أهلاً بالمشترك الجديد كرت كرتون الكابتن والأخ/ عبد العزيز منقستو منور المنبر كيفك ياكابتن من جدة ليكم ألف تحية وسلام وأخرى معبقة من الطيب علي حمد وعثمان الأحمر وبلغ تحايانا لكل بورداب الدوحة وسلام خاص لشقيقي طرفكم المستشار عبد الباقي الجزولي
06-20-2011, 04:20 PM
معاذ حسن
معاذ حسن
تاريخ التسجيل: 11-14-2006
مجموع المشاركات: 3353
Quote: من جدة ليكم ألف تحية وسلام وأخرى معبقة من الطيب علي حمد وعثمان الأحمر وبلغ تحايانا لكل بورداب الدوحة وسلام خاص لشقيقي طرفكم المستشار عبد الباقي الجزولي
شكرا خالد والاحباب الطيب علي حمد دفعه والحبيب ود الاحمر وسعاده المستشار بخير وبسلم عليكم
06-20-2011, 04:19 PM
احمد الامين احمد
احمد الامين احمد
تاريخ التسجيل: 08-06-2006
مجموع المشاركات: 4782
هلا يا(منقة) مرحبا بك ياحريف يامهذب فى هذا المنبر ... شاهدناك قديما لاعبا مقاتلا ودينمو بشرى متحرك فى وسط (النيل) الذى انجب من قبلك شمس الدين الهداف الحريف(الذى هز قديما شباك زغبير بهاتريك) وكذلك تنقو وغيرهم من نجوم النيل الخرطومى قبل ان يتدهور مستواه عند إنتقالك للهلال ( رغم عدم حبى للهلال لمريخيتى الصارخة) واصلنا متابعتك خصوصا فى المباريات الافريقة والمنتخب القومى بفضل مهارتك وسلوكك القويم داخل وخارج الملعب أجبرتنا نحن معشر المريخاب على إحترامك والتصفيق لك مثلما اجبرنا من قبلك شيخ إدريس كباشى -رحمه الله - ووليد طاشين ومن قبلهما جكسا الاسطورى على حبكم جميعا على إختلاف ميولنا الرياضية بفضل شخصياتكم الأسرة داخل الملعب وخارجه إلى جانب مواهبكم العالية داخل المستطيل الاخضر... تحية يامنقة يا لعاب
انت عارف ياخليل هذه النقمه كانت مباراة الهلال والزهره كنا خسرانين واحد الشوط الثاني دورت الماكينه واحرزنا انا وتنقا الاهداف خرجت الجماهير تهتف تنقا ومنقا يفكو الزنقه ايام يا خليل وشكرا ليك
06-20-2011, 04:24 PM
عادل الباهي عبدالرازق
عادل الباهي عبدالرازق
تاريخ التسجيل: 10-18-2010
مجموع المشاركات: 4905
بصفتي أحد اعضاء البورد أرحب بالكابتن العزيز على جماهير الكورة السودانية عبد العزيز منقستو وأرجو ان يطيب له المقام وفي إنتظار ذكرياته المعتقة حتما بالمواقف والطرائف . من جهة أخري وبصفتي مريخابي عتيد أرحب ترحيب عادي جدا بمنقستو وأقول ليهو : بارك الله في من زار وخف ..
06-20-2011, 05:25 PM
على محمد على بشير
على محمد على بشير
تاريخ التسجيل: 08-07-2005
مجموع المشاركات: 8648
في حضور (منقة) نفك الحظر عن العزلة الاسفيرية الاختيارية ونعود علي اجنحة الشوق للزمن السمح وللكورة عندما كانت هي كورة وكان عبدالعزيز الشهير بمنقستو وقيل ايضا (منقة) هو من يمتع الجماهير ويصنع الصرعة الكروية ويمنح الفتية المحبين للكورة وعلي امتداد كل السودان دهشة خانةالارتكاز والدروس المجانية في فنون اللعب في وسط الملعب.. منقستو في حضوره الكارزيمي الي هذا المكان تهطل الي الذاكرة سيرة مباريات رائعات كان ابو الهل الشهير بالهلال هو من يصنع الابداع والدهشة ..وتهطل سيرة المباغتة والسيطرة علي منطقة وسط الملعب عبر طوربيد ونحلة كانت تجوب جغرافية المستطيل الاخضر بكل همة ونشاط وحرفنة ..
مرحب منقستو وحباب الهلال سيد البلد وحباب ناسو
06-20-2011, 05:45 PM
Hussein Mallasi
Hussein Mallasi
تاريخ التسجيل: 09-28-2003
مجموع المشاركات: 26230
Quote: مرحبا بك ياحريف يامهذب فى هذا المنبر ... شاهدناك قديما لاعبا مقاتلا ودينمو بشرى متحرك فى وسط (النيل) الذى انجب من قبلك شمس الدين الهداف الحريف(الذى هز قديما شباك زغبير بهاتريك) وكذلك تنقو وغيرهم من نجوم النيل الخرطومى قبل ان يتدهور مستواه عند إنتقالك للهلال ( رغم عدم حبى للهلال لمريخيتى الصا
الاخ احمد حقيقه ذكرتنا الايام الجميله وانت متابع من النيل الي الهلال اجمل ايامنا ولك الشكر والتقدير
06-20-2011, 08:23 PM
اسامة كمال الخولي
اسامة كمال الخولي
تاريخ التسجيل: 08-15-2006
مجموع المشاركات: 301
هلا ود حلتنا الناس دي معظمها شافتك وانت مشهور في الهلال ومابعده لكن نحن استمتعنا بما قبله منذ ايام الديم وسط في الليق ، والدينمو في الديوم الشرقية بالعصر كورة متعة ،، وبالليل جاز الديم وعمر عبدو وبرضو متعة
مرة ارهقت الناس بحركتك المكوكية عصام حامد علق : لكن نعمل شنو مع مانقا المركب مكنة ###### دا
06-21-2011, 08:02 AM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
السادة الهلالاب رحبوا من سكات أو على الأقل بعيدا عن المريخ زعيم زعماء الكورة السودانية عشان ما تضطرونا نجىء نرش مغمضين .. قال أفضل فريق في تاريخ الكورة السودانية قال ..
06-21-2011, 01:18 PM
الصادق خليفة
الصادق خليفة
تاريخ التسجيل: 12-13-2003
مجموع المشاركات: 2351
Quote: هلال 87 افضل فريق فى تاريخ الكرة السودانية بدون تحيز
و انت كنت من فرسانه
فريق بدون اجنبى هز عرش كل الفرق الافريقية و كان بستحق الكاس لولا لاراش
مرحب بيك يا كابتن
منتظرين المتعة مع ذكريات الهلال
سلامات يا منقا... أن يكون هذا اليوم هو تاريخ ميلادي سوياً معك في رحاب هذا الدار لعمري هذا شرف لي..وفخر وإعتزاز شكراً بكري أبوبكر ان قدمت لنا هذه القامة
كريمو
06-21-2011, 08:43 AM
لؤى
لؤى
تاريخ التسجيل: 06-01-2003
مجموع المشاركات: 14343
كثيرون يكتبون عن الرياضة هنا لكن قليل منهم من كتب لنا من ( داخل المطبخ ) وبالمطبخ أعني المعرفة الدقيقة بما يدور ( في الغرف المغلقة ) أو داخل الميدان تفاصيل قد يجهلها أكثرنا
إذاً أنت من يمكن أن يسد هذه المساحة أو يملأ هذا الفراغ ولعل وجودك يحرض لاعبين آخرين من فرق أخرى فيثري جمعكم معارفنا لكنك ستظل بينهم - وعندنا - ( الزعيم ) أو أول من أشعل الفتيل فتيل ( أسرار الأسرار )
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة