|
|
 ماذا استفدنا من الحركة الشعبية؟ ............... كشماليين
|
غير انها اضفت الشرعية لحكومة الكيزان
اقتسمت السلطة و كرست حكم الفرد
إجازته القوانين الغير مرغوب فيها
اضاعت خمسه سنين فى ملاسنات مثل وضع البسمله و جدلية أيهم اول البيضة ام الجدادة؟
و قسمت البلد لنصفين
.
ممكن تعددوا لي محاسنها لنا كشماليين؟
جرد حساب بيس الا.....
|
|
  
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: أمير فتحي)
|
شكرا يانصار
غير ان اعطت الشمال للمؤتمر الوطنى لقمة سائقه كاملا
مقابل ان تحكم الجنوب بنفس الدكتاتورية ..............
---------------------------------------------------------
وجعلت من القزم بطل وشرنعت له سبل البقاء والاستمرار والاستبداد .... حتى قال كما قال فرعون أنا ربكم واياي تعبدون ..
لشفيع ابراهيم
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: ناصر البطل)
|
| Quote: ماذا استفدنا من الحركة الشعبية؟ ............... كشماليين |
الاخ ناصر البطل
تحية طيبة
1-عرفت اننا من 1956 كنا نحكم بمسخ مستورد من مصر وانهار الان..في مصر نفسها زعيم واسرة فاسدة تحرسها الاجهزة الامنية وليس الانجازات..
2- عرفت ان البلد كانت ماشة بخير الانجليز ساكت ومن ما اختفت الدولة الديموقراطية المدنية بعد 1964 دخلنا في النفق المظلم للاسلام عروبيين وان مشروع الدولة السودانية لم يكتمل اصلا حتى اليوم بل مهدد بالانهيار
3- عرفت من ادبياتها عن حضارة كوش السودانية وعرفت ان اعز باصلي كسوداني فقط..وعرفت ملوك النوبة العظماء وليس الامر حجار مرمية جنب شندي وكريمة وكرمة ساكت...وان اخلاق السودانيين كوشية وليس لها علاقة بالاديان السماوية...
4- عرفت ان الجنوبيين اذكياء جدا اكثر مما يتصور كثير من الشماليين كما ان السودانيين اذكياء باكثر مما يتصور العرب المثقفين السياسيين الذين يتنطعون في الفضائيات نيابة عن السودانيين في عرض مشاكل السودان...
5- عرفت مشكلة السودان في المركز وليس في الاقاليم
6- عرفت ان اتفاقية نيفاشا خارطة الطريق الوحيدة للدولة السودانية الحقيقية المدنية الديموقراطية وما دون ذلك الانفصال ونذر الفصل السابع والمحكمة الجنائية الدولية والجوع والتردي الاقتصادي والاخلاقي..وشريعة قدوقدو قائمة في الشمال..
8- عرفت ان جل السودانيين يحاربون اواهمهم عن الحركة الشعبية ويحاربونها لاسباب عنصرية وجهل فقط كما تفعل الانتباهة وصاحبها الذى غوى
9- عرفت ان حزب المؤتمر الوطني حزب سلطة واسوا حزب في دول العالم الثالث ويشكل عبء على مستقبل السودان الحالي وليس العيب في الحركة لشعبية اطلاقا ومسخ الشعب السوداني وجعله يمجد الابتذال والافعال المشينة من قتل رخيص للسودانيين في الهامش والثراء الحرام والكذب العاهر ...
10- عرفت احزاب السودان القديم هي الوجه الاخر للحزب الحاكم ولا جدوى منها اطلاقا وغير ديموقراطية وغير متطورة وغير مواكبة
...
اتعلمت التصالح مع النفس ونقد الذات..
وفي الحياة البرية عندما تسير قطعان الماشية مسافات بعيدة بحثا عن الكلا والماء ولا تجده تعود الي نفس المكان لتبحث عن مسارات اخرى
وهذا ما لا يفعله بعض السودانيين الاكثر ذكاءا من هذه الكائنات الغريزية...يتخبطون في متاهتهم بعد سقوط النموذج العربي والله يحفظ غانا والسنغال وتنزانيا وكينيا الدول البتشبهنا فعلا واديناها ضهرنا....
وان شكرتم لازيدنكم
بوست جيد جدا وتساؤل مشروع فعلا....
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: adil amin)
|
سلامات صديقي عادل
دعني اختلف معك قليلا
كلامك اعلاه كلام منمق جميل و يستحق ان ينشر على صفحات الجرائد
و لكن
ما عاد لهذا النوع من الكلام سوق ولا يوجد مشترى أيضاً
فالحسابات اليوم هى حسابات ربح و خساره و الحساب ولد كما يقولون
اعطنى output
شئ ملموس
رغيفة خبز اسد بها جوعى
او عصاة اتكا عليها
اما ان تاريخنا كوش او عرب كنا
فما عادت تعطينا امتياز كما ما عادت تسلبنا شئ، فهى كلام انشائي فى عصر يفهم الماديات
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: ناصر البطل)
|
Quote: اتعلمت التصالح مع النفس ونقد الذات..
وفي الحياة البرية عندما تسير قطعان الماشية مسافات بعيدة بحثا عن الكلا والماء ولا تجده تعود الي نفس المكان لتبحث عن مسارات اخرى
وهذا ما لا يفعله بعض السودانيين الاكثر ذكاءا من هذه الكائنات الغريزية...يتخبطون في متاهتهم بعد سقوط النموذج العربي والله يحفظ غانا والسنغال وتنزانيا وكينيا الدول البتشبهنا فعلا واديناها ضهرنا....
|
الاخ ناصر
سلام
خلاص نحن نرجع لحدت ما كنا كويسين ونبدا من جديد في اتجاه جديد
بعدين
الفاشلين.. بامتياز انهم عرب ومسلمين احتكروا السلطة والثروة ووصلونا لى النحن فيه دا وهي وهوية مزيفة ومضروبة...لمن نشيلا منهم نساويهم بي الناس ما بتقوم ليهم قائمة
واذا عايز output
انقل اتفاقية نيفاشا شمالا ورجع الاقاليم الخمسة وبحكومات اقليمية فقط والغي ال15 ولاية الوهم دي
وانتخابات لبطاقات 9و10و11و12 حرة ونزيهة وتختفي الملاريا المساكة السودان دي
وتكون عرفت فايدة الحركة الجابت نيفاشا
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: ناصر البطل)
|
| Quote: ماذا استفدنا من الحركة الشعبية؟ ............... كشماليين |
الاخ ناصر البطل
تحية طيبة
1-عرفت اننا من 1956 كنا نحكم بمسخ مستورد من مصر وانهار الان..في مصر نفسها زعيم واسرة فاسدة تحرسها الاجهزة الامنية وليس الانجازات..
2- عرفت ان البلد كانت ماشة بخير الانجليز ساكت ومن ما اختفت الدولة الديموقراطية المدنية بعد 1964 دخلنا في النفق المظلم للاسلام عروبيين وان مشروع الدولة السودانية لم يكتمل اصلا حتى اليوم بل مهدد بالانهيار
3- عرفت من ادبياتها عن حضارة كوش السودانية وعرفت ان اعز باصلي كسوداني فقط..وعرفت ملوك النوبة العظماء وليس الامر حجار مرمية جنب شندي وكريمة وكرمة ساكت...وان اخلاق السودانيين كوشية وليس لها علاقة بالاديان السماوية...
4- عرفت ان الجنوبيين اذكياء جدا اكثر مما يتصور كثير من الشماليين كما ان السودانيين اذكياء باكثر مما يتصور العرب المثقفين السياسيين الذين يتنطعون في الفضائيات نيابة عن السودانيين في عرض مشاكل السودان...
5- عرفت مشكلة السودان في المركز وليس في الاقاليم
6- عرفت ان اتفاقية نيفاشا خارطة الطريق الوحيدة للدولة السودانية الحقيقية المدنية الديموقراطية وما دون ذلك الانفصال ونذر الفصل السابع والمحكمة الجنائية الدولية والجوع والتردي الاقتصادي والاخلاقي..وشريعة قدوقدو قائمة في الشمال..
8- عرفت ان جل السودانيين يحاربون اواهمهم عن الحركة الشعبية ويحاربونها لاسباب عنصرية وجهل فقط كما تفعل الانتباهة وصاحبها الذى غوى
9- عرفت ان حزب المؤتمر الوطني حزب سلطة واسوا حزب في دول العالم الثالث ويشكل عبء على مستقبل السودان الحالي وليس العيب في الحركة لشعبية اطلاقا ومسخ الشعب السوداني وجعله يمجد الابتذال والافعال المشينة من قتل رخيص للسودانيين في الهامش والثراء الحرام والكذب العاهر ...
10- عرفت احزاب السودان القديم هي الوجه الاخر للحزب الحاكم ولا جدوى منها اطلاقا وغير ديموقراطية وغير متطورة وغير مواكبة
...
اتعلمت التصالح مع النفس ونقد الذات..
وفي الحياة البرية عندما تسير قطعان الماشية مسافات بعيدة بحثا عن الكلا والماء ولا تجده تعود الي نفس المكان لتبحث عن مسارات اخرى
وهذا ما لا يفعله بعض السودانيين الاكثر ذكاءا من هذه الكائنات الغريزية...يتخبطون في متاهتهم بعد سقوط النموذج العربي والله يحفظ غانا والسنغال وتنزانيا وكينيا الدول البتشبهنا فعلا واديناها ضهرنا....
وان شكرتم لازيدنكم
بوست جيد جدا وتساؤل مشروع فعلا....
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: ناصر البطل)
|
سلاام يا ناصر
سؤال" ماذا قدمت الحركة للشعب أو للشمالين, او ماذا قدمت الأحزاب المعارضة للشعب " دا سؤال غريب جدا
لا أظن ان القصد منه البحث عن إجابة بقدر ما هو انتقاد للحركة/المعارضة
ماذا كان بيد الحركة أن تقدم ولم تقدمه؟ وهي الشريكة في الحكم مع المؤتمر الوطني المتمكن والمسيطر على الأغلبية في الوزارات والبرلمان وغيره؟ الحركة الشعبية قامت بالكثير خلال الـ5 سنوات لتعديل قوانين الحريات, ووقف العقوبات الحدية كلها جوبهت بالصد من المؤتمر الوطني. أها جاييكم هسي تطبيق الشريعة الجد جد بعد الإنفصال كما هدد البشير, وقتها حتعرف الإستفدتو من وجود الحركة!
Quote: اضاعت خمسه سنين فى ملاسنات مثل وضع البسمله و جدلية أيهم اول البيضة ام الجدادة؟
و قسمت البلد لنصفين |
غير صحيح, القسم البلد نصفين ليس الحركة بل المؤتمر الوطني,5 سنوات لم تقدم فيها الإنقاذ مايمكن أن يجعل الوحدة جاذبه لشعب الجنوب, بل على العكس وبتزوير الإنتخابات لم يكن أمام شعب الجنوب سوى التصويت للإنفصال
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: نهال كرار)
|
سلامات يا نهال
هو البحث عن اجابات
هو حق مشروع للتساؤل
كما هو النقد أيضاً
كان بيدها الكثير يا نهال لتقدمه
فكما ذكرت انها كانت شريكا فى الحكم
و بنسبه تفوق الاربعين فى الميه
اما تعديل القوانين نظريا كما حدث
لانها عمليا لم تتغير بدليل ما يجرى الان من محاكمات
فتغيير هذه القوانين ما كان يحتاج الحركه
و تغيير هذه القوانين بهذه الشكليات كان سيحدث بوجود الحركة او عدمها
و لكن نفرض جدلا ان القوانين تغيرت
أهذا كل شئ؟ هل هذا هو إنجاز الحركه؟ و هل هذا ما انتظرناه منها عشرون عاما من القتال
| Quote: القسم البلد نصفين ليس الحركة بل المؤتمر الوطني,5 سنوات لم تقدم فيها الإنقاذ مايمكن أن يجعل الوحدة جاذبه لشعب الجنوب, بل على العكس وبتزوير الإنتخابات لم يكن أمام شعب الجنوب سوى التصويت للإنفصال |
غير صحيح يا نهال
بكل معارضتى للإنقاذ
و لكنى أؤكد ان ما أعطاه الكيزان الجنوبيين لم تعطه الاحزاب مجتمعه واول ذلك حق تقرير المصير
الحركه كانت ستقسم السودان ولو فرش لها الكيزان الارض ذهبا لان الانفصال يعنى بمفهومهم الاستقلال
ما قدمه الكيزان الجنوبيين فى خمسه سنين يفوق ما قدمه لهم الاحزاب مجتمعه منذ 1956 و بمفهوم الحركة قطفت النتيجة ثمرة الاستقلال
و لكن يبقي السؤال ماذا قدمت الحركة للشماليين فى هذه الخمسه سنين
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: ناصر البطل)
|
| Quote: ماذا استفدنا من الحركة الشعبية؟ ............... كشماليين |
الأذيه
و الخطوه التي بعدها التي ستصل إليها يا ناصر.. أنه لا فرق بين الحركه الشعبيه و المؤتمر الوطني.. فكلاهما شركاء في الجريمه
نحنا يا ناصر بعد مسلسل ترشيح عرمان.. و خذلان الحركه المتكرر للاحزاب الشماليه... بعد كده عنكوليب بس....
(البيجرب المجرب تحصل عليهو الندامة)
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: Mohamad Shamseldin)
|
Quote: غير ان اعطت الشمال للمؤتمر الوطنى لقمة سائقه كاملا
مقابل ان تحكم الجنوب بنفس الدكتاتورية |
لعل اهم ما اهدتنا اليه هو انها:
اثبتت عجز القوى المعارضه الشمالية
وعدم احقيتها بقيادة السودان ....
وان على الشعب الســوداني أن لا يعتمد عليها في تغيير حال السودان
عارف يا ناصر مرات كدا بجيني احساس إنو ربنا غضبان على السودان
وعشان كدا بسلط عليه شـــراره .......
لا بد ان ينقرض هذا الجيل من العجائز ويختفي من الساحة حتى يحدث تحول
هؤلاء ولدوا لكي يحكموا فقط هكذا تصور لهم عقولهم
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: nada ali)
|
Quote: دعنى أسألك بدورى، كشمالى
ندى |
قصدك كشماليه بالهاء
ما لم يكون الكاتب كودى/ اقصد ما لم يكن الكاتب غير ندى
Quote: ما الذى تودّ/ كنت تودّ أن تجنيه (أو يجنيه الشماليون/ات) من الحركة الشعبية؟
أعنى ما الذى كان من الممكن أن تقوم به أو تقدمه الحركة الشعبية بما يحسسك انك استفدت منها أو من وجودها كجسم سياسى؟ |
ما المسئول بأعلم من السائل
ليس بمعنى عدم معرفتى الاجابه و لكن بمفهوم
لماذا لا تجيبيني على سؤال البوست اولا
علي الاقل من وجهة نظرك انت و توقعاتك من ما يجب ان تقدمه الحركه لنا كشماليين
ماذا انجزت؟
| |
|
|
|
|
|
|
|
|
 Re: ماذا استفدنا من الحركة الشعبية؟ ............... كشماليين (Re: nada ali)
|
يا ندى
ياخ فى راجل كبير بيشحد فى الاستوب يومى
و شافع خلي المدرسه لان ما عندو حق القرايه
و بت لتموت عشان ما قادره تدفع الدوا
و طفله بيرموها فى البئر عشان راحت منها غنمايه
وحدود بيتم غزوها
و أموال بلد مسروقه و مهيمن عليها افراد
و دولار سعرو طالع يومي
هوية شنو يا ندى ياخ
من الستينات نحنا فى الهويه دى من زمن الغابه و الصحراء
اها اسه بس أتشاء الله كدى نكون حسموا الموضوع ده؟
اسه منو فى البلد الهاميهو موضوع هويتو غير المثقفين؟
البت الحملت سفاح و شايله ولده فى السوق العربي ده
اهم ليها مصدر رزق ولا تثبيت هويته
معقولا ياخ
نحنا فى القرن الواحد والعشرين
شخصيا
شايف انو مساله الهويه دى
عقده شخصيه عند بعض المثقفين العندهم إحساس بالدونيه
الناس فى البلد دى
علوم تأكل و تسرب و تتعالج و تتعلم اول
لما يكون فى فائض زمن
بعدين نحى نشوف جدلية الغابه والصحراء دى
و نعمل برنامج امير الشعراء كمان وافريكان ايدول
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: nada ali)
|
بالله عليكم يفكر هؤلاء في امر الوطن الذي هم واكبر من اي جهة جغرافية او جماعة تنسب نفسها للجغرافيا وتطالب من خارج جدودها الجغرافية ان تقدم لها شيئا وفي ذات الوقت هي تهميمن بالكامل على مفاصل الدولة فهل الموتمر الوطني الان وكبار رجالاته واصحاب القرار في الدولة السودانية القائمة الان قد جاءوا من كوكب اخر مثلا؟ الم يكونوا هم الشماليون ايضا ام هم شيئا اخر؟
بل كبار رجالات الحرب والقرار السيادي الاعلى من اين بالضبط؟ ولماذا اشتثنائهم من الشمال؟ هذا هو العبث واللف والدوران المعهود تاريخيا طبعا
فالذي يهيمن على وضع ما بطريقة غير شرعية او غير منصف فمن المؤكد يمتلك القدرة في تبرير هيمنته فالدولة بكامله في يد الشماليون لدرجة انهم يقررون الحرب ضد اي كائن من كان في اية ساعة ولحظة كمان ودونما حسيب او رقيب وهذا اخطر قرار يتخذ في الدولة في اية دولة اليوم وهو الدليل على الهيمنة الكاملة على مفاصل الدولة وفي ذات الوقت يقفز واحد يقول ليك ماذا قدمت لنا الحزب الفلاني خارج السلطة طبعا؟ وهنا السؤال المقابل لماذا حرمنا الحكام الشماليون تاريخيا في الخرطوم من حقوقنا في وطننا بل وظلوا يقتلوننا عبثا في اقاليمنا البعيدة النائية مستخدمين في القتل والابادة كل قدرات الدولة تحديدا؟
فالحركة نصيبها في السلطة فقط ثمانية وعشرون في المائة نسيب شعب الجنوب ولاول مرة انتزعت من الجكام الشسماليون تحديدا بعد تقديم 2 مليون قتيل في ارض الجنوب وهذا ثمنا باهظا لم يدفعه احد في حرب اهلي داخلي في كل دول العالم اليوم؟ فمن الفاعل الاول في السلطة عن الجرم وهذا الثمن الباهظ؟ الاستعمار الانجليزي مثلا؟ بالطبع لا
وكم تدفعون انتم للحركة مقابل هذا؟ ام انهم اغنام او فئران لا ثمن لهم؟
فالحركة قد اوقفت غزو حكام السودان الشماليون ضد شعبهم في الجنوب تعاريخيا والمفارقة ان لا تعتبر اعلان الحرب من السلطة في الخرطوم مستخدما قدرات الدولة ضد شعبها بما في ذلك الجهاد المقدس باسم الله لا يعد تقسيما للسودان ولكن السلام في خمسة سنوات هو التقسيم؟
والسؤال هو ايضا انت ماذا قدمت للحركة في بلائها مع حكام الخرطوم الشماليون تاريخيا؟
بل الحركة اوقفت حرب حكام الخرطوم بابناء الشمال واوضحت هذا بوضوح على الطاولة بعد ان كان حكام الخرطوم الشماليون يضللون شعبهم في الحرب ضد الجنوب بل يجبرونهم على الحرب والموت في الجنوب وواضح ان الحرب بالنسبة لهذا التفكير افضل من السلام ولهذا البشير مازال بعلن الحروب لانه يعرف جيدا بان هناك مؤيدين له والا ما كان فكر اساسا في اي حرب منذ يومه الاول فهذا مفهوم وسيكون له ثمنا ايضا
الحركة قدمت طرحت سياسيا ناضجا لبناء مؤسسة دولة للجميع دون ادنى تمييز عرقي او ديني او جهوي كما انت تزعم الان وهذا لاول مرة منذ الاستقلال وهذا هو المفقود الذي بسببه نشات الحروب واستمرت طيلة الفترة ما بعد الاستقلال والا ما كان هناك حرب من اساسه
اتفاقية السلام هي التي فتحت الباب امام معظم احزاب الشمال وقادتهم للتصالح مع بعضهم كشماليون اولا حسب النغمة شماليون؟
واذا كان الامر هكذا شماليون لوحدهم فالسؤال لماذا يقتل الحكام الشماليون شعوبهم من الاقاليم الاخرى؟ لماذا كلما دخل رئيس شمالي القصر الجمهوري همه الاول هو اعلان الحرب ضد الاخرين في اقاليمهم مستخدما جهاز الدولة؟
الحركة ايضا هي الحزب الاكبر عددا بابناء الشمال السياسي وفق ارادتهم واحرار بالكامل في اقاليمهم وهذا مالم يفعله احزاب الشمال تاريخيا خاصة مع ابناء الجنوب تاريخيا
الحزب السياسي هدفه الاول الوصول الى السلطة لتنفيذ برنامج محدد وفق جهاز الحكومة ومؤسسات الدولة وليس خارج الدولة الا نشر الوعي السياسي وهذا ما فعلتها الحركة الشعبية والدليل منذ الاستقبال التاريخي لشعب السودان للراحل قرنق فهل تعتقد انهم كانوا مجرد مغفلين ابدا
ثم من هي الموتمر الوطني الان؟ من هم قادتها وهم قادة الدولة الفاعلين الان؟ فهل هم حركة شعبية ولا اتوا من كوكب اخر؟ واذا كان هم يعلنون الحرب صباح مساء ضد الحركة الشعبية فماذا فعلت تجاههم اولا ام مؤيدا لهم لتبرر لهم هنا بماذا قدمت الحركة للشماليون"؟ والذين في السلطة ديل ما شماليون يعني؟
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: nada ali)
|
ماقدمته الحركة لابناء الشمال الجغرافي كثير وكثيرواقلها الوعى بالحقوق ودونك صعود القوى التى تم تهميشها
طوال السنوات الماضيات .
يكفى انها علمتنا ان الحقوق والاحلام بوطن نتساوى فيه جميعا امرا ممكنا ولو كان هذا الوطن خاليا من اهلنا فى السودان الجنوبي
الا انه امر هين .
ودونك اتفاق الشرق الذى اعترف بوجود مظالم قادت الى توقيع اتفاق مع اهلنا البجة بغض النظر عن درجة التنفيذ الا انه
اعترف بمظلمة اهلنا فى همشكوريب وتهميم وسنكات وبورسودان ومحمد قول واوسيف وحلايب السليبه.
كما ان (العكة) التى لم ينجلى غبارها فى دارفور والتى تستهدى بنور نضالات الحركة الشعبية حتما ستصل لصيغة تلبي طموحات
الشعب الدارفورى فى العيش بكرامة وهامة مرفوعه ويومها سنقول ماكان لاستعادة الحقوق والكرامة ان تتنزل على ارض الواقع دون
وجود الحركة الشعبية .
دعك من هذا ...
فى يوم من نهارات الخرطوم الحارة جدا فى شهر يونيو وبينما انا اسير فى الطريق لمحت ريحانة الشيوعيين الشفيع خضر يقود
عربته فى وسط شوارع الخرطوم 2 وهو امر ماكان له ان يكون لولا (السلام) الذى وقعته الحركة وقاد لمثل هذا الانفتاح السياسي
الذى اثمر عن دار للامة والشيوعى والاتحادى الاصل والفرع .
ان الحركة الشعبية يكفيها انها علمت السودانيين معنى ان ننحاز الى السلام وقدمت لنا (على الاقل فى المستوى الشخصى) معنى
ان نعيش فى سلام ونتشارك الطموحات والنظره المستقبلية مع مجموعات سكانية اصيله فى ما كان يطلق علية بلاد السودان .
ان التنمية (المنقوصةبحسب ما ارى ) التى انتطمت بلاد السودان ما كان لها ان تكون لولا شجاعة الحركة فى الانحياز للسلام
ان وجود الحركة الشعبيه وبرنامجها الداعى الى اعتماد الهوية السودانية من حيث هي سودانية ماهو الى قاعدة سيسير عليها
السودانيين فى ماتبقى من وطنهم لانها الحل الامثل للظروف الاثنية والعرقية المتباينة فى السودان اليوم.
قدمت لنا الحركة الشعبية دستورا وقانونا ماكان للسودانيين ان يحلموا بهم قبيل توقيعها على السلام (بغض النظر عن مدى تنفيذه الان )
ان الشمالى الحق الذى كان يرى ويقر بوجود مظالم تجاه الاقاليم من قبل المركز وكانت (تنقص) عليه عيشته ليله ونهاره!!
قدمت له الحركة الشعبيه فى قبولها لتقرير المصير بعد فترة انتقالية مايريح باله بان اقوام من اهلنا سيقررون مصيرهم
من اناس اخذتهم العذة بالاثم بلون ومولد جغرافى اتاح لهم احتكار الحقيقة .
ان الذين جربوا ان يعيشو فى ظل السلام والتعرف على اهل السودان من كافة اقاليمة بعيدا عن اصوات الحرب واحتكار القيم والمعرفة
لن ينسوا ابدا ان الحركة الشعبية هى من اهدتهم هذه التربية والثقافة التى ستعينهم فى مشوارهم القادم لامحالة ..
ولى عودة
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: عمار عوض)
|
معليش يا عمار
ياخ كلامك ده إنشا ساي ياخ
السودانيون لا يحتاجون لمزيد من الدروس و العبر
يا أخوانا بالله سيبونا من التنظير
و نشتغل علي أرض الواقع
قلنا ليكم
القوانين التى تم إجازتها قوانين أخير عدمه و ذلك بتأكيد الحركه ذات نفسها
أسه خلاااااااااص بقيتو تقولوا القوانين دى كويسه
حريات مافى و ذلك بشهادة الحركه نفسها
أسه خلاص بقيتوا تقولوا البلد فيها حريات
إنتو ناس وهم ولا شنو
و ين القوانين فى البلد دى ووين الحريات؟
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: nada ali)
|
معليش يا ندى
لكن ياسر عرمان ده بالذات
أنا قررته تاني ما أسمع ليهم حاجه ولا أقرأ ليهو مقال
بقدر ما أحببت هذا الرجل و هى يترجل من سلم الطائره بمطار الخرطوم يلوح بعلامة النصر
بقدر ما إكتشفت أنه أكبر كذبه فى تاريخ السودان
ياخ ده ما قادر يعرف الفرق بين الإنقاذ و السودان
هذا الرجل
بقدر ما قدم للحركه
بقدر ما كان خصم عليها
أقول ليك حاجه
باقان و ياسر هم السبب الرئيسي فى كره الشماليين للحركه
هذا واقع البلد الآن و أنسيني من كلام الإنترنت ده
معليش
لكن عقلي أكبر من أسلمه أو أحشوه بكلام لياسر عرمان مره أخرى
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: ناصر البطل)
|
للذين يتشدقون
و يريدون أن يوهمونا بأننا إستفدنا من الحركه الحريات و تقبل الآخر
أين هى الحركه ذات نفسها الآن من ذلك
دعنا نحن
هل توجد حريات بالجنوب ناهيك عن الشمال
هل توجد حريات داخل الحركه ذات نفسها ناهيك عن الجنوب "تلفون كوكو مثال"
هل الحركه بها تقبل للآخر؟
لماذا تمرد أبناء النوير إذن علي الدينكا؟
فاقد الشئ لا يعطيه
إلا إذا كان المتلقى عبيط
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: nada ali)
|
Quote: اذا كان هناك شماليين لديهم/ن رأى سلبى فى المناضلين ياسر عرمان و باقان أموم، او ان كانوا "يكرهون" الحركة الشعبية، فان ذلك بسبب اعلام الكراهية الذى تروجه صحف مثل الانتباهة، و لكن لا تعوّل على ذلك كثيرا، فقد ظل الاعلام "القومى" يبث الكراهية ضد الحركة الشعبية و المرحوم د. جون قرنق منذ الثمانينات، و رغم ذلك خرج عشرات االالاف من الشماليين/ت لاستقبال الحركة والاستماع للدكتور جون قرنق فى الساحة الخضراء.
|
طيب وين الناس دي أسه
و لماذا لم تودع هذه الناس الحركه عندما غادرت بنفس حرارة الإستقبال
ما هو ده زااااتو البقول فيهم أنا
| Quote: لكن السبب الذى اتيت فيه بهذا الفيديو، ان الاستاذ ياسر عرمان تحدث فيه عن القضايا التى قلت انت أعلاه انها مهمة: قضايا الفقر، و الصحة و التنمية، و التعليم، و الرعى، و تطوير الريف، و الحرة، و العدالة، و غيرها من القضايا. اقترح ان تحاول مشاهدة الفيديو فربما تجد فيه اجابة على تساؤلاتك؟ |
هذا ما يسمي الفرق بين النظريه و الفشل فى التطبيق
ده كلام كلااااااام
عشان كده انا سألته عن التطبيق
ياسر عرمان ممكن يتكلم فى محاضره لحدى بكره
أها و بعد داك
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: nada ali)
|
| Quote: بعد داك اذا توفرت الظروف الموضوعية لتنفيذ هذا البرنامج و فشلت الحركة فى تحويله لواقع، تعال اسأل ماذا استفدت انت من الحركة الشعبية كشمالى |
موضوعيه أكثر من
خمسه سنين فى الحكم؟ اربعين فى الميه سلطه؟ و نص قروش البترول
طيب ياخ ما يجوا بكره الكيزان يقولوا ما إتوفرت ليهم الظروف الموضوعيه عشان نحاكمم, أها رايك شنو؟ نعذرهم برضو؟
طيب ليه إتحددت خمسه سنين فتره إنتقاليه اذا هى ما كفايه للحركه؟
طيب رايك شنو فى خمسه سنين مقابل أربعه للرئيس الأمريكي
ياخ إنتو ليه عقليتكم مبرراتيه؟
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: ناصر البطل)
|
الاستاذ ناصر،
هل حقيقة كانت الحركة الشعبية فى شمال السودان فى وضع يخول لها تنفيذ البرنامج الذى طرحته فى 2010؟ فترة الخمس سنوات التى أعقبت اتفاقية السلام الشامل، كان منوط بالحركة الشعبية (و المؤتمر الوطنى) انجاز مهام محددة. تم انجاز بعض هذه المهام، و الكثير منها لم بنجز، لأسباب عديدة من الممكن تفصيلها اذا اردت، و فى هذا يتحمل المؤتمر الوطنى مسئولية اكبرمن الحركة الشعبية.
بالطبع هذا لا يعنى ان لا تنظر الحركة الشعبية لحصاد الفترة الانتقالية، و ان تقيمه بصورة نقدية، و ان تستخلص الدروس التى يمكن الاستفادة منها فى المستقبل من انجازاتها و اخطائها خلال السنوات الخمس الماضية.
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: nada ali)
|
Quote: الاستاذ ناصر،
هل حقيقة كانت الحركة الشعبية فى شمال السودان فى وضع يخول لها تنفيذ البرنامج الذى طرحته فى 2010؟ فترة الخمس سنوات التى أعقبت اتفاقية السلام الشامل، كان منوط بالحركة الشعبية (و المؤتمر الوطنى) انجاز مهام محددة. تم انجاز بعض هذه المهام، و الكثير منها لم بنجز، لأسباب عديدة من الممكن تفصيلها اذا اردت، و فى هذا يتحمل المؤتمر الوطنى مسئولية اكبرمن الحركة الشعبية.
بالطبع هذا لا يعنى ان لا تنظر الحركة الشعبية لحصاد الفترة الانتقالية، و ان تقيمه بصورة نقدية، و ان تستخلص الدروس التى يمكن الاستفادة منها فى المستقبل من انجازاتها و اخطائها خلال السنوات الخمس الماضية. |
طيب ياخ
من زمان ما تقولى كده
يعنى باختصار الحركه لم تقدم شئ
و نحن لم نستفيد منها شئ
بغض النظر عن المبررات
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: ناصر البطل)
|
عزيزي ناصر
التحية ليك ولضيوفك الكرام
السؤال ماذا استفاد الشمال من الحركة,,مبني علي قاعدة تمنع الاجابة علي,...لان تجربةالحركة كتجربة انسانية وافكار..يمكن لاي انسان الاستفادة منها ناهيك عن شمال السودان محور ارتكاز فكر الحركة والمسرح العريض والاساسي لمنطلقات التغيير,,,ام عن الممارسة اقصد الفترة الانتفاليةمن الاتفاقية فان اي ممارسة فابلة للخطا والصواب....واري الجميع متفق ان الممارسة للسلطة لازمتها الاخطاء..والدليل لذلك ما الت اليه الامورالان وهو الانفصال...التحسر الان لا يفيد ولا يرجع شطري البلد لوحدة الاهم ماذا نحن فاعلون....لذ اري ان يكون السؤال المحوري ما مدي استفادتنا من اخطاء تجربة نيفاشا وكيف يمكننا بناء مؤسساتنا لمعركة الديموقراطيةالدائرةالان سواء في الشمال او الجنوب لان النضال من اجلها لا تحده حدود,,,,,,
شكري لك وللجميع
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: منتصر عبد الماجد)
|
Quote: عزيزي ناصر
التحية ليك ولضيوفك الكرام
السؤال ماذا استفاد الشمال من الحركة,,مبني علي قاعدة تمنع الاجابة علي,...لان تجربةالحركة كتجربة انسانية وافكار..يمكن لاي انسان الاستفادة منها ناهيك عن شمال السودان محور ارتكاز فكر الحركة والمسرح العريض والاساسي لمنطلقات التغيير,,,ام عن الممارسة اقصد الفترة الانتفاليةمن الاتفاقية فان اي ممارسة فابلة للخطا والصواب....واري الجميع متفق ان الممارسة للسلطة لازمتها الاخطاء..والدليل لذلك ما الت اليه الامورالان وهو الانفصال...التحسر الان لا يفيد ولا يرجع شطري البلد لوحدة الاهم ماذا نحن فاعلون....لذ اري ان يكون السؤال المحوري ما مدي استفادتنا من اخطاء تجربة نيفاشا وكيف يمكننا بناء مؤسساتنا لمعركة الديموقراطيةالدائرةالان سواء في الشمال او الجنوب لان النضال من اجلها لا تحده حدود,,,,,,
شكري لك وللجميع |
ياخ نحن ما فيران تجارب
شوف يا حبيب
البوزيه
الشيوعيه
البعث
حتي الكيزان ديل
كل النظريات دى تمام التمام
المشكله دايما فى التطبيق ولما الواحد بيمسك السلطه
هنا المحك و الحكم الحقيقي
باختصار الناس ديل طلعوا جرادل ساي
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: Deng)
|
Quote: نصيحة.
حاول أن تكتب في حاجة أنت ملم بها أولا قبل الخوض في مثل هذا الحوار. |
و الله ماشاء الله
ليك سنتين بتتفادى تدخل بوستاتى
الليله شايفك شديت حيلك و بقيت راجل تدخل بوستاتي كمان
ما تزعل ياخ
28%
أها؟
+ حكم الجنوب كاملا
إستفدنا شنو؟
بالمناسبه ياخ
أنا لى يومين ساكي تراجى توريني رتبتك شنو؟
إنته ضابط ولا عسكرى ولا ضابط صف؟
لما زرته السودان ما مشيت الجنوب
الفالق لينا بيهو راسنا ده لييه
و قضيت إجازتك كلها فى أوزون
تكتل عيونك و تخلط فى الشماليات
و بنات العرب الكانوا أصحابك زمان و كنتا بتلعب معاهم
و دخلوك بيوتم بي براءه
فى داعى
تمشي تونس تراجى تقول ليها أنا كنته بجكس بنات الأسر المعروفه
و هم كانوا مكسرين فيني و كلام فارغ زى ده
طيب ياخ علي الأقل إحترم ثقتهم فيك و الصداقه
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: منتصر عبد الماجد)
|
Quote: طيب يا ندى
نرجع للسؤال
ماذا استفدنا من الحركة الشعبية؟ ............... كشماليين |
عزيزي /ناصر
طيب التحايا
الحركة الشعبية لم تقم من أجل الشمال بل قامت من أجل إنسان الجنوب وظن منظروها على مستوى النخبة وليس القاعدة الشايعة العريضة وأنا أوافقهم على هذا الظن أن مشكلة الجنوب والأقاليم الأخرى المهمشة هي في المركز المأزوم الموجود في الشمال فإذا عولجت أزمة المركز تداعت لها مشاكل الهامش ،فالحركة الشعبية لم تعد أهل الشمال بإنشاء المصانع وجلب الموبايلات وطاولات الخبز فهي تعتقد ونحن نعتقد إذا حصلنا على نظام سياسي علماني مستقر نتداول فيه السلطة سلميا تمت الوحدة على عقد اجتماعي ويمكن للمتخصصين والتكنوقراط أن يحدثوا التغيير الللازم لنهضة السودان بأهم ثلاث اليات وهي الدفع والحرية والاستقرار.
ولكن كحدث تاريخي في السودان فقد استفدنا منها الكثير وعلى سبيل المثال لا الحصر تحجيمها للحركة الإسلامية ووأد مشروعها الانتهازي ، ثم وضع صورتها البشعة في بؤرة شعور المجتمع الدولي ، وقتالها الشرس لتعديل موازين القوة وبالتالي انتزاع الحقوق يعطي من يحاسبون أنفسهم قبل الآخرين نموذجا يحتذى وكذلك الرجال الأفذاذ من أمثال ياسر عرمان الذين نأوا بأنفسهم عن التنظير الأجوف كما نفعل ودخلوا خضم المعارك لتحقيق ما يصبون إليه ولم ينتظروا الآخرين ليقاتلوا نيابة عنهم أعتبر كل ذلك فائدة عظيمة لمشروع التنوير الذي لن ينصلح حال المجتمع السوداني بغيره وأنت تعلم كم أمضى هذا المشروع في أوروبا .
وأرجو أن أكون قد أجبت على سؤالك الخطأ ؟
أبوحمـــــــــــــد
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: عثمان عبدالقادر)
|
| Quote: الليله شايفك شديت حيلك و بقيت راجل تدخل بوستاتي كمان |
ما قاعد أدخل بوستاتك لأنك زول مافيك فايدة بتكتب في كلام مايع.
هسع شوف زي كلامك الذي يخص بنات الشمال ده!
في زول راجل سوي بكتب زي الكلام ده ؟
بعدين أنت بهمك شنو لو كنت خالط فلانة ولا علانة أصلا؟
الموضوع ده ليه حارقك أنت للدرجة دي؟
ما هو السر في ذلك أيها المريض؟
أنت عندك مشكلة مع نفسك كراجل ولا شنو؟
رتبتي بتفيد أمثالك بشنو أصلا؟
لا أدخل بوستاتك لأنها مهببة وغير مفيدة وأنت شخص نكرة وغير معروف بهذا البورد.
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: وليد محمد المبارك)
|
| Quote: ماذا استفدنا من الحركة الشعبية؟ ............... كشماليين |
أنا كشمالي استفدت من الحركة
أن السودان أمام خيارين لا ثالث لهما:
إما أن نغير - كشماليين - نظام الحكم الحالي - ونؤسس لقبول الآخر وإدارة التنوع Diversity Management
والديمقراطية و(الحكم الرشيد) وندعو للوحدة على هذه الأسس
أو نقبل بالحال كما هو ونتوقع المزيد من الحروب والجوع والفقر والتخلف والمظالم - هذا في أفضل الأحوال.
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: Deng)
|
Quote:
ما قاعد أدخل بوستاتك لأنك زول مافيك فايدة بتكتب في كلام مايع.
هسع شوف زي كلامك الذي يخص بنات الشمال ده!
في زول راجل سوي بكتب زي الكلام ده ؟
بعدين أنت بهمك شنو لو كنت خالط فلانة ولا علانة أصلا؟
الموضوع ده ليه حارقك أنت للدرجة دي؟
ما هو السر في ذلك أيها المريض؟
أنت عندك مشكلة مع نفسك كراجل ولا شنو؟
رتبتي بتفيد أمثالك بشنو أصلا؟
لا أدخل بوستاتك لأنها مهببة وغير مفيدة وأنت شخص نكرة وغير معروف بهذا البورد. |
انتباه يا عسكرى
قلنا كشماليين....... الدخلك هنا شنو انته شمالى ولا دى حكحكه منك؟
قلته لى
مشيت تونس تراجى يا عيان
و تقول ليها انك كنته بتجكس بنات العرب فى نادى التنس
و كان بتسبح معاهم فى النادى الامريكي
فعلا زول ما عندك اخلاق
و لحالتك ناقصه لانك لتتكلم عن بنات اسر
شماليييييييييييييين شماليييين قلنا يا عسكرى
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: عثمان عبدالقادر)
|
| Quote: ولكن كحدث تاريخي في السودان فقد استفدنا منها الكثير وعلى سبيل المثال لا الحصر تحجيمها للحركة الإسلامية ووأد مشروعها الانتهازي ، ثم وضع صورتها البشعة في بؤرة شعور المجتمع الدولي ، وقتالها الشرس لتعديل موازين القوة |
يا زول انت جادى؟
هل عندك اى فكره انو حاليا المؤتمر الوطنى حاكم الشمال بنسبة 100٪
بعدين كيف الحركه برنامجه كان للجنوبيين بس؟
السودان الجديد ده كان شنو؟
اللللللللللللللله
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: ناصر البطل)
|
Quote: انشا انشا اتشا انشا
كتيره ياخ
|
اين الانشاء ارجو شاكرا مدنا بكود لو سمحت؟
وهل الجهوية ليس انشاء؟
طبعا دا اكبر كذبة على الاطلاق لدرفسة الحقائق المجردة في الواقع فالواحد تقول ليهو عدد الضحايا مليوني بني ادم قتلوا عمدا في حرب اهلي تاريخي عبثي فرضه حكام الخرطوم الشماليون على الاخرين في داخل اقاليمهم؟ ويعود بكل بساطة ليقول ليك دا كلام انشائي؟ بالله عليكم شوفوا الازدراء والاستهتار بالانسان وصل وين في سودان الجلابا؟ ارجو شاكرا مكررا مدنا بما يؤكد الانشاء؟ وتوضيح ما هو الخطا في الانشاء اساسا وما هو علاقته او عيبه في التعبير عن الراي او ذكر الحقائق؟
فانت لم تكن عضوا في الحركة ولم تصوت للحركة لتطالبه بماذا قدم لك فكيف يتم هذا بالضبط؟
فالحركة ومنذ تاسيسها قد اعلنت الاعتراف الكامل بجميع مكونات السودان العرقية الثقافية والدينية واقر بتعددتهم وتنوعهم بناءا على الواقع في المجتمع السوداني وليس على اساس الدولة العربية الاسلامية المزعومة عبثا منذ الاستقلال. وهذا يعد اكبر تطور في التفكير السياسي السوداني وتجاوز للازمة الوطنية السودانية منذ الاستقلال وعلى هذا الاساس طالبت والحت بشدة بعقد المؤتمر القومي الدستوري الذي يشمل جميع مكونات السودان عبر ممثلونهم المختارون طوعا في البدو والحضر للحضور لمناقشة قضايا وطنهم وتحديد مصيرهم ومعرفة هويتهم اولا في اطار الدولة كمؤسسة تعبر عنهم جميعا على قدم المساواة كمواطنين لها متساوون في الحقوق والواجبات دون ادني تمييز وبموجب الموتمر يحدد كيف يحكم السودان وفق ارادة الجميع وليس من يحكم السودان ومن هنا يتم وضع دستور السودان الدائم بناءا على ما توصل اليه المجتمعون في المؤتمر القومي الدستوري الذي يجب ان لايستثنى احدا وبموجب ما اتفق عليه سلما طوعا كاساس لدستور السودان الموحد الدائم؟ فمن رفض هذا وسعى الى عرقلته بشتى الطرق طيلة الفترة منذ تاسيس الحركة وحتى ما بعد سقوط النظام المايوي؟
القادة الشماليون هم من رفض هذا واختاروا الحرب بدلا عن السلام والحل السياسي الشامل لكل قضايا السودان وليست الازمة شمال جنوب. بل اختاروا الحرب بالوراثة بعد سقوط مايو؟ وبناءا على منطقك كشمالي كما تقول فان الجبهة ايضا حزب شمالي اولا واخيرا ووصلت الى السلطة التي هي اساسا كانت فيها مع الاحزاب الشمالية الاخرى
فالدولة بكاملها حتى الان يسيطر عليها جماعة شمالية بالكامل وتطالب الاخرين من خارج مؤسسة الدولة بتقديم شئ للشماليين فقط؟ الم تقل انت الشماليون كما هو موضح باعلاه؟ ام هؤلاء شماليين وين بالضبط؟ الم تفتح البوست باسم الشماليين وماذا قدمت لهم ثم تعود تلعن الشماليين لمجرد ان ذكرناهم نحن؟ بالله عليكم شوفوا النرجسية وصلت بنا وين؟ وهذه اللعنة المغلظة لو قالها شخص خاصة من ضحايا حكومات الخرطوم الشمالية تحديدا كان قيامته قامت على الاقل في المنبر ولكن كويس فهذه خطوة ايضا كونك تلعن نفسك بنفسك والمرة الجاية ستضطر لاشياء اخرى ايضا؟
يا عزيزي لا يوجد في الدنيا حزب يطالب بتقديم شئ ملموس خارج السلطة لان ببساطة من اين؟ اللهم الا اذا حزب للزراعة او الصناعة والانتاج او شركة عامة مساهمة او جمعية وليس حزب سياسي؟ وانت هنا تكشف تحييزاتك الجهوية الذي يكشف جهلك بالحزب السياسي اساسا؟ لان ببساطة الحزب السياسي عبارة عن تنظيم سياسي يتم تكوينه من عامة الشعب وفق طرح سياسي محدد وهو نامجه السياسي ولا يمكن اطلاقا تنفيذه الا بواسطة جهاز الدولة والسلطةتحديدا فالهدف الوصول الى السلطة اولا لتنفيذ البرنامج المطروح عبر مؤسسات الدولة للصالح العام افرادا وجماعات عبر مؤسسات الدولة نفسها وليس خارجها بالطبع اللهم الا اذا كان البلد تحت الاحتلال عندها سيكون ممارسة كافة اشكال النضال والمقاومةايضا عبر الشعب وليس خارج عنه ولا يمكن ان ياتي الحزب بالخدمات في دارها او بيوت اعضائهاحتى ابدا فهذا طلب لا يسنده واقع. فالحركة قدمت برنامج واقعي واضح مازال موجودا يتعلق بتكوين الدولة نفسها ولا يمكن لاحد ان يقدم لك شيئا اساسا وانما انت تقوم بدورك وتحديد مكانك ومطالبك السياسية وتساهم فعليا في افساح المجال لك كمواطن اولا مثلك مثل الاخرين في كل انحاء السودان لتمارس حقوقك الوطنية المشروعة وفق اختيار حر لمن يمثلك في السلطة عبر برنامج سياسي واضحمحدديشمل مطالبك المشروعة ويحققه عبر جهاز الدولة ومؤسساتها ضمنهم الحكومة ومن ثم اي قصور يحق لك قانونا وعرفا وشرعا المطالبة والاحتجاج والمحاسبة كمان؟ هذا هو الطريق الوحيد اما بخلاف هذا فلا يوجد في العالم كله اليوم مطلبك هذا بالطبع؟
واذا وجدت ارجو شاكرا ذكره هنا؟
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: Arabi yakub)
|
حشو حشو حشو
لاحولااااااااااااااااااا
إنته متخل إنو أنا ممكن أقرا ليك
الكلام الفارغ الكتير الإنته كاتبو ده؟
يا زول إنته جادى؟
ياخ إنته قايل نفسك الطيب صالح
أيه شابكننا حريه و تنظيم
إنتو بتقشو فى روحكم لكن ما نحن
لأنو الحركه زات نفسها حاكماها الجهويه أكتر من أى تنظيم آخر
و الدلاله علي كده رئيسه سلفاكير
مع إنو فى ناس تانيين أفضل منو من أمثال نيال دينق
ياخ قوم لف ياخ
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: ناصر البطل)
|
Quote: مشيت تونس تراجى يا عيان
و تقول ليها انك كنته بتجكس بنات العرب فى نادى التنس
و كان بتسبح معاهم فى النادى الامريكي
فعلا زول ما عندك اخلاق
و لحالتك ناقصه لانك لتتكلم عن بنات اسر
شماليييييييييييييين شماليييين قلنا يا عسكرى |
لا أحتاج أن أتونس مع تراجي أو غير تراجي.
بعدين الصواتات والقولات دي بعرفوها أمثالك. يا لك من بـــــاطــــل خــــايــــــب.
هسع أنت لو ما انسان مريض كان بتكتب لي كلام ######## زي بنات الشمال وبنات العرب ده؟
لا يهمني أن تكون أنت عنصري ولا مريض. ولكن لازم تشوف لك جحر يلمك ويلم المرضى أمثالك.
الذين تسميهم أنت "بنات العرب وشماليات ديل" أنا أسميهم بشر أولا وسودانيات ثانيا وفيهم الاخت والزميلة والصديقة.
أنت كل ما تقوم به هو أنك بتثبت للناس بأنك أنسان مريض وغير سوي. يا تــــافـــــه أنت تسئ لبعض الاخوات بهذا البورد.
بعدين لنفترض جدلا أنو دينق كان عندو حبيبة "شمالية" المشكلة وين هنا؟ وأنت دخلك شنو في شئون الاخرين؟
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: Deng)
|
Quote: الذين تسميهم أنت "بنات العرب وشماليات ديل" أنا أسميهم بشر أولا وسودانيات ثانيا وفيهم الاخت والزميلة والصديقة.
أنت كل ما تقوم به هو أنك بتثبت للناس بأنك أنسان مريض وغير سوي. يا تــــافـــــه أنت تسئ لبعض الاخوات بهذا البورد. |
هاهاهاهاهاهاهاهاهاهاهاها
هاهاهاهاهاهاهاهاهاها
طيب ياخ كضب في بوست تاني
ياخ كضب في نفس البوست لكن في مداخلة تانية
بنات العرب لو انت بتسميهم بشر وفيهم الاخت والزميلة
ده شنو يا عفن ؟؟؟؟
Quote:
هسع أنت لو ما انسان مريض كان بتكتب لي كلام ######## زي بنات الشمال وبنات العرب ده؟ |
الكلة المحجوبة دي شنو يا ######
واللمة المحجوبة دي
زي بنات العرب وبنات الشمال دي موصوفات بيها ليه
عفن ###### حقير
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: Deng)
|
Quote: لا أحتاج أن أتونس مع تراجي أو غير تراجي.
بعدين الصواتات والقولات دي بعرفوها أمثالك. يا لك من بـــــاطــــل خــــايــــــب.
هسع أنت لو ما انسان مريض كان بتكتب لي كلام ######## زي بنات الشمال وبنات العرب ده؟
لا يهمني أن تكون أنت عنصري ولا مريض. ولكن لازم تشوف لك جحر يلمك ويلم المرضى أمثالك.
الذين تسميهم أنت "بنات العرب وشماليات ديل" أنا أسميهم بشر أولا وسودانيات ثانيا وفيهم الاخت والزميلة والصديقة.
أنت كل ما تقوم به هو أنك بتثبت للناس بأنك أنسان مريض وغير سوي. يا تــــافـــــه أنت تسئ لبعض الاخوات بهذا البورد.
بعدين لنفترض جدلا أنو دينق كان عندو حبيبة "شمالية" المشكلة وين هنا؟ وأنت دخلك شنو في شئون الاخرين؟ |
خايب؟ يا بتاع الكريمات
عارف
أنا عندى ناس قعدو فى الأرض و ربوني
عشان كده ألفاظ زى ألفاظك دى أنا ما برد بيها
لكن
مالك ما شايف صورتك فى المرايه وشك بيلمع كيف
ولا صورتك الخاتي فيها يدك فى خدك زى البت كده
ده اذا اساسا انت ما كنت كده
عارف
ده الإستفدناهو من الحركه الشعبيه
عينتك ده نموزج ممتاااااااز
شكرا علي الإثبات
يااااااااا
زوق
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: ناصر البطل)
|
الاح ناصر لك التحايا العطرة
انا دائما قليل الدخول في البورد وانتفي بعض المواضيع التي اظن انها مفيدة ويمكن ان تخدم غرض ,,,,وعلي ما اظن مراجعة الاخطاء التي ادت للانفصال احدي اولويات المرحلة,,,,وحل هذا المشكل ياتي بتباع المناهج العلمية والبحث .....ليس بالاحباط ورفض كل ماهو موضوعي لذا ارجو منك الناي عن كل مايجعل هذا البوست طاردا للمتداخلين,,,,
نعم قدمت الحركة الكثير لشمال السودان سلبا وايجاب,,,,واني علي يقين ان الحركات السياسة ليست مثل الدكاكين لنحكم عليهل بحسابات الربح والخسارة لانها بجارب انسانية تساهم بقوة في مسيرة البشرية جمعاء ولا اظن السودان بمعزل غن هذا التراث الانساني,,,,
الحركة بنت فكرها حول ثلاث نقاط جوهرية هي علاقة المركز والهامش وعدالةتقسيم الساطة والثروة والدولة المدنيةومؤسساتها ولا اظن ات هذي الاشكالات قد زالت من واقعنا السياسي والاجتماعي,,,,,
اما علي صعيد الممارسة فانها فشلت فشلا زيعا واصبحت وجه العملة الاخر للمؤتمر الوطني,,,وذلك لسيطرة تيار الانفصاليين علي مقاليد الحركة بعد موت د جون قرنق ,,,عليهم يسهل ولينا يمهل
الاستفادة الحفيقة من هذا الدرس ان ما يسممي بقوي المعارضة هي الجرادل( ساي )ولا يعول عليهاوعلينا خلق ( مواعين نضالية) تستوعب نضالنا وقادرة علي احداث التغيير....وان الجكومةالحالية لا تتواني في فعل اي شي قبيح لتطويل عمرها
قصب هياكلنا
وعروشنا قصب
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: Deng)
|
Quote: هسع في راجل سوي بكيتب مثل الكلام الفارغ ده؟
ونعم التربية كان كده.
قلت لي كريمات..
طبعا دي ثقافتك أنت وفهمك وأدراكك وتصنيفك للناس.
الكريمات الذي يستعملها الرجال بنسمع بها من أمثالك وفي هذا البورد، وما تكتبه هنا يكشف لنا عن نوعيتك جيدا.
كلام الكداينة ده أنت الظاهر عليك بتعرفوا كويس. الكريمات يستعملها أمثالك من المستلبين ومن المتخفين.
بعدين شايفك أجتهدت شديد في الصور وقصيت ولصقت زي ما عاوز ولكي تشفي بهما غليلك وتعاستك.
كان تبقى عندك شوية رجولة وتنشر الصور كما هي ومن غير التلاعب بها.
من الذي يعرفك بهذا البورد ومن أنت أصلا؟
واحد زبــــالة و باهت الشخصية وغير معروف للناس مثلك جاي يعمل فيها زول. |
يا زوق
معرفة الإنترنت دى بتفتخر بيها إنته و أمثالك
الفاقد التربوى البكتب كما كتبت أعلاه من ألفاظ تدل علي تربيتك
بعدين ياخ
مادام ما أنا نكره ... إنته متعب نفسك معاي مالك؟ :)
لولا أخشي الكذب لقلت لك أنى أعرف نصف الشعب السودانى
عشان كده جنس كلامك البتقول فيهو ده ما بشتغل معاى
فاهم يا زوق؟
لكن المشكله فيك إنته الهالك وشك بالتمسح فى الصور اعلاه
و ماشي تونس تراجى بي بطولاتك مع بنات العرب فى نادى التنس
و سباحتك معاهم فى نمره اتنين
عشان تثبت وجودك ككائن حى
ناهيك عن إنو تصل مرحلة تبقي مشهور
خودك النيفيا دى أخد ليك مسحه
و أكتب مداخله تاني
فى بوست كتبنا أعلاه (كشماليين)
لكن عادتك ما بتخليها
بتحب الحكحكه
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: Deng)
|
Quote: كان تكون عندك شوية رجولة وشجاعة وتنقل ما كتبته أنا لتراجي بدل هذا الكذب والتلفيث يا مريض.
يا باطل ولا بطل أنت.
لو ما عاجبك أمش أقع البحر.
مووووت في غيظك .
لا أعتقد بأنك تستحق الرد بعد ذلك. وواضح جدا بأن تسعى الى شهرة عبر الاخرين.
|
طيب جيبو إنته الكلام الكتبتو
لما انا ما بقول الحقيقه يا عيان
بعدين شهرة شنو ياخ
إنته قايل فى زول أساسا بعرفك؟
إنته مجرد عسكرى مشى العراق عشان يلم قروش
قاعد اليوم كلو فى سودانيزاونلاين
بس
كائن إسفيري
ما عندك واقع ولا مستقبل
فهمته؟
شهرة الإنترنت دي عندك إنته
نحنا عندنا الواقع
يعني يا مسكين
الإنترنت دى كان قطعت ساي إنته بتجيك حاله نفسيه
نرجع لموضوعنا
يا خاين العشره
البنات يعتبروك ودناس و منهم و فيهم
يلعبوا معاك و يسبحوا معاك
بكل براءة الدنيا كناس شباب
تجي تونس تراجي
و تعمل منها بطولات
و إنك كنت مجكسم و كاك كاك
إنته مريض نفسيا و الله
راجع الدكتور
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: ناصر البطل)
|
يااا زوق
أنا القدامك مشيت الجنوب ثلاثه مرات و قدمته ليهو خدمات و إستفاد منى
لكن إنته بي حركتك الوهم دى
قدمتوا للشمال شنو
إنته كنموزج
جيت السودان و ما وصلته جوبا زياره ساي إنشاء الله
كنموزج تاني
حاربت العراقيين و شاركته فى قتلهم
كنموزج تالت
عامل إشانة سمعه لي بنات الناس الإعتبروك أخوهم أو ولد حلتم كما تزعم
فعلا أخلاقك ماااااا أخلاق أولاد ناس
و الدلاله علي كده ألفاظك
ياخ أمشي تم حكحكتك دى يمكن تفك عقدتك و تبقي ناعم أكتر
| |
|
|
|
|
|
|
|
|
|
Re: ماذا استفدنا من الحركة الشعبية؟ ............... كشماليين (Re: ناصر البطل)
|
مثال حى
شخصيا اتعلمته انو ما تفتح بيتك ولا تتعرف علي عينة دينق
ولا بدافع الشفقه لانو دى حتكون غلطة حياتك
و حيمشي يونس الناس و يحكى بطولات وهميه عشان يقول انو طفولتو كانت سعيده
و انو زول خطر البنات بحبوهو
و انو كان بحب بنات ناس فلان
و كان مرطب بيلعب تنس و يسبح مع فلانه
و كان مرتبط بي علاقه مع علانه
في حين انو كل ردودو و سلوكو بيدل على انو زول عانى شديد
| |
|
|
|
|
|
|
| |
ناصر البطل
معاوية عبيد الصائم
خالد عبد الله محمود
أمير فتحي
adil amin
ASHRAF MUSTAFA
Mohamad Shamseldin
الامين موسى البشاري
nada ali
عمار عوض
بريمة محمد
Deng
عثمان عبدالقادر
فيس بوك
تويتر
انستقرام
يوتيوب
بنتيريست