|
|
 لماذا لا توفر قنواتنا الفضائية (كمنجات وأعواد) جديدة للعازفين
|
نفرح جدا ونحن نتابع
عبر قنواتنا الفضائية المختلفة
الفن السوداني الجميل
وخاصة عندما تركز الكاميرا على عازف ماهر مثل محمدية
وهو يداعب بأنامله أوتار كمنجته ( الهرمة)
ويعزف اجمل الألحان والصولات المتميزة
ولكننا نشمئز من شكل الكمنجة و( الحكيك والخرخير) على جوانبها وحوافها
كمنظر لا يلائم قناة فضائية محترمة تشاهد عبر الفضاء في الكثير من دول العالم
ويشاهدها السودانيون وغير السودانيين
ويحدث هذا في كل القنوات الفضائية السودانية
ومع كل العازفين
نعلم العلاقة الطيبة والحنينة بين العازف وآلته المموسيقية
ولكن لابد ان توضع معايير للمشاركة بألات نظيفة وجديدة
ولو دعى الأمر أن يتم عمل دوبلاج صوت كما يحدث في الكثير من التسجيلات
ويمسك العازف بآلة جديدة نظيفة تكمل الصورة اللحنية بمشهد رائع
وحين يتم عمل زووم علىيه أثناء العزف تظهر لنا آله جديدة نظيفة محترمة
فحقيقة نحن نقدم أجمل وجبة موسيقية تقريبا
ولكن ينقصنا الماعون (الصحن ) الذي نقدم عليه هذه الموسيقى لنا او للغير
|
|
  
|
|
|
|
|
|
|
|
Re: لماذا لا توفر قنواتنا الفضائية (كمنجات وأعواد) جديدة للعازفين (Re: جمال السنوسي)
|
Quote: وخاصة عندما تركز الكاميرا على عازف ماهر مثل محمدية
وهو يداعب بأنامله أوتار كمنجته ( الهرمة)
|
الحبيب جمال السنوسي
تحية و سلام
ملاحظة منك ممتازة ..أضيف لملاحظتك المظهر العام
من لبس و خلافه مرة شاهدت عازف كبير بقامة محمدية
لابس بدلة و من تحت مركوب ..
المحيرني للفنان محمدية و غيرو وين قروش العدادات
الكبيرة البيستلموها دي ؟
في ليالي امدر علمت بان محمدية
وحده وصلت مستحقاته الي مبلغ ال 20 مليون جنيه
| |
|
|
|
|
|
|
|
|
|
Re: لماذا لا توفر قنواتنا الفضائية (كمنجات وأعواد) جديدة للعازفين (Re: Dr.Mohammed Ali Elmusharaf)
|
Quote:
فعلا اللبس بتاع المذيعين حاجة عجيبة ..... بدل كبيرة وقديمة لا تشاهدها الا في افلام الخمسينيات
|
دكتور محمد المشرف
با سلام عليك
اتخيل ذركتني حلقة من برنامج ايام لها ايقاع
كان الضيف فيها المرحوم الفنان صلاح محمد عيسى ذلك الرجل الانيق
وقد احضر صورة له تم عرضها في الحلقة وهو يرتدي بدلة قل سوت كاملة انيقة
وتحدث عن هذه الصورة قائلا
أن هذه البدلة قد كلقته مبلغ 35 جنيه سوداني
ليظهر بها في حفل غنائي في السينما تحصل مته على 25 جنيه فقط
يعني هو دفع من جيبه عشرة جنيهات عشان المظهر الجميل امام الناس
مع العلم ان هذا الحفل في السينما ولم يبث تلفزيونيا
يعني ناس صلاح مجمد عيسى ديل لو حضروا الفضائيات دي
ناس التي شيرتات والجينز ديل إلا يتضايروا
المشكلة هسه بقينا في زمن لا فيهو صوت ولا ذوق ولا صورة ولا كلمات
الله يرحم اللفنانين الحقيقيين
| |
|
|
|
|
|
|
|
|
|
Re: لماذا لا توفر قنواتنا الفضائية (كمنجات وأعواد) جديدة للعازفين (Re: Elmosley)
|
استاذنا الجليل
الموسيقار المبدع الموصلي
Quote:
الحبيب جمال
انت نايم؟؟؟؟
ولاصاحي؟؟؟؟؟؟
ولا طرفك من طبعو نعسان؟؟؟؟؟؟؟؟ |
لا نايم ولا حاجة
لمن تجيك قناة زي قناة النيل الازرق والشروق
وعندها كاميرات ديجيتال
يعني التصوير عالي الجودة
بتبين ليك الشقوق الفي العود والغبار الفي الكمنجة
تقول شنو للاجنبي القاعد جنبك
ما عندنا قروش نشتري جديد
ولا ما عندنا ناس ينضفوا العدة
العدة من زمن الكاشف تلاقيها شغالة
زمان التصوير تعبان
والقنوات محلية
والان العالم بقى قرية وحوش صغير
يعني قناتك بشوفها العميان
فنا داعي تقدم فن بي عدة هرمة
وجاييك بحكاية عود بابكر صديق وبرنامج اصوات وانامل
| |
|
|
|
|
|
|
|
|
|
Re: لماذا لا توفر قنواتنا الفضائية (كمنجات وأعواد) جديدة للعازفين (Re: Elmosley)
|
استاذنا الجليل
الموسيقار المبدع الموصلي
Quote:
الحبيب جمال
انت نايم؟؟؟؟
ولاصاحي؟؟؟؟؟؟
ولا طرفك من طبعو نعسان؟؟؟؟؟؟؟؟ |
لا نايم ولا حاجة
لمن تجيك قناة زي قناة النيل الازرق والشروق
وعندها كاميرات ديجيتال
يعني التصوير عالي الجودة
بتبين ليك الشقوق الفي العود والغبار الفي الكمنجة
تقول شنو للاجنبي القاعد جنبك
ما عندنا قروش نشتري جديد
ولا ما عندنا ناس ينضفوا العدة
العدة من زمن الكاشف تلاقيها شغالة
زمان التصوير تعبان
والقنوات محلية
والان العالم بقى قرية وحوش صغير
يعني قناتك بشوفها العميان
فنا داعي تقدم فن بي عدة هرمة
وجاييك بحكاية عود بابكر صديق وبرنامج اصوات وانامل
| |
|
|
|
|
|
|
|
|
|
Re: لماذا لا توفر قنواتنا الفضائية (كمنجات وأعواد) جديدة للعازفين (Re: جمال السنوسي)
|
الأخ الوجيه جمالي السنوسي
تحيات عطرات من ارض الحرمين
أثار في الشجون موضوعك والذي تناوتله بموضوعية وواقعية وبالفعل هذا ما ينبغي ان يتم في ان تعكس الفضائية السودانية الوجه الحقيقي والجميل للإنسان والفنان السوداني.
ولكن ....
العيب ليس فقط على الفضائية السودانية وأنما على بعض المطربين والفنانين السودانيين حيث انهم لا يهتمون بمظهرهم وتقنين فنهم فيكتمل وجه القبح ولا تستطيع ان تميز اين الخلل واين العيب.
نعم اتفق معك في ان الفضائية لا توفر هذه الآلات كما اوضحت،، وإن كنت اتحفظ . هل هذا دور الفضائية السودانية؟؟
ولكن على الفضائية ان تضع شرط تلزم فيه المؤدي لفنه مطرب كان او عازف ان التسجيل يكون تحت اشراف اتحاد المهن الموسيقية والذي بدوره يلزم او يوفر للعازف الآلة التي سيتخدمها ان تكون بمظهر لائئق ويلزم المطرب الظهور بمظهر يليق بالفن السودانى الاصيل ولاسيماان الفضائيات وبالاخص القوميه منها تعكس الوجه الحقيقى لفن وثقافة الشعوب
| |
|
|
|
|
|
|
|
|
|
Re: لماذا لا توفر قنواتنا الفضائية (كمنجات وأعواد) جديدة للعازفين (Re: هشام درماس)
|
Quote:
العيب ليس فقط على الفضائية السودانية وأنما على بعض المطربين والفنانين السودانيين حيث انهم لا يهتمون بمظهرهم وتقنين فنهم فيكتمل وجه القبح ولا تستطيع ان تميز اين الخلل واين العيب.
|
الفنان الانيق والجميل
هشام درماس
كما يقولون وشهد شاهد من اهله
عراف يا هشام
الفن السوداني جميل ومميز
ولكن مشكلتنا في ماعون النقديم
ماعون منفر لا يرتقى إلى ابسط قواعد المظهر العام
وكما تحدثنا خلال زيارتك لنا في جدة
كل الفناننين / الفنانات البيسافرو يغنو برة السودان
بيمشوا يغنوا للجمهور السوداني في بلاد الغربة
يعني لو كان هناك اعلام قيم يتمسك بتقديم صورة وصوت ومظهر عام ممتاز لدينا في السودان
لخلق الكثير من المطربين جمهور في كل بقاع العالم والعالم العربي بالتحديد
ولو اني كما اخبرتك سابقا
اعتقد توجه الاغنية السودانية خارجيا
يفترض ان يكون تجاه غرب وشرق افريقيا
حيث انها تحتل المركز الاول بين جماهير تلك الدول
ولنترك العرب لعروبتهم
فنحن أفارقة بلسان عربي
| |
|
|
|
|
|
|
|
|
|
Re: لماذا لا توفر قنواتنا الفضائية (كمنجات وأعواد) جديدة للعازفين (Re: جمال السنوسي)
|
صاحب البوست وضيوفه
موضوع جيد وملاحظة دقيقة، ولكن دعوني أوضح بعض الأشياء:
فالمسألة لا ترتبط بقدرة الموسيقي أو الجهة الإعلامية على شراء آلات جديدة....
Quote:
وخاصة عندما تركز الكاميرا على عازف ماهر مثل محمدية
وهو يداعب بأنامله أوتار كمنجته ( الهرمة)
|
شفت زبدة الموضوع كوووووولو في الكمنجة الهرمة...
محمدية لو جبت ليهو مليون كمنجة جديدة لن يعزف إلا على هذه الهرمة....
هناك قناعة لدى الفنانين والعازفين بأن الآلة الموسيقية (خاصة الوتريات) القديمة أفضل من الجديدة ،، حيث أنها تكون مجربة (معتقة) ويكون العازف معتاد عليها ....
والأهم العلاقة الوجدانية بين الموسيقي وآلته والإرتباط الذي ينشأ بينهم،، فالحب والإرتباط يمكن أن يكون بين حي وجماد، ولو أنه الآلة الموسيقية لا أصنفها كجماد فهي تعطي وتطرب أكثر من كثير من الأحياء....
الغريب من حوالي أسبوع أو أكثر قليلاً كنت أناقش هذه الظاهرة مع زميل البورد الموسيقي طارق ميرغني وكان المكان سوق الآلات الموسيقية بالرياض وفي حضرة الموسيقي عزالعرب الذي يدير محلاً هناك ويمارس تعليم الموسيقى وتدريس النوتة...
وقد أجمع أهل الأختصاص على هذا الرأي أو القناعة الراسخة لدى الموسيقيين...
حتى في السوق فالعود أو الكمان القديم ممكن يجيب سعر أعلى من الجديد....
لله في خلقه شئون....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: لماذا لا توفر قنواتنا الفضائية (كمنجات وأعواد) جديدة للعازفين (Re: Al-Shaygi)
|
سلام يا سنوسي وسلامات لضيوفك
موضوعك جميل وملاحظتك دقيقة، لكن كما قال اخونا الشايقي
الكمان القديم و العود القديم صوتهما اكثر طلاوة ووضوحاً
بعكس الجديد فتجد صوتهما كاتم نوعاً ما و يحتاجان لوقت
طويل ربما سنوات عشان الصوت يفتح وهذا يفسر سر ارتفاع
سعر الكمان القديم والعود القديم عن الجديدين، وطبعاً
هناك خصائص اخرى تتحكم في السعر غير القدم مثل نوع الخشب
وحجم القرعة بانسبة للعود.
Quote:
والله يا جمال الكمنجة الهرمة مش عيب .... لكن العيب في الغبار العالق فيهو ...نظافة يا عالم ، ياخي مسحة بالمندول يكفي |
Quote:
يعني التصوير عالي الجودة
بتبين ليك الشقوق الفي العود والغبار الفي الكمنجة
|
المادة العالقة على الكمانات ليست غباراً
كما يتصورها البعض ولكنها مادة صمغية تسمى (القلفونية)
ما عارف الإسم ده جاء من وين ولكنه الإسم المتداول بين
عازفي الكمان بالسودان وبالإنجليزية تسمى Rosin وهذه
هي صورتها
وهذه المادة يمسح بها قوس الكمان حتى يعطي الصوت المطلوب حينما يعزف
الكمان، وبدون مسح القوس بالقلفونية القوس لايعطي صوتاً عندما يمر على
اوتار الكمان. الكثير من العازفين يكسرون قطعة صغيرة من القلفونية
ثم يسحنونها بورق الصنفرة حتى تصير بودرة بيضاء ثم يمررون سبيب قوس
الكمان عليها حتى يتشبع ببودرة القلفونية تماماً، وعند عزف الكمان
تتناثر بدرة القافونية على سطح الكمان وهذا ما يظنه البعض غباراً.
| |
|
|
|
|
|
|
|
|
|
Re: لماذا لا توفر قنواتنا الفضائية (كمنجات وأعواد) جديدة للعازفين (Re: elsawi)
|
لك التحية أستاذنا جمال السنوسي على هذا الموضوع الذي يستحق الوقوف عنده وصراحة انا معك في ما ذكرت ولكن هل توافقني الرأي في أن كلام اخونا الشايقي اقرب للحقيقة في هذه النقطة ولا أريد أن أعيده ولكن حسب تجربتي الشخصية فالآلة القديمة أكثر تعتيقاً من الآلة الجديده وصوتها أجمل ,,
ولكن انا فعلاً ارى أنه يجب على العازف ان يهتم بها ويجملها ويهتم بنظافتها ومظهرها ولي كمان وجهة نظر اخرى بالنسبة لمصوري القناة السودانية او غيرها من قنواتنا الجديده وهي أن المصور يركز تركيز شديد جداً على الآلة ولا يهتم بان يظهر وجه العازف إلا ما ندر وكأن هذه الآلة هي التي تعزف نفسها وايضا حتى على نظاق التصوير للشخصيات في الأستوديو المصور يحرص أيما حرص على ان يركز الكاميرا على وجه نعسان او كالح او وجه غير جميل من حضور السهرة او البرنامج في حين انه لا يركز على وجه صبوح أو شخص يكون معتدل في جلسته ومتأهب لكي يقابل الكاميرا ببسمه او بفرحة ..
أما أن توفر القناة السودانية الآلات للعازفين وكما سبقني أستاذنا الموصلي واستاذنا هشام درماس فهم أصحاب تجارب وسبقونا في هذا المجال ولهم تجارب شخصية مع القنوات السودانية فأنا أري أن هذا مفروض يكون واجب علي القناة السودانية لانها هي التي تكسب الجمهور بأدائها وهي التي تعكس وجه السودان المشرق فمن باب أولى ان توفر للعازفين آلات لائقة بحجمها كقناة قومية ..
وتقبل سلامي وإحترامي لك ولكل المتداخلين في هذا البوست الجميل ..
ياسر العيلفون
| |
|
|
|
|
|
|
|
|
|
Re: لماذا لا توفر قنواتنا الفضائية (كمنجات وأعواد) جديدة للعازفين (Re: Al-Shaygi)
|
الحبيب جمال السنوسي
شوق قدر بحر جده
وخليج سلمان
وشواطيء شرم الشيخ
شوف يا حبيب
انا ملاحظ حاجة في بوستات سودانيز اون لاين
أي موضوع مهما كان تفتحو إلا ينط ليك زول يخالفك
ملاحظ لحدي هسي ما زول خالفك في الرأي
حتى موصلي
( عمل نايم )
أخد بوستك عشان ينتقد بيهو ( الوضع العام )
وهو محق طبعا
موضوعك يا جمال في السلك
رائع
الموضوع ما هو صغير بحجم كمنجة محمدية
الموضوع اكبر من كده بكتيييييييييييييييييييييييييييير يا جمال
والناس الهنا كلها تقريبا قالت كده بطريقة غير مباشرة
زمان قريت مرة للدكتور حسن مكي
ان شخصية الانسان السوداني صاغتها ( الطرق الصوفية )
عشان كده تلقى السوداني في الغربة مثلا ( مريش ) وراتبو يتلتل
ومع ذلك
عربيتو تايوتا
يعني عمرك شفت مغترب في السعودية سايق بي ام دبليو أو رينج روفر
مع إنهما في المجتمع الذي نعيش فيهو هما رمز الراحة والتصنيف الاجتماعي العالي
قشرتو جلابيتو وعمتو
( ما عندي إعتراض على الزي القومي )
لكن في حتات ( رسمية ) اللبس الرسمي فيها ( واجب ) وركن من اركان ( الايتكيت العام )
واحدة من اهم الحتات دي
التلفزيون والاعلام بشكل عام
لو حاولت تحصر الصور ( المقلوبة ) في أجهزة الاعلام السوداني
تطرش عديل
ويجيك طمام
خصوصا لو تجرأت وقارنتهم بأي قناة تانية
بإستثناء قنوا ت تشاد وأريتريا
إقتراح
وسع الموضوع يا جمال
الموضوع كبير ويستحمل
راجع ليك يا جمال
| |
|
|
|
|
|
|
|
|
|
Re: لماذا لا توفر قنواتنا الفضائية (كمنجات وأعواد) جديدة للعازفين (Re: جمال السنوسي)
|
| Quote: والله يا جمال الكمنجة الهرمة مش عيب .... لكن العيب في الغبار العالق فيهو ...نظافة يا عالم ، ياخي مسحة بالمندول يكفي. |
بوش يا جميل
عارف حقو وزارة الاعلام
تعمل شروط في البث التلفزيوني الفضائي
من ضمنها مظهر الصورة والآلات الموسيقية
ورقابة دائمة من الجمهور
اي زول عندو ملاحظة يسجل شكوى
بالتاريخ والتوقيت
وتتم المراجعة
ويصدر أمر يقفل القناة يوم يومين اسبوع شهر وكده
عقابا لها على المناظر البشعة
مع توقيع الغرامة
وكده القنوات حتعمل حسابها شديد عشان ما تفقد الاعلانات
كمصدر دخل هام ورئيسي لكل الفضائيات
زي ناس البلدية مع ناس الاكشاك والمطاعم
لمن يفتشوهم ويلقوا المطعم ######ان والمطبخ ######ان
بيقفلوهو لمدة محددة مع الغرامة وتعهد بعدك تكرار الخطأ
المطاعم الملوثة بتسبب تسمم مؤقت
لكن الفضائيات دي بتسبب تسمم دائم
| |
|
|
|
|
|
|
| |
جمال السنوسي
امير طمبل
Elmosley
BousH
طارق زروق
هشام درماس
Al-Shaygi
elsawi
ياسر السر
كمال الشادي
فيس بوك
تويتر
انستقرام
يوتيوب
بنتيريست