|
كتب الكاتب الفاتح جبرا المتوفرة بمعرض الدوحة
|
|
 Re: يا شيوعيين من فضلكم افتحو بلوفة الموية عشان الناس تشرب (Re: عبدالله ود البوش)
|
هلا يا ود ابراهيم
وشر البلة ما يضحك
وحد يصحي بالله السادة مهندسي البورد عشان ينضمو لينا في الموية في الشبكة العامة للمياه لمن يحصل فيها (بلوك) من قبل ايادي عابثة
وخالد حسن مهندس بكل اسف مستهبل ومستنكح وكضاب رسمي وشعبي وبفضح في تصريحه دخ حاجات كثيرة تخلي الزول يبكي عديل كده علي حال واحوال البلاد والعباد..
ومحاولة غش الناس واللعب علي دقونهم باطلاق تهم وتصريحات استهبالية وهازمة لاشياء عديدة في هذا السودان بما فيها هندستة وهازمة (الفلويد ميكنكس) وهازمة كل شي ياااخ
| |
  
|
|
|
|
|
|
|
|
Re: يا شيوعيين من فضلكم افتحو بلوفة الموية عشان الناس تشرب (Re: عبدالكريم الامين احمد)
|
طيب يا (باشمهندس) خالد او ايا كان اسمك
الجهات السياسية المنظمة دي قفلت بلوفة الموية طيب لييييي ما فتحتوها بدل تجيبو تناكر
اه احتمال يكونو بعدما قفلوها شالو المفاتيح معاهم ناس المعارضة ديل مكارين و بعملوها
وانا زاتي اقول السياسي المنظم معاوية الصايم الفوق ده يشيل ويفتح في البوستات قاعد يجيب المفاتيح من وين
وبرضو الشباب السياسيين المنظمين بيتاعين الحركة الشعبية بفتحو في بوستات كتيرة
اتاري مفاتيح البلوفة قاعدة هنا في المنبر ونحن ما جايبين خبر
رجعو المفاتيح يا شباب اذا بتريدو خالد ده قرب يبكي ادوهو مفاتيحو
ــــــــــــــــــــــــــــــ
واضحكة محمد اي سليمان يا كيكي في المهندسين
| |
|
|
|
|
|
|
|
|
|
Re: يا شيوعيين من فضلكم افتحو بلوفة الموية عشان الناس تشرب (Re: محمد إبراهيم علي)
|
ياخي الكيزان ديل اصلو ما بطورو وكضبم زاتو قديم وما في فيهو اي نكهة
في بداية حكم الانقاذ و نحن طلبة والكيزان ماسكين الاتحاد كان في مشلكة بتاعة طفح للمجاري في الداخليات
اها واحد خشم كبير منهم وفي ركن محضور قال انو مشكلة الطفح ناتجة عن انسداد
والانسداد ده سببو انو الشيوعيين ما بيستعملو الموية لمن يخشو الحمام
لكن بقطعو الجمار بالحجار عشان كدة الحجار قفلت المجاري
الصديق معاوية الضواها عضو الجبهة الديمقراطية (امطرته سحائب الود اينما كان) نط من مكانو وطلب فرصة عشان يرد على الكلام العجيب ده
كلامو الذي رافقه وصف حركي لكيفية قيام الشيوعيين بقطع الجمار طبعا ما بينكتب هنا في البورد
بس كان سبب في فرتقة الركن (بتكونو اتخيلتو قال شنو)
يجي الباشمهندز خالد بعد 20 سنة يدور نفس الاسطوانة ومتوقع الناس تصدقو
وينك يا ضواها ترد على الزول وتفرتق هيئة الموية دي في راس الدقن الما بتختشي دي
| |
|
|
|
|
|
|
|
|
|
Re: يا شيوعيين من فضلكم افتحو بلوفة الموية عشان الناس تشرب (Re: بدر الدين اسحاق احمد)
|
سلام محمد
وصلتنى امبارح بال دى اتش ال أول شحنة "بلوفة" لزوم تأمينا, المهندس خالد جردل لو عاوز استعادتا مفروض يتفاوض مع المكتب الخاص بحلج البلوفة التابع لسكرتارية اللجنة المركزيه و تحت اشراف الزميل صاموله مفتاح انقليزى.
تعرف المصيبة الكبرى مش في كلام الكوز , المصيبه الحقيقية انو في امخاخ زى بتاعت ود الباوقه ده بتصدق الكلام ده, الكيزان العاديين عارفين انو الكلام ده جزء من طريقتهم في السياسه أيآ كان مستوى الخبل و الهبل و العباطه الفيها, أها بلوفة أمخاخ الطير الزى ودالباوقه ديل برضو القفلا منو؟
غايتو البلوفات طرفي الا يعصرو كويس ....
الانحطاط ده ما عندو قاع؟ و لا قدوهو و فاتو بعدو
سلام
| |
|
|
|
|
|
|
|
|
|
Re: يا شيوعيين من فضلكم افتحو بلوفة الموية عشان الناس تشرب (Re: محمد إبراهيم علي)
|
Quote:
ان اتخذ قفل البلوفة كوسيلة لهياج الجماهير
|
واتضح ان عمر ودالباوقة يمكن ان تدخل فيه اي شوتة قون طوالي
جتى لو كان الشايته خالد جردل
باوقة تصدق انكم مش حتعرفو تغمضو عينكم السنة دي
الاتحاديين والانصار بيؤدي في تمارين لصلاة استسقاء كاربة استعدادا لفصل الخريف*
المطر البجي منها مصارفكم الحفرتوها دي ما بتشيلا
حركات دارفور يطورو في نمل السكر بحيث ياكل اي حبة سكر حايمة في البلد
وفجاة كدة ما في مواطن يلقى حبة سكر يطعم بيها خشمو
باقي الخطط بنكشفا ليكم بعد شوية خليك Tuned
ــــــــــــــ
*الحقوق محفوظة لـ م.ب.خ
| |
|
|
|
|
|
|
|
|
|
Re: يا شيوعيين من فضلكم افتحو بلوفة الموية عشان الناس تشرب (Re: محمد إبراهيم علي)
|
بكرسي شكلو عطل html
Quote:
كَشَفت جولة لـ (الرأي العام) للتقصي حول أزمة المياه أمس، عن إنقطاع تام للإمداد المائي بأحياء وسط وجنوب الخرطوم (الديوم والمجاهدين) منذ الساعات الأولى من الصباح وحتى المساء.
وعبر المواطنون، عن بالغ إستيائهم من تكرار الأزمة عند حلول كل صيف، فيما شكا عدد من سكان الثورات استطلعتهم (الرأي العام) من الإنقطاع المتواصل للمياه منذ شهرين تقريباً، خاصةً في أحياء الثورات (الرابعة، السادسة والسابعة)، بينما لم يختلف الحال كثيراً في المهندسين وأبو سعد بأم درمان وأحياء ومربعات الفتيحاب حيث تَكَرّر سيناريو العطش. وشكا مواطنون بأحياء أم بدة من إمتداد الأزمة حتى في فصل الشتاء، وقالوا: (نحن نساهر الليل من أجل المياه). إلى ذلك، رصدت (الرأي العام) تحركات ماكوكية داخل إدارة المياه لحل الأزمة ولقاءات متكررة من الوزراء والمسؤولين مع مدير هيئة المياه الذي لم يجد مٌتسعاً من الوقت لإفادة (الرأي العام) حول القضية ليومين متتاليين. |
| |
|
|
|
|
|
|
| |
محمد إبراهيم علي
معاوية عبيد الصائم
عبدالله ود البوش
عبدالكريم الامين احمد
ASHRAF ABUELHASSAN
رغيم عثمان رغيم الحسن
فيصل محمد خليل
بدر الدين اسحاق احمد
فيس بوك
تويتر
انستقرام
يوتيوب
بنتيريست