|
|
 ما جنيناه من زيارة البشير للدوحة ذيادات في جميع الرسوم الادارية
|
يبدو ان زيارة البشير الاخيرة للدوحة و ما صادفها من حضور
قليل لافراد الجالية قد جعلت المسئول عن الشئون المالية في
سفارة السودان بالدوحة ان يعاقب أفراد الجالية المغلوب في
امرها بذيادة دون مبرر في ما يتعلق برسوم الجوازات و خلافه
حسب معلوماتي بان أي ذيادة في الرسوم الماليةلابد ان ياتي من
الحكومة في السودان....
والسؤال المحيرني اذا كانت كل هذه الذيادات لمجلس الجالية الحالي
فاين يصرفو كل هذه الاموال باعتبار ان الجالية الحالية حتي الان لم تقدم
ما يعود لافراد الجالية بشي ..لانه من غير المعقول ان تقوم السفارة بذيادة
مبلغ 20 ريال علي جواز طفل؟
و تكتب الذيادة الاخيرة في عبارة خيري
لاحقا ساقوم بتنزيل الايصالات المالية لما قبل الذيادة و بعدها
|
|
 
|
|
|
|
|
|
|
|
Re: ما جنيناه من زيارة البشير للدوحة ذيادات في جميع الرسوم الادارية (Re: امير طمبل)
|
تجوا وووب
ما تجوا : حداشر وووبات ..
إنتو مالكم ما جيتوا
إنتوا الخاتين ما ناس السفاره .
وبرضو
....................
عشان تاني ما تجـــوا
والمره الجاية تستقبلوا في المطار وبالأعلام والهتافات واكاليل الزهور
والزياده في جواز الطفل تكون 100 ريال ، دعم المراسم الرئاسية في السفارة ..
وكلنا حا نشوف وندفع .. وحدث الاعراب عن روعة المشهد ذاتو
| |
|
|
|
|
|
|
|
|
|
Re: ما جنيناه من زيارة البشير للدوحة ذيادات في جميع الرسوم الادارية (Re: امير طمبل)
|
Quote: خيري عديييييييييييييل كدا .. ??
طالما اسمو خيري يخلونا ندفع برانا وبكامل ارادتنا ..
مش عن طريق الهمبتة واللعب بالمصلحات ..
او يزيدو زيادتهم من غير تبرير ومافى زول سائلهم .. |
بت الشخ
سلامات
قال خيري قال الشي المحزن جدا كمان
قابلت احد اخواننا القطريين يريد تاشيرة
يبدو انه متعود علي الذهاب للسودان باستمرار
بحكم الدراسة فسالني ليش ها الذيادة علي رسوم
التاشيرة فضحكت و قلت بالله في نفسي حتي اخواننا
العرب لم سلمو من قصة خيري دي و بعدين يا اميرة
هي القصة طالما بقت خيري فالأولي ان تذهب كل هذه الاموال
لصالح المدرسة السودانيةالتي تعاني من نقص في اهم المتطلبات
من كراسي و خلافه
| |
|
|
|
|
|
|
|
|
|
Re: ما جنيناه من زيارة البشير للدوحة ذيادات في جميع الرسوم الادارية (Re: امير طمبل)
|
و يبدو ان موضوع الذيادات لم يكتفو فقط علي الجوازات
فالموضوع ماشي حيث علمت من بعض الاصدفاء بان رسوم التسجيل و الكتب
قد قفزت كمان ضعف ما كان يدفعه ولي الامر .
لمصلحة من كل هذه الذيادات و ماذا ستقدم لجالية ظلت تدفع الكثير
و الكثير علما بان السفير الحالي في اخر ايامه هنا في الدوحة
و لماذا هذا التوقيت بالذات؟
بالسفارة طاقم كامل لماذا لم يحتج احد المسئولين و يوقف هذه المهزلة
هل القرار فردي ام باجماع كل أعضاء السفارة
علما بان سعر تجديد او اصدار جواز جديد فالتسعيرة معروفة في كل بلدان
الدنيا لماذا الذيادة هنا في الدوحة؟
| |
|
|
|
|
|
|
|
|
|
Re: ما جنيناه من زيارة البشير للدوحة ذيادات في جميع الرسوم الادارية (Re: امير طمبل)
|
Quote: خيري عديييييييييييييل كدا .. ??
|
حتى انتى يا اميرة الشيخ مستغربة...
هو فندق الريدز اد كان فرع لمنظمة الدعوة الاسلامية
ابيتو تجو تسمعو الكلام الفاضى وكمان بتصورو الكراسى
الفاضية وكمان مادايرين تدفعو ... المرة الجاية المابجى
سوف يتم سحب الجنسية منه ...
دى حكومة خمسة نجوم ولازم ترتقو لمستواها مش كفاية انها راضية
بيكم كشعب ...
ودقى يامزيكة
| |
|
|
|
|
|
|
|
|
Re: ما جنيناه من زيارة البشير للدوحة ذيادات في جميع الرسوم الادارية (Re: Dr. Ahmed Amin)
|
Quote: الصحيح الزيادة ..
سلام أمير ..
الحاجة التي تغضب أن الزيادات تفرض دون الرجوع للمواطن المكتوي الحقيقي |
د.أحمد
سلام
شكرا للتصحيح الواحد من شدة الغضب بقي يكتب بدون
مراجعة ..المشكلة شكلها هنا القرارات كلها بقت
عنترية و حقيقي بقينا نعاني من كمية حاجات فيما يتعلق
بمصاريف الدراسة و كمان جات عليها الزيادة الاخيرة دي
علما بان سعر تجديد جواز سفر و تجديده واحد في كل بلدان الدنيا
عموما شكرا لمرورك الكريم
| |
|
|
|
|
|
|
|
|
|
Re: ما جنيناه من زيارة البشير للدوحة ذيادات في جميع الرسوم الادارية (Re: عماد الشبلي)
|
| Quote: قال لي الطمبلاوي حا يجيب لينا بلاوي ... |
عمدتنا الشبلي
كيفك يا ولد
غايتو كلم معاك عمك علي عبدالرحيم
قول ليهو لو عاوز تفصل اولادك و تجدد
ليهم الا يمشي الي شركة تمويل حتي يتمكن
من انهاء معاملته خصوصا عمنا علي لديه
ماشاء الله تبارك الله عدد من ابنائه بالمدرسة
السودانية خصوصا مع الزيادة الجديدة في قيمة
التسجيل و الكتب و الترحيل غايتو للضمان كده
خليهو ينضم الي شلة الوطني عرفتهم
| |
|
|
|
|
|
|
|
|
|
Re: ما جنيناه من زيارة البشير للدوحة ذيادات في جميع الرسوم الادارية (Re: نجلاء قرافي)
|
Quote: ياأمير الذي في الدوحه
عشرين ريال بس
بصفتك مغترب وقاعد في الكندشه ولاقيها ساهله ماتدفع
اكان لي خيري ولا فضل السيد ذاتووو
وجابو ليكم الاراضي لحد عندكم يمكن 20 دي مقدم القسط الاول لي سعر الاراضي . |
الأخت نجلاء بت قرافي
طابت أوقاتك
المشكلة يا عزيزتي ليست في العشرين ريال
لانو زيادة كده جات حمرة عين من المسئول المالي
و الله عارفة الكندشة هنا اخير منها سموم امدرمان
و الاراضي أنسي بس دي حكاية تانية تحتاج الي بوست منفصل
و خلي بالك مغتربين الدوحة ديل مغلوب علي امرهم خلي
الطابق مستور بس لانوبيني و بينك الراتب يا كافي البلاء
بينهي مع انتهاءمراسم التحويل .
الله يستر الحال بس
شكرا كتير لمرورك
| |
|
|
|
|
|
|
|
|
|
Re: ما جنيناه من زيارة البشير للدوحة ذيادات في جميع الرسوم الادارية (Re: نجلاء قرافي)
|
| Quote: ويابخت اللاري ... حوالات بالكوم |
بت قرافي مساء الخيرات
انتي لسه من زمن اللاري ...القصة هسة بقت يا بتنا
علاقات و تحويل عن طريق السماسمرة و باعلي الاسعار
غايتو والدي عليه رحمة الله و اخواني و شخصي بتكون
الحكومة دي شيدت شوارع الظلط دي كلها من قروشنا
من ضرائب و جمارك و دمغة الشهيد و دمعة الجريح
و خيري و عبدالمجيد خيري نفسه يا قادر يا كريم
تدخل عليهم بالساحق و الماحق و البلاء المتلاحق
| |
|
|
|
|
|
|
|
|
|
Re: ما جنيناه من زيارة البشير للدوحة ذيادات في جميع الرسوم الادارية (Re: أيمن الطيب)
|
| Quote: و تكتب الذيادة الاخيرة في عبارة خيري |
أمير يا طمبل ...
إنت وبت الشيخ دي مالكم ناس ما خيرين كدة؟
يكتبوا خيري .. يكتبوا قناة فضائية .... يكتبوا همبتة ................ المهم تدفعوا ...
في ذمتك* .. 20 ريال بتعمل ليك شنو؟
ما قاعدين طول عمرنا بندفع .... الجديد شنو؟
أي والله ... طول عمرنا بندفع ..... وقد هرمنا .... هرمنا .. ونحن بندفع
_____
بكتبوها (ذمتك) والا (زمتك) .... عشان ما يجي واحد ناطي لينا في حلقنا.
| |
|
|
|
|
|
|
|
|
|
Re: ما جنيناه من زيارة البشير للدوحة ذيادات في جميع الرسوم الادارية (Re: خضر عطا المنان)
|
| Quote: ولكن يظل الاكثر غرابة الحضور ياطمبل .. أليس كذلك ؟؟. |
الأستاذ خضر عطا المنان
تحية طيبة
موضوع الحضور ده بالمناسبة كان عبارة عن استفتاء حقيقي
لمحبيه بالدوحة ..بالله البلد دي يقيم فيها اكثر من 34000
سوداني الحضور يكون في حدود ال 230 شخص .
بالنسبة لموضوع الرقص يبدو ان الايقاع كان (تم تم)مما
جعله يرفع العصا و يشتت طوالي لانه الراجل بيحب دائما
الايقاع يكون (عرضه) يخيل لي كده
شكرا كتير لمرورك الكريم
| |
|
|
|
|
|
|
|
|
|
Re: ما جنيناه من زيارة البشير للدوحة ذيادات في جميع الرسوم الادارية (Re: عبدالأله زمراوي)
|
Quote: بالله عليك يا امير الزول دة زار الدوحة متين
وليه ما كلمتونا على الأقل كنا نلقي عليه
نظرة الوداع.... يا للحسرة! |
الصديق الجميل و شاعرنا الكبير
زمراوي
الراجل حضر للدوحة في زيارة خاطفة تأجلت من موعدها المحدد اولا
لذلك الجماعة قالو السبب الرئيسي في عدم حضور الناس هو التأجيل
و خلاص هو بقي في الايام الاخيرة ولا القصة شنو .
غايتو انا علمت بان الزيارة دي الاخيرة لييه دي الما قدرت افهما
سلمت يا عزيز و مشكور علي المرور
| |
|
|
|
|
|
|
|
|
|
Re: ما جنيناه من زيارة البشير للدوحة ذيادات في جميع الرسوم الادارية (Re: محمد أبوالعزائم أبوالريش)
|
Quote: أمير يا طمبل ...
إنت وبت الشيخ دي مالكم ناس ما خيرين كدة؟
يكتبوا خيري .. يكتبوا قناة فضائية .... يكتبوا همبتة ................ المهم تدفعوا ...
في ذمتك* .. 20 ريال بتعمل ليك شنو؟
ما قاعدين طول عمرنا بندفع .... الجديد شنو؟
أي والله ... طول عمرنا بندفع ..... وقد هرمنا .... هرمنا .. ونحن بندفع
_____
بكتبوها (ذمتك) والا (زمتك) .... عشان ما يجي واحد ناطي لينا في حلقنا. |
أبوالريش
سلامات
والله انا و بت الشيخ فترنا من الدفع خليك من الزيادات دي
العشرين ريال حقيقي لا تسوي بس لكن بترفع من الايراد اليومي للسفارة
نسبة لعدد جماعتنا الكثيف يعني يخيل لي السفارة ايرادها اليومي بالطريقة دي
راح يترفع الي مبلغ 5000 يومي لما تضربها في الشهر بتعمل ليها خمسة ستة ليالي
في فندق الرتزكارلتون الشهير ..
اكتبها ذي ما تكتبها في النهاية الناس بتفهما و عادي يا حبيبنا
تحياتي
| |
|
|
|
|
|
|
|
|
|
|
Re: ما جنيناه من زيارة البشير للدوحة ذيادات في جميع الرسوم الادارية (Re: امير طمبل)
|
الاخ طمبل سلامات
لقد طرحت موضوع في غاية الاهمية الا وهو مسالة فرض الرسوم بمزاج المسؤول وليس بتشريع كما هو معمول به في الدول المتقدمة والتي لا تجيز فرض اي رسوم بدون مسوغ قانوني.
عجبي الا اجد من بين المتداخلين اي من قانونيي الدوحة ليوضح مدى قانونية فرض ذلك المبلغ واري ان رابطتهم التي نشرت انت صور فعالياتها داخل هذا المنبر يجب عليها ان تتصدى لمثل هذا الموضوع وهم امر يهم كل افراد الجالية السودانية.
بل ان على مجلس الجالية ان يتصدى لمثل هذه الجبايات التي ستثقل كاهل المواطنين في الخارج كما اثقلتها في الداخل.
الدعوة للاخوة القانونيين خاصة بقطر للافادة بآرائهم القانونية حول ما اثاره الاخ طمبل
| |
|
|
|
|
|
|
|
|
|
Re: ما جنيناه من زيارة البشير للدوحة ذيادات في جميع الرسوم الادارية (Re: Abdalla mohamed)
|
Quote: الاخ طمبل سلامات
لقد طرحت موضوع في غاية الاهمية الا وهو مسالة فرض الرسوم بمزاج المسؤول وليس بتشريع كما هو معمول به في الدول المتقدمة والتي لا تجيز فرض اي رسوم بدون مسوغ قانوني.
عجبي الا اجد من بين المتداخلين اي من قانونيي الدوحة ليوضح مدى قانونية فرض ذلك المبلغ واري ان رابطتهم التي نشرت انت صور فعالياتها داخل هذا المنبر يجب عليها ان تتصدى لمثل هذا الموضوع وهم امر يهم كل افراد الجالية السودانية.
بل ان على مجلس الجالية ان يتصدى لمثل هذه الجبايات التي ستثقل كاهل المواطنين في الخارج كما اثقلتها في الداخل.
الدعوة للاخوة القانونيين خاصة بقطر للافادة بآرائهم القانونية حول ما اثاره الاخ طمبل |
| |
|
|
|
|
|
|
|
|
|
Re: ما جنيناه من زيارة البشير للدوحة ذيادات في جميع الرسوم الادارية (Re: كمال سالم)
|
Quote: أين مجلس الجاليه من هذه الزيادات ؟؟!!
أم إنهم مشغولين فى الإعداد لوفد الأراضى
الزائر ! |
حبيبنا
كمال سالم
با أخي أي مجلس جالية أنا شخصيا لا اعترف به
علي الاطلاق لان هذه الدورة تحديدا تعد من أفشل دورات
المجالس التي مرت عن كل الفترات السابقة
و يخيل لي جزء كبير من هذه المبالغ يورد لصالحهم.
الفترة السابقة لمجلس الحالية التي كان يتراسها
الاستاذ عبدالمنعم ابو تفة اذكر بانه قام عن طريق القانون
باخذ المبالغ التي كانت تدفع لمجلس الجالية عبر معاملات السفارة لان السفارة كانت تتحكم علي فلوسها.
و المشكلة اساسا يا كيمو في جماعتنا المغلوب علي امرهم يدفعو بدون ان يسالو
بالنسبة لوفد الاراضي لا اهلا ولا سهلا بهم هنا مرة تانية كفاية ما حصل في المرة الفاتت
كما قال اخونا كمبورة بانهم قامو بتلف علي معدات المدرسة السودانية
| |
|
|
|
|
|
|
|
|
|
Re: ما جنيناه من زيارة البشير للدوحة ذيادات في جميع الرسوم الادارية (Re: Abdalla mohamed)
|
Quote: الاخ طمبل سلامات
لقد طرحت موضوع في غاية الاهمية الا وهو مسالة فرض الرسوم بمزاج المسؤول وليس بتشريع كما هو معمول به في الدول المتقدمة والتي لا تجيز فرض اي رسوم بدون مسوغ قانوني.
عجبي الا اجد من بين المتداخلين اي من قانونيي الدوحة ليوضح مدى قانونية فرض ذلك المبلغ واري ان رابطتهم التي نشرت انت صور فعالياتها داخل هذا المنبر يجب عليها ان تتصدى لمثل هذا الموضوع وهم امر يهم كل افراد الجالية السودانية.
بل ان على مجلس الجالية ان يتصدى لمثل هذه الجبايات التي ستثقل كاهل المواطنين في الخارج كما اثقلتها في الداخل.
الدعوة للاخوة القانونيين خاصة بقطر للافادة بآرائهم القانونية حول ما اثاره الاخ طمبل |
الأخ العزيز
عبدالله محمد
شكرا كتير لمرورك من هنا يا عزيز..
تأكيدا لتعليقك حسب ما علمت يأن الزيادة تمت
عبر المسئول المالي بالسفارة علما بأنه لا يوجد
اي تعميم او تصديق من قبل الجكومة بالسودان .
أخواننا القانويين بدولة قطر انا مثلك مندهش لعدم
دخول احدهم هنا ليوضح لنا وجهة النظر القانونية
****
اخواننا حسن طه ..حاتم الفاضل ...معاوية محمد الحسن
منتظركم حتي تعم الفائدة
شكرا اخي عبدالله
| |
|
|
|
|
|
|
|
| |
امير طمبل
Hisham Ibrahim
بدر الدين الأمير
معتز القريش
نجلاء قرافي
عماد الشبلي
Deng
أيمن الطيب
محمد أبوالعزائم أبوالريش
خضر عطا المنان
كمال سالم
فيس بوك
تويتر
انستقرام
يوتيوب
بنتيريست