|
|
|
 Re: البلف بتاع البلد انحلج عاوزين خبير بلوف قبل ما نغرق (Re: نضال عثمان)
|
تصريح قديم مشابه
Quote: الخرطوم تحمل (بائعات الشاي) مسؤولية انسداد المصارف
الراي العام
05-07-2009 11:49 AM
حمل المهندس حسن عبد الله فضل المولى وزير البنى التحتية بولاية الخرطوم مواطنى الولاية، وبائعات الشاي مسؤولية انسداد بعض المصارف الجديدة التى تم انشاؤها بالولاية لتصريف مياه خريف العام الحالى. واشار فضل المولى فى تصريحات صحفية امس الى ان البعض من المواطنين يلقون بالنفايات داخل المصارف، وخص الوزير بائعات الشاى، وقال (انهن يقمن برمى الاوساخ والنفايات ببقايا النيران فى المصارف مما نتج عن اتلاف وحرق المواسير التى تعمل على تصريف المياه)، وكشف الوزير عن سن قوانين وضوابط جديدة، قال انها فى مرحلة المراجعة لردع اى شخص يحاول العبث بالمرافق العامة.
|
| |
  
|
|
|
|
|
|
|
|
Re: البلف بتاع البلد انحلج عاوزين خبير بلوف قبل ما نغرق (Re: Nagat Sid Ahmed Elshiekh)
|
Quote: هي الموية يعني في..
سلام نجاة |
الاستاذة نضال أذيك وحمد لله ألف على السلامة،
الحكاية أنو مدير المياه صرح بعد أنقطاع الموية والمظاهرات فى برى انو فى جهة قفلت البلوفة حقت الموية بفعل فاعل ،
وطبعآ الكلام دا مافى زول ح يصدقو الا يكون عندو قنبور،
والموية أصلآ غير متوفرة وقاطعة على طول لكن لما الناس طلعت تطالب بتوفير الموية المدير لقى ليهو شماعة وعلق فيها اخفاقاتهم.
| |
|
|
|
|
|
|
|
|
|
Re: البلف بتاع البلد انحلج عاوزين خبير بلوف قبل ما نغرق (Re: Nagat Sid Ahmed Elshiekh)
|
Quote: انهن يقمن برمى الاوساخ والنفايات ببقايا النيران فى المصارف مما نتج عن اتلاف وحرق المواسير التى تعمل على تصريف المياه)، وكشف الوزير عن سن قوانين وضوابط جديدة، قال انها فى مرحلة المراجعة لردع اى شخص يحاول العبث بالمرافق العامة.
|
سلام يا واصل وشكر للمداخلة،
بالله فى ###### أكتر منهم،ومتين المصارف دى كانت نظيفة؟
الوزير والمدير ديل بورجقوا ساكت.
| |
|
|
|
|
|
|
|
|
|
Re: البلف بتاع البلد انحلج عاوزين خبير بلوف قبل ما نغرق (Re: Nagat Sid Ahmed Elshiekh)
|
Quote: الخرطوم تحمل (بائعات الشاي) مسؤولية انسداد المصارف
الراي العام
05-07-2009 11:49 AM
حمل المهندس حسن عبد الله فضل المولى وزير البنى التحتية بولاية الخرطوم مواطنى الولاية، وبائعات الشاي مسؤولية انسداد بعض المصارف الجديدة التى تم انشاؤها بالولاية لتصريف مياه خريف العام الحالى. واشار فضل المولى فى تصريحات صحفية امس الى ان البعض من المواطنين يلقون بالنفايات داخل المصارف، وخص الوزير بائعات الشاى، وقال (انهن يقمن برمى الاوساخ والنفايات ببقايا النيران فى المصارف مما نتج عن اتلاف وحرق المواسير التى تعمل على تصريف المياه)، وكشف الوزير عن سن قوانين وضوابط جديدة، قال انها فى مرحلة المراجعة لردع اى شخص يحاول العبث بالمرافق العامة.
|
اها دي كمان الورجغة العلي اصولها
والظاهر يا نجاة في تنافس ورجغي بين الجماعة ديل
| |
|
|
|
|
|
|
|
|
|
Re: البلف بتاع البلد انحلج عاوزين خبير بلوف قبل ما نغرق (Re: معاوية عبيد الصائم)
|
Quote: انتخـــــــــبو مرشحكم (البار) جدا معاوية عبيد
رمـــــــــــــــــز (الزردية)
من اجل واقع بلفى بليف
ولانامت اعين المبلوفين |
هلا يا ود عبيد ح تفوز ببركة شيخ كيكى الدفن لينا البوست داك فى أسبوع،
ح تفوز عشان المنافس ليك رمزو (البلاعة) وهو عديم المؤهلات للمنافسة الشريفة،
سوف تفوز لان الزردية قوية وتستعمل لقفل البلوفة الهاملة ولانامت اعين المنافسين.
| |
|
|
|
|
|
|
|
|
|
Re: البلف بتاع البلد انحلج عاوزين خبير بلوف قبل ما نغرق (Re: Nagat Sid Ahmed Elshiekh)
|
| Quote: هلا يا هندسة بالله ما ادوكم كورسات بنية تحتية عشان نقضى كمان على الورجقة الوزارية دى وننتقل من بستفة المدير الى أعلى درجات بستفة وزراء البنية التحتية، |
هلا يا نجاة
وبتاع البنية التحتية ده كرفسنا زمااااانك لمن عمل ليهو برضو تصريح (مورجغ) في ايام الفيضانات
وقال الخرطوم مسطحة عشان كده الغرق حصل
Quote: وانا مستغرب جدا من الكلام القالو وزير بنية تحتية
وجابو من وين......
وده بالجد استخفاف واستهبال تاريخي ومثل هذا الوزير مفروض دقيقة واحدة مايقعد في محلو ده
لانو لابيعرف للشغلة دي وبغش في الشعب وببرر للقصور بطريقة ملتوية |
حتي كنتور الخرطوم غيرتو يا الكيزان...!!!!
وحسع ورجغتو الجديدة دي بيني وبينك اخوك طعمااااان فيها ومساكاني كاروشة البستفة
بس اروق واحلي واجيهو نابل المورجغ الدقني ده
| |
|
|
|
|
|
|
|
|
|
Re: البلف بتاع البلد انحلج عاوزين خبير بلوف قبل ما نغرق (Re: عبدالكريم الامين احمد)
|
الخرطوم: هبة عبيد
أقرّت ولاية الخرطوم بوجود قصور إداري وبطء في اتخاذ الإجراءات اللازمة لمعالجة مشكلة المياه قبل وقت كافٍ من دخول فصل الصيف بالرغم من توفر المياه بالمحطات بالولاية، وكشفت عن عن تعمد جهات لم تسمِّها قفل البلف الرئيسي لمربعي «2» و«3». وأكدت تقارير غرف عمليات الطوارى بالمحليات السبع أن «23» منطقة بمحليتي كرري وأمبدة تأثرت بالقطوعات المستمرة للمياه، وحصرت التقارير المشكلات في عدم وصول الإمداد المائي بجانب كسورات المواسير وخروج 6 آبار من الشبكة بمدينة أبوسعد قبل حوالى سنة، بالإضافة إلى عدم وصول عدد من الآبار بمحلية أمدرمان إلى خط محطة المنارة، ولفتت إلى فشل مساعي تنظيف الألياف التي أدت إلى إغلاق بعض الشبكات القديمة.وفي السياق نفسه وجّه والي الخرطوم د. عبد الرحمن الخضر معتمدي المحليات بوضع معالجات فورية لمشكلة قطوعات المياه والتعرف بدقة على كل المواقع والأحياء التي توجد فيها قطوعات بالمياه
من خلال غرف العمليات التي كلفها بالطواف «حاره حاره ومنزل منزل»، من جانبه أرجع مدير غرفة طوارئ محلية الخرطوم مشكلة انقطاع المياه ببري إلى تراكم الألياف داخل الخطوط والشبكات فضلاً عن اكتشاف عمل متعمَّد لقفل «البلف» الرئيسي المغذي في مربعي «2» و«3»، وأكد إجراء معالجات واسعة بإنشاء خط بديل لحل المشكلة نهائياً، وأعلن مدير إدارة أمن الولاية تعيين حراسات دائمة لمراقبة «البلوفة» حتى لا تتعرض لأي محاولات تخريبية.
| |
|
|
|
|
|
|
|
|
|
Re: البلف بتاع البلد انحلج عاوزين خبير بلوف قبل ما نغرق (Re: صلاح غريبة)
|
Quote:
من جانبه أرجع مدير غرفة طوارئ محلية الخرطوم مشكلة انقطاع المياه ببري إلى تراكم الألياف داخل الخطوط والشبكات فضلاً عن اكتشاف عمل متعمَّد لقفل «البلف» الرئيسي المغذي في مربعي «2» و«3»، |
طيب ما كانوا يمشوا يفتحوا البلوف بدل ما يجيبوا لناس بري تناكر موية
يا شيخ ناسكم ديل محتاجين لوزنة بلوف علشان يفكروا بطريقة منطقية
| |
|
|
|
|
|
|
|
|
|
Re: البلف بتاع البلد انحلج عاوزين خبير بلوف قبل ما نغرق (Re: Nagat Sid Ahmed Elshiekh)
|
Quote: وحصرت التقارير المشكلات في عدم وصول الإمداد المائي بجانب كسورات المواسير وخروج 6 آبار من الشبكة بمدينة أبوسعد قبل حوالى سنة، بالإضافة إلى عدم وصول عدد من الآبار بمحلية أمدرمان إلى خط محطة المنارة، ولفتت إلى فشل مساعي تنظيف الألياف التي أدت إلى إغلاق بعض الشبكات القديمة.وفي السياق نفسه وجّه والي الخرطوم د. عبد الرحمن الخضر معتمدي المحليات بوضع معالجات فورية لمشكلة قطوعات المياه والتعرف بدقة على كل المواقع والأحياء التي توجد فيها قطوعات بالمياه
|
سلام يا صلاح ياخى أنا ساكنة أبو سعد بس من حسن حظ الحى بتاعنا فى عمارة تابعة لوزير عشان كدا الموية ما قاطعة يعنى الالياف دى الجماعة ديل نضفوها مخصوص للوزير السابق دا ولا كيف،
يادوبك والى الخرطوم عاوز يتعرف وبدقة كمان على المواقع والاحياء التى فيها قطوعات !!!!!!
منطقة ام بدة جنوب الموية قاطعة من زمن ودى ما عاوزة ليها تعريف ، الناس ديل وأنا شايف بأام عينى بنقلو الموية بالدرداقات والباقات من المنطقة الساكن فيها السيد الوزير أبو موية كابة من غير بلوفة ولا ألياف.
وبالمناسبة فى سؤال محيرنى شديد البلوفة الخاصة ببيوت كافورى والوزير جارنا دى مالة ما قفلوها ناس الحزب المشاغب القفل البلوفة بتاعة برى؟؟؟؟؟؟؟؟؟
| |
|
|
|
|
|
|
|
|
|
Re: البلف بتاع البلد انحلج عاوزين خبير بلوف قبل ما نغرق (Re: معاوية عبيد الصائم)
|
| Quote: بلفانة ام بليقن قش |
التحية لمرشحنا رمز الزردية،
كيفك يا معاوية ، أتخيل لى تانى ما ح يجى مدير يورجق فى خلق الله بعد البوستات القوية دى وكشف الكذب على شعبنا الصبور.
وخاصة كمان سعادتك مرشح قوى وخالى من العلامات المرتبطة بالمورجقين المعينين لانهم بس موالين للطقمة الحاكمة.
وخربانة أم بلف مقفول،
من شخص مجهول كما صرح القول
وقايل عندنا قمبور.
تسلم
| |
|
|
|
|
|
|
|
|
|
Re: البلف بتاع البلد انحلج عاوزين خبير بلوف قبل ما نغرق (Re: Nagat Sid Ahmed Elshiekh)
|
| Quote: وأكدت تقارير غرف عمليات الطوارى بالمحليات السبع أن «23» منطقة بمحليتي كرري وأمبدة تأثرت بالقطوعات المستمرة للمياه، وحصرت التقارير المشكلات في عدم وصول الإمداد المائي بجانب كسورات المواسير وخروج 6 آبار من الشبكة بمدينة أبوسعد قبل حوالى سنة، بالإضافة إلى عدم وصول عدد من الآبار بمحلية أمدرمان إلى خط محطة المنارة، ولفتت إلى فشل مساعي تنظيف الألياف التي أدت إلى إغلاق بعض الشبكات القديمة |
والله دي ورجغـة مبالغـــة
1/ كيف وصـلت الألياف العميــل للمواســير
2 / الآبار العاوزة تصـل لخـط محطـة المنارة دي ما لقت مواصـلات
3 / 6 مواســير خرجـت قبل ســنة ولم تعـد حتى الآن , بالله أدونا أوصافها , احتمال واحد يتعرف عليها
ســنة كاملة و الآبار خارج الشـبكة , بعـدين كسـورات دي شــنو ؟ وفي الصيف كمان
| |
|
|
|
|
|
|
|
|
|
Re: البلف بتاع البلد انحلج عاوزين خبير بلوف قبل ما نغرق (Re: عبدالله احيمر)
|
Quote: والله دي ورجغـة مبالغـــة
1/ كيف وصـلت الألياف العميــل للمواســير
2 / الآبار العاوزة تصـل لخـط محطـة المنارة دي ما لقت مواصـلات
3 / 6 مواســير خرجـت قبل ســنة ولم تعـد حتى الآن , بالله أدونا أوصافها , احتمال واحد يتعرف عليها
ســنة كاملة و الآبار خارج الشـبكة , بعـدين كسـورات دي شــنو ؟ وفي الصيف كمان |
سلام أخى عبد الله،
المشكلة حصيلة الورجقة دى كلها تصريح المدير بأن أحد المعارضين قفل البلوفة وانتهت الحدوتة،
والمفروض الناس دى تعرف السودانين الكان عندهم قنابير حلقوها فى عهد الانقاذ يعنى مكنات ذى مكنة المدير دى ما بتمشى فيهم.
| |
|
|
|
|
|
|
|
|
|
Re: البلف بتاع البلد انحلج عاوزين خبير بلوف قبل ما نغرق (Re: Nagat Sid Ahmed Elshiekh)
|
نجاة يا حبيبة قسانا ,, الحنينة وعا########ا
وينك يا خية الشوق حنين والله
إن شاء الله طيبة إنتي والمعاك
لكن ماااا عرفتك قلتي لي تغرقوا عدييل كدة؟؟
ياختي إنتي ساكنة في كافوري ولا القصر الجمهوري
الناس ما لاقية تجغم وتبل ريقها , تقوليلي غرق
والله ده نعيم يا نجوتة
نحن بنفتش ليها جغمة جغمة وبقة وبقة
اكشحونا معاكم بي جك إن شاء الله
بس اختونا من الكيزان ,,
اما تصريح مدير الموية المجلبغ ومزندق على قول اخونا في الله ود الباوقة
ده حقو تجيبوهو في نص البلد وتنادوا كل الناس المحرومين من الموية وعطشانين
وتقطعوا ليكم كم فرع من شدر النيم وتقعوا فيهو محيط لامن بلف رأسو يظبط ويرجع يقول كلام مفهوم ومبلوع
شكرا يا نجاة على البوست البلفو دهب لووولز
| |
|
|
|
|
|
|
|
|
|
Re: البلف بتاع البلد انحلج عاوزين خبير بلوف قبل ما نغرق (Re: اسماء الجنيد)
|
Quote: اما تصريح مدير الموية المجلبغ ومزندق على قول اخونا في الله ود الباوقة
ده حقو تجيبوهو في نص البلد وتنادوا كل الناس المحرومين من الموية وعطشانين
وتقطعوا ليكم كم فرع من شدر النيم وتقعوا فيهو محيط لامن بلف رأسو يظبط ويرجع يقول كلام مفهوم ومبلوع
شكرا يا نجاة على البوست البلفو دهب لووولز |
تعظيم سلام يا بت الجنيد، وهلا بيك يا حنينة،
الكلام دا تورية عشان الورجقة كترت شديد يابت أمى،
والبلد ذاتة بلوفتة محلوجة خلى الموية العفينة دى بقت مافى وقفلوا البلوفة حقته،
عشان كدا يابت أمى بندور لينا خبراء عدييييييل كدا عشان نطلع من المعمعة دى ، والدايرين محيط كتار نخلى ناس ام بدة يمحطو لينا مدير الموية والصحة والتعليم و......،
اما ناس الخرطوم يمحطوا لينا الوالى عشان ما عندو شغلة غير ستات الشاى ،
ونخلى ستات الشاى يمحطوا لينا بتاع البنية التحتية عشان اتهمهم بقفل المجارى ،والتصريح دا ختاهو لى أخونا صلاح فى البوست بتاعى دا،
ونخلى الاطفال المشردين والمغتصبين والمتسولين يمحطوا لينا ناس وزارة الشوؤن الاجتماعية ومكافحة التسول،
وانا ياختى براى ح أمحيط ليك ناس وزارة العمل عشان ما لاقية اشتغل فى مجالى عملات اخونا تاج السر الملك يطراهو الله بالخير.
والله لو قعدنا لى بكرة ما بنخلص من كترة المحاطين والممحطين.
الله يبارك فيك ذكرتين المحيط وفشيتى لينا الغبن.
| |
|
|
|
|
|
|
| |
Nagat Sid Ahmed Elshiekh
عبدالكريم الامين احمد
ABUHUSSEIN
د.محمد حسن
نضال عثمان
Wasil Ali
Abdlaziz Eisa
معاوية عبيد الصائم
صلاح غريبة
محمد الشيخ أرباب
حسن حماد محمد
اسماء الجنيد
فيس بوك
تويتر
انستقرام
يوتيوب
بنتيريست