مع كتيبة الاعدام الكاتلونية انتهى عهد القوة والعنف في تسجيل الاهداف .. من داخل المنطقة أو خارجها .. من مسطبة المشجعين حتى من داخل صافرة الحكم .. انتهى عهد القوة والعنف .. وحلت مكانه رصاصة الرحمـة الكاتلونية .. انطوت صفحة روبيرتو كارلوس .. الذي يتراجع خطوات .. بعيدة جدا .. جدا ويركض في تجاه الكرة .. ويركلها بكلتا قدميه .. فرتق حائط الصد .. أو كسر القائم .. أو مزق الشباك .. إلخ من الاحداثيات العنيفة .. المتعة والاثارة في خلق الفرصة يقياسات سرعة الضوء .. في التمركز في المكان المناسب في اللحظة المناسبة على اعتبار ما سوف تكون هناك الكورة .. وبي اعتبار أنك مفروض بي نفس المعادلة الرياضية الوصلتك بيها الكورة يجب أن تضع قدمك بزاوية محددة بوضعية محددة .. غير مطلوب منك اكثر من ذلك .. حتى وإن كانت الوضعية بكعب القدم .. أو بووز الحذاء .. أو في بعض الاحيان .. تبنى النظرية القوارديولية .. على احتمالية وفرضية أن يقوم اللاعب الفلاني في الفريق الخصم .. في النقطة الفلانية .. بصد الكورة لتجد اللعب الفلاني في النقطة الفلانية على افتراض ان يردها لفلان الفلاني .. الذي سيقوم بمعالجتها بالطريقة الفلانية لتصطدم بالعارضة .. وتعود مرة أخرى ليودعها الشباك نفس اللاعب الخصم .. في شباكه .. وذلك لعدم توفر جدول اللوغريثمات الكاتلونية لفهم المعادلة وتعويضها لإخراج الكرة وفك الضغط ذاك الجدول الذي لا يتوفـر إلا مع قوارديولا .. معدل الاثارة والضغط احيانا يزيد ما زادت حساسية اللقـاء ... وحسب الدرس المفروض .. وحسب الحصة التأديبية .. عندهـا .. يتم وضع الفريق الخصم في وضعية .. اشبه بالمريض الذي يتعاطى بعض العقاقير الطبية .. التي كتب في وصفتها الطبية محذرا المريض في خانة الاثار الجانبية للمستحضر .. بترجمة حرفية ركيكة جدا .. مفادهـا: - التوهــان - الشعــور بالغثيان - انعدام الشهية .. - الذهـول - عدم الثقة في النفس
أيوة يا عـلاء. فعـلاً برشلونة قدم عرض مدهش من التكنيك والسرعة والقوة مع بعض.. وكان يمكن أن تكون النتيجة أكبر بكتير من التلاتة، لأنو برشلونة سيطر على المباراة من أول دقيقة وحتى آخر ثانية، وكانت معجزة أن يحقق مانشستر التعادل 1\1 حتى نهاية الشوط الأول.. غوارديولا نفسو في أول تعليق قال: زي ما شفتو نحنا مش فزنا وبس، لكن لعبنا مباراة brilliant .. متعة كانت.. وبالله طوالي خليك مع (كورتنا) دي عشان نقدر نتفاهم، لأنو ناس البدري والحضري ديل ما بغتوا معانا والله!
تحليل ممتاز يؤهلك لقيادة المريخ بدلاً من البدري الماسورة ...
Quote: تمبس كتب: مع كتيبة الاعدام الكاتلونية انتهى عهد القوة والعنف في تسجيل الاهداف .. من داخل المنطقة أو خارجها .. من مسطبة المشجعين حتى من داخل صافرة الحكم .. انتهى عهد القوة والعنف .. وحلت مكانه رصاصة الرحمـة الكاتلونية .. انطوت صفحة روبيرتو كارلوس .. الذي يتراجع خطوات .. بعيدة جدا .. جدا ويركض في تجاه الكرة .. ويركلها بكلتا قدميه .. فرتق حائط الصد .. أو كسر القائم .. أو مزق الشباك .. إلخ من الاحداثيات العنيفة .. المتعة والاثارة في خلق الفرصة يقياسات سرعة الضوء .. في التمركز في المكان المناسب في اللحظة المناسبة على اعتبار ما سوف تكون هناك الكورة .. وبي اعتبار أنك مفروض بي نفس المعادلة الرياضية الوصلتك بيها الكورة يجب أن تضع قدمك بزاوية محددة بوضعية محددة .. غير مطلوب منك اكثر من ذلك .. حتى وإن كانت الوضعية بكعب القدم .. أو بووز الحذاء .. أو في بعض الاحيان .. تبنى النظرية القوارديولية .. على احتمالية وفرضية أن يقوم اللاعب الفلاني في الفريق الخصم .. في النقطة الفلانية .. بصد الكورة لتجد اللعب الفلاني في النقطة الفلانية على افتراض ان يردها لفلان الفلاني .. الذي سيقوم بمعالجتها بالطريقة الفلانية لتصطدم بالعارضة .. وتعود مرة أخرى ليودعها الشباك نفس اللاعب الخصم .. في شباكه .. وذلك لعدم توفر جدول اللوغريثمات الكاتلونية لفهم المعادلة وتعويضها لإخراج الكرة وفك الضغط ذاك الجدول الذي لا يتوفـر إلا مع قوارديولا .. معدل الاثارة والضغط احيانا يزيد ما زادت حساسية اللقـاء ... وحسب الدرس المفروض .. وحسب الحصة التأديبية .. عندهـا .. يتم وضع الفريق الخصم في وضعية .. اشبه بالمريض الذي يتعاطى بعض العقاقير الطبية .. التي كتب في وصفتها الطبية محذرا المريض في خانة الاثار الجانبية للمستحضر .. بترجمة حرفية ركيكة جدا .. مفادهـا: - التوهــان - الشعــور بالغثيان - انعدام الشهية .. - الذهـول - عدم الثقة في النفس
وهذا ما حدث بالأمس لفرقة مانشستر في عقر دارهـا ..
في لقطة جابت إيدين فيركسون وهي ترتجف دي أوع تقول لي ما شفتها !!!
ــــــــ بعدين أمس أوّل مرّة أعرف حاجة اسمها الباص بالمسكول
05-29-2011, 09:21 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: تحليل ممتاز يؤهلك لقيادة المريخ بدلاً من البدري الماسورة ...
.. .. بالحضري واللا من غير الحضري يا صبري .. لو بالحضري .. دا طرفي .. ..
Quote: في لقطة جابت إيدين فيركسون وهي ترتجف دي أوع تقول لي ما شفتها !!!
.. ما شفتها..؟ وإنت قايلني قاعد احضر في الكورة دي لي شنو ..؟ ما للحاجات دي ذاتـه .. بعدين ضف لذلك .. بعد قوونديفيد فيا التالت .. عمك فيديتش خته يدينو في راســو ..
Quote: لأنو برشلونة سيطر على المباراة من أول دقيقة وحتى آخر ثانية، وكانت معجزة أن يحقق مانشستر التعادل 1\1 حتى نهاية الشوط الأول..
.. أكبر خطأ يا عيسى أن تلعب ضد الكتيبة البرشلونية .. وترتكب حماقة في أن تعادل أو تحاول أن تعادل هدف وحيد ولج مرماك .. اي فريق لاعب مع بارشلونة من مصلحتو يخلي المسالة للظروف .. شنو يعني قوون واحد بس ..؟ والاخطا من ذلك أن تحاول فك الحصار لتهاجم باعتقاد ان تحرز هدف سبق عندها تحمل عقبات الناتج الطبيعي للتهور ..
Quote: فعـلاً برشلونة قدم عرض مدهش من التكنيك والسرعة والقوة مع بعض
.. التكنيك كان سيد الموقف .. لم تكن هناك قوة بالمعنى الحرفي بقدرما كانت هناك سلاسة في قيادة الكورة .. لا احتكاك يذكر .. فنيات في أعلى مستواها حلول فردية .. حسابات معقدة في بساطتها .. الوصول للمرمى الخصم في اي ثانية من عمر المباارة لياقة بدنية عالية تفاهم عجيب ..
Quote: وبالله طوالي خليك مع (كورتنا) دي عشان نقدر نتفاهم، لأنو ناس البدري والحضري ديل ما بغتوا معانا والله!
والله يا عيسى معاك حق .. عسى ولعل مزمل ابو القاسم يكون شاف الكورة امس ، وعسى ولعل يقلل من نسبة المخدر في العمود الفقري اليومي .. وعسى ولعل أن يترك ما يكتبه ويتبنى مشروع راتب شهري من اصحاب الامجاد .. واصحاب الركشات .. واكشاك الجرايد لدعم مسيرة المتعة في كرة القدم ..
Quote: بالحضري واللا من غير الحضري يا صبري .. لو بالحضري .. دا طرفي .. ..
دي ذكّرتني كلام نافع لمّا قال "الانتخابات بمن حضر" ... طيّب هسي عندك المريخ بمن حضر ومعاهو مزمّل وأخونا طلحة ... وعشان خاطر زمالة البورد مع طلحة حقو تقبل بالمهمة دي ...
Quote: .. ما شفتها..؟ وإنت قايلني قاعد احضر في الكورة دي لي شنو ..؟ ما للحاجات دي ذاتـه .. بعدين ضف لذلك .. بعد قوونديفيد فيا التالت .. عمك فيديتش خته يدينو في راســو ..
ياخي بالغت يعني تخصصك ... بالجد عمّك حنني ياخ وخفت إنو يتلحس في الملعب ... بعدين حركة فيديتش دي اسمها "أنا الجابني الليلة هنا شنو"
يا عمّك هسّي أنا لو عايزك في موضوع مش حأتصل عليك وحأبريك وأصرف معاك عربي كتير وأملاك فقر ... أها ديل في الباصات ما محتاجين يصرفوا عربي كتير يعني زي ما تقول متفقين للمواعيد بالمسكولات يعني زي لمّا أجيك في المكتب وأقول ليك أوّل ما أصل بأعمل ليك مسكول وإنت تقوم تنزل لي ... بس دة ياهو ذاتو المسكول القاصدو أنا ... قون بيدرو الأول مش ياهو شغل المسكول ذاتو
دمت بود ،،،
05-29-2011, 11:59 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: ذكّرتني كلام نافع لمّا قال "الانتخابات بمن حضر" ... طيّب هسي عندك المريخ بمن حضر ومعاهو مزمّل وأخونا طلحة ... وعشان خاطر زمالة البورد مع طلحة حقو تقبل بالمهمة دي ...
والله يا صبري خليني افكر شوية .. الموضوع عايز دراسة .. ونشوف زاتو بالمناسبة دي الوالي ممكن يدينا كم .. في الحتة دي ..؟ ..
Quote: ياخي بالغت يعني تخصصك ... بالجد عمّك حنني ياخ وخفت إنو يتلحس في الملعب ... بعدين حركة فيديتش دي اسمها "أنا الجابني الليلة هنا شنو"
اقوليك حاجة .. يا صبري ؟؟ عمك فان دار سار زاتوو اخد ليهو نطيطة كدا لي عيونو .. بعد قون ميسي طبعا قام من الوااطة راسو لافي ولقى الناس جارية ما فهم الحاصل شنو زاتووو .. بالنسبة لي عمك السيـــر .. ذكرني زمان في الحلة كان عندنا مدرب خليك من اسمو نحن في الراطبة فريقنا بتلتل وكن لحقنا جبنا فيك قووون تاني ما بتشوفه بي عينك .. إلا يكلموك بي انو في كورة كانت هنا جوه الميدان .. هو ما كان بيحرقو الغلب .. كان بيحرقو دسسان الكورة من الكورة تبدا تلقاهو لافي بي بره الميدان ويكورك ومرات يقع في الوااطة .. ومرات يشوت التراب .. المهم .. عندنا أمير الوسيلة دا بيحاورك زي ميسي دا .. لحدت ما تقع .. وينتظرك لحدت ما تقوم تاني يحاورك وما بيخليك إلا تقوليهو خليني .. كنا غالبينهم تلاتة صفر .. أمير دردقت ليهو الكورة من عندي انا كنت بلعب قوون . قلت ليهو يا امير متعني عليك الله .. .. تعرف أمير دا خيط ليك الميدان كلو ..شي بي تحت وشي بي فوق وشي بالجمبه .. آخر واحد خيطو كان حارس المرمى .. والشبكة بقت فاضية .. في اللحظة دي المدرب اياهو كان وراء القوون بتاعم وااقف لما شاف القوون فاضي .. قووم تعال جاري وكنكش ليك في كرعين امير .. ..
Quote: قون بيدرو الأول مش ياهو شغل المسكول ذاتو
.. دا شغل المسكول عنو يا صبري ..
05-29-2011, 09:48 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: البركه في (ابيدال) اللي رفع الكاس ورفع معنوياتنا معاهو شويه ,,
عارفـة: لحظة رفعان الكاس من المقصورة الرئيسية .. اي كابتن فريق بيحلم بيهو .. وطبعا بتتعده المرات الرفع بيها الكاس حتى القضاها مع الفريق كابتنا .. أمس بالليل الشهيد خدر حسين قالي برشلونة دي مؤسسة تربوية .. نعم مؤسسة تربوية تكرم وتمجد .. وتعطي كل صاحب حق حقو .. كانت لفته انسانية من قوارديولا انو يكرم ايريك ابيدال بان جعله يصعد للمقصورة الرئيسية ويتشرف برفع الكأس عوضا عن بيول الذي دخل في آخر عمر المباراة ليسجل اسمه في المباراة رقم مية وكانت فرصة سانحة جدا إنو يتوج الرقم مية برفع الكأس الغالية جدا على الجميع .. زين الدين زيدان .. كان في آخر مباراة له في المونديال ومنها اعتذال الكرة كان يحلم برفع الكأس لكنه انتهى بنطحه لكرتونة بيتزا ايطالية داخل الملعب بعد أن استجاب للاستفزاز .. فان دار سار بالأمس كان ينوي ايضا ختام حياته الكروية بأن يرفع الكاس من المقصورة الرئيسية .. لكن حلم المغلوب دروون .. اريك ابيدال يستحق .. واستحق التكريم في واقعة فريده جدا .. وادب جديد يضاف لادبيات كرة القدم بعد ادب المدائح حق مانشستر الامس دا ..
05-29-2011, 10:38 AM
tmbis tmbis
تاريخ التسجيل: 10-19-2002
مجموع المشاركات: 24862
متعة الكورة في الاهداف .. في التمريرات .. في استخلاص الكورة .. في الفنيات المستخدمة في نقل الكورة .. في تقفيل المنافذ .. في فتح مساحات وثغرات في دفاعات الخصم .. في خلق الفرصة في ما لا فرصـة ... في عدم التوقع وإنما الحسابات المدروسة وتطبيق الخطة كما تم وضعها بدون أي فلسفة .. هذا بعض ما حدث من متعة بالأمس .. يبدأ تقفيل المنطقة الدفاعية في أول نقطة للفريق الخصم .. عند قوس المرمى .. أو الدائرة الشمسية .. هناك كان فريق البرشا يقوم بالحماية الدفاعية لمنطقة الوسط ومن ثم منطقة الدفاع الخاصة به بي أفتراض أن هناك مهدد للمنطقة.. العافية التي شماها فريق مانشيستر كانت هي في العشر دقائق الأولى من عمر المباراة وهي لحظات جس النبض التي ضيع فيها هجوم المان فرصة احراز هدف .. وبعدها تحول الدفاع والهجوم والوسط المانشيستري .. حتى المشجعين .. إلى قلعة دفاعية لمحاولات صد الهجوم الممرحل جدا .. محاولات تقفيل المنطقة الدفاعية كانت فاشلة جدا ومخجلة .. بعد امتلاك الوسط ومنطقة المناورة بكاملها للبرشة .. منطقة الوسط هي المنطقة التي تحاك فيها المؤامرة الكاتلونية .. تبدأ بتمريرة من حارس المرمى باص وخانة إلى أن تصل المعلم انيستا .. ومن دائرة السنتر تماما .. البحث عن المرعب ميسي .. ميسي يقوم بقيادة الهجمة بإفتراضين .. افتراض .. الحل الفردي .. وافتراض .. اللعب بالاطراف على شكل الرقم سبعة .. وغالبا التركيز على الطرف الايمن المتحرك .. داني افتراضية الحل الفردي .. تكون دائما بالمهارة العالية لميسي كما في الهدف الأول .. والتاني .. في الهدف الأول .. استلم انيستا الكورة من دائرة السنتر وغسل ليهو واحد يكون راقد لحدت الآن .. ضرب الباص لي اكزافي.. ناور للعب والتمرير على الجهة اليسرى للمتقدم ديفيد فيا عند راس قوس المرمى .. وكشف دفاع المان وخلق ثغرة كبيرة جدا .. وخلل واضح في منطقة وسط الدفاع . ومرر الكورة بكل هدوء لبيدرو .. متعة الهدف أو مجمل الأهداف عن طريقة .. الاسكرو بليسن .. بأن يتم وضع الكورة في ابعد نقطـة لاقرب نقطة ليد حارس المرمى .. بتلاتة طرق مختلفة.. سكرو بليسن بخط مستقيم في ابعد نقطة مكشوفة لانشغال فان دار سار بالميل لجهة اليمنى .. سكرو بليسن .. من الداخل للخارج في شكل قوس ببطن الرجل كما الهدف التاني .. لميسي المرعب .. وايضا في ابعد نقطة لو اجتهد فان دار سار في متابعة الكورة .. لوجد راسه في الحديدة والكورة في الكيس .. متعة الهدف الأول والتاني انها اهداف ارضية لاتتيح لحارس المرمى امكانية الاستعراض والبهلوانية في استخلاص الكورة .. سكرو بليسن من الخارج للداخل .. في ابعد نقطة ايضا بالرغم من ارتفاع الكورة إلا انها بعيدة كل البعد بي احكام ودوران سريع للداخل .. الهدف التاني .. والتالت .. عند قوس المرمى .. من خارج الخط .. بي مقاسات مختلفة يتم التدريب عليها لفترة طويلة.
ملحوظة في مباراة الهلال وجزيرة الفيل الأخيرة .. حاول بشـة وضع الكرة بنفس طريقة فيــا .. لكن يبدو أن مقاسات العارضة كانت فارقة شوية .. وحاول ايضا مدثر كاريكا .. وضع الكورة بنفس الطريقة .. قامت ضربت ليها واحد من البواليص البكونو قاعدين بي ورا القون ..
Quote: تحليل زول فعلاً بحب الكوره وبيعرفها ليكـ التقدير
شكرا يا هشام .. أخوك خبرة ليق .. وسنتر ليك وملاعب شمس سخنة ودار الرياضة وروابط ودرجات وعوووووك .. لكن الشفتو أمس دا ما لا قاني قريبات دي ..
Quote: إنو مما يصلوا خط 18 بي باصاتم المعهودة ديكـ طوالي شوت في القون - يعني ما يقعدوا يتبادلوها لحدي ما يخشوا بيها خط 18 وبعدين يمنقشوها ويقرقشوها لحدي ما تصل الشبكة
بالضبط يا هشام .. لو ملاحظ انا كتبت في مداخله إنو الاهداف كانت من راس القوس بتاع خط طمنطاشر .. بتصويب محكم جدا .. ودا معناتو إنو الشباب ديل اتدربو على التهديف ووضع الكورة بي وضعيات مختلفة جدا من خارج الخط .. بكل الزوايا والاتجاهات .. ودا الكلام الصحيح طبعا .. التهديف حينما تتاح ليك الفرصة أمام المرمى شريطة أنك تكون واثق تماما من التركيز مع الكنترول السليم المتبع في حالات التهديف .. لو ملاحظ امس في الحرب النفسية العملوها لي فان دار سار .. اتجهجه وفقد التركيز لان ثبات حارس المرمى مبني على التوقعات .. معظم توقعات فان بالامس كانت ضعيفه جدا .. وهو الحارس العملاق جدا المشهود ليهو بالكفاءة العالية .. مقاساتو في المرمى كانت فاشلة جدا .. كان على اقل التقديرات إنو يلامس الكور حتى بطرف الاصابع .. زي عادتو .. خدمو الحظ طبعا في كورتين .. محلات واقف بتجيهو الكورة ويستلمه وهو في حالة دهشة تامة ..
Quote: وبرضو غلطة فيرجسون إنو أشركـ لاعب إرتكاز واحد في مباره في نص فريق الخصم فيها عمالقة لعب الوسط ،،وقيقا داكـ لا حس لا لون لا طعم لا رائحة
.. صدقني يا هشام امس لو لعب المان بي خمسة لعيبة ارتكاز لكانت النتيجة نفس النتيجة أو اضعافه .. في لحظة ما حسيت انو وسط الميدان فيهو عشرة لعيبة من برشلونة .. مع غياب تام لاي فنلة بيضاء والتكتل كان في الخط الخلفي .. وبالرغم من ذلك .. لم ينجح المان في صد الهجمات المتكررة طيلة فترة المباراة .. بل فعل البرشلوناب بالكرة وبلعيبة المان ما اراد لهم المدرب أن يفعلوه ..
Quote: تنويه : أعلاه ( أقوال وحكم مأثوره من ميدان عـــقرب )
ميدان عقرب ووين يا هشام في رش زي دا ..
05-29-2011, 11:40 AM
tmbis tmbis
تاريخ التسجيل: 10-19-2002
مجموع المشاركات: 24862
افتراض الحل الجماعي .. وهي اللعب بدون كورة لفتح الممرات وخلق الثغرات ومساحات التصويب .. ساهم في ذلك سرعة ميسي في التحرك مع وضع الف حساب من قبل مدافعي المان لحركة ميسي أمام المرمى في التحضير والاختراق والتصويب المحكم للكرة في وضعيات مختلفة ثابتة ومتحركة بالقدم أو الراس .. متابعة ميسي ومحاولات الحد من حركته المزعجة بالتركيز عليه ساهمت مرات كتيرة في جذب ميسي لدفاع المانشيستر في الحركة بدون كرة .. و كذلك فتح اللعب وبدون كرة من قبل الاطراف أو رمي الكرة في ابعد نقطة عند الخط الجانبي لكسر مصيدة التسلل تبدو الملاحظة جيدا عند استلام اي من لاعبي البرشا الكورة عند راس الخط لارسالها للطرف .. يقوم الطرف بالوصول لآخر نقطة لكسر التسلل ثم العودة مرة أخرى عن طريق الاقتحام السريع جدا للمنطقة أمام المرمى ثم التهديف .. ومتابعة المرتدة ما بعد التهديف .
05-29-2011, 12:08 PM
ذواليد سليمان مصطفى ذواليد سليمان مصطفى
تاريخ التسجيل: 12-14-2008
مجموع المشاركات: 9553
تحليل جيد يا تمبس واثارة لعشاق البرشة والكية للمحاربين انه متعة الاثارة البرشلونية لو اراد البرشة في زيادة عدد الاهداف لفعل ولكن الخجل والسترة متباريات 3 يكفي
05-29-2011, 02:00 PM
داليا الكباشى داليا الكباشى
تاريخ التسجيل: 07-23-2009
مجموع المشاركات: 4105
Quote: صفقه قويه يا علاء...بوست رائع جدن جدن...لكن داير أعلق على نقطتين: الأولى...الريال يمتلك 9 بطولات من دوري الأبطال منها 3 متواليات(و هو الفريق الوحيد الذي فعلها و أكثر الفرق تتويجا بدوري الأبطال) و الريال يتفوق على(البرشا) في المواجهات المباش...ره ب99 فوز مقابل 85 للبرشلونه و الرياكد يتفوق أيضا على(البرشا) في مرات التتويج بالدوري الإسباني و الكأس...فأين أنتم من الميرينغي يا بلوغرانا...؟ النقطه التانيه:بالله مش حرام عليك تقولي كاريكا حاول يشوتها على طريقة فيا...؟ لو فيا سمعك ح يعتزل طوالي...!
كومنت فيسبوكي على البوست من الأخ الامنجي عاصم كباشي
05-29-2011, 02:33 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
و الله ناس المان ناقصاهم النوبة بس...؟؟؟؟ الباص إتلعب لي واحد في نص تلاتة إثبتو بالمغنطيس و إوزعو صاح و ناس المان عندهم واحد إسمو فالنسيا أظن.... دا مفروض الحكم إطردو و إلحقوا بره إديهو ستين كف.... دا ضرب ميسي بس 5 مرات
متعة ما بعدها متعة
05-29-2011, 04:16 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
اعتبر الاسكتلندي اليكس فيرغوسون مدرب مانشستر الإنكليزي أن برشلونة الاسباني هو أفضل فريق رآه حتى الآن.
وفاز برشلونة على مانشستر 3-1 أمس في ويمبلي في نهائي دوري أبطال أوروبا لكرة القدم.
وقال فيرغوسون "برشلونة هو أفضل فريق في أوروبا حالياً من دون شك، لا بل أنّه أفضل فريق رأيته، والجميع يدركون ذلك. ليس من السهل أن تلقى هذه الهزيمة، فلم يوجه لنا أحد هذه الضربة حتى الآن، إنهم يتمتعون بأدائهم".
وتابع "الفرق الكبيرة لها عهود، ولست أدري كم سيدوم هذا مع برشلونة وإذا ما كان سيواصل فلسفته، فقد يعثرون على لاعبين من طراز تشافي وميسي، وقد لا يوفقون أيضاً".
وتحدث عن فريقه بقوله "كان فريقنا جيداً ومستعداً تماماً، لكن تمريرات برشلونة جعلتنا بطيئين وهذا ليس جديداً".
وأضاف "عندما يكون لديك لاعب مثل روني فإنّك تتوقع منه أداء أفضل في الشوط الثاني ولكن هذا لم يحصل. لقد لعبنا بأسلوبنا المعتاد ولكننا لم نتمكّن من السيطرة على وسط الملعب بما يكفي، فاللعب ضد برشلونة ليس سهلاً بل هو تحدياً ويجب مواجهة التحديات وليس الهرب منها".
المصدر: أ ف ب
عمّك دة ما كلّمنا عن سبب الرّجفي
05-29-2011, 05:02 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
وفي رواية ثانية بشتنونه - ويا علاء العاجبني في ناس البرشا أخلاقهم ، هل سمعت بواحد فيهم شات قزازة مويه ؟ - وفريق يكرِّم أبيدال الذي عانى من المرض والعملية الجراحية بأن يتيح له فرصة رفع الكاس التاريخية يستأهل النصر.
- بعدين تاني لامن تفتح بوست عن البرشا ما تبوظو بالكلام عن لعيبتنا قال مقاسات العارضه فرقت.. - بعدين شايفك بقيت تشجع المريخ فرع كتالونيا ، والله ماشي في تقدم، سدد الله خطاكم .
05-29-2011, 05:18 PM
ناظم ابراهيم ناظم ابراهيم
تاريخ التسجيل: 04-18-2008
مجموع المشاركات: 3734
Quote: كومنت فيسبوكي على البوست من الأخ الامنجي عاصم كباشي
اولا التحية للعميد معاش عاصم عبد المنعم كباشي سيد أحمد .. الشهير بي عاصم كباشي وارجو إنو عملو القديم في الأمن ما يكون نساهو الكورة ..
Quote: الأولى...الريال يمتلك 9 بطولات من دوري الأبطال منها 3 متواليات(و هو الفريق الوحيد الذي فعلها و أكثر الفرق تتويجا بدوري الأبطال) و الريال يتفوق على(البرشا) في المواجهات المباش...ره ب99 فوز مقابل 85 للبرشلونه و الرياكد يتفوق أيضا على(البرشا) في مرات التتويج بالدوري الإسباني و الكأس...فأين أنتم من الميرينغي يا بلوغرانا...؟
بالنسبة للنقطة الأولى .. طبعا دا الحنك الشهير .. نفس الحنك حق الصفر الدولي .. وكاس مانديلا .. ونحن لحدت الآن متصدرين ودا ناتج طبعا من الدووز حق التخدير المزملي .. مية مرة قلت ليك مزمل دا البنج الشديد بتاعو دا .. بدخلكم في حتات اضيق من الحتة الانتو فيها دي .. والغريبة كلما يكون للبرشا مباراة .. تتوعدو .. وتحلفو .. وترهبو فينا .. زي ما حصل يوم مباراة المان .. وفي النهاية تترشو اتنين وتلاتة واربعة .. إلخ .. وتاااني ترجعو لي الحسابات بتاعت كاس مانديلا والصفر الدولي .. ياخ يوم واحد ادونا حقنا بالكامل .. قولو لينا رشيتونا رش مؤسس .. بالنسبة لي التعليق التاني ..
Quote: بالله مش حرام عليك تقولي كاريكا حاول يشوتها على طريقة فيا...؟ لو فيا سمعك ح يعتزل طوالي...!
.. طيب خليك من كاريكا .. لانو قلت ليك كاريكا وداها البواليص ، اهـا بشة دا صدقني بعد ما البرنس هيثم يجي .. ويمرنو على اللعبة البختوها في التمنيات دي .. بعداك ح تشوف ليك فنيات عجيبة جدا .. بس بعدين ما تجي تقولي ما كلمتني .. ياخ انت زول ملم بالتاريخ .. وبتعرف كورة أحسن من مزمل .. الجابرك على تشجيع فرق .. كل يوم مرشوشة شنو ..؟ ولماذا رهاناتك دائما خاسرة .. ؟ أول مرة اشوف لي زول ما قاعد يشجع برشلونـة
05-30-2011, 09:49 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: تحليل جيد يا تمبس واثارة لعشاق البرشة والكية للمحاربين انه متعة الاثارة البرشلونية لو اراد البرشة في زيادة عدد الاهداف لفعل ولكن الخجل والسترة متباريات 3 يكفي
..اهلين يا ذو اليد .. فعلا كانت منتهى المتعة من البرشا والامتع من ذلك .. أنك تشاركنا حب البرشا .. مع الملاحظة .. أنو ما كتبته عبارة عن انطباعات مشجع عادي يحب فريقه .. كما تحب أنت السياسة والبرشا معا ..
05-30-2011, 10:31 AM
حمزاوي حمزاوي
تاريخ التسجيل: 10-10-2002
مجموع المشاركات: 11622
تمبس ابوالنسب مسكاقمي ما حدث على ملعب ويمبلى الشهير لم يكن مجرد كرة قدم تنتهى بفوز فائز وخسارة خاسر بل كانت مباراة لاخذ العبر والدروس ليس كرويا فقط بل على جميع المستويات منها الانسانى والاخلاقى والفهم الراقى .. من حيث الكرة , قدم برشلونة ما يثبت به مجددا انه فريق من السحرة وليس لاعبى كرة القدم ان تتفوق على ريال مدريد بالخمسة او غيرها امر عادى مثل تفوقك على اى فريق اخر لان الريال لا يزال يفتقد للحنكة الادارية التى تخلق الاستقرار ويفتقد للاستراتيجية او المدرسة او الثقافة الخاصة بهم مثل مدرسة برشلونة بل يعتمدون على استجلاب اكبر قدر من النجوم دون وعى او دراية كما ان الريال يفتقد للانسجام الذى يتمتع به برشلونة وهناك فرق بين مستويات اللاعبين ايضا رغم اجتهادات رونالدو لكى تتم مقارنته بميسى ... هذا امر طبيعى لكن غير الطبيعى هو ان تقدم مثل الاداء الذى قدمه برشلونة امام مانشستر يونايتد يوم السبت الماضى لان مانسشتر ليس الريال ولا فرق ايطاليا ولا غيرهم مانستشر لديه مدرسة لا تقل عن مدرسة برشلونة ولهم ثقافة تشابه ثقافة برشلونة ولهم لاعبين مهرة وكفاءات لا تخطئها عين ولديهم مدرب قدير خبير .. لذلك ان تلاعب مانشستر يونايتد بتلك الطريقة وكانك تلاعب فريق عادى وكانك تلعب مباراة عادية كان هذا هو الانجاز الحقيقى لبرشلونة وليس الفوز بالمباراة واللقب لان اللقب يحققه حتى الفرق العادية مثل بورتو وموناكو .. واظن ان ما قاله مدرب المان فيرغسون بعد المباراة يؤكد ما ذهبنا اليه : (لم ارى فريقا كهذا طوال مسيرتى التدريبية التى استمرت 25 سنة ) ... هذا على مستوى الكرة والملعب ..لكن ما بعد المباراة هو الاهم وهى الدروس التى يجب ان نتعلمها منهم لكى نصبح بشرا لانه لا فرق بيننا والماشية اذا قارنا انفسنا بهم ... ولكى نعرف الاجابة على السؤال الملح دوما : لماذا يتفوق علينا الغرب فى كل شئ ؟؟؟ علينا ان ننظر اليهم والى مواقفهم فى ابسط الاشياء ..دعك من السياسة ودعك من الاقتصاد ودعك من الثقافة ودعك من العدل والانسانية وغيرها من الاشياء العظيمة فقط انظر اليهم فى لعبة اى لعبة لنقل كرة القدم وتعلم منهم وتابعهم لكى تعرف لماذا يتفوقون فى كل شئ ... على المستوى الانسانى لا اظن ان اى شخص استطاع ان يكبح دموعه وهو يرى الفرنسى المسلم الاسود اريك ابيدال يرفع الكاس بدلا عن كابتن الفريق بيول وكابتن المباراة شابى هرنانديز .. لم يكن امرا مرتبا ولم يكن مخططا بل هو تصرف تلقائى من قائد الفريق كارليس بيول تقديرا وعرفانا للرجل الذى مر باحلك ظرف انسانى وهو يصاب بسرطان الكبد ولكنه يصر على الحياة بل ويتحدى معجزات الطب ويعود اسرع مما توقعه اى شخص فى العالم مقدما درسا للارادة والتحدى والتمسك بالامل .. ليس امرا سهلا ان تحارب مرضا كالسرطان وتهزمه واظن ان احد اسباب فشلنا امام هذا المرض اننا نقدم انفسنا لقمة سائغة له بالانهيار والتحطم النفسى مع اول فحص يؤكد اصابتنا به ... المهم ان ابيدال عاد مقدما معجزة حقيقية والاجمل ان برشلونة قدم درسا انسانيا وهو يكرم ابيدال بهذه الطريقة الاكثر من رائعة ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
tmbis
داليا الكباشى
Hisham Ibrahim
ذواليد سليمان مصطفى
ABUHUSSEIN
عمر الفاروق
محمد المرتضى حامد
ناظم ابراهيم
فيس بوك
تويتر
انستقرام
يوتيوب
بنتيريست