|
|
 أسفى على حق........... حق
|
على الرغم من أن الخلاف شئ طبيعى الهي..كماتقول الأغنية لكننى لست سعيد ابداً بما يحدث فى حركة حق فهو تنظيم تختلف او تتفق معه لايمكن ابداً ان تنكر وجوده الحيوي فى الساحة وفى كادره النوعى من مثقفين تصدوا لصعوبات التعاطى السياسى اليومى فى وقت تسيد على ساحة العمل الحزبى للأحزاب السياسية السودانية كوادر لاتجيد سوى اللعب فى الخانة الواحدة (يعنى باك يستمر باك الى ان يتوفاه الله واستوبر استوبر..وهكذا) وناس حق ديل ولاننى حقيقة محب لهم اعتقد بانو وبالدارجى كدا ..يبدو وكانهم سئموا من ذكاء التاسيس واشتاقوا للغباء السياسى العام..ومثار استغرابى وتأكيد وصفى لهم بالغباء للاسباب الأتية..
فى فترة قليلة اصبح لديهم وزن سياسى ليس كمى بمعنى كثرة العضوية ولكن فى الحركة والنشاط والتواجد واصبح مركز الخاتم عدلان الذى يحتضن حسب وجهة نظرى رؤى حق ومن يشاطرها من مثقفى السودان مركزا يساهم بشكل كبير فى قضايا الأستنارة والمعرفة ومحجا لطالبى الحوار والتفاكر
قدمت حق ولأول مره فى تاريخ السودان امراة لقيادتها وبالتالى وهذا يعتبر عمل ثورى بامتياز وسابقة فى العمل السياسى فى السودان
المربك فى حق حقاً هو وجود قيادات خارج السودان فى مكتبها القيادى وعلى حق ان تتخلى عن ذلك ليس لأن الوجود خارج السودان امر سالب ولكنه بالتاكيد امر غير مفيد للعمل الحزبى ..لأنه ومهما يكن فان العمل السياسى وانت فى الداخل ينمى للشخص حساسية تعاطى مع قضايا اليومى بشكل اقضل من الخارج بجانب ان وجود بعض القيادات فى الخارج قد يؤدى الى نوع من التجاذب المضر بين المراكز
على الرغم من ان حق حركة ليبرالية حديثة وربما هذه الحداثة تخلق لها نوع من الجفاء مع الوسائل التقليدية للحلول والجوديات (من جودية) فاننى أعتقد بان عليهم أن يخرجوا من دائرة الغباء السياسى وينظروا لماحققوه ويمشوا يشتروا (برش) من اقرب سوق ويتعصروا فى الواطة ويتناقشوا فى قضايا خلافهم..وقبل ذلك ينظروا لحجم ماقدموه وهو كبير حقاً..قبل ان تفتك بهم امراض العائلة السياسية السودانية...
من محب حقاً لحق والحقانيين
|
|
 
|
|
|
|
|
|
|
|
Re: أسفى على حق........... حق (Re: حاتم الياس)
|
اصحابي الحلوين حاتم و دكتورة نجاة
سلام من الله عليكم ...
بالجد اشارككم الهم في معضلتنا المقيمة في امراض السياسة .
ويا حاتم منذ انفجار المشكل الاخير (و أنا من المهتمين والمتابعين) كنت اريد أن اكتب ولكني في كل مرة كنت اتهيب ذلك خوف
أن يفهم موقفي خطأ لكن وجدت بوستك هذا يصب في مصلحة كتابتي المؤجلة لذا قررت مشاركت
هنا لعل وعسى أن يدرك هؤلاء القوم الأمر ويعملون علي اصلاحه .
و كما يقال العقبى بالخواتيم فما يحدث الأن (في وجهة نظري) هو ولادة طبيعية للموقف السابق بين الاستاذ الحاج وراق وبين
الراحل المقيم الخاتم عدلان فحقيقة الصراع ذاك لم يتم فضها بل تم (ترقيعها) و (التربيت) عليها الشي الطبيعي لانتاج ازمة مثل
التي تحدث الأن والتي لا تدع مجال للحلول ابداً، يبدوء هذا ظاهراً للعيان اذما استرجع إي واحد فينا هنا بيان الاعفاء أو الاقالة
للأستاذة هالة عبد الحليم ولكل من طالع ايضاً ردود مجموعة مُقيلي الاستاذة هالة ، ايضاً يبدوء ذلك واضحاً للعيان في رد
الأستاذة هالة على مُقيليها ، فالاقالة والرد عليها وردود عضوية الطرفين توضحى شكل الاتهامات وسوء الظن الذي علق بينهم
رقم انهم في حقيقة الأمر (كل الطرفين) يظنون بشرعية موقفهم لكنهم يسابقون آلياتهم في العمل التنظيمي ويلجون للعامة من
الجمهور ليحسمون الخلاف لكن هيهات .. هيهات فقد اوضح الحبر المراق بينهم أن بالأنفس السياسية فيهم ماهو محمول مسبقاً
ومنذ امد الخلاف الأول الذي ذكرنها سابقاً (حسب زعمنا).
بالجد يا حاتم ونجاة انه امر مُحزن غاية الحُزن ولا اظن ابداً أن لهم حلول لهذه الكارثة واصبحوا مثلهم مثل غيرهم ولكن حزننا
عليهم كبير وكبير جداً لانهم يقولون بأنهم كتنظيم خطوة في طريق المعافأة من امراض السياسة السودانية ولكن هل هذا اصبح
صحيح الأن سادتي في حق !!!!؟
وياحاتم بالمناسبة :-
Quote: قدمت حق ولأول مره فى تاريخ السودان امراة لقيادتها وبالتالى وهذا يعتبر عمل ثورى بامتياز وسابقة فى العمل السياسى فى السودان
|
يازول دكتورة آمنة ضرار ويييين؟ آمنة ضرار بقت رئيسة قبل أستاذة هالة بي كم شهر ياخ
اعمل حسابك واسحب كلامك عشان ادروب ما يختها ليك .. اصلو شنو ياخ تبقى عليهو انت
والاباتشي!!!؟
| |
|
|
|
|
|
|
|
|
Re: أسفى على حق........... حق (Re: سفيان بشير نابرى)
|
حاتم ازيك ياخ
Quote:
يبدو وكانهم سئموا من ذكاء التاسيس واشتاقوا للغباء السياسى العام
|
like 
دا كلام مليان يا حاتم ياخ
فعلاً على الشباب في حق تامله .. و تحديد موقف رجلينم منو
-------
سفيان صحبي
ازيك ياخ!
Quote:
منذ انفجار المشكل الاخير (و أنا من المهتمين والمتابعين) كنت اريد أن اكتب ولكني في كل مرة كنت اتهيب ذلك خوف أن يفهم موقفي خطأ
|
معليش لكن الموقف دا سلبي جداً .. و مبررو غريب بالنسبة لي على الاقل!
فايدة ( الاهتمام و المتابعة ) شنوا يعني؟ .. فلم هو؟
ياخ الاحداث دي ما بتأثر على واقعك و محيطك العام .. و المشهد السياسي ككل .. و مستقبل [ الديموقراطية بت الكــلب ] دي، و تجذيرها في واقعنا البائس دا ممارسة ونظرية و لّ لا!؟
طيب ما يفهموا غلط او صاح!؟ .. كلو زول يختار البناسب شعرو .. المافي شنو!؟
هوو كيرز!؟
بهمك في شنو قول العوازل؟ .. مش انت موقفك دا بانيهو على قرايتك لما هو صواب.
طيب ليه حرمتهم من مشهادك؟
ما سمعنا لينا بآسى او تعاطف .. او حتى ( تضامن ) - هذه الكلمة الاسفيرية المخاتلة جدا - احدثن ليهن فعل كلو كلو.
| |
|
|
|
|
|
|
|
|
|
Re: أسفى على حق........... حق (Re: قيقراوي)
|
التحايا للجميع،
وشكراً عزيزنا حاتم الياس، على كلماتك البهية عن حركة حق، وشكراً لنقدك البَنـّاء
وأأسف كتيراً، على أسفك.
وأتمنى أن يتم تجاوز الأمر، كما أتمنى أن يستمر هذا البوست..
| |
|
|
|
|
|
|
|
|
|
Re: أسفى على حق........... حق (Re: بدر الدين احمد موسى)
|
فى الأختلاف حياة وفى التماثل موت كما يقول مهدى عامل رضى الله عنه..ونحن يابدالدين مادايرين نفطس الختلاف لصالح تسويات لاتخدم ساحة الفمل الحزبى لأخوتنا فى حق..لكن كمان خلاف ياخذ هذا المنحى الحاد والخطير مشكلة كبيرة...(غير كلمة مشكلة دى ماعندى تعبير مانع جامع)..لكن بالله عليك ماتبخل علينا بتحديد ملامح الأنقلاب ده..أنا بالجد كلامك خوفنى لو ماحدث فى حق عملية تصفية سياسية للكوادر القادمة من منبت الحزب الشيوعى حيث لازال البعد الجماهيرى والأجتماعى للتغير بمفهومه الشعبى صاحياً فى الضمائر..لصالح أخرين من عشائر سياسية مختلفة...
ماتخوفنا وقول الفى ضميرك يابدرالدين
| |
|
|
|
|
|
|
|
|
|
Re: أسفى على حق........... حق (Re: حاتم الياس)
|
Quote:
الفكرية واهل حق كغيرهم من مريدى التيار الليبرالى الذى برز بقوة فى الثورات العربية كتيار لايمكن الأستهانة به وبحجم تاثير..ايضاً نشطوا عبر الندوات والكتابات والبرنامج فى العزف على نغمة وموضة نقد وتجريم المكون العربى الأسلامى فى السودان على قلب فكرة واحدة مع تيارات اليسار الجزافى (وحقوق الأسم لدكتور عبدالله على ابراهيم محفوظة ) من ذوى الجذور الفكرية الواحدة ..حتى ان دكتور الباقر عفيفى اراد ان يكون له مساهمته السريعة فى ذلك التى تظهره كمفكر وكاتب ضليع من مدرسة منصور خالد وبلدو وغيرهم ممن فتنتهم قصة الهوية هذه فطاشوا باسهمهم عن هدف الباحثين واوغلوا فى اجترارات سياسية كئيبة..فكان كتاب اللون والهاربين والسواد والبياض والحمرة والخضره البارده..ولو ان ثمة اتهام بالعمالة لذلك الرجل الرقيق والسمح المعشر فسيكفيه هذا ( الكتاب العميل!!)..والأمر عندى محض طرفة لأنه لايمكن أن يجرم التفكير ويتهم بالعمالة..لكن اعود الى مقصدى ويفهمنى فيه ذوى الالباب من لهم صلة قربى بالماركسية كمنهج ومتاع معرفى لاميزة تنظيمية تمتص الفعالية والحيوية الفكرية بمهام السياسة ومعها ستار أجتماعى يحتمى بعضه ببعض ...اقول ان دعم حق كتيار ليبرالى وكل التيارات الليبرالية مهم جدا وان موقف الشماته اٍن وجدت ضار جداً لأنه أن ضعفت حق فى مجتمع مازال مكبلاً بحدود غيبية قاسية وامية وجهل..لاأحد يتكهن من سياتى وربما تحول مركز الخاتم عدلان نفسه الذى عليه الأن تقوم الأنفاس وتهبط مراجلا...الى مركز للرقية الشرعية والطب الأسلامى..
|
كلامك سليم يا حبيب
و في الهويلوجيا الهايجة دي، الطرفة ما بتقيف على حد تجريم " التفكير " القتو فوق
القصة كلها عبارة عن طرفة .. غايتو اهو بتفرق على الواحد في الزمن الكرب دا.
انا بالنسبة لي باقية لي زي غنية : بجافي ليك اهلي و بسكن معاك كوستي .. بس!
و الاطرف خالص - بالنسبة لي - لمن الواحد يفكر شديد و يبقى لا ديني ..
دا ما بخلي ليك فرقة الا لسؤال حسن موسى و حسن اولئك رفيقاً، الاثير :
" هم عرب و ملحدين، و لّ ملحدين و عرب ساااي؟ "
او كما قال
رواه قيقا راوي
و حسّنه .. قال حسنٌ صحيح
اعتقد بصحة العبارة القوميانية " انو الاسلام ثورة العروبة و ثروتها" .. و دا المخلي مستعربي السودان الفضل مصلبتين فيها ذاااتو ..
اها بعد انكار الموجود .. الصلبطة لزوما شنو في ( المشكوك حوله )؟
----
ازيك يا حاتم ياخ
و ابقى اكتب .. اكتب ياخ! اكتب يا زول ..
فكتابتك لنا فيها متعة و فهم .. و بعض مفاهمة كان سمح الزمن المخصص للجهجهة
| |
|
|
|
|
|
|
| |
حاتم الياس
سفيان بشير نابرى
قيقراوي
محمد أبوجودة
ناظم ابراهيم
بدر الدين احمد موسى
فيس بوك
تويتر
انستقرام
يوتيوب
بنتيريست