|
|
 امـانـة يـا بـوردآب كـالـقـري مـا إتـلـومـتـو لـوّم !!! ... طـلـعـت الـطـيّـب ...
|
Quote: فالرجل علي قدرٍ عالٍ من التواضع في كل شئ. تحدث عن فترة الديموقراطية، وتحديداً
عام 88 عند عودته للسودان. قال: البلد كانت في حالة حركة دآئبة لتفعيل الديموقراطية، والأحزاب
في قمّة نشاطها. كما شكر الصادق المهدي مشيراً إلي انه سياسي مُحنّك وكان ينادي الناس بعبارة
(بني وطني). الغريبة في الفترة دِيّك الناس إستهوتهم عبارة (هلُمّ جرآ). في وآحد كان قاعد جنبي
وصلعتو زي صلعتي، أشار إلي انّ العيب في الصادق المهدي وزعماء الأحزاب إنهم لم يتركوا
القيادة تتجدد بإعطاء الفرصة للأجيال الجديدة. وافق محمد المكي بأدب جم وتواضع ما شفت زيو
قبل كده. محمد المكي جانا شايل معاهو حُلّة من التواضع البسها المكان والزمان حتي بانت وآضحة
في كل شئ. حتي الطعام كان متواضع وبسيط ولذيذ طيبته طِيبة الرجل. هاجمنا المائدة قبله، زلعة
مننا فأتى بعدنا يتقدم بكل ادب وتواضع. |
Quote: العزيز معاوية
اشكرك على البوست الصادق الممتع ، بالمناسبة الزول ابصلعة الذى تحدث عن اهمية التجديد القيادى هو شخصى الضعيف لان
اديبنا تحدث عن احترامه للصادق المهدى وبقية القيادات السياسية الموجودة واهمية ان يحفظ الشباب لهم ذلك الاحترام ..
انا وافقته يا معاوية على حديثه لكنى فقط اضفت نقدى لهم فيما يخص التجديد القيادى لانهم صادروا من الديمقراطية السودانية
شىء من اهم مكوناتهم ، وقد وافقنى الاستاذ محمد المكى بذلك الادب الجم المعروف عنه.
لاستاذنا بشرى الفاضل خيط هنا مكرس لموضوع اسماه المقدرات اللغوية للمرحوم الاستاذ الخاتم عدلان ، وهو خيط جيد لم يسعفنى الوقت
للمشاركة فيه، ولكنه اثار فى نفسى لواعج من ذكريات ، ففى كلمة كان قد ارتجلها الخاتم فى اسمرا على ايام التسعينات ومعسكرات المعارضة هناك ،
قال عن المرحوم عمر نور الدائم ان الرجل جمع بين الاستنارة الليبرالية وجماعية شيوخ العرب ،
التعبير كان مثار غضب العديد من الشباب والشابات ليس تقليلا من شأن المرحوم نور الدائم فالرجل فعلا كان شيخ عرب كريم،
ولكن كنا نعتقد بأن العبارة لا تنسجم خاصة وبعضنا مازال نتمثل الرجل وعبارته الشهيرة فى البرلمان على ايام الديمقراطية الثالثة (البلد بلدنا ونجن اسيادها!!!!)
استاذنا محمد المكى ابراهيم رجل يتميز بالعمق والقبول فى نفس الوقت وهى معادلة صعبة كما تعلم على بساطتها ، ولذلك اجد نفسى
مطمئنا تماما فى القول بان الرجل فعلا جمع بين الاستنارة الليبرالية وسماحة وجماعية شيوخ العرب |
|
|
 
|
|
|
|
|
|
|
 Re: امـانـة يـا بـوردآب كـالـقـري مـا إتـلـومـتـو لـوّم !!! ... طـلـعـت الـطـيّـب ... (Re: معاوية المدير)
|
Quote: في وآحد كان قاعد جنبي
وصلعتو زي صلعتي، |
Quote: العزيز معاوية
اشكرك على البوست الصادق الممتع ، بالمناسبة الزول ابصلعة الذى تحدث عن اهمية التجديد القيادى هو شخصى الضعيف |
يا بورداب كالقري، طلعت ده ليهو خمسة سنين قاعد في كالقري،
في خلآل الخمسة سنين ديل انا جيت كالقري اكتر من 200 مرّة
ما فيكم وآحد يقول لي تعال نعرفك علي وآحد بوردابي معانا؟؟؟
!!! أها، النقول ما بوردابي الزول ده ما من اتبرا. ما بتقولوا لي
في وآحد من عطبرة معانا في كالقري؟؟؟!!!
| |
|
|
|
|
|
|
|
|
 Re: امـانـة يـا بـوردآب كـالـقـري مـا إتـلـومـتـو لـوّم !!! ... طـلـعـت الـطـيّـب ... (Re: معاوية المدير)
|
Quote: الهلالابى الاصيل عضو المنبر الباشمهندس احمد الريح..
تشرفت بلقاء احمد اول مرة عندما زارنى فى بيتى معزيا
فى وفاة شقيقتى سامية ....
لم يخيب ظنى ..نفس الصورة التى كنت ارسمها له (بس شوية جلحات)
تتشرف مدينة كالقرى وبوردابها بان يكون احمد الريح احد ابنائها
وبانضمامه اصبح بورداب المدينة كلهم يلعبون فى الممتاز ...
ونعلنها عالية مدوية ..كالقرى المدينة البوردابية الاولى على مستوى
امريكا الشمالية ... |
Quote: ونعلنها عالية مدوية ..كالقرى المدينة البوردابية الاولى على مستوى
امريكا الشمالية ... |
تعلنها وكمان مدوية يا النصري!!!؟ هسع كان ما ود المكي أبو حميد ده ما كان دخل
المدينة علي غفلة من أهلها، وكان نسمعبو بعد 7 سنين. يا راجل ولا حتي بوست
بتاع ترحيب!!!؟؟؟
قلت لي المدينة البوردآبية الوحيدة علي شنو!!!؟؟؟
| |
|
|
|
|
|
|
|
|
 Re: امـانـة يـا بـوردآب كـالـقـري مـا إتـلـومـتـو لـوّم !!! ... طـلـعـت الـطـيّـب ... (Re: معاوية المدير)
|
يا معاويه إنت متقريفلك لى كتال واللا خبارك مفنق فوقنا زى الزوله
البتكحل عين واحده عشان يسألوها وتمرق قرونها وتلدغ زى أم نوويره
يا معاويه حذريك أنا الوريتك طلعت وطلعتو ليك أتبراوى تقول
دسو منك ياخ نحن مع متابعة نجاح الليله وخلتونى ألم الكراسى براى
تقولى لوم
ياخ الشكر لك على تشريفنا بحضورك والشكر لطلعت ولأحمدالريح والرزوقى
وكبر وأمير والنصرى ولكل الآخرين غير البورداب لتلبيتهم ذاك النداء
العاجل
ويا طلعت ألف مرحب ببرامج الصيف ويا ليت الكل يهتم فكلنا أحوج
إليها.
ويا معاويه أتاحت
والسلام للكل
منصور
| |
|
|
|
|
|
|
|
|
Re: امـانـة يـا بـوردآب كـالـقـري مـا إتـلـومـتـو لـوّم !!! ... طـلـعـت الـطـيّـب ... (Re: النصرى أمين)
|
Quote: العزيز معاوية
تحياتى وتقديرى
جزيل الشكر على هذا الترحيب والبوست الخاص والذى اتمنى ان يكون دعوة لجميع افراد الجالية بكالقرى وما جاورها
للاستفادة من هذا الصيف وتنظيم لقاءات اسرية نهارية فى عطل اخر الاسبوع ، واتمنى ان تجد الوقت لتشريفنا من رد دير
لنجعل البوست مناسبة للتفاكر والتعارف بعد اذنك
ولك ولضيوفك الاعزاء كل المحبة |
الأخ الحبيب طلعت،
أخبارك؟
الذي ذكرته في مداخلتك هو الغرض من البوست بإتفاق مسبق مع
الأخ النصري امين، والذي اوافقه في اقتراحه ان تكون البداية
لّمة للبورداب مع بعض قبل إخضرار الأرض وإمتلاء الضرع.
لمّة البورداب هي دعوة كي نتعارف ونتفاكر في شأن البرامج الصيفي.
| |
|
|
|
|
|
|
|
|
 Re: امـانـة يـا بـوردآب كـالـقـري مـا إتـلـومـتـو لـوّم !!! ... طـلـعـت الـطـيّـب ... (Re: معاوية المدير)
|
Quote: يا اخوي داير تتملص، وتمرق رويحتك بالرااااحة
مالك؟ إنت برآك مع الجماعة، لكن مآك دآخل في
الغريق زي ناس منصور والنقر. دحين اسرع
امرق رقبتك. |
يا ريت والله يا ود المدير لو كنا معكـم هـناك.
قضـيت بين ظهـراني الكالقراب أياما جمـيلة والله
لا زلت أذكـرها بالخـير كلـه .. ثم رحلـت غـربا
لعـروس الباسـيفيك ولم أزل بها .. فشـرفونا بالله
تحيات وترحاب بالأخ أحمـد الريح وطلعـت الطيب
تمنياتي أن يطـيب لهما المقام في حاضـرة البراري
ودمتم في حفـظ الله ورعايته.
| |
|
|
|
|
|
|
| |
معاوية المدير
ABUHUSSEIN
Abd Alla Elhabib
طلعت الطيب
munswor almophtah
فيس بوك
تويتر
انستقرام
يوتيوب
بنتيريست