|
|
|
 Re: ما الذي يجمع بين السودانيين؟ (Re: ممدوح أبارو)
|
كيفك يا ممدوح ... و الناس كلها هنا بخير
هل المواطنة تعني الحدود الجغرافية؟ و ماهي الجغرافيا غير
أنها خطوط وهميه لتقسيم المجتمعات الإنسانية؟
من هو الاقرب لك: الباكستاني المسلم ام السوداني القبطي؟
الأماراتي المسلم،أم إبن جبال النوبة الغير مسلم؟
شكرا" ليك ممدوح
| |
  
|
|
|
|
|
|
|
|
Re: ما الذي يجمع بين السودانيين؟ (Re: doma)
|
Quote: و ماهي الجغرافيا غير
أنها خطوط وهميه لتقسيم المجتمعات الإنسانية؟ |
معني كلامك دا ممكن انت كسوداني الجنسيه تذهب الي كينيا فتتمتع بنفس حقوق الكيني او يمكنك ان تقرر السكن بسويسرا دون اي موانع او متطلبات هل يمكنك ان تعبر البحر الاحمر الي السعوديه دون جوزاز سفر ويتم قبولك كمواطن سعودي ؟؟
اذا الرقعه الجغرافيه السياسيه هي الوطن وهو الذي يجمعك مع كل سوداني وليس الاسلام ولا العروبه ولا الزنوجه ولا الانسانيه .
| |
|
|
|
|
|
|
|
|
|
Re: ما الذي يجمع بين السودانيين؟ (Re: aydaroos)
|
سلام يا عماد
و شكراً لهذا البوست الهام
Quote: الدين؟
العروبة؟
الزنوجة؟
|
أنا شايت في اتجاه مغاير
اتمني ان لا يحرف البوست عن مساره
اعتقد ان الذي يجمع بين السودانيين هو
الفقر
الامية
الملاريا
........................ البنية التحتية
اما الدين و العروبة أو الزنوجة دي صراعات ثانوية
قفزت لتكون صراعات اوليه. متخطيه قدرات الشعب العقلية
لسبب و لاعبه أو مركزة (بضم الميم) علي قدراته العاطفية
لاكثر من سبب
و متابع معاك يا عزيز
لك و للاسرة الف ود
حامد الصاويـــــــــــــــ
| |
|
|
|
|
|
|
|
|
|
Re: ما الذي يجمع بين السودانيين؟ (Re: aydaroos)
|
Quote: هل المواطنة تعني الحدود الجغرافية؟ و ماهي الجغرافيا غير
أنها خطوط وهميه لتقسيم المجتمعات الإنسانية؟
|
يا صديق المواطنة عندي
علاقة متبادلة بين الفرد(المواطن) والدولة (بلدالمواطن)
أي كفالة حق التعايش بسلام واقتسام الموارد
الصحة والتعليم وووو كل مقومات العيش الكريم للمواطن
مع قيامه بواجباته تجاه الدولة بالتقيد بالقوانين وخلافه
بمعني آخر قد تكون قريبة من مفهوم الحدود الجغرافية
مع اختلاف انها لا تقسم المجتمعات الانسانية بل تنظم حراكها
Quote: من هو الاقرب لك: الباكستاني المسلم ام السوداني القبطي؟
الأماراتي المسلم،أم إبن جبال النوبة الغير مسلم؟ |
بالطبع السوداني هو الاقرب لي غض النظر عن ديانته وعرقه
| |
|
|
|
|
|
|
|
|
|
Re: ما الذي يجمع بين السودانيين؟ (Re: aydaroos)
|
ما الذي يجمع بين السودانيين؟
الدين؟
العروبة؟
الزنوجة؟
كل ما ذكر صحيح واضف الى ذلك
الانسانية
الدم
التاريخ
الحاضر
المستقبل
الارض
العرض
الخ...
والفيصل بين هذا وذاك التقوى عند الله
والفيصل بين هذا وذاك المواطنة فى الدولة
نحتاج الى مجلدات حتى نجيب على هذا السؤال
ما الذي يجمع بين السودانيين؟
تحياتى
| |
|
|
|
|
|
|
|
|
|
Re: ما الذي يجمع بين السودانيين؟ (Re: محمد المختار الزيادى)
|
تحياتي عثمان رضوان
| Quote: تحياتي.الذي يجمع بينهم أكثر من الذي يفرق بينهم |
بتفق معاك، لكن بينهم من يدري و بينهم أيضا" من لا يدري القصد
من الحوار هو توضيح الأفكار و المواقف.
الأخت دوما
| Quote: بالنسبه لي المواطنه هي حدود الوطن الجغرافي لا يهمني الدين ولا من اي الاعراق زنجي عربي اوانجلوساكسوني المهم انه يحمل الجنسيه السودانيه . |
الله يكمل الناس بي عقلهم زيك يا دوما، لكن البوست هدفوا انو الحوار
يصل لي جذور و أسباب موقف زي موقفك دا عشان باقي الناس تصل ليهو
او تختلف معاهو.
| |
|
|
|
|
|
|
|
|
|
Re: ما الذي يجمع بين السودانيين؟ (Re: aydaroos)
|
مرة ثانية تحياتي أخ عيدروس
Quote: من هو الاقرب لك: الباكستاني المسلم ام السوداني القبطي؟
الأماراتي المسلم،أم إبن جبال النوبة الغير مسلم؟
|
أخشى أن يكون للإجابة على مثل هذه الأسئلة مردود سلبي لعلاقة السودانيين
ببعضهم.
أشكرك.
| |
|
|
|
|
|
|
|
|
|
Re: ما الذي يجمع بين السودانيين؟ (Re: aydaroos)
|
أنا يا دوما لو لاحظتي كلامي كان سؤال ما إجابة
و منتظر الإجابات تظهر من المتحاورين
Quote: معني كلامك دا ممكن انت كسوداني الجنسيه تذهب الي كينيا فتتمتع بنفس حقوق الكيني او يمكنك ان تقرر السكن بسويسرا دون اي موانع او متطلبات هل يمكنك ان تعبر البحر الاحمر الي السعوديه دون جوزاز سفر ويتم قبولك كمواطن سعودي ؟؟
|
طيب يا دوما إذا الحدود هي البي تحدد الدولة شن قولك في الهوية
البي تخلي الناس تشوف مواطني دولة تانية أقرب ليهم من السوداني؟
البوست دا معني بتقاطع الهويات
أنا شخصيا" رايي إنو السوداني (مجرد السوداني) اقرب لي من أي زول
ليه؟ البوست دا بي يحاول الإجابة
| |
|
|
|
|
|
|
|
|
|
Re: ما الذي يجمع بين السودانيين؟ (Re: aydaroos)
|
Quote: طيب يا دوما إذا الحدود هي البي تحدد الدولة شن قولك في الهوية
البي تخلي الناس تشوف مواطني دولة تانية أقرب ليهم من السوداني؟ |
والله ديل هم سبب المصائب والبلاوي التي قسمت السودان وستعمل علي ضعفه وتفتيته اكثر واكثر .
| |
|
|
|
|
|
|
|
|
|
Re: ما الذي يجمع بين السودانيين؟ (Re: aydaroos)
|
الأخ مختار الزيادي سلام و تحية
Quote: كل ما ذكر صحيح واضف الى ذلك
الانسانية الدم التاريخ الحاضر المستقبل الارض
العرض
الخ...
والفيصل بين هذا وذاك التقوى عند الله
والفيصل بين هذا وذاك المواطنة فى الدولة
|
إتفق معاك ،طيب السؤال، كيف نحسم الصراع بين هذه الهويات إذا تعارضت؟
| |
|
|
|
|
|
|
|
|
|
Re: ما الذي يجمع بين السودانيين؟ (Re: aydaroos)
|
الأخ عثمان رضوان
Quote: أخشى أن يكون للإجابة على مثل هذه الأسئلة مردود سلبي
لعلاقة السودانيين ببعضهم. |
بالعكس انا شايف إنو عدم الإجابة علي مثل هذه الأسئلة و عدم الحوار فيها
هو ما سبب كل الخلافات و المشاكل، و الشخاعة في طرح مثل هذه الأسئلة
و الحوار و الإتفاق بوضوح حولها كفيل بحل المشاكل و الإختلافات.
شكرا" ليك عثمان رضوان
| |
|
|
|
|
|
|
|
|
|
Re: ما الذي يجمع بين السودانيين؟ (Re: Amira Elsheikh)
|
الأخ عيدروس
ســلام .. ســؤال قديم متجدد
يسأله النخب والمثقفين وهو أساس التنافر والتناحر بينهم
لا لشئ إلا لخدمة مصالحهم الخاصية وهو ما ادى لتفسخ نسيجنا الاجتماعي
أخي عيدروس لماذا لا يطرح هذا السؤال الا في السودان؟
وهو يفرقنا أكثر مما يجمعنا صدقني!
التنوع وعدم التجانس في مجتمع الدولة الواحدة ليس في السودان وحسب
ولا هو شئ نادر الحدوث مثلاً مما يعني أنه بدعة سودانية اختصها الله بها
فهناك الكثير من دول العالم بها عدم التجانس هذا ولكنه لا يشغل بالهم
أكبر دولة فيها عدم تجانس هي الهند ولكنها ماردا اسيويا قادم بقوة
ولا تكاد تسمع مثل هذه النقاشات والحوارات التي تقود للتفرقه وهــدر الوقت
وآخــر دولة هي جنوب أفريقيا ولعلك رأيت الافريقي والاوربي هناك
يقولون نحن شعب جنوب أفريقيا دون الوقوف في محطات التقسيم هذه
ما يجمعنا هو أن قدرنا أوجدنا على هذه الارض ويجب علينا التعايش فيها
ما تقوله هنا هو كلام مثقفين ولكن على مستوى المواطن العادي لا يرون
غير أنهم ســودانيون وتجمعهم أرض واحدة للعيش فيها
فلنكف عن جدلية الهوية هذه وما الذي يجمعنا هذه ايضا
فالكابلي ووردي ومحمد الامين .. الخ الخ يطربون جميع السودانيين
تحياتي
| |
|
|
|
|
|
|
|
|
|
Re: ما الذي يجمع بين السودانيين؟ (Re: Amira Elsheikh)
|
حامد الصاوي صديقي الذي ابعدته عني الجغرافيا السياسية
Quote: اعتقد ان الذي يجمع بين السودانيين هو
الفقر الامية الملاريا.............. البنية التحتية
اما الدين و العروبة أو الزنوجة دي صراعات ثانوية
قفزت لتكون صراعات اوليه. متخطيه قدرات الشعب العقلية
لسبب و لاعبه أو مركزة (بضم الميم) علي قدراته العاطفية
لاكثر من سبب |
و كأني بك تريد أن تقول أن الصراع الأساسي هو صراع إقتصادي إجتماعي و أن مسألة
الهوية هي صراع متوهم لصرف انظار الشعب عن صراعه الأساسي
أنا بختلف معاك و رأيي إنو لو ما إتحلت تعارضات الهويات عند السوداني، الناس ما حا
تتوحد لحل مشاكلها، و لازم الناس تقتنع انهم سودانيين أولا" بعد داك (قوميين عرب ، قوميين أفارقه
،اسلاميين،مسيحيين، أمميين ماركسيين ... الخ ... الخ).
يعني بالعربي موضوع الهوية العابرة للدولة دا .. مدغمس لينا مشروع إنجاز الدولة الوطنية.
| |
|
|
|
|
|
|
|
|
|
Re: ما الذي يجمع بين السودانيين؟ (Re: محمد المختار الزيادى)
|
الأخ/ عيدروس
تحياتي
| Quote: ما الذي يجمع بين السودانيين؟ |
إن كان المقصود بالسؤال الناحية الجغرافية فالأرض التي عرفت باسم السودان وتم وسيتم تمزيقها علي يد الاسلامويين هي التي تجمعهم.
وإن كان المقصود الثقافة الممارسة فالشايع عند أهل السودان الهوس الديني والحفاظ لدرجة النفاق على مظهره مع جهل مطبق بغاياته .
وإن كان المقصود الفكر فالشايع قلته لفشلهم في ادراك الوسائل والآليات التي تدير جمعهم بسبب قلة التنمية العقلية في المدارس والجامعات .
وإن كان المقصود من الناحية التنظيرية وليست الواقعية فالمواطنة هي التي تجمعهم.
وإن كان المقصود التاريخ فعدم التقدم والتطور هو الشايع نتيجة ل الدود قرقر حبس الدرب ووروني العدو واقعدو فراجة وعيـــــــــــــــك فروت لس .
وإن كان المقصود الثقافة الغذائية فالكسرة والويكة هم الشايعتان نتيجة لاحتقار المتعلمين لغير المتعلمين .
والهيلكم صحيح وفيها ما بتنغلبوا ***** فالحين في القنيص ترعوا وتعرفوا تحلبوا !!!!!!!!!!!
عذرا للجميع عمكم محبط .
ابوحمـــــــــد
| |
|
|
|
|
|
|
|
|
|
Re: ما الذي يجمع بين السودانيين؟ (Re: عثمان عبدالقادر)
|
الأستاذ البشاري سلامات
| Quote: أخي عيدروس لماذا لا يطرح هذا السؤال الا في السودان؟ |
يمكن عشان الناس كلها جاوبتو إلا نحن؟
Quote: ما تقوله هنا هو كلام مثقفين ولكن على مستوى المواطن العادي لا يرون
غير أنهم ســودانيون وتجمعهم أرض واحدة للعيش فيها
فلنكف عن جدلية الهوية هذه وما الذي يجمعنا هذه ايضا |
دايما يا استاذ بشاري دور المثقفين هو إعلاء الحوار حول النقاط
المدغمسة في وعي الشعب السوداني.
| |
|
|
|
|
|
|
|
|
|
Re: ما الذي يجمع بين السودانيين؟ (Re: aydaroos)
|
يعلي الماركسيين من قيمة التضامن الاممي للمهمشين
و يعلي الإسلاميين من قيمة الإخاء العالمي الإسلامي
يعلي القوميين العرب من شأن الرابطة القوميةالعربية
و كلو علي حساب الإنتماء للوطن للسودان
لأن الدساتير لا تبني علي المشترك بين الماركسيين
و لا علي المشترك بين الإسلاميين أو القوميين
بل تبني علي المشترك بين الشعب
و الشعب السوداني تتعدد إنتماءاته و أديانه و ألوانه
و لكنه يشترك في الارض الجغرافيا ، و الجغرافيا ليست حدود مشتركه فقط،
الجغرافيا تاريخ و ثقافة و حضارة تاريخها اكثر من 7 الاف سنة علي هذه
الارض.
فلنتحرر من أوهام الايدولجيا و لنجعل السوداني أولا".
| |
|
|
|
|
|
|
|
|
|
Re: ما الذي يجمع بين السودانيين؟ (Re: aydaroos)
|
أميرة يا صديقة
Quote: الاجابة بالنسبة لى
السودانى القبطى وبن جبال النوبة الغير مسلم اقرب لى من كل مسلمى الدنيا
وبعيد عن السودان ...بحر الانسانية كبير وبربطنى مع الاخر بغض النظر عن دينو ولونو وعرقو وبلدو.... |
الناس الما شايفين زيك ... مشكلتهم وين؟ ليه الناس أنتماءاتهم
الدينية، القومية، الايدولوجية بي تخليهم ما يعاينو لي إنتماءهم
الاول ... السودان.
إذا إقتنعنا أنو البي يجمعنا هو السودان بغض النظر عن الدين
عن العرق عن الايدولوجيا ، حا نعمل دستور يساوي بين كل السودانيين
| |
|
|
|
|
|
|
|
|
|
Re: ما الذي يجمع بين السودانيين؟ (Re: aydaroos)
|
أنا بختلف معاك و رأيي إنو لو ما إتحلت تعارضات الهويات عند السوداني،
___________________________________________
تعارضات الهوية دى ما بتتحلا بمنفستو يا عيدروس .....
كثير من الجدل المدور هنا* حول الهويةيعّمق المشكلة اكثر ...
دعاة الافريقانية منتظرين اعلان السودان قطر افريقى ودعاة المشروع العربسلاموى
منتظرين اعلان السودان عربى اسلامى وبالاصح هم اعلنوه اصلا وسادرين فى غيهم بس فاضل ليهم يضعو كلمة العربية الاسلامية ملحقةجمهورية السودان ...اها كيفن الدبارة .?
السودان دا مافيهو غير دعاة المشروعين ديل ..???
____________________________
سودانيز اونلاين
| |
|
|
|
|
|
|
|
|
|
Re: ما الذي يجمع بين السودانيين؟ (Re: Amira Elsheikh)
|
يا أميرة يا بت الشيخ
Quote: تعارضات الهوية دى ما بتتحلا بمنفستو يا عيدروس .....
كثير من الجدل المدور هنا* حول الهويةيعّمق المشكلة اكثر ... |
الأنسان لما كان ما بي يفهم قوانين الجاذبية و ديناميكا الهواء كانت
القوي دي هي المانع لي إنو يطير، لما فهمها بقت القوانين دي جزء من الحل
ما جزء من المشكلة و طارالإنسان في السماء وهسه بي يغزو الكون.
المشكلة إنو كل المشاريع الأيدولوجية المطروحة ما شغالة في الواقع
السوداني، شغاله في مجال مختلف، شغالة علي مستوي كوني، وناسين السودان
و غايةاحلامهم و مشاريعهم هي تكوين إمميات بي أخوة و رفاقية لي ناس
مابي يجمعهم معاهم الوطن، بي تجمعهم معاهم الأيدولوجيا.أنا ما بقول أي زول
يخلي إنتماءاته و مشاريعه بس يكون في اولويات و الأولوية هي لي
أخوك و أختك السودانيين حتي لو مختلفين في هويتهم و إنتماءاتهم
و لي مشروع السودان - الوطن.
| |
|
|
|
|
|
|
|
|
|
Re: ما الذي يجمع بين السودانيين؟ (Re: aydaroos)
|
الاستاذ عبدالله أدريس .. تحية و سلام
| Quote: اتفق مع الجميع ، المواطنة ودولة القانون هي الضامن الوحيد لنا كسودانيين ، فشل الدين وفشل العرق " وهو اكثر المحاور تعقيدا " في جعل السودانيين امة واحدة وبالعكس اسهم كثيرا فيما وصلنا اليه من انحطاط. |
بتفق معاك في مجمل كلامك ، بس إختلافي إنو الفشل في الأيدولجيات و المشاريع
العاوزه تنجز مشاريع علي مستوي كوني و غالبها تحل مسألة السودان الوطن
يعني ما عندي مشكلة مع صاحب أيدولوجيا دينية إذا إنطلقت من الواقع السوداني
و كنتيجه ما عندها فارق بين اي سوداني و السوداني الأخر حتي لو إختلف
مع الدين البي تستند عليه الايدولوجيا. بمعني الإعتراف بمساواة كل
السودانيين في وطنهم و الإعتراف بي حقوقهم و العمل علي حل مشاكلهم
هم و ليس مشاكل وطن مفترض آخر ... أو حل مشاكل الكون.
ياخي أكلا" ما كفي اسيادو .. يحرم علي الجيران.
| |
|
|
|
|
|
|
|
|
|
Re: ما الذي يجمع بين السودانيين؟ (Re: aydaroos)
|
الأستاذ عثمان عبد القادر سلام و تحية
Quote: والهيلكم صحيح وفيها ما بتنغلبوا ***** فالحين في القنيص ترعوا وتعرفوا تحلبوا !!!!!!!!!!!
|
دايما" الحلول رغم بساطتها و سهولتها، الناس ما بي تشوفها لأنو
عيونهم مغطية بي غشاوة الايدولوجيا و المشاريع المختلفة عن الواقع
الايدولوجيا دي مرات الزول بي يكون متبنيها وواعي بيها و مرات بي
تكون مسيطرة عليهو بدون ما يوعي.
أها بدل الناس تعاين بره، ما تعاين لي الهيلا دا ولي ناسها
و أول ما يجعل من أي ايدولوجيا أو مشروع، مشروعا" واقعيا"
و يعمل في الواقع السوداني، هو أن يعترف بمساواة السودانيين بمختلف
إنتماءاتهم. و
والهيلكم صحيح وفيها ما بتنغلبوا ***** فالحين في القنيص ترعوا وتعرفوا تحلبوا !!!!!!!!!!!
| |
|
|
|
|
|
|
|
|
|
Re: ما الذي يجمع بين السودانيين؟ (Re: aydaroos)
|
يعني بالعربي كدا ،إذا أفكارك ما منطلقة من الواقع السوداني
و في تطبيقها حا تميز بين السودانيين ، ما تحاول تغير السودانيين
أمشي غير أفكارك.
إذا الزول عاوز ينتمي لي حزبك محتاج لي حاجه غير إنو يكون سوداني
فجلابية حزبك دي ضيقة و ما بي تشيل مكونات المجتمع السوداني المعقده
و الغنيه في تعقيدها، أمشي غير دستور حزبك.
| |
|
|
|
|
|
|
|
|
|
Re: ما الذي يجمع بين السودانيين؟ (Re: aydaroos)
|
يا ممدوح يا أبارو، قلتا
Quote: يا صديق المواطنة عندي
علاقة متبادلة بين الفرد(المواطن) والدولة (بلدالمواطن)
أي كفالة حق التعايش بسلام واقتسام الموارد
الصحة والتعليم وووو كل مقومات العيش الكريم للمواطن
مع قيامه بواجباته تجاه الدولة بالتقيد بالقوانين وخلافه
. |
و تاني قلتا
| Quote: بالطبع السوداني هو الاقرب لي غض النظر عن ديانته وعرقه . |
أها الكلام دا عشان كل الناس تشوفو لازم ينتبهو لي الآتي:
1- الدستور لازم يساوي بين كل المواطنين غض النظر عن إختلافاتهم.
2- الاحزاب المنطلقه من ايدولوجيالازم تلقي إجابات من الواقع السوداني
للمشاكل السودانية تنطبق عليها الايدولوجيامش العكس (الايدولجياأداة
و ليست الحل إذا عجزت عن أن تفسر الواقع و تحل مشاكله
غير الأيدولوجيا و لا تقسر الوقائع لتطابق الأيدولوجيا)
3- إذا تغيرت طريقة التفكير شوية شوية الوجدان حا يتغير
و أخوك و أختك السوداني و السودانية حا يكونو اقرب ليك من
أخوانك في الايدولوجيا.
| |
|
|
|
|
|
|
|
|
|
Re: ما الذي يجمع بين السودانيين؟ (Re: aydaroos)
|
اخوي الطيب مصطفي
Quote: بعد إذنك يا خوي عيدروس البجمع بين السودانيين هو
البشتنةالبهدلةالبستفةالمرمطةالمهزلةالملطشةالمسغبة
المنكبة
وهلم جرا تجرنا تودينا في ستين داهية مع ناس الإنقاذ ديل |
أها رايك شنو لو قلت ليك إنو الأنقاذ دي هي تجلي و نتاج لتوالد
أزماتنا. و الأزمة الأساسية إنو النخب بدل تشتغل علي الواقع السوداني
و تشوف حلول لمشاكل السودانيين إنشغلت بتنزيل حلول جاهزة و قماش
فكري مفصل علي وقائع مختلفة و محاولة إلباسه للسودان ، لا لحل
مشاكل السودانيين بل ل:
1- تحقيق الخلافة الراشدة علي الارض 2- تحقيق الإممية الغشتراكية
3- تحقيق الوحدة العربية
انا ما عندي مشكلة مع الاهداف دي ، لكن إستخدم الايدولجيا كاداة لتحليل
الواقع السوداني و هدفك هو رفاهية المواطن السوداني ، المواطن السوداني
فقط. لأنو في سبيل تحقيق اهداف كونية، ضيعنا الوطن و المواطن السوداني/ية
| |
|
|
|
|
|
|
|
|
|
Re: ما الذي يجمع بين السودانيين؟ (Re: عثمان عبدالقادر)
|
أخي عثمان عبد القادر
Quote: فالإنتماءات الإثنية الضيقة والآيدولوجيا ما هي إلا ضلال عن سواء
السبيل المحقق للمصالح وظن باطل لتحقيق حاجات النفس الآمارة
ووسيلة خاطئة في بلد لم يتوصل فيه حملة الشهادات إلى معرفة
ابتدائية بالقواسم المشتركة سالبةً كانت أو موجبة لإقامة نظام
يدير مصالحهم الدائمة المتقاطعة وفضلوا عليها الفهلوة الفردية
الزائلة بزوال الشموليات!. |
و بضيف ليك و الديمقراطيات كذلك
الفكرة الاساسية البنطلق منها يا عثمان، أنو العنف نتيجة الإحتلال
الخرب الحضارة السودانية من إنهيار دويلات النوبة(بالعنف) مرورا" بالأستعمار الإنجليزي
و إنتهاءا" بإسقاط دولة الفور، خلا الوعي الجماعي السوداني في حالة هزيمة و دفاع
و الحلة دي بي تودي لي عدة حاجات منها:
1- تبني ثقافة المنتصر .
2- الرجوع الي حضارتك و تبنيها بطريقة تعصبية و تلبيسها علي الواقع المختلف.
3- تبني مدارس من داخل ثقافة المنتصر و لكنها في موقف نقد له.
(الغريبة أنو نحنا في صراعنا مع الآخر ما رجعنا لي الحضارة النوبية.. رجعنا
لي الحضارة العربية الأسلامية، و دي دايرا ليها نقاش منفصل)
انا مشكلتي الأساسية أنو المواقف المختلفة دي ما كانت بي تشتغل علي الواقع السوداني
بي الادوات الايدولوجية، كانت بي تلبس الواقع توب الايدولجيا الضيق.
و المحك عندي هو الإعتراف بمساواة كل السودانيين بغض النظر عن إختلافاتهم العرقية
و الدينية .
| |
|
|
|
|
|
|
|
|
|
Re: ما الذي يجمع بين السودانيين؟ (Re: حامد بدوي بشير)
|
Quote: و المحك عندي هو الإعتراف بمساواة كل السودانيين بغض النظر عن إختلافاتهم العرقية
و الدينية . |
ودي ياعيدروس اخوي تحتاج آليات أكثرها رحمة التنوير الذي كان أول قرابينه الأستاذمحمود محمد طه وشوف كم من الوقت وهبه لهذا الأمر!؟ وكم عدد الضحايا
مضروب في خمسين سنة لكل ضحية نحتاجه لنحقق هذا التنوير ؟ أما الآلية الأقل رحمة فعليك زيادة الضحايا لتختصر الوقت عن طريق الفوضي الخلاقة وأقله حرب
أهلية طاحنة في السودان حتي تفهم العقول عمليا وبأكثر الطرق قسوة ومرارة وغير ذلك سيكون هذا المطلب طوياوية وأحلام غير قابلة للتحقق واقعا.
أبوحمـــــــــــــد
| |
|
|
|
|
|
|
|
|
|
Re: ما الذي يجمع بين السودانيين؟ (Re: عثمان عبدالقادر)
|
سلامات عثمان عبدالقادر أخوي
| Quote: ودي ياعيدروس اخوي تحتاج آليات أكثرها رحمة التنوير الذي كان أول قرابينه الأستاذمحمود محمد طه وشوف كم من الوقت وهبه لهذا الأمر!؟ وكم عدد الضحايا مضروب في خمسين سنة لكل ضحية نحتاجه لنحقق هذا التنوير ؟ أما الآلية الأقل رحمة فعليك زيادة الضحايا لتختصر الوقت عن طريق الفوضي الخلاقة وأقله حرب أهلية طاحنة في السودان حتي تفهم العقول عمليا وبأكثر الطرق قسوة ومرارة وغير ذلك سيكون هذا المطلب طوياوية وأحلام غير قابلة للتحقق واقعا. |
هي الحرب أصلها شغالة يا عثمان أخوي و أكلت ما أكلت و لسه الناس
ما وصلت لي حلول ناجزة لي إصول المشاكل في البلد المنكوب دا
أها قلت بالنقاش معاكم يمكن نصل لي رأي
| |
|
|
|
|
|
|
|
|
|
Re: ما الذي يجمع بين السودانيين؟ (Re: حامد بدوي بشير)
|
أستاذحامد البدوي بشير سلامات
Quote: Quote: الدين؟
العروبة؟
الزنوجة؟
هذه هي عوامل التفرقة. |
و إتعلمنا يااستاذ بشير إنو بالطرق العلمية للتفكير و فهم إصول المشاكل
عوامل التفرقة ممكن تتحول لي عوامل تجميع و وحدة إذا إتختت في إطار
فلسفات التغيير.
وانا رأيي إنو المشكلة في الفهم لا في الدين ولا في العروبة ولا في الزنوجة.
المشكلة في المشاريع السياسية/الإقتصادية/ الإجتماعية للنخب.
| |
|
|
|
|
|
|
|
|
|
Re: ما الذي يجمع بين السودانيين؟ (Re: aydaroos)
|
أخوي عثمان عبد القادر
| Quote: وأقله حرب أهلية طاحنة في السودان حتي تفهم العقول عمليا وبأكثر الطرق قسوة ومرارة وغير ذلك سيكون هذا المطلب طوياوية وأحلام غير قابلة للتحقق واقعا. |
عشان الهدر و الصراع يتوقف و عشان يتحقق مبدأ
أن كل السودانيين بغض النظر عن الدين والعرق و كل الإنتماءات
متساوين في كل الحقوق و الواجبات.
لازم ندور النقاش طوالي مادام دا اساس بي يجمع كل السودانيين
ليه اي مجموعة/ طبقة/ حزب سياسي/ طائفة في السودان في كل العهود
بعد الأ ستقلال في الديمقراطية و في العهود العسكرية بي تحاول تفرض
رؤاها علي الباقين بأسم انهم اغلبية؟.
ماهي حدود كلمة أغلبية في الدول؟
ليه ما أذا كان الواحد سوداني طوالي أوتماتيكي بي تتوفر ليه
الحقوق الأساسية زي الباقين؟
يعني شنو تكون سوداني و النظام السياسي الأجتماعي ما بضمن حقك
في أن يكون لك طموح في الصعود المهني ناهيك عن الإجتماعي و السياسي.؟
يعني شنو تكون ما بي تتكلم العربية و يفرض عليك سجن ثقافي
لا يرتبط باهلك و لا أبوك و لا جدك ولي ورا لحدي أكتر من سبعة الف سنة؟
يعني شنو يكون دينك مختلف (دين سوداني اصلي) و تواجه بانك كافر
و يجلد و يسجن اولادك بقوانين دين اخر، و دينك و دين ابائك
مرتبط بوجدانهم و نظامهم الإجتماعي منذ الاف السنين؟
| |
|
|
|
|
|
|
| |
aydaroos
ممدوح أبارو
عثمان رضوان
doma
Hamid Elsawi
محمد المختار الزيادى
الامين موسى البشاري
عثمان عبدالقادر
Abdullah Idrees
حامد بدوي بشير
فيس بوك
تويتر
انستقرام
يوتيوب
بنتيريست