|
|
 نصيحة لمعاوية الصايم
|
معاوية الصايم
كيف حالك معليش يا اخوي جينا لقينا المسانجر شالوه بالعده والله كريم
فيا أخي داير انصحك وما انا بالناصح وانت الكبير ونحنا الصغار لكن في ملاحظة ياريت تنتبه ليها وعشان الناس برضه تستفيد منها
اولا ندعوا الله أن يرحم موتانا وموتى المسلمين ويغفر ليهم ويحشرهم خير محشر في جناته العلى
وندعوه أن يرحم أخواننا زملاء البورد الذين انتقلوا للدار الاخرة ويتغمدهم برحمه ومغفرته
وندعوه أن يرحم صديقك قرفة ويجعل سيرته الطيبة شاهدا عليه امام ملك لايظلم ولا ينسى
يا معاوية يا أخوي أنت ما ملاحظ انك خاتي صورة قرفة الله يرحمه في بروفايلك (نعم من حقك)
لكن يا معاوية أنت انتهجت ليك نهج بتاع أساءات وتجريح ودخول في الاعراض والكذب والبهتان ومعارك و مهاترات انت شايفه نضال (برضه من حقك)
لكن يا معاوية قرقه الله يرحمه ذنبه شنو يدخل معاك في المهاترات والمطاعنات دي أرحمه الله يرحمه ويرحمك ويرحمنا
يا معاوية لو كانت حججك قوية وصلدة ومنطق قوي وسليم وتستند على اسس صلبة كنا اتقاضينا عنك لكن مع الأسف خليني اقولها ليك وعارفك حا تسمعها وقلتها ليك قبل كدا أنت ما عندك اسلوب ولا صبر ولا خلق وبتضيق وبتنفعل وبتحول المواضيع لمعارك واساءات قد تطال المرحوم في الصورة الخاتيها ليهو دي وتخلي بعض الناس المابعرفوا المرحوم انو دي صورتك انت ويكروهوه وغير دا من النجر والضكب والدراب والتعريض البتجيبه هنا
قرفه عليه الرحمه اكرمه بالدعاء ليه والترحم عليه ومواصله اهله واحبائه وتذكر محاسنه وافضاله وسيرته الطيبة ولو عاجباك صورته ختها في احسن محل بعجبك وهي اصلا بتكون مطبوعة في ذاكرتك بالطيب وانت في بلد طيب كل ما ربنا اداك فرصة امشي ادي فريضة عمره ولا حج لي المرحوم فهو في حاجه ليها وبتنفعه اكتر من صورته هنا
استاذنك واطلب منك تغيير صورة المرحوم قرفه ومتى ما كنت في حاله طيبة ومزاج موزون تعال جيبه في اي مناسبة فيها النفوس صافية
الله يرحم قرفة ويرحم موتانا
|
|
 
|
|
|
|
|
|
|
|
Re: نصيحة لمعاوية الصايم (Re: مزمل خيرى)
|
حبيبنا عبدالعزيز سلامات وليك وحشة والله ...جد مفتقدنك ..
اتفق معاك في تحري الدقة في نقل الخبر والصدق في الكتابة ليس لمعاوية فحسب بل لي ولك ولكل من يكتب هنا ..ودي حاجة كلنا مسئولين منها امام الله والناس ..وبالتأكيد اى كلام غير حقيقي يمس الاخرين هو ذنب جاري ليس من السهل الخلاص منه لانه يتعلق بسمعة اخرين باسرهم ويضر ضرراً بليغاً..وشخصياً ماعندي حاجة اقدر اثبت بيها كذب معاوية ولا استطيع ان اجزم بصدق مايكتب، وكما قالها على المتضرر اللجوء للقضاء وده معناه الزول ده ليهو مايثبت صدق كلامه وكل كتابات الاخرين هي بالنسبة لي صدق حتى يثبت عكس ذلك ورغم ذلك لا ابنى عليها موقف لاحتمالية كذبها ...
واما صورة اخونا قرفة الله يرحمه فما شايف ليها علاقة بكتابات الاخ معاوية وليس بالضرورة ان تتسق الصورة وكتابات الشخص ، ثم معاوية يرى ان كتاباته صادقة وله مصادر موثوق منها وتتسق وصورة المرحوم قرفه ..يعني ياعبدالعزيز انت بتحكم على الصورة من خلال موقفك من كتابات معاوية ومعاوية يرى غير ذلك لصدق مايكتب بحسب وجهة نظره ..
تحياتي ياعزيزي ..
| |
|
|
|
|
|
|
|
|
Re: نصيحة لمعاوية الصايم (Re: عبدالعزيز حسين عبدالرحيم)
|
فايز السلام عليكم و كيف حالك والحمد لله على عودة التواصل والله يلمنا بيك في خير مكان وخير مقام
| Quote: تفق معاك في تحري الدقة في نقل الخبر والصدق في الكتابة ليس لمعاوية فحسب بل لي ولك ولكل من يكتب هنا ..ودي حاجة كلنا مسئولين منها امام الله والناس ..وبالتأكيد اى كلام غير حقيقي يمس الاخرين هو ذنب جاري ليس من السهل الخلاص منه لانه يتعلق بسمعة اخرين باسرهم ويضر ضرراً بليغاً..وشخصياً ماعندي حاجة اقدر اثبت بيها كذب معاوية ولا استطيع ان اجزم بصدق مايكتب، وكما قالها على المتضرر اللجوء للقضاء وده معناه الزول ده ليهو مايثبت صدق كلامه وكل كتابات الاخرين هي بالنسبة لي صدق حتى يثبت عكس ذلك ورغم ذلك لا ابنى عليها موقف لاحتمالية كذبها ... |
شكرا يا فايز ودي حاجات مسلمه يتفق فيها اي زول واعي راشد
لكن يا فايز شفت حكاية اللجو للقضاء دا واقعة لي شويه ناس لكن في ناس ما واقعه ليهم نهائي في ناس فهمهم على قدرهم وبعتقدوا انو حقهم لازم يجيبوه بي يدهم زي ديل ياهم من الخوف
بعدين يا فايز الحق ما بضيع ربنا قاعد يوم بلم الظالم والمظلوم قدامه وصاحب القول والقواله والقوال والقايليين فيه وديك ساعة صعبة
| Quote: واما صورة اخونا قرفة الله يرحمه فما شايف ليها علاقة بكتابات الاخ معاوية وليس بالضرورة ان تتسق الصورة وكتابات الشخص ، ثم معاوية يرى ان كتاباته صادقة وله مصادر موثوق منها وتتسق وصورة المرحوم قرفه ..يعني ياعبدالعزيز انت بتحكم على الصورة من خلال موقفك من كتابات معاوية ومعاوية يرى غير ذلك لصدق مايكتب بحسب وجهة نظره .. |
يا فايز يا أخوي شوف نحنا السودانين ديل زي ما بنشخصن المواضيع كمان عندنا انطباعية ونحكم على الحاجات بمجرد موقف او موقفين شخصيا كنت بكرهه المغاربة لاني تعرضت لموقف سخيف من مغربي وكنت قايل المغاربة كلهم كعبين وبنشر الفكرة دي لمن اكتشفت الخطا وعادي ممكن سوداني يسافر عن طريق خطوط طيران تواجهه مشاكل يحكم عليه بأنها اسواء طيران او غيرها من الحاجات البتصادفه
هسع في ناس بتزهج من معاويه بتاخد انطباع ما كويس من خلال صورة المرحوم البتكون مربوطه مع معاوية او البتذكرهم معاويه
بالجد يا فايز معاويه استهلك نفسه بسهولة مبتذلة وبقى شايل ليه وش قباحه وسادر فأخير ليه يواصل في طريقة دا بعيد من المرحوم الما محتاج مننا سوى التراحم والميت محتاج الحي ومافي حي محتاج ميت
هسع شوف الكلام دا من الاخ اساسي
| Quote: ياخ انت نجضتنا نجاض , اول حاجة ما عندك اي علاقة بالكتابة , لا اسلوب لا لغة لا منطق لا موضوع , الواحد من يدخل البورد بيكون عامل حساب انه حيقابلك في مليون مداخلة المفروض يجمعوها ليك في اطباق بيض ويفعوها في وشك , عناوين صارخة مثل الجبال وكتابة لا تسوى فار , بالنسبة ليك المنبر دا اصبح مكان حياة واقامة دائمة بلا هدف ولا موضوع . انا في الربع الجاي باذن الله حاتوجك بجائزة بيضة المنبر الماسية |
في ناس كتار في البورد دا وانا منهم بصادق على كلام اساسي دا وبحترمه جدا وببني افكاري عليه وبتقعد انو اساسي دا بعرف الناس احسن مني وفي ناس كتار مشاركني نفس الفكرة
ما بتكلف معاوية حاجه يشيل الصورة ويترحم على قرفه ويجيبها لينا في وكت ندعوا ليه ويذكرنا بيه في اي وكت نسيناهو فيه وبالجد انا احببت قرفه دا من وفاء اصدقاءه ليه ومن ثناءهم عليه
| |
|
|
|
|
|
|
|
|
|
Re: نصيحة لمعاوية الصايم (Re: عبدالعزيز حسين عبدالرحيم)
|
الأخ / عبد العزيز
السلام عليكم
اولاً نترحم على أخونا قرفة وربنا يدخله فسيح جناته
كما قال الاخ فائز يجب على الناس تحري الدقة في الاخبار وفي الكتابة
الأخ معاوية مافي حاجة بتثبت كذبه أو صدقه لذلك على المتضرر اللجوء للقضاء
وكلامك عن بعض الناس بعتقدوا انو حقهم لازم يجيبوه بيدهم دي ما عارفك قاصد بيها شنو لكن برضو ممكن الأخ معاوية يكون عامل حساب لذلك
بالنسبة لموضوع الصورة ما شايف فيها حاجة يعني الكتابة ما عندها علاقة بالصورة
تقبل تحياتي
أبو كريم
| |
|
|
|
|
|
|
|
|
|
Re: نصيحة لمعاوية الصايم (Re: الفاتح خليل الفكي)
|
عب عزيز ازيك و حمدالله ع سلامتك
ياخي عليك النبي المرة دي كمّل ليك شهر زمان تلاتين يوم ورا بعض عدتك معاك
اها بالنسبة للموضوع مدخلي مختلف و الجزئية العايزز اعلق عليها وردت في كلام الاخوان ود القاضي و ابو كريم
يا خوانا صلوا ع النبي (عليه افضل الصلاة و تم التسليم)
كلام على المتضرر اللجوء للقضاء دا مع احترامي لرأيكم لكن كلام ني وماجاي
شنو يعني انا انعل ابوخاشك واشبكك يا حرامي ويا فعلتك ويا تركتك على الملأ الغاشي و الماشي يقرا كلامي و يخوض في سيرتك وعرضك و سمعتك
وانت تقول لي اثبت كلامك اقول ليك اثبات مافي كان ما عاجبك امش المحكمة
يات محكمة دي البترجع ليك حقك و سمعتك الاتلاكت و يات محكمة دي التخلي الآلاف المؤلفة المرت على الكتابة وقرتها ساعة الكلام حي تمر عليهم واحد واحد تقول ليهم الكلام دا كذب يا اخوانا
واهو انتو في السايبر دا من سنين الناس كل يوم شغالين بهيتة و افترا المرة الوحيدة المشت فيها قضية للمحكمة شفتو كم المحامين و الساعين لنصرة الباطل و دغمسة الحق وكيف سوّفوا القضية ومرقوها كسور وبواقي
ياتو محكمة وياتو قضاء يا أخوان انتو بتهظروا
المبدا الصحيح هو البينة على من ادعى, اي زول يجيب كلام او اتهام ما دام واثق منو اليجيب بينته معاه في يدو وكان الله يحب المحسنين
لا يصح ان يصيرالبورد ساحة للإفك ورمي العالمين بالباطل من وراء حجاب و تحت حماية " على المتضرر اللجوء للقضاء"
| |
|
|
|
|
|
|
|
|
|
Re: نصيحة لمعاوية الصايم (Re: محمد البشرى الخضر)
|
الاستاذ عبدالعزيز تحيه واحترام
رحم الله الاخ قرفه وكل موتاناربنا يتقبلهم قبولا حسنا
..اها البروفايل بتاعك فيهو الفنان عصام محمد نور من المؤكد انك شاركت وشاطرت من فقد عزيز
وهناك بعضهم ضاحك وبعضهم صور لا تليق بالدخول في بوستات التعازي رغم عن ذلك نحترمهم ونقدرهم
لانهم اتوا للمشاطرة فقط وماهذه البروفايلات الا رموز اختارها ...الصورة لا علاقة لها بالكتابة
بما انك ناصح لمعاوية كان بأمكانك ان تطلب منه الايميل وترسل له النصيحه
اما اتيانك بها هنا في بوست واتهامه بالكذب يعني انك تقصد محاسبته وتقديمه لخصومه لينالوا منه
وانا ناصح لك ان كانت نواياك غير ذلك اسحب البوست واطلب منه ايميل ...
وانا مع الاخوة الكرام من له شئ فليذهب للقضاء
لك كثير الاحترام مع دوام العافيه
| |
|
|
|
|
|
|
|
|
|
Re: نصيحة لمعاوية الصايم (Re: Hisham Amin)
|
ودالبشرى تحياتي وسلامي ليك ربنا يصحك ويعافيك وكل اسرتك والحمد لله
Quote: عب عزيز ازيك و حمدالله ع سلامتك
ياخي عليك النبي المرة دي كمّل ليك شهر زمان تلاتين يوم ورا بعض عدتك معاك |
إن شاء الله يا ود البشرى وكتر خيره بكري ما بقصر برجع الباسورد برضه ونشكره ونعتذر ليه على الثقالة والشلاقة وربنا يسامحنا كلنا
يا ودالبشرى يااخوي ظلم الظالم ما بجيز ليك تظلمه
عارف يا ود البشرى مفروض ومن الحق أنو مادام الناس هنا بتعرف كمبيوتر وتعرف توصل كونيكت للأنترنيت وتخش منتديات وتكتب مفروض تكون واعية ويكون عندهم ضمير هو البراقب ليهم البكتبوه
يا ودالبشرى حكاية الاتهامات قطع ونجر وتاليف الناس ديل ما عارفين خطورتها الناس البتكلموا عنهم ديل عندهم اولاد وازواج واباء وامهات واخوان واهل واصهار وجيران واصدقاء واحباء وديل كلهم الضرر بشملهم وكلهم بشوفوا انهم عند حق الرد وأنو اي تعدي يطالهم هم ايضاً وكل زول برد بي حسب الطريقة المناسبة معاه ويا ودالبشرى كدي عاين شوف اغلب جرايم القتل والاعتداء الجسدي في السودان وبين السودان اسبابها شنو كلها خلافات بسيطة واغلب مشاكلنا الاسرية كلها قوالات وفتن ولو بتستحضر قصة عصام الترابي مع محمد طه محمد احمد وغيرها مافي زول مننا برضى اي اساءة لي والده او زوجته او اخته او اخوه او صديقة مفروض نحسب حساب الناس ديل
بعدين يا ودالبشرى يا اخوي هو كل البنعرف بنكتب ما نحنا قاعدين نشوف كتير وعارفين كتير لكن مش خوف لكن مراعاة لشعور ناس تانية حا يتضرروا ونحنا ما بنستفيد غير اذية ناس ما عندهم ذنب
ثم حكاية محكمة وامشي اشتكيني دي الناس قايلنها حجة يتخارجوا بيها وفي بعض الناس سافرت بره السودان قايلين نفسهم خلاص وصلوا الجنه واستعصموا بالمانع العاصي وبقوا يفلقوا من عليائهم دا وبي طول غربتهم ما عارفين حاجه الدنيا ضيقة والسفر ساهل والوصول ليهم ساهل وإذا العاقل البلجأ للقانون ما بقدر يطالهم بصلهم ويطالهم الاهوج الاحمق وفي انتقامه مابفرز بين عرض ولا ولد ومافي زول بقدر يلومه وزي ما القانون عاجز عن ان يطول المتعدين ديل حا يعجز يجيب ينصفهم لو ظلموا فأحسن الناس ترعوي
غايتو انا واحد من الناس لو حصل لي تعدي او لي اي من اسرتي ولقيت القانون عاجز بتصرف براي لكن ما بنوم بي زعلي
| |
|
|
|
|
|
|
|
|
|
Re: نصيحة لمعاوية الصايم (Re: عبدالعزيز حسين عبدالرحيم)
|
المحترم عماد شمت
ليك اطيب تحية السلام عليكم ورحمه الله
Quote:
الاستاذ عبدالعزيز تحيه واحترام
رحم الله الاخ قرفه وكل موتاناربنا يتقبلهم قبولا حسنا
..اها البروفايل بتاعك فيهو الفنان عصام محمد نور من المؤكد انك شاركت وشاطرت من فقد عزيز
|
رحم الله قرفه وكل موتانا
البروفايل بتاعي فيهو صورة عصام محمد نور لانو كنت موقوف من المنبر والليله رجعت وكان موجود قبل الايقاف وسبب وضعي لصورة عصام محمد نور هو مناصرة ليه اتعرض ليها في المنبر دا حا احاول اجيب ليك البوستات هنا
عصام محمد نور من الناس البتشرف بي معرفتهم معرفه شخصية زول الله ساي لابقول كلمة كعبة لا بعوج على زول لا بغلط وكان ضايقته بضحك ضاق من الدنيا المر وشاف القاسي كتير ولا عنده قضية بي سياسة ولا حكومة ولا بهمه حاجه وزول بخاف الله وبحترم كل الناس
يوم جيت لقيت شانين عليه حمله عنيفة في المنبر دا واتعرضوا ليه بصورة ما محترمة ولا مهذبة للنيل منه عشان كدا ختيت صورته في بروفايلي ويومي الامرق للكعب بشيل صورته عشان ما يصيبها رشاش من كعبي وكعب غيري وعادي ممكن اخش بوست عزاء واعزي بصورة عصام دي لاني واثق من انو صاحب العزاء اوالحزن حا يتفهم لانو اغلب بوستات العزاء بدخلوها اعضاء المنبر وهم بينهم تفاهم لكن البوستات التانية بخشوها ناس بره المنبر دا وديل اهم من اعضاء المنبر
Quote: وهناك بعضهم ضاحك وبعضهم صور لا تليق بالدخول في بوستات التعازي رغم عن ذلك نحترمهم ونقدرهم
لانهم اتوا للمشاطرة فقط وماهذه البروفايلات الا رموز اختارها ...الصورة لا علاقة لها بالكتابة
|
زي ما قلت ليك بوستات التعازي معنين بيها الأعضاء هنا وهم متفهمين لبعض لكن باقي البوستات بقروها ناس بره المنبر هسع يا أخي انا متفهم لوضوع معاوية لصورة المرحوم ومامضايقاني وفاصل بين معاويه والمرحوم لكن في ناس بره المنبر ما بعرفوا معاويه ولا بعرفوا المرحوم
| Quote: بما انك ناصح لمعاوية كان بأمكانك ان تطلب منه الايميل وترسل له النصيحه |
معليش اسمح لي الطلب دا ممكن يطلبوا مني معاوية والبيني وبينه بسمح لي اكتب ليه هنا والنصيحة عشان برضه الناس تعرف حاجه والذكي يشوف في غيره
Quote: اما اتيانك بها هنا في بوست واتهامه بالكذب يعني انك تقصد محاسبته وتقديمه لخصومه لينالوا منه
|
ما اتهام براه معاوية ماشي في طريق بقوده انو يكون كذاب او صادق معاوية بجيب في كلام اذا هو صادق بجيب حاجة تثبته ولو كذاب ما بقدر وانت تابع واحكم وشوف وكلنا عندنا خصوم برانا صنعناهم ولو ما مستعدين ليهم ما بنمشي نعاديهم والمارق رقبته للدق يستحمل العكاز الغليد
Quote: وانا ناصح لك ان كانت نواياك غير ذلك اسحب البوست واطلب منه ايميل ...
|
أسف واثق من نواياي وصدقها وحسنها وشايف انو دي خطوة كويسة جداً وفيها احترام وتوقير لمرحوم قرفه وليك خالص شكري واحترامي
| |
|
|
|
|
|
|
|
|
|
Re: نصيحة لمعاوية الصايم (Re: مزمل خيرى)
|
Quote:
قلتوا مرتبه كم
معقوله
هي جريدتم بطبع كم وتوزع كم
|
الاخ العزيز مزمل خيرى مذكر السؤال ده من الاخ ايهاب
من بوست من هو عمر باسان
جاوب شان نشوف الفساد ..الحولك فقط ..
تحباتى واحترامى
| |
|
|
|
|
|
|
|
|
|
Re: نصيحة لمعاوية الصايم (Re: معاوية عبيد الصائم)
|
Quote: الاخ العزيز مزمل خيرى مذكر السؤال ده من الاخ ايهاب
من بوست من هو عمر باسان
جاوب شان نشوف الفساد ..الحولك فقط ..
|
الاخ معاوية .. تحياتى
السؤال دا متذكرو بالحيل .. بس علاقتو شنو بالبوست دا .؟
| |
|
|
|
|
|
|
|
|
|
Re: نصيحة لمعاوية الصايم (Re: مزمل خيرى)
|
Quote: السؤال دا متذكرو بالحيل .. بس علاقتو شنو بالبوست دا .؟
|
علاقتو يا مزمل الفاسد عمر باسان ..كم دخلو من الجريدة وكم
دخل الجريدة..يعنى الفساد الفساد يا مزمل ...شان اسمع رايك؟
س ..حقت ايهاب يا مزمل ...
| |
|
|
|
|
|
|
|
|
|
Re: نصيحة لمعاوية الصايم (Re: معاوية عبيد الصائم)
|
Quote: علاقتو يا مزمل الفاسد عمر باسان ..كم دخلو من الجريدة وكم
دخل الجريدة..يعنى الفساد الفساد يا مزمل ...شان اسمع رايك؟
|
يامعاوية سلامات
والله فترت من تكرار الكلام صدقنى !
قبل كدة قلت ليك اتهامك للناس بالباطل بدون اى دليل
ماعندو معنى .. بتقول باسان باخد ملايين .. عندك دليل
على كلامك دا .؟
يعنى صورة من كشف المرتبات وتوقيعو .. مقطع فيديو
بيتكلم فيهو محاسب من الشركة وبياكد الكلام دا .؟
ايييييي حاجة يعنى من الادلة !
ممكن ؟؟
عشان نقتنع والناس البرة تقتنع !!
| |
|
|
|
|
|
|
|
|
|
Re: نصيحة لمعاوية الصايم (Re: عبدالعزيز حسين عبدالرحيم)
|
Quote:
لكن يا معاوية قرقه الله يرحمه ذنبه شنو يدخل معاك في المهاترات والمطاعنات دي أرحمه الله يرحمه ويرحمك ويرحمنا
|
عبد العزيز سلامات حمد لله سلامة
الراحل الصديق..محمد احمد عبد الرحمن عثمان (قرفة) او العربى هو واحد من ضحايا
فساد النظام..بشكل مباشر بالتاكيد هو وعشرات الالاف..من شتى بقاع السودان السابق
والذين يعرفون قرفة هنا كثر ...فهو صديق وطن ..عاش مهوما بمحاربة الفساد .ورحل
مهوما بالفقراء ..والكادحين...
ثم يا عزيز يعنى ربنا سيحاسب صديقى الراحل النبيل ..بما تعتقد انه سب وقذف فى حق
هولاء الفاسدين
وسؤال مباشر يا سيدى ليس النظام بفاسد فساد بين؟
لى عودة اذا كان النقاش مثمر وهادى بلا ..تهاتر
لى عودة لبعض المتداخلين ...اكرر بعض المتداخلين
فتك عافية
| |
|
|
|
|
|
|
|
|
|
Re: نصيحة لمعاوية الصايم (Re: محمد يوسف الزين)
|
سلام من الله يخشاك اخي عبدالعزيز
بخصوص عصام محمد نور انا لا اقصده هو بعينه بل اقصد شايل مايك وبغني يعني ممكن يكون اي فنان اخر
وانا لا اعرفه شخصيا ولكن من حيث انه فنان فهو مبدع وصوت جميل مافي شك واعتقد منذ فترة اوئل التسعينات
وحتي اليوم هو متربع علي قمة الذين ظهروا في هذه الحقبه ومعه اثنين ثلاثه علي حسب سمعي ..
والغناء للثورات والرؤساء ئتنتقص من الفنان هاهو وردي تغني لمايو علي حسب توجهاته ورجع وقال لا فارسينا
ولاحارسنا مخرب بيتنا ومدارسنا وعاد يغني للوطن .
وبرضو نصيحه مني ليه هو فنان عالي التطريب وله معجبيه ومحبيه لو اراد الغناء فليغني للوطن ..
له التحيه والتجله ومزيد من الابداع والعافيه
بخصوص البروفايل يعني متفقين ..
ما اتهام براه معاوية ماشي في طريق بقوده انو يكون كذاب او صادق معاوية بجيب في كلام اذا هو صادق بجيب حاجة تثبته ولو كذاب ما بقدر وانت تابع واحكم وشوف وكلنا عندنا خصوم برانا صنعناهم ولو ما مستعدين ليهم ما بنمشي نعاديهم والمارق رقبته للدق يستحمل العكاز الغليدوانا شايف علاقتك بالصائم يااخي كويسه وماممكن اقول لي شخص بالله رسل لي ايميلك عشان ارسل ليك نصيحه
يعني الراجل متهم بس ..طيب معناه هو برئ حتي تثبت الادانه..مش كده !!
ماشي في الطريق انه يكون كذاب بس لسع ما وصل نهاية الطريق عشان يكون كذاب ..
مايأتي به الاخ الصائم يعادل 1% من فساد الجبهه واظنك عارف ..
طبعاهو لا يدري ان كنت تريد ان ترسل له نصيحه فأنت تريد نصحه فوجب عليك الاتصال به اولا
ووسيلة الاتصال اليوم كثيرة وسهلة. ولا يوجد مسنجر لا يعني ان نكتب علي الهواء مباشرة
ونهاجم الرجل
علي العموم اخي الكريم العفو والعافيه ان اخطأت وكلنا نخطئ
لك مني احترامي مع امنياتي لك بدوام العافيه
| |
|
|
|
|
|
|
|
|
|
Re: نصيحة لمعاوية الصايم (Re: عبدالعزيز حسين عبدالرحيم)
|
أخونا عبدالعزيز سلام أولاً و ثانياً حمداً لله على السلامة و ربنا إثبتك في البورد دا سنين و سنين
أخونا ود البشرى
Quote: كلام على المتضرر اللجوء للقضاء دا مع احترامي لرأيكم لكن كلام ني وماجاي
شنو يعني انا انعل ابوخاشك واشبكك يا حرامي ويا فعلتك ويا تركتك على الملأ الغاشي و الماشي يقرا كلامي و يخوض في سيرتك وعرضك و سمعتك
وانت تقول لي اثبت كلامك اقول ليك اثبات مافي كان ما عاجبك امش المحكمة
يات محكمة دي البترجع ليك حقك و سمعتك الاتلاكت و يات محكمة دي التخلي الآلاف المؤلفة المرت على الكتابة وقرتها ساعة الكلام حي تمر عليهم واحد واحد تقول ليهم الكلام دا كذب يا اخوانا
واهو انتو في السايبر دا من سنين الناس كل يوم شغالين بهيتة و افترا المرة الوحيدة المشت فيها قضية للمحكمة شفتو كم المحامين و الساعين لنصرة الباطل و دغمسة الحق وكيف سوّفوا القضية ومرقوها كسور وبواقي
ياتو محكمة وياتو قضاء يا أخوان انتو بتهظروا
المبدا الصحيح هو البينة على من ادعى, اي زول يجيب كلام او اتهام ما دام واثق منو اليجيب بينته معاه في يدو وكان الله يحب المحسنين
لا يصح ان يصيرالبورد ساحة للإفك ورمي العالمين بالباطل من وراء حجاب و تحت حماية " على المتضرر اللجوء للقضاء" |
.
| |
|
|
|
|
|
|
|
|
|
Re: نصيحة لمعاوية الصايم (Re: ABUHUSSEIN)
|
الأخ / ود البشرى
سلام واحترام ،،،
مع احترامي لرايك لكن على المتضرر اللجوء للقضاء ما كلام ني ولا حاجة
اي واحد متضرر يذهب للقضاء ولو مافي قضاء في السودان دا برضو بيعتبر فساد
والفساد معرف للجميع هنا لكن في ناس بتحب تكبر اللفة اذا كان الموضوع عن ناس الحكومة
واذا كان الموضوع لشخص عادي ما من الجماعة تسمع نغمة اردم اردم يا فلان ونحن معاك والكلام الوهم دا
يا ود البشرى في هذا المنبر في ناس لو تكلمت مليون سنة وبدون دليل الناس بتصفق ليها
يعني الحكاية ما حكاية اخونا معاوية وكلامه عن الفاسد المعروف للصغير قبل الكبير
والدليل على وجود الفساد كلام الرئيس البشير نفسه
بعدين مفروض اخونا عبد العزيز يقول النصيحة للجميع بدون اي اسم لكن لو كما هو عنوان البوست كان يجب عليه ان يرسل للأخ معاوية
ايميل او عن طريق التلفون عشان ما يجونا خصوم معاوية جارين جري ويشبكونا كلام خارم بارم .
أخي ود البشرى لك تحياتي واحترامي ،،،،
أبو كريم
| |
|
|
|
|
|
|
|
|
|
Re: نصيحة لمعاوية الصايم (Re: الفاتح خليل الفكي)
|
أبوحسين تحياتي وسلامي ليك وللأولاد والحمد لله على اللمه بيكم ومتابعك والله يقويك ويعينك
Quote: أخونا عبدالعزيز سلام أولاً و ثانياً حمداً لله على السلامة و ربنا إثبتك في البورد دا سنين و سنين
|
آمين يا أبوحسين يعلم الله لو معاوية دا عارف البتكنه ليه من موده ما بزازي بي روحه كدا
| |
|
|
|
|
|
|
|
|
|
Re: نصيحة لمعاوية الصايم (Re: عبدالعزيز حسين عبدالرحيم)
|
الأخ / عبد العزيز
وعليكم السلام ورحمة الله وبركاته ،،،
اولا وبراحة كدا وبدون ما تقوم نفسك في كلامي الما بستاهل دا انا حكاية تجلي كلامي ولا ما تجلي ما مهم عندي
يعني كونك تعتبر كلامي دا نقنقة فارغة ساكت دا رايك واحترمه جدا .
دي طريقة هذا المنبر يعني اختلف معاك في الراي تجيني وتقول لي كلامك ونقتك وما عارف شنو اتفق معاك تطلعني السماء
يا عبد العزيز ما بتعامل معاك بالاستعجال والطريقة البتكتب لي بيها دي ولا بخاف من هذه الطريقة خليك هادي شوية وركز
حتي في الاسم كاتب اسمي غلط بالاستعجال يا راجل الموضوع ما بيستاهل المعلقة الكاتبه انت دي
الفساد معروف للجميع خليني انا عرفتها كيف اعتراف رئيس الدولة البشير زاتو ما سمعته ياعبد العزيز
اقول ليك وباختصار شديد ناس الحكومة والمناضلين الاتنين مواهيم والمطبلين للجانبين اكبر مواهيم
بالله كل ما تشوف ليك زول كذاب انصحه عشان ما تكون شيطان اخرس والله حقيقة كلامك يضحك
المهم يا عبد العزيز الما شيطان اخرس حقيقة طريقة كتابتك ما بتخصني ولا حاجة واكتب باي طريقة تعجبك وطريقك اخضر
مرة تانية اقول ليك خلي نفسك بارد شوية وما تستعجل في الكتابة والرد عشان ما تكتب لي كلام خارم بارم كما في المعلقة
الكاتبه لي فوق دي
أبو كريم ( الفاتح خليل الفكي وليس مكي )
| |
|
|
|
|
|
|
|
|
|
Re: نصيحة لمعاوية الصايم (Re: الفاتح خليل الفكي)
|
الفاتح خليل الفكي
غايتو قريت كلامك بي استعجال وفهمت منه كبير لفه كبير من الحقائق الجبناها ليك .... كويس وكت مكبر اللفه كبره شديد وريح نفسك ما تجي زنقة وتكبر اللفه من تانية
علي العموم تشكر
| |
|
|
|
|
|
|
|
|
|
Re: نصيحة لمعاوية الصايم (Re: عبدالعزيز حسين عبدالرحيم)
|
عبد العزيز
برضو مستعجل يا زول انت لاحق شنو
بعدين والله انا لا مكبر اللفة ولا حاجة منو القال ليك
انا قلت ليك كلامك الكتير دا كلو خارم بارم يعني ما مكبر اللفة
بعدين برضو قلت ليك ناس الحكومة أو الكيزان و المعارضة أو المناضلين والمطلبلين من الجانبين كلهم مواهيم
يعني الناس البتشجع الحكومة وتطبل ليها ديل مواهيم وما عندهم موضوع
وبرضو الناس البتشجع المعارضة وتطبل ليها مواهيم وما عندهم موضوع
عشان كدا كلامك الكتير دا ما بخصني كتير لاني لا بشجع الحكومة ولا بشجع المعارضة
لكن برضو ما قلت لي مع استعجالك دا رايك شنو في كلام الرئيس البشير عن الفساد ما تكبر اللفة
ولو سمعته كلام الرئيس عن الفساد منو الفاسدين خلينا نمشي واحدة واحدة
وما تستعجل عشان ما تكتب لينا مداخلات خطأ نحن ما في حرب نقاش وكل واحد يروح لحاله
أبو كريم
| |
|
|
|
|
|
|
|
|
|
Re: نصيحة لمعاوية الصايم (Re: الفاتح خليل الفكي)
|
كويس ماشي تمام يا أبو كريم ومبسوط منك
بس أنت قلت في الأول
Quote: اي واحد متضرر يذهب للقضاء ولو مافي قضاء في السودان دا برضو بيعتبر فساد
والفساد معرف للجميع هنا لكن في ناس بتحب تكبر اللفة اذا كان الموضوع عن ناس الحكومة |
برضه الناس قاعدة تكبر اللفه من الضكب بتاع المعارضين الكضب زاته اكعب من الفساد ومتحججين بي حكاية امشي القضاء
كان قلت كلامك الاخير دا في الاول مافي مشكلة واعذرنا على استعجالنا
ليك التحية ولكريم الصحة والعافية وربنا يخليه ليك وينفعك بيه
| |
|
|
|
|
|
|
|
|
|
Re: نصيحة لمعاوية الصايم (Re: عبدالعزيز حسين عبدالرحيم)
|
عبد العزيز
الحكاية ما انت مبسوط منى ولا انا مبسوط منك
يا عبد العزيز المشكلة هنا في المنبر في حرب بين ناس الحكومة والمعارضة
وصدقني الاثنين ما نافعين والمتضررين اهلنا المساكين ربنا يكون في عونهم
في ناس هنا تجي تطبل للحكومة تحلف تقول السودان دا اصبح جنة عديل كدا نمشي اجازة تشوف الويل وسهر الليل
وفي ناس تجي تطبل للمعارضة تحلف تقول المعارضة دي رسل عديل كدا وهم شبهينا واتلاقينا
واذا انت دافعت عن الحكومة تصنف من الكيزان واذا دافعت عن المعارضة طوالي شيوعي
بالله ارحمونا من النغمة الفارغة دي والله لا حكومة نافعة ولا معارضة نافعة
شكراً لدعواتك للابن كريم وربنا يجعلهم من ابناء الوطن الصالحين
مع تمنياتي لجميع الابناء بوطن يسع الجميع ويعشون في امن وامان
لك تحياتي ،،،
أ[و كريم
يا جماعة ارحمونا شوية
| |
|
|
|
|
|
|
|
|
|
Re: نصيحة لمعاوية الصايم (Re: الفاتح خليل الفكي)
|
| Quote: وناس مزمل ديل بتعبروك اخ وزميل وانسان بحاولوا يوجهوك للصح اخير من الناس البشجعوك ويتعاملوا معاك كمغفل نافع مع احترامي ليك ومشيلنك وش القباحة والكعب نيابة عنهم وفي الاخر مافي زول بتضرر غيرك انت واسرتك وما بتكون جنيت حاجة غير دعمت الانقاذ اكتر كمان |
لا فض فوك ياعبدالعزيز ..
وشكراً لحديثك الطيب عن شخصى الضعيف ..
يامعاوية ياخوى اقرأ كلام عبد العزيز الفوق دا بتأنى مرة ومرتين عليك الله
انا متأكد انو بينصحك نصيحة اخ لاخوة .. واتمنى انك تعمل بيها
بتمنى ..
| |
|
|
|
|
|
|
|
|
|
Re: نصيحة لمعاوية الصايم (Re: الفاتح خليل الفكي)
|
اهلا ابو كريم
تعليقي كان على جزئية أن من حق اياً كان كتابة ماشاء من اتهامات بحق الآخرين ويعصمه عن المساءلة حجة على المتضرر اللجوء للقضاء
الكلام دا في بالي ليه فترة عايز اكتب عنه و كونها جات في بوست عبد العزيز عن معاوية عبيد صدفة ليس إلاّ
لو لاحظت انا ما علّقت على موضوع البوست و تعليقي محصور على الجزئية دي وبصورة عامة
لأنو اذا اقرينا المبدأ دا و تغاضينا عن خطله في حالات الحديث عن فساد حكومي بعد شوية - وليه بعد شوية حصل فعلا - ح يبقى من حق اي عضو يقول اي كلام بحق الاعضاء الآخرين وسمعتهم وشرفهم و اعراضهم وتاريخهم و بكل بساطة يقول ليك لو متضررين اهديك المحكمة
ثم ما المشكلة في جلب الاثباتات محل تم الادعاء و الاتهام , وليه الانتظار لغاية ما الموضوع يمش المحكمة
اها لو فعلا المعني بالموضوع فاسد و متورط ح يعمل رايح وما ح يمش محكمة و الموضوع يموت ويواصل في فساده و البوست يمشي الصفحة الرابعة
طيب اما كان من الاجدر تثبيت الاتهامات بالدلائل و القرائن
اقلاّها الرأي العام و القراء - الفتروا من ونسة قهاوي و الحكاوي - يكونوا على بينة
| |
|
|
|
|
|
|
| |
مزمل خيرى
فايزودالقاضي
الفاتح خليل الفكي
محمد البشرى الخضر
عماد شمت
Hisham Amin
معاوية عوض الكريم
معاوية عبيد الصائم
اساسي
محمد يوسف الزين
ABUHUSSEIN
فيس بوك
تويتر
انستقرام
يوتيوب
بنتيريست