Quote: أي طفل يمتلك موهبة خاصة إذا وجد الدعم والتشجيع اللازمين بالتأكيد سيثق في نفسه ويبدع ويمضي الى الأمام وبالتالي سيلمع نجمه.
مرحبا عزيز صحيح ان كل طفل يولد وقد وهبه الخالق فالبعض يجد الفرصة فيظهرها والبعض تطرأ عليه ظروف بعضها قاهرة فتحرمه من اظهارها فى بلدنا السودان لانجد برامج تهتم بالمواهب شكرا على المرور
06-12-2011, 08:04 PM
عبدالعزيز الفاضلابى
عبدالعزيز الفاضلابى
تاريخ التسجيل: 07-02-2008
مجموع المشاركات: 8199
أستاذ فاضلابي وضيوفه الكرام سلامات أطفال جميلين ومبدعين ..
بوست أتمنى يحفز الآباء والأمهات لصقل مواهب صغارهم التي ربما لا ينتبهون لها من جراء الشلهتة والجري وراء لقمة العيش الأساسية، في بلد يعتبر ويعد فيها بسكويت الصباح للأطفال ضربآ من الرفاهية ..! ربنا يصلح الحال ويغرس قليل رحمة في قلوب حكامنا القاسية
أشارككم كيتلين ماهر المغنية العسل ذات لأربعة سنوات
Kaitlyn Maher (4 year old singer) Cute little girl sings on America's Got Talent
_
06-13-2011, 07:45 PM
عبدالعزيز الفاضلابى
عبدالعزيز الفاضلابى
تاريخ التسجيل: 07-02-2008
مجموع المشاركات: 8199
Quote: بوست أتمنى يحفز الآباء والأمهات لصقل مواهب صغارهم التي ربما لا ينتبهون لها من جراء الشلهتة والجري وراء لقمة العيش الأساسية، في بلد يعتبر ويعد فيها بسكويت الصباح للأطفال ضربآ من الرفاهية ..! ربنا يصلح الحال ويغرس قليل رحمة في قلوب حكامنا القاسية
أهلين هدير الشلهتة حاصلة والجري حاصل ,, ربنا يلطف. شوفي هسع الطفلة كيتلين دي ,, والثقة اللي بتتكلم بيها لو قهموها من هي صغيرة ماكانت قدرت واجهت الجمع ده من الناس. وشوفي اهتمام الكبار بيها ,, نحن بالله : ياولد امشي العب بعيد ,, ماتقعد مع الناس الأكبر منك ..هم الناس الكبار ديل لو الكلام الدايرين يقولوه ما كلاما كعب ,, ليه مادايرين الصغار يسمعوه ,, ?! لو كان كلاما نافع ماكان طردوا الصغار من جنبهم. وعاوزين يرموها في الصغار ويقول ليك قعادن مع الكبار قلة ادب. شكرا علي المساهمة ياهدير.
06-13-2011, 08:34 PM
Hadeer Alzain
Hadeer Alzain
تاريخ التسجيل: 07-13-2008
مجموع المشاركات: 3530
Quote: شوفي هسع الطفلة كيتلين دي ,, والثقة اللي بتتكلم بيها لو قهموها من هي صغيرة ماكانت قدرت واجهت الجمع ده من الناس. وشوفي اهتمام الكبار بيها ,, نحن بالله : ياولد امشي العب بعيد
أستاذ الفاضلابي صدقت ..! نحنا الغناء والتمثيل عندنا لسه بنعتبرهم قلة شغلة وكان شافع في البيت غنى بننهروا ونقول لي أمشي شوف قرايتك .. أختي وهي صغيرة كانت مرحة جدآ بتحب المسرحيات وعادل إمام وتقلد معظم الفنانين .. والله طيرنا ليها الموهبة دي للأبد من راسها بكترة الإنتقاد والتقليل من الشأن .. هسه لمن بقت زولة ثقيلة ودمها تقيل والضحك في تلتلة.
لمن الحاجات تبقى كويسة أتمنى أشارك كحكم في بانيل في برنامج مخصص ومتخصص زي دا في السودان لتحفيز وتشجيع أطفالنا وغرس الثقة فيهم ..ومتابعتهم
دي كوني الشهيرة
Connie Talbot - I will always love you
_
06-13-2011, 09:46 PM
Hadeer Alzain
Hadeer Alzain
تاريخ التسجيل: 07-13-2008
مجموع المشاركات: 3530
ياسلام ياهدير اطفال في عمر الزهور لم تقطفهم فوهات البنادق ولم يزج بهم في اتون الصراعات السياسية رعوهم باكرا ليكونوا امتدادا لما بنوه من حضارة. ينفطر مني القلب وانا اري أطفال بلادي في دنيا الخرائب والمذابح ينبشون.
06-14-2011, 02:58 PM
عبدالعزيز الفاضلابى
عبدالعزيز الفاضلابى
تاريخ التسجيل: 07-02-2008
مجموع المشاركات: 8199
Quote: اطفال في عمر الزهور لم تقطفهم فوهات البنادق ولم يزج بهم في اتون الصراعات السياسية رعوهم باكرا ليكونوا امتدادا لما بنوه من حضارة. ينفطر مني القلب وانا اري أطفال بلادي في دنيا الخرائب والمذابح ينبشون
كوني المدهشة
_
06-14-2011, 08:47 PM
رشيدة عثمان فقيري
رشيدة عثمان فقيري
تاريخ التسجيل: 08-09-2009
مجموع المشاركات: 666
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة