|
Re: عشرة اعوام مضت على رحيل اللاعب الفلتة والى الدين (Re: معتصم مصطفي الجبلابي)
|
Quote: الليلة يا والى الهلال ما شفت كيف الناس بكوك عاوزين يموتو ويلحقوك اتاملوك فى كل قوون بى مشيتك بى خطوتك بى بسمتك فى كل لحظة بيفقدوك يا والى يا والى الهلال فى ساعة الخبر الحزين شلنا النعال وجرينا فاقدين العقل شايفين مماتك زى محال عاوزين تبادلنا الوصال وقع القدر بكت الجبال سقط الهلال يا هادى يا راقى ورزين يا الديمة ضاحك رغم اهات الانين كاتم جراحك فى القدم حالف يمين تلعب تخش ترفع جبين والليلة بس فت ومشيت قول لينا بس نلقاك وين؟ يا والى شوف الناس بكت الواعى والزول الصغير حتى البنات شايلات صور يتفقدن صور القرير والغريبة فى كل الصور ضاحك منير فى نظرتك كلمة وداع مخفية فى الزول الامير كل البشوفك وبعرفك يقال يا جميل هادى ورزين لا يوم زعل لا قال قليل يا والى يا الزول الاصيل كيف الهلال بعدك يكون والناس بلاك صابة الجنون الدمعة فى كل العيون هيثم وقع احمد سقط معتز رفض كل النجوم صابا الشطط واتعطلت كل الفنون يا والى يا اجمل بشر فى كل شباك عامل اثر يا اللكفر راسك امر بس يا جميل تم الاجل فارقت فى عز الشباب ودعت فى اكبر عذاب حتى البدر فى فقدتك اتلاشى غاب صبحت نجومة على احتراب صمت الهلال لا قال ولا فيهم نفر عن موتة اتكلم واجاب والليلة يا والى الهلال ننعيك فى كل البيوت مين عزى مين كل الشعوب احساسا كان واحد عليك الحوش وكان ناس الهلال فى نمولى او حلفا التلال ناس الصحف كتبو المقال ناس الازاعة مع السؤال كل الشعوب حزنت عليك تلفازنا استعرض يديك قصة هدف كيف تلعبو رغـــــــــــــــــــــــــــــــــــم العليك
|
نقلا عن منتديات النيلين
| |
|
|
|
|