|
Re: اللهم سخر لنا خلافاً آخر ثم آخر! (Re: عثمان رضوان)
|
Quote: إذ لا سبيل للتأكد مما يدور في الكواليس إلا بتفجر الخلافات!
|
ما صدقتوني لامِن قُلت ليكُم "الوافِدين" على بِلادي نا ما بِتغَيرو مهما طال الزمن، في بِيوتاتُمْ بِشوفونا بِطريقة مااا حِلَوه، ده غير إنهُمْ بِيجونا بِثقافة مو هيلنا.. بِيجو بِقَيَمْ ماااا بِتنفع معانا.. ديل ما بِهِمهُم "البلد" ولا "حمد". هسِع شوفو مِتِلْ "ملاسي" ده وضُعف رأيو، البِقول ما بتظهر "الحقائِق" إلا بِإشْعال "الفِتن" وده بِذكِرني بِالمثل المِصري البِقول:[ما شفهُمْش بِسرقو، شافوهُم بِتخانقو] وده مثل مُتأصِل في نفوس المِصرِيين ومَن شابههُم في الأخلاق والشِكول.
لا يا "ملاسي" عِندنا في سودان السجم ده اللامي كُل مخلوق ومِن أطراف "تِقيها شِبِع"، عِندنا فوقو "قِيَمْ" أصيلة، أصيلة حتى لو في سوء مقصدا، مِتِل: [المديدة الحاره] وده مثل بِيُضرب لِمُشعِل الفِتن ومُثير الخِلافات، بِيُضرب إسْتهجانًا لِمن فتن وأشعل، وبرضو "تمني" إنْفِجار الخِلافات بَين الناس ما حلو ياخ.. ما نبيل.. ما كُوَيِس.
طبعًا إنت يا "ملاسي" مُسْتحيل تعدِد لينا "محاسِن" وِزارة الصحة في عهد المذكورَين في عمودك ده، لأنك ما بِتْشوف إلا الكعب، ولأنك ما مُهتم بِالسمِح.. الحِكاية عاوزة نُبْل والنُبل عاوِز أصالة والأصالة عاوزة تاريخ والتاريخ عاوزْلو بشر والبشر نِحنا ده
| |
|
|
|
|
|
|
Re: اللهم سخر لنا خلافاً آخر ثم آخر! (Re: عمر عبد الله فضل المولى)
|
أنا شايف إنو الخلافات الفي البلد دي علامه علي إنو الحلول القديمه للمشاكل البي تتجدد كل يوم ما عادت كافية و لأنو مافي طرق سلمية (إدارية في خدمة مدنية فاعلة، مؤسسات ديمقراطية ،صحافة حرة قضاء مستقل و برلمان)، عشان كدا بي تنفجر الخلافات و بدل تكون إختلاف رأي أو خلاف موسسات يتحل بي طريقة ديمقراطية ،بي يتحول لي خلاف شخصي الإستفدت منو ،إنو في تحرك إجتماعي و إقتصادي و سياسي تحت السطح و إنو في إنسداد في مواسير الحلول بتاعت البلد.
شكرا" ليك حسين ملاسي
| |
|
|
|
|
|
|
Re: اللهم سخر لنا خلافاً آخر ثم آخر! (Re: فيصل محمد خليل)
|
Quote: عشان كدا بي تنفجر الخلافات و بدل تكون إختلاف رأي أو خلاف موسسات يتحل بي طريقة ديمقراطية ،بي يتحول لي خلاف شخصي الإستفدت منو ،إنو في تحرك إجتماعي و إقتصادي و سياسي تحت السطح و إنو في إنسداد في مواسير الحلول بتاعت البلد.
|
نتوقع كم ( ماسورة ) تضرب، لحدي الانفجار العظيم يا عمك عيدروس؟
------
مية مية انت كدا الله يبشرك بالخير .. قول آمين؟
| |
|
|
|
|
|
|
|