|
بورداب الرياض هل قابلكم هذا المحتال ؟!!
|
زوجتي في حالة مخـاض وهي ترقد في المستشفى المجاور .. ودي 500 ريال .. وفاتورتي 530 ريال.. يعني ناقصاني 30 ريال..
نحن سودانيين زي بعض .. ممكن تساعدني وتتم لي المبلغ ..!!
ـــــــــ
بهذه العبارات .. يقابلكـ هذا المحتال ذو اللحية التي يكسوها بعض البياض .. بالزي السوداني المكتمل ..
وما أن تشفق على حاله وتخرج مافي جيبكـ لتمد له يد العون.. حتى تكتشف انكـ قد وقعت في الفخ الذي وقع فيه الكثيرون ..
وعلى هذا المنوال ييجمع هذا الرجل الثلاثينات من الريالات منذ أكثر من 5 اعوام كانت هي المرة التي قابلته فيها ..قبل أن اعود واقابله بالامس.. وبذات الحجه..11
|
|
|
|
|
|
|
|
Re: بورداب الرياض هل قابلكم هذا المحتال ؟!! (Re: احمد الامين احمد)
|
Quote: للأسف الشديد هنالك محتال سودانى اخر بجدة يتحرك بين باب شريف ومحطة النقل الجماعى له جلحات واسعة قصير القامة يحمل شنطة سامسونايت كلما يقابلك يقول لك: حضرت للتو من السودان وعندى ويكة قمت ببيعها بمئة ريال أحتاج للسفر لجيزان فأرجو أن تتم لى حق التذكرة هذا المحتال قابلته بذات الهيئة أكثر من 3 مرات بجدة فى المرة الأخيرة شتمته بحدة أمام الجمهور وهددته بإبلاغ الشرطه فهرول مسرعا من المكان |
تحياتي أخي أحمد..
وربي إنها كارثه بما تحمل الكلمة من معنى ..
ولكن هل تحركنا للقضاء على أمثال هؤلاء ؟؟
يجب ان تقوم المنابر بدورها التوعوي ..وايضا القضاء عليهم وبترهم تماما..
| |
|
|
|
|
|
|
Re: بورداب الرياض هل قابلكم هذا المحتال ؟!! (Re: عطية المحسي)
|
الأخ عطية
سلام
Quote: زوجتي في حالة مخـاض وهي ترقد في المستشفى المجاور .. ودي 500 ريال .. وفاتورتي 530 ريال.. يعني ناقصاني 30 ريال..
نحن سودانيين زي بعض .. ممكن تساعدني وتتم لي المبلغ ..!! |
يا زول بالله هو نصاب؟ لا حولا
نفس الزول الوصفتو دا جاني وبنفس اللغة دي
وأديتو 50 ريال وشلت من سوداني معاي في المكتب 50 ريال برضواديتو ليها برضو
بالله شوف المعفن دا 5 سنين ؟ دا ما بقى مليونير عديل كدا
غايتو تاني زول ما بعرفو ما بديهو ولا مليم كان أدردق في الواطة قدامي
| |
|
|
|
|
|
|
Re: بورداب الرياض هل قابلكم هذا المحتال ؟!! (Re: معاوية عبيد الصائم)
|
الزول ده لسه شغال ؟ قابلني سنة 2004 جاء سأل الحارس بره لو في سوداني شغال هنا .. الحارس طبعاً ما بقصر ساقو جابو لي جوة المكتب بما إني السوداني الوحيد في المبني كلو طبعاً نفس المكنة بتاعة الـ 30 ريال طلبت ليهو عصير و اصريت يشربو و شرب سريع بحجة الإستعجال للعودة للمستشفي .. أديتو 50 ريال و مشي
بعد 6 أو 7 شهور جاء راجع تاني لعمارتنا و بنفس المكنة لقيتو بحنكـ في سوداني جاء زيارة للشركة جارتنا !!! في الحقيقة آثرت استر سمعتنا كسودانيين و ما عملت ليهو فضيحة
| |
|
|
|
|
|
|
Re: بورداب الرياض هل قابلكم هذا المحتال ؟!! (Re: Elsanosi Badr)
|
Quote: اما السائل فلا تنهر ...
اما لو كان محتالا ... فيجب ابلاغ السلطات المحليه حتي لا يقتل النخوه في قلوب الناس ....
لا تحجبوا الصدقات من الناس ... فالمال بدونها زائل ... |
الاخ السنوسي لاشكـ ان ماذهبت اليه كلام طيب ..
ولكن هذا ليس بسائل ,, بل محتال,,
وهنا نحن نقوم بدور توعوي ولا ننفر الناس من الصدقات وعلى الناس التمييز بين امثال هذا وبين الفقراء والسائلين الناس حاجة حقا,,
| |
|
|
|
|
|
|
Re: بورداب الرياض هل قابلكم هذا المحتال ؟!! (Re: معاذ حسن)
|
Quote: عطية وينك يا زول دا مش عمك اب عيونا حمر!! والله داير لي فيهو لمه جاني مرتين المرة التانية مرق مني جري يمكن الوصول لاقامته من رقم اللوحة (لو متاكد منها) انا حدي معاهو السفارة. |
حبيبنا معاذ,, ليكـ وحشة والله..
هو زاااااااااتو بس شعرو شيب حبتين ,,
استمارتو مامجدده ولكن رقم اللوحه هو هو لنفس السيارة التي يقودها منذ سنين..
حتما حيقع يامعاذ,,
اظهر يامولانا,,
| |
|
|
|
|
|
|
Re: بورداب الرياض هل قابلكم هذا المحتال ؟!! (Re: حمد عبد الغفار عمر)
|
Quote: يا زول بالله هو نصاب؟ لا حولا
نفس الزول الوصفتو دا جاني وبنفس اللغة دي
وأديتو 50 ريال وشلت من سوداني معاي في المكتب 50 ريال برضواديتو ليها برضو |
هو هو ..
تعاملت بشيمتكـ السودانية الاصيلة.. ولكن وقعت في الفخ ..
والصدقه وصلت بالنية .. وربنا يتقبل..
وحيقع يوم في يد زول قافله معاهو وعارف حنكو البيش ده..
ودي ياحمد..
| |
|
|
|
|
|
|
|