|
|
 شكرا الصديق عبدالهادي استلمت كتاب مشروع الجزيرة من خمسة نسخ _ اربعة توزع لمحبي الجزيرة
|
اليوم استلمت كتابك ( مشروع الجزيرة وجريمة قانون سنة 2005)
اشتم ريحة اللوز والقرود ( كسر القاف وسنون الراء ) بين حروفه
والله يا الصديق شميت فيهو ريحة شوال الكبس
قبل ان التهمه حرفا حرفا
رايت بين سطوره حارة القطن والميزان والقفة ام 36 رطل والرحل
ورحل المشروع وصارا سرابا بين السراب واصبحت الارض مليئة بالكنكوج والضريسة
وضاعت الدفرا والخشينا والخدرا البروس والتبش
.
.
سوف اوزع الاربعة نسخ للاقربين من مشروع الجزيرة والاقربين سكنا ثم الاقربين
.
.
شكرا الصديق عبدالهادي والشكر لا يفي لقامة مثلك حملت همنا بين جنبيك منذ كنت يافعا
حتى زهج الصبر منك ولم تزهج ..... الجزيرة في حاجة ماسة لامثالكم
ما تجي يا زول كفاك
.
.
الحكاية شنو آ الصديق ما نسيت الناس كلو كلو ( العبارة دي عاجبني عجب اكتر من شوال الكبس ذاتو )
|
|
 
|
|
|
|
|
|
|
 Re: شكرا الصديق عبدالهادي استلمت كتاب مشروع الجزيرة من خمسة نسخ _ اربعة توزع لمحبي الجزيرة (Re: عبدالله ود البوش)
|
الكتاب يحوي 192 صفحة وهذه بعض محتوياته:
نشأة مشروع الجزيرة و خلفيته التاريخية
ما الغبينة بين الحكومات المتعاقبة ومزارعي الجزيرة والمناقل ؟
مشروع الجزيرة والمادة سيئة الذكر
عريضة مزارعي الجزيرة للمستعمر الانجليزي والفرق بين اتحادين
رسالة من رئيس اتحاد مزارعي السودان وامين مال اتحاد مزارعي الجزيرة والمناقل
السيد حسبو ابراهيم محمد يرد على السيد صلاح المرضي في حضرة ازرق طيبة
تعقيب على ندوة د . سلمان محمد احمد سلمان ( أضواء على مشروع الجزيرة )
التطورات والمتغيرات وقانون سنة 2005م
المؤتمر الوطني ... الجريمة الفادحة والعقاب السديد
آن للملحق العسكري التركي ان يبتسم ... ولكن
المأزق الذي يعيشه مرشحو المؤتمر الوطني في منطقة الجزيرة
مشروع الجزيرة (( شوكة )) يصعب ((بلعها ))
أراضي الجزيرة ... هكذا بدأت (( فلسطين ))
الدراسة التي قدمها الاتراك بخصوص مشروع الجزيرة
.
.
.
الكتاب جدير بالاطلاع لكل مواطن سواني ومواطن الجزيرة على وجه الخصوص
| |
|
|
|
|
|
|
|
|
|
Re: شكرا الصديق عبدالهادي استلمت كتاب مشروع الجزيرة من خمسة نسخ _ اربعة توزع لمحبي الجزيرة (Re: عبدالله ود البوش)
|
الحياة في مشروع الجزيرة كانت تسير بوتيرة واحدة منظمة
حتى السنبر كان يرك في الرواكيب في وقت محدد مش حاجة غريب السنبر طفش
وخلا الديار ورحل بوركينا فاسو
كل الاوقات لها اعمالها فمثل هذه الايام كنا ننشغل بقريف الفول والمكسورة حقتك
والكورة المقرفة بقرشين تجيب نص عيشة بطحنية
.
.
شهر اربعة وخمسة يتم التجهيز لزراعة الفول عشان انزرع بدري في اول ستة
وهو شهر هسسسسسسسسس .... صرف مافي كلو كلو وبرضو صابرين والحاري متعشي
شهر سبعة حيال الطين ..... الفول بكون بقى سمحححححح وتبدأ زراعة العيش
وبدريك كان عمش بعشيك
| |
|
|
|
|
|
|
|
|
|
Re: شكرا الصديق عبدالهادي استلمت كتاب مشروع الجزيرة من خمسة نسخ _ اربعة توزع لمحبي الجزيرة (Re: عبدالرحيم أبراهيم العبيد)
|
ياخي ده كتاب مفروض كل أبناء الجزيرة يقتنوه
قبل كم يوم جاءني من يعتبر نفسه من الكيزان
والله أعطيته نسختي ليقرأها لأنه من أبناء الحوش .....
ولقد كنت بقطر وكنت سأقوم .... بتوزيع الكتاب بمنطقة الخليج .... ولكنني فجأة قررت العودة
هذا هو الكتاب الأول علي الاطلاق في جريمة نحر مشروع الجزيرة
صديق عبدالهادى ..... رجل مثابر ومجتهد وقاد قضية المشروع ولا يزال
حتي هذا الكوز ذكر لي ما يقوم به صديق .... (هو كوزا عندما نتناقش ولكن يهمه حال المشروع)
التحية لصديق ....... ولك يا ود البوش
والتحية لأعضاء تحالف المزارعين ..... والشيخ (أزرق طيبة)
| |
|
|
|
|
|
|
|
|
|
Re: شكرا الصديق عبدالهادي استلمت كتاب مشروع الجزيرة من خمسة نسخ _ اربعة توزع لمحبي الجزيرة (Re: عبدالله ود البوش)
|
حباب ودالبوش
حباب قريبي الكاهلي
العمده بلال والعمده أبراهيم العبيد
أصدقاء عليهما رحمة الله
لقد أعدت الينا ذكريات تلك الايام الجميله
أيام الاداره الاهليه ( الشيوخ - العمد- النظار )
التي أصبحت مجرد ذكريات مثل الصمد - والخفير
والمفتش والباشمفتش مرورا بمدير القسم والمدير الزراعي
كيف لا ونتذكر ما كانت تقوم به الخدمات الاجتماعيه
من نشاط رياضي ( كأس المكتب )
وأتذكر المرشدات وهن يلبسن الزي الابيض الجميل
لتعليم التطريز
وأتذكر شنو وأخلي شنو
التعليم المجاني
العلاج المجاني
كل شئ كان في متناول اليد
اهـ ..... ثم اهــ
الله يجازي الكان السبب
ودمتم بالف خير وعافيه
| |
|
|
|
|
|
|
|
|
|
Re: شكرا الصديق عبدالهادي استلمت كتاب مشروع الجزيرة من خمسة نسخ _ اربعة توزع لمحبي الجزيرة (Re: عبدالرحيم أبراهيم العبيد)
|
Quote: باب ودالبوش
حباب قريبي الكاهلي
العمده بلال والعمده أبراهيم العبيد
أصدقاء عليهما رحمة الله
لقد أعدت الينا ذكريات تلك الايام الجميله
أيام الاداره الاهليه ( الشيوخ - العمد- النظار )
التي أصبحت مجرد ذكريات مثل الصمد - والخفير
والمفتش والباشمفتش مرورا بمدير القسم والمدير الزراعي
كيف لا ونتذكر ما كانت تقوم به الخدمات الاجتماعيه
من نشاط رياضي ( كأس المكتب )
وأتذكر المرشدات وهن يلبسن الزي الابيض الجميل
لتعليم التطريز
وأتذكر شنو وأخلي شنو
التعليم المجاني
العلاج المجاني
كل شئ كان في متناول اليد
اهـ ..... ثم اهــ
الله يجازي الكان السبب |
والله يا عبد الرحيم وبدون مبالغة قرأت مداخلتك
فأحسست بالقشعريرة تسرى فى بدنى..
يا سلالالالالالالالالالالالالالالام..
على هيك أيام على قول أخونا كيكى..
ويوم الصرف فى المكتب وما أدراك ما يوم الصرف..
وعربية البوستة..,
وعربية الخزنة..
وبص الرفاهية..
و....و......,.....
وفعلاص الله يجازى الكانو السبب.
ــــــــــــــــــــــ
شكراً يا ود البوش على البوست
وشكراً على الوعد بالكتاب..
وهاتفى للكتاب خصوصاً وللتواصل عموماً
0912313042
| |
|
|
|
|
|
|
|
|
|
Re: شكرا الصديق عبدالهادي استلمت كتاب مشروع الجزيرة من خمسة نسخ _ اربعة توزع لمحبي الجزيرة (Re: عبدالرحيم أبراهيم العبيد)
|
Quote: أراضي الجزيرة ... هكذا بدأت (( فلسطين ))
|
لم أسعد بالإطلاع على هذا الكتاب القيم ،
أراضي الجزيرة ... هكذا بدأت (( فلسطين ))
يبدو ان هذا عنوان احد فصول الكتاب.
ولكنه في الواقع أحد فصول المستقبل المرسوم للسودان،
المستقبل الذي يرسمه لنا
الأعداء،
بدءاً من شعارات
وحدة وادي النيل ،
الوحدة العربية ،
التكامل ،
سلة غذاء العالم العربي ،
الحريات الأربع ،
والبقية تأتي ،
وزعماؤنا الخدم ومثقفوناالطفيليون
ينقرون بها الطار.
فليكن شعار كل الوطنيين
السودان لن يتحول إلى فلسطين
السودان للسودانيين ،
لن نجعل من أبنائنا وبناتنا
خدماً في وطنهم ،
لن نجعلهم يدفعوا بناإلى الصحراء ،
لينعموا هم بالنيل .
السودان جنتنا التي
سنجاهد من أجل لخلود فيها.
من لي بنسختي من هذا الكتاب
تحياتي
| |
|
|
|
|
|
|
|
|
|
Re: شكرا الصديق عبدالهادي استلمت كتاب مشروع الجزيرة من خمسة نسخ _ اربعة توزع لمحبي الجزيرة (Re: صديق عبد الهادي)
|
العزيز ودالبوش
تحية طيبة
معليش تأخرت عليك في الرد نسبة لبعدى من النت لفترة حتي أنني قبل يومين وجدت رسالة من الصديق (صديق عبدالهادى) في ايميلي الذى امتلأ بالرسائل
ولكن أظنك لم تقرأ مداخلتي الثانية بهذا البوست والتي قلت فيها فيما قلت التالي :
Quote:
ولقد كنت بقطر وكنت سأقوم .... بتوزيع الكتاب بمنطقة الخليج .... ولكنني فجأة قررت العودة
|
فقد كان لابد لي من العودة لأسرتي بأمريكا
وأنا اذ أعتذر للصديق صديق عبدالهادى أتمني أن نجد من يقوم بالدور الذى كنت سأقوم به ذلك الدور الذى أعلنته في بوست من قبل
وطالما أن صديق في مداخلته الآخيرة قال أنه سيعود ..... اذن سيقرأ مداخلتي هذه.
| |
|
|
|
|
|
|
|
|
|
Re: شكرا الصديق عبدالهادي استلمت كتاب مشروع الجزيرة من خمسة نسخ _ اربعة توزع لمحبي الجزيرة (Re: عبدالله ود البوش)
|
الاخ عاطف
تحية وسلام
الف حمداً لله على سلامتك. وزي ما انت عارف ما في مشكلة فلقد استطعت الاتصال ببعض الاخوة في قطر ورتبت معهم بخصوص الكتاب، بس فضل لينا التنفيذ او ارسال الكتب.
واخونا ود البوش والله دقّ "سدرو" بدون ترتيب، وهو زي ما انت عارف ما مشحود.
اخونا ود البوش
الشكر الجزيل لكل الناس السألوا عن الكتاب والذي نأمل في ان تثير مادته الاهتمام بمأساة مشروع الجزيرة ومحنة اهله التي تسببت فيهما السلطة الحالية. ونحنا ندعو كل السودانيين للوقوف مع اهلنا واهلهم لان مشروع الجزيرة هو قضية قومية في المقام الاول قبل ان يكون خاص باهل الجزيرة.
تحياتي
صديق.
| |
|
|
|
|
|
|
| |
عبدالله ود البوش
محمد إبراهيم علي
عبدالرحيم أبراهيم العبيد
عاطف مكاوى
Yousif A Abusinina
فيس بوك
تويتر
انستقرام
يوتيوب
بنتيريست