|
|
 ظمأنا في الدنيا ربما يكون لشربة لن نظمأ بعدها في الدار الآخرة ..
|
فعلا انه لامر عجيب ومريب
دولة تعد من اكبر الدول في العالم التي بها مخزون مائي
جوفي وانهار وامطار مدرارا ...
دولة تتوسد عاصمتها النيل الازرق وتمدد رجليها بطرا
على ضفاف النيل الابيض
ومع ذلك تموت اشجارها من العطش
وينشف ريق اهلها من الحصول على قطرة ماء .....
انها ظاهرة تحتاج الى تفسير من رجال الدين ومن اهل الحل والربط
انتهى .....................
|
|
 
|
|
|
|
|
|
|
|
Re: ظمأنا في الدنيا ربما يكون لشربة لن نظمأ بعدها في الدار الآخرة .. (Re: osama fadlalla)
|
Quote: e: دي بالغتا فيها والله يا عمر....
ليه يا فتحي ؟؟؟ |
يا عمر ..
الموضوع ومافيهو هو عجز المسؤولين عن توفير مياه الشرب وفشلهم في ما أوكل اليهم ..وماليهو أي علاقة بالدين ..ولا محتاج لفتوى .. ولا محتاج لقراءة بعض ايات الكتاب على كل بلف أو ماسورة ... الزول المسؤول عن مياه الشرب بالخرطوم زول فاشل ... بالمناسبة ...في أغلب أحياء الخرطوم الموية ما بتجي الا في الليل ...
| |
|
|
|
|
|
|
|
|
 Re: ظمأنا في الدنيا ربما يكون لشربة لن نظمأ بعدها في الدار الآخرة .. (Re: ود الباوقة)
|
| Quote: مسالة محيرة بالفعل ولا اجد لها مبرر ......... |
ود الباوقة سلام
والله مافي شيء محير إلا جنس بوستاتك المخستكة دي وفاقدة المنطق كلو كلو
إنتو الزيكم بكون خسارة على الحزب المنتمين ليهو
وده حق المواطن الغلبان , حقوا بمرق منكم ومن سوء تصرفكم
والله انا بقيت احن في حالك يا ود الباوقة
والله صحي
خايف على ناسك اكتر ماهم خايفين على روحهم
تطبل ليهم في حاجات هم زاتهم كان لموا فيك علا يمرقنك كرعيك ,,,
والله صحي
Quote: انت عارف يا فتحي يا اخوي مشكلة شح الموية
دي في كميات الفول البتناولها الشعب السوداني دا
والجو حار
يعني تضرب في الفول دا فطور وعشاء بالتاكيد
الفرد يحتاج الى نص برميل موية يوميا ...
وقس على ذلك ..
|
اها يعني ما يأكلوا كلو كلو , يعني يجوعوا مثلا يا الحريف ؟[
ما اصلا مافي غير الفول الرخيص الممكن يأكلوهو اهلنا في البلد الوجيع
وناسك يأكلوا في اللحوم والشحوم والمستورد والمتلج
يأكلوا الأكلوهو الرقدوا في شرفي . قول آمين
هسة عليك الله ده منطقك . كمان قس على ذلك!!!
نصيحة لوجه الله يا خوي
نوع بوستاتك دي بتسقط حجر زلطك قريييييييب
دحين اختاها وقلل من المحبية شوية/B]
| |
|
|
|
|
|
|
|
|
|
Re: ظمأنا في الدنيا ربما يكون لشربة لن نظمأ بعدها في الدار الآخرة .. (Re: ود الباوقة)
|
| Quote: مسالة محيرة بالفعل ولا اجد لها مبرر |
لأني سكنت مع أولاد الباوقة وبعرفهم كثير حأفترض إنك جادي في سؤالك دا وأرد عليك
المواسير والبلوفات والطلمبات ومحطات المياه بتكلف قروش
والقروش مفروض توفرها الدولة
لكن الدولة السودانية بتتصرف في ميزانيتها كالآتي
(ودي أمثلة)
أكثر من ثلاثة أرباعها للأمن والجيش والأجهزة السيادية يعني أكثر من 75 في المية
أقل من 2 في في الماية التعليم (تعليم كل السودان)
أقل من 2 في الماية في الصحة (صحة كل السودانيين)
ونسبة أقل من كدا لباقي الحاجات زي الموية مثلا
فتفتكر الموية بيكون فضل ليها كم من الميزانية
والفضل دا بيعمل شنو؟
شراء مواسير لصيانة القديمة أو إستبدالها؟؟؟؟
بلوفات وأكواع ؟؟؟؟؟
طلمبات ؟؟؟
مواهي للناس الشغالين فيها؟؟؟؟
فاتورة الكهرباء؟؟؟
ما تحتار
وزي ما قال الدوش في قصيدة الساقية
"فتح عينيك
وشوف الظلم جاي من وين عليك"
وإذا كنت شايف أنه مرتب مليون لعسكري الأمن (وفي آلاف منهم )
وخمسة عربات للوزير (77 وزير مركزي وأكثر من خمسية في كل البلد) ببنزيها وسواقينها
حاجة معقولة ومقبولة
فأحتار براك
وخلينا نحن نحتار في الناس الشايفين وقبلانين وبرضو محتارين انه ليه هم عطشاين
| |
|
|
|
|
|
|
|
|
|
Re: ظمأنا في الدنيا ربما يكون لشربة لن نظمأ بعدها في الدار الآخرة .. (Re: ASHRAF MUSTAFA)
|
شوف يا ود الباوقة ........
بطّل استهبال .....
المسألة واضحة وما دايرة ليها تبرير ولا (بربرة) .....
حكومة غالبها توفر للمواطن أقل ما يمكن من حقوقه ...... يبقى ما ليها لازمة. دي مسئولية الحكومة. أما ظمأ الدار الآخرة، فكل واحد مسئول عن نفسه، يظمأ أو يروى ما عندكم شغلة بيهو.
بعدين (ما لاقي تبرير) دي شنو؟ المسألة عايزة (حل) وليس (تبرير) ............. شبعنا وروينا (تبريرات).
| |
|
|
|
|
|
|
|
|
|
Re: ظمأنا في الدنيا ربما يكون لشربة لن نظمأ بعدها في الدار الآخرة .. (Re: Nasr)
|
| Quote: لأني سكنت مع أولاد الباوقة وبعرفهم كثير حأفترض إنك جادي في سؤالك |
اخي ناصر
اتفق معك انها مشكلة
الماء عصب الحياة ولا يمكن للانسان الاستغناء عنه لحظة واحدة
وواجب الدولة توفيره لكن المواطنين
داخل وخارج العاصمة
ضف على ذلك بان العاصمة تتوسط النيلين الابيض والازر
يعني مفروض ما تقطع دقيقة واحدة
كلامي واضح ما فيهو اي دغمسة
شكرا ناصر
نعم جادي ....
| |
|
|
|
|
|
|
|
|
|
Re: ظمأنا في الدنيا ربما يكون لشربة لن نظمأ بعدها في الدار الآخرة .. (Re: ود الباوقة)
|
Quote: نت عارف يا فتحي يا اخوي مشكلة شح الموية
دي في كميات الفول البتناولها الشعب السوداني دا
والجو حار
يعني تضرب في الفول دا فطور وعشاء بالتاكيد
الفرد يحتاج الى نص برميل موية يوميا ...
وقس على ذلك .. |
دا تفسير رجال الدين ولا من عندك
انت شايف فى الفيل وبتطعن فى ضلو مالك
ما الناس كلها عارفة انو الخراب والعطش والجوع
والدمار والحرب والفقر الفى البلد سببا نظام المؤتمر الوطنى
المتحكم فى كل صغيرة وكبيرة فى البلد
اديك فكرة
قول لناسك ديك يستخدموا جزو قليل من اموال الشعب المكدسنها
عشان يحلو بيها مشكلة مياه الخرطوم
| |
|
|
|
|
|
|
|
|
Re: ظمأنا في الدنيا ربما يكون لشربة لن نظمأ بعدها في الدار الآخرة .. (Re: ود الباوقة)
|
| Quote: يأكلوا الأكلوهو الرقدوا في شرفي . قول آمين |
آمين الف
| Quote: واضعف الإيمان ان نقول كلمة من خلال هذا المنبر الذى لانملك سواه .. وزى ماقالوا: القحة ولاصمة الخشم. |
ما قلنا ليك زمان لكن قلتو نوبة
ودالباوقة مرة أخرى أن تأتى متأخراً خير من الا تأتى
مرحباً بك فى مكانك الطبيعى - منادى برفع الظلم عن أهلنا البسطاء
تعجبنى وأنت تنادى بتوفير المياه وتصدح بمجانية العلاج والتعليم
لك تحياتى قبل ما تغير رايك
| |
|
|
|
|
|
|
|
|
|
Re: ظمأنا في الدنيا ربما يكون لشربة لن نظمأ بعدها في الدار الآخرة .. (Re: حسن حماد محمد)
|
| Quote: انها ظاهرة تحتاج الى تفسير من رجال الدين |
خلاص عرفتوهم ؟؟ قبضتوهم بالثابته ؟
طلعوا ديل رجال الدين البقفلوا البلوفه ؟؟
اها المرة دى ما تخلوهم يتبربرون ...
طبعا هم اسياد الزمزغه ذااااتها ..
انها ظاهرة تحتاج الى تفسير من رجال الدين
ـــــــــــــ
كلمهم كلمهم بالله ياود الباوقة ..
قول ليهم ظمأنا ظمأنا
فتحوا البلوفة دى الله يرحم والديكم يا رجال الدين ..
فالماء ايضا يمر عبرهم ..
| |
|
|
|
|
|
|
|
|
|
Re: ظمأنا في الدنيا ربما يكون لشربة لن نظمأ بعدها في الدار الآخرة .. (Re: Ashraf el-Halabi)
|
| Quote: انها ظاهرة تحتاج الى تفسير من رجال الدين ومن اهل الحل والربط |
استجابة لنداءك يا عمر اعلنت قناة ساهور ان المجلس الاعلى للذكر والذاكرين حيعمل ليلة انشاد ديني عند كل بلف مقفول تحت شعار
يا مواطن ما تستعجل شيخ خالد حيسقيكم ولو بالجردل
وايضا سيتم الاستعانة بالفكي جرقندي لعمل بعض الكواديك والمحاية عشان تتكب في النيل وقال الفكي جرقندي ان شاء الله بعد ده الماسورة زاتا لو قفلتها ما تتقفل وحتكون كابة طوالي لمن تغرق الخرطوم في الموية كما افاد الفكي انه توجد كواديك ومحاية للعرس واللوتري وانتخابات اللجان الشعبية كااااااااااك
| |
|
|
|
|
|
|
|
|
|
Re: ظمأنا في الدنيا ربما يكون لشربة لن نظمأ بعدها في الدار الآخرة .. (Re: الصادق يحيى عبدالله)
|
Quote: انها ظاهرة تحتاج الى تفسير من رجال الدين ومن اهل الحل والربط
|
هذه الجملة وعنوان البوست تدل على أحد امرين:
إما أن عصابة المؤتمر الوطني والمنتفعين منها تظن أن الشعب السوداني قد بلغ من السذاجة حدا لا مثيل له في التاريخ، بحيث يمكن تمييع قضاياه بذكر الجنة والاحتكام في هذه القضايا لرجال الدين حتى يعود الأمر إليهم.
وإما أن هذه العصابة نفسها وابوابقها ، هم أنفسهم من السذاجة بحيث يظنزن ان مثل هذا الخطاب الإعلامي الملتوي الفقير والساذج يمكن ان يؤثر في الراي العام.
وثمة كارثة في الحالتين. ثمة ######، ولا بد من الكنس بمكنسة الشعب.
| |
|
|
|
|
|
|
|
|
|
Re: ظمأنا في الدنيا ربما يكون لشربة لن نظمأ بعدها في الدار الآخرة .. (Re: ود الباوقة)
|
| Quote: يعني انتو عندكم رابطة ولا شنو |
لا يا خوى
عندنا بلد غنى ليس كأى بلد فى الدنيا
عندنا بحر وأنهار ووديان ومجارى مياة بامتداد الوطن
عندنا ثروة حيوانية يحسدنا عليها القريب والبعيد
عندنا اراضى زراعية صالحة شاسعة ولا تحتاج الا ترمى فيها البذرة وتمشى بيتكم تنوم
عندنا ثروة سمكية يمكنك ان تلقطها باياديك من غير أى سنارة ولا شبكة
عندنا سمغ لدرجة قف (أحيلك بهذه المناسبة لبوسن حبيب نورة) أديهو طله وروق المنقة وتعال هههههههه
عندنا منتجات زراعية لو عبيناها فى أكياس ورسلناها أى بلد تجينا راجعة دولارات بالشوالات
عندنا مشروع الجزيرة - جاهز وما لاقى ليهو مدير واحد قادر يفهم حجموا قدر شنو وممكن يعمل شنو لكل العالم
عندنا حديد تحدث بجودته وكمياته المختصين ما دعى حمدى أن يترك وزارة المالية وينشئ شركة خاصة لتصدير الحديد
عندنا دهب مجمر ممكن أى واحد عنقالى ساكت يطلع الخلا ويجى راجع بيتهم بتلاتة أو اربعة كيلو
وقالوا عندنا يورانيوم وفوسفات وحاجات كده زاتو ما عارف اسمها شنو
وعندنا مصانع سكر تنتنج ليها آلاف الأطنان من السكر ممكن تتطعم البحر المالح زاتو
عندنا أكبر ميناء يطل على البحر الأحمر بيودى لكن ما بجيب
عندنا ناس طيبين كطيبة عمى وعمك وخالى وخالتك
عندنا ما يزيد على المائة لغة (لغة وليس لهجة) ، يعنى ثقافات لو تم اسثمارها اعلامياً لأندهشت لها هوليود
عندنا اهرامات ومواقع سياحية تنبئ بأننا شعب عريق
عندنا بترول بقدرة قادر صار نغمة بعد فرحنا باستخراجه واستبشرنا خيرا
هذه قليل جداً مما هو عندنا
ولكن فى المقابل ايضاً عندنا
حسد وغيرة وقصر نظر
عدم دراية وتنكر أحياناً لمن نحن وماذا نريد
دجل وشعوذة دينية تسخدم عنداللزوم للتخدير والتغبيش
عندنا من يؤمن بقلع أظافر الناس بالزردية لمجرد أن قالوا نريد أن نعيش أحرار
عندنا وزير مالية يرى بأن توظيف الخريجين لا يخدم مصالح الدولة ويرهق الميزانية
عندنا من يظن بأن احتكار التصدير والاستيراد فقط للموالين والمطبلين
عندنا من يظن انه يحمى الوطن والعقيدة وانه ظل الله فى الأرض ولا يعترف بغير دينه دين
عندنا من يخصص 70 % من ميزانية الدولة ليدير بها عجلة بوليسية أمنية تستخدم فقط لضرب السودانيين
عندنا من لا يهمه أن يموت الناس جوعاً وعطشاً ومرضاً وجهلاً طالما هو الآمر الناهى من الخرطوم
عندنا من شرد الكفاءات العالية ويكره المثقفين ويعتبرهم عدو
عندنا طلاب يتقاتلون بالسكاكين والسيوف (تحت مرأى وسمع السلطات) فى مسابقة لنيل مقاعد اتحاد الطلاب (دنقلا مثالاً)
عندنا من يظن بأن الفقر والجوع مؤامرة خارجية
عندنا من فرط فى نصف البلد ومن شرد ما يقارب النصف الآخر
عندنا أهلنا الذين ما زالوا يتوسدون تراب الأرض ويعيشون تحت ظل الأشجار ومن ينامون فى عماراتهم الشاهقة ويفخرون بالمره التانية أو حتى التالته
عندنا من يريد أن يقنعنا بأن مشاكلنا يمكن أن يحلها فكى كارب وعلينا أن ننتظر فقط الحل من السماء
عندنا فى القرن الواحد والعشرين من يموت بالملاريا ومن ندرة أنبوبة الأوكسجين فى المستشفيات
عندنا سرطانات لا ندرى لماذا اعدادها فى ازدياد وفشل كلوى للآلاف
عندنا عدم مقدرة فى تشخيص أبسط الأمراض وقى أرقى المستشفيات
عندنا بشر يتصارعون ويتتضاربون ملاكمة أمام بوابات المستشفيات لكى يحظوا بزيارة مريض (حاجه تحير زاتو) بوليس يحرس باب مستشفى وهو شايل سوط
تحياتى ياباوقة وفك الله أسر الوطن
| |
|
|
|
|
|
|
|
|
|
Re: ظمأنا في الدنيا ربما يكون لشربة لن نظمأ بعدها في الدار الآخرة .. (Re: المسافر)
|
ودالباوقة
أرسل ليك 3 هنود
و100 بنغالي
ووزعهم على الخرطوم وبحري وأمدرمان ... محطات إنتاج وتوزيع الموية ...
أطرد كل الكيزان من مرافق الموية ولأجل غير مسمى ...
يمين الله مزرعتك تشرب من الشبكة ....
يازول جماعتكم ديل بشيلوا وبسرقوا وبخلتسوا القروش المدفوعة مقدم من المواطن وكأن شيء لم يكن .. الكوز عندو شراء عربية جديدة لأحد الزوجات أهم من شراء بلف ... وده مؤكد وثابت من تقارير المراجع العام ...
الشفيع
| |
|
|
|
|
|
|
|
|
|
Re: ظمأنا في الدنيا ربما يكون لشربة لن نظمأ بعدها في الدار الآخرة .. (Re: Alshafea Ibrahim)
|
.
ود الباوقة
سلامات
ليس لي أدنى شك من صدق عنوانك،
عارف ..
الشعب السوداني يستحق أفضل من هذا!
في ذهني مقولتان لرجلين:
الأول الأديب الطيب صالح حين قال:
مستقبل السودان مرهون بأمرين:
1/ طبيعة السلطة 2/ الإنتقال للمدنية
الثاني الأستاذ باقان أموم حين قال:
السودان دولة فاشلة وخاسرة وفاسدة
بالنظر الموضوعي الأمين فإن المقولتين فيهما من التطابق والتكامل ما يفضي
للإجابة على سؤالك الذي يستبطن عنوانك العريض على صدر البوست
تحياتي لك ولضيوفك
.
| |
|
|
|
|
|
|
|
|
|
Re: ظمأنا في الدنيا ربما يكون لشربة لن نظمأ بعدها في الدار الآخرة .. (Re: سيف اليزل الماحي)
|
Quote: فعلا انه لامر عجيب ومريب
دولة تعد من اكبر الدول في العالم التي بها مخزون مائي
جوفي وانهار وامطار مدرارا ...
دولة تتوسد عاصمتها النيل الازرق وتمدد رجليها بطرا
على ضفاف النيل الابيض
ومع ذلك تموت اشجارها من العطش
وينشف ريق اهلها من الحصول على قطرة ماء .....
انها ظاهرة تحتاج الى تفسير من رجال الدين ومن اهل الحل والربط
انتهى ..................... |
اخى الباوقه السودان بلد جميل فيه النيل فيه الكنايس فيه المساجد بلد مليون ميل متنوع الثقافات فيه شعوب وقبايل
كانو سمن على عسل جو ناس المشروع الحضارى
كانو نشاذ على الطبيعه السودانيه رحل السمبر الذى كان ياتى وقت الرشاش يبيض على اعلى الاشجار (السيال)
وياتى الرشاش وبعده ياتى الخريف وتنمو فصيلة السمبر التى اتت من بعيد لهذا البلد الجميل وترحل بكل فروخها وتطير فوق
وتقول شكرا يا سودان لولاك ما تكاثرنا
اخى الباوقه ليس بالغريب ان تجف المياه فى بلد كثر فيه الظلم وسكت عليه من يسمون بالعلماء فى بلادى
اخى الباوقا السودان بلد يعتبر جنة الله فى الارض ولكن اتو اليه من تثقفوا بلغة ايران
وحملوا لواء الجهاد الممرحل من مرحلة افغانستان ضد غزو السوفيت وسرحروا ومرحوا
اخى الباوقا دا راى ارجو تصحيحى اذا كنت لديك ما يخالفنى
| |
|
|
|
|
|
|
| |
معاوية عبيد الصائم
فتحي الصديق
osama fadlalla
اسماء الجنيد
Dr.Elsadig Abdalla
Nasr
ASHRAF MUSTAFA
محمد أبوالعزائم أبوالريش
عبدالعزيز الفاضلابى
Hani Arabi Mohamed
M A Muhagir
حسن حماد محمد
دينا خالد
MOHAMMED ELSHEIKH
محمد إبراهيم علي
الصادق يحيى عبدالله
saif massad ali
ASHRAF ABUELHASSAN
ismeil abbas
د.محمد حسن
خالد العبيد
المسافر
فيس بوك
تويتر
انستقرام
يوتيوب
بنتيريست