|
Re: أبشروا باستمرار النكسة والمشاكل يا مريخاب .. (Re: طلحة عبدالله)
|
Quote: متي يتعلم مجلس المريخ من تجاربه ؟ ومتي يتعامل بمبدأ (ما خاب من إستشار) خاصة وأن أبناء المريخ من الخبراء والفنيين والعالمين ببواطن الأمور الفنية يسدون قرص الشمس ولا يحتاجون لجزاء او شكورا لخدمة مريخهم الذي يجرى حبه في دواخلهم مجري الدم . في كل بداية موسم يبدأ المريخ من حيث انتهي ليدخل يده في ذات الجحر الذي لدغ منه سابقا .. إن القرارات العشوائية المستعجلة البعيدة عن المنهجية والنظرة الفنية هى التى أوردت المريخ موارد الهوان في الموسم المنصرم وستبقيه هناك إن استمرت مسيطرة على عقلية إدارييه ..
|
يتبع ..
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: طلحة عبدالله)
|
Quote: إلى مجلس المريخ او من يوصل رسالتنا له خطوة التعاقد مع الممرن المصري البدري فاشلة فأصرفوا النظر عنها إن كنتم حقيقة تحبون المريخ وترجون نهضته وعودته إلى سابق عهده فما أضر الأحمر الوهاج وغيب من بريقه إلا مثل هذه القرارات الهوجاء المتعجلة أو ربما المرتبطة بمصالح البعض . البدري ليس مدربا بل ممرنا كان يعمل مع مانويل جوزيه المدير الفني السابق للأهلي المصري ، ولأنه لا يملك الفكر التدريبي فطبيعي جدا أن يسقط في الإمتحان ويخرج من الأهلى مطرودا ومطاردا بلعنات الجماهير الأهلاوية دون أن يشفع له تاريخه كلاعب في النادي . كما أن البدري غير مؤهل سلوكيا لقيادة كتيبة المريخ لأنه لا يستطيع أن يتحكم في إنفعالاته وبالتالى يعتبر قدوة سيئة لانه غير منضبط وغير ملتزم فكيف يقود شخص بهذه المواصفات فريق نادي يرفع على ساريته شعار التربية ؟.. سيصليكم البدري من سمومه اللفظية عندما يتبين فشله لديكم وتضطرون لطرده كما فعل الأهلى المصري ، بل وسيمتد رشاش كلماته وعباراته الجارحة ليصطلى بها كل سوداني وهي عادة معروفةإعتدناها من الفراعنة ودونكم ماحصل من المصري السابق مصطفي يونس وغيره من الذين جاءت بهم عشوائتنا الإدارية ( لا أريد ان أقول غباء) ليقودوا فرقنا الكروية . أصرفوا النظر عن البدري إن كنتم ترجون مصلحة المريخ وإلا فلكم مآربكم وأجندتكم التى تخصكم ولا علاقة بما تفعلونه بالكيان . خافوا الله في المريخ وجماهيره .
|
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: أيمن دياب)
|
علة المريخ إدارية يا طلحة كونه البدري يمشي في نص الموسم ومن غير ما يجتمع بمجلس الأدراة لشرح أسبابه القوية دا معناه إنو لا يقيم وزن للمجلس وفي النهاية استهتار بنادي وجماهير المريخ بس إن شاء الله الإدارة الكسيحة دي كمان ما تخلي حق المريخ القانوني
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: tmbis)
|
Quote: كدا ود البشري ما معاهو حق .. ووجب عليه الاعتذار في بوست منفصل .. عليه مراجعة اللونق فيشن في كتابتك دائما قبل ان يتداخل .. |
يا تمبس ياخي الله لا كسبك بوظت لي الخطه بتاعتي كلو كلو انا من امس شفنا البوست دا وقانص لود البشري يجي (او حتي يعمل رايح وما يجي) بس اشوف كلامو عشان افتح بوستيي بعنوان الضربه الفنيه القاضيه
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: Omar Bob)
|
Quote: الضربه الفنيه القاضيه |
يعني عليك الله إنت عايزه باااردة كدا يا بوب ..؟ ياخ انا بحاحي من بوست لي بوست .. ارفع البوست دا .. انزل دا .. اعلق دا .. احنس دا .. تقولي راجيهو يجي ..؟ اقوليك حاجة يا بوب ..؟ حسع دي مش الضربة القاضية الفنية؟؟ .. حسع يجي ود البشرى يتمحرك ليك في البوست دا .. يطلع ليك المنظراتي دا مديووون
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: Ashraf el-Halabi)
|
صباحك خير يا طلحة
المدربون المصريون حتى صغارهم يجيئون للسودان راحلون غير مقيمون
لأن قلوبهم تكون فى مصر و ما أتو الى السودان الا من اجل عيون الاندية المصرية
حديث البدرى حول استجابته الفورية لأى طلب من الاهلى حديث غير موفق يوضح أن البدرى بعيد عن المهنية التى تفترض احترام التعاقد و الفريق المتعاقد معه.
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: tmbis)
|
Quote: حسع يجي ود البشرى يتمحرك ليك في البوست دا .. يطلع ليك المنظراتي دا مديووون |
يا تمبس ما اهي دي الضربه الفنيه القاضيه امها بت ابوها ود البشري يجي يتمحرك يتبت عليهو كلام اخونا طلحه دا بانو جرجير يجي يقول ليهو كلامك صح يثبت انو محاحاتو لطلحه واتاهمو انو زول بتاع تنظير خطأ يعمل رايح عزيزو القارئ حيتاكد انو ود البشري زول رمادي ساكت
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: Omar Bob)
|
Quote: يا تمبس ما اهي دي الضربه الفنيه القاضيه امها بت ابوها ود البشري يجي يتمحرك يتبت عليهو كلام اخونا طلحه دا بانو جرجير يجي يقول ليهو كلامك صح يثبت انو محاحاتو لطلحه واتاهمو انو زول بتاع تنظير خطأ يعمل رايح عزيزو القارئ حيتاكد انو ود البشري زول رمادي ساكت
|
ههههههه عليهو الطلاق شرك ام سيسي هسع ح ينط ليك و يعملا لينا كلها المطرة صبت أمبارح والكتاحة قامت والبحر بكرة زائد..الخ الهترشات العارفا براهو دي.
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: طلحة عبدالله)
|
العزيزان عمار يسن النور وبلدياتي أيمنوف شاكر والله ومقدر الإطراء لكن من وجهة نظري الأمور ما محتاجة لعبقرية عشان الواحد يستنتج مآلاتا انا لا ألوم جمهور المريخ اللى رحب بالممرن الفاشل البدري وفرح بيهو لكن العتبى على مجلس الإدارة بقيادة جمال الوالي الذي لا يعرف ولا يريد أن يعرف ولا يسمع إلا للمتحلقين حوله من الأدعياء أصحاب الأجندات والمصالح والأرزقية المتكسبين من مثل هذه الصفقات المضروبة .
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: طلحة عبدالله)
|
أشرف يا حبيب المستغرب ليهو أنو مجلس المريخ يقوم من خطأ ليقع في نفس الخطأ دون ان يستفيد من تجاربه واخطائه.. عشرات الأخطاء وقع فيها المجلس وكانت لها تداعياتها الخطيرة التى قادت لنكسة الفريق داخليا وخارجيا على جمهور المريخ أن يقول رأيه الحاسم في هذه الفوضي وإلا لغاص المريخ أكثر وأكثر في مستنقع الخيبات.
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: طلحة عبدالله)
|
Quote: يا تمبس ما اهي دي الضربه الفنيه القاضيه امها بت ابوها ود البشري يجي يتمحرك يتبت عليهو كلام اخونا طلحه دا بانو جرجير يجي يقول ليهو كلامك صح يثبت انو محاحاتو لطلحه واتاهمو انو زول بتاع تنظير خطأ يعمل رايح عزيزو القارئ حيتاكد انو ود البشري زول رمادي ساكت |
.. لا يا بوب .. انا بعتقد انو ود البشرى راقدلو فوق راي .. يكون حسع دي براجع في النشرة الجوية بتاعت صباح الخير يا عــرب .. ثم يعود ليفحم الاخطبوط المنظراتي انا لحدت الآن .. مفتنع بي عادية الاخطبوط .. أمام مطرة ود البشرى
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: tmbis)
|
Quote: لا يا بوب .. انا بعتقد انو ود البشرى راقدلو فوق راي ..
|
غايتو انا بديهو دفره من عندي حقو يجي يبدأ كلامو بانو حتي الساعه المكسوره بتديك الزمن صح مرتين في اليوم ويواصل من النقطه دي ولو عندك مساعدات ليهو يا تمبس بالله ما تبخل بيعا
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: Omar Bob)
|
Quote: حتي الساعه المكسوره بتديك الزمن صح مرتين في اليوم |
يعني انت بتقصد النكته بتاعت المرا الاضانة تقيلة .. الكوركت ليها صاحبته وكت ماشة السوق ..؟
اعتقد انو ود البشرى من خلال دراستو لي سلوكيات الاخطبوط في الفترة السابقة ح يجي يفند طنظير المنظراتي بشكل جيد جدا ..
شوف لينا الزول دا ووين يا بوب .. ادانا الليل ياخ .. اشغالنا ذاتوو بطلناها ..
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: طلحة عبدالله)
|
الحبيب محمد الكامل سلامات وشكري الجزيل للإطراء والإضافة الثرةQuote:
تحية....شكرا علي الاضاءات يا طلحة....مرئياتك صائبة فيما يختص بعشوائية اختيار المدرب وانتهاءا بما انتهت اليه الامور ...ماهي المعايير التي يتم بموجبها استجلاب المدرب...هناك مدربون خططيون وهناك مدربون مهاريون وهناك من يجمع بين الامرين فماذا كان يحتاج اليه الفريق؟
لم الاحظ تغيير نوعي في اسلوب اداء اللاعبين او التزامهم الخططي ان كانت هناك خطة معلومة او مفهومة لديهم...عدم المهنية في اختيار الكادر المصاحب للمدرب بل الادارة الرياضية برمتها...غياب الذهنية الاحترافية للاعبين ودونك الاحتجاجات عن عدم المشاركة...
المدرب حينما يتعاقد مع الفريق يبدا في دراسة الذهنية والبيئة العامة في النادي ليجد عجبامن حيث غياب التخطيط او معرفة الارث الرياضي للنادي العريق...وليجد اصحاب المصالح ومن يدور في فلكهم ناهيك عن الاعلام الرياضي الفطير..ودوره في التاثير السالب في كل الاوقات(في تقديري)
تحدث المشاكل بعد اي هزيمة وهذا اسلوب ينم عن غياب لفكرة التنافس بعينها ومدلولها الواسع...وهلمجرا
لك وللمتداخلين احترامي ...ولمريخنا الرفعة والتطور ...وللزمن الجميل نفتح نافذة للتامل البهيج... |
لم أفهم والله حتى اللحظة تعاقد المريخ مع الكارثة الممرن المصري الكذاب حسام البدري وشلته من الاوانطجية في حين أنه مجلس الإدارة بقيادة جمال الوالي قادر على استقدام أفضل المدربين ولو لا فالمريخ يحتشد بابنائه المدربين الذين يملكون من التأهيل الأكاديمي والفكر التدريبي ما لا يملك هذا الكارثة ربعه فلماذا تجاهلهم المجلس الهمام وذهب ليدفع الملايين في ممرن فاشل مطرود شر طردة من ناديه الذي تربي فيه لا وزاد عليه أن تعاقد مع كل شلته . تجاربنا مع المصريين وحدها كافية لتبعد أية ذرة تفكير في مجرد حتى أقامة معسكر إعدادي هناك ناهيك عن الإستعانة بهم وإداخلهم إلى النادي . الغريبة أن المريخاب إحتفلوا بهذا الكارثة وأقاموا من أجله الأفراح وصدقوا كذبه الواضح الصريح الذي لا يمر على طفل صغير وهو يطرد أفضل لاعبي الفريق واحدا بعد الآخر بمزاعم الإنضباط رغم أن سجله يحتشد بالتفلت وعدم الإنضباط وسوء السلوك . لا أدري والله ما سر حب مجلس المريخ للوقوع في الأخطاء ولا إلى أين يقود النادي .
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: طلحة عبدالله)
|
يا تامبا رأي شنو الراقد فيهو لا قائم منو الدعي دا .. طبعا كعادته الذميمة جاء طائر هنا في البوست دا حسام البدري يكذب أم يتجمل ؟ عشان يشوت شوتو الضفاري دا:
Quote: والله يا تنظير اراك ماشي تفقد منطقك - القليل اصلا - حبة حبة اولا هو مدير فني وليس ممرن كما تطلق عليه ثم ياخي اذا قال ما بجامل في الانضباط فدي حاجة كويسة تقعد تقول ليه كضاب وزمان فعلت وتركت ياخي ما الناس بتتطور مع الزمن و التجارب و اكتساب الخبرات , اسي انت ما تراكا جيت الخرطوم وعرفت للنت و الكمبيوتر و الحريق زمان كنت بتعرف ليهن |
هسع الجاب سيرة اللقيمات والطعمية والكوارع في الموضوع دا شنو ؟؟ زول رأسو لافي ويحب اللف زي المدعو جرجير دا ما لاقاني قبل كدا .
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: معتصم عيدروس)
|
طلحة سلام
من الاخر: رئيس ناديكم دا هدفو الرئيسي إنو يتكلموا عنو في القنوات المصرية بس (ويتصلوا بيهو ناس قناة دريم علي الهواء ..نظام بريستيج وكدا).ودا ممكن يكون مدخل للتسلق للعالمية.....ودا السبب الحقيقي للتعاقد مع البدري والحضري....بعد داك المريخ يتبهدل ولا يتنيل....دا موضوع تاني...
أما عن القروش ...أصلها هي رايحة رايحة....هي كانت قروش واحد فيكم
بلا نصايح بلا بطيخ...
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: د. ياسر عبد القادر)
|
تحية.....يا دكتور ياسر وعلي افتراض مريخيتك نطمع في مبضع الجراح لمداوة العلل المريخية...ابتداء من المدرب وانتهاءا باللاعبين...المدرب اشار الي محدودية تاهيل اللاعبين دراسيا ولم نفهم المقصود بل او لعل او قد يكون استجلابه كان لسهولة التواصل مع اولادنا... علي اقل تقدير .
رئيس النادي طالما لم يبخل علي الفريق لماذا تستكثرون عليه (العرضة) سواء في القنوات او حي العرضة...فقط ننتقد اسلوب الاختيار والمعايير التي استند عليهامتخذ القرار. وننتقد ايضا العلل العامة في مفهوم الادراة الرياضية في بلادنا المعطوبة بالكثير من العلل...
لك الاحترام
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: محمد الكامل عبد الحليم)
|
دكتور ياسر يا حبيب جمال الوالي مشكلتو الكبيرة والما قادر يتخلص منها هي مستشاريه والمتحلقين حوله والذين يدفعونه دفعا لمثل هذه الأخطاء طالما أنها ستحقق غرضهم وتعود عليهم بالنفع وليغوص المريخ في أسفل السافلين .. قلت له عبر المقالات وشفهيا أيضا في أكثر من مناسبة يجب أن يستعين بأبناء المريخ من قدامي اللاعبين من جيل عاطف القوز والأجيال التى سبقته لادارة شئون الفريق وأكدت له أن هولاء اللاعبين تحديدا لن يعرضوا عليك خدماتهم كما يفعل الإنتهازيين والأرزقية الذين يتجمعون حولك حاليا وعليك أن تسعي أنت لهم وستجدهم رهن إشارة المريخ . لكن جمال الوالي بطيبته الزائدة ومجاملاته التى لا تنتهى سرعان ما يرق قلبه لكل من يدق بابه عارضا خدماته الإنتهازية. الحل في أن يكون جمال الوالي لجنة يسميها لجنة الإحتراف يكون من إختصاصها إستقدام اللاعبين والمدربين الاجانب إلي جانب التسجيلات المحلية على أن يغلق الباب تماما في وجه كل من هو خارج اللجنة وخاصة مشجعي صحافة المدرجات فهولاء لهم نصيب الأسد في الكوارث المحدقة بالمريخ حاليا .
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: طلحة عبدالله)
|
مراحب والله يا محمد الكامل ياخ دكتور ياسر دا هلالابي قاطع كالسيف .. وعايز اعلق على كلامك ليهو وأقول ليك المشكلة أنو الأرزقية المتحلقين حول جمال الوالي ديل ما بدوهو فرصة عشان يسمع كلام الناس العايزة مصلحة المريخ لأنو دا معناتا إنتهاء دورهم وإبتعادهم عن النبع القاعدين يغرفوا منو دا مستغلين طيبتو ومجاملاتو التى لا تنته. إذا إستمر جمال الوالي في ما هو عليه فسياتي يوم يندم فيه ندامة الكسعي.
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: طلحة عبدالله)
|
Quote: في كل بداية موسم يبدأ المريخ من حيث انتهي ليدخل يده في ذات الجحر الذي لدغ منه سابقا .. إن القرارات العشوائية المستعجلة البعيدة عن المنهجية والنظرة الفنية هى التى أوردت المريخ موارد الهوان في الموسم المنصرم وستبقيه هناك إن استمرت مسيطرة على عقلية إدارييه .. |
الوصف موجز مختصر
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: وليد عبد اللطيف)
|
Quote: ياخ دكتور ياسر دا هلالابي قاطع كالسيف |
أولا شكرليك أخي محمد الكامل لحسن الظن....وبرغم كلام صديقنا العزيز طلحة...إلا أنني أؤمن بأن قوة الهلال في قوة المريخ والعكس صحيح...وكنت أستمتع جدا بلقاء الهلال والمريخ أيام العمالقة ...سامي عزالدين وسكسك وحتي جيل عيسي صباح الخير...ديل خلوا للكورة نكهة
والان يحزنني جدا ما يحدث في صفوف المريخ...من تخبط وعشوائية ...وإستهتار وصرف بذخي وجهل إداري غير مسبوق..خلتنا هاملين لمسخ زي حسام البدري يجي يستفز ليهو شعب كامل..وفي النهاية يستهبل ويقول ماكنتش قاصد...في قمة إستهبال اكتر من كدا
يا طلحة...الوالي دا ليهو كم سنة في رئاسة نادي المريخ...يعني المفروض إنو تخطي المرحلة بي مراحل...وأهلنا كانوا بيقولوا : كترة التكرار....
المشكلة إنو إعلام المريخ السالب هو الذي يوجه دفة الامور في المريخ...وكل سنة بيوديهو للتهلكة...وبيتكرر نفس السيناريو...والقانون يا طلحة لا يحمي المغفلين...عشان كدا ناس البدري ليهم الف حق يستهبلوكم..لانو اصحاب الامر عندكم فاتحين المجال للاخر
ياخي اسوأ ماقريت في عمود أحد صحفييكم اليوم
Quote: إذا عاد البدري وتمسك بالمريخ وسحب استقالته خير وبركة، وإذا لم يحدث ذلك تصبح الاستعانة بويلي (كمدير فني وليس مساعد) خياراً جيداً، لأن ويلي تابع فرقة المريخ جيداً في الموسم الحالي، وهو مدرب في الأصل وليس مجرد معد بدني كما يعتقد كثيرون.
* وهو يتمتع بقبول كبير وسط لاعبي المريخ وإدارييه بهدوئه الشديد وتهذيبه الجم وجديته التامة في عمله، إلى جانب تميزه الشديد في جانب التحضير البدني للفريق.
آخر الحقائق
* خبرة ويلي في عالم التدريب تفوق خبرة فاروق جبرة بكثير.
* ونعتقد أن جبرة سيستفيد منه بشدة، وسيتعلم منه الكثير.
* نتمنى أن يفلح ويلي (حال الاستعانة به) في إعادة بعث أمجاد مواطنه الشاب رودر مع المريخ |
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: د. ياسر عبد القادر)
|
دكتور يا سر يا حبيب الإقتباس الفوق دا جزء من عمود الأخ مزمل أبو القاسم وقد إطلعت عليه اليوم لكنه رأيا يخصه وغير ملزم لمجلس المريخ اللهم إلا إذا كان المجلس ينفذ أفكار مزمل وشخصيا أختلف مع مزمل في معظم ما يكتبه وأري أنه عاطفي ومستعجل في حكمه على الأمور وقد أوقعه ذلك في أخطاء عديدة فغالبا ما يدفعه تعصبه وحبه للمريخ إلى أن يتوقع ويقول كلاما فيحدث عكسه تماما ( ما عندو حظ في التوقعات زيو و زي خليل صاحبنا الهلالابي ) وكنت ولا زلت أتمني أن يوظف مزمل أبو القاسم إمكاناته الكبيرة كصحفي في ما يخدم المريخ والكرة السودانية بعيدا عن التعصب والمكابرة وأرجو أن يطلع على ما قلته عنه هنا ويبتعد عن الإثارة والتعصب قدر الإمكان لأنه حال إستمر في نهجه فأن ذلك سيقوده لمزالق غير محمودة وساذكره بهذا الكلام . بالنسبة لكلام الممرن الفاشل الكذاب حسام البدري فهذه قطعا واحدة من الاعبيه كمصري ما أن تفشل خطته الأولي حتى يلجأ للخطة البديلة فقد أراد هذا المراوغ الأشر أن يقع المريخ في خطأ قبول الإستقالة الشفهية لاعتقاده الجازم بأنه يتعامل مع سذج لا يفهمون مثل هذه اللاعيب وهو رأي المصري في السوداني ولكن عندما أعيدت له الكرة إنتقل للخطة البديلة وإختلق الأعذار والحجج والأكاذيب والتلفيقات حتى لا يصطدم بالشرط الجزائي على أمل أن يجد منفذ آخر يهرب به في المرة المقبلة . على مجلس إدارة المريخ أن يذل هذا الكذاب الأشر ويريه آيات عظمة هذا الكيان الكبير عندما يفكر أحدهم مجرد التفكير في النيل منه .
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: طلحة عبدالله)
|
Quote: فقد أراد هذا المراوغ الأشر أن يقع المريخ في خطأ قبول الإستقالة الشفهية لاعتقاده الجازم بأنه يتعامل مع سذج لا يفهمون مثل هذه اللاعيب وهو رأي المصري في السوداني ولكن عندما أعيدت له الكرة إنتقل للخطة البديلة وإختلق الأعذار والحجج والأكاذيب والتلفيقات حتى لا يصطدم بالشرط الجزائي على أمل أن يجد منفذ آخر يهرب به في المرة المقبلة . |
نعم يا طلحة...دا التفسير الوحيد....كيف يكون شخص كهذا مرحب به مرة أخري ويؤتمن علي نادي يمثل احد طرفي القمة
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: طلحة عبدالله)
|
دكتور ياسرQuote: كيف يكون شخص كهذا مرحب به مرة أخري ويؤتمن علي نادي يمثل احد طرفي القمة
|
أصلا كيف تم الترحيب به في المرة الأولي وهو الممرن الفاشل المتفلت الذي يمتلك سجلا حاشدا بعدم الإنضباط والكلام الفارغ ..؟؟؟؟؟؟ كيف تم الترحيب به هو الذي هوى بالأهلي من القمة إلى الحضيض حتى طردته جماهير النادي شر طردة ؟؟ كيف تم الترحيب به وكل تجاربنا مع المصريين إنتهت إلى شىء أشبه بالماسآة ؟؟ كيف تم الترحيب به وبالكهل الآخر المدعو الحضري الذي هرب من ناديه الذي تربي فيه كرويا بعد أن باعه بحفنة دولارات ؟؟ كيف يفكر مجلس المريخ وإلى أين يقود هذا النادي الكبير بأسمه وتاريخه .. حاجة تهرد الكبد وتعمل إشقدي في المصران الأعور عديل كدا .
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: طلحة عبدالله)
|
بسبب الممرن الفاشل الكذاب الحرائق مستمرة في المريخ ابوجريشة يهاجم الجرايد الرياضية ومتوكل احمد علي يهاجم الممرن الفاشل ومجلس المريخ اهمل الفريق وأصبح في مشكلة هذا الممرن الفاشل الكذاب وجمهور المريخ حائر ومنتظر حسم الأمور ولا يعرف من الصح ومن الغلط وعوك عاك وررورررررر وهو بالضبط ما قلته قبل أن يتعاقد النادي مع هذا الكارثة الكبيرة جدا .. يتبع ....
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: طلحة عبدالله)
|
Quote: قلت له عبر المقالات وشفهيا أيضا في أكثر من مناسبة يجب أن يستعين بأبناء المريخ من قدامي اللاعبين من جيل عاطف القوز والأجيال التى سبقته لادارة شئون الفريق وأكدت له أن هولاء اللاعبين تحديدا لن يعرضوا عليك خدماتهم كما يفعل الإنتهازيين والأرزقية الذين يتجمعون حولك حاليا وعليك أن تسعي أنت لهم وستجدهم رهن إشارة المريخ . |
يا طلحة حبيبنا هذه سياسة نادي الاهلي المصري التي جعلتة فريقا ناجحا كثيرا يا طلحة نادينا باتباع فرقنا نفس هذه السياسة والنهج
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: محمد البشرى الخضر)
|
يا كابتن وليد وكذلك سياسة نادي العين الإماراتي الذي فاز بالدوري تسع مرات كرقم قياسي وفاز كذلك بأكثر من بطولة خارجية منها أبطال آسيا وهي ايضا سياسة كل الفرق الناجحة في الوطن العربي . الكورة عندنا اجاويد ومجاملات وزولي وزولك وقريبي وقريبك عشان كدا ماشة بكرامة البليلة لا خطط لا سياسات لا شفافية ولا منهج ولا أي شىء عليك الرك بل عشوائية وفوضي وكواريك وإدعاءات وتعصب وفشخرة وبوبار وفارغة ومقدودة.
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: طلحة عبدالله)
|
في الأخبار أن الممرن المصري الفاشل الكذاب حسام البدري لحس كل ما قاله بخصوص هروبه من المريخ وما قاله عن مستحقات مالية لم تدفع له وأنه سيعود للمريخ بكامل طاقمه وبنفس مخصصاته السابقة .. أرجو أن يجد هذا المصري الكذاب ما يستحقه من ذلة وتأديب ليكون عبرة وعظة لكل من تسول له نفسه النيل من قدر المريخ وعظمته وعلي مجلس المريخ ان يصحح غلطته الفادحة بالتعاقد مع هذا الفاشل الكذاب برد الصاع صاعين على أن يتفرغ بعد ذلك لتصحيح غلطته الأخري وهي التعاقد مع المصري الآخر الكهل عصام الحضري والذي قال كما طالعتنا بعض المواقع أنه لا يقبل الهجوم على الفاشل الكذاب الممرن حسام .. عالم تخاف ما تختشيش .
| |
|
|
|
|
|
|
Re: أبشروا باستمرار النكسة والمشاكل يا مريخاب .. (Re: طلحة عبدالله)
|
ههههههه(من باب شر البلية) الكهل المصري عابد الدولار المدعو الحضري يقول لن يقبل إهانة الممرن الفاشل الكذاب حسام البدري لأنه مصري .. والإهانة التى يقصدها هذا الكهل عابد الدولار عديم الولاء هي إنتقاد لسلوك مقزز أقدم عليه البدري الذي حاول التلاعب بوطن كامل إسمه المريخ ... تأمل عزيز صاحب البوست القارىء هذه البجاحة واللماضة والسماجة .. من قبل أهان المصريين ممثلين في أقرع الرأس والفكر عمرو أديب وحثالة الإعلام المدعو خالد الغندور الشعب السوداني كله وتطاولوا على ترابه ورئيسه وس خ روا من مقدراته الأمنية والتنظيمية إبان فاصلة أم درمان بين محاربي الصحراء والمنتخب المصري عندما أرسلوا مجموعة من عاطلي الموهبة وعديمي الضمير من ممثلي الأغراء وعارضي الأزياء وقاموا بمسرحياتهم الهزيلة البغيضة مدعين أن المصريين يتم ذبحهم في شوارع الخرطوم ناقلين هذا الهراء على الهواء مباشرة لكل العالم ليتضح بعد ذلك أن ما يحدث هو مجرد مشهد هزلي يقوم به شلة من عاطلي الموهبة المصريين من مطعم سياحي في قلب الخرطوم . ألا لعنة الله على الكذابين الأفاكين .
| |
|
|
|
|
|
|
|