مريخ المصريين" على أعتاب التاريخ.. والبدرى يشكر لاعبيه

Quote: بعد تحقيقه الفوز الـ11 على التوالى، وتسجيله العلامة الكاملة، فى كل المباريات التى خاضها فى الدورى السودانى حتى الآن، بات المريخ السودانى تحت قيادة الموهوب فنيا "حسام البدرى" وبمشاركة الحارس العملاق عصام الحضرى، على بعد 6 نقاط من تحقيق إنجاز لم يسبق أن شهدته الكرة السودانية. فلم يسبق لأى ناد سوداني -منذ انطلاق الدورى السودانى- أن أنهى الدور الأول من الموسم الكروى، دون هزيمة.. وإن تخطى المريخ مباراتيه المقبلتين، فى الأسبوعين الـ12 و13 أمام النسور والفرسان، فسيدخل التاريخ الكروى السودانى من أوسع الأبواب وسيحسب ذلك للقيادة الفنية المصرية والمشاركة داخل الملعب أيضا. كان المريخ قد حقق الإثنين، فوزه الحادى عشر على التوالى على حساب الخرطوم برباعية نظيفة، رفعت رصيده للنقطة الـ33، لينفرد تماما بصدارة الدورى السودانى. من جانبه، أكد حسام البدري، المدير الفني للمريخ، أن أداء فريقه أمام الخرطوم لم يكن على المستوى المطلوب في الشوط الأول، لكن الحال تغيرت للأفضل فى الثانى، ويرجع هذا لعدم التزام اللاعبين بتنفيذ ما طلبته منهم قبل اللقاء، فقد توقعت أن يؤدي الخرطوم بطريقة دفاعية ووضعت التكتيك المناسب للمواجهة. ذكرت صحيفة "الصدى" السودانية اليوم الثلاثاء، أن البدرى وجه شكره للاعبيه على الأداء الذي قدموه خلال الشوط الثانى على وجه التحديد، وأضاف: "أعتقد أن فريق الخرطوم من الفرق القوية وأدى بشراسة، إبان المباراة وكان يسعى نحو تحقيق الفوز، لكننا نجحنا في النهاية في الانتصار عليه".

Quote: فلم يسبق لأى ناد سوداني -منذ انطلاق الدورى السودانى- أن أنهى الدور الأول من الموسم الكروى، دون هزيمة

Quote: وحاة الخوة صدمتنا فيك يا أبو الخل ياخ ونحن عمال نقول خليل متابع وخليل شفت كورة وخليل مقددا وخليل ما عارف شنو تقوم تخم ليك كذب مصريين وتجي تلصقوا لينا هنا بدون أي تعليق من جانبك معقول يا أبو الخل إتا ما عارف الكلام القالوا ليك الأخ معاوية محمد الحسن فوق دا ؟؟؟؟ صدق من قال : ما أكذب من المصريين إلا المصريين .

Quote: العزيز خليـــــــــــــــــــل سلامات الزول يقرأ بوستاتكم اليومين دي يقول خلاص جبتو كاس.. بيبانكم كلها مخلعة وتشنفوا في ابواب الناس.. الله يستركم من رياح الخماسين البقت تضرب جوة المقبر كل موسم نحن بنرتب البيت من جوة وقادمون بقوة..

Quote: خليل تحياتي تاريخ شنو ياخوي ..دى الظاهر جريدة مصرية عاوز تكبر كوم ناسهم الفوز بالدوري كاملا بدون هزيمة او تعادل انجاز حققه المريخ فى السبعينات بالمدرب السوداني الراحل منصور رمضان ولاعبين سودانيين ولازال الاعلام يسميه الدوري المقفل . كما حقق فى الموسم الذى يليه الفوز بالدورى بدون هزيمة وبتعادل واحد مع فريق التحرير البحراوي وبرضو بمنصور رمضان رحمة الله عليه تخريمة لاحظ ياخليل انو التعادل كان مع التحرير يعني انتو انضربتوا فى الموسمين ديل اربعة مرات رايح جاي

Quote: الاخ خليل صباح الخير -- عشان نتابع معاك ماهو تعريفك للفريق المحلي

Quote: خليل يا هندسة دي هضربة المجموعات و الله شنو؟

Quote: * الصحف المصرية ايضاً أوردت خبراً بالبونت العريض ( وكيل الحضري فى السودان لتخليصه من المريخ.. ) ..

Quote: معليش يا خليل عشان الواحد شك في روحو وفي قصة أعتاب التاريخ دي !!! هل المقصود الدورة الأولى تحديييدا يعني ؟؟؟ يعني مثلا مثلا اذا الهلال تم الدوة الثانية في سنوات مضت مثلا دون هزيمة أو تعادل ممكن يكون ده أعتاب تاريخ ولا يفتح الله ؟؟

Quote: المصدر : الراكوبة

Quote: للأمانة يا يا أخوانا الناس ديل مفتحين و عارفين المعلومة بتاعة الدوري المقفل دي عشان كده قالو ( في تاريخ الدوري الممتاز) ..