|
|
 KAHLESE CAN NOT SEE LONDON
|
قبيلة الكواهلة طويلة وعريضة وعريقة لكن مهمشة تهميش شين خلاس
وعلي التهمش العليها كمان جابت ليها نبيشة
اسع انا الليام دي مفكر امش لندن مخسوس عشان اكسر المقولة الفوق دي
لكن كمان خايف مشيتي تبقى خسارة ساهي
القى ليك الكواهلة عاملين ليهن حلة في لندن
.
.
نفسي اعرف المقولة دي جات من وين ؟
.
.
.
.
.
.
.
ابغض ما عندي العنصرية والجهوية والقلبية لكن برضو داير اعرف كواهلة في لندن
بكون في .. لكن ما اظن اكون في واكون بوردابي
كدي انشوف
|
|
 
|
|
|
|
|
|
|
 Re: KAHLESE CAN NOT SEE LONDON (Re: HAIDER ALZAIN)
|
Quote: غايتو لو انلقي وكمان بوردابي .. القال المقولة تعب معاك تعب تاني ..
|
لو لقينا البوردابي
بنخليهو اول حاجة اسوي لينا كنبو في طرف لندن
وبعد داك بنعرف نشوف شغلنا مع قائل المقولة
.
.
.
انا في واحد قال لي دا سفيرنا في لندن
.
.
حيدر يا لذيذ ما تعزمنا سمك ياخ
سمك الله والرسول دا
| |
|
|
|
|
|
|
|
|
|
Re: KAHLESE CAN NOT SEE LONDON (Re: عبدالله ود البوش)
|
ههههههههههه
عبد الله يا صاحبي ... ات بدور القيامة تقوم ولا شنو؟
هو معظم الســودانيين ديل مهمشين الا من رحم ربي
أها انديك النكته دي في اهلك الكواهلة
وفي الكواهلة كمان كواهلة لنــدن زي ما بتقول
قالوا في 4 منهم مشـــوا ليك لندن ودخلوا ليهم مطعم
عشـــان يتغدوا وجاهم ليك الجرســـون الما خمج داك
بدلة بيضاء وكرفته التقول عريس
ويلا الجرســـون قال ليهم انتوا من وين؟
قالوا ليهو من السودان
المهم بالقوة كدي اشروا ليهن على شيتن في المنيو
يلا الجرسون قال ليهن : four
قالوا ليهو: آ زول فور شــنو ..
نحن كواهله ... كواهله 
خت لي طوبه في بوستك دا
| |
|
|
|
|
|
|
|
 Re: KAHLESE CAN NOT SEE LONDON (Re: الامين موسى البشاري)
|
البشاري
تحايايا
ههههههه
.
.
يا زول لاتحرف البوست تحريفا
.
.
انا عندي تار مع سفيرنا بلندن
واول حاجة داير اتأكد في كاهلي في لندن ولا مافي
امكن اقولي كلامي صاح مافي ولا بصلاية كاهلية مافي
اها اقول ليهو اركب الزول عكاز في الفاضي ساهي
.
.
اوعاك يا البشاري تجيب نكتة الحمير
والله اجيك موسى الراجل قاعدة الخرج الجوية ما تحلك
| |
|
|
|
|
|
|
|
|
|
Re: KAHLESE CAN NOT SEE LONDON (Re: عبدالله ود البوش)
|
Quote: اوعاك يا البشاري تجيب نكتة الحمير
والله اجيك موسى الراجل قاعدة الخرج الجوية ما تحلك |
اها خشمي دا مسكتو علي تب 
ســـوق سواقتك علا ما تســرع ولا تتهور 
....
...
..
.
كان على السفير اتناولوا ليك بسفروك من هني دا
| |
|
|
|
|
|
|
|
|
|
Re: KAHLESE CAN NOT SEE LONDON (Re: الامين موسى البشاري)
|
متعة والله يا بشاري .. نكتة الموسم
علا ما بضحك يقوم الكاهلي دا يتشربك فينا ساي ويفك رقبة السفيـر ..
حبيبنا عبد الله .. شيخ العرب قال قريباً بطرفنا في الدمام
منتظرنكم سوا .. والسمك رااااااقد هبطرش.. بس اصلونا
ـــــ
دليفري مافي
| |
|
|
|
|
|
|
|
|
|
Re: KAHLESE CAN NOT SEE LONDON (Re: HAIDER ALZAIN)
|
عرفتك يا حيدر مما جيت توش داخل
يا اما تكون عارف القالا ولا كمان تكون ات ذاتك
.
.
داير تلخمي بالعزومة آآ .
.
.
العزومة بنجيها
وحلاة اللقط فيها
.
.
بالله دي ما زي شعر صاحبك المتفلهم البمش كل يوم لندن والمغرب اجي راجع ؟
| |
|
|
|
|
|
|
|
|
|
Re: KAHLESE CAN NOT SEE LONDON (Re: عبدالله ود البوش)
|
يا اللمين البشاري
تعال هنا برا عدتي برا حقة صعوضي معاك
بس الواحد افك ليهو كلام وفرررررررر اجر
شاحد الله اجيبوها صرة وخيت واختها للعروس في عبها
عشان تعرف حاجة
.
.
ما زلنا نطالبك بالاعتذار لقبيلة الكواهلة وكمان قبيلة الفور وهم نسابتنا وجيرنا
في غرب السودان
.
.
بس الواحد ادخل راسو زي العنز ام قرنا مكسور في شوال الدقيق واقوم جاري
حدنااااااااااا قضارف يا البشاري
| |
|
|
|
|
|
|
|
|
 Re: KAHLESE CAN NOT SEE LONDON (Re: الامين موسى البشاري)
|
بطال البعيش في الدنيا اصلوا غناه
إن كان ماله راح غير اهله مين يدناه
سمح الفوق اساس ابواتوا تم بناه
والزول دون قبيله غناه شن معناه
مابنفرح بمال ونقول كفانا ورثنا
نفخر بالرجال في الحاره يبقوا ترسنا
------
سلاآآآم يااازول
راجعلك ،،،
بدور أروح قوقل وراجع ... أظنى لقيت مرادك البدورو فى لوندن !!
ش
| |
|
|
|
|
|
|
|
|
 Re: KAHLESE CAN NOT SEE LONDON (Re: شكرى سليمان ماطوس)
|
هاااك دى يا ودالبوش ،،، تب بتعجبك
فيك الفيل وفيك العنزة والجاموس
وفيك التيتل اللبات قرونه تروس
وفيك الاصلة والدابي اب درق وجروس
وفيك ريل الودي البي ناله راتع اجوس
وفيك صقر الكواهلة العينو كالفانوس
قلتللى بدور كواهلة فى لوندون !!
سمح أرجانى بجيك راجع بالنجيضة (هيلو ود الصائم) ...
ش
| |
|
|
|
|
|
|
|
|
|
Re: KAHLESE CAN NOT SEE LONDON (Re: شكرى سليمان ماطوس)
|
من تراث الكواهلة
قالت شغبة المرغمابية:
كُـرْ يَا نَـوحْ مِـنْ دَا الخَـــرَابْ 1
عَجَـبْ عَـيني ياكـلَنْ فِي الكِـلاَبْ
ود دَقْـلَشْ مَـيَّحْ مِــنْ الرِكَـابْ 2
أَخير دِي مِن قَولةْ جَفلوا المُرغُمَابْ
يِقِّـنْ ليْ خَـرابَكْ يَـا عِـدَيْد نِوَيـرْ
رَاحَوا النَايرينْ وفِضْلُوا البِمَاسحُو الكَيلْ 3
وَدْ دقـلشْ يِكَّـفِي لـيْ هَـوايدَ اللَيلْ
وَدْ نَوَّايْ كِتِلْ فَـارْسَ التقِيلَه أمْ حَـيلْ
شَغَـبَه وَيـنْ تَقَـبِّلْ بيْ كَبِيرةَ الضَّيلْ 4
حَمـدْ المليحَـابي سَــدَرْ للبَـاكْ
وسَنتيْن بِدُولِب في البِشرَبُوا التُمبَاكْ
كَتلْ الشيخْ بِريرْ وحَرقْ حَشا الدعَاكْ
وجَـاب الفي الصَفيه رقهِّـن بِترَاكْ
جِـيدْ يا بريرْ الضُقتَ النكُور والهْـولْ 5
وكسْرَ الهمبَروكْ عيش السِّديره الخَورْ 6
سَوقـةْ الحـدَّمْ العَقَدَنْ قِفِيهِنْ شُـولْ 7
كَتِـلةَ البرمَكي مـع صَـباحَ البَـولْ 8
جِيدْ يا بريرْ ضُـقتَ النُكور إِتْ حَـيْ
وكسرَ الهمبروكْ عَيشْ السِّـديره النَيْ
سَوقـةَ الحـدمْ العَقَـدَنْ قَفِيهِنْ لَـيْ
كَتِـلةَ البَرمَـكِي مَـعَ صَـبَاح الضَّيْ
أَهـلي بُقَّـةْ الحَنضَّل دَوا الجَـرْبَـانْ
أَهلِي الفي قَفَاهُـن بِربُطـوا الطفْـلاَنْ
والله البِحـالِقُـنْ عَـليْ النِّســـوَانْ 11
يَرْقُـدْ رَقْـدَةَ اللِّيـنْ كَـدِي عَـريَانْ
إِتْلمَّـتْ جِهينَـه والسَّـدَارنَة الــزُرْقْ
وأرْجُوهُـنْ صَبَاحَـاتْ الكواهْلَه الفُرْقْ
عَدُوهُنْ شَمُـوْم مِتْـل النَّعَـامْ الطُـرُقُ 12
فِسْـرَاعْ شَبَّعُـوا اللِّينْ كُرَاسْـةً بُـرْقْ 13
خَلُّو العَرْكَشَابْ رَاقْدِينْ شَتَاتْ في الْحُرْقْ
إِتلمَّـتْ جِهيـنَه وطُـرْطُـرْ أُم هَـبُودْ 14
بِحسبُوهو كِـتَالْنَا بالحَجَـرْ والعُــودْ
أَرْجُوهُـن صَبَاحَاتْ الكَـوَاهلَه قُـعُودْ 15
فِسْـرَاعْ شَبَّعُـوا اللِّينْ مِـنَ المَتْـرُودْ
----------------------
لكن آآآزول ما حكاية بدور لها قعدة بر و فناجين قهوة ...
الـهـــوامـــش:
1. كُر : كلمة تقولها النساء عند الأمر الجلل ونوح هو النبي نوح وكأنما
تستنجد به .
ميَّح من الركاب : فقد توازنه ليسقط من فوق صهوة حصانه .
2. البماسحو الكيل : تقصد بهم المتقاعسين والمترددين .
3. كبيرة الضيل : الضيل هو الذيل ، وهي تصف ناقتها المكتملة النمو
الوافرة بالحليب .
4. جيد : كلمة تعني حمد الله . النكور : المصائب وتنكر الأيام .
5. الهمبروك : الزرع الذي لم يبلغ طور النضوج .
6. الحدم : ما ولد حديثا من الإبل . قفيهن : رقابهن .
7. صباح البول : الصباح الباكر وفيه عادةً ما يتبول الإنسان .
8. دب : يقال أيضاً تب بمعنى إخسأ .
9. تدبت : تثبت وتصمد .
10. البحالقن : الذي يطوف بجوارهن أو يحوم عندهن .
11. عدوهن شموم : أي طُرِدوا من موضع شموم .
12. برق : ما يخالط لونه البياض والسواد .
13. طرطر أم هبود : الرماد .
14. أرجوهن : قابلوهم .
15. المترود : الحراب .
ش
| |
|
|
|
|
|
|
|
|
|
Re: KAHLESE CAN NOT SEE LONDON (Re: موسي الراجل)
|
موسى الراجل ضو القبيلة حبابك
وحباب كعكول
وحباب عيال عوض الباري
.
.
وحباب الناس القدحا سبق السلام
.
.
احكوا يا كواهلة العالم ولكم الحق ان تفتخروا بانفسكم
ولكن دون المساس بالقبائل الاخرى فكل فتاة بابوها معجبة
الفخر بالقبيلة والمنطقة لايدخل في نطاق العنصرية
ولكن اسائة الاخرين هي العنصرية البغيضةوسبب التناحر
.
.
قبيلة الكواهلة قبيلة كبيرة وعريقة وممتدة في معظم مناطق السودان
وهي معروفة بالكرم والشهامة
ولكن تركزت حياتهم في الخلا والصي والفيافي والبعد من المدن والمركز
ومن هنا جاء التهميش والتهبيش
| |
|
|
|
|
|
|
|
|
|
Re: KAHLESE CAN NOT SEE LONDON (Re: شكرى سليمان ماطوس)
|
كعععععععععععععع
شكري ماطوس
ها زول ها والله كلامك دا اخلي الزول اقع كعععععع
فوق رقبتو واقصها كرامة وسلامة
.
.
اها دا المطلوب نحن دايرين نقعد في خيمتنا دي الصيفية دي كلها
والخريف حدها الطرفة البكاية
.
.
كان دايرن نجغم نجغم وكان دايرين نقرم نقرم
ونقع ونقوم على كيفنا
خريفنا وصيفنا
حكاوينا
حجاوينا
غرامنا
وهوانا
وهيامنا
عرفتني كيفن آ ماطوس
اترمد سفري في لندن ؟
كدي اسع خلينا في باديتنا دي
جيب غناك وتعال
باقي انا ما عندي عرفة اخم الغنا من اليوتيوب العفين داك
واجيبوهو هنا
انا من ناس امسك لي واقطع ليك
ووحاتي شمها
والله اكفينا شر المتفلهمين ناس الفلفسة والموية الساقطة والرغيف
بركة القطعوا منهن الموية الساقطة كيتا على فلفستن دي
| |
|
|
|
|
|
|
|
|
|
Re: KAHLESE CAN NOT SEE LONDON (Re: الامين موسى البشاري)
|
Quote: ارحكاكا يا ود البوش
قضارف القريبة دي وبطل لخبطه بالله |
يا البشاري هووووووي
اظنك ات ما بتعرفنا كويس
واوعك تتصل علي بالتلفون للبلبصة
علي الطلاق كان اسهالك جاء مارق بالسلك في اضاني دي
كرررررررر كدي ما بخليك
.
.
.
.
.
.
.
.
طبعا الكلام دا بعد ما شفت ناس موسى الراجل وماطوس
اسع عاين ماطوس دا من اسمو ساهي ما بخوف
اها الزول دا وقع معانا ولا ما وقع آ ماطوس وموسى
وكمان ابوعبيدة داك قالوا ختير خلاس
.
قال مشوا المطعم قال
شفت ليك كاهلي بياكل مع الحريم
.
.
اخرج واتلقانا في طرق الخرج بعد التفتيش
قال سفروق قال
وكلام حيدر الزين صاح اها قنعنا من السفير واندرهنا فيك
شوف ليك طريقة تحلك
| |
|
|
|
|
|
|
|
|
|
Re: KAHLESE CAN NOT SEE LONDON (Re: saif massad ali)
|
ود عوج الدرب
وعوج الزلط ذاتو
دا الكلام
قلت شنو ؟
حرم عديل كدي فيزا
.
.
كدي انقول ليك النكتة دي
امام جامع بصلي بالناس
مع الركعة رعف -
قام مسك الزول الوراهو عشان اتم الصلاة
ومشا الماسورة اغسل الرعاف
لقى ليك الزول الجراه اتم الصلاة واقف جنبو والناس راكعيييين في ركعتن
قال ليهو يا زول مالك جاي لاحقني ومخلي الناس راكعين
قال ليهو انا قائل عندك معاي كلام سر
.
.
اكان كدي لندن وقعت معاي
قلت لي شنو ؟
اها تعال سريع سريع للعمرة عشان امش معاك الكراع بالكراع
عشان ما اقعد اكورك في حلة لندن صفحتا وين جنبتا وين
.
.
يا كواهلة الداخل اتحدوووووووووا
| |
|
|
|
|
|
|
|
|
 Re: KAHLESE CAN NOT SEE LONDON (Re: عبدالله ود البوش)
|
followed
.
.
talha theorietical
.
.
.
the important
.
.
tabarak allah
.
.
englisi signal 2
نحييكم من لندن والبوستات تاني تنقليزي بس
اخد لي شقة في حلة لندن دي واجيك
انجقليزي صرررررررررر
برا صر بلا صرار بلا كبش مكنون
قال كبش مكنون قال
| |
|
|
|
|
|
|
|
|
|
Re: KAHLESE CAN NOT SEE LONDON (Re: عبدالله ود البوش)
|
والله كان لقيت لي حواشة في حلة لندن دي
ان شاء الله اخر بيت
تخرق العادة
والعجب العجيب العنكوليب واجيبو ليكن في القرطاس يا شيقوق
اخخخخخخخخخ من قرطاس لندن اندريا
لو الصبر تكليف من بيتكن انا ما بقيف اندريا
بيتكن بي وين يا عين انا
محطة شل كب لي جالون
| |
|
|
|
|
|
|
|
|
|
Re: KAHLESE CAN NOT SEE LONDON (Re: عبدالله ود البوش)
|
علا لاكن آود البوش التنقليز ديل ما عندهن تار عديييييل كدي مع الكواهلة!!!!!
إت آزول ماك خابر ولا شنو؟؟؟؟؟
أصلو ناظراً للكواهلة زمان اسمو عبد الله ود جاد الله (جد الصادق المهدي لي أمو)
كسر قلم الحاكم العام عديل كدي (السير مكمايكل) ... ومن يومها داك سموه
كسار قلم ماكميك ...
باخد لي فزعة كدي في القوقل وبجيب ليك الغنايات قالن فوقو شنو .. متل ما فزع
ود ماطوس
أها عندك بعد ده في كاهلي بخش حاضرة الانجليز دي؟؟؟
والله إن خشوها بعد داك يكونوا كملوا الرجالة تب!!!!!
طبعاً بنتعامى ساكت من قراية حفيد عبد الله ود جاد الله (الصادق المهدي)
في أكسفورد ...!!
تحياتي
| |
|
|
|
|
|
|
|
|
|
Re: KAHLESE CAN NOT SEE LONDON (Re: عبد الباقي الجيلي)
|
Quote: أصلو ناظراً للكواهلة زمان اسمو عبد الله ود جاد الله (جد الصادق المهدي لي أمو)
كسر قلم الحاكم العام عديل كدي (السير مكمايكل) ... ومن يومها داك سموه
كسار قلم ماكميك ... |
أت آ زول في كسر القلم .. ولا قالوا جدهم محمد ود جار النبي قتل غردون ظااااااااااااااااااااااطووووووو
| |
|
|
|
|
|
|
|
|
|
Re: KAHLESE CAN NOT SEE LONDON (Re: عبد الباقي الجيلي)
|
استاذ التاريخ اخونا عبدالباقي الجيلي
التاريخ ما عندنا فيهو كلات طب
لكن آ اخوي الناس دي قاليك اطورو تطور شديد خلاس
وقنعوا من التار والتر لي وراء
وخلوكن انتو لسع تتروا لي وراء
تر آ جنا تر لي وراء
سمعت زول قاليك تر لي قدام
اها تر دي اياها التار
تر يتر تار
.
.
ود عوج الدرب قاليك عندهن حلة عديل في لندن
يا ناس خلوني انمش
دلوني انجي ليكن بصل اجي
.
.
عبدالباقي خليني انمش
انا مغرود هناك بالحيل آ جنا
لكن غردي قااااااااااااااااسي
| |
|
|
|
|
|
|
|
|
|
Re: KAHLESE CAN NOT SEE LONDON (Re: عبدالله ود البوش)
|
Quote: عبدالباقي خليني انمش
انا مغرود هناك بالحيل آ جنا
لكن غردي قااااااااااااااااسي |
حبابك اخوي ود البوش في لندن وضواحيها
أخوك ودعوج عليه الفيزا وأختك حواء عليها الضيافة
وغردك مهما كان قااااااسي ناس لندن ما بقصرو
معاك بقضو ليك تب، بس الله يرفع القدم
| |
|
|
|
|
|
|
|
|
|
Re: KAHLESE CAN NOT SEE LONDON (Re: حواء سليمان ابراهيم)
|
Quote: حبابك اخوي ود البوش في لندن وضواحيها
أخوك ودعوج عليه الفيزا وأختك حواء عليها الضيافة
وغردك مهما كان قااااااسي ناس لندن ما بقصرو
معاك بقضو ليك تب، بس الله يرفع القدم |
.
.
حواء سليمان
الاخت الغالية
مادام ضمنت الفيزا
وصفحتنا وين وجنبتنا وين
تاني العوجة مافي تب
.
.
وكان الغرد ما انقضي وقسى خلاس
شوفتكن تبقى مكسب
واجيب معاي موز ورغيف وحلاوة طحنية واجي راجع
.
.
تحياتي واحترامي
| |
|
|
|
|
|
|
| |
عبدالله ود البوش
HAIDER ALZAIN
الامين موسى البشاري
شكرى سليمان ماطوس
أبوعبيدة محمد الأمين
saif massad ali
عبد الباقي الجيلي
ادريس خليفة علم الهدي
حواء سليمان ابراهيم
فيس بوك
تويتر
انستقرام
يوتيوب
بنتيريست