Quote: أكد فضيلة الأستاذ محمد مهدي عاكف، المرشد العام السابق للإخوان المسلمين، أن مصر ستظل دولة مدنية بمرجعية إسلامية.
ودعا- في تصريحات للصحفيين قبيل بدء فعاليات المؤتمر الصحفي للإخوان حول قرارات مجلس الشورى العام- الشعب المصري إلى الحفاظ على الحق الرباني الذي منحه الله له، وهو الحرية التي تحتاج إلى ممارسة حقيقية يجب ألا نستعجلها، مشيرًا إلى أن مصر عاشت 60 عامًا من الظلم والفساد والاستبداد، وإصلاح هذا الفساد يحتاج إلى وقت.
ورحَّب فضيلته بالتوقيع على المصالحة الفلسطينية بين حركتي فتح وحماس برعاية مصرية، سائلاً الله عز وجل أن يتمَّها على خير، مشيرًا إلى أن مصر بهذه الرعاية للمصالحة استعادت ريادتها العربية، داعيًا إلى فتحٍ فوريٍّ لمعبر رفح بين مصر وقطاع غزة، وقال: "نحن لا نخاف من الصهاينة، ولكن الخوف من تراجع العرب عن قضيتهم، إلا أن مصر الحرة قادرة على تجميع العرب لنصرة القضية الفلسطينية"، مشيرًا إلى أن التهديدات الصهيونية ليس لها إلا المقاومة.
وقال إن الله عز وجل خلقنا أحرارًا، ويجب أن نكون كذلك، داعيًا إلى التصدي لفلول النظام البائد الذي ربَّاهم طيلة 60 عامًا على الظلم.
بعد اعلانهم تكوين حزبهم (الحرية و العدالة) بديهم من تلاتين لي اربعين في المية من المقاعد وبعد تصريح عاكف فنجرة ساي بديهم عشرة في المية تاني يعني خمسين في المية من مقاعد البرلمان للأخوان المسلمين شكلو علمانيي هنا وهناك شربو زيت أو على وشك
05-01-2011, 11:42 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
اعلن الاخوان المسلمون عدم ترشيحهم عن حزبهم أو دعمهم لاي عضو منهم يترشح لانتخابات رئاسة الجمهورية ودي شطارة و بعد نظر سياسي نجيض منهم اي مرشح حيعمل حساب ليهم ولوزنهم المتوقع في البرلمان وفي نفس الوقت ما ح يشيلو وش القباحة في ظل تحديات اقتصادية كبيرة ستجابه اي حكومة مصرية قادمة واكيد في بالهم تجربة ناسهم في السودان و العولقة العولقتها ليهم السلطة
05-01-2011, 11:56 AM
aydaroos
aydaroos
تاريخ التسجيل: 06-29-2005
مجموع المشاركات: 2965
ما عندي شك يا محمد البشري، إنو التيارات الماخدة مرجعياتها الثقافة العربيةالإسلامية كلها حا يصل بيها النقاش لي حقوق المواطنة (ودا النقاش البي ينفجر ليهم ي وشهم طوالي لأانو بي يعالجوه بالشعارات ما بالحلول العملية). وحقوق المواطنة طوالي دربها عديل علي العلمانية. و الفشل في إداراك هذا بي يعني تهميش قطاع عريض من المواطنين، لا ينتمي للدين الإسلامي، وقطاع آخر ليست له نفس الرؤي الدينية لجماعة الأخوان المسلمين يعني المحنة محنة البلد ما محنة علمانيين يا ود البشري.
بس متفق معاك أنو الأخوان المسلمين في مصر طرحهم إتقدم خطوات كبيرة و نرجو معاك إنو يكون تغيير جوهري و مبدئي في التفكير وإدراك للواقع المصري ما مجرد تكتيك سياسي
05-01-2011, 12:20 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
كيفك يا عيدروس طولنا من الونسة معاك الحاجة المأخوذة على الاسلاميين انهم بعتبروا حلولهم هي الصحيحة و النهائية وما عداها باطل مش كدا؟ طيب ما دا ياهو زات نفسو مسلك العلمانيين وتبين في كلامك دا
Quote: وحقوق المواطنة طوالي دربها عديل علي العلمانية.
شعوبنا التي تختلف تماما في تركيبتها الاجتماعية ومستوى التعليم و الوعي وترتيب اولوياتها عن غيرها من الشعوب التي اتخذت من العلمانية سبيلا و طبقت ديمقراطية بشكل يناسبها تحتاج حلول تناسب مجتمعاتنا فالقوالب الجاهزة اللافقة هناك ما بتلفق هنا لاسباب كتيرة و العلمانية ليست غاية في حد ذاتها بل وسيلة للوصول لتلك الغاية اها عشان الناس تصل للحلول المناسبة ليها قد تأخذ وقت وعمر لكنها في النهاية ستصل للصيغة المناسبة التي يتواضع حولها الجميع وتحقق حاجاتهم الاساسية من حرية و تداول سلمي للسلطة ومساواة و حقوق مكفولة بنص القانون الدستور - دي الغاية المفروض توصل ليها العلمانية لاّ ما كدي انا شايف الاخوان المسلمين اخدوا خطوة متقدمة زي ما قلت وح تكلفهم كتير من عضويتهم ذات نفسها - ممكن تقرا بعض التعليقات الفي الموقع لكنهم في النهاية ح يكسبوا انهم يصلوا للصيغة المناسبة ما دام تعاملوا بعقل وقلب مفتوح معترف بحق الآخر حتى لو كان تكتيك سياسي ففي ظل نظام ديمقراطي - متوقع - ما حيكون عنهم فرصة ردة على افكار طرحت وشعارات رفعت كدا بدون حساب عسير من الناخب ولا اعتق تفوت عليهم الحتة دي
05-01-2011, 12:39 PM
aydaroos
aydaroos
تاريخ التسجيل: 06-29-2005
مجموع المشاركات: 2965
طيب يا ود البشري نرجع تاني من الأول الدولة الوطنية الحديثة مرجعية الحقوق بي تختلف فيها من الدولة الاسلامية القديمة(البي يكون فيها مسلمين و أهل ذمة، أو بي ينقسم المواطنين فيها لي درجة اولي و درجة تانية)، لانو كون إنك مواطن في الدولة ما بي إنتمائك لي دين معين ولا لي رؤية معينة في الدين، إنتمائك للدولة بي ميلادك أو جنسيتك و عشان يكون عندك نفس الحقوق زي الباقين لازم الدولة ما تفرق بين الناس علي اساس ديني أو علي أساس رؤية دينية يعني الدولة المفروض تكون محايدة تجاه أديان مواطنيها. ما مشكلة عندي يكون إسمها شنو علمانية ولا بطانية :) بس الدولة الوطنية الحديثة لازم تكون محايدة تجاه أديان مواطنيها (حتي لو كلهم من دين واحد لانو حتي في الدين الواحد تتعدد الايدولوجيات). أنا ما مستعجل يا محمد، و ما داير العلمانية حقتنا تكون بي تشبه بتاعة أي زول دايرا تشبه الواقع السوداني .
05-01-2011, 12:43 PM
aydaroos
aydaroos
تاريخ التسجيل: 06-29-2005
مجموع المشاركات: 2965
ابو حتحوت ما قريت كل البوست و قد يكون واحد من الشباب قال الجايي اقولو ( مخرج طوارئ )*
Quote: بعد اعلانهم تكوين حزبهم (الحرية و العدالة) بديهم من تلاتين لي اربعين في المية من المقاعد وبعد تصريح عاكف فنجرة ساي بديهم عشرة في المية تاني يعني خمسين في المية من مقاعد البرلمان للأخوان المسلمين شكلو علمانيي هنا وهناك شربو زيت أو على وشك
كلامك دا غريب يا اخوي انت تابعت الاخبار و لّ بس بنيتو على المقال الجبتو دا!!؟ يا اخوي في مؤتمرهم الصحفي بعد 24 ساعة مجلس الشورى اكدوا ( على الماشي كدا ) : - ما ح يترشحوا للرئاسة ( وقطعوا الطريق على المنشق الح يترشح بانهم ما ح يدعموا اي مرشح ذاتو ) - ح يترشحوا فقط لـ 50% من مقاعد البرلمان، عشان ما يكون ليهم اغلبية ( حجتهم واهية جداً انو عاوزين يركزوا على الاجتماعي )
بالعربي كدا هم عارفين حجم المخاطر في مرحلة تاسيس الدولة .. و عايزين يشيلوا القفة لغيرم من الشليقين و قصيري النظر و طلاب السلطة. الجماعة مفتحين يا باش .. و بالحرف الواحد " مين كدا بطيخ " - و " بطيخ " دا اسمو و الله قال انهم ح يقدموا نموذج لبقية الاخوان في كل مكان لانسجام التجربة ( حزب / جماعة ) و عدم تنافرم! شفت كيف؟
--------
* بكتب من المكتب و القطر محروس لووووووول
المهم ديل ما تنوم ليهم على امان كلو كلو بعدين عنوانك دا صاعق زاعق جداً
Quote: مهدي عاكف: مصر دولة مدنية بمرجعية اسلامية ...
لا يملك مهدي عاكف و لا المهدي همسلف الحق دا لكن يملك طبعاص انو يضيف ليا : ( في فكر / برنامج / امنيات جماعة الاخوان المسلمين ) البلد ما بتاعتو .. و الهد عمايد نظام مبارك بهد أي جبل شمولية مهما استعصمت بأي ايدولوجية
05-01-2011, 01:17 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
يا قيقرا السميتو مقال دا من موقعهم الرسمي الفيه تفاصيل مجلس الشور واحسن مكان تاخد منو تفاصيل المؤتمر الصحفي اها رايك شنو مش ح يترشحوا لخمسين في المية من المقاعد ح يكونوا كتلة ذات وزن وفي ظل عدم حدوث ائتلافات مضادة والعديد من المستقلين المايلين ليهم حيشكلوا اغلبية محسوسة بس ززب ما قلت اغلبية بدون حكومة - او بدون مسؤولية وحكاية انهم مفتحين دي ما دايرة كلام أمال شراب الزيت قاليك جاي من وين؟
بعدين ياقيقرا ياخوي الراجل فوق عديلو يقول الدايرو دا برنامجو الانتخابي عايز تغالطو فوقو
05-01-2011, 01:39 PM
محمد أبوالعزائم أبوالريش
محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
مسألة إحراز الأخوان المسلمين (عدد مقدّر) من المقاعد أكيد شئ متوقّع، إضافة لقاعدتهم وسط بعض المتشددين، حيكون في أثر لقمعهم من زمن عبدالناصر وتأييد شريحة من المواطنين ليهم كنتيجة عكسية للقمع. دي حاجات حتديهم زي ما قلت (عدد مقدّر) من المقاعد ... لكن لا أتوقع تصل لدرجة الإكتساح أو حتى أغلبية بسيطة.
توقّع .... مش على كيفي؟
Quote: الحاجة المأخوذة على الاسلاميين انهم بعتبروا حلولهم هي الصحيحة و النهائية وما عداها باطل مش كدا؟
يا حبّوب وريني زول واحد عقائدي ما شايف رقبتو صاح ... والتانيين غلط.
05-01-2011, 02:35 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
فعلا يا ودالبشري الاخوان في مصر غالبية ولايخفي ذلك سواء بعددهم في البرلمان السابق للبرلمان الاخير او المشاهد لوجود الاخوان علي راس كل النقابات في مصر .,,وحتي الثورة التي قامت في ميدان التحرير ما كان لها ان تنجح لولا اصرار الاخوان علي عدم تركها تنطفئ ,,ويبرز ذكاء الاخوان فعلا في التريث من تحمل مسئولية حكومة تقوم علي انقاض حكومة استمرت باخر رئيس لمدة 30 عاما وقبله الكثير ,,يعني اذا استلموا الحكم سيكونون حكموا علي حزبهم بالفشل والانتحار ,, وامامك تجربة الانقاذ ولو انهم صبروا لفازوا بالانتخابات فاستعجلوا بالانقلاب ولهذا ظهرت سؤاتهم لكل ذي بصر , لا اظن ان هناك حركة اسلامية تتمني مصير الحركة الاسلامية في السودان ولا الحركات الاسلامية في افغانستان !! الاخوان بهذا الطرح اثبتوا انهم فعلا يقرؤن الواقع والمستقبل جيدا ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة