|
|
 جون هوبكنز السودان = رويال كير العالمية
|
يتم الآن افتتاح المستشفى الاحدث فى السودان وافريقيا
كل الاقسام من عيون , غدد صماء جراحة أوعية دموية تجميلية الخ.....
9 غرف عمليات بهواء مفلتر ,يمكن بث العملية ومشاهدتها فى اى مكان فى العالم
لكن يبدو انه للاغنياء جدا ..!
|
|
 
|
|
|
|
|
|
|
|
Re: جون هوبكنز السودان = رويال كير العالمية (Re: ندى صالح الطيب)
|
Quote: لكن يبدو انه للاغنياء جدا ..!
|
ما مهم الفقراء عندهم مستشفيات أحسن زي مستشفى الخرطوم و أمدرمان و بحري ...
خليه للأغنياء إن شاء الله اشبعوا بيهو
أصلوا الزمن دا بقى للأغنياء فقط ...
_____________________________________
د. ندى ...
سلامات ...
إشتغلنا الإمتياز سوا لو لسة متذكرة و بالتحديد مع مستر ابراهيم الجاك ( لو ما ختنتني الذاكرة )
تمنياتي أن تكوني و الأسرة الكريمة بألف خير ...
د. أشرف البنا
| |
|
|
|
|
|
|
|
|
|
Re: جون هوبكنز السودان = رويال كير العالمية (Re: أشرف البنا)
|
Quote: إشتغلنا الإمتياز سوا لو لسة متذكرة و بالتحديد مع مستر ابراهيم الجاك ( لو ما ختنتني الذاكرة )
تمنياتي أن تكوني و الأسرة الكريمة بألف خير ...
|
الاخ د. اشرف لك التحية
ازكرك جيدا واقول اكثر والدى ( عليه الرحمة ) عمل مع هو والدك فى النقل النهرى بحرى
وحضرنا كمان زواج واحدة من اخواتك
شفت المستشفى ده كيف !!
| |
|
|
|
|
|
|
|
|
|
Re: جون هوبكنز السودان = رويال كير العالمية (Re: بكري عباس علي)
|
Quote: المستشفي صرح معماري جميل
|
الاخ بكرى عباس لك التحية
شكرا على المداخلة دى الحاجة ال لفتت نظرى ليه انه جميل
Quote: نتمني ان يكون العلاج فيه ميسورا للغلابة
|
دى ما ظنيت لانه لازم يجيبوا تمنه , بمصر جيوب الناس
اتوقع نزلائه من الحكومة , سفارات , و شركات اجنبية مالية البلد حتى السفارات
لو كانت كحيانة ما بقدروا عليها
نحن فى الطريق لدولة الهند السودانية ثراء فاحش و فقر مدقع
ده لو ما وصلنا لسع ..!
| |
|
|
|
|
|
|
|
|
|
Re: جون هوبكنز السودان = رويال كير العالمية (Re: nazar hussien)
|
الاخ نزار حسين لك التحية
| Quote: والله لو جبتي لينا كلمة دكتور معتز البرير بمناسبة الافتتاح تكوني ما قصرتي |
عارف انا كنت بسمع وبكتب عشان كده فى جزء نسيته لكن الكلام عن المساهمين ده جاء على
لسانه حرفيا . وافتتاح فرع فى امدرمان بعد 5 سنوات
توامة او رعاية زمالة الجراحين الايرلندية او حاجة زى دى
استاف عالمى والمستشفى لخدمة المرضى من دول الجوار اضافة للسودانيين
| |
|
|
|
|
|
|
|
|
|
Re: جون هوبكنز السودان = رويال كير العالمية (Re: Hisham Amin)
|
Quote: المستشفي صرح معماري جميل
نتمني ان يكون العلاج فيه ميسورا للغلابة
وان يحافظ عليه وعلي صورته الزاهية دوما |
الاخ هشام امين لك التحية
نعم فعلا صرح معمارى جميل , شراكة مع من انا لا اعرف لكن الحقيقة الماثلة ان نقلة فى شكل المستشفى السودانى
| |
|
|
|
|
|
|
|
|
|
Re: جون هوبكنز السودان = رويال كير العالمية (Re: أيمن دياب)
|
| Quote: في أي أحياء الخرطوم يقع المستشفى العالمي الجديد؟ وأي شارع؟ |
الاخ ايمن دياب لك التحية
نقل برنامج زى ده فى قناة كالجزيرة المقدم بيجى بكل المعلومات عن الموضوع وبيتعامل مع
المستعمين كأنهم اول مرة يسمعوه كنت اتوقع المزيع يتكلم عن
1 الموقع
2 اسم الشركة والمهندس المقاول
3 التكلفة الكلية
4 المالكين للمشروع
واى تفاصيل زيادة لكن لسع مقدمينا بعيدين سنين ضوئية ( كان شيبة الحمد ).
الموقع فى صورة فى قوقل قريب من برى الدرايسة مقابر برى
حقيقة لا اعرف المنطقة دى جيدا
| |
|
|
|
|
|
|
|
|
 Re: جون هوبكنز السودان = رويال كير العالمية (Re: ندى صالح الطيب)
|
سلام يا د. ندى..
معتز البرير شاب ناجح وعندما قام بإنشاء وإفتتاح كلية علوم التقانة كمشروع أول بعد عودته من أمريكا أثبت ذكائه وشطارته ,, المستشفى عمل كبير السؤال الكبير هو من هم شركائه فالأعمال الناجحة فى السودان الآن تحتاج لشراكة مع المتنفذين والحاكمين!!! من هم الشركاء فى هذا الإستثمار الكبير؟؟Quote: نحن فى الطريق لدولة الهند السودانية ثراء فاحش و فقر مدقع
ده لو ما وصلنا لسع ..! |
ياخ معقولة يا دكتورة!!! إنت شكلك ما متابعة كويس!!!
نحن وصلنا لما بعد الفقر المدقع بعدة سنوات ضوئية وغالبا هسه نحن دقينا فى الحيطة التى ليس لها ما بعدهاTrapped in a Dead End 
| |
|
|
|
|
|
|
|
|
|
Re: جون هوبكنز السودان = رويال كير العالمية (Re: أيمن الطيب)
|
| Quote: من هم شركائه فالأعمال الناجحة فى السودان الآن تحتاج لشراكة مع المتنفذين والحاكمين!!! |
اخى ايمن انا بره السودان حقيقى لا اعرف لكن فى بوست مجاور فيه الاخبار
احكى ليك حكاية تناقل الخبر بدون مصادر موثوقة
قبل 3 سنوات كنت فى مناسبة فى الخرطوم typical مجتمع خرطومى حكومة وراسمالية
كان الحديث عن صابر محمد الحسن مدير بنك السودان وانه تم احالته للصالح العام والمتحدثين بثقة
تانى يوم كنت فى دبى قابلنى سودانى معرفة فكان بسال عن حال البلد فقلت
ليه ضمن الكلام أنه صابر شالوه , طبعا لا حصل ولا حاجة اهو الراجل ياداب امبارح مشى
كل ما يمر بى شريط الحادثة اقول لنفسى تانى يابت يا ندى ما تلفحى ساكت !!
يجب توخى الحزر عند نقل معلومات زى دى والا نفقد مصداقيتنا واحترام الناس لينا
غير انه صاحب الشئ ممكن يشتكى
| |
|
|
|
|
|
|
|
|
|
Re: جون هوبكنز السودان = رويال كير العالمية (Re: ندى صالح الطيب)
|
فعلاً مشروع رائد جداً ،،
ناس الحكومة و الغنيانين يتعالجو فيهو جوه ( خاص لهم ) وقد تجاوزوا السنين الوردية
الله يديهم المرض ليهـــو .... !!
اما الغلابة والتعبانين فهو لهم لبيع القضيم والنبق والمقاشيش والقنقليز وفاكهة الموسم في جواره ...
دا الحُقنه فيهو بتكون بي 50 الف .. ( بالقديم )
الا لعنة الله على الظالمين )
| |
|
|
|
|
|
|
|
|
|
Re: جون هوبكنز السودان = رويال كير العالمية (Re: ندى صالح الطيب)
|
سلامات ندي
إفتتح الرئيس عمر البشير مساء أمس، مستشفى رويال كير العالمية بالخرطوم بحضور الفريق أول بكري حسن صالح وزير رئاسة الجمهورية والفريق أول مهندس عبد الرحيم محمد حسين وزير الدفاع ود. عبد الرحمن الخضر والي ولاية الخرطوم ود. الصادق قسم الله وزير الدولة بوزارة الصحة.ووصف البشير، مستشفى رويال كير بالإستثمار الناجح لرجل الأعمال الناجح، وأشار إلى إمكانيات المستشفى الضخمة، وعدد البشير نجاحات د. معتز البرير رئيس مجلس إدارة المستشفى الإستثمارية في مجالات التعليم العالي والزراعة والصناعة والآن الصحة، وأوضح أن السودانيين يعانون كثيراً في البحث عن العلاج خارج السودان، وقال إن الكوادر الطبية السودانية من أميز الكوادر في العالم، وأضاف أن الكوادر جاهزة للعودة إلى السودان إذا وجدت المؤسسات الطبية التي تستوعب قدراتهم دون النظر للعائد المادي، ودعا البشير رجال الأعمال لإقتحام هذا المجال.وحيا الرئيس، القطاع الخاص، وأكد أنه ناهض، ودعا لمنح الكادر الطبي السوداني بالداخل مزيداً من الثقة، متمنياً سودنة الكادر الطبي بمستشفى رويال كير في القريب العاجل.
وطلب البشير من القمسيون الطبي عدم منح توصية العلاج بالخارج إلا بعد التأكد من عدم توافر العلاج بالداخل.
الفقرة الاخيرة دي معناها الناس ما تسافر للعلاج الا اذا عجز مستشفي البرير
| |
|
|
|
|
|
|
|
|
|
Re: جون هوبكنز السودان = رويال كير العالمية (Re: الشامي الحبر عبدالوهاب)
|
| Quote: استاف عالمى والمستشفى لخدمة المرضى من دول الجوار اضافة للسودانيين |
يمسك في استاف عالمي دي
ولا سوداني ولا سودانية ما يشغلوهم فيها,و لانه الناس لو عايزة النهير وقلة الادب
دافعة قروش ليه؟؟؟
بس يقع لينا شرق آسيا ممرضات حلوات وظريفات وصبورات
لانه اهم حاجة في المستشفى التمريض
| |
|
|
|
|
|
|
|
|
|
Re: جون هوبكنز السودان = رويال كير العالمية (Re: د.نجاة محمود)
|
الاخت نجاة محمود لك التحية وشكرا على المداخلة
Quote: بس يقع لينا شرق آسيا ممرضات حلوات وظريفات وصبورات
|
والله انا اشتغلت معاهم مبالغة نمل بس فى النشاط
راس المال ج ب ا ن لازم يستعين بيهم عشان يقدم خدمة ممتازة ويحافظ على الاستاندر بتاع المستشفى .
لكن يا دكتورة المرتبات عالية اتخيلى لو عملت سستر سودانية واداها مرتب 2 مليون
شوفى انعكاسها عليها واهلها ح يكون قدر شنو
سمعت انه مرتب الاخصائين اتجاوز ال 20 مليون
| |
|
|
|
|
|
|
|
|
|
Re: جون هوبكنز السودان = رويال كير العالمية (Re: الشامي الحبر عبدالوهاب)
|
| Quote: وطلب البشير من القمسيون الطبي عدم منح توصية العلاج بالخارج إلا بعد التأكد من عدم توافر العلاج بالداخل |
الاخ الشامى لك التحية
ما من حقه يمنع لو فى حقوق مريض صاح فى القوانين الطبية
لكن اضعف الايمان انه جمعيات رعاية المرضى واصدقائهم يحموهم خاصة فى حالة المستشفى دى
لانه الكاش المدفوع كبير
| |
|
|
|
|
|
|
|
|
|
Re: جون هوبكنز السودان = رويال كير العالمية (Re: ندى صالح الطيب)
|
دكتورة ندي
شكرا علي نقل هذه الاخبار الجميله عن السودان و التي اتمني ان تصدق النوايا فيها من اجل الوطن و المواطن و ليس من اجل المكسب المادي فقط... لا مانع من التربح بل و يجب ان يكون هنالك ربح و لكن يجب ان يكون هنالك معقوليه و منطقيه في مسائل الربح هذه...
و الله الفرحه راحت مننا كلما نسمع بمشروع كبير في السودان، طوالي بجي في البال الاستغلاليه و الانتهازيه و اللبع المن دون خوف من الله... لكن برضو الواحد بينبسط من اي تطور يحدث في السودان...
مبروك لمعتز البرير هذا الانجاز الكبير و ربنا يرزقه منه الرزق الوفير ... و اتمني ان يفكر ايضا في الناس الغلابه و يعمل ليه مستشفي " شعبي خيري" صغير من اجل محدودي الدخل ليذكره الناس بالخير و يسكت الحساد...
_______________________________
دكتوره ندي
شايفك متجهجهة في حرف "ذ"... الظاهر عليه بيظهر ليك ">" او "`"..... اضغطي علي CTRL ثم SHIFT اليمين مره او مرتين حتي يستقيم الكي بورد بتاعك... و بالتوفيق
تحياتي
| |
|
|
|
|
|
|
|
|
Re: جون هوبكنز السودان = رويال كير العالمية (Re: عزان سعيد)
|
الأخ عزان سعيد لك التحية
Quote: أعترض علي مقارنة مؤسسة مثل جونز هوبكنز بمستشفي خاص يكرس للطبقية في العلاج . .
|
جون هوبكنز لانها التقييم السنوى بتاعها ما بنزل تحت الثالثة فى كل امريكا
رويال كير بالامكانيات التكلموا عنها هى جون هوبكنز السودان
اثنين من بنات جيرانا يعملن فى جون هوبكنز احييهم من المنبر .
بعدين الميزانيات دى ما تسألنا عنها هنا فى السعودية ميزانية تشغيل فقط لمستشفى بسعة 120 سرير
700 مليون ريا ل . والسعودى سوبر على الامريكى لا بدفع تأمين لايحزنون مجان فى مجان .
.
| |
|
|
|
|
|
|
|
|
|
Re: جون هوبكنز السودان = رويال كير العالمية (Re: OSMAN SAYED MOHAMED)
|
الاخ عثمان سيد محمد لك التحية
Quote: و اتمني ان يفكر ايضا في الناس الغلابه و يعمل ليه مستشفي " شعبي خيري" صغير من اجل محدودي الدخل ليذكره الناس بالخير و يسكت الحساد...
|
د. البرير تحدث عن قيام صندوق لمساعدة غير القادرين اتمنى ان يكون صادق فى كلامه
و ما يكون كلام للاستهلاك على الملأ فقط .
| Quote: شايفك متجهجهة في حرف "ذ"... |
جربت الطريقة قبل كده ما جات معاى لانو الولاد بستعملوا اللابتوب فقلت ممكن اتلفوه
بحاول تانى .
| |
|
|
|
|
|
|
| |
ندى صالح الطيب
أشرف البنا
بكري عباس علي
Hisham Amin
nazar hussien
أيمن الطيب
Hisham Ibrahim
الشامي الحبر عبدالوهاب
OSMAN SAYED MOHAMED
عزان سعيد
فيس بوك
تويتر
انستقرام
يوتيوب
بنتيريست