|
|
|
 Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: الامين موسى البشاري)
|
| Quote: الخرطوم: أنور عوض : نادى فقيه وداعية إسلامي باستخدام الواقي الذكري "الكندوم" كخطوة لامناص منها لتخفيف ظاهرة الأطفال مجهولي الوالدين، وفقا لقاعدة أخف الضررين، وقدم الداعية الإسلامي والفقية د. يوسف الكودة رؤية فقهية غير تقليدية للتقليل من ظاهرة الأطفال مجهولي الوالدين بالسودان، وقال- أثناء مشاركته في ورشة عمل نظمها المجلس القومي لرعاية الطفولة، بالتعاون مع اليونيسيف ومنظمة "شمعة" حول إيجاد التدابير اللازمة لحماية الأطفال فاقدي الرعاية الوالدية أمس- إنه يدعو لعلاج سحري وناجع للحد من تلك الظاهرة، وأضاف (الحل الناجع والسحري هو استخدام الواقي، فالواقي يقي من ظاهرة الأطفال مجهولي الأبوين)، وقال في ورقة عمل: إن "من يستعمل الواقي ينتفي في حقه احتمال حدوث حمل وخروج أطفال غير شرعيين للحياة، فيكون أمره مقتصرا على مصيبة الزنا". |
| |
  
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: سيف النصر محي الدين)
|
| Quote: واعتبر الكودة أن ما طرحه يمثل مسارا قويا لتجفيف الظاهرة، بل قلعها من جذورها والقضاء عليها تماماً. ودافع الكودة عن رؤيته لاستخدام الواقي بأنها تستند على أرضية فقهية، وليست مجرد رأي، وأن القاعدة الفقهية معنية بدفع الضرر ، وأضاف ( انأ هنا أدعو للعمل بالمفسد ة الدنيا، وأدعو للتعامل بأخف الضررين. من جهتها أكدت الأمين العام للمجلس القومي لرعاية الطفولة قمر هباني أن ما طرحه د. يوسف الكودة يدلل على إمكانية إيجاد معالجات عبر استخدام الواقي خاصة فيما يخص منع انتشار الأمراض الجنسية، إلا أنها عادت وأضافت ( أنا اتفق مع ورقته، ولكنها غير جوهرية) وأكملت هباني ( لاشك في أن حق البقاء يتطلب تدابير، وإلا تخلصت الأم من مولودها، وبالتالي فإن الرؤية الفقهية المطروحة يمكننا الأخذ بها في التدابير . |
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: سيف النصر محي الدين)
|
قبل سنوات طُردت منظمات عالمية كانت توزع كوندمز
لمنع انتشار الإيدز وتعمل في مجال تنظيم الأسرة
طُردت هده المنظمات لانها جات تعلم البنات قلة الأدب وتوقف نسل السودانيين
بعد الفاس وقع في الراس اقتنعوا بان البنات (البنات بس ما الأولاد) اتعلموا
قلة الأدب بدون كوندومز.
يتمترسوا ورا فتاواهم الما عندها معنى لمن يضيع جيل باكمله
بدوا لينا بفتاوي الزوج فريند كأنما الزواج لا يعنى شيْء سوى ما يعشعش فى الأذهان الغبية
وماشين بينا فى طريق لا يعلمه إلا الله. في اى مجال لل female condoms ?
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: Asma Abdel Halim)
|
Quote: قلة الأدب بدون كوندومز.
يتمترسوا ورا فتاواهم الما عندها معنى لمن يضيع جيل باكمله
بدوا لينا بفتاوي الزوج فريند كأنما الزواج لا يعنى شيْء سوى ما يعشعش فى الأذهان الغبية
وماشين بينا فى طريق لا يعلمه إلا الله. في اى مجال لل female condoms ? |
اسماء عبد الحليم
ســــلام...هي البلد لسه ما ضاعت والجيل الضحك شـــرطتوا
إذن على الدولة التي غلبها مكافحة الزنا ونشر الفضيلة والاخلاق
توفير الكندم باسعار رخيصة ويا ريت لو يوزع مجاني زاااتو
بدلا من توفير السكر والماء والكهرباء للمواطن باسعار زهيده
ولتعش دولة المشـــروع الحضاري
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: سيف النصر محي الدين)
|
Quote: دي نصيحة في محلها و شجاعة كبيرة من الأخ الكودة.الاطباء و الهيئات الطبية
المعتبرة تجتهد في نشر هذه الرسالة لفاعليتها ليس في تقليل الحمل خارج الزواج
فحسب و لكن لتقليل نسب انتقال الامراض المنقولة بالجنس. و لا يخفى عليك وضع
السودان الحالي من ناحية عدد المصابين بالايدز. |
دكتور سيف النصر
وعليكم الســلام ..كلامك الفوق ما عندنا فيهو خلاف تب
ولكن المفروض الدعوة دي تجي من دكتور وزول مهتم بالصحة
مش من رجل دين وعالم كالكـــوده
يفهم من كلام الكوده أن عليكم بممارسة الجنس خارج اطار الزواج
بس ما تنســـوا تلبســـوا الواقي ..
دوره هو ان يقول ممارسة الجنس خارج اطار الزواج حرام
ولا ينبغي للمسلم أن يفعل ذلك بواقي أو بدونه
تحاياي
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: jini)
|
| Quote: وايضا لحماية الشريك من الامراض المنقولة جنسيا وحاصة الايدز! |
يا جني ازيك
هو الشـــريك وقت ما بفرز تاني الخايفلها شنو؟
فتوى الكودة دعوة صريحة لممارسه الزنا خارج اطار الزواج
وهي دعوة لشيوع الفاحشه بس المرة دي بفتوى شرعية
حيرتونا زاااتو زول بقول ليكم مارسوا الجنس خارج اطار الزواج
بس البسوا الكندم تقول لي دعوة جريئة وما عارف شنو
الزنا حـــراااااااااااااااااااااااااام فل استوب.
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: الامين موسى البشاري)
|
Quote: غايتو الكـــودة دا إلا اكلم ليهو صاحبنا انصار السنة داك
ابو جلابيه يرشـــو رش صاح زي جماعته ... والله صحي
قل خيراً أو اصمت يا زول
قال أخف الضررين قال |
فعلا اخف الضررين , المشكلة شنوا لو الكلام ده من زول ذى الكودة.
وكما فى الاقتباس ادناة دى نصيحة اتمنى من كل زول عندو ممارسات قد ينتج منها ابناء غير شرعيين العمل بها
كفاية دار المايقوما بقت ما بتشيل.
Quote: هذه نصيحة مهمة و شجاعة من الأخ الكودة. الهيئات الطبية المعتبرة تجتهد ايما
اجتهاد في نشر و توصيل هذه الرسالة ليس فقط لتقليل نسب الحمل خارج الزواج
و لكن ايضا لتقليل انتشار الأمراض المنقولة بالجنس ، و لا يخفى عليك وضع السودان
الحالي من ناحية انتشار مرض الايدز! |
كلنا متفقين انو الممارسات دى غير شرعية لاكن منوا البقنع الديك؟
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: الامين موسى البشاري)
|
كلام الكودة دا | Quote: من يستعمل الواقي ينتفي في حقه احتمال حدوث حمل وخروج أطفال غير شرعيين للحياة، فيكون أمره مقتصرا على مصيبة الزنا |
كلام عاقل جدا
ونحمد الله أن يكون لدينا رجال دين بيشغلوا مخهم وبيحكموا ضميرهم ويصدعوا برأي شجاع ومثير للجدل
العازل بيمنع مصائب كثيرة إقلها الأمراض الجنسية (وبالمناسبة الإيدز منتشر كثير) وأجلها ان يأتي للدنيا طفل غير مرغوب فيه.
جريمة كبيرة أن يعيش زول في الدنيا دي (ود حرام)
هو ما عنده ذنب لكنه يتحمل كل التبعات (وما أكثرها وما أثقلها)
وطول عمره
وضحية مثل هذه ما بعيد كثير أن تتحول إلي جاني(ة) متي توفرت الظروف
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: Nasr)
|
Quote: جريمة كبيرة أن يعيش زول في الدنيا دي (ود حرام)
هو ما عنده ذنب لكنه يتحمل كل التبعات (وما أكثرها وما أثقلها)
وطول عمره
وضحية مثل هذه ما بعيد كثير أن تتحول إلي جاني(ة) متي توفرت الظروف |
يا نصر الكلام معروف للجميع بالضرورة
ولكن الحل ليس فيما قاله الكـــوده وهو اباحة الزنا باستخدام الواقي
وارتكاب إحدى الكبائر وهو الزنا
قال صلى الله عليه وسلم (( ما تفشت الفاحشة فى قوم الا سلط الله عليهم الامراض التى لم تكن فى اسلافهم))
وكذلك الحديث الشريف الاخر" ما تفشت الفاحشة في قوم الا سلط الله عليهم الاسقام التي لم تكن في اسلافهم"
وفي حديث ( إذا تفشت الفاحشه في قوم فانتظروا الخسف)
بكلاموا دا يصرح للطلاب بممارسة الزنا بالواقي ماف اية مشكلة
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: ندى صالح الطيب)
|
Quote: الشـــريك وقت ما بفرز تاني الخايفلها شنو؟
فتوى الكودة دعوة صريحة لممارسه الزنا خارج اطار الزواج
وهي دعوة لشيوع الفاحشه بس المرة دي بفتوى شرعية
حيرتونا زاااتو زول بقول ليكم مارسوا الجنس خارج اطار الزواج
بس البسوا الكندم تقول لي دعوة جريئة وما عارف شنو
الزنا حـــراااااااااااااااااااااااااام فل استوب. |
الأمين البشاري
يا خي والله الكلام دا كويس جداً وما فيهو أي دعوة للزنا، الزول بيحاول يحل مشكلة ومشكلة كبيرة، ودا رأي شجاع من زول زي الكودة، ويا ريت كل رجال الدين يقيفوا معاهو على الأقل ممكن نكون حلينا إشكالية.
وموضوع الزنا دا حيكون ما دام في إنسان على وجه الأرض، وما في قانون بيمنع الزنا وما في قانون بيسمح بيهو، لأن الناس ستمارسه سواءاً وافقت القوانين أم لم توافق.
فدحين كدى خلينا نحل مشكلة الأطفال فاقدي السند، ومشكلة الأمراض الجنسية المعدية اولاً لأنها دي المشكلة البتأثر على حياة الناس في السودان، بعدين مشكلة الزنا دي حتكون خفيفة جداً، خصوصاً أن معظم الناس يتوسلون إليه بأقصى درجات السرية، وهم حريصون على عدم إعلانها أكثر من الآخرين.
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: ندى صالح الطيب)
|
ود البشاري حبابك يابا
مع إحترامي لكل الآراء لكن الكودة دقس دقسة كبيرة
يعني الناس العاملة عاميلها دي ناقصاه نصيحة زي دي من رجل دين؟؟
هم ما عارفين درب المصايب دي ولا ما شافوها..
حسبي والله ونعم الوكيل
بدل ما تديهم ندوة وتوعية في مجالك تحرم الفعائل دي وتوريهم وتذكرهم بمدى العقوبة
تجيهم بي نصيحة جهنمية اصلا ما خافية عليهم
ده ما شغل رجل دين بنصح الناس ودكتور زي يوسف الكودة يفترض إنه فاهم تصريحه ده صداه شنو!!
النصائح الزي دي تجي من اطباء ومن منظمات بتهتم بشأن الأطفال الضايعين
يا ريتك كان صمت يا دكتور الكودة
تصريحو ده ذكرني الشافع البشرب السجار وبدسوا من ابوهو
يقوم ابوهو يعرف ويتضايق من الريحة وكلام الناس
يقول ليهو اشرب لكن بالدس وبدون ما تزعجنا بالريحه ‘ن شاء الله تشرب كل يوم صندوق
ويسهل ليهو الطريقة
كلام غرييييييييييييب
والله صحي
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: اسماء الجنيد)
|
الاخ البشاري والمتداخلون
سلام
الشخص الذي ينظر ويفكر في حل مشكلة ما لا بد أن يكون موضوعيا وعقلانيا..
سبب المشكلة..
الحلول..
ثم معالجة الظهرة اة النتاج..
هذا الشيخ كان من الافضل عن يتحدث عن الانحلال وممارسات الجنس العشوائية وكيفية محاربةتها,,
لكن بالحديث عن تغليف المشكل والهروب للامام افقد هذا المتشيخ وقاره..
وكان يجب عليه ان يقول بالكيفية التي توقف ممارسة الجنس والفساد الاخلاقي الذي اتى به هذا النظام..
وليس الدعوة لتقنين ممارسة الرذيلة..
.. شيوخ آخر زمن... علماء السلطان الخراسون..
تحياتي
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: اسماء الجنيد)
|
كتبت اسماء الجنيد :
Quote:
ود البشاري حبابك يابا
مع إحترامي لكل الآراء لكن الكودة دقس دقسة كبيرة
يعني الناس العاملة عاميلها دي ناقصاه نصيحة زي دي من رجل دين؟؟
هم ما عارفين درب المصايب دي ولا ما شافوها..
حسبي والله ونعم الوكيل
بدل ما تديهم ندوة وتوعية في مجالك تحرم الفعائل دي وتوريهم وتذكرهم بمدى العقوبة
تجيهم بي نصيحة جهنمية اصلا ما خافية عليهم
ده ما شغل رجل دين بنصح الناس ودكتور زي يوسف الكودة يفترض إنه فاهم تصريحه ده صداه شنو!!
النصائح الزي دي تجي من اطباء ومن منظمات بتهتم بشأن الأطفال الضايعين
يا ريتك كان صمت يا دكتور الكودة
تصريحو ده ذكرني الشافع البشرب السجار وبدسوا من ابوهو
يقوم ابوهو يعرف ويتضايق من الريحة وكلام الناس
يقول ليهو اشرب لكن بالدس وبدون ما تزعجنا بالريحه ‘ن شاء الله تشرب كل يوم صندوق
ويسهل ليهو الطريقة
كلام غرييييييييييييب
والله صحي |
عندي سؤالين بخصوص التعليق اعلاه :
وفضيلة الشيخ دة ح يعرف الناس ديل من وين وهم منو اصلاً عشان يعمل ليهم ندوة توعوية ؟؟!!!!
اما تصريح زي دة اذا ما صدر من أطباء ح يطلوا ناس يسألوهم : اها ورأي الشرع شنو في الموضوع دة ؟؟!!!
يا ريت قبل ما نفتي او نكتب اي تعليق .. نفكر شوية ..
وخالص الود
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: ندى صالح الطيب)
|
سلام للجميع
وأنا أقرأ هذا الموضوع بالأمس علي صفحات الصحف مرت بي الذاكرة إلي إذاعة ملتقي النيلين،،،
وضمن مناقشتها للإيدز من فعاليات اليوم العاعالمي للإيدز والذي يأتي في ديسمبر من كل عام،
تحدث الكثيرون عن الإيدز في السودان وعن أن الوقاية لابد أن تأتي عن طريق إستعمال الواقي الذكوري،
نسبة لأن اكثر من 97% من حالات الإيدز تأتي عن طريق ممارسة الجنس خارج النطاق الشرعي،
ولكن الكثيرون كانوا يتحدجثون عن مجتمع الفضيلة ، وهذه بعيدة المنال ، بل مستحيلة في هكذا ظروف، بل
نقول إن الضع اليوم أسوأ من الأمس ـ فالمايقومة فاضت بالأطفال مجهولي الأبوين ، أما الإيدز وإرتفاع نسبته
في السودان ضمن حزام الإيدز فحدث ولا حرج والدولة لا تتحدث عن النسب الفعلية للحالات وإنتشاره بصورة لجد
مخيفة، بل إن مئات الآلاف من الحالات تحوم وسط السودان وأسوأ ما في الأيدز أن هنالك فترة لاتكون فيها
الفحوصات إيجابية من تاريخ الإصابة ربما تصل إلي أسابيع عدة، وهذه فترة خطرة علي المجتمع، وتقود إلي
الإنتشار بطريقة لا يعلم مدي خطورتها إلا الله.
المايقوما شيدت لتسع 250 طفل فقط كحد أقصي كما أعتقد ، واليوم بها ربما أكثر من 750 طفل،
علي ما أذكر في نهاية ستينات القرن الماضي، تم إلقاء محاضرة بواسطة علم من أعلام الطب
ليس في السودان فحسب ، ولكن في العالمين العربي والأفريقي وتخطت بصماته إلي أوربا،
((((رحمه الله رحمة واسعة وأسكنه فسيح جنانه)))
كانت المحاضرة باللغة الإنجليزية في قاعة إمتحانات جامعة الخرطوم،
والعنوان : هل البغاء ضرورة إجتماعية في السودان؟؟؟
نعم هكذا كان العنوان،
الحضور لم تسعه تلك القاعة
وخلاصة المحاضرة ::::
أن البغاء ضرورة إجتماعية في السودان،،،،
والآن ونحن في الألفية الثالثة،،،
صار الأيدز طاعون العصر جزء من أمراض منقولة جنسيا لا علاج لها
حتي اليوم ، ولكن من ضمن الوقاية منها هو::
إستعمال العازل الذكوري ، الكوندوم
يديكم دوام الصحة وتمام العافية
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: أسامة البلال)
|
| Quote: الذين ينتقدون الفتوي ويهاجمون صاحبها: ماذا فعلتم حتي لا تصل الأمور الي ما هي عليه وما هو الحل في نظركم ودار المايقوما عجزت عن إستيعاب اولاد الحرام ومرض الإيدز خرج عن السيطرة. |
اسامة البلال وماذا فعل الكودة
غير انه قال استخدموا الكندم يا رعاكم ومارسوا الزنا كما يحلو لكم
--------------------
Quote: إجتهاد
وهذا لا يعني ان الناس تعوس عواستها |
المكاشفي اجتهاد شنو؟
بدل التوجه لحل المشكلة الرئيسية شجع عليها الناس
-------------------
Quote: طرح شيخ الكودة جرئ لكن احسن مواجهة الواقع من دفن الروؤس فى الرمال
العالم دى ما بترعوى ابدا عشان كده الناس فى العالم الاول بتكلموا عن safe sex
نحن عندنا ممكن يكون معها توعية ايضا جنب بجنب . |
شكرا اختي ندى يفترض نواجه المشكلة الرئيسية
---------------------------
| Quote: يا خي والله الكلام دا كويس جداً وما فيهو أي دعوة للزنا، الزول بيحاول يحل مشكلة ومشكلة كبيرة، ودا رأي شجاع من زول زي الكودة، ويا ريت كل رجال الدين يقيفوا معاهو على الأقل ممكن نكون حلينا إشكالية. |
الصادق اسماعيل
وعليكم السلام ونحن ما قلنا كعب..
الكوده قال استخدموا الواقي واعملوا نايمين
ما طرح حلول تانية وكأنه يحلل ممارسة الزنا
-------------------------
Quote: بدل ما تديهم ندوة وتوعية في مجالك تحرم الفعائل دي وتوريهم وتذكرهم بمدى العقوبة
تجيهم بي نصيحة جهنمية اصلا ما خافية عليهم
ده ما شغل رجل دين بنصح الناس ودكتور زي يوسف الكودة يفترض إنه فاهم تصريحه ده صداه شنو!!
النصائح الزي دي تجي من اطباء ومن منظمات بتهتم بشأن الأطفال الضايعين
يا ريتك كان صمت يا دكتور الكودة |
بت ابوي الجنيد حبابك الووووووف
ولا فض فوك يا اخيه..
-----------------------------
Quote: السودان علي اعتاب الثورة الجنسيه التي حدثت في الغرب في الخمسينيات
التحرر الاقتصادي للمراة هو الذي اعطي المراة الغربيه تحررها الجنسي
وهو الحقيقه الواقعه في السودان الان |
وبماذا افتى شيخنا الكوده في هذه
كأني به يقول اذا كان لا بد من الاغتصاب
فلنستمتع إذن
مشكلة الاطفال مجهولي الابوين والامراض ستحل
ولكن هناك دعوة ضمنية لممارسة الزنا بالواقي
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: عبد العزيز عبدالكريم نهار)
|
انا طبعا مش مندهشه من الفتوى بقدر ما مندهشه من هذا الكوده
اين بدأ واين ينتهي الآن؟؟؟
الراجل ماشاء الله تبارك الله ماشي بسرعة الصاروخ
في الاستهبال و التسلق و الادعاء الحداثه!!ولد ده!
الكوده اكبر زول بتاع جكس لعلمكم
من بارمجه التلفزيوني اياه ايام كان نحيف من الجوع
حسه شايفاهو سمن وعمل ليه جضيمات لا باس بها!
من برامجه التفزيوني اياهو بقى يتزوج كل شهر اظنه
فهو مارس التعدد بشكل خرافي ولا استبعد دخل فيما يعرف لاحقا
بالمسيار وباي بدع ثانيه.
طبيعي ان يقدم فتاوي زي دي لانه ابو البهجه وساسه وراسها بس
طبعا هو باسم الدين!
ما ناحية المآساه السودانيه فعلا ما يحدث ببلادنا مأساة
وليس القضيه الاطفال فقط بقدر ما الخطوره هي الايدز حاليا!
وقد تكونوا تابعتوا قصة البروفيسر الكوز الجاهو ايد هو وزوجاته ال 3 ولم يخبرهن بعد!!
مثله وغيره هم الهايصين وبيجبوا المض لزوجاهن في صمة خشمهن!
مقبوله فتوى الكوده لو قرنها بشجاعه حقيقه
وتحدث عن الانفلات الاخلاقي وانهيار قيم الشعب من الجوع
الجوعه مؤتمرهم الوطني لشعبنا.لكنه مصر يعلم نعامه
ويدفن راسه في الرمال ويعمل الحجه الاطفال الغير شرعين!
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: Tragie Mustafa)
|
الكوده لم يقل ما قال بمنأي عن القواعد الفقهية الاسلامية الكثيرة وفرعياتها
يزال الضرر الاشد بالأخف... وارتكاب أخف المفسدتين لدفع أعظمهما
درء المفاسد مقدم على جلب المصالح
إذا تعارضت مفسدتان روعي أعظمهما ضررًا بارتكاب أخفهما
الضرر يزال".
يختار أهون الشرين ".
يُتحمل الضرر الخاص لدرء ضرر عام ...
وذلك كله (لايقاف ظاهرة الاطفال مجهولي الابوين)
فطالما تحولت الي ظاهرة Social phenomena،
فذلك يعني بالضرورة معاناة جميع المجتمع منها...
بولادة طفل غير شرعي...وامكانية نقل امراض جنسية قاتلة
وامكانية وسهولة انتقال العدوي لجميع افراد المجتمع..
لذلك احي الكودة...وشجاعته وعليه ان يطرق في هذا الموضوع
في كل منبر لمحاربة هذه الظاهرة في المقام الأول بكافة السبل..
ولو دعا الامر ان يخرج لنا فتوي من عنده تخالف كل ما ورد في
الفقه الاسلامي ان كانت كفيلة باجتثاث الظاهرة السالبة في المجتمع.
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: nazar hussien)
|
سلام
الكلام صحيح ولكن لايجب ان يصدر من رجل دين
لكن نسانا ديل عندهم جنس محن
واحد كوز كبير من الكيزان القدام شاف البنات مجدعات مع الطلبة نضاف لون ابيض يرقش
قال لينا اركبوا ساكت ركوب الكفار عبادة(قالها بكلماتنا ديك )
دحين يازول
الزول ده مو زول شريعة حديثه هذا دعوة صريحة للزنا والعياذ بالله
صحيح الاطباء بنصحو الشباب باستعمال الشرابات وقاية من الامراض والبنات يستعملن الموانع الاخري مثل الزيوت القاتلة
وحبوب منع الحمل
ويطلبوا من الازواج بالكشف العام قبل الحمل حتي لاينتج طفل وهو مصاب بداء الايذز حمانا الله واياكم
كان علي هذا الرجل ان يطالب الدولة بتوفير حماية الشباب ايجاد فرص العمل ومحاربة البطالة
تسهيل الزواج
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: عبد الرازق سعيد)
|
Quote: Quote: الخرطوم: أنور عوض : نادى فقيه وداعية إسلامي باستخدام الواقي الذكري "الكندوم" كخطوة لامناص منها لتخفيف ظاهرة الأطفال مجهولي الوالدين، وفقا لقاعدة أخف الضررين، وقدم الداعية الإسلامي والفقية د. يوسف الكودة رؤية فقهية غير تقليدية للتقليل من ظاهرة الأطفال مجهولي الوالدين بالسودان، وقال- أثناء مشاركته في ورشة عمل نظمها المجلس القومي لرعاية الطفولة، بالتعاون مع اليونيسيف ومنظمة "شمعة" حول إيجاد التدابير اللازمة لحماية الأطفال فاقدي الرعاية الوالدية أمس- إنه يدعو لعلاج سحري وناجع للحد من تلك الظاهرة، وأضاف (الحل الناجع والسحري هو استخدام الواقي، فالواقي يقي من ظاهرة الأطفال مجهولي الأبوين)، وقال في ورقة عمل: إن "من يستعمل الواقي ينتفي في حقه احتمال حدوث حمل وخروج أطفال غير شرعيين للحياة، فيكون أمره مقتصرا على مصيبة الزنا".
|
في راي يا الامين اخوي انه كلام الكودة ده مافيه اي تصريح او تحليل للزناء دي حاجة ..
الحاجة التانية انه ماجاء به الدودة هو راي الاطباء ولابأس به ان اتي من عالم ..
الحاجة التاتة انه الكودة الايام دي رابط مكنة محدث في الدين لارضاء الغرب فانا لا اري غلط في حديثه هذا ولكني اتوقع منه قول الكثير كالترابي مثلا ..
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: العوض المسلمي)
|
يا الامين موسى البشاري
أرجو أن تعمل تفكيرك بصورة pragmatic
هل استطاعت الأديان بما فيها الإسلام إيقاف الجنس خارج نطاق الزوجية؟
هل توقف الإنجاب خارج نطاق الزوجية؟
ما هو الحل في رأيك فيما يخص هوءلاء الأطفال؟
هل أدى المجتمع و الدولة رسالتهما المتمشية مع معتقداتهم تجاه هذه الفئة؟
أم أن المقابر و بطون الكلاب شاهدة على هذه المسؤلية؟
أرجو أن نتحلى بالمنطق و العقل في تقليل عدد هؤلاء الأطفال أو تغيير القوانين و الثقافة لتقوم بدورها في الحفاظ عليهم
و تربيتهم تربية صالحة ليكونوا عمدا للمجتمع لا حقول تجارب و human spare parts providers
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: malik_aljack)
|
Quote: أرجو أن نتحلى بالمنطق و العقل في تقليل عدد هؤلاء الأطفال أو تغيير القوانين و الثقافة لتقوم بدورها في الحفاظ عليهم
و تربيتهم تربية صالحة ليكونوا عمدا للمجتمع لا حقول تجارب و human spare parts providers |
مالك اجاك
كيفك .. وها انت تتحدث عن الدين والقوانين
كان على الكودة ان يبحث في اسباب الظاهرة لا في شرعنة ممارستها بالواقي
اها زي ما قالوا الشباب لو الواقي دا اتملص حتسوي شنو؟
الكودة رجل دين وكان عليه تحريم الزنا والدعوة الى العفه لا الى ممارسته
بواسطة واقي كما يقول هو
السبب هو ضيق العيش وتخلي الاسر عن مراقبة ابنائها ودعوتهم الى الفضيلة
وعدم المغالاة في المهور ... الخ
نحن نتحدث 750 طفل من بين 40 مليون سوداني وهي نسبة قليلة ويمكن تقليلها
لو بحثنا جذور المشكلة .. طيب الرجل لبس واقي والبنت تسوي شنو؟
عندنا شباب ما بعرفوا الواقي ولا سمعوا بيهو وقد يكون الكودة نظرهم لذلك
تحاياي
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهرة الأطفال مجهولي الأبوين! (Re: عبدالكريم الامين احمد)
|
سلامات يا الأمين
فتوي جيدة جداً من الكودة و لو أنها جاءت متأخرة كثيراً لكن أفضل من أن لا تأتي و لو كان رجال الدين في السودان بمثل هذا الفهم و هذه الجرأة لما وصل الحال لما هو عليه الآن في السودان ...
سابقاً و إلي الآن كل من كان يجد الحلول يفشل فشلاً زريعاً و في نفس الوقت كان من يحاول أن يخفف الضرر و يقلل الخسائر يحارب بمثل هذه الإدعاءات بحجة أنه يشجع على الزنا !!!
من يريد أن يختلف مع الكودة هو حر و لكن عليه أن يعطينا الحل الناجع لوضعنا المأساوي هذا أو ليصمت ..
| |
|
|
|
|
|
|
|
|
|
Re: الكودة يدعو لاستخدام الواقي الذكري "الكندوم" لإيقاف ظاهر (Re: خالد عبد الله محمود)
|
لعل الجميع يتفق ان الخطأ لا يبرر ويجب ان لا نبحث له عن غطاء
فالامر تشريع صريح ، يجب على الكودة ان يؤمن عليه ويقيفف عند ذلك ،
إن كانت الحكمة من هذا التبرير هو إيقاف ظاهرة الاطفال مجهولي الابوين
فبذات الفهم الذى افتى به الكودة
يجب ان تتوفر للبنات كل وسائل منع الحمل من حبوب ومراهم وغيرها
وايضاً يجب البحث فى إباحة الزواج العرفي ، والمسيار ، وكل انواع الزواج غير العلني بمختلف مسمياته
وفى هذا الطرح يمكن للكودة أن يخرج بفتوى ، تجعل من مثل تلك العلاقات تحوم حولها شبه الحرام وليس الحرام الكامل ، بقدر درجة الاجتهاد التى يستند عليها
مادام الامر هو الافتاء بأقل الضررين
وإن لم يفلح الكودة فى تلك الفتوى يحيل الامر للشيخ حسن ، فقد سمعت قصة لوالده عن مقدرته فى إيجاد حل للمشاكل المعضلة
والرواية لصديقى الذى قال أن والد الشيخ حسن ( وهو عالم وفقيه طبعاً ) أتاه شخص طلق زوجته ثلاث
وبعد عدة ايام ندم على فعلته ، واراد ان يرجع لزوجته ، فأشار عليه الناس بالذهاب لوالد الشيخ حسن رعاه الله
ولما مثل امامه وقص قصته ، قال له الطلاق واقع وقد حرمت عليك زوجتك حتى ينكحها غيرك ويطلقها
هذا الحديث لم يعجب صاحبنا ، فظل يشرح لوالد الشيخ حسن ، الظرف والاندفاع ، وعدم قناعته ونيته بالطلاق وما اليه
فعندما احس الشيخ بموقف الرجل من زوجته ، طلب منه ان يعطيه مهلة اسبوع ويعود اليه
فلعل وعسى ان يجد فى الاثر أو السيرة ما يشفى به غليل هذا الزوج المحب
وبعد حضوره بعد اسبوع قال له
" والله زوجتك دى لا تحل لك ابداً ، والطلاق واقع الا إن كنت مصر فى فتوى غير هذه ، فأذهب لولدي حسن داك بلقى ليك ليها حل "
تحليل الحرام او تبريره من عالم دين هو جريمة بذاتها ،
فكل من أخذ بفتوى الكودة هذه وعمل بها سيكون على الكودة اثم ذلك ( له وزرها ووزر من عمل بها الي يوم القيامة )
فل استوب.
| |
|
|
|
|
|
|
| |
الامين موسى البشاري
elnawrani margan
سيف النصر محي الدين
Asma Abdel Halim
HAIDER ALZAIN
ود الخليفه
jini
Yasir Aloob
Afraa Sanad
EMU إيمو
Nasr
أسامة البلال
المكاشفي الخضر الطاهر
ندى صالح الطيب
الصادق اسماعيل
اسماء الجنيد
Hassan Makkawi
Abdlaziz Eisa
سامى عتبانى
ابوعبيدة حسن محمد
د.السيد قنات
عبد العزيز عبدالكريم نهار
Tragie Mustafa
saif massad ali
العوض المسلمي
malik_aljack
عبدالكريم الامين احمد
خالد عبد الله محمود
عادل سهل
فيس بوك
تويتر
انستقرام
يوتيوب
بنتيريست