كتب الكاتب الفاتح جبرا المتوفرة بمعرض الدوحة
|
Re: إنتخابات اللجنة الشعبية بالحارة الرابعة أم بده (يوجد تزوير وبمبان) (Re: ود العجمى)
|
Quote: يا مورتا مسألة الخج دي ما حاجه جديدة لكن المحيرني جابو الـ 660 صوت دي كيف ؟ انتو الرابعة دي ما فيها حيارى ولا شنو !! |
يا حسبو والله الرابعة فيها حيارى زي الورد مرتين الجماعه ديك ينسحبو ويأجلو الإنتخابات والحيارى حفظهم الله ورعاهم ما زهجو يلمو الناس ويجو والليله الجماعه ديك عملوها شينه ملو الحافلات وجابو نسوان من بره الحاره و وحدات ما سودانيات (حبش) وبرضو شباب الرابعه كانو اكتر حكمة وخلو الموضوع يستمر لانو لجنة الإنتخابات كانت واضح جدا إنها وابقفه مع المؤتمر الوطني وبرضو الفرق كان واضح جدا لصالح الحيارى بس شكلو التعليمات كانت واضحه لناس لجنة الانتخابات والشرطة المؤتمر الوطني يفوز يعني يفوز
| |
|
|
|
|
|
|
Re: إنتخابات اللجنة الشعبية بالحارة الرابعة أم بده (يوجد تزوير وبمبان) (Re: مرتضى احمد عبد القادر)
|
Quote: كان فى حوالى 150 نفر واثفين برة بحجة انو الزمن المتاح لدخول الناس انتهى |
يا بكري مجيد الشفت ضرب لي قال لي يا مورتا دقو جرس خلو يفتحو لينا الباب الناس المع الشباب البره كتار شديد يادوبهم جاين من اشغالهم انا المسكين قلته ليهو يازول امش اتغدا وتعال احتفل معانا نحنا اكتر منهم بكتير والناس ديل معصورين لو دقينا جرس في فتح الباب بخربوها ساي
غايتو يا بكري الجماعه ديل حقارين خلاس يعني يجيتونا كدا ويردمونا بمبان ويحمونا نزعل ونهتف ساي وكمان يرسلو لينا ناس امن بطبنجات وكلاشات والله غايتو الجماعه الجلدو الامنجي البقى يكورك جيب الطبنجه جيب الطبنجه ديك هم الوحيدين الإتفشو
| |
|
|
|
|
|
|
Re: إنتخابات اللجنة الشعبية بالحارة الرابعة أم بده (يوجد تزوير وبمبان) (Re: مرتضى احمد عبد القادر)
|
Quote: مع الخج أبو بمبان ما حصلوا 55 في الماية يا للبؤس وفقر الروح |
يا ناصر الشغله دي لو قامت من اول يوم اللهو كان جمعة كان شبااب الرابعه حسموها بنسبة ما بتقل عن 95% وتاني مره الخميس الفات برضو ناس المؤتمر الوطني ما كانو بيتجاوز مية نفر وبيطلعو والإنتخابات بتتأجل وآخر مره رغم دي رغم االعملوهو ناس المؤتمر الوطني ولجنة الانتخابات النسبة تقريبا حوالي كم وستين في الميه للشباب فالجماعه ديل بارك الله فيهم خجلو يعملو الفرق لروحهم كبير قالو نسبة كم وخمسين ما بطاله بتفوزنا وتموها وسكتو الناس بالبمبان
| |
|
|
|
|
|
|
Re: إنتخابات اللجنة الشعبية بالحارة الرابعة أم بده (يوجد تزوير وبمبان) (Re: مرتضى احمد عبد القادر)
|
ترفس يا حبيب ازيك وأزي الوليدات Quote: الرابعة حتة واحدة وكتلة واحدة دون تصنيف مع فرز كيمان الساقطين والانتهازين المنبتين عن الحارة الرابعة |
إسم الرابعه دا عندو أثر غريب عند ناس الرابعة بمجرد ما أعلنو إنتخابات اللجنه الشعبية بالحارة الرابعه الناس إتوحدو و إتلمو واجمل شي وقفت الحُجاج كلهم ورا الشباب وبرسل ليك مسنجر بوريك قائمة المؤتمر الوطني الأخيره كان فيها منو طبعا كانت بتتغير مع كل تأجيل لمحاولة منافسة قائمة شباب الرابعة صدق انا خجلان ليهم وما قادر اكتب اساميهم هنا ياخ في ناس مؤتمر وطني عديل ومعروفين عملو رايحين وما جو يصوتو ساي عشان مقتنعين بقائمة الشباب وتقريبا نص قائمة المؤتمر الوطني لحدي قبل اسبوع ما كانو عندهم علاقة بالمؤتمر الوطني
| |
|
|
|
|
|
|
Re: إنتخابات اللجنة الشعبية بالحارة الرابعة أم بده (يوجد تزوير وبمبان) (Re: ود العجمى)
|
ياشفيع وراق المؤتمر سرقنا قبل المغرب وحسب الاصوات التي تم عدها شبابنا تعداده 790 غير الذين تخطاهم العد عمداً وناسكم 360 شباب الرابعة شعارهم لاقبلية ولاحزبية يعني لادخل من قريب او بعيد لقرفنا التصحيح او غيرها في هذه الانتقاضة الرائعة لشباب الرابعة لقد قمت بنفسي بتصوير اعتداءات البوليس علي شباب الرابعة وسيتم تنزيل التوثيقات قريباً الخارة حارتنا واللجنة لجنتنا ولن نتركها لكم وستري
| |
|
|
|
|
|
|
Re: إنتخابات اللجنة الشعبية بالحارة الرابعة أم بده (يوجد تزوير وبمبان) (Re: ود العجمى)
|
مرحبتين ود العجمي اعتذارك مقبول ياخي وما بيناتنا
انا استغربت كلامك لانك عارف ومتأكد اني لا يمكن اساوم في موضوع الرابعة وخدماتها وانا متفهم وضعكم هناك
موضوع قرفنا انا اوردته لانه ابو يسرا فتح بوست وأكد انهم نازلين
وكنت اتمنى احضر الانتخابات دي هناك لاني كنت على يقين من اني كنت ح اصل معاكم لقائمة تخدم فعليا الحارة وكان ممكن اصوت فعلياً لمن يخدم بغض النظر عن حزبه، طبعا ما عدا الشيوعيين (وانت طبعا عارفني قاصد شنو/منو)، لانه في نظري اللجنة الشعبية جهة خدمية وليست تشريعية او تنفيذية وحسب ما بلغني انو ناس المؤتمر اضطروا يعدلوا القائمة حقتهم ودخلوا مجموعة غير منتمية وانتو كمان دخلتوا ناس يعتبروا (اسلاميين) انا جاييكم بعد اسبوعيين خلوها مولعة لامن نصلكم
| |
|
|
|
|
|
|
Re: إنتخابات اللجنة الشعبية بالحارة الرابعة أم بده (يوجد تزوير وبمبان) (Re: الشفيع وراق عبد الرحمن)
|
شوشو انتماءك للمؤتمر لن يسمح لك بمبادرة توفيقية حدثني الاخ الفاضل ابراهيم الرشيد وراق وهو شخصية مقبولة من الجميع انه تقدم بمبادرة توافقية قبل بدء الانتخابات تحفظ لشباب قوتهم المؤثرة ولكن مبادرته قوبلت بالرفض من قبل الشباب بعد اسبوعين ياشفيع لن تجد النار مشتعلة بل ستجدها رماد أحد الخبثاء قال إن شكرالله خلف الله هو من اخرج تلك السهرة البايخة (سهرة الانتخابات) الجدير بالذكر ان شكر في قائمة المؤتمر الفائزة زوراً
| |
|
|
|
|
|
|
Re: إنتخابات اللجنة الشعبية بالحارة الرابعة أم بده (يوجد تزوير وبمبان) (Re: ود العجمى)
|
تقدم شباب الرابعة بطعن قانوني لدي لجنة الانتخابات استندوا فيه الي ان مندوبهم في عملية العد قدم احتجاجاً الي ان العد لم يتم لمجموعة من شباب الرابعة ولم تستجب اللجنة لاحتجاجه وواصلت عملية الجمع بالرغم من ان هناك مجموعة (صفين )تعداهم الحصر ونبه الطعن الي ا هناك ظلم واضح حدث وحذر من نتائج حالة الاحتقان الحاصلة لدي سكان الرابعة وطالب الطعن باعادة الانتخابات في جو ديمقراطي صحيح وان يتم حصر الناخبين في كشوفات والتاكد من انهم م سكان الرابعة
كان منظر الحبشيات( الذين احضرهم حزب المؤتمر الوطني) في الثوب السوداني رائعاً
| |
|
|
|
|
|
|
Re: إنتخابات اللجنة الشعبية بالحارة الرابعة أم بده (يوجد تزوير وبمبان) (Re: ابو يسرا)
|
Quote: كان منظر الحبشيات( الذين احضرهم حزب المؤتمر الوطني) في الثوب السوداني رائعاً |
كويس انه المؤتمر الوطنى بقى يخلق الجمال سجلها عندك للتاريخ عشان لمن نجى نذكر محاسن موت المؤتمر الوطنى بعد موته القريب
نقول خلقوا لينا جمال بوجود الوجه الإثيوأرترى الوسيم ولو فى لحظة تزوير
وعبر هذا الخيط احييى اخوتنا الاثيوبيين ساكنى الرابعة منذ زمن بعيد
هل تذكر يحيا فضل الله حينما كتب عن (نقة) الاثيوبى الذى توفى .. يا ريت تلم لينا فيها هذه التداعيات الخاصة بالرابعة يا ابويسرا
| |
|
|
|
|
|
|
Re: إنتخابات اللجنة الشعبية بالحارة الرابعة أم بده (يوجد تزوير وبمبان) (Re: ود العجمى)
|
وصلتنى عبر الايميل من حيث يحترق خالد ع.عاطى شوقا للرابعة
التحية لشباب الرابعة الابطال التحية لكل سكان الرابعة شيبا وشباب رجال ونساء التحية للصامدون فى وجه الفساد والاستبداد لقد لقنتوهم درسا فى معنى التكاتف والتلاحم حتى لا تحدثهم نفسهم مرة اخرى بامكانية تغيير تركيبة الرابعة الصامدة منذ نميرى وحتى عهد الظلام الحالى يؤسفنى ان تكون هذه مشاركتى وانا بعيد عنكم. بل فى مدينه اخرى حيث لا كيبورد عربى الا الموبايل وهو اضعف الايمان خالد - اييوو - الصين
| |
|
|
|
|
|
|
Re: إنتخابات اللجنة الشعبية بالحارة الرابعة أم بده (يوجد تزوير وبمبان) (Re: الشفيع وراق عبد الرحمن)
|
ثقافة البمبان خلييناها ليكم ياوراق دي ثورة شباب تحت ال22 سنة لن اقول لك ان صديقي وقريبي احمد تين بقي مؤتمر وطني لانه ومن ولادة هذا الحزب كان معهم يعني مؤسس ياريت تتصليه وتقول له كيف فزتم ولاعتقد انه سينكر لك الطريقة التي فازوا بها والدة اخونا محمد خضر انكسرت رجلها كسر مركب وستجري لها عملية صباح السبت بمستشفي خاص بامدرمان وتكلفة العملية ستة مليو بالقديم تم دفع ثلاثة منها ولقد سجلت لها قياداتنا الشبابية زيارة في مزلها رغم انها م المعسكر الىخر واكيد انهم سيقومون بالواجب لن يستطيع حزبكم ان يعكر صفو حارتنا والدروس ستتوالي لكم لعلكم تعقلون وتفهمون
| |
|
|
|
|
|
|
Re: إنتخابات اللجنة الشعبية بالحارة الرابعة أم بده (يوجد تزوير وبمبان) (Re: ابو يسرا)
|
ياسلام منك انا اه ياسلام ابويسرا ... ودالعجمى .. مبروك وياريت تنقلوا تحياتى لكل الشبان والشبات الحلوين ، لا يعرفوا الرابعة ليس افراد وشخصيات وانما اجيال متداخلة.
نحن سعيدين بمافعلة شباب الرابعة بالاجهزة الحكومية وهزيمة معترف بها على خجل، لهذا تم تنفيذ ادوات غسل الوجهة ليس بمرقة، ولكن بكيمياء التزوير ، وبشكل مربوك.
التاجيل فى الخامسة يعنى الهزيمة ، لجنةشعبية تمتلك كل شئ ، ليه بتاجل المبارة اقصد الانتخابات بسبب هطول الامطار ، ولا رجال الخطوط ماوصلوا ، ولا الجمهور التاخر، الحارة الخامسة والحارة الرابعة من الحارات المفتوحةمع بعض نتذكر ذلك ونحن صبية، وسكن فى الخامسة منذ اوئل الستينات الفنان التاج مصطفى والفنان العاقب محمد حسن هذا على سبيل المثال . مامشكلة الجماعة باين يكون جهزوها ، لكن برضوا لازم تفرتكوا الكورة وممكن نعمل منتخب من الرابعة والخامسة ، عشان نلعب صاح ضد التحكيم والظروف المناخية والتزوير.
| |
|
|
|
|
|
|
|