|
كتب الكاتب الفاتح جبرا المتوفرة بمعرض الدوحة
|
|
 Re: (دار حزب الامه الحالي) تم شرائه من آل ابو العلاء بتبرع سخي من(القذافي)+(تبرع ايراني)! (Re: Tragie Mustafa)
|
والمشكلة شنو ما دام إنو هذه الدار أصبحت بمثابة ما يشبه القبلة لمختلف القوى السياسية بالسودان
ووبعدين القذافي ده فرقو من حافظ الأسد ولا بشار الأسد شنو ؟؟ ما ياهم كلهم نفس الطينة والعجينة
والإيرانيين كذلك هم الداعم الأول لنظام حزب البعث في سوريا ويغدقون عليه إغداق من لا يخشى الفقر..
وبعدين هو لولا أموال و قروش القذافي هذه، كان حا يكون في حاجة اسمها الجيش الشعبي لتحرير السودان من أساسو ؟؟
ألا تذكري بدايات الحركة والجيش الشعبي عندما لم يكن يعيرهم العالم الغربي أدنى اهتمام، من كان يدعمهم لمقاتلة نظام نميري لولا أموال القذافي هذه !!
ألم يصفه الدكتور قرنق بعد الخلاف معه أبان فترة الديمقراطية بأنه وليبيا كانوا بمثابة البقرة الحلوب للحركة والجيش الشعبي..
ليه قروشو هناك حلاااال وحلوووة وباردة على القلب، بينما هنا يتم تحريمها وتصبح محل لوم؟؟
ده غير انو هذه هرطقة لا تستطيعي أن تقيمي عليها أي دليل..
خليك من الحركة والجيش الشعبي وسوريا والكلام ده كلو..
ناس خليل ديل ومعظم الحركات المسلحة في غرب السودان مدورين بي قروش منو ؟؟
| |
 
|
|
|
|
|
|
|
|
Re: (دار حزب الامه الحالي) تم شرائه من آل ابو العلاء بتبرع سخي من(القذافي)+(تبرع ايراني)! (Re: Elhadi)
|
سلام اختنا الحبيبة تراجي
الكلام هنا للرئيس السابق للمكتب السياسي حامد محمد حامد قال فيها : ( هذه الدار ملك لأعضاء حزب الأمة بالوثائق والسجلات ،
وللحقيقة والتاريخ هذه الدار تم شراؤها من تبرعات المغتربين بحزب الأمة ، وانا من قام بالتسجيل ، ومن يغالط في ذلك عليه الرجوع لسجلات الأراضي )، ان ملكية الدار لم تكن مجهولة لقيادات الحزب اذ كان الإرتباط مع المالك بموجب عقد ايجار يوضح الإلتزامات ولا يتلقى المالك بموجبه عائداً مادياً . و شدد البيان على ان ( الامام الصادق يضحي بملكه وماله للمصلحه العامة ، فمثلما ضحى لحزب الامة بالمنزل الذي اشتراه وبما فاته من عائد من ورائه ، ضحى لهيئة شؤون الانصار بالمنزل الذي كانت تقيم فيه أسرته بود نوباوي ).
| |
|
|
|
|
|
|
|
|
|
Re: (دار حزب الامه الحالي) تم شرائه من آل ابو العلاء بتبرع سخي من(القذافي)+(تبرع ايراني)! (Re: othman mohmmadien)
|
خلاص رجعنا لللخبطة تاني ؟؟
عندك دليل انشريهو ولو ما عندك شوفي ليك شغله اقضيها .
مثلا بدلا عن الردحي الفارغ دا يمكنك ان تحتجي لحكومة بلدك الحالي على
مشاركتها في تدمير ليبيا ما دام يهمك امرهم ..
اما عن حزب الامة فلم ولن يبيع او يرتهن قراره بحفنة قريشات كما بفعل البعض . ..
الذي يربط حزب الامة بالقذافي هو ما يربط تحالف من شاركوا في الجبهة الوطنيه ايام نظام نميري
ولم يتنكر حزب الامة لدعم ليبيا لتلك الحركة ..اما الان فقد دعى حزب الامة الى
حل سلمي يحقن دماء الليبين ويحفظ بلادهم ويستجيب لمطالبهم السلمية العادلة وذلك منذ بداية الازمة..
| |
|
|
|
|
|
|
|
|
Re: (دار حزب الامه الحالي) تم شرائه من آل ابو العلاء بتبرع سخي من(القذافي)+(تبرع ايراني)! (Re: Elhadi)
|
وبعدين يا تراجي نصيحة أخوية..
بما إنك طامحة (فيما يبدو) ليكون عندك دور سياسي، وهو أمر غير مستبعد البتة في بلد زي السودان وواقعه الحالي!
اتعلمي دائماً إنك تأتي بكلام مسئول.. منطقي ومتماسك .. وفكرته واضحة، وتستطيعي الدفاع عنه
وخليك من كلام القوالات أو واحد يرسل ليك كلمتين في المسنجر تصدقيهم وتجي جارية طوالي ترشيهم بدون تروي ولا تفكير حتى في مضمون الكلام
وفكينا عليك الله من الإشاعات، والورجغة والكلام الفاضي والخارم بارم
والله أسي كان سألتك دار حزب الأمة ده بي وين يمكن ما تعرفيهو زاتو
قلتي لي تبرع سخي من (القذافي) + (تبرع إيراني) !
أسألك سؤال: ممكن تشرحي لي الظرف السياسي في الوقت داك (عند شراء دار حزب الأمة) كان عامل كيف يا تراجي ؟؟
خصوصاً لجهة علاقات حزب الأمة بالقذافي وإيران..
وكم كانت قيمة الدار ليشترك في التبرع على ثمن شرائها(القذافي) + (إيران)
| |
|
|
|
|
|
|
|
|
|
Re: (دار حزب الامه الحالي) تم شرائه من آل ابو العلاء بتبرع سخي من(القذافي)+(تبرع ايراني)! (Re: Elhadi)
|
هذه الدار تقع فى منطقة ام درمان القديمة
و الاراضى فى هذه المنطقة ليست من ذات الاسعار العالية لوجود مشاكل تتعلق بالتربة و الصرف الصحى
علاوة على ان المبنى قديم جدا و مساحة الارض ليست كبيرة
فالشغلانية لا تحتاج لدولتين كبار عراض لشرائها
و حتى اذا صح كلامك فهناك دائما هامش مسموح به من العلاقات مع الدول الاجنبية و الا فقولى لى هل تملك حركات دارفور و الحركة الشعبية
مصانع سلاح او لديهم بنية اقتصادية تتيح لهم تمويل حروب استمرت عشرات السنين: اذا سلمنا بانهم يغنمون الاسلحة من جيش الانقاذ فمن
اين لهم بالمال؟
كل الاحزاب فى كل زمان و مكان لها علاقاتها الخارجية: و غالبها ناتج من تضامن بسبب تشابه الايدولوجيات و لبس الامر امر عمالة
| |
|
|
|
|
|
|
|
|
|
Re: (دار حزب الامه الحالي) تم شرائه من آل ابو العلاء بتبرع سخي من(القذافي)+(تبرع ايراني)! (Re: عوض محمد احمد)
|
| Quote: هكذا يعرف اهل ام درمان و المقربين من الامام. |
هذه السرايا التاريخية - كما يعرفها أهل امدرمان - هي سرايا "سلاطين" باشا ... بناها على الطراز الإنجليزي على الأرض التي وهبها له الأنصار (حين أعلن إسلامه وأنصاريته) وآلت ملكيتها لآل "ابوالعلا" بعد هروب "سلاطين" باشا من السودان ... ثم عادت لمن وهبوها مجاناً أول مرة ... بعد أن دفعوا فيها ثمناً حقيقاً بقيمتها من حرّ مالهم ...
ولو عندك مشكلة مع القذافي أو إيران ... داك "الناتو" ... امشي اشتكي ...
... المهم ....
| |
|
|
|
|
|
|
|
|
|
Re: (دار حزب الامه الحالي) تم شرائه من آل ابو العلاء بتبرع سخي من(القذافي)+(تبرع ايراني)! (Re: ABDALLAH ABDALLAH)
|
الفاضل عبد الله عبد الله
اي مجانبه للمنطق للحديث عن تبرعات القذافي
او العلاقات الكانت عامره خاصه بينه وبين حزب الامه؟؟
Quote: الأخت تراجى
مع إحترامى لشخصك الكريم لكن أرجو الاً تضعى نفسك فى عداء مع كل
قطاعات حزب الأمه بإثارة مثل هذه الأقاويل والتى لاتستند على أسس
منطقيه. |
قذافي هداد الله للحق.....خيره مغرق اغلب الاحزاب السودانيه
وبالتحديد ناس الجبهه الوطنيه.
دي ما قضيتنا....قضيتنا لما تجيء بنت الصادق المهدي رباح ترد لينا هنا
بباس ورد عمر فضل المولى...وتعمل فيها انه استرتها تحديدا ليست غارقه في خير القذافي.
نحن هنا لنقول لها اسرتها وحزبها خير القذفي مغرقهم
وآخير كل زول يلزم حده.
| |
|
|
|
|
|
|
|
|
|
Re: (دار حزب الامه الحالي) تم شرائه من آل ابو العلاء بتبرع سخي من(القذافي)+(تبرع ايراني)! (Re: محمد عبدالرحمن)
|
* فرانسيس دينق: وجدك على الجله اللى تنازل لوالدك ممكن تحكى ينا شويه عنه؟
بابو نمر: على الجله نفسه حضر المهديه الناظر قبله كان اسمه على مسار ويبقى
لى زى عم وهو مسمى عليه وبعدين العرب سووا دوشه مع اولاد كامل وكده وقالوا ليه
ما عايزنك وبعدين هو تنازل مسكوا واحد تانى ...مات..والبعده كتلوه العرب
وبعد ما جات المهديه الناس حضرت لا مدرمان وبعد نهايه المهديه القبيله رجعت
تانى وعينت على الجله ناظر..على الجله كان مع جيش المهديه وهو ما رجع مع
الناس بس قعلد لحد ما ما مشى قدير ورجع مع الخليفه تانى لامدرمان وحراب معاه
الترك فى ام دبيكرات ,,,على الجله ما رجع مع اهله بس قعد مع ول تورشين قال :
" البضوق حلوها ومرها يضوقه" ما بفوت خليفه المهدى وقعد معاه لغايه ما حصل
معاه معركه كررى وحضر معاه بتاعت ام دبيكرات...
بعد وفاه المهدى سلاطين باشا كان بيته بجانب بيت ابو العلا الكبير فى امدرمان
والبيت ده هو الحوش بتاع جدى على الجله ده بيت على الجله وابو جكه وحماد
رقيعات وحماد دول اخوال ابوى ...ومع على الجله حوشهم واحد وسلاطين كان جنبهم
حسه فى بيت ابو العلا ده فى الركن الصبحانى فى اويضه كده ..ده كانت بتاعت
سلاطين حسه ناس ابو العلا لمن اخدوا الحته دى خلوا الاويضه تذكار....
سلاطين بقه زى مفتش عام السودان بعد ما فتحوا البلد وهو كتب للحاكم
العام فى الابيض عشان يعملوا عىل الجله ناظر للقبيله
المصدر: ذكريات بابو نمر إعداد وتحرير فرانسيس مدينق دينق مجوك
( بالعربى وتوجد ترجمة للإنجليزية فى ذات النسخة )...
| |
|
|
|
|
|
|
|
|
|
Re: (دار حزب الامه الحالي) تم شرائه من آل ابو العلاء بتبرع سخي من(القذافي)+(تبرع ايراني)! (Re: محمد عبدالرحمن)
|
يتضح من سرد الناظر بابو اعلاه ان منزل سلاطين كان مجاور
للمنزل الحالى وكان عبارة عن اوضه صغيرة تم ضمها للمنزل
بعد حيازتة بواسطة ال ابوالعلا ) قبلها كان المنزل تاريخيا
ملكا لعلى الجلة واب جكة أشهر ملازمى الخليفة وقد استشهد
قبله فى ام دبيكرات ....
يلاحظ عدم إكتراث احفاد على الجلة بالمنزل كورثة ربما
مرده كسر على الجلة جدهم المقاتل الشهير وبطل سلاح الإشارة
فى كررى كما شهد له تشرشل وزلفو وغيرهما كسره الى غرب
البلاد بعد غروب المهدية ..
| |
|
|
|
|
|
|
|
|
|
Re: (دار حزب الامه الحالي) تم شرائه من آل ابو العلاء بتبرع سخي من(القذافي)+(تبرع ايراني)! (Re: محمد ميرغني خليفة)
|
لحبيب الهادي
الجاينا رافع عكازك(هههههه) سلام
ابدا مافي اي مشكله في قبول تبرع.
والمشكلة بنت الصادق المهدي رباح البتردح هنا بباس ورد عمر فضل المولى
وعامله فيها امه الثوره و الثوار.
بينما و الدها يرسل البرقيات هو و الرئيسه القادمه للحزب
للاطمئنان على القذافي.
ازدواجية المعاير هي المشكله.
و الانتهازيه و تقسيم البيض في كل السلال هو المشكله.
Quote: ووبعدين القذافي ده فرقو من حافظ الأسد ولا بشار الأسد شنو ؟؟
ما ياهم كلهم نفس الطينة والعجينة |
اها يا الحبيب دي اسمها القرايه بالاضنين؟؟؟
الدخل ناس الاسد شنو؟؟يعلها نوع القرايه الفطيره لتناولي لامر قناة الجزيره؟؟؟
اما للحق فقذافي اقرب لنا كسودانين واكرمنا وما قصر معنا زي ما قلت معارضه وحكومه ومواطنين.
انت المفروض تعرف راي حوله شنو الاول هذا البوست للانصار البيسبوا ويشتموا في قذافي
حبينا نذكرهم علاقاتهم التاريخيه مع العقيد.
Quote:
والإيرانيين كذلك هم الداعم الأول لنظام حزب البعث في سوريا
ويغدقون عليه إغداق من لا يخشى الفقر.. |
يا الحبيب نفس القرأه الابالاضنين ثاني؟؟؟
بعث شنو يا الحبيب؟؟انا قلت لك كلمة قوميه عربيه دي كلها عندي فيها راي.
مصر عشان كتبته مستنهده على نقد السورين لقناة الجزيره انك تلصقني في البعث السوري؟
والله ياهو الفضل؟!
لكن بعيد عن قراءتك العجيبه لكتابتي فانا اتفق معك في انه النظام السوري راتع في الخير الايراني.
وانه لو اتيح لاي حزب سوداني يلقى اموال من ايران فمبروك عليهم,بس يقولوها لينا نحن الجمهور ولا شنو
يا الحبيب عشان نقوم بواجب الشكر.
Quote: وبعدين هو لولا أموال و قروش القذافي هذه،
كان حا يكون في حاجة اسمها الجيش الشعبي لتحرير السودان من أساسو ؟؟
ألا تذكري بدايات الحركة والجيش الشعبي عندما لم يكن يعيرهم العالم
الغربي أدنى اهتمام، من كان يدعمهم لمقاتلة نظام نميري لولا أموال
القذافي هذه !!
ألم يصفه الدكتور قرنق بعد الخلاف معه أبان فترة الديمقراطية بأنه
وليبيا كانوا بمثابة البقرة الحلوب للحركة والجيش الشعبي..
ليه قروشو هناك حلاااال وحلوووة وباردة على القلب، بينما هنا يتم
تحريمها وتصبح محل لوم؟؟ |
يا الحبيب كلامك كله صحيح
وبالعكس انت لو متابع انا كتبت مثل ما كتبت بحق الانصار لياسر عرمان
الذي عمل فيها مهللا ومكبرا ضد القذافي ولعلمك قلت لك انت لو حركه شعبيه اصيله
كنت ستذكر بالعرفان القذافي. واعرف الجنوبين الحقيقين مستعدين الآن للدفاع عن قذافي
تحدثني احد المقتلات سابقا بالجيش الشعبي انه مهما حدث لن تنسى مشاعر الغبطه و الحبور
ونظام الخرطوم محيط بهم وسلاحهم قد نفذ..حينما وصلت اول شحنة من اسلحة ليبيا لدعم الجيش الشعبي!!
يبقى كلامك صحيح وبتفق معاك فيه وغير منكره له
بس لو لقيت جنوبي متبجح وبيشتم في قذافي حاقول له الكلام ده.
زي ما كتبته هنا عشان بتكم المتبجحه دي بباس ورد عمر فضل المولى رباح الصادق.
اها وقع لك كلامي؟؟؟
وعشان ما تركزفي في النفي و الاثبات عن من يكتب بباس ورد عمر فضل المولى
عشان دي ما قضيتنا بهذا البوست كان من باب اولى ان تحجمونه/ا انتم الانصار
وتقولا ليه لسنا نحن بالجاحدين ولا المنكرين لخيره السابق.
وهذا بالطبع لا يعني قبولنا لقتل شعبه. وهذا كل ما هنالك.
Quote: ناس خليل ديل ومعظم الحركات المسلحة في غرب السودان مدورين
بي قروش منو ؟؟ |
دي بقى حلوه شديد عارف ليه لانه قذافي لو بهلها لينا
كان زمان الفيلم ده انتهى.
قذافي علاقاته محدوده مع حركات دارفور؟؟
وظل ممزق...بين هل يجب ان يدعم عرب دارفور ام زرقتها؟!
لذا دعم... قذافي للحركات الدارفوريه ظل محدود مقارنه بما يجب ان يكون عليه
مقارنه بالجيره.
Quote: ده غير انو هذه هرطقة لا تستطيعي أن تقيمي عليها أي دليل..
خليك من الحركة والجيش الشعبي وسوريا والكلام ده كلو..
|
وبتفق معاك في دي....يبقى انت من يفترض يقنع بقية الاحباب
ان يكفوا عن السؤال بتاع الوثائق(وجه غامز) لانه مافي مسؤل عربي بيمنح
تبرعاته بوثائق!!
والا فعليكم بابراز وثائق حول دعم القذافي لحركات دارفور(وجه غامز آخر)!!
واقعد عافيه.
الا فتشوا الجاب لكم الهواء هنا منو؟!
| |
|
|
|
|
|
|
|
|
|
Re: (دار حزب الامه الحالي) تم شرائه من آل ابو العلاء بتبرع سخي من(القذافي)+(تبرع ايراني)! (Re: Tragie Mustafa)
|
Quote: لو متابع انا كتبت مثل ما كتبت بحق الانصار لياسر عرمان
الذي عمل فيها مهللا ومكبرا ضد القذافي ولعلمك قلت لك انت لو حركه شعبيه اصيله كنت ستذكر بالعرفان القذافي |
العزيزة، تراجي،
اي عرفان للنازي الامبريالي المعتوه قذافي؟
الرجل فعل مافعل لخدمة مصالحو هو او طمعمو في السودان، وليس من اجل سواد عيون الراحل ديمابور، وكذلك فعل ديمابور، الذي استخدم سذاجة القذافي ايما استخدام، دون تفريط في مصالح وطنو او شعبو كما فعل ويفعل امثال الرقيع الصادق المهدي اللحم اكتافو بعض ريع عمالتو لي اسيادو العرب كثمن لي اسهامو في تذبيح وابادة عشيرة جدته مقبولة، بالوكالة هذا العار.
لاعرفنان للمجرم والنازي القذافي.
ديمابور بي دهاء شديد استخدم قذافي كما ورق التوليت، المجد له!
| |
|
|
|
|
|
|
| |
Tragie Mustafa
Elhadi
othman mohmmadien
نيازي مصطفى
تبارك شيخ الدين جبريل
محمد عبدالرحمن
رغيم عثمان رغيم الحسن
ABDALLAH ABDALLAH
هاشم نوريت
احمد محمد بشير
Bashasha
jini
فيس بوك
تويتر
انستقرام
يوتيوب
بنتيريست