|
حق ( الأجير) قبل أن يجف عرقه ..مابين ظلم وإنصاف العامل في السودان !! توجد ( حقارة) !!
|
أولاً ماهو مفهوم الأجير ؟!
بل وماهو مفهوم ( عرق) الأجير ؟!
وماهي شكل العلاقة بين ( الأجير) ويمكن أن نسميه ( المُستخدم) وبين صاحب العمل ؟!
هل يتعامل بعض أصحاب العمل في السودان مع موظفيهم والعاملين لديهم بنظام ( السخرة)
وهضم الحقوق و( الحقارة) إستضعافا و( تسفيهاً) منهم لمن يعمل لديهم ؟!
كيف هي شكل علاقة العمل بين صاحب العمل والعامل لديه في خارج الحدود ؟!
هل هنالك ( أمية) لدى بعض العاملين بحقوقهم التي يكفلها لهم القانون ؟!
هل يشترط وجود عقد كتابي لإثبات الحقوق المادية لدى المؤسسات وأصحاب العمل ؟!
ماذا لو أن صاحب العمل أنكر على العامل حقوقه المالية لأنه لا يملك مستنداً لإشتغاله بالمؤسسة ؟
هل يعد مفرطاً ومتهاوناً في حقه من رضى بالعمل مع صاحب عمل وفق( فقه الإخوانيات والصداقة) ؟!
هذا وأسئلة كثيرة فيما يتعلق بالعمل وأصحابه هنا في السودان وخارجه لا أجد لها إجابات !
ورأيت أن أفتح باباً للنقاش حول هذا الموضوع عسى أن أستفيد وأتعلم ماهو ( حقي) وحقوق غيري !
و
نواصل
|
|
|
|
|
|
|
|
Re: حق ( الأجير) قبل أن يجف عرقه ..مابين ظلم وإنصاف العامل في السودان !! توجد ( حقارة) !! (Re: نادية عثمان)
|
Quote: هل يشترط وجود عقد كتابي لإثبات الحقوق المادية لدى المؤسسات وأصحاب العمل ؟!
|
أستاذة نادية تحية طيبة
وشكرا علي فتح هذا البوست الذي يهم الكثيرين
في معظم قوانين العمل نجد انها تنص علي ان يكون عقد العمل مكتوبا ومصدقا عليه من الادارة الرسمية المعنية ومحررا من عدة نسخ ، نسخة منها للعامل.
ويحدد العقد الأحكام الخاصة بعلاقة العمل بين طرفيه اي صاحب العمل والعامل ويجب ان يتضمن العقد بيانات مثل : كل ما يثبت شخصيته وتاريخ ابرام العقد ومدته والأجر المتفق عليه وغيرها من البيانات الضرورية.
اذا لم يكن العقد مكتوبا يحق للعامل اثبات علاقة العمل والحقوق التي نشأت له بجميع طرق الاثبات.
من خلال بعض التجارب ، فان المشكلة ليست فقط في كتابة العقد او عدم كتابة العقد.
المشكلة في التطبيق حتي ولو كان العقد مكتوباسواء من صاحب العمل او من بعض المحاكم العمالية.
مرة أخري شكرا علي فتح هذا البوست الهام واتوقع المداخلة فيه من القانونيين بوجه خاص.
دمتم،،
| |
|
|
|
|
|
|
Re: حق ( الأجير) قبل أن يجف عرقه ..مابين ظلم وإنصاف العامل في السودان !! توجد ( حقارة) !! (Re: نادية عثمان)
|
مساء الخير ايتها العزيزة نادية
أولا بالتبادي
والله أنا حاسدك على هذه اللهجة العسل التي تردين بها على كل المتداخلين في البوستات ...
Quote: سمح البسيطة دي ؟
سممممممممممممممح جدا في إنتظار إفاداتك المهمة .. تسلم يارب
|
تقولى لي ( في مقالك بأجراس الحرية ) يحسدوني على شنو ؟
والله اي حاجةفيك مفروض يحسدوك عليها ... وما دايرين نتكلم زيادة ... كدة كفاية ...
وأنا فعلا محتار في مقدرتك على التعامل بالذوق للدرجة دي ... بس النقول ماشاء الله تبارك الله أحسن الخالقين ، عشان مانسحرك ...
والناس المتدافرين عليك ديل ليهم ألف حق .... هههههههههه
نجي للموضوع
في السودان ، بلد الطيبين ، والطيب في بلاد تانية منها مصر ،مثلا ، لقب غير مستحب ، لأنه ممكن يعني السذاجة ، ولهذا يمكن أن يعمل الأجير مع صاحب العمل ، دون أن ينتبه ، لحقه ويوثق عقدا كتابيا أو حتى شفاهيا ، بالشهود ، ويضع كل ثقته في صاحب العمل ، ثم يجنى الريح في الآخر ، بعد أن يجد أن حقه قد أبخس أو طفف فيه .
النحكي ليكم حكاية
أول ماتخرجت من كلية الفنون إشتغلت في مكتب النشر رساما في مجلة الصبيان وتصميم الكتب المدرسية ووجدت الفنان شرحبيل هناك ... وكان بعض الناشرين يأتون إلينا لعمل رسوم وتصميم أغلفة الكتب خاصة معظمها كتب أطفال ، وكنت وزملائي الجدد نقبل العمل ونجوده تمام التمام ، ونسلم الكتب لصاحب العمل الذي يعدنا بأن يأتى في الغد لتسليمنا قيمة العمل الفني ... ثم لايأتى ابدا ... وأذكر من هؤلاء الناس أسماء كبيرة ، كان من الممكن أن أقوم بفضحها هنا ... فهم قد زاغوا بالقروش حتى يومنا هذا ... ولكن السترة برضو واجبة ونحن مازلنا شعب طيب ...
نصحنى أخى شرحبيل ، أن اقبض نصف القيمة مقدما ، ثم اقوم بالعمل ، واقبض الباقي عند تسليم العمل ... ونجحت نصيحته ... وبقيت كمان أطبق كلام ولى الله إدريس ود الأرباب : ( البيع الحر ، دا يصر ودا يجر ) ويعني بذلك آلية جيدة جدا للبيع وهي أن البائع( يصر) قروشه في طرف ثوبه بينما صاحب البهيمة يجر بهيمته ، في نفس الوقت وهي آلية إسلامية بحق ...
كمان نحكي ليكم عن أستاذنا الشهيد محمود محمد طه والذي كان يعمل مهندسا في مشاريع النيل الابيض في الستينات ... كان يعمل لديه عمالا يحفرون القنوات ويأخذون أجرهم ... حكى أحدهم وكان يشاهد المنظر ... قال : أن الأستاذ محمود كان يقف ممسكا بالمبلغ ( قيمة العمل ) بيده منتظرا العامل وهو يخرج من الجدول ويناوله المبلغ قبل أن يخرج منها ... وطبعا ، قبل أن يجف عرقه حقيقة ... كان يريد أن يطبق الحديث حرفيا ...
ديل إتعلمنا منهم التعامل مع الأجير ... سواء كنا أجيرين أو أصحاب عمل ...
هل تصدقون ؟ لقد نسي عندي عامل جزء من أجره و كان يقوم ببناء مخرن في منزلي ، و جاءنى ذات مرة لغرض آخر ... فأعطيته مبلغه وأنا فرح ، وكنت كل هذا الوقت ، متوترا ، خوف ألا يأتي ... وأنا لا أعرف عنوانه ...
المهم لابد من أن نهتم بثقافة الحقوق وإحترام حق الناس ، فإن أكبر الذنوب على الإطلاق هي أكل حق الناس ... والاجير يأتى يوم القيامة فينصره الله ... هل تعلمون ... إن الله لايغفر لآكل حق الناس ابدا ، إلا أن يقوم المظلوم بالعفو هو بنفسه ...
اليوم يتم العقد بين المخدم والعامل أو الموظف ... ولكن رغم ذلك لايلتزم المخدم بالوفاء بحق العامل ... والشكوى معروفة في هذا الزمن الرديء ، ماذا يتم فيها !!!... والقضاء اليوم ، كفاكم الله شره ، والله لا حوجكم ليه ...
نحن في حاجة شديدة لإحياء قيم الوفاء بالحقوق ... وهي موجودة في الدين ... ولكن ... وأه من لكن هذه ...
| |
|
|
|
|
|
|
Re: حق ( الأجير) قبل أن يجف عرقه ..مابين ظلم وإنصاف العامل في السودان !! توجد ( حقارة) !! (Re: Abureesh)
|
عشان الحكاية دي بالتحديد إتعملت نقابات العمال عشان تآخد للعمال حقهم من أصحاب العمل
العقد يستحسن يكون مكتوب ويستحسن أكثر يكون مشهود لكن العقد الشفاهي برضه معتبر قانونا وخاصة في حالات العمل المؤقت (زي عمل طلب في المباني وعمل عمال الزراعة) وفي بلد زي السودان فإن غالب العمال بيكونوا أميين فمن الصعب مسألة العقود المكتوبة
أن يعتمد حق العامل علي (تقوي) صاحب العمل براها ما كفاية في أي مجتمع ضروري توفر قوانين للعمل تنظم حق العمال ونقابات للعاملين ومحاكم للعمل بالإضافة إلي وزارات ومصالح حكومية تهتم بالعمل والعمال
(وبالمناسبة كثير من اليساريين جذبهم لليسار مسألة حقوق العمال ومظالمهم دي)
| |
|
|
|
|
|
|
Re: حق ( الأجير) قبل أن يجف عرقه ..مابين ظلم وإنصاف العامل في السودان !! توجد ( حقارة) !! (Re: Nasr)
|
ناصر أخوي
حبااااااااااابك
Quote: عشان الحكاية دي بالتحديد إتعملت نقابات العمال عشان تآخد للعمال حقهم من أصحاب العمل |
أها ويعني لما الحكومة ( تحل) النقابات حق العمال يروح ولا كيف ؟
Quote: العقد يستحسن يكون مكتوب ويستحسن أكثر يكون مشهود لكن العقد الشفاهي برضه معتبر قانونا |
طيب دي حاجة كويسة في صالح العامل الحمد لله !
Quote: أن يعتمد حق العامل علي (تقوي) صاحب العمل براها ما كفاية |
بعرف عمال كتاااااار ( طيبين) حد السذاجة بيعتمدوا على ( تقوى) صاحب العمل ولكن !!
| |
|
|
|
|
|
|
Re: حق ( الأجير) قبل أن يجف عرقه ..مابين ظلم وإنصاف العامل في السودان !! توجد ( حقارة) !! (Re: خلف الله عبود)
|
سلطنة عمان ، حسب تجربتي فيها ، مافيها أى فرصة لأكل حق الأجير ... مكتب العمل ياخد ليك حقك من قلب الكفيل ... بس عليك تشتكى ، وبدون أى واسطة لمكتب العمل العديل دا ...
عشان كدا ثورة الشباب مانجحت في عمان ... لأنه قابوس شال الفاسدين وبسرعة ... مش كدة وبس أنا شهدت أنه سجن وزير 6 سنوات بتهمة فساد مثبت وطرد وزيرين بنو عمارة في طريق المطار غير مسموع بها قانونا ... وكسر العمارة علي حساب صاحبها ... شفتو كيف ؟ والله لو كان الأكلك من العائلة المالكة ، مكتب العمل ، وبتوجيه مستمر من السلطان قابوس يجيك حقك بارد ...
عندنا جماعة سودانيين راقت لهم الحكاية ... يصبرو على عدم دفع حقهم والكفيل يقول لهم نحول كفالتكم ، مافي مشكلة ... يقولولو كويس ويلبدو ويشتكو لمكتب العمل ... وبعد شهرين تلاتة ، يحصدو آلاف الريالات ، وطبعا فيها الفترة الطايرين فيها بدون عمل ، ودي ذاتا شغالين فيها في الخفاء ... شفت شيطنتهم ؟
الغريبة أن الخدمة المدنية في عمان أسسوها السودانيين الشالوهم للصالح العام ، ولسع باقي منهم الكثير ... وربنا يطول عمر عميد السودانيين في عمان ، الأستاذ بابكر النور آخر مدير للمرطبات ، وأول من شالوه للصالح العام ....
واليوم السودانيين كيف ؟ في بلدهم ... الحصل ليهم شنو ؟
| |
|
|
|
|
|
|
Re: حق ( الأجير) قبل أن يجف عرقه ..مابين ظلم وإنصاف العامل في السودان !! توجد ( حقارة) !! (Re: خلف الله عبود)
|
يافنان
الله يديك العافية والله
Quote: عشان كدا ثورة الشباب مانجحت في عمان ... لأنه قابوس شال الفاسدين وبسرعة ... مش كدة وبس أنا شهدت أنه سجن وزير 6 سنوات بتهمة فساد مثبت وطرد وزيرين بنو عمارة في طريق المطار غير مسموع بها قانونا ... وكسر العمارة علي حساب صاحبها ... شفتو كيف ؟ والله لو كان الأكلك من العائلة المالكة ، مكتب العمل ، وبتوجيه مستمر من السلطان قابوس يجيك حقك بارد ... |
إذن نقول وبحكم وجودك الطويل في السلطنة شهد شاهد من أهلها !
ولا نقول عاش السلطان قابوس ؟!
بالجد لو السلطان بقضي على الفساد وبرد الحقوق لأهلها بالشكل ده نقول عاش عاش عاش !!
بختكم والله
| |
|
|
|
|
|
|
Re: حق ( الأجير) قبل أن يجف عرقه ..مابين ظلم وإنصاف العامل في السودان !! توجد ( حقارة) !! (Re: خلف الله عبود)
|
يافنان
Quote: عندنا جماعة سودانيين راقت لهم الحكاية ... يصبرو على عدم دفع حقهم والكفيل يقول لهم نحول كفالتكم ، مافي مشكلة ... يقولولو كويس ويلبدو ويشتكو لمكتب العمل ... وبعد شهرين تلاتة ، يحصدو آلاف الريالات ، وطبعا فيها الفترة الطايرين فيها بدون عمل ، ودي ذاتا شغالين فيها في الخفاء ... شفت شيطنتهم ؟ |
دي مشكلة الكفيل وصاحب العمل البعتقد إنو العامل ( غبي) وبتعامل معاه على هذا الأساس ولكن !!
إنت رأيك هسي (الشيطان) منو ؟ العامل ولا صاحب العمل ؟!
| |
|
|
|
|
|
|
Re: حق ( الأجير) قبل أن يجف عرقه ..مابين ظلم وإنصاف العامل في السودان !! توجد ( حقارة) !! (Re: خلف الله عبود)
|
أستاذنا الفنان الجميل خلف الله
حبااااااابك
Quote: تقولى لي ( في مقالك بأجراس الحرية ) يحسدوني على شنو ؟
والله اي حاجةفيك مفروض يحسدوك عليها ... وما دايرين نتكلم زيادة ... كدة كفاية ...
وأنا فعلا محتار في مقدرتك على التعامل بالذوق للدرجة دي ... بس النقول ماشاء الله تبارك الله أحسن الخالقين ، عشان مانسحرك ...
والناس المتدافرين عليك ديل ليهم ألف حق .... هههههههههه |
والله اشكرك على المجاملة اللطيفة لكن بالجد ليس لدي ما أحسد عليه !
اللهم إلا حبة الصحة والعافية العند الزول والليلة عيانة ذاتو شفت كيف ؟
دعواتي لرب العالمين يكفيني شر خلقه يارب ما أكتر من كدا !!
Quote: في السودان ، بلد الطيبين ، والطيب في بلاد تانية منها مصر ،مثلا ، لقب غير مستحب ، لأنه ممكن يعني السذاجة ، ولهذا يمكن أن يعمل الأجير مع صاحب العمل ، دون أن ينتبه ، لحقه ويوثق عقدا كتابيا أو حتى شفاهيا ، بالشهود ، ويضع كل ثقته في صاحب العمل ، ثم يجنى الريح في الآخر ، بعد أن يجد أن حقه قد أبخس أو طفف فيه . |
أوافقك تماماً .. لكن بالله ما شيء مؤسف إنه ( الطيبة) تبقى مذمة و( عوارة) في زمنا ده ؟
برجع ليك لقصصك التانية كلها خليك قريب سمح ؟
| |
|
|
|
|
|
|
Re: حق ( الأجير) قبل أن يجف عرقه ..مابين ظلم وإنصاف العامل في السودان !! توجد ( حقارة) !! (Re: خلف الله عبود)
|
يافنان ؟؟
Quote: أول ماتخرجت من كلية الفنون إشتغلت في مكتب النشر رساما في مجلة الصبيان وتصميم الكتب المدرسية ووجدت الفنان شرحبيل هناك ... وكان بعض الناشرين يأتون إلينا لعمل رسوم وتصميم أغلفة الكتب خاصة معظمها كتب أطفال ، وكنت وزملائي الجدد نقبل العمل ونجوده تمام التمام ، ونسلم الكتب لصاحب العمل الذي يعدنا بأن يأتى في الغد لتسليمنا قيمة العمل الفني ... ثم لايأتى ابدا ... وأذكر من هؤلاء الناس أسماء كبيرة ، كان من الممكن أن أقوم بفضحها هنا ... فهم قد زاغوا بالقروش حتى يومنا هذا ... ولكن السترة برضو واجبة ونحن مازلنا شعب طيب ... |
لا حولاااااا !!
يعني برضو الفنانين بتعاملوا وفق ( فقه السترة) بتاع حاج ماجد سوار الزعلنا داك ؟
ربنا يسترنا دنيا وآخرة يارب لكن ستر آكل مال العامل المسكين ده حاجة كويسة يعني ؟!
| |
|
|
|
|
|
|
Re: حق ( الأجير) قبل أن يجف عرقه ..مابين ظلم وإنصاف العامل في السودان !! توجد ( حقارة) !! (Re: خلف الله عبود)
|
يا فنان
Quote: نصحنى أخى شرحبيل ، أن اقبض نصف القيمة مقدما ، ثم اقوم بالعمل ، واقبض الباقي عند تسليم العمل ... ونجحت نصيحته ... وبقيت كمان أطبق كلام ولى الله إدريس ود الأرباب : ( البيع الحر ، دا يصر ودا يجر ) ويعني بذلك آلية جيدة جدا للبيع وهي أن البائع( يصر) قروشه في طرف ثوبه بينما صاحب البهيمة يجر بهيمته ، في نفس الوقت وهي آلية إسلامية بحق ... |
أمانة الفنان الراقي شرحبيل ما زول واعي من يومه !
ههههههههه
دي نفس الفكرة بتاعة ( المال تلتو ولا كتلتو) يافنان ؟
| |
|
|
|
|
|
|
Re: حق ( الأجير) قبل أن يجف عرقه ..مابين ظلم وإنصاف العامل في السودان !! توجد ( حقارة) !! (Re: نادية عثمان)
|
Quote: أمانة الفنان الراقي شرحبيل ما زول واعي من يومه !
ههههههههه
دي نفس الفكرة بتاعة ( المال تلتو ولا كتلتو) يافنان ؟
|
ههههههههههه شرحبيل فعلا واعى ومدقش وواقع من السماء سبع مرات .
شرحبيل دا كمان من الناس الإتعلمت منهم الرسم ، ومن أيام المدرسة الوسطى وأنا أقلد رسومه في مجلة الصبيان ... أما ماداير أكبر صاحبي شرحبيل ، بس هو إشتغل في مجلة الصبيان وعمره 13 سنة ... تصورى ؟
والأغرب من كدا أنا محتفظ برسمة نقلتها من رسمة ليه في المجلة وأنا في المدرسة الوسطى ... حأرسلها ليك أو اجيبها هنا .
وتلته ولا كتلته دى نفعتني جنس نفع ...
| |
|
|
|
|
|
|
Re: حق ( الأجير) قبل أن يجف عرقه ..مابين ظلم وإنصاف العامل في السودان !! توجد ( حقارة) !! (Re: خلف الله عبود)
|
يافنان
Quote: كمان نحكي ليكم عن أستاذنا الشهيد محمود محمد طه والذي كان يعمل مهندسا في مشاريع النيل الابيض في الستينات ... كان يعمل لديه عمالا يحفرون القنوات ويأخذون أجرهم ... حكى أحدهم وكان يشاهد المنظر ... قال : أن الأستاذ محمود كان يقف ممسكا بالمبلغ ( قيمة العمل ) بيده منتظرا العامل وهو يخرج من الجدول ويناوله المبلغ قبل أن يخرج منها ... وطبعا ، قبل أن يجف عرقه حقيقة ... كان يريد أن يطبق الحديث حرفيا ...
ديل إتعلمنا منهم التعامل مع الأجير ... سواء كنا أجيرين أو أصحاب عمل ... |
ياسلام على الاستاذ محمود الله يرحمه يارب وياسلام عليك تلميذ نجيب والله !
تسلم يارب
Quote: هل تصدقون ؟ لقد نسي عندي عامل جزء من أجره و كان يقوم ببناء مخرن في منزلي ، و جاءنى ذات مرة لغرض آخر ... فأعطيته مبلغه وأنا فرح ، وكنت كل هذا الوقت ، متوترا ، خوف ألا يأتي ... وأنا لا أعرف عنوانه ... |
والله دي ميزة نادر ما الواحد يلاقيها في زمنا ده !
في ناس تاكل حق الناس ومايهمها وتنوووووم وتصحى وماتفكر بكرة جاي الموت !
قالوا اول مايسأل عنه الغنسان بعد نزوله القبر هو حق الناس صاح الكلام ده يا أستاذ ؟
| |
|
|
|
|
|
|
Re: حق ( الأجير) قبل أن يجف عرقه ..مابين ظلم وإنصاف العامل في السودان !! توجد ( حقارة) !! (Re: عبدالعزيز الفاضلابى)
|
عبد العزيز يافاضلابي
سلامات ووينك مختفي عساك بخير أخوي العزيز
.. Quote: قبل كم يوم فتحت قناة السودان لقيت فيها مدايح ,, النيل الأزرق غنا الشروق غنا قون بتاعت الكورة برضها غنا ,, انا ماعارف الناس دى بتغنى اربعة وعشرين ساعة فوق كم ,, |
ومافتحت قناة ( زول) ليه ياخ ؟!
بالغت فوكا ( وش مدردم) !
كلامك صاح والإعلام دوره كبير فعلا لكن بعض أهل الإعلام نفسهم محتاجين العون لإسترداد حقوقهم شفت كيف ؟
يعني باب النجار مخلع ؟ دي بلد تحيرك في الظلم والإفتراء يا فاضلابي والله !!
| |
|
|
|
|
|
|
|