|
|
|
 Re: المنتدى الأسري يبدع في ليلة أفريقية عربية متميزة (صور) (Re: Khalid Saeed)
|
كورال المنتدى الأسري بقيادة الإبنة المبدعة لينا ياسر والمبدع خالد ..
إفتتحوا لنا الحفل برائعة الخليل ( الشرف الباذخ ) .. فكانوا قمة التطريب .. وروعة في الأداء ..
الشرف الباذخ ~ خليل فرح
************************
نحن ونحن الشرف الباذخ
دابي الكر شباب النيل
قوم قوم كفاك يا نايم
شوف شوف حداك يا لايم
مجدك ولي وشرفك ضل
إمتي تزيد زيادة النيل
نحن نطارد العنزة الفاردة
نحن نزود مشارع النيل
نحن برانا نحمي حمانا
نحن نموت ويحيا النيل
ما بنندس ما بنتوصي
نحن نكيل برانا نشيل
نحن الطينة ومطر العينة
نحن الوادي برقه يشيل
نحن الصولة سيوف الدولة
نحن كنانة اسماعيل
بابه العالي وشرفه الغالي
كان لجدودنا ظله ظليل
يا حكامنا جيبوا البينه
ولا انقرعوا كفوا الشينه
ده ود عمي وده ضريب دمي
انت شنو طفيلي دخيل
يا نزلانا أمرقوا الذمة
كيف ينطاق هوان الأمة
شالوا حقوقنا وزردوا حلقونا
ديل عاوزين دمانا تسيل
من تبينا قمنا ربينا
ما اتفاسلنا قط في قليل
ما فيش تاني مصري سوداني
نحن الكل ولاد النيل
| |
 
|
|
|
|
|
|
|
|
Re: المنتدى الأسري يبدع في ليلة أفريقية عربية متميزة (صور) (Re: ياسر السر)
|
حبيبنا ياسر العليفون ..
الود أطنان والشوق كيمان ياخي ..
المنتدى الأسري السوداني ..ذو مشاركات فعالة في كل المناسبات الوطنية ..
فكوراله يضم نخبة من الأصوات المميزة التي تستحق الإستماع والإشادة فإنني كمستمع أتوقع لهم مستقبل فني مشرف ..
زلزلوا وجداني في أحدى ليالي رمضان قبل أكثر من خمسة أعوام .. عندما مدحو ( جافيت الذكر قربت لي حولي ..
كيفن النجاة يانفسي قوليي ) .. ثم رأيتهم في هذا الإحتفال أكثر نضج وأكثر أبداع ..
ياريت نشوفك في كل الإحتفالات ..
دم بخير،
اخوك/ الأرباب
| |
|
|
|
|
|
|
|
|
|
Re: المنتدى الأسري يبدع في ليلة أفريقية عربية متميزة (صور) (Re: Khalid Saeed)
|
التحية لبراعم أبناء النوبة ولكل القائمون على جمعية أبناء النوبة ..
فقد أمتعوا الحضور بفقرتهم الجميلة التي تفاعل معها جميع من بالصالة ..
شاركهم حبيبن المبدع إيهاب نميري ( زميل المنبل ) والعازف الجميل متوكل الذي عزف للفرقة الصومالية وكورال المنتدى الأسري ..
كما شارك جميع الجالية عازف الإيقاع بدر
تعبت خلاص من الغرام توبة
شوف الزمن ساقني مشيت جبال نوبة
قابلت لي ظبية سموها زنوبة
شالت خلاص قلبي حبيتا زنوبة
حبيتا زنوبة زنوبة زنوبة .....
عيونا زنوبا تشبه عيون الريل
في المشية تتنا خلت قليبي يميل
شالت خلاص وحبيتا زنوبة
حبيتا زنوبة زنوبة زنوبة
يوم في عز الليل ... صوت الكرن جاااااااني
مشيت للحفلة لقيتا زنوبة
داير أقول ليها أحكيلا عن ريدي
داير أقول ليها أحكيلا عن حبي
شعرت برعشة طار الكلام مني
وحبيتا زنوبة شالت خلاص قلبي
وحبيتا زنوبة زنوبة زنوبة
تبت خلاص من الغرام توبة
شوف الزمن ساقني مشيت جبال نوبة
قابلت لي ظبية سموها زنوبة
شالت خلاص قلبي حبيتا زنوبة
حبيتا زنوبة زنوبة زنوبة
| |
|
|
|
|
|
|
| |
Khalid Saeed
El Dukhri
صالح عبده
ياسر السر
صديق الموج
فيس بوك
تويتر
انستقرام
يوتيوب
بنتيريست