|
شعرة معاوية وين يا عصام جبرالله
|
من مولانا خدر عامل قرطبة الي عصام جبرالله الخليفة الاموي
انا لا احب معاوية بن ابي سفيان بن حرب لكني لا استطيع ان انكره كسياسي من طراز فريد. لا احبه لقتله الحسين مع العلم بأني لست شيعيا. لا احبه لتوريثه يذيد رغم اني لست علي خلاف مع يذيذ. إذن لماذا لا احب معاوية ؟
_______ مولانا خدر قرطبة .. ايلول 751م
|
|
|
|
|
|
|
|
Re: شعرة معاوية وين يا عصام جبرالله (Re: خدر)
|
الخلاف الاخير حول قوانين منبر سودانيزاولاين و ما ترتب عليها لم اتابعه بشكل جدي لمشغولياتي الخاصة ورغما عن ذلك كنت حريصا ان اوضح موقفي المبدئي في شروط العقد الاجتماعي ده علي الطرفين .. حق العضوية في حماية صاحب السيرفر مما يترتب علي اخطاء السيرفا التقنية او الهجوم المتكرر من الهاكرز بفتح المجال الجوي و البري للمنبر امامهم لتوضيح مواقفهم و حمايتهم من تلك الاعطال سابقة الذكر في مقابل تقديمهم لخدمة خبرية او ترفيهية او .. الخ في المنبر بعيدا عن الاحتقان و الطعن في اسلوب إدارة المنبر (وفقا لنصوص قوانين المنبر العام ) .
| |
|
|
|
|
|
|
Re: شعرة معاوية وين يا عصام جبرالله (Re: خدر)
|
وما فائدة القول يا مولانا اذا عشان نقولو لازم نركب ليه كركاسة
________________________________
المشكلة انو مهما تحدثنا قناعتنا بأن مشاركة الاعضاء في نجاح البورد و مساهمتهم في نيله لمكانته الحالية لا يغير ذلك من الحقيقة على الارض وهي كونه "ملك" لصاحب الملك
| |
|
|
|
|
|
|
Re: شعرة معاوية وين يا عصام جبرالله (Re: محمد البشرى الخضر)
|
Quote: المشكلة انو مهما تحدثنا قناعتنا بأن مشاركة الاعضاء في نجاح البورد و مساهمتهم في نيله لمكانته الحالية لا يغير ذلك من الحقيقة على الارض وهي كونه "ملك" لصاحب الملك
|
و منو عندو مشكله ولا إعتراض علي كونو بكري مالك الموقع يا البشرى ؟ ------- سلام يا مولانا ، و كان بوستك ده قعد بجي أقعد ليك فيهو !
| |
|
|
|
|
|
|
Re: شعرة معاوية وين يا عصام جبرالله (Re: Elawad)
|
شكرا العوض علي التصويب رغما عن اني لم اذهب بعيدا فيد يذيد هي يد معاوية الاب ( زي بوش الابن و الاب ). كنت اعني الحسن الذي قتلته جنود معاوية التي من عسل و تقدس الحياة الزوجية مع امير المؤمنين. و اعترف انك ساعدتني كثيرا دون ان تقصد لافهم لماذا لا احب ذلك الابن ابي سفيان , و سأعود لذلك لاحقا
| |
|
|
|
|
|
|
Re: شعرة معاوية وين يا عصام جبرالله (Re: خدر)
|
Quote: يا بروف المشكلة انو بكري بتصرف على الاساس دا اساس انو "مالك" والاعضاء ضيوف عليه يكرمهم و يضيّفهم في حدود الضيافة إذا رأى انهم تجاوزوها يمنعها عنهم |
غايتو يا باشمهندس بعد الفدائية دي لو بكري ما شلحك بكون حولك لشاهد ملك لا إيدك لا كراعك
| |
|
|
|
|
|
|
Re: شعرة معاوية وين يا عصام جبرالله (Re: خدر)
|
لي مع الخليفة الاموي اعلاه تجربة سابقة و صراع مع ادارة منبر مجاور حول ديمقراطية الادارة في التعامل مع العضوية انتهت بفصلنا من الموقع فذهبنا و في بالنا ان اوان تقييم تجربة الوسائط الالكترونية السودانية لم يحن بعد لاختلاط حابل إدارات تلك المواقع بنابل عدم إتفاق الدول ناهيك عن تلك الادارات علي تبني منهج موحد للديمقراطية ليبرالية كانت ام شعبية ام علمانية ام حسن موسية , و بكلام اكثر دقة, إنعكاس خلافات حكامنا حول الديمقراطية و تعريفاتها هو الاجدر بالبحث و التفكير في الراهن اكثر من اللهث خلف فهم طبيعة ما يجري في اضابير وسائط الاتصال علي الشبكة السودانية.
| |
|
|
|
|
|
|
Re: شعرة معاوية وين يا عصام جبرالله (Re: خدر)
|
المنبر في السنوات الاخيرة يتعرض لهجوم متواصل من منسوبي المؤتمر الوطني علي خطين متوازيات , الاول منسوبي المؤتمر الوطني من الاعضاء و ديل بستخدموا ستار شعارات سودانيزاولاين نفسها (الديمقراطية و الحرية لنا و لسوانا) والتاني منسوبي المؤتمر الوطني من الهكر و ديل بدخلوا و بمرقوا حسب سخونة الاحداث السياسية علي ارض الخرطوم. إذن المنبر مستهدف من المؤتمر الوطني (زنقة زنقة) بإعتبارو راس الرمح في نقل الاخبار التي تنجح أجهزة نافع في إخفائها و تجميلها في اجهزة الاعلام و معرف طبعا ن الانقاذ لبثت عل رقاب لبلاد و العباد كل تلك السنوات بإهتمامها و سيطرتها علي الاعلام و رباط الخيل. صاحب الموقع في خضم ده كلو مطالب بإنو يكون صاحي 24 ساعة في اليوم لمتابعة الصراع المحموم ده للحفاظ علي منبرو (مشروعو الحياتي) من التهديم بسبب هلع المؤتمر الوطني من المنابر الاعلامية الواقعة خارج خارطة سيطرتو و تحديدا سودانيزاولاين.
| |
|
|
|
|
|
|
Re: شعرة معاوية وين يا عصام جبرالله (Re: خدر)
|
>>>.................................>>>>>...........................> >>>...............................>>>>>>>>....................> وانا الصاحى...... وأنا الصاحى ارى النور أشباح الظلام .................................. من حطام
| |
|
|
|
|
|
|
Re: شعرة معاوية وين يا عصام جبرالله (Re: حاتم علي)
|
حاتم علي شكرا يا فنان علي المرافعة الضافية و بتمني من العارفين بالعقود و قوانين الملكية المشاركة في البوست و إضافة المذيد من المعلومات
برضو بطلب حضور العارفين بخبايا السيرفر من العضوية للحديث و لتحليل الجوانب التقنية لمنبر سودانيزاولاين و لماذا يتم إختراقه كل فترة و كيفية قفل تلك الثغرات.
| |
|
|
|
|
|
|
Re: شعرة معاوية وين يا عصام جبرالله (Re: aydaroos)
|
محمد مكي المسهرك شنو يا فنان !! اجدع سهمك معانا ياخي
ود العبيد فروق الوقت مهمة يا زميل
عيدروس تشكرات يا صاحب و ساهم معانا في فك طلاسم الموضوع دي
تكرار السادة اصحاب الفخامة خبراء الشبكات , الرجاء حضوركم علي وجه السرعة لشرح و تشريح خصوصية سودانيزاولاين و كيف يتم تهكيرة بصورة منتظمة و ماهي الحلول لتلافي وعلاج تلك الهجمات ؟ سمعت سابقا نُتفا عن ان تصميم الفيرشن المستخدم في سودانيزاولاين قديم و ما عندو قطع غيار في الوقت الحالي لانو الجنريشن الجات بعدو كلها مختلفة في تصميمها و انو دي واحدة من مشاكل الموقع .. هل الكلام ده صحيح ؟
| |
|
|
|
|
|
|
Re: شعرة معاوية وين يا عصام جبرالله (Re: خدر)
|
.
يا عامل قرطبة بالله أسأل لينا صاحبك حاتم علي الذي يقول:
Quote: الفكرة في انو كلو موقع بيكتب ليك (سياسة الخصوصية) Privacy Policy بوضح ليك حقوقك شنو الملتزم ليك بيها الموقع ، عشان بعدين لو انتا مشيت لي محكمة و عملتا Claim of Damages يعني قلتا انك اتضررتا من الموقع دا و اثبتا واقعة الضرر دي ، صاحب الموقع بيطلع سياسة الخصوصية بتاعت موقعه و بقيف قدام المحكمة و بيقول للقاضي اهو دي سياسة الخصوصية حقتي و دا الانا ملتزم بيهو مع المستخدم دا ، أي حاجة خارج سياسة الخصوصية بتاعت الموقع بتاعي انا دا طرفي منها و بتعتبر معلومات صالحة للنشر Public Information
|
أسأله السؤال الطويل ده : هل من حق كل من يملك موقع خصوصي أن يغير ويبدل ويستخدم ويعطل شروط إستخدام موقعه هذا دون إخطار الأعضاء المنتفعين من موقعه، ولو من باب العلم بالشيء الخصوصي ده، لأن عندنا صاحبنا يعمل عاملا في قرطبة ... كانت قد جنت عليه "براقش" ذات موقع، كان يعاني من نفس المتلازمة دي؟
.
| |
|
|
|
|
|
|
Re: شعرة معاوية وين يا عصام جبرالله (Re: aydaroos)
|
ولدنا والى قرطبة
بلاهى كان فى ربة قدر ده ... والله لا علم لنا بارك الله فيك ان نورتنا
فقط ما قصة هذا الرعديد عصام جبرالله ؟؟؟ الم يكتفى هذا الرجل بأن يكون زراعا للمستلبين كارهين زاتهم فى دول العالم الرااااقى شدييييييد
| |
|
|
|
|
|
|
Re: شعرة معاوية وين يا عصام جبرالله (Re: Siham Elmugammar)
|
فيما يخص الخلاف الاخير و ما حدث مع الزميلة عزاز احب ان اؤكد موقفي السابق و قلتو في البوست المعني و هو حق عزاز في التوضيح بالطريقة التي تريد طالما لم تتجاوز قوانين المنبر المنبر و قرار بكري بسحب بوستاتها التوضيحية الاولي كان خاطئ ولا افهم كيف اعطي بكري نفسه الحق في تكميم صوتها لتوضيح ما حاق بها من الهاكرز او اي كان اسمه. يا بكري عن نفسي اجد لك العذر كثيرا لمهامهك الجسيمة في الحفاظ علي الموقع و حمايته من غزوات الانقاذ الرسالية و احيان اخري اقول لنفسي انو ده حقك في سياق سباق المنابر انك تعزل من تشك في علاقته بمنابر اخري و يسعي لتهديم منبرك و احيان اخري اقول ان التركيز علي تأمين الموقع و الحفاظ علي مكانتو الكبيرة ممكن يفقدك التركيز و تتخذ قرارات خطاء بسبب الضغط العالي لمتابعة التجاوزات في المنبر و الهاكرز .. لكني اعلم جيدا كما تعلم انت ان حماية الاعضاء من اولويات مهامك هنا ايضا, قرار حذف بوستات عزاز الاولي كان قرار خاطي و ادي للاحتقان الاخير. الان كيف لعضوية المنبر ان تكتب بامان في ظل عدم حماية خصوصية معلوماتها مع هجمات الهاكرز المتكررة .. لست من انصار إنتخاب اعضاء للادارة لمساعدتك في مهام ادارة الموقع , دي تجارب دخلنا فيها في سودانيزاولاين قبلا و لم تعط نتيجة لكن السءال الذي يشغل الجميع الان هو طرائق حمايتهم و حماية خصوصيتهم من هجمات الهاكرز و ما هو موقف بكري من قضية الخصوصية علي وجه التحديد؟
شعرة معاوية يا بكري في إدارتك للخلاف هنا مسئول عنها انت مناصفة معنا كعضوية , بيدك حسم الخلاف و التجاوزات .. إذن تجاوزاتنا في حق منبرك في يدك حلها فكيف هي مظالمنا عندك ؟
| |
|
|
|
|
|
|
Re: شعرة معاوية وين يا عصام جبرالله (Re: Elmosley)
|
سيف اليزل عاملنا في نجد قول ليهو براك , اسألو ليك انا ليه ؟
سهام يا عاملتنا في بلاد السود آن شفتي الخليفة الاموي دي متجدع كيف خليفة اموي حتة واحدة
طارق جبرين قول يا مسنوح , الحبة ما بتجيك قوي قلبك بس
استاذ يوسف سلامات يا فنان و شوق كلامي عن معاوية و الحسن /الحسين و بني امية اوردتو في سياق سيادة جو الاحتقان الحالي و عدم وجود ضابط للتعامل معه (الامزجة من الجانبين بكري او الاعضاء) فالمزاج و الشكوك ليست ضوابط جيدة لتحديد موقف ما ضد ام مع. انا ادين مواقف بكري في مجملها فيما يخص فصل الاعضاء لاكني لا انفي تفهمي لسياسة بكري بسبب الضغط العالي عليهو من اجل الحفاظ علي الموقع ببساطة لانو ده هو نفس بكري الحافظ علي سودانيزاولاين كاكبر منبر حوار علي الشبكة السودانية من غزوات الهاكرز و مطالب ايضا بحفظ توازنات الصراع السياسي بين الاعضاء في منبر الحوار بالاضافةالي إستكتاب كتاب معروفين للكتابة بالموقع زائدا تحرير صفحة الاخبار ... الخ.
ثم مشتاقين تاني و مليون يا صاحب
| |
|
|
|
|
|
|
Re: شعرة معاوية وين يا عصام جبرالله (Re: Elmosley)
|
.
Quote: شعرة معاوية وين يا عصام جبرالله |
دي ذكرتني بقصة فرانسيس دينق مع ناس الانقاذ، إبان زيارة له يستطلع أحوال حقوق الإنسان في السودان، وبعد أن أجرى لقاءات هنا وهناك مع بعض أعضاء الحكومة، وظهر على أجهزة الاعلام متحدثا بلسان دبلوماسي فصيح عن كرم الضيافة وحسن تعاون اجهزة الدولة، وعندما بلغ "قرطبة الأمم آمنا " نشر تقريرا "زي الزفت" عن اوضاع حقوق الإنسان في السودان، فصاح مضيفيه من رهط الإنقاذ أن السيد فرانسيس دينق لم ينشر التقرير الحقيقي الذي أعده في الخرطوم، وتبعتهم أجهزة الإعلام وهي سادرة: شعرة معاوية وين يا فرانسيس جبر الله؟
فعصام جبر الله كسره، برئ من شعرة معاوية .. براءة فرنسيس من تقرير جماعة الرئيس!
.
| |
|
|
|
|
|
|
Re: شعرة معاوية وين يا عصام جبرالله (Re: سيف اليزل الماحي)
|
لووووووووب
لمن معاوية طلع براءة من دم ابن الكرار
قال :
Quote: شكرا العوض علي التصويب رغما عن اني لم اذهب بعيدا فيد يذيد هي يد معاوية الاب ( زي بوش الابن و الاب ).
|
و نسى انو قال في استهلال البوست انو [ ما عندو مشكلة مع يزيد ]
فتامل!!؟
ما كان احسن ليكم تخلوا معاوية يقطع طاري الشعرة دي!؟ او بالميت تخلوا كسر الله يكسر جبر الخاطر دا
لوووووول
مشتاقين يا مولانا
| |
|
|
|
|
|
|
Re: شعرة معاوية وين يا عصام جبرالله (Re: قيقراوي)
|
Quote: .. لست من انصار إنتخاب اعضاء للادارة لمساعدتك في مهام ادارة الموقع , دي تجارب دخلنا فيها في سودانيزاولاين قبلا و لم تعط نتيجة لكن السءال الذي يشغل الجميع الان هو طرائق حمايتهم و حماية خصوصيتهم من هجمات الهاكرز و ما هو موقف بكري من قضية الخصوصية علي وجه التحديد؟ |
Quote: انا ادين مواقف بكري في مجملها فيما يخص فصل الاعضاء لاكني لا انفي تفهمي لسياسة بكري بسبب الضغط العالي عليهو من اجل الحفاظ علي الموقع ببساطة لانو ده هو نفس بكري الحافظ علي سودانيزاولاين كاكبر منبر حوار علي الشبكة السودانية من غزوات الهاكرز و مطالب ايضا بحفظ توازنات الصراع السياسي بين الاعضاء في منبر الحوار بالاضافةالي إستكتاب كتاب معروفين للكتابة بالموقع زائدا تحرير صفحة الاخبار ... الخ. |
انا بقترح انو بكري ده نستنسخو
انت مولانا ولا عامل قرطبه جهجهتنا زاتو
| |
|
|
|
|
|
|
Re: شعرة معاوية وين يا عصام جبرالله (Re: خدر)
|
Quote: كنت متوقع منك مساهمة اعمق يا فنان
|
مافي نفس حالياً
انت قلوك الشهادة و تقوم بعدا بعاتي دي هينة و لّ شنو؟
ما لازم تجرد حساباتك و تراجع الصاح وين و الغلط وين؟ بعدين تقرر تمشي في السكة تمد و لا تقطع شعرة معاوية من طرفك... ولّ شنو؟
----
ياخ ابسط حاجة نطلع من حالة الرعب الدخلتا فينا الحذف و خلانا نكتب دون اكتراث للفكرة و الحرف ليس ليس بس ... فيها يطلع كويس .. و فيها لأ؟ الشغلة عاوزة وقفة مع النفس قبل مع الناس عسى و لعل نلقى لينا اتساق ما يقيم عوج الحاصل او يقيم صلبنا بمحشي يليق
الله في و العماغة بتجيك كان الله هون، و كتب ليها و لينا رجعة و خمدت الروح المتمردة دي
| |
|
|
|
|
|
|
Re: شعرة معاوية وين يا عصام جبرالله (Re: قيقراوي)
|
ده كلام من نوع الكلامات البتعجبني لانو فيا تآني و تفكير و بعد داك تقرير احييك يا قيقا الاصلع
لكن بس قصة الروح المتمردة دي انا ما معاك فيه نحن شن طعمنا بلا التمرد الفينا ده ؟ خليها متمردة .. انت قايل التمرد ده شكل طوالي و قطيعة ؟ ولا التمرد حا يلغي العقلانية الفينا ؟
| |
|
|
|
|
|
|
Re: شعرة معاوية وين يا عصام جبرالله (Re: خدر)
|
Quote: لكن بس قصة الروح المتمردة دي انا ما معاك فيه نحن شن طعمنا بلا التمرد الفينا ده ؟ خليها متمردة .. انت قايل التمرد ده شكل طوالي و قطيعة ؟ ولا التمرد حا يلغي العقلانية الفينا ؟
|
لووووووووب
شفتا اها دا دفن الليل اب كراعاً بره الخفت منو ذاتو كلامك انت الصاح و انا لمن الخاطئين و كان خلينها، هي بتخلينا؟
بعدين الاهم بالنسبة لي في المرحلة دي. جبر الضرر و تسوية آخر مظلمة. بقية المعتقلين فتحة الباب مع صرّة دي، ما كافية ليهم.. الناس بتختلف، و تختلف مداخلها و مقارباتها للشغلة ... اهن ... في المتمسك و متمترس بالاعتذار او لا عودة. دي وجهة نظر وجيهة مع تحفظي الشخصي عليها. و في الما ح يرجع تحت أي ظرف تاني و داير اسمو يخلوهو ليو اسوااااااد. و دي انا شخصياص ما شايف ليها وجاهة لكني احترمها. الكلام الـ ( الابروتش ) يا حبيب. و الشغلة عاوزة قليل من الحكمة و كثير من المحبة. و الباقي هين
| |
|
|
|
|
|
|
Re: شعرة معاوية وين يا عصام جبرالله (Re: خدر)
|
يا بتاع قرطبة انت ما تقول لى يا بتاعت السودان الموضوع كبير قدر ده وارتفعى بمستوى المداخلة
صدق لما اتداخلت بالجد ما كنت عارفه حجم الموضوع شنو الا بعد الاطلاع على بعض البوستات ذات الصلة لا لا لا جد انا مهزومة جد
ياخ الحرية لنا ولسوانا وحق التعبير وعييييييك امانه ما تمرين شاق و صعب و مرير وخصوصا لو الزول فى يدو سلك خلى سيف امانه السلطة ما عندها قدلة
| |
|
|
|
|
|
|
Re: شعرة معاوية وين يا عصام جبرالله (Re: خدر)
|
Quote: سؤالك بطبيعة الحال موجه لعناية بكري ابوبكر , لكن انا متزكر كويس جدا آخر شكلة لي مع بكري قال لي انت قايل يا خدر انا بجوني كم ايميل في اليوم شكاوي زي شكيتك دي ؟ |
طالما بكري هو من قرر إنو الشكاوي كلها تمر بعليائو المجيده : يبقي يتعامل معاها ولا كمان يعين ناس يديرو معاه الشغله دي لانو براهو ما بقدر !!
| |
|
|
|
|
|
|
Re: شعرة معاوية وين يا عصام جبرالله (Re: أمين محمد سليمان)
|
Quote: السؤال بكري يناقشو كيف و هو في عليائه المجيده ؟!! |
لالا يا أمين دى ماحبيتا منك ابنووووب
ياخى بكرى دا مقنع جدا.. أها نديك قصة من الواقع:
مرة بكرى شلحنى ليك أنا بس من مجموعة من المبظوتين جريت سلك وانا زعلان قلت ياغرق ياجيت حازما (الباسويرد)
قلت ليهو ياخى توقفنى براى وعندك خمسة تانيين وفى نفس المشكلة ماوقفتهم
قال لى: ياخى هسع انا بكون سايق فى الهاى وى بسرعة 75 ميل واتنين تانيين ماشين بسرعة 80 ميل بتاع الشرطة يوقفنى ويدينى تكت ومايوقف الاتنين الماشين أسرع منى.. وأضاف تعرف ليه؟ قلت ليهو ليه؟ قال لى:لأنو أنا كنت ماشى فى اللين المطرف وديلاك كانوا فى اللينات الداخلية..
أها قلت مع السلامة مع تبادل الضحكات ولاغرق ولا جيت حازما
أها بأمانة يا أمين هسع انت مااقتنعت؟؟
| |
|
|
|
|
|
|
Re: شعرة معاوية وين يا عصام جبرالله (Re: Balla Musa)
|
Quote: مرة بكرى شلحنى ليك أنا بس من مجموعة من المبظوتين جريت سلك وانا زعلان قلت ياغرق ياجيت حازما (الباسويرد)
قلت ليهو ياخى توقفنى براى وعندك خمسة تانيين وفى نفس المشكلة ماوقفتهم
قال لى: ياخى هسع انا بكون سايق فى الهاى وى بسرعة 75 ميل واتنين تانيين ماشين بسرعة 80 ميل بتاع الشرطة يوقفنى ويدينى تكت ومايوقف الاتنين الماشين أسرع منى.. وأضاف تعرف ليه؟ قلت ليهو ليه؟ قال لى:لأنو أنا كنت ماشى فى اللين المطرف وديلاك كانوا فى اللينات الداخلية..
أها قلت مع السلامة مع تبادل الضحكات ولاغرق ولا جيت حازما
|
يا دكتور .. ياخي مداخلتك دي تستحق بوست براهو و اراهنك المشاركات فيها حا تفوت بوست الهندسة و المعمار براااااااااحة انا لو منك بيعها لحمودي العسل بجيها تب
| |
|
|
|
|
|
|
Re: شعرة معاوية وين يا عصام جبرالله (Re: Balla Musa)
|
الزول ده مُصِر يغتس ما تبقي من حجرى, زمااااان لقانا سغار و جهال شبكنا النمل النمل و جاب عودو - الفي الكاركاتير ذاتو - و قعد يغنى "أبو لى بي النمل أبو لى بي" و أنا على طلاشه - تشبه طلاشه العميغ قيقا ده - باريتو الى أن أفقت في العنايه المكثفه بعد ضربه قاضيه من عزيزنا حسن موسي , آند ذا ريست إذ هيسترى. حقو ناس عزيزنا حسن يرجعونى لأنى أفقت من غيبوبة تضليل مولانا و رجعت لخانة الأدب و فارقت قلته و المجمجه و ما شابهها. شايف مولانا خلا الخطه النمليه و داخل بي واحده شعريه , للضمان أحسن الواحد يتأكد: هل للرمز ده - الشعر - أى صله بانعدامه عند سيد الكوره؟ يا مولانا انا أبو عيال و عندى ضغط و سُكرى و العصبي ذاتو و عدت لا أحتمل رفديه تانيه , و مصارعة اصحاب القوه و السلطه عاوزه الصحه و الذهن الشغال و الشجاعة , و البلاد ليست بحوجه لمزيد من الشهداء , على الأقل ليس في معارك لا معنى و لا ضرورة لقيامها أصلآ , أن كان لا بد و من شهداء فليكن في معركة نهايات المعارك و الحروب , إما القيامه أو الحياة. دى هضربة لا داعى للتوقف عندها كثيرآ.
بره/جوه السياق : قيقا لا تؤكل كما أكل الثور الأبيض المتشنج الهائج - تقرأ بعض جماعة النمل حينها , و تقرأ أيضآ كل حركتنا السياسية عدا استثناءات قليله جدآ جدآ . سهام :
Quote: فقط ما قصة هذا الرعديد عصام جبرالله ؟؟؟ الم يكتفى هذا الرجل بأن يكون زراعا للمستلبين كارهين زاتهم فى دول العالم الرااااقى شدييييييد |
فلان الفلانى "هدّا" فوقك و لا عدت على رأبتك سحليه!!! عين الحسود فيها عود .... مستلب؟ انتى بقيتى مثقفه من ورانا و لا شنو؟ مولانا:
Quote: قال ليهو ما تغني ياخ .. انت قايل روحك حسين شندي ؟ |
على الحرام قصتك دى رغم انى ما سمعت بيها قبل كده لكنها ناقصه, وين رد الباشكاتب؟ تتمها و لا أحكى حقتو التانيه بتاعت "الطين يا أستاذ" و أوديك انت و معاويه و كل الضفائر و الشهداء الخور! سلام للجميع و نتفاهم
| |
|
|
|
|
|
|
Re: شعرة معاوية وين يا عصام جبرالله (Re: esam gabralla)
|
Quote: الزول ده مُصِر يغتس ما تبقي من حجرى, زمااااان لقانا سغار و جهال شبكنا النمل النمل و جاب عودو - الفي الكاركاتير ذاتو - و قعد يغنى "أبو لى بي النمل أبو لى بي" و أنا على طلاشه - تشبه طلاشه العميغ قيقا ده - باريتو الى أن أفقت في العنايه المكثفه بعد ضربه قاضيه من عزيزنا حسن موسي , آند ذا ريست إذ هيسترى
|
[ عزيزنا حسن موسي ]!!؟ يا قومسيار اليسار في الاسافير؟ يخسي على اللون البهد
لوووووول
-------
يا كسر الله و خدر خلونا نتكلم جد طيب ...
هل الناس شايفة الحاصل دا مجرد طلاشة و شغل نمل ساي، و لّ اتساق ذاتي، و تماهي مع مبادئ و مفاهيم. [ الديموقراطية بت الكـــلب ]* دي هل هي مجرد شعار خاوي كبير- آخر - بس!؟ و ليه قاعدين نفقدا بعد استعدناها مرتين؟ هل دا مرتبط بانها ما متجذرة؟ و شغلة قشرية ( بأي تشكيل قراتها لا تثريب عليك اليوم ) و بداية استعادتا دي تبدأ من فوق و لّ من تحت؟ اها انا طلاشتي محدثاني انو الثورة تبدأ بثورتي على انا دا اول. و على منابرنا و مؤسساتنا و صعوداً الى النظام اتسلف .. ما العكس ... العكس حصل مرتين و بقى لثانيتين اتنين ... ليه؟
وقديماً قيل بحق : فاقد الشئ لا يعطيه
شغل نمل؟ ايوة ما قلنا حاجة. .. و كمان حرث في البحر ... المافي شنو!؟
حرفة النمل هي كعبة قالوك - الا عند آية الله العظمى الحسن الموسوي " تقدس سره " - نمل نمل طويلون كالمدى نفسي
كتب خالد عباس الطاهر [ كتب عماد بوصالح ( عندما خرجت الانسانية من مشوار التثوير الطويل جريح. لاذ الكاتب بعالمه الخاص. يتأمل و يتعلم من تامله. لاحظ ان :الديناصورات بوحشيتها الاسطورية هي التي انقرضت و عاش النمل كائناً رقيق يموت إن مسه الماء.. عاش حليفاً للسكر. و حجز سورة باسمه في القرآن الكريم )]**
* الحقوق محفوظة ** بتصرف صغير
| |
|
|
|
|
|
|
Re: شعرة معاوية وين يا عصام جبرالله (Re: أمين محمد سليمان)
|
Quote: الزول ده مُصِر يغتس ما تبقي من حجرى, زمااااان لقانا سغار و جهال شبكنا النمل النمل و جاب عودو - الفي الكاركاتير ذاتو - و قعد يغنى "أبو لى بي النمل أبو لى بي" و أنا على طلاشه - تشبه طلاشه العميغ قيقا ده - باريتو الى أن أفقت في العنايه المكثفه بعد ضربه قاضيه من عزيزنا حسن موسي , آند ذا ريست إذ هيسترى. حقو ناس عزيزنا حسن يرجعونى لأنى أفقت من غيبوبة تضليل مولانا و رجعت لخانة الأدب و فارقت قلته و المجمجه و ما شابهها. شايف مولانا خلا الخطه النمليه و داخل بي واحده شعريه , للضمان أحسن الواحد يتأكد: هل للرمز ده - الشعر - أى صله بانعدامه عند سيد الكوره؟ يا مولانا انا أبو عيال و عندى ضغط و سُكرى و العصبي ذاتو و عدت لا أحتمل رفديه تانيه , و مصارعة اصحاب القوه و السلطه عاوزه الصحه و الذهن الشغال و الشجاعة , و البلاد ليست بحوجه لمزيد من الشهداء |
سبحان الله !! المخلوق ده عزيزي القارئ بعرفو لي عشرين سنة و نص , اول مرة اعرف انو حريف نكتة في الكتابة !!
___________ والله يا ود جبرالله بضحك من قبيل زي المجنون , المقلب انو حسن زلابية يصدق كلامك ده و يرجعك
| |
|
|
|
|
|
|
Re: شعرة معاوية وين يا عصام جبرالله (Re: خدر)
|
Quote: المقلب انو حسن زلابية يصدق كلامك ده و يرجعك |
ياخدر دا لو رجع مافى حدى حايعرفوا
ياخى زول يتسلخ قبل الضبح ثم يضبحوه ثم يغمسوه فى جهنم تانى حاتكون فضلت فيهو ملامح عشان يعرفوه دا عصام ول بن لادن؟
| |
|
|
|
|
|
|
Re: شعرة معاوية وين يا عصام جبرالله (Re: Balla Musa)
|
Quote: والله يا ود جبرالله بضحك من قبيل زي المجنون , المقلب انو حسن زلابية يصدق كلامك ده و يرجعك |
لووووووووووول يعني دمرنا و انتهى مننا دا كلو انبراشة لحسن موسى و حسن اولئك رفيقا بس!!؟ دا كلو عشان يردوهو في مسماه بهناك بس!؟ انت عرفناك اغويتو و نمّلت بيو .. اها انا ذنبي شنو مطلعني ليك ابيض و تور و هائج و عميغ كمان!
| |
|
|
|
|
|
|
Re: شعرة معاوية وين يا عصام جبرالله (Re: قيقراوي)
|
Quote:
Quote: سؤالك بطبيعة الحال موجه لعناية بكري ابوبكر , لكن انا متزكر كويس جدا آخر شكلة لي مع بكري قال لي انت قايل يا خدر انا بجوني كم ايميل في اليوم شكاوي زي شكيتك دي ؟ |
طالما بكري هو من قرر إنو الشكاوي كلها تمر بعليائو المجيده : يبقي يتعامل معاها ولا كمان يعين ناس يديرو معاه الشغله دي لانو براهو ما بقدر !!
|
مجيدة حارة؟
| |
|
|
|
|
|
|
Re: شعرة معاوية وين يا عصام جبرالله (Re: قيقراوي)
|
سلام يا قيقا لحسن الحظ انك لم تفهم المداخلة الأولى أعلاه في شأن ما حدث و لا زالت آثاره قائمة باعتبارها تقليل من أهميته أو استهانة بالأمر, بل هى محاولة - قد تكون غير موفقة في نظر البعض - لتخفيف الاحتقان و الشد و الجذب الحاد الحاصل الآن, لأن التوتر الحادث لا يساعد على المفاهمات و هى في تقديري الطريق الوحيد المتاح للتوصل لحلول معقوله, ليس بغرض ارضاء طرف أو كل الأطراف بل بغرض ايجاد حد أدنى يسمح بحوار صحى يقود لاتفاق حول العلاقات المعقده القائمة بين عضوية الموقع و ادارته/مالكه. ده كله مستند على معارف و معلومات حول موضوع مواقع الحوار بشكل عام من خلال العمل في تطوير المواقع أو من خلال العضويه في مواقع سودانيه و غير سودانية و الأهم هى تجربة شبيهة - و قطعآ ليست مطابقة - في صراع سابق مع ادارة سودان فورأول انتهت بفصلى ضمن آخرين سابقين و لاحقين, مش لحظات الحدث نفسها هى فقط المهمة في تقديري الأهم هو ما بعدها و بالذات عندما يخف او يختفي التوتر بتاع الواحد و التحفز و التشنج و المراره و يبدأ ياخد خطوات بعيدة شوية من المشهد كلو و يعاين ليهو كأنما هو ليس جزء منه , بتتوصل لآراء و استنتاجات أكثر عقلانيه و ايجابيه تجاه الحدث كله و تجاه موقفك و شوفك و تحليلك و موقعك في سياق جريان الأمور, و ده لا يعنى بالضروره تغيير أو التنازل عن موقفك الأصلى اذا لسه بتشوفو في جوهره صحيح (مثلآ لا زلت أرى جوهر موقفي في الخلاف مع فورأول لا زال صحيح, المراجعات الرايقة دى بتتم ليهو هو ذاتو و لكل ما حوله كمثال الاشياء الانتجا التوتر و الانفعال أو ضيق الشوف لأى سبب ). طبعآ ممكن أن يظل الواحد حاقص قبلو للأبد في الحدث بكل مناخه النفسي و مرارته لكن ده ما مفيد للشخص نفسه , المهم هى الاستنتاجات الصحيحه و المفيدة تشيلا معاك و تمشي لقدام. المقدمه الطويله و مليانه بحكى و بديهيات ضروريه جدآ, والغرض منها على الاطلاق ليس القول انو القصه دى نحنا عارفنها و خضناها أو اننا حكماء او مجربين , الهدف بتاعى انو ضرورى يكون في قبول و اعتراف حقيقي بالاراء و المواقف المتعدده , اختلفت و اتفقت جزئيآ أو كليآ, تقاطعت هنا و هناك او لم تتقاطع. التصنيفات الجاهزة و معده مؤذية جدآ للقضايا مهما كان نبلها و احيانآ مضيعه للحقوق الواضحه , كلامى ده لا ينحصر على القضية محل نقاشنا بل تتجلى اكثر في الشأن العام و كلك نظر. ده كلام عام, حا أجي عشان نتفاهم في التفاصيل و حا أبدأ بأراء حول المواقع و سودانيزاونلاين و مالكه و ادارته بكرى ابوبكر. صباحاتو بيضا
| |
|
|
|
|
|
|
Re: شعرة معاوية وين يا عصام جبرالله (Re: محمود الدقم)
|
.
Quote: لمن الباشكاتب كان بدوزن في العود في المسرح لمدة طويلة قام الجعلي لكزو بي عصايتو و قال ليهو ما تغني ياخ .. انت قايل روحك حسين شندي ؟ |
ذكرتني قصة الشاب الفنان وأبوه كان عازف كمان في الفرقة بتاعتو، الأبو كره الولد الغنى والحفلات، الولد شابكو ليك ياحاج انت كبرت السهر ما كويس معاك، إعتزل ياحاج والله عدادك بجيك للبيت وبالزيادة لكن عمك شايل كمنجتو وشغال ضبح في ولدو أسماعيل الفنان، بالمختصر كده ... الفنان اسماعيل في يوم شغالين حفلة كده ... فجأة رفع يدو وقف ليك الغنى وقال العازفين : ياشباب في واحد زفت وراي عامل نشاز! أبوه لكزو بقوس الكمنجه وقال ليهو: (*)
----------------------------- (*) والله إلا تقول لينا رد الباشكاتب زي ما قال ليك عصام
.
| |
|
|
|
|
|
|
Re: شعرة معاوية وين يا عصام جبرالله (Re: سيف اليزل الماحي)
|
أوو عمكـ خدر .. يعلم الله مشتاقين .. وين مختفي؟ آخر مرة اتلاقينا في معركة ذات الرمادية التي كسبناها تلتين/ صفر!!
ياخ أنا ماشي في البوست دا زي الحلاوة ـ أي والله ـ لحدي ما وصلت الهاي وي بتاع عمكـ د. بلة .. منها ما عارف الحصل شنو .. غايتو شكلو الواحد مشى باللين المطرّف زاتو!!
إنا لله ياخ! غايتو ما أظن في زول بعرف بكري أبو بكر حقيقة كـدا ويجي يطالبوا بأي حاجة هنا دا .. ياخ دا زول الله في بورض الله!!!
أما فيما يختص بـ (شعرة) جبر الله .. فخلوها لقدام شوية!!
| |
|
|
|
|
|
|
Re: شعرة معاوية وين يا عصام جبرالله (Re: سيف اليزل الماحي)
|
.
Quote: - و قطعآ ليست مطابقة - في صراع سابق مع ادارة سودان فورأول انتهت بفصلى ضمن آخرين سابقين و لاحقين, مش لحظات الحدث نفسها هى فقط المهمة في تقديري الأهم هو ما بعدها و بالذات عندما يخف او يختفي التوتر بتاع الواحد و التحفز و التشنج و المراره و يبدأ ياخد خطوات بعيدة شوية من المشهد كلو و يعاين ليهو كأنما هو ليس جزء منه , بتتوصل لآراء و استنتاجات أكثر عقلانيه و ايجابيه تجاه الحدث كله و تجاه موقفك و شوفك و تحليلك و موقعك في سياق جريان الأمور, و ده لا يعنى بالضروره تغيير أو التنازل عن موقفك الأصلى اذا لسه بتشوفو في جوهره صحيح (مثلآ لا زلت أرى جوهر موقفي في الخلاف مع فورأول لا زال صحيح, المراجعات الرايقة دى بتتم ليهو هو ذاتو و لكل ما حوله كمثال الاشياء الانتجا التوتر و الانفعال أو ضيق الشوف لأى سبب ) |
عصام جبر الله .. خليك فاكر إنو "نحنا ههههههه" رفضنا أن نمسك العصا من النص مع إدارة المقبرة الاسفيرية، فجنس كلامك "العقلاني قال!!" الفوق ده بجيب ليك الهوا .. وصراحة كده بعد وضعك الصحي ده نحنا ما مسؤلين من اي كسور تجيك من ناس "الموقع المجاور" على قول خدر! يعني عادي ممكن الرئيسة تكتب ليك حسن بقول ليك: نحنا المطاعنات "عاقلة ولا مجنونة" ما فاضين ليها! والله عندك ضغت، عندك سكري، عندك عمى ألوان، عندك مزرعة، دي حاجات تخصك، ولسنا مسؤلين عن علاجك، ولا يسألنا أحد عن الدعاء بشفائك، ومافي زول مننا قال ليك أمشي أمرض لكن تتكلم عن موقعنا ده بالحق ولا بالباطل ... إلا يمرقوك كرعيك، ولاعذر لمن أنذر، والحاضر يكلم العيان، وقيل العميان، وقيل أظرط من ذلك!
قايتو ربك يستر،
.
| |
|
|
|
|
|
|
Re: شعرة معاوية وين يا عصام جبرالله (Re: سيف اليزل الماحي)
|
Quote: هل الناس شايفة الحاصل دا مجرد طلاشة و شغل نمل ساي، و لّ اتساق ذاتي، و تماهي مع مبادئ و مفاهيم. [ الديموقراطية بت الكـــلب ]* دي هل هي مجرد شعار خاوي كبير- آخر - بس!؟ |
سلامات يا قيقا إتساق ولا علي كيفنا!! و اوريك كيف !! فيما يخص غزواتنا السابقةعلي مضارب الفورلاب كانت بالنسبة لي إتساق كامل بين ما اؤمن به و شعارات المنبر الفورلابي , حقي و الاخرين في الكتابة دون تقليل من شأن الاخرين و في حال حدوث الانتهاك ده ما عندي خالص مانع اخوض فيهو ردا عليهو و المافي شنو يا قولك ,كنت شايف اني بقول و بطبق في حقي و آخرين داخل طاقية الديمقراطية البفهمها كل زول فيها و قدراتو الذهنية (شفت المقلب وين) و في الاخر كان رضيت و كان ابيت ده صراع فكري بنتهي بثقل كفة مجموع علي آخر او بسحب كلمة الدخول خاصتك بواسطة مودريتر بالو ما طويل لقصة الديمقراطية دي و في الحالتين انحسم الامر و كل زول نام علي الجنب البريحو و التقييم لعزيز بشاشا القارئ. اها إتساق ولا ما إتساق ؟.
فيما يخص منبر بكري ابوبكر, منذ سنوات سحب بكري كلمة المنبر الحر و إستبدلها بالمنبر العام في إنقلاب قصر غير مفهومه دوافعو لحدي اليوم. التبديل ده حول بكري وفق حساباتي من قيم و مبشر بالديمقراطية لادم إسمث تاني و حول عقد الاتفاق المبروم بيني و بينو لعقد شراكة مع مؤسسة بتقدم لي خدمات و بتطالبني بي دفع الضرائب, متي ما الصفقة دي ما خارجت معاي بلملم اوراقي من طاولتي و إتخارج بدون وداع ناهيك عن نبذ و متي ما انا ما خارجت مع المؤسسة دي بجي القي لي ظرف ابيض علي طاولتي القبيل ديك بخطرني بنهاية تعاقدي معاهم و غالبا حا يكون بتمني لي حظ افضل في مؤسسات اخر.
ده الاتساق الانا بفهمو يا قيقا, ببدأ من إستيعاب قوانين الاستاذ الانت بتلعب فيهو في الاول و مطابقتها مع قدراتك و مزاجك. فور اوول في تقديري حتي الان سقطوا في اول امتحان حقيقي للديمقراطية الببشروا بيها فإتخارجت منهم متسق و بكري ابوبكر اصلا ما رفع شعار سياسي ولا وعد مزارعي الجزيرة بتقاوي و سماد و فشل في توفيرو عشان كده عقدي معاهو ساري و انا فيهو متسق و العقد شريعة المتعاقدين زي ما عارف. دايرين ننتفض علي بكري و نفرض شروط الديمقراطية و مااليه من شعارات بكري ما نادي بيها ننكرب ونلملم الشيرنق من بعض و نشتري منو الموقع و دربنا عديل علي بت وستمنستر و نعقد.
| |
|
|
|
|
|
|
Re: شعرة معاوية وين يا عصام جبرالله (Re: خدر)
|
سلام يا خدر
كلامك واضح
وخصوصا أنو المنبر أصبح نافذة على الأقل لينا نحنا(المشتركين) فيهو ديل
لذلك أنا بشوف من الضروري الناس تستفيد منو بقدر الإمكان لتحقيق أي من أو كل الأهداف
ال بيسعوا ليها الناس بعيدا عن صراعات حسمها في النهاية لو ما ضر الطرفين ممكن يضر أحدهما
بالتأكيد
| |
|
|
|
|
|
|
Re: شعرة معاوية وين يا عصام جبرالله (Re: خدر)
|
الأخ خدر ، سلام تاني Quote: فيما يخص منبر بكري ابوبكر, منذ سنوات سحب بكري كلمة المنبر الحر و إستبدلها بالمنبر العام في إنقلاب قصر غير مفهومه دوافعو لحدي اليوم. التبديل ده حول بكري وفق حساباتي من قيم و مبشر بالديمقراطية لادم إسمث تاني و حول عقد الاتفاق المبروم بيني و بينو لعقد شراكة مع مؤسسة بتقدم لي خدمات و بتطالبني بي دفع الضرائب, متي ما الصفقة دي ما خارجت معاي بلملم اوراقي من طاولتي و إتخارج بدون وداع ناهيك عن نبذ و متي ما انا ما خارجت مع المؤسسة دي بجي القي لي ظرف ابيض علي طاولتي القبيل ديك بخطرني بنهاية تعاقدي معاهم و غالبا حا يكون بتمني لي حظ افضل في مؤسسات اخر.
ده الاتساق الانا بفهمو يا قيقا, ببدأ من إستيعاب قوانين الاستاذ الانت بتلعب فيهو في الاول و مطابقتها مع قدراتك و مزاجك. فور اوول في تقديري حتي الان سقطوا في اول امتحان حقيقي للديمقراطية الببشروا بيها فإتخارجت منهم متسق و بكري ابوبكر اصلا ما رفع شعار سياسي ولا وعد مزارعي الجزيرة بتقاوي و سماد و فشل في توفيرو عشان كده عقدي معاهو ساري و انا فيهو متسق و العقد شريعة المتعاقدين زي ما عارف. دايرين ننتفض علي بكري و نفرض شروط الديمقراطية و مااليه من شعارات بكري ما نادي بيها ننكرب ونلملم الشيرنق من بعض و نشتري منو الموقع و دربنا عديل علي بت وستمنستر و نعقد. |
الفهمتو من كلامك ده إنو المنبر ده حق بكري و طالما كان العقد شريعة المتعاقدين و بكري خاتي في العقد البند رقم واحد بتاع ( أنا ربكم الأعلي ) و (لا يسال عن شئ و هم يسالون ) يبقي العاجبو يقعد بشروط بكري أهلا و سهلا الما عاجبو : too bad !! فهل ما فهمتو صاح ؟ و لو ما صاح ممكن - تكرما - تشرح لي الغلط وين في فهمي لكلامك .
| |
|
|
|
|
|
|
Re: شعرة معاوية وين يا عصام جبرالله (Re: خدر)
|
Quote: يا بروف ده إتساقك معانا اسه؟ |
والله يا خدر بكري حيرنا و حير عزيز بشاشا القارئ ذاتو !! ياخي في مظالم في البورد ده و في مشاكل اداريه لا يستطيع أي أحد - بما فيهم بكري - انكارها و القصه دي مدوره ليها زمن ، لكن كانت عباره عن سحب بوستات و الناس كانت متعايشه معاها : لمن حصلت مشكلة الأخت عزاز بكري took his bad management to the next level : ياخي ما ممكن تسحب بوستات لزول بيوضح للناس إنو هو ما رسل رسائل يطلب أرقام تلفوناتم و بعد داك تسحب باسويرد كل من سولت له نفسه الاعتراض !!
المحل ده كلنا معصورين عليه و ما دايرنو يخرب أو ينقص بانو الناس تمشي و في نفس الوقت أي زول عارف إنو البتاع ده بتاع بكري و مافي زول بيناتل فيه عشان يقلعو منو ولا يغمطو مثقال ذرة من حقو : الناس بتفتش في حلول عشان المكان ده يكون مكان جدير بانو الناس تجيهو في اليوم ألف مره !! البورد ده - في رايي الخاص - طالما ماشي بطريقة الأداره دي ماشي علي زوال : اها أنا بكتب فيما اكتب و أقول فيما أقول عشان ده ما يحصل ! فيا خدر يا عزيزي إنت و الخليفه الأموي ود جبر الله ( و كان في طريقه يزيد بن معاويه ذاتو ) بصفتكم أصحاب بكري ده و خلصائه ، شدو ليه سلك قولو ليه الكلام ده و خلوه ينزل من عليائه المجيده و يتفاهم مع الناس ، ما لويا ليدو و لا ضغطا عليهو ولا إجبارا له علي التنازل ؛ لكن : لان كل المعترضين - الموقفين الكتابه و القاعدين يكتبو - لا يفعلون ما يفعلون إلا حبا في هذا المكان و رغبة صادقه في رفعته !!
| |
|
|
|
|
|
|
Re: شعرة معاوية وين يا عصام جبرالله (Re: أمين محمد سليمان)
|
Quote: فيا خدر يا عزيزي إنت و الخليفه الأموي ود جبر الله ( و كان في طريقه يزيد بن معاويه ذاتو ) بصفتكم أصحاب بكري ده و خلصائه ، شدو ليه سلك قولو ليه الكلام ده و خلوه ينزل من عليائه المجيده و يتفاهم مع الناس ، ما لويا ليدو و لا ضغطا عليهو ولا إجبارا له علي التنازل ؛ لكن : لان كل المعترضين - الموقفين الكتابه و القاعدين يكتبو - لا يفعلون ما يفعلون إلا حبا في هذا المكان و رغبة صادقه في رفعته !! |
يا بروف .. و انا اعلم انك حريض علي كل الاطراف حا اقول ليك حاجة لو انا او الخليفة الاموي إتكلمنا مع بكري بشكل شخصي حا يكون ده اول الاخطاء في معرض حل مشكل ضمان حق عضوية سودانيزاونلان في حفظ خصوصيتهم, و بنكون بنخون مطالبهم و نظهرهم بمظهر من يستجدي حقه و دي انا غايتو ما بسويها. حق الاعضاء ما بتحل جودية يا فنان , حق العضوية انها تكتب بي امان يتقلع من صلعة بكري مباشرة لو ما بكري وفرو ضمن رغبتو (كصاحب مشروع ) في جذب العضوية الفاعلة و المؤثرة. و إذا بكري ما عمل ده من تلقاء روحو يبقي الرماد كال حماد زي ما حاصل اسه, نحن اسه في طريقنا لفقد عضوية مميزة جدا بأسباب اقل ما توصف انها ما مهمة قدام ضرورة وجودهم هنا.
ولا شنو؟
| |
|
|
|
|
|
|
Re: شعرة معاوية وين يا عصام جبرالله (Re: خدر)
|
يا قرطبه Quote: يا بروف .. و انا اعلم انك حريض علي كل الاطراف حا اقول ليك حاجة لو انا او الخليفة الاموي إتكلمنا مع بكري بشكل شخصي حا يكون ده اول الاخطاء في معرض حل مشكل ضمان حق عضوية سودانيزاونلان في حفظ خصوصيتهم, و بنكون بنخون مطالبهم و نظهرهم بمظهر من يستجدي حقه و دي انا غايتو ما بسويها. حق الاعضاء ما بتحل جودية يا فنان , حق العضوية انها تكتب بي امان يتقلع من صلعة بكري مباشرة لو ما بكري وفرو ضمن رغبتو (كصاحب مشروع ) في جذب العضوية الفاعلة و المؤثرة. و إذا بكري ما عمل ده من تلقاء روحو يبقي الرماد كال حماد زي ما حاصل اسه, نحن اسه في طريقنا لفقد عضوية مميزة جدا بأسباب اقل ما توصف انها ما مهمة قدام ضرورة وجودهم هنا.
ولا شنو؟
|
ما جوديه يا طارق ، فقط محاوله لتهيئة أجواء حوار صحي و معافي بين بكري و المتوقفين : انتو ما حا تتكلمو باسم زول : فقط تحضرو و تهيئو للحوار ده و أنا متاكد حا يكون مثمر جدا لانو الطرفين ما عندهم مصلحه في خراب المكان ده !!
ياخي ربنا قال (وإن خفتم شقاق بينهما فابعثوا حكما من أهله وحكما من أهلها إن يريدا إصلاحا يوفق الله بينهما ) و ده بين فرد راجل و فرد مره : ده بورد فيهو سبعه الف راجل و مره يبقي أولي بالعمل علي راب الصدع و العمل علي إيجاد حلول . في الأخر ده إقتراح ليك و للخليفه ود جبرالله و لكل من علي علاقه طيبه ببكري و الأخوان و الأخوات المتوقفين بالتدخل لخلق اليه حوار ، كل يوم بمر ما في صالح أي زول و لا صالح هذا المكان . نقطه مهمه جدن جدن جدن ( علي راي الشهيد الحي ) : كلامي معاك ده بيمثل وجهة نظري الشخصيه و ما مخول بالكلام باسم أحد و أصلا ما تكلمت مع أحد حول هذا الموضوع .
| |
|
|
|
|
|
|
|