كتب الكاتب الفاتح جبرا المتوفرة بمعرض الدوحة
|
|
 بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى !
|
قريت البوست بتاعك يا دينق بطرد رجل السفارة
واتحيرتا بالجد ما فهمت .. بالذات لما لقيت
الناس كلها اتفقوا فى الراى ..
ما علقت هناك لانى حسيت بانى ح اكون شترا
وما مقبوله قلت اجيكم براحه كدا تفهمونى ..
مفروض انها ندوة مفتوحه والغرض الاساسى منها
تسليط الضوء على الانتفاضة والشعب العظيم ..
اوووول المستهدفين للندوه دى مفروض يكونوا
الناس الما وعو الدرس واتورطو تانى فى انظمة فاسده
للمرة المليون .. اول ناس معنيين بالندوة دى
هم بلطجية الانظمة لانو الدروس دى موجهه ليهم فى المقام
الاول
لمتيييييييييييييين نحن ح نقعد نكلم نفسنا وفى روحنا ؟؟
منو فى الحضور الما عارف الكلام البتقال دا ؟
مفروض تستدرجوا الناس ديل استدراج لحضور فعالياتكم
وتدوهم فرص للكلام حتى لو ما طلبوا
وتخلوهم يعيشوا جو التوق للحرية والانعتاق ..
الاحساس بالاجواء دى مطلوب لاى بنى ادم ...
عارف يا دينق
انا كنت مرة فى تنطيم ورش عمل حول استقلالية القضاء
ووحيدة وقومية اجهزة الامن والشرطة ..
كان عندى راى دافعت عنه شديد
بان يكون كللل المشاركين من اجهزة الدولة نفسها
ضباط شرطة وجيش وقضاة
اولا عشان ما نكون بنكلم فى روحنا ..
تانيا لانو الكلام دا بعنيهم هم
وفعلا بيحدث تحولات فى افهامهم مهما ابدو غير ذلك
باختصار وح نواصل نقاش فى المداخلات انا ما عرفت
طردتو الراجل ليييه ؟؟ مبدا الاقصاء مرفوض كمبدا
وبعدين يتجسس على شنو ؟
دا نشاط علنى
وما عادت الناس بتخشى الافعال او الكلام او الوثائق
حتى ولو دفعت تمنها غالى فالحقوق تنتزع ..
الناس الفى البلد هنا بعملوا حاجاتهم علنية ..
ــــــــــــــ
ناس المؤتمر الوطنى يمتنعون من الاشادة
بهذا البوست انا ناقصاكم ياخ ؟ بلا كدا الله يسلمنى ...
|
|
  
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: دينا خالد)
|
ولا تشفي ولا إقصاء .. ده اسمو ضد حوار الطرشان
ده اسمو العين بالعين و السن بالسن
ده اسمو الشراب من نفس الكاس يا دينا
كم عدد السودانيين الما متحزبين المطرودين قسراَ من السودان بسبب سياسات الانقاذ ؟
كم عدد ضحاياالطرد الممنهج لافراد للمعارضة في بدايات الانقاذ ؟
عزل رموز النظام في الخارج او الداخل ده لو اتعمل من زمان يا دينا كان ما حا نكون واقفين في مكاننا الحالي.
مافي حاجة اسمها يقعدوا معانا عشان يسمعونا .. الناس دي سامعة و فاهمة و عندها رأي فينا كمان و ما بتغيروا
بالعكس هي بتجي نوادينا عشان تغير رأينا و تشترينا و القصة سياسةاو كما قال المطرود نفسو في ندوة سابقة.
ازيك بالمناسبة و مشتاقين :)
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: دينا خالد)
|
يا دينا انا ما في واشنطون وضد الاقصاء ... لكن كمان نقيف شويه عند الزول المطرود ده ...
الزول ده مسئول امني بالسفاره ... يعني مهمتو الاولي البياكل منها عيش هي كتابة التقارير وفركشة الندوات بطرق مختلفه .. وتعذيب المخالفين (في السودان)
الزول ده بعضمة لسانو قال بيشتري الناس ... يعني الناس في نظرو (سلع) ...
الزول ده بتاع امن يا دينا ... يعني ممكن يكون داسي ليهو مسجل ولا مصيبة زمان في (القلنسوه) اللابسها دي ...
______________________________________________
هو ناس الامن ديل قاعدين يتحاورو عشان الناس يدوهم فرصه
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: Elsanosi Badr)
|
بدر السنوسى !
يعنى شنو بتاع امن ؟ امبعولو
احسسسسن حاجة انك تلم فى بتاع الامن وهو مجرد
من كل ترسانة قمعو تلم فيه مان تو مان بى يدينو ..
فى بلاد ماعنده فرصة يفرفر دى الفرصة الجهنمية ..
عشان تهزمو بى اخلاقك بى وعيك بى شوفتك الصحيحة
يعنى شنو بقول بنشتريهم ؟؟
تخلو يجى ويطلع كضاب وتثبتو لى انكم لا تشتروا
ولا تباعوا الطرد دا معناها انتو خايفين يشتروكم فعلا ..
Quote: الزول ده بتاع امن يا دينا ...
يعني ممكن يكون داسي ليهو مسجل ولا مصيبة زمان
في (القلنسوه) اللابسها دي . |
عايز يسجل بالدس ؟ ويتجسس ؟ ويرسلو لى ناس يتسنطوا ؟؟
خلو يعمل دا كلو وافضحوا
عروه للدنيا كلها .. خليهم يشوفوا اخلاقو والبيان بالعمل
مش بالكلام لب لب لب .. بالصاح وبالكضب .. خلوهم يرتكبوا الجرايم
انتو خسرانين حاجة .. عندكم كلام داسينو من الجهاز الام ؟؟
ـــــــــــــــــ
عمر صديق اقعد ساى ياخ ..
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: Balla Musa)
|
بله موسى ..
خلى كوستاوى يجى هنا عشان اقوم عليه اكسسرو
هو كمان قايلنى بنطرد لييه والله الا يجيب
المطافى ..
عارف البوليس ذاتو بكون بى اقنعوا بى
فهم انو دى دعوة عاملنها
نحنا وهو ما معزوم .. بس
لكن بى اى فهم تانى ما مفروض يمشيهو ولا حاجة ..
الناس من حقها تهتف ضده ..
يقولوا كلامهم وهو موجود ..
يردوا على اكاذيبو وتهجموا عليهم
كل شى متاح ..
لكن الطرد دا قمممممممة الافلاس .. معليش والله ..
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: دينا خالد)
|
والله يا اخت دينا دا كلام عاقل جدا للأسف أنا شهدت هذه الحادثة التي لم يحالفها التوفيق
وطبعا يمكن الرد بطرق أكثر تحضر وتراعي قيمنا السودانية مهما كان عمق الخلاف أيضا فهناك أولويات أكثر أهمية من إحراج شخص قد لا يكون من العدل تحميله أخطاء وممارسات نظام بأسره
إلا إذا كان هناك دليل قاطع .وبالمناسبة هناك عدد كبير لم يستحسن هذا التصرف من الحضور .
مثل هذه التصرفات قد تدل على عجز بعض من يتبنون مواقف المعارضة باجتهادات شخصية في مواجهة فكرية وسياسية مكانها الأساسي المنابر والندوات وارد الشافي والكافي وفضح ممارسات النظام بالحجة والمنطق حتى يكون هناك فرق وأمل.
وأرجو أن لايضيق من يطالبون بالديمقراطية بأراء خصومهم حتى وأن ظلموهم دون أن يعنى ذلك أسقاط الحق ولكن وفق سلوك متحضر دون إحراج إنساني أو عدم مراعاة لخصوصيتنا وإن لم ترعاها الانقاذ .
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: خدر)
|
حتى انت يا دينا يا بت يا شفيفه!!!!!
عارفه يا دينا فى امور مختلطه للسواد الاعظم من السودانيين عشان كدا حنظل لافيين فى حلقه مفرقه
وما حنستفيد من التجارب المتكرره منذ خروج الانجليز لاننا بنفكر فى حل امورنا بالعاطفه وليس بالعقل
زول بمثل جهاز امن فى دوله من دول العالم الثالث اسمها السودان كويس معاك ..... جهاز الامن دا ..... قتل
عذب ......اغتصب ..... الانسان البرتكب عمايل زى دى انتفت عنه صفه الانسان واصبح حيوان فابالتالى
مافى حاجه اسمها ادوهو فرصه واتناقشوا معاهو وافضحوهو وخلهو يتعلم ..... لا لا يا دينا الانسان
البنتمى لى جهاز زى جهاز امن السودان ما راح يتعلم قولى لى ليه؟ لانو عطل نعمه العقل الاداها ليه الله
واستعمل عضلاتو عشان يعيش وسط المجتمع زيو وزى الحيوان......الدماغ معطل عندو بكل اسف
طيب..... حينط لى واحد ويقول لى لكن فلان دا ما كتل ولا اغتصب ولا عذب هو انسان زيى وزيك عايز يجى يحضر
ندوه فى واشنطون ليه نحرموا ؟ والاجابه حتكون اى انسان منتمى لى جهاز الامن من الغفير لى المدير واى زول
منتمى لى الحزب الحاكم او بشجع فيه دا انسان منتمى لى مجرميين وقتله ومفسديين فى الارض
بينم وبين الشعب السودانى التقى الطيب المسالم القصاص والقصاص فقط يا دينا ...حتى ولو ما عشان الضحايا
ممكن عشان الاجيال القادمه من احفادنا تجى تلقانا اسسنا لى مبدأ العداله والمحاسبه وليس مبدا باركوها ياناس
وعفى الله عما سلف ويجى رئيس اهبل زى نميرى ويقول للسودانيين انا ربكم الاعلى ويقطع فى ايدين الناس
من خلاف ويعمل الميه وزمتا وبرضو يجى راجع ويستقبلوه الناس فى المطار ويعيش فى وسط الشعب السودانى
معزز ومكرم عشان كدا الساقيه مدوره ويجوك ناس بى مثاليه مثيره للشفقه !!!! ويقولو ليك كلام من عينه وينا مثلنا
واخلاقنا !!! يا سلام !!! هى المثل والاخلاق دى شغاله فى اتجاه واحد !!!! وبعديين ربك رب العزه قال
لكم فى الحياة قصاص يا اولى الالباب
والناس الخلاص المثاليه كتلاهم وبتسألوا بكل برأءه طيب الفرق بينكم وبينم شنو؟ بنقول ليهم الفرق انهم مجرميين
وقتله وحراميه والناس الرفضو وجود ممثل جهاز الامن فى الندوه مامجرميين ولا قتله ولا حراميه
لسه السودانيين محتاجيين يفهموا ماذا تعنى العباره البتقول الحكومه هى خادمه الشعب
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: بدر الدين احمد موسى)
|
بله يا بلة
قلت لى مداخلتك دى عملت ليها راس وضنب ؟؟
الاخ حسن الحسن
تصدق انا اصللللللو ما فكرت فيها بطريقة عاطفية
ولا من حتة احراج وما احراج ولا عاداتنا ... ابدا
القصة دى بالمنطق وبالعقل غلط ..
وفيها افلاس تقيل ..
الطرد دا معناه الخوف من الهزيمة
الخوف من المواجهة وفيه قلة حيله وقلة منطق ..
هسه لو عندك اخوك معاك فى البيت كوز
ح تعمل شنو ؟؟
ح تطردوا ولا ح تخلى لى البيت ؟؟
يا حيدرنا !
اها شوف التصرف بتاع قوش دا فيه اى حكمة
ولا اى عقل ؟؟ محض تسلط بس ..
وفيها ضعف مهما هو اظهر انو قوى وانو انتصر بى
طرد الزول دا ح يظل حاسى فى جواه بالهزيمة ..
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: دينا خالد)
|
يا دينا ... الزول ده ما عندو خلاف سياسي عشان الناس تحاورو ... واهو المنبر ده مليان كيزان مافي زول طالب باستبعادهم ... بالعكس لامن يوقفو واحد فيهم قاعدين نطالب برجوعه ... لانو ده مبدأ ...
الزول ده يا دينا بتاع امن ... عارف يعني شنو بتاع امن !!!... يعني جاي شغل في الندوه دي ... بمعني اقرب بمارس في مهنتو ... يعني جاسوس بالمنعي الاشمل ... يتجسس علي ناس المعارضه ...
ومعروف الجاسوس بيطرد من الدوله ده اذا كانت العلاقات كويسه ... لكن لو ماكانت كويسه (بيندق) دق العيش ده لو ما حصلت ليهو حاجه تانيه ...
القصه ما قصة عجز ويعروهم ... القضيه هي منع الزول ده من ممارسة عملو القبيح بكتابة التقارير وظلم الناس ... هل تعلمي يا دينا في ناس اسرهم بتعاني في السودان عشان التقارير دي ...
في كيزان كتار بيحضروا الندوات ... بل العكس الناس بترحب بيهم ... لكن بتاع امن يا دينا ... لا يا دينا ... يجب فصل الاشياء ... السياسه واختلاف المبادئ والرؤي شئ طبيعي ... لكن ان تكون الندوات مكان لعمل البعض لماناة الاسر في السودان ... يجب الناس تقيف الف احمر ...
في واحد اعرفه
بعدين الاخ القال لايمكن ان نضع ممارسة نظام كامل علي شخص محدد ... يعني نضعها وين ؟؟؟!!!
الزول الماعجباهو الانقاذ وممارساتها يطلع يخليها وما يتحمل اخفاقاتها ولا شنو ...
طرد شخص من ندوه عشان اراوه السياسه انا ضده ... لكن شخص بيمارس في مهنه وكتابة تقارير (وبقوة عين) يجب ان لا يحضر حتي لا يهيأ له جو ممارسة مهنته التي يغتال بها الابرياء
______________________________________
الدمقراطية حاره ... لكن الزول ده اصلا ما من ادواتها وتعاليمها ...
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: بدر الدين احمد موسى)
|
بله يا بلة
قلت لى مداخلتك دى عملت ليها راس وضنب ؟؟
الاخ حسن الحسن
تصدق انا اصللللللو ما فكرت فيها بطريقة عاطفية
ولا من حتة احراج وما احراج ولا عاداتنا ... ابدا
القصة دى بالمنطق وبالعقل غلط ..
وفيها افلاس تقيل ..
الطرد دا معناه الخوف من الهزيمة
الخوف من المواجهة وفيه قلة حيله وقلة منطق ..
هسه لو عندك اخوك معاك فى البيت كوز
ح تعمل شنو ؟؟
ح تطردوا ولا ح تخلى لى البيت ؟؟
يا حيدرنا !
اها شوف التصرف بتاع قوش دا فيه اى حكمة
ولا اى عقل ؟؟ محض تسلط بس ..
وفيها ضعف مهما هو اظهر انو قوى وانو انتصر بى
طرد الزول دا ح يظل حاسى فى جواه بالهزيمة ..
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: دينا خالد)
|
سلامات أستاذة دينا
والله ماعارف انتِ حسبتيها كيف ؟
لكن حسب شوفى الزول دا تم طرده لانه يمثل بوظيفته جهاز أمن الإنقاذ
صاحب أكبر وابشع سجل من الجرائم فى تاريخ السودان وطرده يعنى
ببساطة شديدة رفض وإستنكار هذه الجرائم وتصميم السودانيين على
ملاحقة هذا الجهاز ومحاسبته على هذه الجرائم الفظيعة التى إرتكبها فى
حق الناس..ليس بهدف التشفى والإحراج وتحقيق إنتصار زائف او لأن
من تصدودا لهذه المهمة الجليلة لم يحسبوا لقيمنا واخلاقنا السودانية بالعكس
تماما فهم أكثر حرصا وتفهم وإنحيازلهذه القيم النبيلة لأن اساسها وجوهرها
رفض الظلم ومن يمثله, وقد فعلوا ذلك ..فقط .. وفقط - اصلوا الحصل حصل -
حتى لا تتكرر مثل هذه الجرائم فى حق الأجيال القادمة..
يادينا ..
القبول بوجود شخص يمثل هذا الجهاز فى أنشطتنا السياسية والإجتماعية يعنى
التطبيع المجانى معه ونسيان الضحايا كأننا شعب بلا ذاكرة كما تخطط الإنقاذ
للهروب من مخازيها .مهمة رجل الأمن فى واشنطون تطيبع علاقات الإنقاذ
مع السودانيين وهذه مهمة إستراتيجية كبيرة لإستمرار النظام والإفلات
من المحاسبة والعقاب.. توظف لها الأموال بلا حساب ويختار لها الأشخاص
بدقة شديدة مثل اخونا محمد سليمان السمسار الشاطر الذى يود ان يشترى المعارضيين
ويستخدم كل ملكاته كود جزيرة ظريف , وكمان مثقف ومهتم بالحوار والنقاش والونسة .!!
Quote: لكن بى اى فهم تانى ما مفروض يمشيهو ولا حاجة ..
الناس من حقها تهتف ضده ..
يقولوا كلامهم وهو موجود ..
يردوا على اكاذيبو وتهجموا عليهم
كل شى متاح .. |
معقول بس ....
مادا الدايروا هو ذاتو ؟ ويدخلوا ناس باركوها ياجماعة , الناس أهل واخوان, والزول ضيف أ ناس عوووك, ويظهروا ناس حيث أن وينبغى ..
يمكن الرد بطرق أكثر تحضر وتراعي قيمنا السودانية مهما كان عمق الخلاف أيضا فهناك أولويات أكثر أهمية من إحراج شخص قد لا يكون من العدل تحميله أخطاء وممارسات نظام بأسره
ياسلام ..فاتنا أن نرى هذا التحضر فى أجساد الشهداء وعيون أمهاتهم ...., ويجيك يادينا صاحبنا محمد سليمان عين نافع , وقوش رموز الشر تانى وتالت ورا ..بع والنسيان يحصل وعيييك
ويموت الميت مليون مرة
والمقتول والمعذب والمفصول والمشرد وبنات دارفور وصفية .....وإنا لله
لا للتطبيع
الامن يطلع بره
تحياتى ومعليش للكلام الكتير
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: عمر ادريس محمد)
|
سلامات يا دينا انت لا تموتي لا تفوتي
اي زول هنا قال الزول دا ممثل جهاز الامن
هل يارب هو امنجي بالجد ولا ذي امنجيتنا بتاعة البورد دي
كل ما تنهزم في نقاش حتى لو في الكورة تقول الزول دا
امنجي.
بعدين من الواضح ان الموضوع شخصي اكثر منه موضوع عام
حيث ان هناك مشكلة مع هذا الشخص بالذات
بس اتعودنا نليس اي حاجة لبوس سياسي
طرد ذلك الشخص حركة ياس كبيرة جدا جدا
تثير الشفقة على الطارد ..
الحمدلله الناس دي ما حترجع السودان عشان تحكمنا
والا اذا كانو هلالاب لطردو كل المريخاب
بحجة انهم امنجية
فما محاربة حفل فنان ببعيدة.
ولكن فشلوا في منع الناس من الذهاب الى الحفل.
الغلب حار شديد والله بخلي الزول يطلع من ارض له وسماء
اها طردتواممثل الحكومة هل قدرتوا تطردوا الحكومة
غلبها راجلها تأدب حماتها..
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: د.نجاة محمود)
|
دينا ســلامات...
باقيلي إنك فعلاً بتقلي في فهمك (رغم ذكائك) لغرض في نفسك
وأياً كان غرضك.. فأتوقع إنه حيوي وبيتماشى مع فهمك العميق
ويا سيدتي هذا الرجل جانا من معسكر كلمة بعد أن عدى على الجنوب
وأكيد اللفة دي ما كانت للفسحة.. ومؤكد أنه ما جانا هنا يتفسح أيضاً
قيل أنه جانا جاري هنا بعد طلبه للنقل من نافع الما نافع وهو كان خايف
على حياته بعد الفظائع التي أُرتكبت في كلمة وتقطيعم لأوصال أهلنا العُزّل
وقد إقترح عليهو نافع مكانين، الأول واشنغطن والتاني طوكيو!
وبالمناسبة يا دكتورة نجاة هو عقيد أمن ومخابرات وبصدد ترقيته لعميد!
المهم زولنا إختار دي سي.. وجانا نافش ريشه ومدسي داخل وظيفة مستشار سياسي أحياناً
ومرات في وظيفة قنصل ويفاخر كثيراً بأنه ضابط إرتباط مع الأجهزة الأمنية الأمريكية.
ويعني هو شغال جاسوس محترف رغم عدم إلمامه باللغة الأنجليزية وتكرار طلبه لمترجمين
طبعاً بعد شرفنا هنا أعلن عن رغبته شراء مواطنين أمريكان بـ "قروشه" !
وقال الكلام ده في ندوة عامة بعدما أعطيت له الفرصة للحوار مع عدد من الأخوة والاخوات
وموش كده وبس... مارس بعدها أسوأ مؤامرة لضرب السودانيين بعضهم البعض بخبث
وعمل على تشكيل الخلايا وتمويلها بقصد السيطرة على الجاليات وتوجيهها عقائدياً
وبسببه حدثت فرقة بين أخوان وحتى بين رجال ورفاق نضال...
وأكيد صاحبنا فرح بده كله وأراد أن يستمر في غية.. ولكن هيات له أن يحقق ماربه الدنــية
وقد تقرر مقاطعته بصورة تامة وحظر تواجده في جميع منتدياتنا ولقاءاتنا الفكرية
ولقد حضر للمناسبة الأخيرة وهو يعلم تمام العلم أن وجوده غير مرغوب فيه وسط لاجئين سياسيين
عانوا - إن لم يكن منه مباشرة- فقد عانوا من نظامه القمعي وأمنه المغتصب للرجال والنساء
وهو لم يات لحوار.. وقد قالها لعادل علي صالح: "أنا حا أدخل رجالة كده!"
أها خليهو حسع يورينا الرجالة دي شنو وكيف؟
والله الحصل ليهو ده كان وصل الـ سي إن إن كان وضعه إختلف في البلد دي
والناس هنا مصرين السواهو ده كله على طرده من الأراضي الأمريكية
ودلوقتي في عريضة وصلت الخارجية وإدارة مكافحة الجاسوسية وبصدد إرسال
مثلها لقادة الكونغرس وبعض النافذين في الادارة الامريكية.
ودمتي...
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: Mohamed Yassin Khalifa)
|
شكرا يا شباب على المداخلات
شكرا للمؤيدين والمعارضين على حد السواء
الاعزاء جدا زينب عبدالله و بدر السنوسى و عمر ادريس
اولا يا عمر ما اوردته انت وتحته خطوط دا ما كلامى ..
فلماذا الخلط وانت توجه كلامك لى انا ؟؟
الفكرة كلها وبدون لف ودوران انو نحن بنرفض شريعة الغاب
وانو الناس تاخد القانون بيدها فى حالة كونها لاتملك
سلطة على تلك المؤسسات ..
او تاخد القانون بيدها فى حالة كونها
فى السلطة بالغاء المؤسسات
وحيادية تلك الاجهزة وتتبيعها للنظام لتصفية حساباتها
مع خصومها ...
الحالتين مرفوضات ...
والكلام الكتير عن مخازى الانقاذ واتباعها ومسئولنها
ما بدى الناس شرعية تخطى الاسس المحاسبيه المعروفة
والتى يجب ان لا نتعجل لها ..
اصصصصصصصصلا الفكرة المقصودة والهدف (لانو المعارضة
وسيلة لتحقيق غايات واهداف وليست غاية فى حد ذاتها)
مش كدا؟.. الغايات المنشوده من المعارضة هى تثبيت قيم
واسس تقبل التعايش المحترم بين الناس المختلفين ..
لانو فى النهاية انت كدا بتثبت السلوك بتاع انك تحاسب الناس
حسب وجهة نظرك من الصاح والغلط ..
والكلام دا هم عملوها زمااان فى المعتقلات وبيوت الاشباح
والفصل للصالح العام ..
ونحن كنا بنقول انو دى حقوق بتاعة معارضين
وحقوق مواطنين فى العمل فى جهاز الخدمة المدنية بالرغم
من مخالفتهم للسلطة فى الراى .. صاح ؟؟
هم وجهة نظرهم كانت انو ديل خونه لمشروعهم ومخربين وما بنفعوا
فى اى مكان داخل دولتهم دى فعملوا على تصفيتهم وتشريدهم ..
نحن كنا بنقول دا ما الحل
الحل انو يكون فى جهاز خدمة مدنية مؤسسى ومحايد يعمل فيه
الجميع بغض النظر عن اختلافاتهم .. يجمعهم حق المواطنه
وهناك اجهزة عدلية مستقله تحاكم كل من يتخطى ويخطىء فى
عمله او سلوكه ..
لكل شخص مطلق الحرية فى التعبير عن وجهة نظره واطلاق الاتهامات
على خصمه ...
ولكن المحاسبة واتخاذ القرارات يجب ان تترك للجهات المحايده
والعادلة والتى يجب ان تقام لتنصف كل الاطراف وليس لتحقق لنا
امنياتنا واحلامنا واشواقنا للتشفى من خصومنا .. كما فعل هذا
النظام ..
وقديما قيل لا تنه عن خلق وتاتى مثله عار عليك اذا فعلت عظيم !!
الطريق المنشود لبسط قيم الخير والجمال والرفاه شاق وطويل
ومحفوف بمخاطر جسام تحتاج لعمل مضنى وصبر عميق ...
فما اسهل الطريق القصير بتاع ردود الافعال دا ..
مرات بنلقى لى ناس كدا العذر لما تسمعهم برددوا
لقد هرمنا .. هرمننا ومافى نتايج لنضالنا ..
لعله التعجل لرؤية بعض الانتصارت لذلك الجيل العملاق ...
ــــــــــــــ
المبادىء لا تتجزا ...
والافكار بضدها تنجلى ...
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: دينا خالد)
|
دينا
سلام ..
عايزين زول يدينا نبذه عن المراحل التعليمية للعقيد أمن محمد سليمان ..
ذات مرة فك العقيد أمن محمد سليمان .. سؤال وأنا ماشى قدامه وخلفى الأخ هاشم، فقال: الزول التكلم فى الندوة دا مينو؟ .. كان السؤال بصوت مسموع وبلهفة شدسد .. دا مينو التحدث .. دا مينو .. فرديت عليه بالإسم الأول للمتحدث ولم ألتفت لأرى من السائل! .. أيضاً الأخ هاشم خلفى أكمل أسم المتحدث كاملاً له ولكنه تفجأ مثلى أنه كان يجيب رجل الأمن .. وهشام إنسان حاضر البديهة؛ فقال له أنت رجل أمن لا يمكن أن تسألنا عن أسماء الناس هكذا .. فألتفت فإذا هو العقيد أمن يسأل عن متحدث الندوة تلك فى الباب ونحن خروج من الندوة ..
بإمكان العقيد جمع المعلومة من الندوة وهو كان حضور فيها .. والشخص المتحدث كان ضابط كبير فى الجيش السودانى ..
فى نظرى واشنطن لم تعط العقيد أمن محمد سليمان فرصة للحوار .. وربما الرجل يحمل مساومة قابله للأخذ والرد .. وأنا أفتكر يجب فتح منبر الجالية له للأخذ والرد حتى تصل إلى خلاصة مفيدة تنعكس إيجاباً على الحراك السياسى ..
أنا مثلك يا دينا مدافع عن حق العقيد أمن محمد سليمان .. أن يخلوه يقول رأيه ..
--------------------------
طبعاً هشام لا تعرفونه ولم أكمل أسمه .. أصلاً أنا معتاد أقول الأسم الأول فقط!
بريمة
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: بريمة محمد)
|
مرحب يا يس خليفة
انت فاهم طبعا انى ما فى معرض الحديث
عن تجاوزات وانو منو عمل شنو ؟
انا فى معرض الحديث عن الخطوط الحمراء فى الحياة
وفى العمل
الناس الشغاله سياسة بتكون شغاله سياسة وبس
تطرح برامجها تستقطب ليها تبين خطل افكار معارضيها
وسلوكهم وتفضح اعمالهم وعندها فى ذلك وسائلها وادواتها
المعروفه والمشروعه المرتبطه بالعمل السياسى .
....
المجتمع المدنى والعاملين عليه عندهم اهدافهم وخطط عملهم
وبالمقابل عندهم وسائلهم وادواتهم ..
للوصول الى تلك الغايات والتى يجب ان لا يخرجوا
عنها فى سبيل تحقيق اهدافهم فالغاية لا تبرر الوسيله هناك ..
ايضا الصحافة والاعلام والقضاء المستقل كلها مكونات لكل منها
الياتها اساليبها وادواتها .. التى يجب ان لا تخرج عنها .
الحكومة ايضا كجهاز للدولة
عندها مؤسساتها وقوانينها واطارها كدوله
تكفل حقوق المواطنين من خلال وسائلها والتى تتمثل فى اجهزة
الدوله المحايدة ودستورها وقوانينها وتمتع الجميع بحقوق
المواطنه .... والتى ايضا لا يجوز لها الخروج عنها .
الهدف انو كل زول فى الناس الفوق ديل عشان نقيم دولة
ديمقراطية وحرية تكون السيادة فيها لحكم القانون ..
يجب ان لا يتجاوز اى منهم حدود عمله وصلاحياته وان لا يخرج
عن الحدود المرسومة لى عملو بالقفز خارج اطار ادواته ووسائله
المسموح بيها ...
السؤال هنا انتو بتمارسو عمل وفقا لياتو بند فى البنود
الفوق ديل ؟ فى اطار العمل السياسى ؟؟
العمل السياسى الياته ادواته معروفه ..
الخروج عنها بضر اكتر من ما بفيد ..
العمل السياسى الواعى الناضج والمكتمل
هو الذى سيقود الجميع للمحاسبه عبر طرقها المشروعه ..
ووقتها لن نترك اى احد اجرم فى حق هذا الشعب ..
ــــــــــــ
مش بنفع امامه لصلاة الجمعة ؟ ..
اقرو البرغراف الاخير دا تانى بالله !
وبعدين مافى زول قال خلوهم ولا اتسامحوا معاهم ..
العندو راى فى المسامحه يمشى بوست مرتضى حامد داك
ما يجى يتفشى فينى هنا ..
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: بريمة محمد)
|
Quote: قريت البوست بتاعك يا دينق بطرد رجل السفارة
واتحيرتا بالجد ما فهمت .. بالذات لما لقيت
الناس كلها اتفقوا فى الراى ..
ما علقت هناك لانى حسيت بانى ح اكون شترا
وما مقبوله قلت اجيكم براحه كدا تفهمونى ..
مفروض انها ندوة مفتوحه والغرض الاساسى منها
تسليط الضوء على الانتفاضة والشعب العظيم ..
اوووول المستهدفين للندوه دى مفروض يكونوا
الناس الما وعو الدرس واتورطو تانى فى انظمة فاسده
للمرة المليون .. اول ناس معنيين بالندوة دى
هم بلطجية الانظمة لانو الدروس دى موجهه ليهم فى المقام
الاول
لمتيييييييييييييين نحن ح نقعد نكلم نفسنا وفى روحنا ؟؟
منو فى الحضور الما عارف الكلام البتقال دا ؟
مفروض تستدرجوا الناس ديل استدراج لحضور فعالياتكم
وتدوهم فرص للكلام حتى لو ما طلبوا
وتخلوهم يعيشوا جو التوق للحرية والانعتاق ..
الاحساس بالاجواء دى مطلوب لاى بنى ادم ...
عارف يا دينق
انا كنت مرة فى تنطيم ورش عمل حول استقلالية القضاء
ووحيدة وقومية اجهزة الامن والشرطة ..
كان عندى راى دافعت عنه شديد
بان يكون كللل المشاركين من اجهزة الدولة نفسها
ضباط شرطة وجيش وقضاة
اولا عشان ما نكون بنكلم فى روحنا ..
تانيا لانو الكلام دا بعنيهم هم
وفعلا بيحدث تحولات فى افهامهم مهما ابدو غير ذلك
باختصار وح نواصل نقاش فى المداخلات انا ما عرفت
طردتو الراجل ليييه ؟؟ مبدا الاقصاء مرفوض كمبدا
وبعدين يتجسس على شنو ؟
دا نشاط علنى
وما عادت الناس بتخشى الافعال او الكلام او الوثائق
حتى ولو دفعت تمنها غالى فالحقوق تنتزع ..
الناس الفى البلد هنا بعملوا حاجاتهم علنية .. |
العزيزة دينا خالد.
كان من الافضل أن يكون هذا الحوار في نفس البوست المفتوح لكي نثري الحوار ولكي يتمكن معظم الذين تداخلوا به أن يردوا عليك أيضا. لكن مافي مشكلة برضوا نحن جاهزين لأي زمان ومكان.
أول حاجة يا ديناالحوار بين القوى السياسية بواشنطن لم يتوقف أبدا. وحتى الكيزان هم جزء منه حسب مقدرتهم وشجاعتهم طبعا. ودائما القوى السياسية السودانية المختلفة تجتمع وتتناقش في ندوات وورش العمل التي تعقد بأمريكا وخصوصا بواشنطن وهنالك مراكز مشهورة ومعروفة تقيم مثل هذه الندوات، ولقد ظلت سفارة النظام وجماعة المؤتمر الوطني تشارك فيها منذ وجود السفير عبدالله احمد عبدالله بواشنطن أي منذ مجئ الانقاذ.
فماذا كانت النتائج؟ هل غير النظام سلوكه أم غير تكتيكاته فقط؟ أما موضوع العقيد أمن محمد سليمان عبد الله فهو واضح بالنسبة لي وضوح الشمس. عندما أتى محمد سليمان الى واشنطن كان يسمح له بأن يحضر الندوات السياسية السودانية المختلفة رغم أن هنالك كثيرين يعارضون وجوده بينهم. ولكن في تلك الندوة الشهيرة التي وقف فيها عقيد الامن محمد سليمان وقال بالحرف الواحد بأنه بصدد شراء المعارضين، لا أعتقد أنه قد يكون هنالك حوار مجدي قد يسستفيد منه الناس أو المعارضين مع هكذا عقلية. عقلية شراء ذمم الناس والفتنة بينهم والصرف على بعض الأنشطة التي تخدم أغراضه. لا أعتقد بأن وجوده في مثل هذه الندوات قد يخدم الغرض الذي من أجله تقام مثل هذه الندوات. ومثل هذه الندوات يا دينا يتم الصرف عليها من أموال هولاء السودانين الغلابة، فكيف يتسنى لهم الصرف ماديا على أمثال محمد سليمان لكي يأتي ويبشرهم بما يملونه عليه بقية الجلادين بأكاذيب؟ ثم هنالك شئ مهم جدا يا دينا. محمد سليمان يمثل جهاز الأمن ومهمته هي مهمة أمنية بحتة، فعن أي حوار تتحدثين يا عزيزتي أصلا؟ يوجد بيننا بواشنطن بعض المحسوبين على المعارضة مطبعين مع أعضاء السفارة ويترددون عليهم في مبنى السفارة. فما هي نتيجة هذا التطبيع؟ أحزابهم مازالت تعامل بنفس الاسلوب القديم وأفرادها مازالوا في الداخل ينكلون بهم ويعتقلونهم. ماذا جنو يا ترى من ترددهم على السفارة السودانية بواشنطن ومصادقة أمثال محمد سليمان؟ خلاصة الكلام يا دينا. هذا الرجل يمارس نوع من أنواع التخويف بوجوده فقط بالندوات وهذا يعتبرIntimidation عديل كده. التحاور مع أعضاء السفارة لن يتوقف في أماكنه المحايدة وإبعاد مسئول الأمن محمد سليمان من أنشطة السودانين فيه مصلحة حقيقية للمجتمع ككل.
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: دينا خالد)
|
دينا خالد تحية وتقديرا
مع تقديري لطرحك الذي لا يخلو من الموضوعية والمنطق اتساقا مع مقولة ود ديكارت " قد أختلف معك ولكني على استعداد لدفع حياتي ثمنا لتمكينك من ابداء رأيك "
ولكن صراحة لم استطع تمالك نفسي من النشوة التي اعترتني وأنا أرى الذل والانكسار على وجه أحد كلاب الامن وتخيلت حينها أن ملائكة الرحمة ترفرف حول ضحايا الأمن
في مراقدهم وتسر اليهم : أن الا تخافوا ولا تحزنوا.
بعض الانتصارات الصغيرة لا يضر , بل لعلها تنشيط وتحفيز واحماء لماراثون النضال الطويل .
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: معاوية الأرباب)
|
Quote: والله يا اخت دينا دا كلام عاقل جدا للأسف أنا شهدت هذه الحادثة التي لم يحالفها التوفيق
وطبعا يمكن الرد بطرق أكثر تحضر وتراعي قيمنا السودانية مهما كان عمق الخلاف أيضا فهناك أولويات أكثر أهمية من إحراج شخص قد لا يكون من العدل تحميله أخطاء وممارسات نظام بأسره
إلا إذا كان هناك دليل قاطع .وبالمناسبة هناك عدد كبير لم يستحسن هذا التصرف من الحضور .
مثل هذه التصرفات قد تدل على عجز بعض من يتبنون مواقف المعارضة باجتهادات شخصية في مواجهة فكرية وسياسية مكانها الأساسي المنابر والندوات وارد الشافي والكافي وفضح ممارسات النظام بالحجة والمنطق حتى يكون هناك فرق وأمل.
وأرجو أن لايضيق من يطالبون بالديمقراطية بأراء خصومهم حتى وأن ظلموهم دون أن يعنى ذلك أسقاط الحق ولكن وفق سلوك متحضر دون إحراج إنساني أو عدم مراعاة لخصوصيتنا وإن لم ترعاها الانقاذ . |
الأخ حسن أحمد الحسن.
أنت طبعا من المطبعين مع سفارة النظام بواشنطن ومن الذين يترددون على السفارة بشكل منتظم، وأنت أيضا عضو بحزب الامة القومي.
ماذا جنيت من كل ذلك يا صديقي العزيز؟ هل أحترمك هولاء وأحترموا حزبك؟ هذا الحديث أن أوجهه اليك أنت شخصيا بغض النظر عما يفعلونه بأعضاء حزبك في السودان من بطش وتنكيل. أنا أقول لك ذلك وحادثة الاهانة التي تمت ببيت السفير لحزبكم وبوجودكم ليست ببعيدة. لماذا لم يراعي ذلك المسئول الانقاذي الكبير الذي شتم حزبك لماذا لم يراعي"قيمنا السودانية" وأين كانت قيمنا السودانية عندما كان السودانين يقتلون ويعذبون ويشردون بالملايين؟ أين كانت هذه القيم لدى جماعة الانقاذ؟ هل إبعاد شخص غير مرغوب فيه حاول يدخل الى الصالة بالقوة بواسطة الشرطة صار لا يليق بالقيم السودانية؟ ماذا كنت تتوقع من الاخ عادل علي صالح أن يفعل بعد أن قال له وبكل هدوء أنت غير مرغوب فيك بهذا الندوة وأرجوا منك أن لا تدخل. لماذا وقف رجل الامن يجادل على الباب ولماذا لم يغادر فورا تمسكا بنفس القيم السودانية التي تعتز بعزة النفس أيضا وعدم تعرضها للإهانة؟ ماذا أستفدت أنت من تلك الاهانة التي تمت بحقك وحق حزبك؟
________________________________________________________________
الخبير كوستاوي
أرجوا أن تمدنا بخبر ذلك الانقاذي الذي لا أزكر اسمه الذي كان ضمن الوفد الزائر والذي أهان حزب الامة وأعضائه بدعوة منزل السفير.
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: Deng)
|
| Quote: وربما الرجل يحمل مساومة قابله للأخذ والرد |
مساومة يا بريمة؟ مساومة شنو يا سيدي؟؟ ومع منو؟؟؟
تفتكر إنه ممكن يساومنا على أسعارنا الممكن ننباع ليهو بيها؟
لا يا بريمة.. لا يمكنك وضع قاتل مع ضحاياه في غرفة واحدة
لأنو ده فيهو خلط للبنزين بعود الثقاب
هذا الحـقير سألك عن زول كان بيتكلم في ندوة عامة.. موش كده؟
تفتكر كان عاوزكم تعرفوهو بيهو ولا كان داير ليهو معلومة محددة؟
لا يا عزيزي لع... الزول ده كان منشن عليكم.. وإنتم أهم ليهو من الضابط داك
إنت وصاحبك (هاشم) كان ممكن تكونو هدف (لقطة) ليهو وممكن يفيدو في مهمته القــذرة
تعرف الزول ده بيضرب كم تلفون في اليوم لناس تم إصتيادهم في أمريكا بطريقتو ديك؟
أنا بقول ليك الكلام ده لأني عارف هو بيتصل بمنو ولييه...
ده جاء هنا لهدف مرسوم ليهو بعناية.. وصدقني أمريكا ما بتلعب في أمنها وأمن مواطنيها
أها الزول ده ممكن ينطرد خلال 24 ساعة لو الخارجية (بعد العريضة) قررت إنو غير مرغوب فيهو
ونافع المانافع ممكن يرسلو للواق واق عشان يبعده من الناس الأتقطعت أوصالهم في "كلمة"
المشكلة حا تكون في الخلايا الجندها لصالحه هنا دي.. تفتكر مصيرها حا يكون شنو؟
أعتقد إنهم ممكن يرافقوهو في رحلتو للواق واق...
......................
دينا... الواق واق دي وين؟
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: Kostawi)
|
Quote: هسه لو عندك اخوك معاك فى البيت كوز
ح تعمل شنو ؟؟
|
دينا
مساء الخير
تتخيلي ان بفتش لي اجابة للسؤال ده لي
اكثر من عشرة سنين ...
عندي 3 من الاشقاء كيزان (حجم عائلي)
انا شخصيا خليت ليهم البلد و كبرت اللفة
(بالمناسبة عندي صديق هنا في سفارتنا بالدوحة
أمنجي و بيحضر أغلبية الندوات بس يوم واحد ما شفت
الجماعة طردوه )خايف لو جبت اسمو يقومو يطلعوني
(عميل) أكون في النهاية عميل و أخو كيزان
عموما ..تحية و تقدير بحجم امريكا
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: امير طمبل)
|
مساهمة : الحوار السياسي مع الامن وموقف الحزب الشيوعى الرافض .. من برنامج مؤتمر اذاعى 11 مارس2011
( الأستاذ صديق يوسف
Quote: دقيقة حقيقة يعنى وبعدين ان القصة بتاعة يديره جهاز الأمن نحن عندنا مواقف من جهاز الأمن نحن ضد تدخل الأمن في العمل السياسي جهاز الأمن لأن حقيقة نحن عندنا علاقات سيئة مع الأمن مع جهاز
الأمن جهاز الأمن الذي يعتقلنا ويودينا السجن جهاز الأمن الذي عذبنا جهاز الأمن وقتل مننا ناس داخل زنازينه لم نتعامل مع جهاز الأمن ولم نتحاور مع جهاز الأمن ) |
الكلام اعلاه مقتبس .. ..
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: Kostawi)
|
يا دينا سلام و بعد،
لما تتاح للمعارضة و الحكومة نفس الفرص و المنابر و القوانين البتحمي ممارساتهم، عند ذلك فقط بيكون طرحك ده منطقي و مقبول لي و نقارع الحجة بالحجة، قبل كده الناس ديل هم أعداء و كل يستعمل الأسلحة المتاحة له، بعدين بعزله إجتمايا مش ممكن يبداء يفكر خاصة إذا كان لسة فيه باقي خير "و إن كنت أشك في ذلك" يفكر أن من يناصر الظلم سيكون منبوذا بين أهله و قد يختار على الأقل عدم مناصرته، أخيرا يا دينا الزول ده يوم العيد واحد سوداني بيعرفه باحد الأصدقاء قال ليه ده محمد سليمان من السفارة، رد هو قال ليه أنا ما من السفارة بس أنا عقيد أمن محمد سليمان الكنت الركعت معسكر كلمة يعني الزول ده بتبجح وما بعيد بكرة يجي يقول لواحد تاني أنا محمد سليمان الاشتريت المعارضين في واشنطن
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: Kostawi)
|
Quote:
أها الزول ده ممكن ينطرد خلال 24 ساعة لو الخارجية (بعد العريضة) قررت إنو غير مرغوب فيهو
ونافع المانافع ممكن يرسلو للواق واق عشان يبعده من الناس الأتقطعت أوصالهم في "كلمة"
|
سلامات يا محمد
الحاجة الملاحظااها عليك دائما تهديد الناس بالسلطات الامريكية
السلطات الامريكية دي نهائي ما حتتطرد اي زول بنا ءعلى وشاية ساي كدا
لانها دولة مؤسسات . يعني ناس علان وفلان ما دايرين بيان ولا علان دي ما بتخلي
الحكومة الامريكية تمشي وراهم. وتطردوا
بعدين دا ديبلوماسي يعني عشان ينطرد لازم تتحسب حاجات كثيرة.
وحتى لو ابعد ما يحكون او دبلوماسي يبعد حيث كل الدول تبعد كل الدبلوماسيين
من اراضيها
قبل كدا هددتني بانك حتجيبني لابسة الاسورة عشان قلت وجهة نظري
في ضربة نيو يورك القالوا اكعب منها امريكان بيض وسود
فبالله خلي تهديد المواطنين السودانيين بالسلطات الامريكية
وتركيب وش ايام امريكان ستزن دا
والدخول في شخصية الامريكانamerican guy
واثارة الرعب لا بان جوازا اخدر..
بعدين الناس دي عظمتها حدها هذا البورد
لا اعتقد ان اي مهاجر عادي سيجد اي اهمية في بلاد اليانكي
والا كان قدروا يحسنوا وضعهم بصورة افضل من الوضع البائس الحالي
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: د.نجاة محمود)
|
يا كوستاوى !!
منو القال ليك اتحاوروا معاهم واقنعوهم وفهموهم ؟؟
انا قلت ليك الكلام (المر ) البتقولوا فيهو دا هم معنيين
بى سماعو .. مفروض بتقولوا فيه ليهم مش كدا ؟؟
طيب كيف ما دايرنهم يسمعوا ؟
لازم يسمعوا ويعرفوكم .. دا هسه
وبجى اليوم البتحاسبو فيه اذا قدروا الناس يوصلو لى
هذا اليوم ..
Quote: والله ثوار ميدان التحرير ديل ماليهم حق
بالمطالبة بطرد مبارك و كان من الأولى
أن يناقشوه و يقنعوه بالتنحي.
أمريكا ما ليها حق تمنع دخول البشير لأراضيها
فهي بلد ديمقراطية و كان لزاما عليها محاورته و هدايته
نحن لا نمد أيادينا للأيادي الملطخة بدماء أطفال معسكر كلمة |
* الثوار .. حرروا ميدان التحرير وسيطروا عليه
وصارت لهم فيه كلمة .. قبل يوم من الثورة ما كان فى زول بقدر
يقيف يطرد نمله ....
* امريكا دوله تملك زمام امرها وتستطيع عبر اجهزتها ومؤسساتها ان
تقول كلمتها وتفرض قراراتها ..
* من حقك ان لا تمد يدك الا لمن تريد فانت تملك كامل السيطرة على نفسك ..
املك اولا السلطه على فعل الاشياء ومن ثم افعلها ..
عبر الطرق السليمة والعادله لاتخاذ القرار
فقط هذا ما سعيت لتوضيحه ..
ووقتها ستكون قرارات من يملك لمن يستحق ..
ـــــــــــــــــ
يباركو ليك السمح يا كهنة يا معولق ..
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: دينا خالد)
|
دكتورة نجاة سلامات ليك وللأولاد وأبوهم...
تعرفي يا دكتورة نحنا ما بنهدد.. نحنا بنتعامل مع كل زول بنفس طريقته
والزول ده دخل علينا شمال (لفت) ونحنا ما هددناهو نحنا طردناهو (بالبوليس) من مجتمعنا المعافى
وده عرض إنه يشترينا بـ"قروشه" و أصر إنه يدخل علينا "رجالة" كده جوة مركز البوليس
وعليه حظرنا عليهو التداخل معنا في لقاءاتنا الفكرية لأنه نحنا في البلد دي أصحاب حق وبنمارسه
وحسع قدمنا فيهو عريضة طويلة للكونغرس والخارجية عشان يطردوهو من أمريكا دي كلها
والخارجية والكونغرس والأمن الأمريكي ديل كلهم هنا بيعملوا لمصلحتنا لانو نحنا بندفع مرتباتهم
وصدقيني لو الخارجية رفضت تطردوا إلا نرفع فيها قضية في المحكمة العليا وحتي المحكمة الدستورية
الزول ده إنتي سألتي عنه إن كان زول أمن ولا لاء... ونحنا جبنا ليك أصله وفصله
حسع جاية يا دكتورة تقولي مواطن وموطنين؟ معقول يا دكتورة عاد نبقى في تور وأحلبوه؟
ده زول مجرم في حق الشعب السوداني.. وبأعترافه القاله متبجحاً
وما أظنو محتاج ليك يا دكتورة عشان تدافعي عنه كـ (مواطن) أوكيه؟
ولاحظي إنو عندنا بعثتين للمؤتمر اللاوطني هنا في أمريكا فيهم أكتر من أربعين زول وزولة
تفتكري البخلي الناس دي كلها ترفض الزول ده بالذات ده شنو؟
نحنا هنا ماشين بالقانون... وطالما ماشين بالقانون يبقى ما عندنا حاجة نخاف منها
وأهل القانون هنا شغالين ليل نهار عشان يحمونا بالقانون البجبرهم على كده
وصدقيني الزول ده لو كان إحترم نفسه ومنصبه (الدبلوماسي) ما كان جاته عوجة
وما كان في زول جاب ليهو البوليس ولا طالبنا بطرده خارج أمريكا كلها
بس تقولي شنو... ضيف ثقيل ولايوق!
طيب النديك مثال تاني:
في نيويورك في مسؤل للأمن في البعثة.. والزول ده جابوهو قبل الإنتخابات المخجوجة ديك
ورفض يسجل الناس وقال لينا دي تعليمات من المركز (الهو كان شغال فيهو قبل ما يجينا)
تعرفي الزول ده كوز وكادر كبير ومعروف من أول يوم الناس دي سرقت السلطة فيهو
وأكيد من يوم ما جانا شغال في شغلو بيدينو وكرعينو... وأكيد شغل ما في مصلحتنا!
بس مافي زول جاب سيرتو لا بخير ولا بشر... عارفة ليه؟
لأنه عدو محترم... ومالي هدومو وبيعرف يلعبا معانا صاح (وأنا من أنصار اللعبة الحلوة)
وعمره ما جا قال أنا كاني ولا ماني! وأكيد باع وإشترى جوة وبرة مبنى الأمم
وحسع هم بقوهو سفير في دولة أفريقية (لزوم ترقية) بعد زيارة كبيرهم الإرهابي كرتي.
وتعرفي مرة في مناسبة عامة في بروكلين طلب مني طلب زعلني منه
بس عاينتا ليهو وضحكتا وسلمتا ومشيت... ولغاية حسع بضحك
والســـلام....
...................
ويا ستي ما تزعلي... الأساور الذهبية نجيبا ليك إن شاء الله في عرس البنات بعد تخرجهم
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: د.نجاة محمود)
|
ويا كوستاوى
كلام تقسيم النظام لجهاز امن وقسم تانى ما جهاز امن
على طريقة الخيار والفقوس او طريقة الصقور والحمايم
دى طريقة الهروب الى الامام .. اواكل المييته بالقشة ..
جهاز الامن ذاتو فكرتو وتنفيذو وادارته والاشراف عليه
ومراقبته وشريان حياتو هو الجهاز السياسى لهذا التنظيم
وهل خلق جهاز الامن من اصلو الى لحمايه اولئك !!!!
اذنــــــــــــ راس الحيه لجهاز الامن وفيله هو قسمه
السياسى رئيسه ووزراءه وحزبه الحاكم .. فهؤلاء هم الذين
خلقوا جهاز الامن لحماية امنهم الشخصى
فاذا فى موقف من الجهاز دا بكون الموقف فى الاساس مصوب
لى اولئك الذين اوجدوه وترعرع على يديهم وهو موجود فى الاساس
لحمايتهم ، هو مجرد ترس او قل درع اداه فى يد المجرم ..
التصويب يجب ان يكون نحو الهدف مباشرة ..
اها زولك الجبت كلامو دا ملتزم الموقف
من راس الحيه للجهاز ؟؟ ولا بطعن فى الضل ؟؟؟
ـــــــــــــ
التزام المواقف الصحيحة وقيام كل شخص بدوره فقط
دون لخبطة الكيمان .. وحديث المزايدات هو الذى
سيوصل الجميع الى بر الامان
ود البشرى بالله انت لسه واقف فى المرحلة المتاخرة دى !!
البشوف اجتهاداتك الشديدة يفتكر انك فى مرحله احسن ..
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: د.نجاة محمود)
|
العزيزة عفراء سند
احنا ما قلنا نقرعهم الحجه بالحجه لانو الفرص متكافئه !
نحن بنقول نوصل ليهم حججنا عشان لا عذر لمن انذر
ما نعمل ساتر على مواقفنا وحديثنا منهم ..
لانه فى الاساس الموقف موجه ضدهم والحديث بعنيهم ..
وتانى هام للعمل السياسى اهداف نسعى ليها بادوات
واساليب عمل مشروعه وبتخص العمل السياسى ..
باقى الحاجات مسئولية جهات تانيه بتعملها لما تكون
قادره على عملها .. اصصصصصصصلو ما قبلو .. تسلمى
يا راقية ..
ـــــــــــــــ
كدا يا عفرا فى الاول امسكى السكين من اخوك
ونسابتو ديل .. العايزين يرحلو كلمة الى واشنطن
لو الليل ليل عليكم تانى ما بتضمنوهم ..
لوووووووووووب ,, ازيك ياخ
البت تتربى فى عزكم (اذا وجد)المسكينه
وقعت فى شر اعمال ابوها مش قالوا البت عمه ؟؟
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: د.نجاة محمود)
|
العزيزة عفراء سند
احنا ما قلنا نقرعهم الحجه بالحجه لانو الفرص متكافئه !
نحن بنقول نوصل ليهم حججنا عشان لا عذر لمن انذر
ما نعمل ساتر على مواقفنا وحديثنا منهم ..
لانه فى الاساس الموقف موجه ضدهم والحديث بعنيهم ..
وتانى هام للعمل السياسى اهداف نسعى ليها بادوات
واساليب عمل مشروعه وبتخص العمل السياسى ..
باقى الحاجات مسئولية جهات تانيه بتعملها لما تكون
قادره على عملها .. اصصصصصصصلو ما قبلو .. تسلمى
يا راقية ..
ـــــــــــــــ
كدا يا عفرا فى الاول امسكى السكين من اخوك
ونسابتو ديل .. العايزين يرحلو كلمة الى واشنطن
لو الليل ليل عليكم تانى ما بتضمنوهم ..
لوووووووووووب ,, ازيك ياخ
البت تتربى فى عزكم (اذا وجد)المسكينه
وقعت فى شر اعمال ابوها مش قالوا البت عمه ؟؟
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: د.نجاة محمود)
|
العزيز دينق
انا عايز اقول ليك انو كلام الراجل الهسه
جبتوه فى اللينك دا .. انتهى فيه من حاجات كنتو محتاجين
مية سنة ضوئية عشان تكشفوها بكلمتين اتنين بس.. عمل ليكم
شغل كان محتاج منكم لى جهد ومال وزمن طويل عشان تثبتوا
ريحكم من غلاط ومطالبه بى اثباتات من الناس الانتو بتشتغلوا
وسطهم .. ياخ قادر تتصور انت كنت محتاج لعمل سياسى قدر
شنو .. عشان توصل الحاجه ال هو عملها فى كلمتين دى ...
لو فهمتو الحاجه دى .. تخلو يتكلم كل يوم ..
وخلوه يتكلم عشان يعرفوه الناس ..
تكلم لاعرفك اكتر واكتر ..
استدراجهم للحديث دا عمل سياسى كبير يسقط عنهم الاقنعه
والحجب والبدل والكرفتات وكل شىء ..
ـــــــــــــــ
وبرضو لازم يعرف انه مافى اى زول خايف او
منزعج من وجوده ولا من كلامه ولا من وهمتو الفى راسو ..
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: د.نجاة محمود)
|
كلام راس النظام فى المحافل الجماهيرية الاخيرة
وصل رسايل للمجتمع الدولى وللعالم اجمع
بحقيقة هذا النظام وجوهرو وماهو والغ فيه وماهو
مقدم عليه ،، بطريقة واضحة وجليه لا تقبل الشك ولا
التشكيك عجزت المعارضة عن توصيلها خلال ال 21 عام
المضت ..
ــــــــــــــ
كلام قذافى بتاع زنقة زنقة والى الامام لى اخر رجل
اخر امراة اخر طفل !! عمل شغل سياسى للمعارضة كانت محتاجه
لى الاف السنين الضوئية عشان تعملوا .. كشف ما كان يمكن للاذكياء
ان يحتفظوا به ك سر يتجادل فيه عتاة المؤرخين .. ما تتحسسوا
كتير من البقولوا الناس ديل .. اثقوا شويه كدا فى فطنة المستمع
وما يقول .. كلامو صاح البشتروا انتو متسترين على لشنو ؟؟ ما يشتروا !
الاشتروهم شوية .. ولا مافيشين ؟
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: دينا خالد)
|
Quote: حسع قدمنا فيهو عريضة طويلة للكونغرس والخارجية عشان يطردوهو من أمريكا دي كلها
والخارجية والكونغرس والأمن الأمريكي ديل كلهم هنا بيعملوا لمصلحتنا لانو نحنا بندفع مرتباتهم
وصدقيني لو الخارجية رفضت تطردوا إلا نرفع فيها قضية في المحكمة العليا وحتي المحكمة الدستورية
|
يا محمد لو الكلام دا حصل انا حاندم انه ما طلعتا جواز اامريكي زمن الرخصة
ولصقنا قبلنا عشان الكونقرس يطرد لي اي زول ما بريدو
كان عاد لستتي حتكون مليانة جنس ناس من البورد دا ملية دفار عديل كدا
وشكرا للغويشات اعتبرهن وصلن.
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: Kostawi)
|
العزيز يسن خليفة ..
عارف يا يسن وطبعا بتكون عارف
انو الانتربول مثلا وهو البوليس الدولى بتاع القبيض
ممكن يقبض اى زول من الواق واق اياها
لو كانت التهمة الموجهه ليه جنائية بحته ..
لكنه لا يقبض اى شخص بتهمه سياسية
ولا اى شخص فى تهمة جنائية يشتبه مجرد اشتباه او يشم
فيها رائحة الغرض السياسى .. يعنى مثلا الدوله تيلغ
الانتربول عبر الاجراءات القانونية اللازمة بان اقبضوا
على فلان لانو قتل فلان وفلان الانتربول بسرعة بشغل قرون
الاستشعار بتاعتو وبجيب النجيضة يعرف انو فلان دا ناشط
سياسى او معارض مسلح .. بمسك الورق ولاااااااااا برد
ولاااااااااااا بشتغل بيهم الشغله ..
لانه معروف بالمنطق انو اى زول بكون داير يقبض اخو
والناس الماعندهم دخل فى الموضوع ديل ما بختوا روحهم
فى خانة القاضى اوالمحكم ابدا .. ودى ياها ذاتها الدبلوماسية
يعنى مثلا فرنسا بتكون ماسكة معارضين ما لانو
هى متفقه معاهم ..
ومصر كانت ماسكة معارضين ما لانها متفقه معاهم
وكذلك دول كتيرة ...
مافى دولة محترمة بتخت نفسها محكم فى قضايا سياسية بين
اطراف مختلفين مادامت بتحترم روحها ..
والدول ال بتنجر حسب انحيازها لانظمة بعينها فى ادوار ذى دى
بتفقد كتير من مكانتها الدولية وبتدفع تمن اكبر من ذلك
الذى نالته بتصرفها المنحاز .. عشان كدا ما عاد ما عااااد
ــــــــــــــــ
هسه انا عندى اقتراح انو اى شخص او جهة ذات صفه
يمكنها ان تتقدم لمحكمة الجنايات الدولية بعريضة
اتهام اخرى ضد القذافى لتسليمه نظام نميرى طائرة
الشهيد بابكر النور ورفاقه الذين قام باعدامهم فلتفعل ..
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: دينا خالد)
|
اها القصة الحكيتها ليك فوق دى
عندها ميزه كبيرة جدا جدا استفاد من الميزة دى
المعارضين فى دول مختلفه حيث امنو بطش النظام
وانتهاكاته وحفظت لهم كرامتهم وانسانيتهم وحقوقهم ..
وعشان نحافظ على الميزه دى لازم نحافظ على المبدا
ال اقراها ..
كونو انو المبدا دا ح يحمى اعدائى برضو
فى لحظة من اللحظات دا ما بخلينى انسف وانكر
عظمة المبدا نفسه وضرورة وجوده ..
ودا عشان مصالحى انا فى الاساس
وبقولوا ناس الفقه جلب المصالح اولى من درء المفاسد !
ــــــــــــــ
لانو بتفضل الحقيقة قايمة انو الظالم ولو تمتع بحقوق
لبعض الوقت .. فلن تدوم له كل الوقت فحتما ستحين
لحظة عقابه وحسابه التى يجب ان نصنعها نحن ولا يجب ان نطالب
الاخرين بصناعتها ... مافى زول فى الدنيا دى بقبل يخوض حرب
بالوكاله الا المغفلين .. وقطعا العالم الاول ليس منهم ..
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: دينا خالد)
|
الأخ محمد يسين
سلام ..
Quote: مساومة يا بريمة؟ مساومة شنو يا سيدي؟؟ ومع منو؟؟؟
تفتكر إنه ممكن يساومنا على أسعارنا الممكن ننباع ليهو بيها؟
لا يا بريمة.. لا يمكنك وضع قاتل مع ضحاياه في غرفة واحدة
لأنو ده فيهو خلط للبنزين بعود الثقاب
هذا الحـقير سألك عن زول كان بيتكلم في ندوة عامة.. موش كده؟
تفتكر كان عاوزكم تعرفوهو بيهو ولا كان داير ليهو معلومة محددة؟
لا يا عزيزي لع... الزول ده كان منشن عليكم.. وإنتم أهم ليهو من الضابط داك
إنت وصاحبك (هاشم) كان ممكن تكونو هدف (لقطة) ليهو وممكن يفيدو في مهمته القــذرة
تعرف الزول ده بيضرب كم تلفون في اليوم لناس تم إصتيادهم في أمريكا بطريقتو ديك؟
أنا بقول ليك الكلام ده لأني عارف هو بيتصل بمنو ولييه...
ده جاء هنا لهدف مرسوم ليهو بعناية.. وصدقني أمريكا ما بتلعب في أمنها وأمن مواطنيها
أها الزول ده ممكن ينطرد خلال 24 ساعة لو الخارجية (بعد العريضة) قررت إنو غير مرغوب فيهو
ونافع المانافع ممكن يرسلو للواق واق عشان يبعده من الناس الأتقطعت أوصالهم في "كلمة"
المشكلة حا تكون في الخلايا الجندها لصالحه هنا دي.. تفتكر مصيرها حا يكون شنو؟
أعتقد إنهم ممكن يرافقوهو في رحلتو للواق واق... |
الديمقراطية تعنى تساوى الحقوق .. بما فيها حق أبداء الرأى والنشر والتعبير .. والزول هنا أتى ليعبر عن رايه .. أتركوه يعبر عن رأيه
ولكم الحق فى التعبير عن أراءكم بطريقة سلمية .. لا يمكن أن تكن واشننطن مثل الخرطوم .. هنا بلد الديمقراطية .. وسنن الأختلاف مشروعة ومكفولة للجميع ..
شخصياً أرغب فى رؤية حوار فكرى .. أو قل مناظرات فكرية بين رجل الأمن ومن يرغبون من أفراد جاليتنا .. تفند فيها الحقائق .. وهناك لو قادرين توضبوا لينا الزول تكونوا ما قصرتم.
تحياتى
بريمة
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: بريمة محمد)
|
Quote: لمتيييييييييييييين نحن ح نقعد نكلم نفسنا وفى روحنا ؟؟
منو فى الحضور الما عارف الكلام البتقال دا ؟
مفروض تستدرجوا الناس ديل استدراج لحضور فعالياتكم
وتدوهم فرص للكلام حتى لو ما طلبوا |
الأخت الفاضلة/دينا خالد
شكرا علي أفتراع هذا البوست بعيداً عن المذايدات النضالية والمظاهر المنبرية
للأسف رغم وجودنا في دولة بداءت حياتها السياسة بالديمقراطية منذ خروج البرطانين
في نهايات القرن الثامن عشر , ولكن البعض منا لم ينهل من ثقافة واشنطن (( الحبة))
وما ذلنا في مربع الإقصاء والتخوين والأبتذاذ الأعلامي وإقحام المنابر بقضايا خصما علي
النضال والديمقراطية , وهي نفس القضايا الي نقيم لها المنابر والندوات لمعالجتها
فتسقط دعاوينا في أول الدرج ونخلص الي > داويني بالتي كانت هي الداء !
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: Deng)
|
الأخ دينق تحياتي
رغم اني لست من هواة النقاش البيزنطي إلا ان تقديري لك حملني على التعليق أولا أنا
أنا أناقش الموضوع من زاوية السلوك الحضاري والسوداني بغض النظر عن ممارسات الطرف الآخر وسلوكه السياسي ببساطة لأني لست قاضيا أحكم على صلاحية أو عدم صلاحية الآخرين وأن هناك جهات مختصة لذلك .
ثانيا إن طرد اي شخص ينم عن العجز في مواجهته أو دمغه بالممارسات أو السلوك الذي ندينه به .
ثالثا تذكر أن الحركة الشعبية وقفت مع المؤتمر الوطني داخل المجلس الوطني لتمرير قانون الأمن الوطني الذي يعمل بموجبه محمد سليمان وغيره في مواجهة قوى التحالف داخل المجلس مقابل صفقة تمرير قانون الاستفتاء وهذا طبعا كان أدعى للانتقاد حينذاك .
أما عن التطبيع مع السفارة أو في المشاركة في لقاءات المسؤولين الذين يزورون واشنطن أوغيرها فقد نختلف في المفهوم أو التقييم أو في فهمك وتفسيرك لكل ذلك ،لكن لن يكون بأي حال كشراكة الحركة الشعبية التي أنت عضو فيها للمؤتمر الوطني في المال والطعام والكساء والمغنم التي كان ثمنهافي النهاية بيع حلفائها في المعارضة لبلوغ غاياتها بالانفصال.
وتقبل خالص تحياتي
والسلام ختام
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: Hassan Elhassan)
|
Quote: الديمقراطية تعنى تساوى الحقوق .. بما فيها حق أبداء الرأى والنشر والتعبير .. والزول هنا أتى ليعبر عن رايه .. أتركوه يعبر عن رأيه
ولكم الحق فى التعبير عن أراءكم بطريقة سلمية .. لا يمكن أن تكن واشننطن مثل الخرطوم .. هنا بلد الديمقراطية .. وسنن الأختلاف مشروعة ومكفولة للجميع .. |
بريمة أجدد لك تحياتي مرة أخرى...
وتعرف أن القانون الدولي والعرف الدبلوماسي بيعطي الدبلوماسيين حصانة عشان يمارسو بيها أعمالهم
بدون تقييد... وطبعاً الهدف من الكلام ده إنو البعثات الأجنبية داخل الدول المضيفة تعمل على توطيد
ودفع العلاقات بين الدول. وهذة الحصانة تبدو مطلقة في شكلها لإعتبار أن المتمتعين بها جديرين ومؤهلين!
بس..
هي كمان حصانة مقيدة لحاملها.. وهي تمنعة مثلاً من تلقي أموال من أي جهة داخلية أو صرف أموال على أي أنشطة
داخل الدول المستضيفة ولأن عليهم عدم التدخل للشؤن الداخلية بأي حاللاً من الأحوال حتى لا يفسر تدخلهم خطأ.
نعم لديهم حرية إبداء الرأي والتعبير... ولكنه حق مقيد مقيد بتوجيهات دولهم (وخاريجياتهم) لهم
إضافة لعامل آخر مهم وهو عدم محاولة فرض هذة الأراء والعمل على إيجاد أرضية أو منفذ لنشرها ودياً
يعني ممكن الواحد منهم ممكن ينشر مقال في الواشنغطون بوست بدون أن يدفع قيمته أو أن يتلقى عليه أجراً
وممكن الواحد منهم (لو بعرف إنجليزي) أن يخاطب ندوة أو سمنار أكاديمي بدعوة رسمية بدون أجر
وهم ما بدفعو ضرايب متلنا.. وده لانهم بيعتبروا "أوف شور" إنتتي. يعني معانا وما معانا في نفس الوقت.
إنت طبعاً بتعرف أنه الخارجية والأمن في البلد دي ما بيعينو ليهم زول قبل ما يفحصو حياته وحياة أهله
وتاريخة المهني والجنائي ودراسته الاكاديمية وحتى عندو كم صديقة وحسابه في البنك فيهو أو كان فيهو كم دولار
وده لأنهم بيهتموا بالزول البيمثلهم في الخارج سواء أن كان دبلوماسي أو ظابط في الـ CIA .
والكلام في الموضوع ده لذيذ.. وده جزء من دراستي الجامعية، بس نحنا هنا مع دينا خالد بناقش مسألة طرد محددة.
وخلاصة القول، مافي زول هنا بيمنع ليهو زول من الكلام.. بس هو اللقا ليهو حتة يتكلم فيها وليلتزم في
كلامه بالأعراف والقيود والقوانين الدبلوماسية الدولية.. وليبتعد عن البيع والشراء
والتحدي وإسـتفزاز المشاعر والتبجح والنـذالة الرخيــصة.. والتفاخر بقتل الأبرياء في معسكر كلمة.
أنت يا بريمة نسيت إنو الزول ده بيمثل نظام وأد الديموقراطية قبل 21 سنة
وحسع عاوزه يمارسها هنا مع الناس المنعها ليهم وحبسهم وقطع ليهم أوصالهم؟
نقول ليك الزول ده بالذات مجـرم.. تقول أدوهو فرصة؟
طيب نحنا أديناهو فرصة ########ها قبل ده أكتر من مرة
وفي آخر مرة جا لندوة العميد مجاهد في الجالية وأخونا إبراهيم علي إبراهيم قالها ليهو في وشو وقدامنا:
"يا محمد سليمان الناس إتفقت على إنهم ما يدوك بعد ده أي فرصة"
أها بعد ده الزول الدمو بقري ده جاي لينا يسوي شنو؟
بـــالغت والله يا بريمة... بـــالغت
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: دينا خالد)
|
Quote: الأخ دينق تحياتي
رغم اني لست من هواة النقاش البيزنطي إلا ان تقديري لك حملني على التعليق أولا أنا
أنا أناقش الموضوع من زاوية السلوك الحضاري والسوداني بغض النظر عن ممارسات الطرف الآخر وسلوكه السياسي ببساطة لأني لست قاضيا أحكم على صلاحية أو عدم صلاحية الآخرين وأن هناك جهات مختصة لذلك .
ثانيا إن طرد اي شخص ينم عن العجز في مواجهته أو دمغه بالممارسات أو السلوك الذي ندينه به .
ثالثا تذكر أن الحركة الشعبية وقفت مع المؤتمر الوطني داخل المجلس الوطني لتمرير قانون الأمن الوطني الذي يعمل بموجبه محمد سليمان وغيره في مواجهة قوى التحالف داخل المجلس مقابل صفقة تمرير قانون الاستفتاء وهذا طبعا كان أدعى للانتقاد حينذاك .
أما عن التطبيع مع السفارة أو في المشاركة في لقاءات المسؤولين الذين يزورون واشنطن أوغيرها فقد نختلف في المفهوم أو التقييم أو في فهمك وتفسيرك لكل ذلك ،لكن لن يكون بأي حال كشراكة الحركة الشعبية التي أنت عضو فيها للمؤتمر الوطني في المال والطعام والكساء والمغنم التي كان ثمنهافي النهاية بيع حلفائها في المعارضة لبلوغ غاياتها بالانفصال.
وتقبل خالص تحياتي
والسلام ختام |
الأخ حسن أحمد الحسن.
لا أعتقد بأنني أهوى النقاش البيزنطي والدليل على ذلك هو أنت ترد الان على ما أكتبه وشكرا لتقديرك لي.
إذا كان العقيد أمن محمد سليمان يريد الدخول الى قاعة الندوة بالقوة هل أنت تسمي ذلك سلوك "حضاري"
وذا قام الاخ عادل علي صالح بالاستاعنة بالشرطة لشخص يريد الدخول بالقوة تسمي أنت ذلك "دي ما أخلاق سودانين"
عندما يتم إبعاد رجل أمن السفارةالذي وقف في ندوة سياسية وقال بالحرف الواحد يأنه بصدد شراء المعارضين، هل أنت تعتقد بأن مثل هذ الرجل من الممكن أن يتم معه حوار؟ هل السياسين يحاورون السياسين أم يحاورون رجال الامن؟ لا أعتقد بأن هنالك أي شخص قد يعجز عن تشخيص حالة رجل أمن السفارة ومعرفة هدفه الذي يسعى له. بعدين مشالله على أمريكا المليانة ندوات بتجمع المعارضة السودانية بممثلي النظام السياسين وليس أمنجية النظام. فهل أنت تعرف أي شخص "عاجز" على مقارعة الكيزان خلاف الذين مطبعين معهم؟
مالك كيف تحكم يا صديقي حسن؟
هل أنت حسن أحمد الحسن مقتنع بأن الأمنجي محمد سليمان يعمل وفق قانون الامن الوطني؟
هل الكيزان أصلا يلتزمون بالقوانين التي أجازوها هم؟ أسئل نفسك وسف تجد الاجابة.
نعم أنا فهمي وتفكيري لن يسمح لي بالتردد على منزل السفير بمناسبة أو بغير مناسبة وذلك لأنني لا أثق بالكيزان أبدا. ولن أضع نفسي في أي موقف محرج كما وضعت أنت نفسك من قبل.(عندما أهان علي كرتي حزب الامة في حضورك ولم ترد عليه)
إتفاقية نيفاشا كان الغرض منها وقف الحرب في السودان بعد أن فشلت المعارضة في أقتلاع النظام من جذوره وتركت الكفاح المسلح للحركة الشعبية فقط. الاتفاقية كانت واضحة وضوح الشمس وأين كانت هي بقية الاحزاب الشمالية طيلة الخمسة أعوام الماضية وما هو موقفهم من الدولة الدينية؟ ولمعلوميتك.أنا ليس عضوا في الحركة الشعبية لتحرير السودان.
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: Deng)
|
الأستاذة دينا – سلام كتير
أولا : الحركة الشعبية لها لوبي مؤثر لدي السلطات الأمريكية، لذلك فهي تستغل كل سوداني أتي لأمريكا بغرض الإقامة والعمل ولجهله بالقوانين الأمريكية يرتكب عدد من الأخطاء وبالتالي يضم ملفه ملاحظات ومخالفات عدة لدى سلطات الهجرة الأمريكية، وبالترغيب والترهيب يصبح معارض للنظام في بلده ومناصرا لطروحات الحركة، يعني الحركة (تشتري) هؤلاء المساكين ليصدحوا باسمها ومشروعها السودان الجديد، فتصنع منهم مناضلين.
ثانيا: أزعم أن ممثل السفارة السودانية هناك لا يحضر اجتماعات وندوات المغتربين السودانيين إلا ليأخذ بيد من عليه هذه الملاحظات وتصحيح وضعه حتى لا يستغل من أي جهة كانت، ويجعلوا منه خصما لبلده.
إلى ذلك فممثل السفارة السودانية غير مرغوب فيه في الاجتماعات والندوات التي تحركها كوادر الحركة الشعبية ومن لف لفهم، وإذا حضر يستفز، والسوداني إذا أستفز فهو في حل أن يكيل الكيل بمكيالين، فإذا أشترت الحركة الشعبية ومن معها من البسطاء من السودانيين بالسكوت عن مخالفاتهم للقوانين الأمريكية، فمن باب أولى لممثل السفارة أن يقول نعم أنا حضرت لأشتري لكن ليس لإستغلالهم بل لتصحيح وضعهم مع السلطات الأمريكية أو إرجاعهم لوطنهم مرفوعي الرأس؛ فما العيب في ذلك؟
الأستاذة/ دينا
نحن بعيدين عن الأحداث التي تجري هناك، وفي هذا البوست فقط نسمع إقوال المعارضين لنظام بلدهم وحتى الإخوة من دولة جنوب السودان، لكن هناك جانب آخر غائب هو رأي ممثل السفارة السودانية، لذلك لا نستطيع أن نحكم في الأمر دون سماع أقوال ممثل سفارة السودان في أمريكا، ماذا يجري في ندوات واجتماعات السودانيين في المهجر، فتواجده أزعم أنه من صميم عمله وهو لا ينفي أنه ضابط أمن السفارة، وما العيب في ذلك؟
تحياتي
حمد
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: حمد إبراهيم محمد)
|
Quote: فمن باب أولى لممثل السفارة أن يقول نعم
أنا حضرت لأشتري لكن ليس لإستغلالهم بل لتصحيح وضعهم
مع السلطات الأمريكية أو إرجاعهم لوطنهم
مرفوعي الرأس؛ فما العيب في ذلك؟
|
ياحمد !! انت كمان كلمنى عربى !!
يشتريهم لتصحيح وضعهم مع السلطات الامريكية ؟؟
هم لو كانو مرفوعى الراس فى بلدهم كان الجابرهم شنو
على الهجرة والبشتنة ؟؟ هم وصلوا هنا بالساهل؟
ايضا هم وحدهم من يقرروا لانفسهم يعيشوا مرفوعى الراس
ولا لا .. هو الراس دا برفعوا بالقوة ؟؟
وديك لو بى الامانة دى يسالوا نفسهم الناس دى نزحت
من بلدها لييه ؟
| Quote: وهو لا ينفي أنه ضابط أمن السفارة، وما العيب في ذلك؟ |
العيب انه بيعمل فى جهاز تلطخت يده بدماء اهلو جهاز
سىء السمعه ضالع ووالغ فى كثير من الانتهاكات والشرور
والتعذيب والقتل والتكميم والفساد ..
جهاز يجب ان لا يتشرف بالانتماء له اى من ابناء البلد
الشرفاء ...
ـــــــ
كل الكلام دا ما مدسوس وحقو ما يكون فى زول خايف منو
او من جريمة تسجيله .. فليفعلوا ما يريدون ولنقل
ونفعل ما نريد ايضا ..
| |
|
|
|
|
|
|
|
|
|
Re: بصراحة كدا يا دينق ويا ناس واشنطن قصة الطرد دى انا ما فهمتها تعالوا فهمونى ! (Re: Afraa Sanad)
|
Quote: ياحمد !! انت كمان كلمنى عربى !!
يشتريهم لتصحيح وضعهم مع السلطات الامريكية ؟؟
هم لو كانو مرفوعى الراس فى بلدهم كان الجابرهم شنو
على الهجرة والبشتنة ؟؟ هم وصلوا هنا بالساهل؟
ايضا هم وحدهم من يقرروا لانفسهم يعيشوا مرفوعى الراس
ولا لا .. هو الراس دا برفعوا بالقوة ؟؟
وديك لو بى الامانة دى يسالوا نفسهم الناس دى نزحت
من بلدها لييه ؟ |
يا أفوكاتو/ دينا بت خالد ... سلام كتير كتير مثل الموية في البير ... ديما مكحل ما حفير
لا بغط ولا بحلق فوقو طير (كلام حبوبتي بت موسى) العاجبها فيك شنو ما عارف ههههههه
بالعربي كدي يا بت خالد... زول السفارة دا أستفز من الإخوة الأعداء هناك، عشان كدا
قال ليهم ما دام أنتو بتشترو الناس أنا زاتي بشتري.... يعني مكازا منو ساكت...
ثانيا: كدي فتحي عينك أكبر من الفي صورة البروفايل وقول لي مين من شعوب العالم الما هاجر من
بلده حتى الإمريكان والغربيين عامتهم تجديهم سايحين في أرض الله الواسعة، الموضوع يا بت خالد
موضوع تطلعات للأحسن... ومافي زولا في العالم راضي عن وضعه، ولا في زولا في السودان كتلو الجوع... وأكتر شعوب الأرض بتتكلم في السياسة وبتقول رأيها في كل شئ قدام قادتها هم السودانيون وفي مقدمتهم حضرة الاوفاكتو... وما قصة الشخص الذي حضر صلاة الجمعة، وخطب فيهم الإمام حتى عندما وصل في الدعاء إلى - اللهم لا تسلط علينا بذنوبنا من لا يخافك ولا يرحمنا... قال له أحد المصلين هو ما تسلط علينا وخلص.. بس أدعو لينا بالتخفيف... وهذه رواها الرئيس بنفسه وكان حاضر لصلاة الجمعة، لعلمه أن السودانيين لا بيعجبهم العجب ولا الصيام في رجب !!
Quote: العيب انه بيعمل فى جهاز تلطخت يده بدماء اهلو جهاز
سىء السمعه ضالع ووالغ فى كثير من الانتهاكات والشرور
والتعذيب والقتل والتكميم والفساد ..
جهاز يجب ان لا يتشرف بالانتماء له اى من ابناء البلد
الشرفاء ... |
الأستاذة/ دينا... أنا لا أشك في معرفتك وعلمك بالقوانين... لكن قول لي دام فضلك
هل هناك أي دولة في العالم ليس لها جهاز آمن يحافظ على أمن المواطن والبلد... أذكري
لي جهاز أمن دولة ملائكي، يتسامح مع الذين يأخذون القانون بأيديهم، يتآمروا ويعتدوا على بلدهم
أمنا ونظاما ومقدرات.. أي كان هذا النظام؟؟؟
Quote: كل الكلام دا ما مدسوس وحقو ما يكون فى زول خايف منو
او من جريمة تسجيله .. فليفعلوا ما يريدون ولنقل
ونفعل ما نريد ايضا .. |
أنا ما قلت ليك ما في شئ مدسوس في السودان... وأهو أنتي بتقولي والبشاقرة بتسمع!!!
ودي الكتير
حمد
| |
|
|
|
|
|
|
| |
دينا خالد
ismeil abbas
خدر
Elsanosi Badr
عمر صديق
Balla Musa
حيدر حسن ميرغني
زينب محمد عبدالله
Kostawi
بدر الدين احمد موسى
عبدالعزيز الفاضلابى
ناصر فراج
عمر ادريس محمد
Mohamed Yassin Khalifa
بريمة محمد
حمور زيادة
عمر عبد الله فضل المولى
Deng
معاوية الأرباب
امير طمبل
محمد البشرى الخضر
Abd Alla Elhabib
Afraa Sanad
علي جلاس
حمد إبراهيم محمد
فيس بوك
تويتر
انستقرام
يوتيوب
بنتيريست