|
Re: في يوليو القادم كندا قد تصدر قانوناً يجيز لمواطنيها ركوب الأفيال (Re: Ashraf el-Halabi)
|
Quote: أول مرة أعرف السطلة بقولوا ليها ركوب الأفيال |
Quote: Some people don't want any changes to the laws. Others are pushing for complete legalization. In between, there are people who favour what's known as decriminalization. They want to keep the rules but lower the penalties from criminal to a civil level, like getting a traffic ticket – no criminal record would be kept. |
المصطلح طلع يونيفيرسال يا العوض
| |
|
|
|
|
|
|
Re: في يوليو القادم كندا قد تصدر قانوناً يجيز لمواطنيها ركوب الأفيال (Re: قيقراوي)
|
Quote: عنوانك دا بس ناقص ( توجد فيز ) |
يا جنرال سعادتكم ما شايفين شغلكم لأنو تصدير الأفيال في الدنيا كلها جايي من تالا الضهاري المراكز ترسل قدح الفقر للضهاري والضهراب يرجعوهو مليان لاعينو أفيال "عيب الزاد ولا عيب سيدو" عاين سوات اليانكي في ضهاري أمريكا اللاتنية! حول سكان القارة كلها لمجرد مزارعين شغالين ببطونهم في حديقته الخلفية وداير يستمتع بالطعم الديليشس للأناناس والموز!! ديلسيوسو يا خواجة! سخرهم شحنوا ليهو سبايط الموز قالوا ليهو ما عايز صفق موزك؟ قال ليهم إتعشوا بيه! قبل ما يفتح طرد موزه في ميامي جاهو طرد تاني وارد الـ backyard نفسها، مليان صفق موز محشي أفيال تدوخ الفيل سيد اللسم ود الذين يا بعيوناً خدر!! أها.. خم وصر وجر نفس طويل وأدي رفيقك نفس backfire! يا حبيب الفيزيا لا تكذب ولا تتجمل
| |
|
|
|
|
|
|
Re: في يوليو القادم كندا قد تصدر قانوناً يجيز لمواطنيها ركوب الأفيال (Re: Ashraf el-Halabi)
|
Quote: الحاجات دي بقت تفوت فيك!؟ كورتك فكت يا عمك!
|
لووووووووووووول
من ناحية فكت؟ هي فكت .. فكت و نص و خمسة
بس ما الكورة 8
------------
شفت الفيديو دا و من يوما و مدي ربي العجب!! السخف ما ليهو حد بس يعني شنو اسي؟ بعدين ياخ الما عجبو المنظر ما يغير القناة بس بدل قلة الادب؟ الم يكن في اثير الفضاء متسع؟ سم سانين : هم ذاتو لو ما كضابين الواحد تلقاهو مبرمج ليو يجي زي 500 قناة دي بحضرا متين؟ و ح يجي ليا عمر من وين؟ استغرب في زول يوظف زمن و جهد و مال عشان يسئ لزول/ـة !؟ حنجلة بس!!
* قاصد الزمالة ( يا عملات صلاح الامين ) ما تفهموني غلط؟
| |
|
|
|
|
|
|
Re: في يوليو القادم كندا قد تصدر قانوناً يجيز لمواطنيها ركوب الأفيال (Re: قيقراوي)
|
Quote: بعدين ياخ الما عجبو المنظر ما يغير القناة بس بدل قلة الادب؟ |
ويغير القناة ليه طال ما ممكن يغير المنكر!؟ المزعلني يا قيقا الدكطور أيمن صديق البرنامج مؤذي ياخ! رغم إني كنت قرفان من تصرفها داك لكن ياداب فهمت ليه روجينا أيام الثورة جات بكت في ميدان التحري وقالت "اوع تسيبنا، هنتبهدل يا ريس" يبدو إنو أرض الكنانة راجيها هارد تايم بالهبل
| |
|
|
|
|
|
|
Re: في يوليو القادم كندا قد تصدر قانوناً يجيز لمواطنيها ركوب الأفيال (Re: محمد عبد الماجد الصايم)
|
Quote: رغم إني كنت قرفان من تصرفها داك لكن ياداب فهمت ليه روجينا أيام الثورة جات بكت في ميدان التحري وقالت "اوع تسيبنا، هنتبهدل يا ريس" يبدو إنو أرض الكنانة راجيها هارد تايم بالهبل
|
لوووووول الظاهر علي بقيت حساس!!* انا اتلقفت طاقية الكورة الفكت دي، حالة كونها ظابطة معاي
اسي كنت بناقش فهم قريب لي كدا مع زميلنا مصري.. و قلت ليو الظاهر انكم ح تندموا على مبارك
الله يكضب الشينة بس ..
على قول استاذنا عبد الله الشيخ يبدو اننا قدام حالة متقدمة جداً من ( ظـــاهـرة التـغـنـيـش)..!
الله في
--------
* مسطول سال اخيه المسطول: انت حساس بالانقليزي يعني شنو؟ فقال ليو : سينستيف فضحك حتى طارت سجارته و هو يردد : يعني انت شينشتيف !؟
| |
|
|
|
|
|
|
Re: في يوليو القادم كندا قد تصدر قانوناً يجيز لمواطنيها ركوب الأفيال (Re: Ashraf el-Halabi)
|
كندا + تجيز ركوب الافيال لمواطنيها + يوليو = السودان + وزارة الداخلية السودانية : (البنقو) ليس مصنفاً عالمياً ضمن المخدرات + ابريل
بحذف ركوب الافيال من طرفي المعادلة
كندا + يوليو 2011 = السودان + ابريل 2011
وعليه:
السودان= كندا+ (يوليو-ابريل)
السودان= كندا + 3شهور
السودان متقدم على كندا بتلاتة شهور في المجال و يمكننا مدّهم بالخبرات اللازمة من باب التعاون الدولي
____________ شكرا أشرف الحلبي ان جعلت هذا ممكناً
| |
|
|
|
|
|
|
Re: في يوليو القادم كندا قد تصدر قانوناً يجيز لمواطنيها ركوب الأفيال (Re: عزاز شامي)
|
Quote: الأخ اشرف الحلبى ..قبضتك أخيرا..
كنت أتربص بك لى مدة
|
يعني آمنة حتى ساعة المواجبة لا تتخلى عن لغتها الثورية عندك بوست زمان كل ما أتذكرو أضحك في ربع ما آمنة كان عندها أكتر من بوست في وقت واحد وتكالب عليها المتداخلين ويبدو إنو الزمن البتقضيه في الردود لخبط ليها جدولها فتحت بوست اعتذرت للمتداخلين في البوستين نسبة لانشغالها وشكرتهم جوها متداخلين في بوست الاعتذار أكتر من بتوع البوستين ديلاك فأصدرت فرمان ثوري "والبوست دا ذاتو ما حأقدر أرد على المتداخلين" وكبت الجاز كمندان آمنة ما بيناتنا ياخ كل ما ألقى ليك بوست محفز حأتداخل من غير ما أنتظر رد
| |
|
|
|
|
|
|
Re: في يوليو القادم كندا قد تصدر قانوناً يجيز لمواطنيها ركوب الأفيال (Re: Ashraf el-Halabi)
|
Quote: فيل الدمازين ما بياكل عيش مع أفيال كولمبيا يا أحمد |
الحلبي
الأفيال السودانية ثلاثة أنواع، غرباوي وجنوبي وصعيدي، وأراك تذكر نوعاً واحداً وتهمش البقية، فلو أمكن توضح لنا هذه النظرة الإقليمية الضيقة والمعروف أن فيل الدمازين أقل الثلاثة أنواع أصالةً، وهو فيل لا يستطيع المنافسة داخلياً دعك من المنافسة الخارجية.
هل لهذا الأمر علاقة بمثلث حمدي، هل تروج لإنفصال الغرب وبالتالي الإعتماد على الأفيال الدمازينية، ثم ماذا لو إنفصل النيل الأزرق أيضاً، فأي نوعٍ من الأفيال ستركبون؟
| |
|
|
|
|
|
|
Re: في يوليو القادم كندا قد تصدر قانوناً يجيز لمواطنيها ركوب الأفيال (Re: Ashraf el-Halabi)
|
Quote: عشان ما أخش اطبز احتسبت مداخلاتي المؤجلة فيهو وقعدت هو عن شنو يا قيقا؟
|
لوووووووول السؤال دا كرهونا بيو
سرايا .. و فاقعون لوهنا.. تسر الداخلين. بس .. ما اكتر!
انا كنت محتسب لنفس السبب و زيادة حسسني الاهدا - انت عارف اخوك حساس محمد حساس- " للصديق ايمن في عليائه المجيدة "
مجيدة حارة؟
لكن انقر شنو؟ لمن خشيت طلعت بمية فايدة و فايدة اعد منها و لا اعددها .. ادناها انو صاحب المقام الرفيع بقى ادنانا ليعلونا ، و نزل من عليائه المجيدة .. و بقى صاحبي و الله صحي
فلا تدع الفرصة تفوتكم
------
بخصوص " بو حرامي قيت - كلاكيت توو" ياخ دي بقت قصة بايخة .. و استهتار بمشاعر و ذكاء احياء و احباء العندو شئ يقولوا مباشرة لو كان هدفو الحقيقة و الانسانية .. او ليصمت جرت مياه غزيرة جداً من ون لي توو العالم اتطور .. و في منعرجات اتهور .. و ليهو عام وهو يفور و يمور نحن نقعد نلت و نعجن في الفارغة .. و نبني قصور رمال في شاطئ هائج
الحتة الاخيرة دي ذكرتني غنية وردي ( اعتقد انو الشاعر ابو قطاطي ) بنيت في الموج قصور آمال .. و شديت في السحاب سرجي او نحو ذلك دا مش ياهو ركوب الفيل ذاتو!؟
| |
|
|
|
|
|
|
Re: في يوليو القادم كندا قد تصدر قانوناً يجيز لمواطنيها ركوب الأفيال (Re: قيقراوي)
|
Quote: ادناها انو صاحب المقام الرفيع بقى ادنانا ليعلونا ، و نزل من عليائه المجيدة .. و بقى صاحبي |
أسر له بأن زهدي في دخول ذلك البوست للترميز العالي فيه، بل أظهر عجزي التام وأختها ليهو عديل "البوست داك عن شنو؟" فيجيبني برمزية أعلى!!
بعدين الزول ممكن يكون مجلي كلمة في الغنية، لكن يجلي شطر كامل من بيت!!! متين قال "و شديت في السحاب سرجي"!؟ عموماً تصرف متسق مع موضوع البوست والكريتفيتي بتاعة الفيالة
| |
|
|
|
|
|
|
Re: في يوليو القادم كندا قد تصدر قانوناً يجيز لمواطنيها ركوب الأفيال (Re: Ashraf el-Halabi)
|
لووووووووول
اروع ما قيل عن الكواميت في عصر الدهشة.....عصر الموسيقى الكاسوليكية العلينا دا وبلغه عصرية تليق ( ديغيتال ) :
Quote: الكاموتا و قيل الكاموتة بحسب الساوندينق من اقليم لأقليم هي سوفتير بتعمل ليها انستوليشن في العقل البشري ( طبقت نفس الفكرة في الحواسيب فيما بعد) و تجئ موافقة لكل اوبريتينق سيستم و كاباسيتي، و راندوم ميموري الخ الخ ماكان في ويندوز، لكن طاقة صغييييرة بناولوك ليها ملفوفة، ما كان في ( ابيل) لكن في دوم هاردرايفك كان ما استيبل، بترجو ليك و بتفرمتو، لمزيد من المعلومات الرجاء الرجوع الى مؤلف بابيلون باي بص
تاج السر الملك
|
بمناسبة :
Quote: موضوع البوست والكريتفيتي بتاعة الفيالة
|
دي ...
وين حبيب نورة من هذا البوست؟ لا بد ان يدخل به ..
فليدخل بالعفو عنه او نخرج بالعقوبة عليه
| |
|
|
|
|
|
|
Re: في يوليو القادم كندا قد تصدر قانوناً يجيز لمواطنيها ركوب الأفيال (Re: Ashraf el-Halabi)
|
Quote: للتوضيح:
فيما يتعلق بالمعلومات الفيلية فقد استقيناها - يشهد الله- من صديق لنا يحمل الاسم الحركي "مهراجا"، وقد كان اسم على مسمى. وكان يعشق الحديث عن الفيل وشؤونه، ومن أقواله المشهورة "أن الفيل لما رُكِبَ له". |
لووووووووووووول الصادق الصادق جداً مصدقنك اخوي .. لازم تحلف يعني!!؟
ذكرتني واحد خيالو واسع .ز مرة مكبر الـ G و مروق الـ D على الآآآآآخر .. عامل دماغ مظبةط.. ركب عربيتو و بقا يفط اشارة و يقرأ اشارة .. جلى ليو زي اتنين اشارات حمراء. في التالتة - التالتة واقعة طبعاً - وقع .. وقفوا بتاع المرور هرشوا ليك : ليه تقطع الاشارة!!؟ رفع راسو يا الله يا الله : المحشش منو يا زول!!؟
في زول غالطك!؟
| |
|
|
|
|
|
|
Re: في يوليو القادم كندا قد تصدر قانوناً يجيز لمواطنيها ركوب الأفيال (Re: Rawia)
|
يا ابوالشوش يا حبيب نحن هنا في غرب افريقيا فايتنكم فوتة عدوك
تركب فيلك وبرطعك برطعك في نص سوق الله اكبر زول يعاين ليك عين غريبة ساي ماف، الواحد لمن اشتهى الغمتة في كف الايد. سألت صاحبي السنغالي جاي تراوري وبينما نحنا على ظهر فيل شاهق علىٰ ضفاف نهر جوليبا جنوب باماكو في مالي: منذ متى وركوب الافيال حلالون هنا ؟ (الاخ جاي طبعا من خريجي افريقيا العالمية) قال لي: لم تكن حرامون في يوم ما حتى تصير حلالان.
---------- ود الصايم: الفيزا عندنا ساااااااااااااااااااااااااااااااهلة
| |
|
|
|
|
|
|
|