العائدون من " الدار الآخرة " سلمى تاور و آخرون

Quote: حصل شنو يا سلمى؟ اوعى اكون نجهتك في سواقتك الرايقة و نزلتي الردمية

واااااااااااااااي يا ود البشرى
أتاري أهوال يوم الحساب دي صعبة خلااااااااااااااص

Quote: العزيزة سلمى "ما اصلو حال الدنيا، تسرق منية، في لحظة عشم"

Quote: يا زولة.. دحين في حالة زي دي بقولوا حمدلله على السلامة و لا مبروك و لا كفارة؟

Quote: الشهيد الخامس: قيقراوي اسباب الوفاة: اشهد الله انه استبسل ايما استبسال و لبس الحزام الناسف غير مرة و كل مرة الزرار ما يشتغل حتى سماه البعض "بالشهيد الحي" و ظل يكرر التساؤل عن جدوى حرمان السكاكين بدعوى الاحتراز لمن شقهاو سكين بالنص ومات وهو واقف يقطر باسيورده حرفا حرفا مرددا قول نيكوس كازنتزاكيس"لا أخشى شيئاً ، ولا آمل في شيء . أنا حر" و سقط مضرجا في دماءه الاسفيرية و نعاه محبوه و بكوه بالدمع السخين

Quote: اُعلِّق أسماءكم أين شئتم فناموا قليلاً وناموا على سلم الكرمة الحامضة لأحرس أحلامكم من خناجر حُراسكم وانقلاب الكتاب على الأنبياء وكونوا نشيد الذي لا نشيد له عندما تذهبون إلى النوم هذا المساء أقول لكم تصبحون على وطنٍ حمّلوه على فرس راكضه وأهمس يا أصدقائي لن تصبحوا مثلنا حبل مشنقةٍ غامضه – محمود درويش مسحتهم يد (أنا براي و الناس وراي) على أثر جهرهم بالحق الصراح، على اثر محاولاتهم النبيلة ان يسمع (ملك الغابة) رأيهم. رأي لا شطط فيه، أن احكم فينا بالعدل، أن اعدل في ما ملكت ولا تغرنّك القوة فهي ليست نابعة منك ، نادوا أن اسمع يا من جمعت شملنا- وبقصد أولا بلا قصد منك – جعلت لنا وطنا يجمعنا. ماتوا ميتة باسلة، اطلقها أول الشهداء بمقترح بريء "ليست المرة الاولى ولن تكن الأخيرة! افيقوا و اصطفوا صفاً!" هذه قائمة الشهداء... اتشالوا للـ (الصالح الخاص) الشهيد الأول: عاطف عبدون سبب الوفاة: مقترح في بوست المظلمة. مجرد تذكير بسيط انها ليست المرة الاولى ولا الخيرة و انه من الافضل اتخاذ موقف جماعي ... فجأة لقى روحو في صحارى السايبر من غير جمغة موية. الشهيد الثاني: قمر بوبا سبب الوفاة: حرورية القلب و الراي العديل. قال رأيو و دعمو بسرد تاريخي موضوعي لأيام الدنيا بخيرها و الدستة تلاتاشر و الجوز تلاتة. دننننننننننننننننن الدليت اشتغل و شيلك يا رفيق الزمن السمح برة. الشهيد الثالث: أميرة الشيخ سبب االوفاة: طرق أبواب الحاكم و الجهر بقولها للاعمى انت اعمى في وشو و السير على خطى الشهداء الأوائل والجهر بالحق. ... لقت روحها كنب. ننعيها بحر الدمع و القلب مفجوع ولكنها ماتت في سبيل ما عاشت من أجله. وطن حر ديموقراطي الشهيد الرابع: خضر حسن اسباب الوفاة: اربع بوستات اخترقت باسيورده الطاهر .. ضايق سيد العجلة بالتكرار و قال ليهو "كده عيب" ... هو كمان بيبالغ ... حسي بعد ما كان بيسأل كيف نواجه الخميس بقى يسأل كيف نواجه الخريف و بكري و الخميس و الجمعة و السبت و الاحد و التلات ... الاتنين والاربع ما مهمين جاين وسط الاسبوع ! الشهيد الخامس: قيقراوي اسباب الوفاة: اشهد الله انه استبسل ايما استبسال و لبس الحزام الناسف غير مرة و كل مرة الزرار ما يشتغل حتى سماه البعض "بالشهيد الحي" و ظل يكرر التساؤل عن جدوى حرمان السكاكين بدعوى الاحتراز لمن شقهاو سكين بالنص ومات وهو واقف يقطر باسيورده حرفا حرفا مرددا قول نيكوس كازنتزاكيس"لا أخشى شيئاً ، ولا آمل في شيء . أنا حر" و سقط مضرجا في دماءه الاسفيرية و نعاه محبوه و بكوه بالدمع السخين. الشهيد السادس: بنت الحسين اسباب الوفاة: تسمم بالمحشي لانو الطباخ كتر المحلبية وجات ضاقت وهي ما عارفة. قالت رأيها في بوست فتحو "انا ربكم الأعلى" قومي يا المرة موتي. لها التحية في عليائها و يذكر لها محبوها حرصها على القيادة بوعي في ظل كل الظروف. الشهيد السابع: سناء خالد اسباب الوفاة: موتة غموتية في صمة خشمها بعد ان تربص بها سيد العجلة بتنقل في منشورات محظورة . موتها بدي القاتل كرت أحمر لانو من غير سبب او لنقل احترازي وخصوصا انه جاء بعد يومين من نشرها للمنشورات الممنوعة. يعني موتة كيدية وهي تستحق ان تموت وافقة او على الاقل يكلموها هي ماتت موش تموت وهي نايمة؟! بكري بيبالغ مرات حتى في كتلو للناس! الشهيد الثامن: عزاز شامي اسباب الوفاة: ازعاج السلطات و النقة الكتيرة وعدم امتثالها للامر السامي بأنو جست اقنور انت بلاش دوشة معاك ... عملت غاغة كتلها وهي بتعمل رفريش ما لحقت تعمل ساين اوت ولو صبر القاتل على المقتول كانت ماتت بالمغسة براها. ننعيها ايضا لانها اتعدت عدد مرات الموت الاسفيري المقررة لها و هي اصلو عاشت قدر ده ليه؟ مفروض تموت من اول هجمة للهكر! شهداء محتملين: كثُر و الايام حبُلى بالكثير و لسان حالهم: لن نقول عجباً لهذا الليل وان اندفع بالظلمة قسراً وحشى وضوح النهار بألسنة اللهب فالتقاويم تخرج على عجل كلما حاول بعضنا رزم حقائب النسيان ونستعيد الذاكرة – محمود درويش برضو و من غيره؟! بكري ابو بكر .. شنو ياخ؟ عامل الحاردلو يعني و حركات تحرمني منك؟ :) يا بكري اسمعك نشيدي و اغني ليك انصفني في حكمك لأنو قاسي علي أنا يا (بكري) ظلمك تظلمني والأيام قد تنصف الانسان ... نشاهد (المنبر) عفوا عيان وبيان؟ بتبالغ؟ تدقني و تبكي انت؟ يا بكري ... ياخي انت قريت العريضة ولا الحردي عمى ليك بصرك – قلنا البصيرة بيد الله عاد – بس القراية كمان؟ فاكرني حأغني ليك زيدني في هجراني ... وفي هواك يا جميل ... العذاب سراني؟ لأ؟ اكيد بتهزر ...!! خليك مني انا ... انا حقي معاك براهو و حق العالمين ده براهو ... حاول تقرأ ... مرات والله القراية مفيدة تخيل؟ عملية فجر الاوديسا قيد التنفيذ ... اوعى تشيل ايدك من "الدليت" اقعد دلت دلت دلت لمن تلقى روحك في منبر المؤتمر الوطني! اصحى يا بريش ... موش دي ياها معركة قوى الظلام؟ مالها بقت ليك منورة فجأة كده؟ ولا هو كلام طايبات ساي؟ حتما سأعود فأنا و البامية قرايب ... نفس اللايقة و الويكة بت عمي لزم الحيطة بالحيطة

Quote: لو وفد عائد تالت يا سلمى البوست دا تسميهو (بوست البعاعيت)