|
|
|
 Re: ثورة مايـــو .. ثورة شعـــب (Re: صبري طه)
|
Quote: بالله انت وحسيـن ملاسي .. وهشام هبـاني وصديق مهدي دفعة واحدة ..
طيب مالكم يا ناس ؟!
عموماً الف مبروك الذكري الـ42 للثورة الظافرة
ورحم الله ابوعاج |
.. الله يبارك فيك يا الطريفي .. ورحم الله أبونـــا جعفر محمد نميري الرئيس القائد
..
يا طريفي انا الدفعة القبال الشباب ديل .. وكنت بمشي بسوق عمك صديق وعمك هشام بالبص وواديهم الاتحاد الاشتراكي السوداني ..
| |
  
|
|
|
|
|
|
|
 Re: ثورة مايـــو .. ثورة شعـــب (Re: صبري طه)
|
Quote: يقلبوها العساكر وينسبوها للشعب !!!
ــــــــ
الله يعينك أيها الشعب السوداني الفضل !!! |
..
....
الصحيح ,.
يقلبوها الشجعان .. ويدوها لي الشعب مقنطرة ، وينسبوها للاحزاب ليقتسمو كيكتها ..
| |
|
|
|
|
|
|
|
|
 Re: ثورة مايـــو .. ثورة شعـــب (Re: محمد إبراهيم علي)
|
Quote: يا مايوي يا سادن انت
يعني انت طلعت اكبر من حمودي العسل وحضرت ثورة مايو لووووول |
.. 
كيفك يا هندسة .. والله الليلة الصباح في سيرتك .. جهز حالك بكرة كان الله حيانا علشان نمشي ..
بعدين حمودي العسل دا الوكت داك لما نحن كنا صغار .. هو كان في طلايع مايوو
وكان عندو عجلتين .. فونكس ..
واحدة بمشي بجيب بيها العيش والفول بالليل من الدكان بتاع اليماني ..
والتانية بمشي بيها المدرسة الصباح .. وواحدة تالتة بيأجرة في حدائق مايو للمواطنين في الاعياد والمناسبات الرسمية ..
بياجرة لي بعض الفارات الحايمين هنا ديل في الفين وحداشر ميلادية .. بي نظام السحبه ,, بي اب قرشين .. أو (الفريني) كما هو متعارف عليه وقتئذ .. 
| |
|
|
|
|
|
|
|
|
 Re: ثورة مايـــو .. ثورة شعـــب (Re: ASHRAF ABUELHASSAN)
|
كان أول لقاء لي مباشرة مع الرئيس القائد جعفر محمد نميري ..
وأنا طفل بقصر الشباب والأطفال بأمدرمان ..
وكنت ضمن مجموعة اطفال نلبس شعار قصر الشباب .. اليوني فورم المخصص للاحتفال المزين بمنديل اشبه بمناديل التتويج عند الكشافة ..
وذلك بالمسرح الداخلي لصالة قصر الشباب المخصصة للاحتفالات الرسمية حيث يتم من خلالها العروض السينمائية ومعظمها لجمهورية كوريا التي تمجد الزعيم الشيوعي .. كيم إيل سونغ ..
والتي اتذكر من ضمن الكتب التي كانت توزع وقتها وفي مكتبة القصر .. كتبت عبارة لا تخلو من اي كتاب :
محبـة الزعيم تلهم الشعر ..
احتفظت بالكتب لسنوات طويلة جدا .. وكانت تدهشني هندمة الرئيس كيم ايل سونغ في صورته التي في مقدمة الكتاب .. مع ورقة شفافة بمثابة قطعة لتحافظ على صورة الرئيس ..
داهمنا الرئيس القائد وسط هنتافات الجميع .. ابوكم مين .. نميري ..
رئيسكم مين ؟؟.. نميري ..
حبيبكم مين ؟؟.. نميري ..
لم اندهش وقتها من تقبيله لنـا ورفعنا للاعلى والتلويح بنا على طريقة الطيارة .. كلنا بعد الآخـر .. لم اندهش بقدرما اندهشت من هندمة ابونا نميري في بذته العسكرية الكاملة .. بلباس التشريفه العسكرية ذات القميص اللبني .. والكرافه بداخل بدلة الجي فايف وهو قماش بدلة الجيش .. اذكر انني (مررت يدي) على صف علامات النياشين (كأنها الآن) .. علامات النياشين التي كانت توضع على الصدر دلالة على عدد النياشين التي امتلكها الشخص من شجاعة لي صمود لخدمة طويلة ممتازة .. إلخ ..
بعدها مباشرة اندهشت .. لكل هذه الفوضى التي عمت الصالة .. والزغاريد ..
وقتها عرفت ان الرجل عظيم .. وستحفر هذه اللحظات الخالدة في ذهني لفترات طويلة جدا .. ربما تتكرر فيها لحظات مواجهة مباشرة .. في اي احتفال جماهيري .. أو أن اعتلي منصة تتويج كضابط اسير على خطى الرئيس القائد جعفر محمد نميري .. وخطى والدي الذي أورثني العسكرية سلوكا وانضابط .. وحببني في شخص جعفر محمد نميري وذلك للتشابه الكبير في الملامح .. وللحكايات المتكررة التي كنت استمتع بها عندما يسردها لي الوالد عن نميري في عدة مواضع كان فيها شاهدا وفي مكان الحدث..
إذن...
انا مايوي .. كما محجوب شريف .. ومحمد وردي .. والبلابل .. والشفيع .. وعبد الخالق .. والترابي .. والصادق المهدي .. وكوستاوي .. ودينق .. وإلخ .. إلخ .. إلخ
| |
|
|
|
|
|
|
|
|
 Re: ثورة مايـــو .. ثورة شعـــب (Re: tmbis)
|
العزيز تمبس
مايو تستحق دراسة بعيدة عن العواطف
دراسة علمية لا تتجاهل الواقع قبلها علي المستوي
المحلي و العالمي و حتي العالمي يجب ان يتم تقسيمه
افريقياً و عربياً و شرقياً و غربياً
دراسة نستفيد منها حقيقة.
أكيد في هذه الدراسة ما يهز عواطفنا ايجاباً و سلباً
لك و لنا الحق في الاستمتاع بالايجابي من تلك الدراسة ليس في
المنظور الخاص فحسب بل في المنظور العام ( هذا علي مستوي هز العواطف)
و لكن الاستحياء من السلبيات و محاولة تجميلها أو تهميشها غير مفيد
علمياً لشعب يلتمس خطواته للنجاح و يستفيد من تجاربة
ـــــــــــــــــــــــ
قد تكون أول مداخلة لي معك اتمني أن لا تكون الأخيرة
الله يدينا الوقت
| |
|
|
|
|
|
|
|
|
 Re: ثورة مايـــو .. ثورة شعـــب (Re: Hamid Elsawi)
|
Quote: قد تكون أول مداخلة لي معك اتمني أن لا تكون الأخيرة
الله يدينا الوقت |
مليون مرحب يا استاذ حامد .. بيك وبي مداخلاتك واتمنى ان اجد معك الوقت الكافي لاكتب عن العواطف وعن ما عشناه خلال تلك الفترة .. وان نجد الفرصة لمزيد من الدارسة المتعلقة بثورة مايو .. وما صاحبها من افرازات وصلت بنا إلى هذا الواقع ..
ثورة مايو تعتبر ثورة مطاطية .. تناولها كل على حسب هواه .. وإلى تاريخ كتابتي لهذه الحروف .. لم أجد ما يقنعني بجدوى مايو من عدمها ..
الحزب الشيوعي بمط من طرف ..
حزب الأمة من الطرف التاني ..
الأخوة الجمهوريين من طرف ..
الحركة الاسلامية من طرف .. .. إلخ .
معظم ما قرأته عن مايو .. كفكرة ، وكأحداث وتنظير من كتاب محليين وغير ذلك لا ينفصل عن كل واقع السودان المكرور .. بثوراته وانقلاباته وممارساته الحزبية .. أو الشعبية .. في كل الحقب .. التي مرت.
إذن المساحة مفتوحة لمزيد من المفاهيم ،.. والدراسات ..
| |
|
|
|
|
|
|
|
|
|
Re: ثورة مايـــو .. ثورة شعـــب (Re: tmbis)
|
| Quote: لم اندهش وقتها من تقبيله لنـا ورفعنا للاعلى والتلويح بنا على طريقة الطيارة .. كلنا بعد الآخـر .. لم اندهش بقدرما اندهشت من هندمة ابونا نميري في بذته |
المشكلة مافي ماسنجر في الحوش
والتلفون رصيدو عشرين هللة
حسي أنا أسوي شنو في الحالة دي ؟؟
| |
|
|
|
|
|
|
|
|
 Re: ثورة مايـــو .. ثورة شعـــب (Re: عمران حسن صالح)
|
Quote: المشكلة مافي ماسنجر في الحوش
والتلفون رصيدو عشرين هللة
حسي أنا أسوي شنو في الحالة دي ؟؟ |
مش مافي ماسينجر ، المافي الكاميرات الديجيتال الوكت داك .. التصوير كان بيتم عن طريق قسم التصوير في قصر الشباب ووزارة الثقافة والاعلام .. اها عندي صورة مع ابعاج بعدما كبرته شوية .. في قصر الشباب وكانت معلقة في الصالة الكبيرة ..
الواحد من صغير دبلوماسي .. اتمسخ على كبرو .. بعدما هاجــر من السودان
..
انا ما استفدته من معرفتكم اي حاجة .. لا فيكم واحد قريبو سفير لا فيكم واحد متجنس أمريكي أو كندي .. لا فيكم واحد ساكت كدا يتكلو عليهو .. ويقول والله صاحبي عمو القنصل الفلاني في الحتة الفلانية ..
ياخ انتو شعب عجيب جدا
| |
|
|
|
|
|
|
|
|
|
Re: ثورة مايـــو .. ثورة شعـــب (Re: وليد محمد المبارك)
|
| Quote: الصورة دي الحاجة العاجــباني في ثورة مايو |
يا شفت ..
ياخ ابعاج دا اانق .. واهييب رئيس لاقيتو في حياتي ..
عارف يا شفت في الدول المتقدمة زي السودان ... مفترض زي الصورة دي يعملو منها مجسم ويتعلق عند مدخل اي مدينة
| |
|
|
|
|
|
|
|
|
|
Re: ثورة مايـــو .. ثورة شعـــب (Re: tmbis)
|
| Quote: لم اندهش وقتها من تقبيله لنـا ورفعنا للاعلى والتلويح بنا على طريقة الطيارة .. كلنا بعد الآخـر |
أيوااااااا ..... بعد كده يا تامبا .... أناديك بـ (يا ولد)، وتقول لي (يا عمو).
______
هل كانت مايو بعظمة ما يذكرها البعض،
أم أن من يقول ذلك، يرى ما يرى لأنها تمثل فترة من العمرتحمل ذكريات جميلة؟
| |
|
|
|
|
|
|
|
|
|
Re: ثورة مايـــو .. ثورة شعـــب (Re: محمد أبوالعزائم أبوالريش)
|
| Quote: أيوااااااا ..... بعد كده يا تامبا .... أناديك بـ (يا ولد)، وتقول لي (يا عمو). |
كيف اقوليك يا عموو .. مع ناس حيدر الزين ومحمد ابراهيم ديل .. ما شايفم بنقنقو كيف ..؟
غايتو كان قلت ليك يا عمو إلا اقوله ليك تشريفيه كدا .. لكن بعد يدوني الازن الجماعة ديلاك
Quote: هل كانت مايو بعظمة ما يذكرها البعض،
أم أن من يقول ذلك، يرى ما يرى لأنها تمثل فترة من العمرتحمل ذكريات جميلة؟ |
والله يا ابو الريش دا المجنني .. زاتووو
الجماعة في الأول .. مجدوها وغنو ليها .. لما حصل الاختلاف العادي جدا في علم السياسة وفي تلبية المصالح .. طلعت اكبر اكذوبة في التاريخ ..
ومن تسعة وستين .. في ناس جات في كم وتسعين وفي الفين .. قالت والله مايو دي نحن لا كنا فيها ولا مشينا وراها ولا هتفنا لي ابونا نميري ..
بالنسبة لي .. ما عايشناه من ما تبقى من مايو في عمرنا .. ووعينا عليه .. اعتقد انه يمثل لي أجمل الذكريات على الاقل مارسنا فيه حقنا الطبيعي .. كأطفال ووجدنا فيه ما يستحق من رعاية واهتمام .. لا علاقة له بما نجده الآن وما نشوفه عند من هم في نفس مرحلتنا السنية وقتها.. كما ستظل عندي ثورة مايو عظيمة بعظمة قائدها الراحل ابعاج .. جعفر محمد نميري عليه رحمة الله والمغفرة
| |
|
|
|
|
|
|
|
|
 Re: ثورة مايـــو .. ثورة شعـــب (Re: tmbis)
|
وقتها كانت تسيطر علينا فكرة .. البعاتي ، والحرامي .. والغول في الاساطير الشعبية.
يمتد جدار بيتنا وقتها .. إلى مساحة طويلة جدا .. مبني بالطوب الأحمر على الطراز الأنجليزي .. يتم تجميل الجدار بشكل دوري باللون الأبيض .. وهي المادة الجيرية التي كانت تستخدم في الواجهات عوضا عن الدهانات المستخدمة حاليا ..
فكرة أن يداهمك .. زائر ليل .. أو ان يغيب عامل البلدية عن كنس الشوارع الداخلية وأمام المنازل ... أو تغيب عربة الحليب التي تقوم بتوزيعه على المنازل بان يوضع على مدخل البيت أو على سور المنزل بعد استبدال الفارغ بالمليان .. كانت فكرة مخيفه جدا ومحرجة
مخيفه أن كيف يتم ذلك .. في ظل رواتب منظمة تدفع لعمال النظافة الذين يقومون بمكافحة الملاريا بصب الزيت على برك المياه المتجمعه إن وجدت .. وفي كنس الشوارع بحيث لا يتكبد المواطن اي اتاوات أو دفعيات مباشرة .. يتم استقطاعها شهريا بطريقة عشوائية كعشوائية الذين يقومون بتنفيذها ..
محرجة .. حال ان يتاخر عامل توزيع الالبان لأي من الاسباب .. ويقوم بتقديم الاعتذار للحد الذي تتوسل له فيه الا يحمل الأمر اكثر مما يجب .. وتقنعه بعادية الأمر..
..
كان كل أمر غير العادي .. ينسب للحرامي او البعاتي .. حتى وإن دخل رب الأسرة لا يحمل في اكياسه بعض التفاح .. والعنب والاجبــــــان بنوعها وذلك بشكل يومي .. فكان من السهل جدا أن السبب المقنع وقتها .. أن الحرامي أو البعاتي هم السبب في ذلك .. حتى تأخير عاملات الصحة اللواتي يقمن بالتطعيم .. وصرف الحليب في دور الرعاية الصحية .. يمكن أن يقنعنك بكل سهولة أن البعاتي هو السبب في ذلك او الحرامي ..
لا ادري ما كل هذا التحميل على البعاتي .. ومن منهم راي البعاتي حتى ينسب له كل ذلك ..؟
..
جدران المنزل كان يطل على خور ابوعنجة .. يواجهه مباشرة رصيف مبني من الحجر ايضا على الطراز الانقليزي .. صلابة هذا الرصيف يستمدها من فيضان النيل الذي يتعاقب عليه بشكل موسمي في كل عام .. وكذا الحال بقية كل المنازل المطلة على خور أبوعنجه باستثناء منزل واحد ينهار حال أن يعلم بهطول المطر في المرتفعات الأثيوبية .. واطلقنا عليه بيت الشيطان..
الجدار الأبيض ,, مع الرصيف الخرساني كانوا بمثابة واجهة اعلانية ضخمة .. لم يتم استقلالها بشكل جيد .. إلا ما ندر حيث في بعض الاحيان .. تقوم بعض الجهات بتركيب شعارات احتفالياتها .. من القماش المكتوب عليه بمادة (الظهره) والذي سرعان ما يختفي من بعض اشقياء الحي الذين يكبرونا عمرا .. ليحولوه إلى فوائد أخرى .. هم ادرى بها..
..
الشعـــــب أقوى والردة مستحيلة حزب البعث
كانت هذه العبارة وقتها .. والطريقة التي كتبت بها .. اضخم أن ننسبها للحرامي أو البعاتي .. ربما هناك كائنات أخرى اكثر خرافيه منها .. تقوم بذلك الفعل .. والناس نيام..
لأول مرة وجدنا في صباح شتوي .. كتابة باللون الاسود الفسفوري .. بخطوط كبيرة جدا عبارات كتبت على الرصيف وعلى جدار بيتنا ..
كتبت بشكل متشنج وسريع .. ويتضح ايضا ان من قام بالكتابة كان يحمل قدره على ذلك البخاخ الحديث الذي لم يتم التعرف عليه بعد في المحلات التجارية التي تقوم ببيع الدهانات ..
لم تكن هناك اي آثار لأقدام .. أو أثار لأي وسيلة نقل .. أو اصوات غريبة .. هذا ما استنتجناه بي حاستنا البوليصية من حديث من تجمعوا صباحا حول هذا الحدث المدهش جدا ..
كتبت تلك العبارات .. في وقت تم فيه .. مباغته سيارات الشرطة التي كانت تجوب الليل .. وشرطة السواري التي كانت تتمركز في زوايا متفرقه حتى في داخل الحارة ..
بعد سنوات من قيام ثورة 6 أبريل .. وبعد ان بدأنا نفك رموز بعض الاشياء السياسية .. علمنا أن من كان يقوم بتلك الافعال الحرامية .. والبعاتية .. هم .. فلان .. وفلان .. من أبناء الحي .. الذين تشبعوا بالفكر البعثي الاشتراكي .. وتم اعتقالهم عدة مرات وقتها .. وكان الحي وقتها يضم كمية منهم بالاضافة إلى بعض الزملاء الشيوعيين الذين كانوا يتحدثون بلغة غريبة تكثر فيها المصطلحات التي يستخلصوها من الكتب التي رسمت فيها شخصيات عجيبة جدا غلب على ملمحها .. النظارة المدورة واللحية الطويلة والوجه الممطوط .. عجيب الملامح
كان جميع هؤلاء الزملاء وبلا استثناء .. يتركون الشعر لينمو على عواهنه .. يكثرون من الكلام والاختفاء لفترات طويلة .. دائمي السفر إلى الاتحاد السوفيتي بسبب وبدونه.
تطورت العبارة .. إلى لن ترتاح يا سفاح .. وتم انتشار الكتابة بشكل واسع على محيط الحي حتى اصبحت عادية واحتلت درجة عاديتها بأن من السهل جدا أن يقوم بها البعاتي أو الحرامي في اي من ساعات الليل الشتوي الطويل..
| |
|
|
|
|
|
|
|
|
|
Re: ثورة مايـــو .. ثورة شعـــب (Re: tmbis)
|
Quote: ثورة مايو تعتبر ثورة مطاطية .. تناولها كل على حسب هواه .. وإلى تاريخ كتابتي لهذه الحروف .. لم أجد ما يقنعني بجدوى مايو من عدمها ..
الحزب الشيوعي بمط من طرف ..
حزب الأمة من الطرف التاني ..
الأخوة الجمهوريين من طرف ..
الحركة الاسلامية من طرف .. .. إلخ .
معظم ما قرأته عن مايو .. كفكرة ، وكأحداث وتنظير من كتاب محليين وغير ذلك لا ينفصل عن كل واقع السودان المكرور .. بثوراته وانقلاباته وممارساته الحزبية .. أو الشعبية .. في كل الحقب .. التي مرت.
إذن المساحة مفتوحة لمزيد من المفاهيم ،.. والدراسات .. |
أخونا زمان، تمبس،
بصراحة فاجأتني، وما كنت قايلك زول (فاهم) كدا. ولك أن تعتبر هذا نفاج للمصالحة (المؤقتة).
نعم اتفق معك في (مطاطية) ما تسميه أنت ثورة مايو وما أسميه إنقلاب جعفر نميري.
ولا يمكت فهم نزعة التلون والسلوك الحربائي، التي امتدت بالسيد نميري طوال المسافة الشاسعة من الاحتفال بعيد ميلاد لينين في قلب الخرطوم، حتى القفز وتسور (الحيشان) على الذين يسكرون غيرة على الدين الحنيف، لا يمكت فهم كل ذلك إلا بدراسة متانية لظاهرة الإنقلاب العسكري في السودان. وهذا موضوع لدراسات ودراسات.
المهم، وباختصار شديد، أعتقد أن ظاهرة الانقلاب في السودان قد مرت بثلاثة مراحل تمثلها ثلاثة إنقلابات (عبود - نميري - البشير)
في المرحلة الأولى (عبود) كان الانقلاب، تخطيطا وتنفيذا، عملا عسكريا صرفا وجاءت السلطة السياسية المتمخضة عن الانقلاب العسكري، سلطة عسكرية نقية خالصة من العنصر الحزبي المدني. حكومة من الجنرالات، ليس فيها مدني واحد سوى وزير الخارجية.
في المرحلة الثانية (أبوك نميري)، كان الانقلاب تخطيطا وتنفيذا، عملا عسكريا مدنيا مشتركا (حتى مجلس الثورة كان به شخصية مدنية) وجاءت السلطة المتمخضة عن الإنقلاب عسكرية مدنية - مشتركة. أي أن العنصر العسكري كان يبحث عن سند حزبي مدني منذ التخطيط للانقلاب.
وهذكذا ظل قدر هذا الانقلاب أن يظل في بحث مستمر عن السند الحزبي المدني، بغض النظر عن أيديولوجيات ذلك السند وظلت سلطة الانقلاب على استعداد دائم للتلون بلون السند الحزبي الذي يتبرع بمساندتها، فمشت المشوار من لينين حتى حسن البنا.
في المرحلة الثالثة (عمر البشير) جاء الانقلاب تخطيطا وتنفيذا، عملا حزبيا مدنيا وجاءت السلطة المتمخضة عنه سلطة حزبية مدنية بالكامل.
هذه القراءة السريعة تقول:
1 - إن الانقلاب كظاهرة سياسية - عسكرية قد سار في خط متدهور باتجاه المدنية حتى فقد صفته العسكرية في طوره الثالث.
2 - أن هذه الظاهرة قد وصلت إلى نهايتها ولم تعد قادرة على إنتاج نفسها وان إنقلاب البشير هو آخر الانقلابات العسكرية في السودان.
ولك تحياتي.
| |
|
|
|
|
|
|
|
|
 Re: ثورة مايـــو .. ثورة شعـــب (Re: حامد بدوي بشير)
|
تمبس يانديد , تحية الثورة الظافر المنتصرة أبدا بإذن الله , وإن اراد لها غير ذلك ولله الامر من قبل ومن بعد
صورة للرئيس القائد الذي كان ...المشير / جعفر محمد نميري _ الله يرحموا _والنياشين التي كانت ...
--------------
لك ولذلك الزمان التحية ...
| |
|
|
|
|
|
|
|
|
 Re: ثورة مايـــو .. ثورة شعـــب (Re: حامد بدوي بشير)
|
Quote: أخونا زمان، تمبس،
بصراحة فاجأتني، وما كنت قايلك زول (فاهم) كدا. ولك أن تعتبر هذا نفاج للمصالحة (المؤقتة). |
اهلين يا أخونا حامد ..
طبعا لقيتني مافي الفترة الفتت دي تكون فتحت ليك مية وخمسين بوست بتاعات جدليات هوية ولوك لوك لوك مش كدا ..؟
اها انا جيت .. بتمشي ووين .؟
يا زول كويس والله مصالحة مؤقته ماف مشكلة .. عايز نقلبه ابيي ماف مشكلة ..
الحمد لله لقيت ليك شوية بتاعت حتات فهم بالنسبة لي نقدر نتحرك فيها ..
مدخلي يا حامد للبوست ما سياسي بقدر ما هو بوست توثيقي لمجموعة ذكريات .. وتفاصيل كتيرة الواحد عايشه .. لكن لا ما نع ابدا في ان نتداول فيهو ما يكون من تنظير وفكفكة بعض الاحوال ..
يعني اخد راحتك .. ومعانا اخونا حامد الفوقاني .. واتمنى ان اقرا المزيد من الطرح المتعلق بي مايو .. وربطو بالواقع ..
طبعا الشباب التحت الاتنين ديل دفعه .. عبد الناصر واشرف .. يعني فترة الابتدائي عشناه سوا .. عشان كدا .. لما تدخل وتلقانا فكينا درب السياة وشغالين ذكريات .. ما تجي تتراجع من نيفاشة بتاعتك الفوق دي .. عندها .. سنعود للمربع الاول لا للحوار .. نعم للحرب ..
شكرا .. على كل حال .. وفي انتظار مساهماتك بعد اتفاقية السلام دي 
| |
|
|
|
|
|
|
|
|
|
Re: ثورة مايـــو .. ثورة شعـــب (Re: tmbis)
|
سدنـة النظام السابق .. عبد الناصر .. واشرف ..
نحن دافننو سوا يا مايويين ..
يللا اطلعو لينا بي ذكريات الثورة ..
اتاريكم لما كنا في الابتدائي داسين مني فكرت انكم سدنة دي ..؟ وانا اقول الاولاد وقتئذ نضاف وسمحين كدا مالم وشطاار
يا اشررررف .. ياخ عملت لي شنو في الصورة حقت سنة اولى .. ابتدائي ..
يا عبد الناصر .. الله يرضى عليك شوفو لي طريقة للصورة دي .. العندي راحت واتسرقت ومعاها اوراق مهمة جدا ..
..
ملحوظة:
والله مفترض كان واحد فيكم يطلع وزير يا رئيس في الحكومة الحالية دي طالما انا طلعت بي قد القفه .. عملتوها لي كلها سعودية
| |
|
|
|
|
|
|
|
|
|
Re: ثورة مايـــو .. ثورة شعـــب (Re: tmbis)
|
| Quote: سدنـة النظام السابق .. عبد الناصر .. واشرف .. |
تمبس يا فردة
شوووووف يا اخوي نحن جيل مغضوب علينا ...... كما قلت من قبل
طفولة في مايو وشباب في الإنقاذ
مايو لم نتبين منها غير ملامح الطفولة البرئية ... الطلائع والكشافة البحرية
وأيام مهرجانات قصر الشباب والأطفال
تلك ذكريات لا تنسى ومهما كان فهي اجمل الأيام
اما الانقاذ فقد وجدتنا وقد تشكل وعينا وقد عرفنا معاني الحرية
وقد تم تجربة كل سياسة الانقاذ الفاشلة على جيلنا ...
وهذه مرحلة من اسوء مراحل حياتي ولا انساها كذلك
Quote: ملحوظة:
والله مفترض كان واحد فيكم يطلع وزير يا رئيس في الحكومة الحالية دي طالما انا طلعت بي قد القفه .. عملتوها لي كلها سعودية |
اخير انت طلعت بي قد القفة احنا القفة ذاتاااااااااا ما لقينا
| |
|
|
|
|
|
|
|
|
|
Re: ثورة مايـــو .. ثورة شعـــب (Re: ASHRAF ABUELHASSAN)
|
| Quote: طبعا الشباب التحت الاتنين ديل دفعه .. عبد الناصر واشرف .. يعني فترة الابتدائي عشناه سوا |
يا أخوي إنت من زمن طلايع مايو!!
أمانا ماك عجوز ... وخاتي لينا صورة (ما قبل 10 سنوات)؟
أنحنا اكبر منكم (بشوية) .. بس من الحظة دي على الألبوم وبجيب لي صورة مسسمة عشان سودانيزأولاين.
أنا ما كنت عارف إنو المسألة فيها تزوير انتخابات وكدا ...
| |
|
|
|
|
|
|
|
|
|
Re: ثورة مايـــو .. ثورة شعـــب (Re: حامد بدوي بشير)
|
ولاد الدفعة تمبس , أبو الحسن
Quote: مايو لم نتبين منها غير ملامح الطفولة البرئية ... الطلائع والكشافة البحرية
وأيام مهرجانات قصر الشباب والأطفال
تلك ذكريات لا تنسى ومهما كان فهي اجمل الأيام
اما الانقاذ فقد وجدتنا وقد تشكل وعينا وقد عرفنا معاني الحرية
وقد تم تجربة كل سياسة الانقاذ الفاشلة على جيلنا ... |
==
ليكم التحية وكتير الود , جاى البوست بمّهل للكلام عن ذكريات مايو الظافرة أبدا
____________________________________________________________
_ نحن من مايو وفي مايو بعثنا من جديد _ بيت للشاعر مبارك المغربي درسنا في الابتدائي
| |
|
|
|
|
|
|
|
|
|
Re: ثورة مايـــو .. ثورة شعـــب (Re: عبد الناصر الخطيب)
|
تمبس وناصر
ســـــــــــــــــــــــلام يا فرد
شوفو يا شباب حكاية ذكريات مايو الظافرة ابدا
ده عايزا ليها بال رائق جدا .... عشان كده اصبروا شوية
ايمكن الظروف تتحسن والواحد يلقى ليهو وقت ويجيكم
يرشكم بذكريات مايو الظافر ابدا
والشعب اقوى والردة مستحيلة
| |
|
|
|
|
|
|
|
|
|
Re: ثورة مايـــو .. ثورة شعـــب (Re: ASHRAF ABUELHASSAN)
|
Quote: تمبس يا فردة
شوووووف يا اخوي نحن جيل مغضوب علينا ...... كما قلت من قبل
طفولة في مايو وشباب في الإنقاذ |
والله يا ابو الشوش من ناحية مغضوب علينا مؤخرا انا بتفق معاك ..
لكن بختلف معاك .. في ناحية العز اللاقيناهو ونحن صغار في ظل ثورة مايو .. ياخ اقلاها يا اشرف كان الواحد بيضرب تلاتة وجبات بي الحليب بتاعم .. وبتتعالج كويس .. وبتقرا كويس .. وابوك لو كان موظف صغير .. كان القروش بتكون قاعده عندو لحدت آخر الشهر ويكون عندو وفر لي راس الشهر الجاي ..
لكن حسع دي يا اشرف .. البيت كلو جاري .. جوه وبره .. وبعد دا .. العصر حاصل .. Quote: اما الانقاذ فقد وجدتنا وقد تشكل وعينا وقد عرفنا معاني الحرية
وقد تم تجربة كل سياسة الانقاذ الفاشلة على جيلنا ... وهذه مرحلة من اسوء مراحل حياتي ولا انساها كذلك |
ايوة يا اشرف ..دي اسواء مرحلة مرينا بيها في حياتنا .. لكن السبب المباشر فيها من هم سبقونـا ..
كل الناس العاملين ليك سياسيين الان ديل .. هم السبب في النحنا فوقو .. وبعد دا كلو ما عايزين يطلعو لينا من راسنا
| Quote: اخير انت طلعت بي قد القفة احنا القفة ذاتاااااااااا ما لقينا |
دي طبعا دقستنا .. ودا قدرنا
كدي عليك الله عاين حوالينك هناك شوف الناس المعانا مشو ووين ..؟
وماليهم اي علاقة لا بي الكيزان .. ولا غيرو .. لكن ناس عرفت تحسبه كويس .. وتطور ظروفه .. نحن بس شماعتنا بتستوعب اي فكرة أو بالاصح قفتنا كبيرة جدا .. بتشيل كل شي ..
حسع دي يا ابو الشوش لو عندك مال قارون .. مشيت بيهو البلد كمستثمر .. ح تجي ما فاهم اي حاجة .. ولا هلله ما عندك ..
ودا من ضمن الخوازيق الطلعنا بيها من الدنيا دي ..
| |
|
|
|
|
|
|
|
|
|
Re: ثورة مايـــو .. ثورة شعـــب (Re: tmbis)
|
Quote: لكن بختلف معاك .. في ناحية العز اللاقيناهو ونحن صغار في ظل ثورة مايو .. ياخ اقلاها يا اشرف كان الواحد بيضرب تلاتة وجبات بي الحليب بتاعم .. وبتتعالج كويس .. وبتقرا كويس .. وابوك لو كان موظف صغير .. كان القروش بتكون قاعده عندو لحدت آخر الشهر ويكون عندو وفر لي راس الشهر الجاي ..
لكن حسع دي يا اشرف .. البيت كلو جاري .. جوه وبره .. وبعد دا .. العصر حاصل .. |
ده مقياس صحيح جداً للوضع الحاصل اسه
| |
|
|
|
|
|
|
|
|
|
Re: ثورة مايـــو .. ثورة شعـــب (Re: عادل سمير)
|
تمبس يانديد مستمتع بقراءة الذكريات الجميلة دي وياخي كرنفالات مايو كانت ليها نكهه ما عادية زمن سلاح الموسيقي والطلائع
الكلام ده بتفق معاك فيهوا :
Quote: في ناحية العز اللاقيناهو ونحن صغار في ظل ثورة مايو .. ياخ اقلاها يا اشرف كان الواحد بيضرب تلاتة وجبات بي الحليب بتاعم .. وبتتعالج كويس .. وبتقرا كويس .. وابوك لو كان موظف صغير .. كان القروش بتكون قاعده عندو لحدت آخر الشهر ويكون عندو وفر لي راس الشهر الجاي ..
لكن حسع دي يا اشرف .. البيت كلو جاري .. جوه وبره .. وبعد دا .. العصر حاصل .. |
كان بلد أقتصادو زراعي على علاقات كويسة ومساعدات دولية وبعد كده خيروا للكل .... هسه المسالة أختلفت بلد زي اليانصيب حق ناس معينين
والباقي لو عملوا ما عملوا ما ليهم فيهوا أى حظ او نصيب .... مايو زمن مهما الناس أختلفوا عليهو كان بريك كويس لمعظم السودانيين مابين حكم الأسياد
أصحاب الحق الالهي في حكم السودان _ أصحاب الفشل المستديم _ وبين حكم على بابا والاربعين قوي أمين العدم البلد العافية . من قصص الزمن داك
باكر راجعة
كانت العبارة المكتوبة في بوكس العم أبيض ماجوك .... كتار كانو بتصوروها زي أى عبارة في بوكس مره واحد قال ربنا يصبروا ويرجعه ليهوا
ضحكته من التعليق , لكين للبعرفوا أبيض ده بعرفوا أنو كان قاصد مايو وأيامه بس الله ما أراد ......... وقصص كتيرة لو ما عندك خلفيته ما حتعرف
أصلها او مقصده , ما أى زول هنا بكتب عن الزمن داك بمحبة حيكون سادن ولا مايوي ... زمان كنت من الناس الفرحوا بالانتفاضة ولسه في البال أيامه
وسيول من الناس بتمنع كورة في رابطة أبو عنجة وهم بهتفوا ((( لا رياضة بدون حرية ))) وبعده بايام كان سوار الدهب صباح السبت بنزل بيانو الشهير
والناس طلعت ((( جيش وأحد شعب وأحد ))) ((( رأس نميري مطلب شعبي ))))فرحنا بزمن الانتفاضة وأحلامه العراض ... بس الاسياد الجو بعد نميري حسسونا أننا اتهاتر بينا شديد وفقدنا زمن الرئيس القائد , وفي بالى بعد سنوات قليلة برضوا في حفل زواج في بر مصر في نادي ضباط القوات الجوية كان الرئيس القائد منفعل مع غنية ترباس ما تهمك من الايام ظروف بتعدي طبيعت الدنيا زي الموج تجيب وتودي ويقوم ويهز بعصاه ...
---------------------------------------------
زمن جميل يمكن لانو ما جانا بعدو زمن جميل بقينا مكنكشين في ذكرياتو
| |
|
|
|
|
|
|
| |
tmbis
ادريس خليفة علم الهدي
HAIDER ALZAIN
ASHRAF ABUELHASSAN
محمد إبراهيم علي
Hamid Elsawi
عمران حسن صالح
وليد محمد المبارك
محمد أبوالعزائم أبوالريش
حامد بدوي بشير
Magdi Ahmed Elsheikh
ناصر البطل
عادل سمير
فيس بوك
تويتر
انستقرام
يوتيوب
بنتيريست