالمنطقة شارك فيها شيوخ فوق الثمانين وأطفال دون الثامنة من أعمارهم، واحتد التنافس في المشي وسباق الحمير واللساتك. وفقرات أخرى غير مألوفة نوردها بين ثنايا هذه السطور.
*قداسة المكان، وعراقته التأريخية
الدكتور إبراهيم هارون (رئيس لجنة المسجد) وأحد رموزمنطقة العباسية شرق، اتخذ إحدى زوايا المضمار مكاناً للفرجة على مهرجان الغرائب والمتناقضات، وهو في هدوئه التام، قطع عليه شغف الإعلامي ذلك الاسترسال وهو يتطلع للجديد، للخروج بإفادة عن مغزى إقامة المهرجان في هذا المكان على وجه التحديد، فقال إبراهيم: إن هنالك قداسة وعراقة تأريخية لهذا المكان، يعرفها سكان المنطقة جيداً، فقد كان هذا المضمار يضم أول ملعب للتنس بالعباسية والسودان، ومن أبرز رواده من الرموز الوطنية: البطل علي عبد اللطيف، وفيما بعد لعب فيه موسى بك الله جابو، وطه أبوبكر، وعندما هجره الرواد، ولم يجد اهتماما رسميا تحول إلى (زريبة حطب) ، ومن هذا المكان أيضاً تأسس نادي الربيع أم درمان العريق، وهذه الفعالية تذكير بأهمية الساحات والميادين للناس والبيئة.
*مشايخ ومدربات في الجمباز وكرة القدم
المدربة والمشرفة على تنظيم الفعالية عطيات أحمد على كشفت عن أهداف المهرجان ومغزى تواصل الأجيال، بأن تشارك عجوز فوق الثمانين وهي تنافس حفيدها دون الثامنة من عمره، وأوردت عطيات العديد من الأمثلة التي كانت مشاركتهن عن قناعة تامة وحماس قوي، أبرزهن الحاجة رقية إدريس (80) عاماً في سباق المشي والحفيد منجد شاكر (5) سنوات في سباق اللساتك، بجانب الحاجة عايدة إبراهيم (60) عاماً، وزينب فضل عمر (65) عاماً، ودولة محمد حاج علي ( 73 ) عاماً، وعائشة الريحاني سليمان ( 73 ) عاماً، وبثينة محمد حسين ( 65 ) عاماً، ونور الشام محمد سعيد ( 50 ) عاماً، والرحمة عيسى بابكر ( 50 ) عاماً، ونورة أبو زيد ( 51 ) عاماً، وجميعهن تعهدن بالاطلاع على الجريدة لمتابعة مجريات المهرجان ونتائج التنافس بين المتسابقين بإشراف ومتابعة الشيوخ منهم إمام مسجد العباسية شرق الشيخ عبد الحميد علي المشرف على المهرجان برعاية جامعة القرءان الكريم ولجان المساجد بأحياء العباسية وأبوعنجة ، لتأكيد دور المسجد الاجتماعي والرياضي والثقافي، ومن المشرفات كذلك المدربات حنان عبد الرحمن خير الله وكتيرة عبد الرحمن خير الله في الإشراف على الألعاب الرياضية للفرق المشاركة مع مبادرات ناشطين من سكان المنطقة منهم الزميل عبد الباقي حسين مدير العلاقات العامة بمؤسسة أروقة، ورئيس اللجنة الشعبية بالعباسية شرق عبد الله هارون محمد إبراهيم، بجانب المصور الشاب صلاح محمد الذي وثق للفعالية بالفيديو والصور الثابتة في تطوع سخي ومبادرة منه للتوثيق.
* ابن الحارس عيسى الهاشماب يلفت الأنظار
تخللت الفعالية منافسات في الجري للأطفال وضربات الترجيح ومباراة كرة قدم للكبار، وسباق مدهش للحمير، بجانب منافسات التنس الأرضي وتنس الشاطئ، والمشي بمشاركة الأئمة، غير أن الطفل أحمد (ابن الحارس الدولي عيسى الهاشماب) ، لفت الأنظار أثناء حراسته مرمى فريق عصافير العباسية ضد فريق بيرشة وحرم المهاجمين من العديد من الأهداف، وقد حرصت والدة أحمد الأستاذة تماضر التوم (زوجة عيسى الهاشماب) ، على تشجيعه من داخل الملعب بجانب عمه عبد الله هارون الذي تنبأ له بمستقبل باهر من بين لاعبي العباسية الصغار رغم مشاركة ابنه بذات الفريق. فالدهشة لم تصل نهايتها وكل سكان العباسية وأبوعنجة موعودون بختام الفعالية عصر الاثنين 20 /6 /2011 م ، على رمال خور أبو عنجة عند رحلة العودة لـ(قطار المحنة)، والجميع ينتظرونه في لهفة وهم يرددون:
يا قطار الشوق متين توصل .. هناك حبيبنا راجينا
متين نحضن عويناتو .. متين يسرع يحيينا
يا قطار الشوق دا ليل الغربة فيهو ودار
ميتن تسرع .. متين بتكمل المشوار
عشان ما نلقى سيد الناس .. ونطفي البينا من النار
نشوفو عيونو نعسانة .. ولونو الزاهي كلو نضار
يا قطار الشوق حبيبنا هناك يحسب في مسافاتك
ولو تعرف غلاوة الريد ..كنت نسيت محطاتك
وكان بدرت في الميعاد ..وكان قللت ساعاتك
وكان حنيت علي مرة ..وكان حركت عجلاتك.
صحيفة السوداني
| |
 
|
|
|
|
|
|
|
 Re: الناس في شنو وسكان العباسيـة وأبو عنجة في شنو ؟! .. (Re: HAIDER ALZAIN)
|
يا الطريفي قاليك العقل السليم في الجسم السليم .. والمنطقة دي مشهورة من زمان خالص بي النشاطات الرياضية البيتشارك فيها الكبار والصغار ..
زمان ونحن اطفال خور ابوعنجة دا كان لما يفيض بيدخل بيتنا لانو بيتنا على الخور ..
العصريات كان نسوان الحلة كلهن بيكونو في نص خور ابوعنجة .. شيب وشباب وأطفال ..اقله واحدة فيهم معرفة بي فنون السباحة ممكن تغطس ليك حجـر اجعص واحد من الجماعة اياهم البرسمو ليك صورة ماسورة وسمكة في اوض النوم حقتم ..
..
امدرمان دايما عريقة وسباقة للابتكار والفن والجمال ..
طبعا دي ما عايزه ليها اتنين تلاتة ..
| |
|
|
|
|
|
|
|
|
Re: الناس في شنو وسكان العباسيـة وأبو عنجة في شنو ؟! .. (Re: tmbis)
|
مرحبتين تمبس .. عارف بعد رسلت الردود اتذكرتك..
قلت الله تمبس دا ماعندو قلوبية مربوطة هناك في الخور ..
Quote: امدرمان دايما عريقة وسباقة للابتكار والفن والجمال ..
|
بالتاكيد لا ينكر ذلك الا مكابر او متلولو ..
لكن انت ماشايف انه سلوكهم بتاع سبق الحميــر في الوقت دا سلوك جلابي بامتياز
اهل الهامش يُقتلون ويتعرضون للتطهير العرقي وهم يغنوا قطار الشوق الماشي عطبرة ديار الجلابة
ماذا تركو لمن يقومون بالترويج لمسرحية عرس الزين بهذا التايم
غايتو يحمدو ربهم لا في سيف مساعد ولا الصادق الزين ولا امنة مختار هناك بالعباسية.. 
| |
|
|
|
|
|
|
|
|
 Re: الناس في شنو وسكان العباسيـة وأبو عنجة في شنو ؟! .. (Re: HAIDER ALZAIN)
|
Quote: لكن انت ماشايف انه سلوكهم بتاع سبق الحميــر في الوقت دا سلوك جلابي بامتيازاهل الهامش يُقتلون ويتعرضون للتطهير العرقي وهم يغنوا قطار الشوق الماشي عطبرة ديار الجلابة
ماذا تركو لمن يقومون بالترويج لمسرحية عرس الزين بهذا التايم
غايتو يحمدو ربهم لا في سيف مساعد ولا الصادق الزين ولا امنة مختار هناك بالعباسية.. |
والله يا الطريفي انا امس كنت مفتكر المسالة سبق حمير بس
اها قاعد في التلفزيون بالليل جابو ليك الخـو .. ياخ الشغلانة هيلمانة شديدة .. جر حبل وجمباز .. وعروض اطفال .. يعني زي ما تقول كدا اعادة انعاش للمنطقة .. ودا كلام جميل جدا لو اي حلة قدرت كل ستة شهور او كل شهر تعمل ليها حركة زي دي .. الناس كانت على الاقل طورت نفسها وحاله اتحسن ..
منو القاليك ناس سيف مساعد وتراجي وامونة مافيشين ..
والله راقدين هبطرش لكن بس بيفرق انهم ناس عارفين الحاصل شنو وفاهمين .. وكل واحد فوقم بيعرف العوج من العديل .. وقاعدين يعلمو الناس وبتعلمو من الناس .. والاحسن من كدا ما عندهم شغلانة بي سودانيزاونلاين .. ولا بتاعين مصدري ومصدرك
عندك حسع زي امنة مختار دي .. كان مشت قالو ليها تعالي اركبي الحمار دا اتسابقي مع اولاد الحلة .. تقوليك لا .. انا عايزه اللعب لعبة الصقر .. يا كمان جيبو لي فيل اركبـو ليكم اتسابق بيهو معاكم ..
تخيل عليك الله .. ؟
| |
|
|
|
|
|
|
|
|
|
Re: الناس في شنو وسكان العباسيـة وأبو عنجة في شنو ؟! .. (Re: tmbis)
|
Quote: زمان ونحن اطفال خور ابوعنجة دا كان لما يفيض بيدخل بيتنا لانو بيتنا على الخور ..
العصريات كان نسوان الحلة كلهن بيكونو في نص خور ابوعنجة .. شيب وشباب وأطفال ..اقله واحدة فيهم معرفة بي فنون السباحة ممكن تغطس ليك حجـر اجعص واحد من الجماعة اياهم البرسمو ليك صورة ماسورة وسمكة في اوض النوم حقتم ..
|
| |
|
|
|
|
|
|
|
|
|
Re: الناس في شنو وسكان العباسيـة وأبو عنجة في شنو ؟! .. (Re: خالد حامد الجزولي)
|
حيدر الزين
ســــلامات يا زول
اها جوك ناس الموردة وخور ابو عنجة ارجى الراجيك
طبعا يا حيدر منطقة خور ابو عنجة ده اتربينا فيها
واتعلمنا العوم والسباحة في خور أبو عنجة عند فيضان النيل
والمنطقة بحد ذاتها منطقة جميلة وسياحية
وزمان النميري فكر يعملها بحيرة دائمة
وهسع شايف عملوا ليها كورنيش وكده
يعني المنطقة بقت روعة بكل ما تحمل هذه الكلمة من معنى
ده من ناحية ... ومن ناحية ثانية اعتقد ان النشاطات الاجتماعية
أو الرياضية تمثل جزء من الحل لمشاكل الوطن
ولك الود
تمبس يا صاحبي
وخالد حامد
تحياتي وسلامي
عليكم الله تعالوا بجاي لانو انا غلبني الكلام
اعتصام للنساء ببانت شرق
| |
|
|
|
|
|
|
|
|
|
Re: الناس في شنو وسكان العباسيـة وأبو عنجة في شنو ؟! .. (Re: ASHRAF ABUELHASSAN)
|
| Quote: غايتو يحمدو ربهم لا في سيف مساعد ولا الصادق الزين ولا امنة مختار هناك بالعباسية.. |
Quote: منو القاليك ناس سيف مساعد وتراجي وامونة مافيشين ..
والله راقدين هبطرش لكن بس بيفرق انهم ناس عارفين الحاصل شنو وفاهمين .. وكل واحد فوقم بيعرف العوج من العديل .. وقاعدين يعلمو الناس وبتعلمو من الناس .. |
Quote: عندك حسع زي امنة مختار دي .. كان مشت قالو ليها تعالي اركبي الحمار دا اتسابقي مع اولاد الحلة .. تقوليك لا .. انا عايزه اللعب لعبة الصقر .. يا كمان جيبو لي فيل اركبـو ليكم اتسابق بيهو معاكم ..
تخيل عليك الله .. ؟ |
حيدر وتمبس ضحكتوني من الصباح رغم زهج الايام دي
| |
|
|
|
|
|
|
|
|
 Re: الناس في شنو وسكان العباسيـة وأبو عنجة في شنو ؟! .. (Re: ASHRAF ABUELHASSAN)
|
Quote: بالمناسبة انت ما شايف انو بوستك ده ذاتو انصرافي
|
مرحبتين يا اشرف ابو الحسن ..
يآخ تمبس زاااتو شليق خلاص.. جاني ليك مطفر اول واحد طير ليك الحمام من قلوبيتنا كلو..
هسع كان تلقي البوست دا مردوم ليك ناس محمد سليمان يشبكنا ليك دا ما وعي الجلابة واصلن هم كدة
وتجينا خالتو فرنصا تكوروك ااااي ديل ما حسانية القرن العشرين
والصادق الزين يشبكنا ليك منشغلين باللساتك ونط الحبل واهلنا بجبال النوبة بيموتو
غير سيف الحشّار يجينا ببيان من العدل والمساواة وانهم عند دخول ام درمان بعد اسبوع فسوف
يحشّرون للعباسية وابوعنجة..
الا جانا زي الهدهد بتاعو داك نقّد لينا الططُعم وشتت بالقلوبيـة ..
غايتو يا تمبس قدر تاني ماتربط ليك قلوبيــة بجي افرّ بيها
** مرحبتين عزيزنا خالد الجزولي وفعلاً مناطق متميزة وناس حلوين ما اروع منهم الا اهل عطبرة..
مودتي
| |
|
|
|
|
|
|
| |
HAIDER ALZAIN
tmbis
خالد حامد الجزولي
ASHRAF ABUELHASSAN
العوض المسلمي
فيس بوك
تويتر
انستقرام
يوتيوب
بنتيريست