|
Re: الى لاعبي المريخ .. مع الاحترام (Re: وليد محمد المبارك)
|
قلق
مستواك هذا العام افضل من العام الماضي لكنك لم ترجع لمستواك القديم
اهم شي .. مباراة الاهلي الخرطوم مفتاحها كان في التهديف من الخارج دي زول في سنة اولى كورة بعرفها
ومع ذلك لم نشاهد لك تصويبة واحد من خارج الـ 18
!!!!!!!!!!!!!!!!!!!!!!!!!!!!
| |
|
|
|
|
|
|
Re: الى لاعبي المريخ .. مع الاحترام (Re: وليد محمد المبارك)
|
ساكوها
هذا اللاعب يرجى منه .. ان عرف المدرب والادارة احتياجاته
هو يحتاج الى مهاجم كثير الحركة ومطارد يتعب الدفاع .. لان ساكوها هذا قناص لا يضيع الفرص لكنه لا يجيد كذلك اللعب تحت ضغط عالي
ادوه المساحة وهو بتم الباقي
ارشح ان يحضر له مهاجم الامل العطبراوي الطاهر حماد
| |
|
|
|
|
|
|
Re: الى لاعبي المريخ .. مع الاحترام (Re: وليد محمد المبارك)
|
سيناتور وليد الشفت...كيفك
وهاردلك لينا كلنا..
كلامك جميل في مجمله ... وأضيف إليه:
إلى جميع اللاعبين:
متى سيكون بإمكانكم إجادة المهارات الأساسية (الاستلام والتمرير)..؟؟
ومتى تعلمون أن التمرير الخاطئ كارثة حقيقية؟؟؟
ليس أسوأ من الـMiss Pass إلا الـ Miss Pass ،، الله يهديكم
يا اتعلموها..يا خلوها...
بالله يا وليد لاحظت المشقة البتواجه اللاعب عشان يوقف الكورة بس؟؟ مجرد توقيف الكورة مشكلة..
طبعاً لأنه الباص غلط.. وقبل يجيهو ليك أي ضغط من الخصم يكون فكاها أقوى مما جاتو..
عملاً بمبدأ (زحي مني)...التقول الكورة دي ح تنفجر فيهو لو ما تخلص منها بسرعة وبقوة شديدة..
إلى الأجهزة الفنية:
مفروض يكون في وظيفة فنية لتحليل ودراسة ومعالجة حالات التمرير الخاطئ
ووضع عقوبات رادعة الواحد يكون عارف إنه لو قام بارتكاب أخطاء في التمرير السليم
ممكن يتعرض للعقوبة بدل الصفقة بتاعة التشجيع القاطعنها المدربين من راسم دي..
أديك مثال بسيط:
الفني المختص بالمعالجة يكون عندو لستة عديل توضح إحصائية دقيقة لكل لاعب
مثلاً: الشغيل..50 تمريرة خاطئة..ويكون العلاج تدريجياً بوضع Target مثلاً 10 تمريرات خاطئة كحد أقصى خلال 3 مباريات
بدر الدين قلق: 18...الـTarget يا قلق 5 بس
العجب.. 6 الـ Target زيرو..
وهكذا
بالله زول يصحيني ماف.. بليز
| |
|
|
|
|
|
|
Re: الى لاعبي المريخ .. مع الاحترام (Re: Mahmoud Mustafa Mahmoud)
|
مرحب محمود مصطفى محمود
فعلا توجد مكلة مهارات اساسية لدى اغلب لاعبي المريخ بل لدى اغلب اللاعبين السودانيين .. وتلاحظ ذلك ان حدثت مقارنة بين اي لاعب سوداني واضعف محترف اتي الى السودان
المشكلة هذه تجدها قليلة نوعا ما عند اللاعبين الذين تدرجوا في منتخبات وفرق سنية واكثر زول واضحة فيه هيثم مصطفى
الكوتش احمد بابكر كان يهتم بهذا الامر ... اقصد المهارات الاساسية
بقيت الاعبين الامر لديهم متروك للموهبة الفطرية مقارنة بسييطة مهند لاعب صاحب فنيات عالية ولديه مضرب قوي وموزون عند التسديد لكن في نفس الوقت عنده مشكة تمرير فكثير من باصاته خطا عكس هيثم مصطفى اغلب باصاته صحيحة
خلاصة القول فرق مثل الهلال والمريخ غير معنية بامر المهارات الاساسية استلام وتمرير وخلافة اللاعب الذي ياتي لفريق كالمريخ والهلال لابد وان يكون على اجادة تامة للمهارات الاساسية وقدر يسير من المعرفة بالتكتيك
في المريخ تتعلم التكتيك واللعب الخططي
المشكلة دي يا مصطفى مشكلة دولة مشكلة اهتمام بالناشئين في الاول
نحن بنلعب كور ساااااااااااااااااااااااااكت
| |
|
|
|
|
|
|
Re: الى لاعبي المريخ .. مع الاحترام (Re: saif massad ali)
|
الكلام ده كلو ياوليد عشان الأهلى رش المريخ ؟ عقبال ما الخرطوم 3 كمان ترش الهلال والمريخ فى المستقبل , وعقبال فريق النيل الخرطومى يصعد للمتاز ويقوم بنفس العمل . بالمناسبة ياوليد انا خرطومى قح ومن هذا المنطلق اشجع كل الفرق الخرطومية لأنى اشعر بأن الفرق الأمدرمانية تتآمر على فرق الخرطوم وبحرى . مع تحياتى .
| |
|
|
|
|
|
|
Re: الى لاعبي المريخ .. مع الاحترام (Re: tmbis)
|
بتحيحي مالك يا ود الصايم
حصل يوم قريت لي هنا قلت انو هيثم مصطفى كورتو حبه او انو ما بعرف كورة ؟
بالمناسبة سنة 93 قبل ما الناس تعرف انو في زول اسمو هيثم ذاتو تنبات ليه في تمرين مشترك بين فريق السباب وفريق الناشئين وحينها كان فريق الناشئين بتاع ناس هيثم في طور التكوين والاختيار هيثم كان لابس برموده وقاعدين بنتفرج انا والمرحوم الدش
قلت بالحرف الواحد الولد ده لعاب ومنقطها وشكله مختلف عن الباقين
| |
|
|
|
|
|
|
Re: الى لاعبي المريخ .. مع الاحترام (Re: وليد محمد المبارك)
|
وما تنســـى البـــدري حينما أحتاج المريخ اليه بالأمس جلس على دكه الاحتياط ولازمتك شـــنو وقت الفريق واللاعبين محتاجين توجيهاتك وانت تقعد تلطم وتندب حظك في الدكه أي زول ممكن يدخل 11 لاعب ويقول ليهم العبوا اهمال البــدري لبعض اللاعبين هو السبب في غرور التشكيلة الرئيسية هيثم السعودي مثالاً لو كان بلعب ما كان الشغيل شاف نفسو كدا درس مفيد للجميع ... لو كنت محل إدارة المريخ لما فكرت في سفاري نهائيا فمثله لا يشبه المريخ وغيابه هو السبب الرئيسي للهزيمة
| |
|
|
|
|
|
|
Re: الى لاعبي المريخ .. مع الاحترام (Re: الامين موسى البشاري)
|
السيناتور وليد
وضيوفه الكرام
اولا
كل زوووووووووووط وانتم بخير
يا جماعة
بصراحة كده
لا سفاري
لا تجم الدين
لا الزومة
هي سبب زووووووووووووطكم
سبب الزوووط هو الاعلان البينفخ في الفريق لمن طرشقوا من الغرور اعلام السنوات الهاملة والارادة الخاملة
اعلام التطبيل والتنكيل
هم سبب كل زووووووووووط تجيكم
اعلام يبيع العدد
بالسخرية من الهلال
وينتقد الهلال
ويبخس مشوار الهلال
في افريقيا
هذا العام
هسه مثلا
العلامة الكاملة طلعت زوووووووط
الهداف وصل ليها سادومبا وبرضو طلعت زوووووووووط
احسن هجوم برضو زووووووط ( الهلال متقدم بهدفين)
احسن دفاع برضو زوووووووووط ( الهلال عليه 4 بينما المريخ عليه 5)
كورة المريخ بلعبوها في الجرايد اكتر من الملعب
هسه سمعتوا ليكم بلاعب في الهلال (برغم الفلس) رفع صوته على المدرب او زميله
يا جماعة التربية والاحترام قبل الكورة
وللهلال تاريخ مشرق مع النجوم من قبل
مع كل من حاول ان يتطاول على قامة الهلال
الهلال من يصنع النجوم
وليس النجم من يصنع الهلال
لذا الادب هو السمة الثابتة لكل الاهلة عبر التاريخ
ومن اخطأ كان عقابه الشطب
تاني حاجة يا وليد
ليس عنكم كبير داخل الميدان
كل واحد في الملعب كبير
هسه هيثم مصطفى ده لو اتكلم مع اي لاعب
تلاقي لاعب الهلال كالجندي الذي يستمع لقائده
لا يعترض او يتفلت
وفي حضور هيثم لا يجادل احد الحكام
عندما يتحدث الكبير هيثم
يسكت الجميع احتراما وتأدبا
الكبير كبير
المطلوب منكم
ازرعوا كبير في الميدان
وسترون فريقكم كبيرا
كما الهلال
وان شاء الله
اجيكم في الزووووووووووووط الجاية
وابارك ليكم الزووووووووط
وكل زووووووووووط وانتم بخير
| |
|
|
|
|
|
|
Re: الى لاعبي المريخ .. مع الاحترام (Re: عبدالعزيز الفاضلابى)
|
الشفت وحات الله انت بقرا في الاسماء دي؟ قايل نفسي في صيدليه الامل....هههه عشان كده نحن المريخ ده خلينا زاتو..جاب لينا الفشل البصري... وقروش تراب يخسروها في الحضري وفي الدافي والبارد.. يا الوالـــــي...عذبتنـــــــــــــــا" زنقه: ------- اعدل صورتك دي ياااخ...
| |
|
|
|
|
|
|
Re: الى لاعبي المريخ .. مع الاحترام (Re: وليد محمد المبارك)
|
البوست دا محترم يا جمال يا صاحبي...
أرجوك ما تجي تزوطو لينا ياااااااااخ...
أهلي الخرطوم مقبولة منه أكتر من أهلي شندي
أكتر من كدا ما (شندي) ليك كلام تاني... كاااااااااااااااااااااك
يا وليد...البوست دا ما يقع تاني ياخ....
ختينا فيهو كلام من الأعماق
| |
|
|
|
|
|
|
Re: الى لاعبي المريخ .. مع الاحترام (Re: Mahmoud Mustafa Mahmoud)
|
Quote: البوست دا محترم يا جمال يا صاحبي...
أرجوك ما تجي تزوطو لينا ياااااااااخ...
|
محمود
انت زعلت واللا شنو يا دكتور
اخر الزمن يا محمود
طلعتني ما محترم
شكرا ليك
يا صاحبي الزمااان
وبرضو انا بحترم كل الناس الهنا
بس
زوووووووووط دي عارفه حارة
ولمن تجي في حق الهلامة الكالمة
زووووووووووووط دي بتبقى ليها طعم آخر
وهسة تاني
بقول
زووووووووووووووط
وما قصدي اقلل احترامي لي نفسي او احترام كل ازملاء
ويا محمود يا خي ما تزعل
كل زووووط وانت بخير
| |
|
|
|
|
|
|
Re: الى لاعبي المريخ .. مع الاحترام (Re: جمال السنوسي)
|
الحارس محمد كمال
سمعنا انك معترض على جلوسك في الكنبة!!!!؟
قد يكون لك حق ان لم تكن انت هو نفسه من جلس احتياطيا لبهاء الدين و محمد ادم ثم جلست بعدهم لاكرم الهادي وحافظ
ان جلست لاؤلائك علاما تتذمر من جلوسك احتياطيا لافضل حارس في افريقيا
؟؟ !!
اقعد قعادك واتفرج واستفيد
| |
|
|
|
|
|
|
Re: الى لاعبي المريخ .. مع الاحترام (Re: الامين موسى البشاري)
|
مرحب الامين
اختلف معاك في البدري فهو من اسباب النقلة النوعية في المريخ
البدري انتقل بالمريخ من تكتيك الى تكتيك وهو مناسب نوعا ماء مع المريخ .. فهو من اطلق سراح الباشا مع انه رجع ينتقل بيه مما افقده بعض التركيز
البدري عارف امكانيات حارسه عشان كده رجع يلعب بمدافعين وسط فقط .. مع وجود باسكال الامر ده ممكن لكن في الحالة دي عاوز ليك مدافع على مستوى قريب لباسكال سفاري الايام دي معقول لكن لسع دون المطلوب
اهم حاجة في حالة انك تلعب بمدافعين في وسط الدفاع عاوز ليك لاعب وسط متاخر قاطع يكون ستارة قدام الدفاع الشغيل كان شغال كويس لكن دخله الغرور وداير يعمل فيها حريف وهو ابعد ما يكون عن الحرفنة وكورتو تعتمد على المجهود والقوة يعني زول تبويظ بس
السعودي متله متل القون محمد كمال .. ما عاوز يرتفع بشخصيته امكانياته كويس لكن شخصيته جوه الميدان ضعيفة لحد بعد ولاعب الارتكاز لازم يكون زول شخصيته قوية جوه الميدان لانه كورتو بتبدا بالسيطرة النفسية قبل اللعب بالكرعين
| |
|
|
|
|
|
|
Re: الى لاعبي المريخ .. مع الاحترام (Re: MOHAMED EL-BEELI)
|
مرحب محمد البيلي
بشة والباشا اولاد حلتنا اعرف بصورة جيده
الباشا امكانياته الفنية ممتازة فكره الكروي عالي امكانياته البدنية ضعيفة وامكانياته النفسية كذلك
بشة امكانياته الفيل جيده لكنها اقل من الباشا فكره الكروي عالي جدا امكانياته البدنية ضعيفة جدا لكن امكانياته النفسية قوية ( عنده عزيمة جبارة ) وهذا ما يميزه عن الباشا الباشا ان ارتفعت عزيمته مافي مقارنه بينو وبين بشه
| |
|
|
|
|
|
|
Re: الى لاعبي المريخ .. مع الاحترام (Re: walid shingrai)
|
يا وليد سيد الاسم
تصدق موضوع العلامة الكاملة ده ما كنت عشمان فيه كتير
المريخ احتمال كبير يشيل الممتاز لو سجل بصورة جيده في التكميلية
عاوزين مدافع وسط مع باسكال
وصانع لعب ( ما عارف يلقوه وين )
ومهاجم صاحب طاقة جبارة متعب للمدافيعن
| |
|
|
|
|
|
|
Re: الى لاعبي المريخ .. مع الاحترام (Re: محمد عبد الماجد الصايم)
|
ازيك ياوليد,,,
انا بقيت ما بقراء البورد لانى اشتغلت مضيف فى شركة طيران اجنبة
دحين فهمونى
,,,صحى المريخ طلع من الكنفدرالية صحى الاهلى ابقوتة رش الهلال,,
صحى الهلال فقد الممتاز,,
كدى فهمونا الحاصل شنو,,,
| |
|
|
|
|
|
|
|