|
|
 أبو حميد جاب مجموع 273 وقال زعلان
|
مبروك يا حاج أحمد ياخ، وعقبال كده الماستر والبى اتش دى
273 ده مجموع تمام والله
راجياك هدايا سمحة سماحة شديدة
تلقى الفرحة كاتلاك هسه
والله لا تمام ولا شى
ولا فرحان كمان
كيف ما تمام، مية المية والله
طيب ياخ هى كم مادة أصلا ؟
سبعة مواد
كويس، المجموع والدرجة الكاملة كم ؟
280
يعنى نفترض انك فى كل مادة ناقصة درجة واحدة بس، صاح ؟
فى أى مادة ناقص درجة واحدة بس، احسن من كده فى بالله
آى صاح لكين أنا متأكد ما كان عندى أى غلطات
بتخيل ليك ساى يا ابو حميد ياخ، لأنه الامتحانات وطريقة التصحيح والحالة الإنت بتكون فيها أثناء الامتحان، كلها بتأثر فى النتيجة
ياخى ده مجموع ممتاز عديل والله، ما تزعل ساى
وبعدين شنو، لسه كان الله مد فى الأيام ياما راجياك امتحانات
لسه الغريق لى جوه
يا زول مبروك وعقبال الشهادات العالية
ما تزعل ساى
طبعاأحمد ده ابننا الهمام
وده جزء من النضمى الكان بيناتنا أمس
|
|
  
|
|
|
|
|
|
|
|
Re: أبو حميد جاب مجموع 273 وقال زعلان (Re: توما)
|
كتر خيرك يا توما
وعقبال العندك كلهم
والله كان شفتى الزعل
شى يضحك وشى يزعل
ديل جنيات الزمن ده طبعا
هارفارد ملحوقة
كدى الله يحلنا هسه
بعدين ان شاء الله جامعة ييل ولا بالعدم اوكسفورد
برضو ما بطالة
ههههههههههههه
| |
|
|
|
|
|
|
|
|
|
Re: أبو حميد جاب مجموع 273 وقال زعلان (Re: أبوذر بابكر)
|
تهانئنا لابي حميد يا ابا ذر
الف الف مبروك لاحمد الهمام دامجموع ممتاز جدا
وعقبال الشهاده السودانيه والجامعه يا ابو حميد .
حظهم يا اخي طلبه الزمن دا نحن زمان اول مدارس المنطقه كلها ما بيحرز مجموع متل دا .
.
| |
|
|
|
|
|
|
|
|
|
Re: أبو حميد جاب مجموع 273 وقال زعلان (Re: doma)
|
تسلمى ان شاء الله يا دومه
والله نشيل وننضم ونشيل ونقنع
ياخى ده امتياز عديل
لكين البقنع الديك منو
كلامك صحيح والله
أنا زمان اتذكر فى امتحان سنة سادسة
جيت اربعين المركز
بالله لامن قربو يضبحو لى تور
لحدى ما اقنعتهم وقلت ليهم يا جماعة متشكرين
الموضوع ما بستاهل
| |
|
|
|
|
|
|
|
|
|
Re: أبو حميد جاب مجموع 273 وقال زعلان (Re: طه إبراهيم عبد الله)
|
ألف مليون مبروك يا أباذر
وابوحميد انشاء الله نشوفو
اول السودان في الشهادة الثانوية
بمثل ما اتوقع ان أسمع
شقيقته الكبرى
آمنة ابو ذر بابكر
التي ادهشتني بذكائها الخارق يوما في مطار جدة
و اتوقع لها ان تحصد المركز الاول في الشهادة الثانوية لهذا العام
وامسكو الخشب
وقولو ما شاء الله
| |
|
|
|
|
|
|
|
|
|
Re: أبو حميد جاب مجموع 273 وقال زعلان (Re: جمال السنوسي)
|
ابو جمال زينة
ازيك يا سنوسى
كيف حالك ووين الحى بيك
يسمع منك ربنا
ويستجيب دعاك
آمنة انتهت برضو قبل كم يوم من امتحان الشهادة
وما زلنا فى انتظار الزعل فى نسختة الأشد وطأة
خليها ساى بس على الله
شكرا ليك يا جمال على الدعوات السمحات
| |
|
|
|
|
|
|
|
|
|
Re: أبو حميد جاب مجموع 273 وقال زعلان (Re: جمال السنوسي)
|
ما شاء الله تبارك الله
ربنا يحفظو ويغطي عليهو
دا الكلام يا اخي
مش كلامك بتاع العواجيز
ولد طموح وواثق من نفسو
وحاج قديم بتاع أرضى بالمقسوم
مفروض تقيف معاهو وتخليهو يمش يفتش ورق امتحاناتو ويشوف درجاتو الباقية دي مشت وين
هسي تلقاهم أدوهو لود وزير ولا والي
ههههههههههه
أوعى تبقى الهدائا كلام جرائد
شارع التحلية وأقل من كدا غير مقبول علي الإطلاق
لا وكمان ما تنسى هدية المدام ودي مهمة خالس
يا اخي والله شيء مفرح مفرح مفرح
ربنا يحفظكم جميعاً ويغطي عليكم
وتفرحو كمان وكمان بي نجاحاتم
أكيد محبتي واحترامي
| |
|
|
|
|
|
|
|
|
|
Re: أبو حميد جاب مجموع 273 وقال زعلان (Re: بله محمد الفاضل)
|
آمين يا بله
والعاقبة عند وليداتك
يطلعو نبيهين وطيبين زيك
وأحسن منك كمان
تعرف يا بله فى المعمعة بتاعة الامتحانات الواحد بكون فى عالم تانى
ومرات كتيرة بتفتكر انك سويت كل شى صاح
لكين بعد شوية الشى يقع ليك، أو العكس كمان برضو
الهدايا أكيد فى، وتكون على إيده كمان وهو اليختار
تسلم ياخ
وليك التقدير والود
| |
|
|
|
|
|
|
| |
أبوذر بابكر
توما
doma
SHIBKA
ابو جهينة
معاوية عبيد الصائم
جمال السنوسي
بله محمد الفاضل
حبيب نورة
محمد عبد الماجد الصايم
كمال ادريس
Nasruddin Al Basheer
الزاكى عبد الحميد
عبد المنعم سيد احمد
Elmosley
فيس بوك
تويتر
انستقرام
يوتيوب
بنتيريست