كتب الكاتب الفاتح جبرا المتوفرة بمعرض الدوحة
|
|
 أنترفيو مستعجل لوظيفة بالدولار
|
الوظيفة دي PART TIME وهي
وظيفة ( مفسحاتي كدايس ) ومكتوب في أعلان الوظيفة .
FOR INFORMATION ABOUT THESE BEAUTIFUL BLACK CATS
الرجاء الاتصال بالسيدة جاسمين كوهين . وهي صاحبة الكدايس .
..
الشروط كويسة وبالدولار
|
|
  
|
|
|
|
|
|
|
|
Re: أنترفيو مستعجل لوظيفة بالدولار (Re: Osman Musa)
|
صديقنا العزيز عائض السلومي
من تونس الشقيقة . مهندس مدني
تخرج في جامعة تونس . وبعمل في شهادة في هندسة المجاري
جامعة نيويورك .
عائض السلومي من الشباب الشغالين الشغلة دي PART TIME . شغال
خمسة أيام في الأسبوع ومتكيف جدا مع الكدايس . وقال صاحبة الكدايس
زولة صيدلية محترمة .
| |
|
|
|
|
|
|
|
|
|
Re: أنترفيو مستعجل لوظيفة بالدولار (Re: Osman Musa)
|
صديقنا العزيز عائض السلومي
من تونس الشقيقة . مهندس مدني
تخرج في جامعة تونس . وبعمل في شهادة في هندسة المجاري
جامعة نيويورك .
عائض السلومي من الشباب الشغالين الشغلة دي PART TIME . شغال
خمسة أيام في الأسبوع ومتكيف جدا مع الكدايس . وقال صاحبة الكدايس
زولة صيدلية محترمة .
| |
|
|
|
|
|
|
|
|
|
Re: أنترفيو مستعجل لوظيفة بالدولار (Re: Osman Musa)
|
صديقنا عائض السلومي
زول صبور وبالو طويل . جاهد في دفع
رسوم دراسة هندسة المجاري بعد تعب شديد . قال زهج بعد 3 سنوات في أشغال ال PIZZA .
زهج من البيتزا ومن رائحة البصل و ال MUSHROOM وقال يلعن خاشو ها الماشروم .
وظيفة مفسحاتي الكدايس وظيفة محترمة وفيها قرشين حلوات .
| |
|
|
|
|
|
|
|
|
|
Re: أنترفيو مستعجل لوظيفة بالدولار (Re: Osman Musa)
|
لو تم قبولك بعد الانترفيو
هي حتقوم تعلمك بعض المهارات
للتعامل مع الكدايس .
بس كمان بعد ما هي تعلمك طريقة التعامل
أنت تحاول تحرص علي ترك انطباع كويس . وده شيء مهم
لصاحبة العمل ومهم برضو لتحديد المرتب . يعني المرتب يحدد
بعد المقابلة الأخيرة .
| |
|
|
|
|
|
|
|
|
|
Re: أنترفيو مستعجل لوظيفة بالدولار (Re: Osman Musa)
|
عثمان موســــى
كيفك يا حبيب...
احجز الوظيفة دي لود الصايم او الصفوة هارون دياب لغاية ما يتلوتروا 
أكيد أحسن من وظيفة صاحبي التحت دا .. عارف مرة ضحكت جنس ضحك
عندي واحــد صاحبي في واحدة من دول اسكندنافيا دي
قال لي شغال وكل يوم بقوم الساعة 3 ونص صباحاً
قلت ليهو: ليه؟
قال لي : بقــوم عشــــان (أخــري) الكلاب 
لأنو الكلاب دي لو خرت في الفيلا أو البيت ح أنطرد من شغلي
بس الحمد لله قاعدين في السعودية دي مع ذو الكفل في أمانة الله
| |
|
|
|
|
|
|
|
|
|
Re: أنترفيو مستعجل لوظيفة بالدولار (Re: Osman Musa)
|
Quote: قال لي : بقــوم عشــــان (أخــري) الكلاب
لأنو الكلاب دي لو خرت في الفيلا أو البيت ح أنطرد من شغلي
|
ههههههه ياخى الله يجازى محن الخواجات وانت كمان أأخى الأمين،
،Quote: ضربنا ساعات بتاع DELIVERY ال PIZZA
وضربنا ساعات مفسحاتي الكدايس بنجد دولارات رأعي الكدايس أكتر .
ومجهودو أقل . وشغلو ممتع برضو . في زول مفسحاتي تحصل علي Green Card بسبب
تعارف مع زولة مفسحاتية عندها جنسية .
الدنيا حظوظ |
سلام يا عثمان دخلتة البوست توششششششش عشان بفتش لى فى وظيفة وطلعتة ميتة من الضحك، ياخى أنا عندى ولدين ما قادرة أفسحهم أجى أفسح كدايس ،،،
ذكرتنى نكتة حصلت هنا فى بلد فسيح الكدايس دى عندنا واحد الله يطراهو بالخير متزوج ليهو أمريكية وعندهم كديس كل ما يجى داخل قبل ما يسلمو عليهو بسألوهو من أكل الكديس ،،المهم الموضوع دا دور وهو زهجان من قصة أكل الكديس الغالى دا مرة كان مساهر مع أصحابوا ورجع متأخر دخل البيت لقى زوجتو وبتو ببكوا شديد قام سألهم مالكم ،، قالوا ليهو بنضرب ليك فى التلفون وانت قافلو، عشان الكديس جيعان وماعندو أكل، عمك دنقر رأسو ورفعو وخلاص قفلت معاهو وقال خربانة خربانة قام سبة للجماعة ديل والكديس معاهم وقال ليهم أسمعوا لازم تعرفوا أنا من السودان ومن حتة ذى كديسكم العاملين لى بيهو واغة دا لما اجى داخل البيت ومنعنش كدا وجيعان بكرفس الكديس دا وباكلو ،،بعد داك أتخيل الحصل شنو يا عثمان كارد فعل من الامريكية وبتها.
أها يا أخوى أنا جاية من السودان لى بلد ذى دى عشان أفسح الكدايس والله عجائب!!!!
| |
|
|
|
|
|
|
|
|
|
Re: أنترفيو مستعجل لوظيفة بالدولار (Re: Nagat Sid Ahmed Elshiekh)
|
تعرف يا عثمان ... عندي صاحبي انجليزي مشي هو واولادو اجازه لمدة سبعة ايام ... وقام ترك لي امانه
الامانه هي ابو انقدح وكديس ... اي والله ابونقدح الواحد ده ومعاهو كديس منقرط ...
ياخي دي شغلانه بسم الله الرحمن الرحيم منها ...
خاصة مراقبة الكديس ده ... هو ما بخربش لكين حوام حوامة السنين يا عثمان
ياخي انا الطاقه الصرفتها في حفظ امانة صحبي ده ليوم اليله لامن اتذكرها نفسي بقوم
الكدايس ياخي هنا غاليه خلاص ...
| |
|
|
|
|
|
|
|
|
|
Re: أنترفيو مستعجل لوظيفة بالدولار (Re: Nagat Sid Ahmed Elshiekh)
|
عزيزتنا نجاة
سلامات
ما هو ده السبب الرفع سعر الفشفاش .
قالوا الفشفاش محبب للكدايس . يعني THE BEST FOOD وصحي .
هسع لو دخلتي أي صيدلية RITE AID . حتشوفي أكبر شيلف هو شيلف
احتياجات الكدايس .
شامبو الكدايس
عطور الكدايس
مناكير الكدايس
كحل الكدايس . أنتي ما سمعتي بي الكديس أبو عيون كحيلة بتاع باري دونكن ؟
بشاكير
ملابس .
في البلد دي في كدايس محترمة .
| |
|
|
|
|
|
|
|
|
|
Re: أنترفيو مستعجل لوظيفة بالدولار (Re: Osman Musa)
|
عزيزنا السنوسي
سلامات
أتنين ؟
كديس وأبوالقدح ؟
بس حتعمل شنو ياخ ؟ ماهي كمان دي امانة .
الكديس المنقرط يا أخي ما مشكلة . الكلام مراقبة ابوالقدح .
بعدين ابوالقدح ده يا السنوسي ختري جدا . وأنت عارف .
يعني الانترفيو بتاع الوظيفة دي لو كان انترفيو بتاع مفسحاتي أبوالقدح
. طوالي الواحد يقوم يفتش عن ال PIZZA .
يا السنوسي يا أخوي مراقبة
أبوالقدح حتي لو المرتب باليورو برضو ما نافع
| |
|
|
|
|
|
|
|
|
|
Re: أنترفيو مستعجل لوظيفة بالدولار (Re: Osman Musa)
|
في أمريكا الامريكان مجانين
بنوع كدايس اسمها ال CHINCHILLAS . النوع ده من
احسن فصائل الكدايس الجميلة والمطلوبة . وأهم شيئ بيميز
كدايس الشانشيلا شكل العيون المستديرة الحلوة . والشعر الناعم .
يعني مفسحاتي النوع ده مرتبو بكون عالي جدا .
| |
|
|
|
|
|
|
|
|
|
Re: أنترفيو مستعجل لوظيفة بالدولار (Re: محمد عبد الماجد الصايم)
|
حكاية بالجد عجيبة يا ابو عفان
وشغلة زي دي لو لمو فيها ناس عطا برنتي حيجروا عليها جرررري
ومش عشان يفسحو الكديس.. لالا عشان ياكلو الكديس ده ويسجل البلاغ ضد مجهول وخاصة لو كان الكديس (منقرط وبشبه كديس الخلا)..
عطا برنتا ده زول حقيقي وشوف عيني دي بياكل كدايس زي ما الحصل حاجة
وبياكل (نوع اخضر كده من الورل اسمو البرنتا) وعشان كده اطلق عليه عطا برنتا..
---------
وياخي بالوظيفة دي الواحد اطمئن علي مستقبلو الوظيفي ومع القرين كارد ده
لو الشغلانة البترولية دي قطت.. يا الكدايس جااااك زول وهاك يا فسيح
| |
|
|
|
|
|
|
|
|
|
Re: أنترفيو مستعجل لوظيفة بالدولار (Re: عبدالكريم الامين احمد)
|
والله شغلة يا ابو عفان
على فكرة عندنا هناناس متخصصين بحكم البيئة مع كدايس ما تقدر تفرزها من الاسد
شيقا راجل متخصص فى المطاردة احسن كثير من ناس ود الصائم وغيرهم.. خليك من الفسحة والله بطرف العصا الامور تمشى معاه
انا اقترح عمل حجز مستعجل للانترفيو .......
| |
|
|
|
|
|
|
|
|
|
Re: أنترفيو مستعجل لوظيفة بالدولار (Re: عبدالكريم الامين احمد)
|
عزيزنا عبدالكريم
سلامات
عطا برنتا ياكل ورل ما مشكلة .
الا كان قام يهابش كدايس السيدة جاسمين كوهين .
ياهو القيامتو قامت . والله يا عبدالكريم ممكن برنتا ياخد 99 سنة سجن .
في سجن ATLANTA GEORGIA وده اصعب سجن في أمريكا .
وبعد يتم السجن في أمريكا يرحل
الي سجن الدامر .
قانون الكداس هنا قانون صارم . وعطا برنتا ختري ياخ .
| |
|
|
|
|
|
|
|
|
|
Re: أنترفيو مستعجل لوظيفة بالدولار (Re: Osman Musa)
|
سلام عثمان
واحد أهلنا من البلد بيسلم عليك وبقول ليك مغروض في الشغلانة دي. لكن بيسأل من ال Job description لو بيناسب مؤهلاتو (وهي 15 سنة سرحان بالغنم) تقوم تقدم ليهو طوالي وبقول عندو أفضلية ممكن تديهو ميزة علي باقي المقدمين للوظيفة عندو خبرة في حلب الغنم و حيجيب معاهو غنمايتو عشان الكدايس يتعشن كل يوم لبن طازه.
لكن الزول محتار الوظيفة دي سرحان بالكدايس في الخلاء والله جوه البيت يعني Cadais sitter
| |
|
|
|
|
|
|
|
|
|
Re: أنترفيو مستعجل لوظيفة بالدولار (Re: أسامة البلال)
|
عزيزنا أسامة
سلامات
يا أسامة ياخ في غنم بتاكل دلاقين .
يعني لبن الغنم بتاعت صاحبك ده حيعمل لكدايس جاسمين
انشداد في عضلات الاستومك .
الناس هنا من شدة ما هم خايفين علي صحة الكدايس أول شيء بشوفوا
ال Food Labels .
أنت عارف كديسك لو مات ممكن البوليس يجي يتعبك . وعادي ممكن يرجعك
بلدك بسبب الكديس .
اها بعد ترجع البلد حتقول لجماعتك شنو ؟
| |
|
|
|
|
|
|
| |
Osman Musa
الطيب رحمه قريمان
الامين موسى البشاري
Nagat Sid Ahmed Elshiekh
Elsanosi Badr
محمد عبد الماجد الصايم
عبدالكريم الامين احمد
Yousif A Abusinina
أسامة البلال
فيس بوك
تويتر
انستقرام
يوتيوب
بنتيريست