|
|
 وزير العدل دا جادي ولا عاوز يونسنا ساكت؟
|
امس حضرت كلام لوزير العدل مع صحفيين ركز فيهو على الفساد و هدر المال العام و الاستيلاء
عليه و الثراء الحرام.. اتحدث عن ضوابط و تشريعات و آليات و كلام كتير يخلي زميله
وزير العدل النرويج يستحي من تفريطه في حق شعبه الما عنده (دوسه) و انا زاتي قلبي
رق علي (المفسدين) المساكين من المصير الكرب الراجيهم...
دا كله هين اخونا دوسة جاب ضقلها يكركب لمان جاب سيرة انه الدستور و القانون يحرموا
بتاتا على المسؤولين القيام بعمل آخر او امتلاك و ادارة عمل خاص!!! امك!!
غايتو مابعرف وزير العدل لكن مافي مسؤول كبير او متوسط او صغير ما عنده عمل خاص
و مهام استشارية و عضويات في كمية مجلس ادارة وبهلوان و حاوي و عيييييييييك
كما قال طيب الذكر فلان الفلتكاني...
بس خلونا مع المتعافي الصرح بلسانه انه عنده بزنس و يؤمن بانه الما عنده بزنس
ناجح يبقى غير مؤهل لشغل منصب عام.. دستور يا اولاد ماما برضو تقول لي وزير العدل
قال ايهو ترك ايه..
لو المتعافي ما استقال او وهب مؤسساته لبيت المال تكون ونسة وزير العدل دي
خشنة و يوم بتكتل ليها زول
|
|
  
|
|
|
|
نصار
د.السيد قنات
فيس بوك
تويتر
انستقرام
يوتيوب
بنتيريست