|
|
 وزير الداخلية يدعو شبابنا لتعاطي البنقو!!
|
http://sudaneseonline.com/articles.php?action=show&id=7239
حروف حرة
وزير الداخلية يدعو شبابنا لتعاطي البنقو!!
لنا مهدي عبدالله
[email protected]
• جزئية من خبر منشور في صحيفتنا الحبيبة الراكوبة(أدارت رأسي) وجعلتني أعيد قراءتها مرات ومرات لعلي فهمتها خطأ؛ لكن لا! الجزئية تعني تماماً ما فهمته وما سيفهمه كل القراء!
• فوزير داخلية النظام المهندس "إبراهيم محمود حامد" وبحسب ما نشر في إحدى الصحف نفى وجود تعاطي مخدرات حقيقي في البلاد، وقال :( البنقو ليس مصنفاً عالمياً ضمن المخدرات، لحد الآن ما عندنا المخدرات المصنفة عالمياً، والبنقو دا مصنف من المواد المهلوسة حقو ما نظلم شبابنا في الجامعات)!
• يبدو جلياً أن (صدماتنا) و(هجماتنا) لن تنتهي مع مسئولي نظام الانقاذ، فلو سلمنا جدلاً أن البنقو الذي هو مخدر الحشيش ليس مصنفاً عالمياً ضمن المخدرات، ألا يذهب العقل ويضر بصحة متعاطيه سواء كانوا طلاباً أو غير طلاب؟! وهل كونه من المواد المهلوسة أمر عادي لا يستحق الوقوف عنده؟
• ألم يجهد الوزير غير المسئول نفسه ليكتب في قوقل محرك البحث العالمي (بنقو) ليجد سيلاً من المعلومات عن هذا المخدر اللعين تعينه على أن (يصم خشمه) ولا يبذل مثل هذا التصريح الخطير وغير المسئول؟!
• وهل يتنظر الوزير (غير الهمام) حتى يتعاطى طلاب الجامعات الهيروين والماكستون فورت والكوكايين حتى تتدخل وزارته لأن تلك المخدرات مصنفة عالمياً و(ما مهلوسة ساكت) وتعاطيه ليس بتعاطي مخدرات (حقيقي)؟!
• وهل يا ترى (من الطبيعي) لو رِأى وزير داخلية النظام أحد موظفي وزارته أو مسئوليها (يلف) سيجارة ويدخنها ثم تبرق عيناه وتدمعان ثم (يبرطم) ب(تخاريف) كما تصور الأفلام متعاطي البنقو؛ هل سيمر على المشهد مرور الكرام أم تراه ومن باب الشيء بالشيء يذكر سيعلق:(تصور، المتخلفين مفتكرين البنقو الفي يدك دة في لستة المخدرات عالمياً،ياخي وحيات ديني شباب الجامعة ديل مظلومين، السيجارة البسيطة دي البتسبب بس حبة هلوسة منقنقين ليهم فيها ومتهمنهم بتعاطي المخدرات)!!!!!!
• كلام وزير داخلية النظام بمثابة دعوة غير مباشرة للشباب ولكافة فئات المجتمع لتعاطي البنقو لأن الوزارة ستغض الطرف عن المتعاطين، ولأن زراعته لن تشهد غارات وزارية لإبادة المزروعات التي يصنع منها المخدر الخطير!
• وزراء حكومة الانقاذ ديل يوم حيجيبوا لينا سكتة! خلص الله البلاد والعباد منهم ومن شرورهم وعاقبهم على ما فعلوه بوطننا وبمواطنيه!
مع محبتي؛
|
|
  
|
|
|
|
|
|
|
 Re: وزير الداخلية يدعو شبابنا لتعاطي البنقو!! (Re: ismeil abbas)
|
Quote:
لماذا يعاقب القانون متعاطي البنقو ؟
وزير الداخليه قال الكلام دا بصحو ؟
|
شر البلية ما يضحك
ايام عمر البشير رفض المحكمة الجنائية الدولية بحجة اننا ما موقعين على نظام روما الاساسي و لا على قانونها.
واحد مسطول قال لاخيه المسطول .. طيب نحن كل يوم جالدننا في شنو؟ .. نحن موقعين على القوانين دي!؟
الله يكون في عون البلاد و العباد .. الناس ديل عاكمنها ساااااي!!
و بعد دا يجوا يقولوا هي لله!!
-----
الحبيبة لنا
ازيك ياخ
تسلمي و الله
الجماعة اظنهم ساعين لسبق دولي - و العهدة على حلبلب - شوفي هنا:
في يوليو القادم كندا قد تصدر قانوناً يجيز لمواطنيها ركوب الأفيال
( لو ما عرفتي معنى " ركوب الفيل "، اعفصي بس .. حمدو في بطنو )
لنا الله يا لنا اختي .. و يكون في عون البلد المنكوب داك
| |
|
|
|
|
|
|
|
|
 Re: وزير الداخلية يدعو شبابنا لتعاطي البنقو!! (Re: قيقراوي)
|
البنقو منتوج وطنى وفى اطار نسطل مما نزرع (لاحرج) ويجوز( سطلا).... مش (البنقو)مزروع فى السودان..وتيب
نحيى السيد وزير الداخلية مشجع (نسرح مما نزرع)..غايتو (الناس)العندهم مزراع حظهم؟!!
(انتو الوزير ده بركب الفيل ولا شنو....
لنا السلام عليكم ..اريتك مسطولة ههههههههه.
| |
|
|
|
|
|
|
|
|
|
Re: وزير الداخلية يدعو شبابنا لتعاطي البنقو!! (Re: ABUHUSSEIN)
|
يمكن عندو خانه؟ يا لنا ما تحاربو الناس في ارزاقا ... معارضة حاسدة
الكيزان ما فارقه معاهم الناس تنسطل و لا تسكر و لا تمشي ام فكو في الشارعو لا تموت بالسرطان و لا تقصفهم اسرائيل, على العكس تمامآ اى حاجه - بطاله أو كويسه - تلهى الناس عنهم هم ما عندهم اعتراض عليها
الحاجه الوحيده الهم بالجد ما عاوزنها هو اى عمل سياسي او ثقافي او فكرى او اجتماعى ممكن يشكل تهديد ليهم.
بالمناسبة قصة الخانة دى ما هظار .... خانات على مستوى او منتج كبير .... ليه لأ؟ في شئ بعيد عليهم؟
| |
|
|
|
|
|
|
|
|
|
Re: وزير الداخلية يدعو شبابنا لتعاطي البنقو!! (Re: esam gabralla)
|
Quote: يمكن عندو خانه؟ يا لنا ما تحاربو الناس في ارزاقا ... معارضة حاسدة
الكيزان ما فارقه معاهم الناس تنسطل و لا تسكر و لا تمشي ام فكو في الشارعو لا تموت بالسرطان و لا تقصفهم اسرائيل, على العكس تمامآ اى حاجه - بطاله أو كويسه - تلهى الناس عنهم هم ما عندهم اعتراض عليها
الحاجه الوحيده الهم بالجد ما عاوزنها هو اى عمل سياسي او ثقافي او فكرى او اجتماعى ممكن يشكل تهديد ليهم.
بالمناسبة قصة الخانة دى ما هظار .... خانات على مستوى او منتج كبير .... ليه لأ؟ في شئ بعيد عليهم؟ |
عصام يا حبيب تتخيل فكرتا إننا معارضة حاسدة خاصة لو القصة دي مربحة وبتجيب قروش..أها نتاجر ونجي نعمل غسيل أموال في الانتفاضة(:(:(:(: مش فكرة شيطانية جهنمية؟؟؟(:(:(:
| |
|
|
|
|
|
|
|
|
 Re: وزير الداخلية يدعو شبابنا لتعاطي البنقو!! (Re: ABUHUSSEIN)
|
Quote: أختنا لنا سلام
يعني حا تفرق كتير....؟؟؟؟
ما أهي الناس حايمة زي المساطيل لا عارفة هي جاية من وين و لا عارفة هي ماشة وين
يعني بكره عادي تلقى البنقو جنب الحليب و الطحنية في البقالة...
تحياتي |
شقيقي الحبيب أبوحسين
غايتو لو بقو يبيعوهو في البقالات بعد تصريح الوزير معاهم ألف حق خاصة لو وزير التجارة أدلى بتصريح مهبب مماثل!!!!!!!!!!!
| |
|
|
|
|
|
|
|
|
|
Re: وزير الداخلية يدعو شبابنا لتعاطي البنقو!! (Re: معاوية عبيد الصائم)
|
Quote: البنقو منتوج وطنى وفى اطار نسطل مما نزرع (لاحرج) ويجوز( سطلا).... مش (البنقو)مزروع فى السودان..وتيب
نحيى السيد وزير الداخلية مشجع (نسرح مما نزرع)..غايتو (الناس)العندهم مزراع حظهم؟!!
(انتو الوزير ده بركب الفيل ولا شنو....
لنا السلام عليكم ..اريتك مسطولة ههههههههه. |
شقيقي الحبيب معاوية
لالالا منتظرة بقية الفتاوى...(:(:(:(:(:
غايتو هم يضحّك وهم يبكّي
ما نصاح وحات الله ما نصيحين(:(:(:
| |
|
|
|
|
|
|
|
|
|
Re: وزير الداخلية يدعو شبابنا لتعاطي البنقو!! (Re: قيقراوي)
|
Quote: Quote:
لماذا يعاقب القانون متعاطي البنقو ؟
وزير الداخليه قال الكلام دا بصحو ؟
شر البلية ما يضحك
ايام عمر البشير رفض المحكمة الجنائية الدولية بحجة اننا ما موقعين على نظام روما الاساسي و لا على قانونها.
واحد مسطول قال لاخيه المسطول .. طيب نحن كل يوم جالدننا في شنو؟ .. نحن موقعين على القوانين دي!؟
الله يكون في عون البلاد و العباد .. الناس ديل عاكمنها ساااااي!!
و بعد دا يجوا يقولوا هي لله!!
-----
الحبيبة لنا
ازيك ياخ
تسلمي و الله
الجماعة اظنهم ساعين لسبق دولي - و العهدة على حلبلب - شوفي هنا:
في يوليو القادم كندا قد تصدر قانوناً يجيز لمواطنيها ركوب الأفيال
( لو ما عرفتي معنى " ركوب الفيل "، اعفصي بس .. حمدو في بطنو )
لنا الله يا لنا اختي .. و يكون في عون البلد المنكوب داك |
الحبيب قيقا
أختك من أمس متمحنة ومدية ربي العجب
ويشيييييلو الأحباب يضربو لي بخصوص المقال ويضححححححححكو(:(:(:(:(:
يا داااااب عرفتا سبب إنو كتير من المسئولين في النظام تصريحاتهم ما ياها وكلامهم ما راكب عدلو(:(:(:(:(:::::::::::::::::::(:
| |
|
|
|
|
|
|
|
|
|
Re: وزير الداخلية يدعو شبابنا لتعاطي البنقو!! (Re: lana mahdi)
|
| Quote: وزير الداخلية يدعو شبابنا لتعاطي البنقو!! |
وزير الداخلية يريد ايصال رسالة لشباب الجامعات فحواها :
( البنقو حلال) ( ولا عقوبة علي تعاطيها) ...
وذلك ليعيشوا وينشغلوا في جو الكيف مع البنقو حتي لايخرجوا في مظاهرات تعكر صفو الحكومة
.. والله فعلا حكومة لئيمـــــــة وقبيحة ورذيلة ..
لعنكم الله بحق جهنم ..
| |
|
|
|
|
|
|
|
|
|
Re: وزير الداخلية يدعو شبابنا لتعاطي البنقو!! (Re: احمد محمد بشير)
|
Quote: | Quote: Quote: وزير الداخلية يدعو شبابنا لتعاطي البنقو!! |
وزير الداخلية يريد ايصال رسالة لشباب الجامعات فحواها :
( البنقو حلال) ( ولا عقوبة علي تعاطيها) ...
وذلك ليعيشوا وينشغلوا في جو الكيف مع البنقو حتي لايخرجوا في مظاهرات تعكر صفو الحكومة
.. والله فعلا حكومة لئيمـــــــة وقبيحة ورذيلة ..
لعنكم الله بحق جهنم .. |
الحبيب أحمد
البنقو هين
تعرف أنا بقيت كل يوم أخش أفتش بالفتاشة عن أي تصريح لوزير الداخلية...الجايي حيكون أكثر هباباً!!!
منتظرة رخص الهيرون والكوكايين وهلم جرا!!!! ربنا ينتقم منهم يا رب العالمين!
| |
|
|
|
|
|
|
| |
lana mahdi
نوفل عبد الرحيم حسن
ismeil abbas
قيقراوي
معاوية عبيد الصائم
عمر عبد الله فضل المولى
ABUHUSSEIN
احمد محمد بشير
فيس بوك
تويتر
انستقرام
يوتيوب
بنتيريست