|
|
|
 Re: البشير بسنكات: جبنا ليكم نخل عشان تأكلوا عجوة لكن..!!!! (Re: hamid abdalah)
|
حامد ...سلامات ..
Quote: البشير يقول في خطابه بسنكات:
جبنا ليكم النخل عشان تأكلوا عجوة..!
لكن ما قدرنا نجيب ليكم البن..
و(التمباااااكـ).....؟؟؟؟!!!! |
قمة الاستخفاف بالانسان البيجاوى ، فهل مشكلته عجوة عشان يجيب ليهو نخل ؟!! ارض البجا بولاياتها الثلاث هي الاراضي الخصبة والانهر السيالة والسواقي المخضرة والدهب والموانئ ورغم ذلك انسانها يعاني من الفقر والجهل والمرض ..فهل العجوة تساوي مايذهب للمركز من خيرات الشرق ؟!!! ..
ربيكاتو ...
| |
  
|
|
|
|
|
|
|
|
Re: البشير بسنكات: جبنا ليكم نخل عشان تأكلوا عجوة لكن..!!!! (Re: omar alhag)
|
يا زول النخل والعجوة ما كويسة ..
كدي هاك أسمع دي ..
أذكر قبل سنوات من الآن كنا قاعدين ومعانا مجموعة من الأجانب من بعض الجنسيات..
أحد الأصدقاء السودانيين ممن كانوا معنا (ربنا يهديه بس) ما عارف الخلاهو يحول مؤشر القنوات على قناة السودان شنو..
وكان العوقة ده بخطب بهبالتو المعهودة ديك في واحدة من زياراتو للجنوب ولا وين لا أذكر بالضبط ..
المهم.. فجاءة نسمعوا ليك بيصرخ بأعلى طبقات صوته :
جبنا ليكم البيبسي !! 
وعندما رأي تفاعل الانتهازيين بهتافات "الله أكبر" والناس المساكين والما فاهمين الزول ده بقول في شنو زاتو بهتافات "هللويا"..
أكمل بصوته المشروخ من شدة الصراخ ملوحاً بعصاه تجاه الجمهور :
البيبسي كولا !!
وطبعاً بعد الذهول والصدمة التي خيمت على الجميع أن يكون هذا مستوى خطاب لرئيس بلد وبعد فاصلة من الضحك والسخرية والتريقة على ما آل إليه حال السودان، وبعد جهد منا نحن السودانيين في الشرح بأنو والله نحن شعب لا نقل تحضر ومدنية عن أي شعب آخر، والبيبسي وجميع المشروبات الغازية وغير الغازية تعرفها مدن وقرى السودان قبل أن يعرف هذا العوقة ورهطه من العواليق أن هناك مدينة اسمها الخرطوم بعقود..
أحد الحضور علق : بأنو "الرئيس السوداني مسخرة" .. ولو أنو شركة بيبسي عرفت بهذا المقطع من خطاب البشير فلن تجد دعاية أفضل ولا أطرف منه على الإطلاق..
هذا الصديق ورغم مرور سنوات ولحدي الآن كل ما دار بيننا اتصال فأول عبارة يبتدر بها حديثه عند فتح الخط : جبنا ليكم البيبسي !
لتجدني مضطراً أن أكمل له رد التحية: البيبسي كولا
| |
|
|
|
|
|
|
|
|
|
Re: البشير بسنكات: جبنا ليكم نخل عشان تأكلوا عجوة لكن..!!!! (Re: Elhadi)
|
Quote: يا زول النخل والعجوة ما كويسة ..
كدي هاك أسمع دي ..
أذكر قبل سنوات من الآن كنا قاعدين ومعانا مجموعة من الأجانب من بعض الجنسيات..
أحد الأصدقاء السودانيين ممن كانوا معنا (ربنا يهديه بس) ما عارف الخلاهو يحول مؤشر القنوات على قناة السودان شنو..
وكان العوقة ده بخطب بهبالتو المعهودة ديك في واحدة من زياراتو للجنوب ولا وين لا أذكر بالضبط ..
المهم.. فجاءة نسمعوا ليك بيصرخ بأعلى طبقات صوته :
جبنا ليكم البيبسي !!
وعندما رأي تفاعل الانتهازيين بهتافات "الله أكبر" والناس المساكين والما فاهمين الزول ده بقول في شنو زاتو بهتافات "هللويا"..
أكمل بصوته المشروخ من شدة الصراخ ملوحاً بعصاه تجاه الجمهور :
البيبسي كولا !!
وطبعاً بعد الذهول والصدمة التي خيمت على الجميع أن يكون هذا مستوى خطاب لرئيس بلد وبعد فاصلة من الضحك والسخرية والتريقة على ما آل إليه حال السودان، وبعد جهد منا نحن السودانيين في الشرح بأنو والله نحن شعب لا نقل تحضر ومدنية عن أي شعب آخر، والبيبسي وجميع المشروبات الغازية وغير الغازية تعرفها مدن وقرى السودان قبل أن يعرف هذا العوقة ورهطه من العواليق أن هناك مدينة اسمها الخرطوم بعقود..
أحد الحضور علق : بأنو "الرئيس السوداني مسخرة" .. ولو أنو شركة بيبسي عرفت بهذا المقطع من خطاب البشير فلن تجد دعاية أفضل ولا أطرف منه على الإطلاق..
هذا الصديق ورغم مرور سنوات ولحدي الآن كل ما دار بيننا اتصال فأول عبارة يبتدر بها حديثه عند فتح الخط : جبنا ليكم البيبسي !
لتجدني مضطراً أن أكمل له رد التحية: البيبسي كولا |
الهادي أخوي...
شكراً لكـ علي الاضافة القيمة والمضحكة..!
فقد أضحكتني حكايتكـ حتي بدت نواجزي من شدة الضحكـ المخلوط بالغيظ والزعل..!
ده رئيس فضيحة خلاص..!
مفترض يكتبوا ليه ويقرأ من ورقة بدل مايقعد يطبز ساااي..!
فقد صرنا محط أنظار للتندر والسخرية بسبب خطابات هذا الرئيس الرقاص..!
| |
|
|
|
|
|
|
|
|
|
Re: البشير بسنكات: جبنا ليكم نخل عشان تأكلوا عجوة لكن..!!!! (Re: omar alhag)
|
الأخ عمر الحاج
أهلاً بيكـ
Quote: جبنا ليكم نخل عشان تكلو عجوة ...
كان مفروض برضو ييقول ليهم
وجبنا ليكم صورايخ وطيارات تضرب وتمشي
ولا قصة الصواريخ دي ماكلمو بيها ..
والله غايتو الله يلزمنا الصبر
والاحتفاظ بي حق الرد |
يمكن علي قولكـ لسه ما سمع بيها..!
والصبر أعتقد عنده حدود..!
والناس متضايقة شديد من واقع الظلم المرير زي مرارة البحر الأحمر لا يتحلي بعجوة ولا بسكر..!
| |
|
|
|
|
|
|
|
|
 Re: البشير بسنكات: جبنا ليكم نخل عشان تأكلوا عجوة لكن..!!!! (Re: Hisham Ibrahim)
|
الاستاذ هشام أبراهيم
سلامات..!
Quote: متين يقول
لقد خدمت هذه البلاد حرباً و سلًما |
حرباً عرفناه فقد فنت وانقضت خدمته العسكرية والرئاسية في الحروب..!
أما السلم فلم يفتح الله عليه بدراسة أبجدياته في قاعات الصفا والانتباه بالكلية الحربية..!
ولا تنس في الاساس انه عسكري ولا يعرف غير الدواس ولغة القتل والدم والابادة الجماعية علي شاكلة قوله:(لا اريد جريحاً ولا أسيرا)...!!
فهذا هو تاريخ وقاموس لغة الرئيس البشير وسجل خدمتة الرئاسية بين يدي شعبه الذي يقتات الذل والهوان وأشلاء وطنه الممزق بالحروب والاحن...!
.....
وشكراً علي المرور.
| |
|
|
|
|
|
|
|
|
 Re: البشير بسنكات: جبنا ليكم نخل عشان تأكلوا عجوة لكن..!!!! (Re: hamid abdalah)
|
أكثر ما غاظني في كلام الرئيس حكاية العجوة والتمباكـ..!
التي كانت بمثابة اهانة لاهلنا البجا في أوكاكـ *1...!
ولعل الرئيس سمع بهجائية محمد الواثق وقصيدته الشهيرة التي أساء فيها لأنسان الشرق مجسداً في كسلا..!
اذا هممت للمجد كان همهم *** البن والتمر والتمباك والعسلا..!
تلكـ القصيدة التي رد عليها الشاعر الكبير أبوقرون ورغم ذلكـ لم يشفي غليل أهل الشرق بعد..!
ليجئ اليوم الينا (الرئيس البشير) ويقف أمام جمهور غفير من البجا ويخاطب قضاياهم بنظرة استعلائية ويحصر همهم ومشكلتهم في (البن والتمر والتمباكـ)..!!!!!!!!!
---------------
أوكاكـ: هو أسم لمدينة سنكات بلغة البداويت.
| |
|
|
|
|
|
|
|
|
 Re: البشير بسنكات: جبنا ليكم نخل عشان تأكلوا عجوة لكن..!!!! (Re: hamid abdalah)
|
وكالعادة أيضاً الخطاب لم يخلو من عبارات التهديد والوعيد وارسال رسائل التخويف والارهاب حيث قال حجاج السودان عمر البشير بالحرف الواحد:
(أي أصبع بيتمد بنقطعو)..!
و(أي عين تتاوق بنقدها)..!
...
هم الناس ديل ما بيعرفوا كلام تاني غير التهديد بتقطيع الاصابع والاوصال..؟؟؟!!!
تقول كأنما أتوا بهم من السلخانة أو الجزارة ونصبوهم فوق كراسي الرئاسة أو الوزارة..!!
| |
|
|
|
|
|
|
|
|
|
Re: البشير بسنكات: جبنا ليكم نخل عشان تأكلوا عجوة لكن..!!!! (Re: ود العجمى)
|
ودالعجمي
سلام
قلت لي: Quote: بتفهموا كيف انتو حرقتو روحنا عشرين سنة الرئيس الهمام بيخاطبكم وما قادرين تفهموه ؟؟ متى تقولوا فهمتكم ؟؟
|
هل نسيت انه نحن في الاصل عجم زي ماقال الفنان القدير وردي: (أنا وأخوي الشاعر أبوامنة حامد كلنا عجم)..!
أما بالنسبة لي كلامكـ ان:
Quote: الرئيس الموقر يقصد أى زول يمدو أصبعو على البلد بيقطعوا ليهو البلد موش يقطعو أصبعو الزول
|
ده أعتبره أحسن تفسير لشرح لغة الرئيس المشير البشير ومعني كده موعودون بتقرير المصير لاجزاء أخري من خارطة وطن المليون ميل مربع..!
ربنا يهون الامور ويكضب الشينة..!
| |
|
|
|
|
|
|
|
|
 Re: البشير بسنكات: جبنا ليكم نخل عشان تأكلوا عجوة لكن..!!!! (Re: Al-Shaygi)
|
الاخ الشايقي وملاح الخُضرة
سلامات يازعيم
وصدق ود القاضي والشايقي فالاستخفاف بالشعب السوداني أصبح جزء من ادب الخطاب السياسي لقادة الانقاذ..!
مرة يصفونه بالجركل ومرة يبشروهم بالبيبسي والعجوة ومرة يهددوهم ببتر الاصابع وقطع الاوصال ولحس الكوع والركل بالجزمة وغيرها من المفردات التي أصبحت جزء مهم ضمن خطاب قادة الحكومة للشعب السوداني..!
أما مسألة الحدود أعتقد الجماعة تشابهت لديهم البقر ولسه ما اتضح حدود دولة السودان في عهد (الجمهورية الثانية)..!
فربما هنالكـ صفقة سرية بين الحكومة المصرية والسودانية لاعطاء الاخيرة جزء من شواطئ البحر الابيض المتوسط مقابل التنازل عن مثلث حلايب المطل علي البحر الاحمر لصالح السيادة المصرية..!!
فقد سمعت الرئيس يوم أمس في خطابه بمنطقة أوصيف القريبة من مدينة حلايب قال: (حلايب ستكون منطقة تواصل)..!
يمكن هو كان يقصد تنازل مقابل الحصول علي شواطئ المتوسط؟!
أو بدون مقابل..!!
وأبيي أيضاً ستكون منطقة تكامل..!
ومزارع الفشقة الخصبة مبيوعة لدولة اثيوبيا بالعين الحمرة..!
والنيل الازرق يترنح بين دولة (جنوب السودان) الوليدة.. وجمهورية السودان الثانية الجديدة..!
و هكذا هنالك ضبابية في الأمر وكلنا ننتظر يوم 9/7 بفارق الصبر..!
عس ولعل تنقشع الغمامة ويصفو الجو وتتضح الرؤية..!!
| |
|
|
|
|
|
|
|
|
 Re: البشير بسنكات: جبنا ليكم نخل عشان تأكلوا عجوة لكن..!!!! (Re: hamid abdalah)
|
أضحكـ مع خطاب عمر البشير بالبحر الأحمر..!
قال في خطابه بسنكات: أنّ ثورة الإنقاذ لا تخشى المظاهرات ووسائل الإعلام
(بدليل التلاتين بوكس و أربعين موتر و سبعة عربات شغب في عبيد ختم أمس)
ولكنها تخشى دعوة المظلوم..!
(بدليل إنو المفصولين تعسفياً بعد ما دعوا على حكومته تاني يوم جابوا ليهم قروشهم)
وَقَالَ: إنّ الثورة جاءت من أجل البسطاء والضعفاء، وأشار إلى أن هذه الشريحة من الناس هي الأولى بإهتمام الحكومة ورعايتها
(بدليل إنو تلت السودان تحت خط الفقر)
وأنّ الإنقاذ لا تريد أن تحكم شعباً يتفشى فيه الجهل والفقر والمرض، ولكنها تريد أن تخدم المواطنين وتقدم لهم الخدمات وهذه مسؤوليتها أمام الله
(هيييييييييييييع)
و قال:(البمد اصبعو للبلد بنقطعو ليهو)
بدليل إنو العربية التم تفجيرها على يد إسرائيل في بورتسودان التي تكذب من أراضيها
وقال: أنّ القوات المسلحة رفعت رأس السودانيين عالياً في أبيي وجنوب كردفان
(اللهم إنا نشهدك بإن قوات البشير المسلحة لم ترفع رأس أي سوداني حر شريف بما فعلته في جنوب كردفان و أبيي)
خاتمة:عزيزي البشير:لقد مللنا أكاذيبك
و حماقاتك
و حليفة الطلاق
و إنبراش حكومتك لأمريكا و إسرائيل
و مللنا أوهامك
و غبائك
و جهلك
عزيزي الرئيس
إرحل غير مأسوف عليك
...
شباب من أجل التغيير
| |
|
|
|
|
|
|
| |
hamid abdalah
فايزودالقاضي
SILVER MOON
Hisham Ibrahim
هشام عباس
omar alhag
Elhadi
معتصم مصطفي الجبلابي
Al-Shaygi
ود العجمى
فيس بوك
تويتر
انستقرام
يوتيوب
بنتيريست