كتب الكاتب الفاتح جبرا المتوفرة بمعرض الدوحة
|
|
 السادة معارضي المعارضة ... فهمكم شنو
|
اولا اعتبار المقامات يعني ارتباط الانسان بمجتمعه
عندما دخل سيدنا محمد صلى الله عليه وسلم مكة
قال
من دخل دار ابي سفيان فهو آمن
وكان حديث عهد (لنج بالاسلام .. ولما يتوكر الايمان في قلبه بعد) ورفم ذلك اعطاه الرسول صلى الله عليه وسلم قيمته وجعل له مكانته
احزاب المعارضة نختلف معها .. ننتقدها ونعمل على اصلاحها ولكن لا نبخسها و لانغمطها حقها ولا نعمل على تدميرهأ
لقد حاولت العسكريات المختلفة تدمير هذه الاحزاب فدمرت السودان
والاحزاب التي اعنيها
الامة .. الاتحادي .. الشيوعي .. مؤتمر المستقلين .. والاغلبيات الصمتة والتي تتوزع بين اليمين واليسار . القابضين على جمر الوطنية الذين لم يتدنسوا بالمال الحرام او بالوظيفة الرشوة .. يؤدون عملهم في تجرد في مختلف المواقع خدمة لهذا الوطن هؤلاء المتخندقين في خندق المعارضة ينظرون لسفه الانقاذ وهي تهدر في امكانيات البلد وتحيق باهله الظلم وتبيع امنه ببخس التراب
وفي الجانب الاخر وفي هذا المنتدى نفر من الاقلام يدعي انه ضد الحكومة لظلمها ولكنه ضد المعارضة
هل المعارضة هي بضع افراد يكتبون وفق رؤاهم ووفق اهواءهم في حين ان المعارضة الحقيقية هي الملايين من الفقراء والكادحين والباحثين عن اللقمة الحلال داخل خارج الوطن
اية معارضة هي التي يعارضونها
هل يعارضون الاحزاب ؟
زاي احزاب يعارضونها؟
ماذا يريدون ؟
فليتحدوا وليكونوا تنظيما بعيدا عن هذا الكتلة المسماه اعلاه ولتكن رؤيتهم واضحة تجاه الحكم القائم الان حتي نتخندق معهم
ولكن ان يكون الهجوم فقط على المعارضة بهلامية فهذا يصب في تأييد الانقاذ الموجودة بشكلها الظالم الحالي
لايوجد معسكر وسط
اما مع الحكومة او ضدها باي مسمى كان
|
|
 
|
|
|
|
|
|
|
|
Re: السادة معارضي المعارضة ... فهمكم شنو (Re: د.محمد حسن)
|
الله يفتح عليك يا دكتور ...
| Quote: وفي الجانب الاخر وفي هذا المنتدى نفر من الاقلام يدعي انه ضد الحكومة لظلمها ولكنه ضد المعارضة |
إذاً فليعارضوا بالطريقة التي يرونها تناسبهم ... بل لماذا لا يكونوا نورنا الذي يُستضاء به في طريق النضال ... وليطرحوا لنا خارطة الطريق التي ستقتلع النظام ...
وخارطة أخرى لكيفية قيادة البلد بعد زوال النظام ...
يا عمّك في ناس متخصصة بس ردود لتكذيب المُعارضة ويطرشني ما حصل يوم شفت لي واحد فتح ليهو بوست انتقد الحكومة أو داخل ليهو في بوست أدان الحكومة !!!
أها النوعية دي يسمّوها شنو ؟
ما أظن لقب "رمادي" لائق لأن اللون الرمادي يأخذ من الأسود والأبيض ...
دة اسمو لون أسود ضارباهو الشمس 
ولك ودّي ،،،
| |
|
|
|
|
|
|
|
|
Re: السادة معارضي المعارضة ... فهمكم شنو (Re: صبري طه)
|
Quote: إذاً فليعارضوا بالطريقة التي يرونها تناسبهم ... بل لماذا لا يكونوا نورنا الذي يُستضاء به في طريق النضال ... وليطرحوا لنا خارطة الطريق التي ستقتلع النظام ...
وخارطة أخرى لكيفية قيادة البلد بعد زوال النظام ...
¡¡¡ |
ده الكلام
احترامي وتقديري
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: حمزاوي)
|
هؤلاء ما أكثرهـم أخ محمد حسن وما أغباهـم وما أحرهم على قلوبنا,
أقلام مشوهة الخواطر تفرض سفسطة وتنسـل محاولة فرض رؤيتها الرمادية الإنتهازيـة
وخلايا نائمة تأتمر بأمر آمرها الديكتاتور الغاشم الظالم,
لف ودوران ولغة مستديرة لزجة وصولية ونفعية لا تضع أي اعتبار للشعب الأعزل الفقير المنكوب بالأزمة المستفحلة المسماة الإنقاذ,
أناس لا يرون (عـوج) رقبة الجمل ولو أمسكت بأيديهم ومررتها على عنق البعير, وهم لا يريدون ذلك لأنهم رضوا لأنفسهم بأن يخدموا أغراض الطاغوت كما قال المولى الكريم في شأن المنافقين ... (رضوا بأن يكونوا مع الخوالف ...)
أحمد الشايقي
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: أحمد الشايقي)
|
يعني اللي ما معاكم مع الحكومة...؟؟؟؟
و اللي شايف إنكم كذابين و الحكومة كذابة إمشي وين...؟؟؟
صبري خليك وااااااضح و سمي بي أسماء....... الكلام المجهجه دا لف و دوران في الفارغة
طالما إنو اللي ما معاكم مع الخيانة إبقى خلوها وااااااااااضحة و بلاش لف و دوران
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
Quote: يا عمّك في ناس متخصصة بس ردود لتكذيب المُعارضة ويطرشني ما حصل يوم شفت لي واحد فتح ليهو بوست انتقد الحكومة أو داخل ليهو في بوست أدان الحكومة !!!
أها النوعية دي يسمّوها شنو ؟ |
ما بحبو الكــذب يا صبري
يكفي إنو بوستات المعارضة إدعت بي إنو في شهيد إسمو محمد عبدالرحمن و الدفن في مقابر أمبده.....
.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
Quote: ما بحبو الكــذب يا صبري
يكفي إنو بوستات المعارضة إدعت بي إنو في شهيد إسمو محمد عبدالرحمن و الدفن في مقابر أمبده.....
|
يا عمّك ما أسهل تناقل الإشاعات والأخبار الكاذبة ...
فإذا حدث ذلك من واحد لاحظ كلمة واحد دي وخط تحتها خطين ... إذا حدث من واحد أن قام بإشاعة خبر كاذب وتداولته وسائل الإعلام وانتشر بسرعة الصاروخ واتضح فيما بعد عدم صحة هذا الخبر هل سنقوم بإلقاء هذه الإشاعة الكاذبة على كل المعارضين منظمين وغير منظمين ؟!
أها أنا معارض وغير منظم ذنبي شنو مع الخبر المبرك دة ؟!
مع إني نقلتو بضبانتو لأحد المنتديات من موقع الراكوبة وذكرت المصدر ... وبرضو الراكوبة ذكرت المصدر اللّفحت منو الخبر وهكذا ...
أن يقع الناس ضحية للأخبار الكاذبة من فرد واحد أو مجموعة أفراد هل هذا يعني أن كل المعارضين كذّابين ؟!
دة من ناحية ...
ومن ناحية تانية لو إنت عندك رأي في المعارضة كووووووووولها وين موقعك من النظام ؟
هل أنت مؤيد له أم ضده ؟
إذا كُنت ضده أين دورك في النضال والمعارضة ؟
ولك ودّي ،،،
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: صبري طه)
|
قانون نفي النفي إثبات
معارض المعارضة مؤيد للحكومة
علي الأقل الحكومة ديكتاتورية جاءت بإنقلاب فالطبيعي أن يعارضها كل الناس
لأنها سرقت خيارهم الديمقراطي
المعارضة أصلا كانت في حكومة ديمقراطية إنتخبها الشعب
يعني خياره في إنتخابات حرة نزيهة
فعلي الأقل الحكومة ديكتاتورية
والمعارضة ديمقراطية
فِإذن معارض الديمقراطية ديكتاتوري
حتي وإن ملأ الأرض ضجيجا أنه بس بكره المعارضة وكمان معاها الحكومة
معقول بعد كم وعشرين سنة ديكتاتوربة وقتل وتعذيب ومصادرة الحرية ومحارية حقوق الإنسان ولسه نصدق وهمات زي دي؟؟؟؟؟؟
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: صبري طه)
|
| Quote: يا عمّك ما أسهل تناقل الإشاعات والأخبار الكاذبة ... |
كيف ما أسهل يا صبري....؟؟؟؟؟
دا في القعدات الخاصة و ونسة بيوت البكاء و في الشوارع
لكن في منتديات عامة و مواقع إخبارية دا شئ تاني يا صبري.....
Quote: فإذا حدث ذلك من واحد لاحظ كلمة واحد دي وخط تحتها خطين ...
إذا حدث من واحد أن قام بإشاعة خبر كاذب وتداولته وسائل الإعلام وانتشر بسرعة الصاروخ
واتضح فيما بعد عدم صحة هذا الخبر
هل سنقوم بإلقاء هذه الإشاعة الكاذبة على كل المعارضين منظمين وغير منظمين ؟! |
نعم يا صبري......
إنت اللي نقلت الخبر هنا قبل ما تتأكد منو إبقى إنت كذاب...
و لا عايزني أتابع إنت جبت الخبر من وين و أمشي للي بعدو لغاية ما أصل لأول واحد فبرك الخبر..؟؟؟
| Quote: أها أنا معارض وغير منظم ذنبي شنو مع الخبر المبرك دة ؟! |
ذنبك إنك نقلت خبر كاذب و تتحمل مسؤلية الخبر الكاذب...
| Quote: أن يقع الناس ضحية للأخبار الكاذبة من فرد واحد أو مجموعة أفراد هل هذا يعني أن كل المعارضين كذّابين ؟! |
لم خبر واحد كاذب و إنزل هنا في أكتر من بوست و كلهم معارضين إبقى شنو يا صبري..؟؟؟؟
لم أكتر من معارض ينقلو كم خبر من مصدر كاذب و إتضح إنو الكم خبر دي كاذبة إبقى شنو يا صبري..؟؟؟
Quote: ومن ناحية تانية لو إنت عندك رأي في المعارضة كووووووووولها وين موقعك من النظام ؟
هل أنت مؤيد له أم ضده ؟
إذا كُنت ضده أين دورك في النضال والمعارضة ؟ |
هي المعارضة و المناضلين دورهم شنو يا صبري...؟؟؟؟
الحكومة ليها 22 سنة قااااااعدة و تسوي العايزه تسويه
الحكومة إستلمت الحكم بي سبب المعارضة
الحكومة قتلت و شردت و إغتصبت و سرقت و نهبت و عملت أي شئ وين المعارضة..؟؟؟
لو في معارضة الحكومة دي كانت عملت ليهم حساب و ما كانت بتعمل كل العملتو دا
ناس الحكومة لغاية الآن بخططو على أنهم حا إحكمو 500 سنة لأنو مافي معارضة
.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
Quote: الحكومة قتلت و شردت و إغتصبت و سرقت و نهبت و عملت أي شئ وين المعارضة..؟؟؟
|
ابو الحسين سلامات
طيب العملتو حكومة السجم دى يساوى شنو مقابل
عشرات الاخبار الغير سليمة...بعدين المعارضة
تسوى شنو امام السلطة المتسلطة دى
| |
|
|
|
|
|
|
|
|
 Re: السادة معارضي المعارضة ... فهمكم شنو (Re: معاوية عبيد الصائم)
|
Quote: نعم يا صبري......
إنت اللي نقلت الخبر هنا قبل ما تتأكد منو إبقى إنت كذاب... |
يا عمّك عشان أنا أتأكد من الخبر دة 100% إلاّ أكون بعرف أهل الشهيد وأتصل عليهم وأسألهم ولدكم مات ولاّ عائش ؟!
ودة برضو متعلق بكل أخبار الوفيات وفي كل أجهزة الإعلام من فضائيات وجرائد ومواقع إنترنت ...
يعني أنا عشان أتأكد من خبر وفاة زيد من الناس 100% لازم أكون بأعرف أهلو وأتصل عليهم وأسألهم ولدكم إتلحس ولاّ ما إتلحس !!!
يا عمّك عليك الله قول كلام يخش الراس ...
أنا نقلت من موقع إنترنت والموقع نقل من موقع تاني وحتى البي بي سي ما قصّرت !!!
يبقى الزول الكذاب هو أول واحد طلّع الخبر !!!
باختصار لو جاك صاحبك قال ليك فلان مات وإنت قلت لصاحبك التاني وطلع فلان ما مات صاحبك التاني دة حيعملك مسليمة الكذّاب ولاّ حيقدّر ظرف إنك إتغشيت ؟!
ـــــــ
ياخي قول كلام غير كدة
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
| Quote: طيب ما دي الحكومة بتكذب اكثر من عشرين سنة .. موقفك منها شنو ؟؟ |
الحكومة جات بي كذبة و قدام كل الأحزاب
عملو ليها شنو ...؟؟؟
الحكومة إشترت ذمم من كل الأحزاب و تبوأو مناصب مع الحكومة و فيهم من جلس في القصر الجمهوري
وين النضال هنا
جعجعة كذابة .......
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: محمد البشرى الخضر)
|
Quote: انت يا ابوحسين استلمت الردود على الدنيا كلها مالك
ياخوي ما تكون اتحسست |
اخي محمد البشرى
في فرق بين الاحزاب المعارضة
والمعارضة الجماهيرية التي لا تنتمي الى هذه الاحزاب او الكيانات اوما اصطلح عليه بالاغلبية الصامتة
وفي ظل الحكومات الديمقراطية بتكون هناك حكومة منتخبة شرعيا ومعارضة برلمانية منتخبة شرعيا
واغلبية صامتة تراقب الاثنين لاا مع هذا ولا مع ذاك
اما
ان يكون الفرد يتفق معك في ان الحكومة ظالمة وغاشمة وفيها كل السوء ويوجه سهامو نحو المعارضة حاجة تخجل
والا انا غلطان
قلنا وبنقول المعارضة عندها اخطاءها وبننتقدها عليها والحكومة كلها غلط وما عايزينها
وبس
م. ب . خ. الف شكر ليك
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
Quote: قانون نفي النفي إثبات
معارض المعارضة مؤيد للحكومة |
ليه ما إكون المعارض للمعارضة دا عايز إقوم المعارضة علشان تقوم بي دورها الطبيعي
ليه وضعتو نفسكم زي كأنكم ملائكة و غيركم هو الشيطان
Quote: علي الأقل الحكومة ديكتاتورية جاءت بإنقلاب فالطبيعي أن يعارضها كل الناس
لأنها سرقت خيارهم الديمقراطي
المعارضة أصلا كانت في حكومة ديمقراطية إنتخبها الشعب
يعني خياره في إنتخابات حرة نزيهة
فعلي الأقل الحكومة ديكتاتورية
والمعارضة ديمقراطية
فِإذن معارض الديمقراطية ديكتاتوري
حتي وإن ملأ الأرض ضجيجا أنه بس بكره المعارضة وكمان معاها الحكومة |
الحكومة الدكتاتورية دي جات لأنو المعارضة اللي كانت حاكمة بعد إنتفاضة قام بيها الشعب السوداني
معارضة خااااااااااااااااايبة فرطت في الإنتفاضة و هيأت الجو المناسب لقيام إنقلاب عسكري
و الإنقلاب تم من حزب كان في البرلمان و الشعب قرف من الحكومة الديمقراطية علشان كدا
لم جاء الإنقلاب مافي زول طلع الشارع علشان إرفض الإنقلاب...
إذا كان المعارضة ديمقراطية قول لي الأحزاب المعروفة في المعارضة كل رؤسائها من ما ولدونا لغاية الآن ما إتغيرو..؟؟؟
قول لي كم حزب عقد
Quote:
معقول بعد كم وعشرين سنة ديكتاتوربة وقتل وتعذيب ومصادرة الحرية ومحارية حقوق الإنسان ولسه نصدق وهمات زي دي؟؟؟؟؟؟ |
صدق إذا كان الدكتاتورية دي تم التخطيط ليها من ضلالي الآن في المعارضة الديمقراطية
.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
Quote: ليه ما إكون المعارض للمعارضة دا عايز إقوم المعارضة علشان تقوم بي دورها الطبيعي
ليه وضعتو نفسكم زي كأنكم ملائكة و غيركم هو الشيطان |
سلام ابوحسين
شخصيا لا اعتراض عندي على النقاش مع اي شخص مهما كان موقفه حتى ولو كان موالي للحكومة وبصورة مباشرة ولكن أهم مرتكز للنقاش والحوار واحترام الرأي الاخر هو المبدئية في المواقف وعدم ازدواجية المعايير وانت تخلط في هذه كثيرا وهذا ما يصنفك بصورة مباشرة في خانة الموالي المتستر برداء معارضة المعارضة
في هذا البوست شعب عظيم ومعارضة خائنة تلاسن الحبيب عمر فضل المولى والدكتورة بيان ولم يكن الاول في التلاسن بينهم
أنت اتيت لتدين اسلوب عمر وتدخلت لأقول لك ان عمر اذا اخطأ فأن نجاة اخطأت والصحيح هي ادانة الشتم من كل الجوانب وليس تصيد اخطاء البعض والتغافل عن اخطاء الاخرين وبعد مداخلات كثيرة حاولت فيها الالتفاف على الامر اتبت وكتبت هذه المداخلة التي وضحت تماما انك لا تستهجن الخطأ في حد زاته ولكن تبحث في اخطاء المعارضين فكيف تعلل ذلك ان لم يكن موالاة لنظام الانقاذ Quote: يا كونت بإختصار شديد جداً عمر بدأ الإساءة لي د. نجاة هنا في البوست دا و يستحق أي إساءة توجه ليه في البوست دا
عايزني أنا أدين د. نجاة و هي ردت على الإساءة لا و ألف لا يا كونت
الإساءة بردو عليها بالإساءة و الكلمة الطيبة بردو عليها بالكلمة الطيبة |
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
| Quote: الحكومة قتلت و شردت و إغتصبت و سرقت و نهبت و عملت أي شئ |
اخي ابو الحسين
سلام واحترام
يسعدني ان اجدك في هذا البوست كأول مرة نتداخل مع بعضنا نحن ناس الرياض
طيب الكلام المقتبس اعلاه عن الحكومة كلامك
هذه الحكومة القاتلة والتي بسطوتها وجبروتها شردت واغتصبت وسرقت ونهبت وعملت اي شي انت معاها والا ضدها؟
ويظل بيننا الاحترام
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: د.محمد حسن)
|
Quote:
لايوجد معسكر وسط
اما مع الحكومة او ضدها باي مسمى كان |
عزيزي / دكتور محمد حسن
هذا ما ظللنا ننادي به منذ امد طويل
وتجدني متفق معك تماما في انه لا توجد
منطقة وسطى في القضاياالوطنية التي
لا تقبل ايضا القسمة على اثنين باي
حال من الاحوال .
لك معزتي
خضر
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: د.محمد حسن)
|
ود البشرى
Quote: انت يا ابوحسين استلمت الردود على الدنيا كلها مالك
ياخوي ما تكون اتحسست |
إنت ياخوي مُصنف على إنك رمادي يعني الكلام ليك.....
عايز أشوف اللي بكذب المعارضة إكون مع الإنقاذ كيف...؟؟
يعني لم تكون معارض تبقى إنك ملااااااااااااااااااااااااااااكـ و كل كلامك صدق و مافي زول إقول ليك تلت التلاتة كم..
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
أخونا د. محمد حسن سلام
Quote: اخي ابو الحسين
سلام واحترام
يسعدني ان اجدك في هذا البوست كأول مرة نتداخل مع بعضنا نحن ناس الرياض
طيب الكلام المقتبس اعلاه عن الحكومة كلامك
هذه الحكومة القاتلة والتي بسطوتها وجبروتها شردت واغتصبت وسرقت ونهبت وعملت اي شي انت معاها والا ضدها؟
ويظل بيننا الاحترام |
أنا مع ضميري و عندي الحكومة كذابة و ضلالية و المعارضة زيها.
تحياتي و إحترامي
.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
Quote: أنا مع ضميري و عندي الحكومة كذابة و ضلالية و المعارضة زيها.
|
اخي ابو حسين
سلام من الله عليك
انا ايضا مع ضميري وما عندي انتماء سياسي الا للوطن وعندي راي في المعارضة
لكن بالواضح انا ضد الحكومة الكذابة الانت ذكرتها
وما بخفي معارضتي للحكومة
انت عندك المعارضة كذابة وانت ضدها وعارض ليها
فهل انت ضد الحكومة الكذابة ومعارض ليها
وتقبل احترامي
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
Quote: يا عمّك عشان أنا أتأكد من الخبر دة 100% إلاّ أكون بعرف أهل الشهيد وأتصل عليهم وأسألهم ولدكم مات ولاّ عائش ؟!
ودة برضو متعلق بكل أخبار الوفيات وفي كل أجهزة الإعلام من فضائيات وجرائد ومواقع إنترنت ...
يعني أنا عشان أتأكد من خبر وفاة زيد من الناس 100% لازم أكون بأعرف أهلو وأتصل عليهم وأسألهم ولدكم إتلحس ولاّ ما إتلحس !!!
|
إبقى يا صبري أنقل ليك خبر من مصدر معرووووف علشان ما تكون ناقل لي خبر كاذب دي صعبة..؟؟؟؟
| Quote: يا عمّك عليك الله قول كلام يخش الراس .. |
إنت الكلام دا كلو ما دخل راسك يا صبري.....؟؟؟؟
شوف يا صبري بما إنك معارض و مناضل كمان إبقى راسك دا ما حا إدخل فيه كلام إلا إكون بأيد أفكارك
عليك بي جريدة حريات بتلقى فيها كلام إدخل راسك بدون أي تأخير...
Quote: أنا نقلت من موقع إنترنت والموقع نقل من موقع تاني وحتى البي بي سي ما قصّرت !!!
يبقى الزول الكذاب هو أول واحد طلّع الخبر !!! |
أول واحد لأنو كان متأكد إنو في ناس زيك حا إصدقيه علشان كدا فبرك الخبر
و المستفيد الوحيد من الخبر دا هي الحكومة يعني إنت خدمت الحكومة...!!!!
Quote:
باختصار لو جاك صاحبك قال ليك فلان مات وإنت قلت لصاحبك التاني وطلع فلان ما مات صاحبك التاني دة حيعملك مسليمة الكذّاب ولاّ حيقدّر ظرف إنك إتغشيت ؟!
ـــــــ
ياخي قول كلام غير كدة |
يعني إنت كلامي ما دخل راسك و عايزني أقول كلام غير كده...
و بتقول صاحبي قال و أنا قلت لي صاحبي و صاحبي قال لي صاحبو....
القوالة دي عايز تسقط بيها حكومة...؟؟؟؟؟
أهي الحكومة ضحكت عليكم و خدمتوها بتشويه المعارضة و إلصاق تهمة الكذب بيها..
.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
قال أبوحسين
Quote: الحكومة الدكتاتورية دي جات لأنو المعارضة اللي كانت حاكمة بعد إنتفاضة قام بيها الشعب السوداني
معارضة خااااااااااااااااايبة فرطت في الإنتفاضة و هيأت الجو المناسب لقيام إنقلاب عسكري
و الإنقلاب تم من حزب كان في البرلمان و الشعب قرف من الحكومة الديمقراطية علشان كدا
لم جاء الإنقلاب مافي زول طلع الشارع علشان إرفض الإنقلاب...
|
الديكتاتورية جات لأنه الجبهة الإسلامية--وبإعتراف قادتها ومؤرخيها ودونك كتاب المحبوب عبد السلام-- كانت قد قررت الإستيلاء علي السلطة
وكان ذلك القرار قد إتخذ قبل الحكومة الديمقراطية المعنية بفترة
ولذلك السبب فقد ساهمت الجبهة الإسلامية وبنوكها الإسلامية ومتنفذيها في جهاز الدولة وخارجه في قدر كبير من تخريب الإقتصاد والحياة السياسية والإجتماعية تمهيدا لذلك الإنقلاب.
كانت الجبهة الإسلامية التنظيم الوحيد الذي يملك أكثر من خمس من الصحف وملايين من الدولارات والتسهيلات من قبل بنك فيصل وبقية البنوك الإسلامية.
وكان التنظيم يعد كوادره داخل الجيش لإنقلاب--حتي ولو نجحت الحكومة الديمقراطية بنسبة ألف في المية--فالإنقلاب قائم قائم.
ثم أن الحكومة الديمقراطية كان عليها إصلاح خلل كبير --ثقب أسود-- في الإقتصاد السوداني سببه النميري وحلفاءه ناس الجبهة الإسلامية طيلة الثمانية سنين الاخيرة في حكمه. ولم يكن بمقدور الحكومة الديمقراطية النجاح بفضل المجهودات الخارقة لتعويق مسارها.
فشل الحكومة الديمقراطية كان عملا مقدسا للإسلاميين.
جاهدوا في سبيله كثيرا ونجحوا في ذلك ولكنهم فشلوا في الحكم.
وهذا طبيعي ومنطقي لحزب تربت كوادره علي التخريب لا البناء.
وفشل حكومة في نظام ديمقراطي لا يعني فشل كل النظام الديمقراطي
كل ما هناك الإنتظار حتي إنتخابات أخري ويسقط الحزب الفاشل ويصعد حزب له برنامج للإصلاح أحسن وأكثر فعالية.
أها الحكومة الفاشلة دي ليها عشرين سنة بتسقط كيف؟؟؟؟؟
الإنتخابات؟؟؟؟
نكتة كبيرة أن تسقط حكومة ديكتاتورية في إنتخابات تجريها هي وبأدواتها وبجهاز الدولة للقمع والتزوير.
ما في حل غير معارضتها وإسقاطها بثورة شعبية
وما شايفين لينا حل غير الديمقراطية
لانه بنقدر نقول للحكومة الفاشلة فاشلة دون أن يكون ثمن ذلك التعذيب والإعتقال والموت في سراديب بيوت الأشباح
فيا معارض المعارضة
فإذا كانت كل الأحزاب والشخصيات المعارضة حاليا ما نافعه ورينا معارضتك
ووحاتك بنتبعك
بس إنت قول إنك معارض للديكتاتورية وبنخلي كل المعارضة وإرثها ونصطف خلفك
قصرنا معاك
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: Nasr)
|
| Quote: جربتا لحسة كوعك !؟ |
ما جربها و ما حا إجربها
أنا ضد كل إنسان قتل و شرد و كذب و سرق أموال الشعب السوداني
و أنا ضد كل إنسان إتسبب في وصول الإنقاذ للحكم سواء كان حكومة أو معارضة
في ناس واثقة من نفسها بي صورة ما عادية و مفتكرة نفسها هي عارفة ما توسوس به نفس كل الناس
.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
Quote: لا لا ياخ العنوان واضح (معارضي المعارضة) ما قال رماديين
وحتى لو قال دا ما رد على سؤالي , انت استلمت البوست كدا ليه؟ |
و الله يا ود البشرى زي ما قالو ليك الجماعة كورتك فكت
عنوان البوست ما فيه أي شئ و صاحب البوست أنا متأكد من حسن النية عندو
لكن كنت متأكد إنو كتيرين حا إجو إقولو كلام ما قادرين إقولوه في بوستات تانية
Quote: يا عمّك في ناس متخصصة بس ردود لتكذيب المُعارضة ويطرشني ما حصل يوم شفت لي واحد فتح ليهو بوست انتقد الحكومة أو داخل ليهو في بوست أدان الحكومة !!!
أها النوعية دي يسمّوها شنو ؟
ما أظن لقب "رمادي" لائق لأن اللون الرمادي يأخذ من الأسود والأبيض ...
دة اسمو لون أسود ضارباهو الشمس |
أها اللون الرمادي زاتو بقينا ما لامين فيه
و كمان حتى ما لاقين لينا إسم كمان
و تابع يا ود البشرى البوست دا حا تشوف فيه الكثير
.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
Quote: الديكتاتورية جات لأنه الجبهة الإسلامية--وبإعتراف قادتها ومؤرخيها ودونك كتاب المحبوب عبد السلام-- كانت قد قررت الإستيلاء علي السلطة
وكان ذلك القرار قد إتخذ قبل الحكومة الديمقراطية المعنية بفترة
ولذلك السبب فقد ساهمت الجبهة الإسلامية وبنوكها الإسلامية ومتنفذيها في جهاز الدولة وخارجه في قدر كبير من تخريب الإقتصاد والحياة السياسية والإجتماعية تمهيدا لذلك الإنقلاب.
كانت الجبهة الإسلامية التنظيم الوحيد الذي يملك أكثر من خمس من الصحف وملايين من الدولارات والتسهيلات من قبل بنك فيصل وبقية البنوك الإسلامية.
وكان التنظيم يعد كوادره داخل الجيش لإنقلاب--حتي ولو نجحت الحكومة الديمقراطية بنسبة ألف في المية--فالإنقلاب قائم قائم.
ثم أن الحكومة الديمقراطية كان عليها إصلاح خلل كبير --ثقب أسود-- في الإقتصاد السوداني سببه النميري وحلفاءه ناس الجبهة الإسلامية طيلة الثمانية سنين الاخيرة في حكمه. ولم يكن بمقدور الحكومة الديمقراطية النجاح بفضل المجهودات الخارقة لتعويق مسارها.
فشل الحكومة الديمقراطية كان عملا مقدسا للإسلاميين.
جاهدوا في سبيله كثيرا ونجحوا في ذلك ولكنهم فشلوا في الحكم.
وهذا طبيعي ومنطقي لحزب تربت كوادره علي التخريب لا البناء.
وفشل حكومة في نظام ديمقراطي لا يعني فشل كل النظام الديمقراطي |
كل اللي قلتو دا ما بيعفي الحكومة الديمقراطية من إنو ليها دور كبير في وصول حكومة الجبهة الإسلامية للحكم
الترابي معروووووووووووووووف للأحزاب و خاصة رئيس الوزراء
كيف و وين عقدو إجتماعاتهم اللي خططو فيها.... كيف جندو ضباط و قيادات في الجيش علشان إقومو بالإنقلاب
كيف جهزوا كل قواعدهم علشان تدعم الإنقلابيين عارف دا كولو معناه شنو ...؟؟؟؟
معناه إنو أمن السودان كولو كان في خطر
الشعب السوداني لم عرف الإنقلاب كان رد فعلهم سلبي جداً عارف ليه.....؟؟؟؟
لأنو الشعب الوحيد في العالم اللي قام بي ثورتين بي صورة حضارية جداً و ما لقى أي إهتمام من الحكومة بالمحافظة عليها
| Quote: أها الحكومة الفاشلة دي ليها عشرين سنة بتسقط كيف؟؟؟؟؟ |
قبل ما تعرف حا تسقط كيف.... شوفها قعدت 22 سنة كيف؟؟؟؟
هل لأنها تستحق أن تحكم السودان؟؟؟
Quote: الإنتخابات؟؟؟؟
نكتة كبيرة أن تسقط حكومة ديكتاتورية في إنتخابات تجريها هي وبأدواتها وبجهاز الدولة للقمع والتزوير.
ما في حل غير معارضتها وإسقاطها بثورة شعبية
وما شايفين لينا حل غير الديمقراطية
لانه بنقدر نقول للحكومة الفاشلة فاشلة دون أن يكون ثمن ذلك التعذيب والإعتقال والموت في سراديب بيوت الأشباح
فيا معارض المعارضة
فإذا كانت كل الأحزاب والشخصيات المعارضة حاليا ما نافعه ورينا معارضتك
ووحاتك بنتبعك
بس إنت قول إنك معارض للديكتاتورية وبنخلي كل المعارضة وإرثها ونصطف خلفك
قصرنا معاك |
حكاية ثورة شعبية دي شيلها من راسك نهائي الشعب السوداني ما قصر و قام بي ثورتين و المحصلة صفر
حاولو ثورة حزبية يعني الأحزاب كلها تطلب من قواعدها الخروج للشارع إقومو بالثورة و هم أصلاً حا إحكمو
هل تصدق إنو لغاية الآن مافي حزب طلب من قواعده الخروج للشارع ..!!!!!!!!!!!!!!!!!
زعامات الأحزاب لغاية الآن بتدخل القصر الجمهوري و بتتفاوض مع الحكومة لـيـه..؟؟؟؟؟؟؟؟؟
أنا ما طلبت من زول إتبعني و ما عندي أي طموحات علشان ألم لي إتنين معاي
إنت لم ليك ناس و أطلعو الشارع أقلبو الحكومة... أها قصرت معاك..؟؟؟؟؟
.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: صبري طه)
|
Quote: أحمد الشايقي كتب: هؤلاء ما أكثرهـم أخ محمد حسن وما أغباهـم وما أحرهم على قلوبنا,
أقلام مشوهة الخواطر تفرض سفسطة وتنسـل محاولة فرض رؤيتها الرمادية الإنتهازيـة
وخلايا نائمة تأتمر بأمر آمرها الديكتاتور الغاشم الظالم,
لف ودوران ولغة مستديرة لزجة وصولية ونفعية لا تضع أي اعتبار للشعب الأعزل الفقير المنكوب بالأزمة المستفحلة المسماة الإنقاذ,
أناس لا يرون (عـوج) رقبة الجمل ولو أمسكت بأيديهم ومررتها على عنق البعير, وهم لا يريدون ذلك لأنهم رضوا لأنفسهم بأن يخدموا أغراض الطاغوت كما قال المولى الكريم في شأن المنافقين ... (رضوا بأن يكونوا مع الخوالف ...)
أحمد الشايقي |
تقول شنو يا مولاّنا غير: يحلّنا الحلاّ بلة
ناس لا بتجدّع ولا بتجيب الحُجار يقعدوا بس لتعميم أي كذبة على المعارضة كووووووولها دي شماعتهم ودة منطقهم ...
يعني لو كذب أخونا الكونت يبقى أحمد الشايقي داخل معاهو ود. محمد حسن داخل معاهو وزول ماشي في الشارع ساي لكنو معارض وكمان سافي داخل معاهو !!!
يشهد ربّي النوعية دي بالنسبة لي أنا أفضل منها مؤيدي النظام الواضحين وصريحين ...
ولك ودّي ،،،
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: صبري طه)
|
ابو حسين سلامات
يا ابوحسين انت بتطالب المعارضه انها تكشف كذب الحكومه وتتصدي ليها بس الكلام ده بكون في ظل وضع ديمقراطي
يعني مثلا اسي مع هامش الحريات البقولو ده لو في جريده جابت خبر عن فساد المقربين من الرئيس او اتناولت اي خبر بفضح الجكومه
الجريده بتتصادر وبتقع عليها خسائر فادحه وممكن يعتقلو الصحفي الجاب الكلام ولو قالو في ندوه لي حزب معارض بجب يعتقلوهم قبل ما يبدو طيب كيف بتطالب في ظروف زي دي انو المعارضه تعمل حاجه
,اسي ابوذر ده محاكمنو وكلامو في ما يعضد صحتو من ارتباط النظام بي الحرس الثوري
وحزب الله وحماس والضربتين او التلاته بتاعت اسرائيل العملت منها الجكومه نايمه بتدي اشارات لي صحة كلامو.
تاني شئ انا ممكن انتقد المعارضه في احايين لكن ده ما بخليني انسي قضتي الاساسيه وهي اسقاط النظام ده وانتقاد المعارضه ممكن يخش فيما يسمي نقد الذات,لكن ما ممكن انا
اكون بقول الجكومه سئيه وما يفتح علي ربنا بي اي نقد ليها في جرائمها المليونيه الارتكبتها والفيها قتل واباده وتشريد وسرقات وفساد ومحسوبيه واخلي ده كلو واجي بس
اباري في بوستات المعارضه واقعد اكذب فيها,ده لي اي زول مراقب بنفي حتة عدم التبعيه للنظام,لانو ما ممكن تكون مترصد المعارضه وغاضي الطرف عن الحكومه رغم كل بشاعة البتعمل فيهو.
معليش نسيت احي صاحب البوست وضيوفه واسالك من الجبص فكيتو ولا لسه.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: فاروق عثمان)
|
Quote: فاروق عثمان كتب: تاني شئ انا ممكن انتقد المعارضه في احايين لكن ده ما بخليني انسي قضتي الاساسيه وهي اسقاط النظام ده وانتقاد المعارضه ممكن يخش فيما يسمي نقد الذات,لكن ما ممكن انا
اكون بقول الجكومه سئيه وما يفتح علي ربنا بي اي نقد ليها في جرائمها المليونيه الارتكبتها والفيها قتل واباده وتشريد وسرقات وفساد ومحسوبيه واخلي ده كلو واجي بس
اباري في بوستات المعارضه واقعد اكذب فيها,ده لي اي زول مراقب بنفي حتة عدم التبعيه للنظام,لانو ما ممكن تكون مترصد المعارضه وغاضي الطرف عن الحكومه رغم كل بشاعة البتعمل فيهو. |
| Quote: فاروق عثمان كتب: واسالك من الجبص فكيتو ولا لسه. |
كفّارة ياخ ...
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: صبري طه)
|
في هذا الوقت الدقيق من عمر الشعب السوداني وثلث البلاد انفصل بسبب سياسة الحكومة التي سببت هذا الانفصال وحتى قبل أن نتحقق ونلمس نتائج الانفصال, لا يزال العديد من أبناء السودان يقودون حمى السفسطة في المنتديات العامة ويخذلون القوى الفاعلة المتوجهة نحو تحقيق مصالح الشعب السوداني أولاً بتشخيص العلاج للحالة الاستقطابية الحادة التي تمر بها البلاد بين المؤتمر الوطني الذي ورث الانقلاب الانقاذي ويرفض بكل ما آوتي من قوى أموال ومقدرات البلاد السعي نحو أي تغيير يضمن سلامة البلاد والتداول السلمي للسلطة فيها والحريات العامة ومحاربة الممارسات الفسادية في الأداء الحكومي.
هؤلاء الرماديون يريدون تعمية الحوار وتغبيش الرؤيـة و (درفسـة) الكيمان ... حتى لا تصل الحوارات إلى نتيجة هي بصورة (مؤكـدة) ضـد رغبات حزبهـم (الخفي ..) المؤتمر الوطني و(محبوبتهم) المقدسة الإنقاذ...
هؤلاء لا احساس لهـم أبداً بمئات الآلاف من الناس في ربوع دارفور المكلومة يفترشون الارض ويعتاشون على المنظمات ( الكافرة... العميلة) ولا احساس لهـم بسيادة البلاد تنتهك من أطرافها جميعاً ولا احساس لهـم بوزارات ( تتمرد) على المراجعة (الحكومية) ولا حتى يطالبون هنا بإخضاع هذه الوزارات للمراجعة ولا حتى يطالبون بتخفيض هذه الوزارات الـ (77) تخفيفاً على المواطن السوداني, ناهيك عن قضايا الوطن الاخرى من (دفاع وحماية) و(تعليم وصحة) و(أمور معيشية وتنموية) ولا (حقوق وحريات)
هؤلاء لا ذمة لهم ولا مصداقية ولا أنجع من فضح تخذيلهم أمام الناس... ولا ينتظر منهم أحد أن يكتبوا في هذا ولا أن يطالبوا بما يروه صحيحاً إذا كانت رؤيتهم أن الحكومة مخطئة والمعارضة أكثر خطئاً ..
أحمد الشايقي
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: وليد محمد المبارك)
|
Quote: وليد محمد المبارك كتب: كذاب يا صبري
وكاذب اشر كمان |
يا عمّك أنا قلت في ناس وليس كل الناس
والكلام البعدو الضمير راجع لي أنا وليس لوليد محمد المبارك
| Quote: ويطرشني ما حصل يوم شفت لي واحد فتح ليهو بوست انتقد الحكومة أو داخل ليهو في بوست أدان الحكومة !!! |
لو الجزء من الناس القاصدهم أنا فتحوا بوستات انتقدوا الحكومة وأدانوها أو داخلوا انتقدوا الحكومة مع إدانتهم ليها دي بالنسبة لي أنا ما مرّت علي ...
عايز تكذّبني وتغالطني بأيّ سند يا عمّك ؟!
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: د.محمد حسن)
|
الدكتور محمد حسن،
هذا هو حديث العقل والعقلاء، فشكرا على هذا الطرح المسئول. وهذا ما حاولت أن أوجه له النقاش في بوست آخر بهذا المنبر حيث كتبت:
Quote: أقول قولي هذا وفي اعتقادي أن السودان يمر بلحظة مفصلية في تاريخه لا تشبها سوى لحظة الصراع الذي كان دائرا حول شكل ومضمون الاستقلال في بداية الخمسينات.
وبإزاء ظرف بهذه الخطورة، فليس من الحكمة أن يضيع أصحاب الرأي وقتهم وجهدهم في تراشقات من نوع (أنت جلابي وأنت مستلب وانت شيوعي وانت كوز وجدك كان تاجرا للرقيق). فنحن كلنا - كل قبائل السودان - كنا الرقيق في حملة عبدالله إبن أبي السرح وكنا الرقيق أيضا في حملة محمد علي باشا وكنا الأمة المستلبة الإرادة والحرية لما يزيد على نصف قرن تحت الحكم الإنجليزي - المصري.
ولما سنحت الفرصة لتأسيس دولتنا في أوائل الخمسينات، فشلنا فشلا ذريعا في هذه المهمة واستمر الفشل يلازمنا حتى شارفت الدولة على التفكك والانهيار.
الآن نرى (أن الزمان قد استدار كهيئته الأولى) يوم صار الاستقلال أمرا ممكنا، وما بين القوسين من الابداعات اللغوية العرفانية لعبقري الفكر السوداني، الأستاذ الشهيد محمود محمد ط.
نقول أن الزمان قد استدار ليفرض علينا ويضع أمامنا، مرة اخرى، كسودانيين، ما تخطيناه وتجاهلناه وتهربنا منه على مدى يزيد عن نصف قرن، وهو قضية (تحديد نوع الحكم في جمهورية السودان).
هذا يعني أن الأقدار تمنحنا فرصة ثانية، بعد أن اهدرنا الفرصة الأولى، فرصة تاسيس الوطن القومي الذي لم يتأسس حتى الآن. |
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: حامد بدوي بشير)
|
أخونا فاروق سلامات
Quote: ابو حسين سلامات
يا ابوحسين انت بتطالب المعارضه انها تكشف كذب الحكومه وتتصدي ليها بس الكلام ده بكون في ظل وضع ديمقراطي
يعني مثلا اسي مع هامش الحريات البقولو ده لو في جريده جابت خبر عن فساد المقربين من الرئيس او اتناولت اي خبر بفضح الجكومه
الجريده بتتصادر وبتقع عليها خسائر فادحه وممكن يعتقلو الصحفي الجاب الكلام ولو قالو في ندوه لي حزب معارض بجب يعتقلوهم قبل ما يبدو طيب كيف بتطالب في ظروف زي دي انو المعارضه تعمل حاجه
,اسي ابوذر ده محاكمنو وكلامو في ما يعضد صحتو من ارتباط النظام بي الحرس الثوري
وحزب الله وحماس والضربتين او التلاته بتاعت اسرائيل العملت منها الجكومه نايمه بتدي اشارات لي صحة كلامو.
تاني شئ انا ممكن انتقد المعارضه في احايين لكن ده ما بخليني انسي قضتي الاساسيه وهي اسقاط النظام ده وانتقاد المعارضه ممكن يخش فيما يسمي نقد الذات,لكن ما ممكن انا
اكون بقول الجكومه سئيه وما يفتح علي ربنا بي اي نقد ليها في جرائمها المليونيه الارتكبتها والفيها قتل واباده وتشريد وسرقات وفساد ومحسوبيه واخلي ده كلو واجي بس
اباري في بوستات المعارضه واقعد اكذب فيها,ده لي اي زول مراقب بنفي حتة عدم التبعيه للنظام,لانو ما ممكن تكون مترصد المعارضه وغاضي الطرف عن الحكومه رغم كل بشاعة البتعمل فيهو.
معليش نسيت احي صاحب البوست وضيوفه واسالك من الجبص فكيتو ولا لسه. |
الكذب لم إكتر الناس بعد كدا لو قلت الحقيقة ما حا تصدقك و دا اللي حاصل من المعارضة العشوائية اللي عايزه
تجد ليها مكان في وسط المناضلين الشرفاء.
لا أنكر إني كذبت كتير من أخبار المعارضين و لكن كل اللي أنا كذبتهم كانت أخبارهم فعلاً كذب و كذب واضح
و علشان أبين كذبتهم لم أحتاج لكثير من الجهد و ذلك لأن الكذبة نفسة واضحة جداً و لا يتقبلها العقل
إذا كان المعارضين يريدون أن يسقطو حكومة بهذا السؤ لماذا لا يقدمون صورة جيدة للمعارضة حتى يقنعو
الشعب السوداني بجدارتهم و أهليتهم بأنهم هم البديل الجيد لهذه الحكومة لماذا لا يكونو صادقين حتى يطمئن
الشعب المغلوب على أمره بأن البديل القادم سيكون صادقاً في قيادة دولة بحجم السودان
إذا كانت مشكلة المعارضة بأن هنالك ناس كل شغلهم تكذيبهم لماذا لا يكونو صادقين حتى يرتاحو من الذين
لا شغل لهم غير تكذيبهم...؟؟؟؟؟؟
الجبص ما فكيتو و لو كنت فكيتو كان المعارضين إرتاحو مني شوية..
تحياتي
.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
Quote: يا عمّك في ناس متخصصة بس ردود لتكذيب المُعارضة ويطرشني ما حصل يوم شفت لي واحد فتح ليهو بوست انتقد الحكومة أو داخل ليهو في بوست أدان الحكومة !!!
|
صبري أنا واحد من الناس المتخصصة في تكذيب المعارضة
هات لي خبر واحد أنا كذبت فيه المعارضة و الخبر كان صحيح
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
| Quote: هات لي خبر واحد أنا كذبت فيه المعارضة و الخبر كان صحيح |
بالنسبة لك أخي أبو حسين قرأت لك في هذا البوست أنّك كذّبت المعارضة كوووولها ...
أرجع لمداخلاتك هُنا فستجد أنك قد قلت أن المعارضة كاذبة وضلالية ؟!
مثال: أنا واحد من المعارضة ممكن تورّيني كذّبت وين ؟!
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
Quote: أبو حسين كتب: صبري ما جاوبت على سؤالي
الكوت اللي أنا جبتو لي كلامك كان من أول مداخلة ليك في البوست |
ما عندك مشكلة ودة كلامي ...
Quote: يا عمّك في ناس متخصصة بس ردود لتكذيب المُعارضة ويطرشني ما حصل يوم شفت لي واحد فتح ليهو بوست انتقد الحكومة أو داخل ليهو في بوست أدان الحكومة !!!
|
أول حاجة هل أنا اتهمت الأخ أبو حسين هُنا بأنه متخصص في ردوده لتكذيب المعارضة ... لماذا تأخذ الكلام لنفسك ... ثم أنني لم أقل الناس ديل وإنما قلت "في ناس"
وبعد هذا سأفترض أنني اتهمتك وعلى هذا الأساس سأجيبك ...
وعبارة "في ناس متخصصة بس ردود لتكذيب المعارضة" هل يعني أنهم يكذّبون بعض المعارضين بدون وجه حق ؟!
لتسألني سؤالك هذا:-
| Quote: أبو الحسين كتب: هات لي خبر واحد أنا كذبت فيه المعارضة و الخبر كان صحيح |
فأين يا عزيزي قُلت أنك أو أن غيرك متخصص في ردود لتكذيب الأخبار الصحيحة التي تنشرها المعارضة ؟!
فما أعنيه أن البعض متخصص لتكذيب المعارضة والتشكيك في مصداقيتها ولا يقابل اجتهادهم هذا أي اجتهاد يكذّب الحكومة أو ينتقدها بنفس القدر !!!
وهذا يدعوني إلى الشك والريبة من أمرهم ... فهل هم مجندين لتخذيل المعارضة بالحق أو بالباطل ؟!
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: صبري طه)
|
اشكرك على هذه الاضاءة للنقطة المهمة جدا
انا شخصيا افضل عندى الكوز المتطرف من ان ارى واحد ما كوز
لكن مغفل نافع ينفع الكيزان ..
الكوز دة كوز خلاص
لكن معارض المعارضة دة مغفل نافع ودة الخطر على المجتمع
حتى بتلقى ناس معارضة لكنهم لا يفرقون بين المعارضة كمبدا ومواقفهم الشخصية
يعنى الزى دة بيشوف لو لقى واحد بيكرهو من المعارضين لازم يقوم يعارضو حتى لو كان هو الصح
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: صبري طه)
|
Quote:
Quote: ليه ما إكون المعارض للمعارضة دا عايز إقوم المعارضة علشان تقوم بي دورها الطبيعي
ليه وضعتو نفسكم زي كأنكم ملائكة و غيركم هو الشيطانQuote
سلام ابوحسين
شخصيا لا اعتراض عندي على النقاش مع اي شخص مهما كان موقفه حتى ولو كان موالي للحكومة وبصورة مباشرة ولكن أهم مرتكز للنقاش والحوار واحترام الرأي الاخر هو المبدئية في المواقف وعدم ازدواجية المعايير وانت تخلط في هذه كثيرا وهذا ما يصنفك بصورة مباشرة في خانة الموالي المتستر برداء معارضة المعارضة
في هذا البوست شعب عظيم ومعارضة خائنة تلاسن الحبيب عمر فضل المولى والدكتورة بيان ولم يكن الاول في التلاسن بينهم
أنت اتيت لتدين اسلوب عمر وتدخلت لأقول لك ان عمر اذا اخطأ فأن نجاة اخطأت والصحيح هي ادانة الشتم من كل الجوانب وليس تصيد اخطاء البعض والتغافل عن اخطاء الاخرين وبعد مداخلات كثيرة حاولت فيها الالتفاف على الامر اتبت وكتبت هذه المداخلة التي وضحت تماما انك لا تستهجن الخطأ في حد زاته ولكن تبحث في اخطاء المعارضين فكيف تعلل ذلك ان لم يكن موالاة لنظام الانقاذ
Quote: يا كونت بإختصار شديد جداً عمر بدأ الإساءة لي د. نجاة هنا في البوست دا و يستحق أي إساءة توجه ليه في البوست دا
عايزني أنا أدين د. نجاة و هي ردت على الإساءة لا و ألف لا يا كونت
الإساءة بردو عليها بالإساءة و الكلمة الطيبة بردو عليها بالكلمة الطيبةQuote |
ما عارف يا كونت إنت عايز تصل لي شنو ياخي الكوت الأخير لي كلامي وااااااااااااااااضح
عمر بدأ الإساءة في البوست المعني و يستحق أي إساءة تجيهو بعد كدا في نفس البوست
يا كونت إنت ما عايز تدين عمر لأنو حزب أمة زيك بتلف و تدور في الفارغة يا كونت
.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
يا صبري سألتك المرة الأولى لفيت و زغت من السؤال
لم كررتو ليك قلت لي أنا ما قاصدك إنت
خلاص أنا بعمل قرعة و أشوف القرعة حا تكون على ياتو إجابة من الإجابتين
و أنا من الأول قلت ليك حدد أسماء لي ناس لكن فطيت الحتة
| Quote: صبري خليك وااااااضح و سمي بي أسماء....... الكلام المجهجه دا لف و دوران في الفارغة |
ما قدرت تحدد أسماء و لا حا تقدر تحدد أسماء
حا تخليها عائمة كدا علشان كل ما واحد إزنقك تقول ليه نفس الكلام أنا ما قلت إنت
و لو لفو عليك الناس اللي بكذبو المعارضة كلهم واحد واحد حا تقول ليهم نفس الكلام
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
Quote: انا شخصيا افضل عندى الكوز المتطرف من ان ارى واحد ما كوز
لكن مغفل نافع ينفع الكيزان ..
الكوز دة كوز خلاص
لكن معارض المعارضة دة مغفل نافع ودة الخطر على المجتمع
حتى بتلقى ناس معارضة لكنهم لا يفرقون بين المعارضة كمبدا ومواقفهم الشخصية
يعنى الزى دة بيشوف لو لقى واحد بيكرهو من المعارضين لازم يقوم يعارضو حتى لو كان هو الصح |
أها دا معارض بفضل الكوز المتطرف من أي واحد ما كوز
يعني بفضل أصل الآفة على فروعها
و بلاوي السودان كلها جات من وين ...؟؟؟؟
الكوز المغفل جاء من وين....؟؟؟؟؟
أها شفت المعارضة العشوائية دي هي آفة الســودان
المعارضة اللي بتنفع الحكومة هي اللي خلت الكيزان إحكمو السودان 22 سنة
.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
| Quote: أبو حسين كتب: يا صبري سألتك المرة الأولى لفيت و زغت من السؤال |
يا عمّك لا زغت ولا حاجة وأجبت على السؤال على حسب ما يخص أبو حسين في هذا البوست وليس على حسب ما يخص معارضي المعارضة ... أرجع لردي القبل هذا الرد وممكن تفهم أنا قاصد شنو وباختصار وين أنا قلت أبو حسين أو من لفّ لفه قام بتكذيب أخبار صحيحة للمعارضة ؟!
| Quote: أبو حسين كتب: لم كررتو ليك قلت لي أنا ما قاصدك إنت |
بالضبط كدة أنا لم أحدد شخص بعينه إنما بعضاً من معارضي المعارضة وأجملتها بشكل عام وإذا أخذتها لنفسك دي حاجة بتخصك إنت أبو حسين ...
Quote: أبو حسين كتب: خلاص أنا بعمل قرعة و أشوف القرعة حا تكون على ياتو إجابة من الإجابتين
و أنا من الأول قلت ليك حدد أسماء لي ناس لكن فطيت الحتة
ما قدرت تحدد أسماء و لا حا تقدر تحدد أسماء
حا تخليها عائمة كدا علشان كل ما واحد إزنقك تقول ليه نفس الكلام أنا ما قلت إنت
و لو لفو عليك الناس اللي بكذبو المعارضة كلهم واحد واحد حا تقول ليهم نفس الكلام |
يا عمّك ليه أحدد أسماء نحن أمام قاضي ولاّ شنو الحكاية ؟!
طيب إنت تحدّثت عن كذب المعارضة هل طالبتك بذكر أسماء كذبت ؟!
ولن أطالبك !!!
ثمّ ثانياً ليه اللفة الطويلة دي كوووولها ؟! انظر للاقتباس أدناه وقد كتبته لك في الرد القبل هذا الرد:-
| Quote: وبعد هذا سأفترض أنني اتهمتك وعلى هذا الأساس سأجيبك ... |
واضح وقلت ليك سأفترض أنني اتهمتك يعني قاصد أبو حسين عديل كدة وسأجيبك وأجبتك ؟!
وين ردّك ؟؟؟؟؟؟؟؟؟؟؟
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: صبري طه)
|
صبري دي إجابتك ..؟؟؟
| Quote: فأين يا عزيزي قُلت أنك أو أن غيرك متخصص في ردود لتكذيب الأخبار الصحيحة التي تنشرها المعارضة ؟! |
طيب الإجابة دي ما ممكن تكون رد لي أي واحد إجي هنا و إوجه ليك نفس السؤال
يعني المنبر دا لو فيه 10,000 عضو و كلهم جو سألوك نفس السؤال
إجابتك دي ممكن تختها ليهم و تلفق معاك...
صبري المعارضة و المناضلين لو بطلو إنقلو أخبار مفبركة و كاذبة نحن البورد دا حا نجي نقرأ و نمشي
و الإنسان الصادق الناس بتحبو و بتقرأ ليه و كلامو بأثر فيها عكس الإنسان الكذاب
.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
Quote: أبو حسين كتب: صبري دي إجابتك ..؟؟؟
طيب الإجابة دي ما ممكن تكون رد لي أي واحد إجي هنا و إوجه ليك نفس السؤال
يعني المنبر دا لو فيه 10,000 عضو و كلهم جو سألوك نفس السؤال
إجابتك دي ممكن تختها ليهم و تلفق معاك... |
أخونا أبو حسين أنا في طرحي بحاول قدر الإمكان إني أتكلّم بشكل عام عشان أبعد عن شخصنة المواضيع ومعها عشان البوست ما يضيع بتراشقات شخصية ... والنجيضة إنو رأس السوط وصلو ... والمثل السوداني بيقول "البيحس بالسقط بيتغطى" ...
Quote: أبو حسين كتب: صبري المعارضة و المناضلين لو بطلو إنقلو أخبار مفبركة و كاذبة نحن البورد دا حا نجي نقرأ و نمشي
و الإنسان الصادق الناس بتحبو و بتقرأ ليه و كلامو بأثر فيها عكس الإنسان الكذاب. |
طيب يا عمّك ألا توافقني الرأي إنو في الحالة دي بتحدّد موقفك من مصدر الخبر المفبرك والكاذب ومن غرضو وليس من كل المعارضة ومن كل المناضلين !!!
دة من ناحية ومن ناحية تانية أيّ خبر كاذب أو مفبرك من مؤيدي النظام برضو بقابلو نفس المقياس بتاع المعارضة !!!
يعني لمّا الكونت يضع ليهو خبر وأنا أقوم أطالبه بالمصدر بنفس القدر مفروض ميادة كمال لما تضع ليها خبر أنا برضو أقوم أطالبها بالمصدر مش أقعد اليوم كلو أساكك في المعارضين وين مصدركم ومصدركم خاص وخاص دة شنو ؟! وميادة كمال لمّا تكتب لي مثلي لا يُسأل من مصدر مفروض برضو أتعامل معاها بنفس التعامل بتاع "خاص" مش كدة يا عمّك !!!!
وإن شاء الله بعد آخر فقرة لي في هذا الرد الشمس تكون بقت في نص السماء
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: صبري طه)
|
نعارضى المعارضة داخل البورد
يكتبون ويساهمون ونختلف معهم ونتحاور معهم
الاخطر مجموعة من الكتاب واصحاب اعمدة فى الصحف من المنظرين لمعارضة المعارضة
لهم تاريخ سابق فى الوقف ضد النظام
ثم تحولو وطاب لهم المقام فى موقع معارضة المعارضة
يتحدثون عن ان النظام سىء وفاسد
ولكن
وبعد ذلك يبدون فى السخرية من المعارضة الاسفيرية
اثار استغرابى موقفهم من الثورات العربية التى حدثت
هى ثورات شباب تجاوزت الاحزاب القائمة فى تلك الدول
وقاموا بتغير انظمة ديكتايورية عاتية
صمت هولا ء عن الكتابة عن الثورات
لانهم يخافون تيار التغير والثورة والشرارة التى انطلقت
ان تصل لتقتلع نظام الانقاذ الذى يعارضون معارضته
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: صبري طه)
|
السؤال البفرض نفسو: ليه المعارض اساسا" يكّذب؟
إذا في زول نقل خبر غير صحيح ... يجي و في نفس الحته يعتذر وخلاص
ليه ياخي نحن أدب الإعتذار دا بعيدين منو كدا؟
بعدين ياخ إذا في زول بي يشوه في صورة المعارضين معليش الناس
تهاجمه، لكن إذا ،حتي لو ما بي ينتقد الحكومة، بس متتبع العيوب
حقو نشكر الزول البهدي لينا عيوبنا.
و تاني في معارضه محترفه و عندها خطاب متماسك و في ناس عندهم
هواية برضو عندهم برنامج بي يطرحوه، لو في زول بي ينتقد الخطابات
دي في مشكلة. في ناس منتهين من حكاية الحكومة كعبة دي لكن غايظاهم المعارضة
المهم، أي نقد في المنبر دا ممكن ترد عليهو بي طريقة مقنعه
فما تقعدو تصنفو في الناس، و كل شاة معلقة من عصبتا
(و نفس الفهم : إذا معارض غلط ما بي ينسحب علي كل المعارضه)
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: aydaroos)
|
Quote: السؤال البفرض نفسو: ليه المعارض اساسا" يكّذب؟
إذا في زول نقل خبر غير صحيح ... يجي و في نفس الحته يعتذر وخلاص
ليه ياخي نحن أدب الإعتذار دا بعيدين منو كدا؟
بعدين ياخ إذا في زول بي يشوه في صورة المعارضين معليش الناس
تهاجمه، لكن إذا ،حتي لو ما بي ينتقد الحكومة، بس متتبع العيوب
حقو نشكر الزول البهدي لينا عيوبنا.
و تاني في معارضه محترفه و عندها خطاب متماسك و في ناس عندهم
هواية برضو عندهم برنامج بي يطرحوه، لو في زول بي ينتقد الخطابات
دي في مشكلة. في ناس منتهين من حكاية الحكومة كعبة دي لكن غايظاهم المعارضة
المهم، أي نقد في المنبر دا ممكن ترد عليهو بي طريقة مقنعه
فما تقعدو تصنفو في الناس، و كل شاة معلقة من عصبتا
(و نفس الفهم : إذا معارض غلط ما بي ينسحب علي كل المعارضه) |
أغلبهم بنقلو أخبار كاذبة و دا سعياً وراء الفوز بمكانة أكبر بين المناضلين
الواحد عايز إكون هو أول من نقل خبر مهم قبل بقية المناضلين بس للأسف دا قبل التأكد
من صحة الخبر أو عدمه
المناضلين مشكلتهم النضال العشوائي اللي إنتشر هنا في سودانيز أون لاين
شوف خبر واحد بتكتب فيه كم بوست و بي كم نظرية
و المعارض لم تقول ليه الخبر دا غير صحيح و تجيب ليهم الأدلة وااااضحة برضو إكابر
و إحول ليك الموضوع لي حتة تانية هروباً من الإعتراف بي خطاءه
و ضربنا ليهم مثل في معارضين بنزلو صورة لي قصر إقول ليك دا جاني في الإيميل لي واحد
من ناس الحكومة و إتضح إنو لا صاحبو من ناس الحكومة و لا ليه أي صلة بالحكومة
إقوم المناضل إقول ليك برضو الزول دا مذنب لأنو سكت على الحكومة...!!!!!!
.
.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
Quote: أغلبهم بنقلو أخبار كاذبة و دا سعياً وراء الفوز بمكانة أكبر بين المناضلين
الواحد عايز إكون هو أول من نقل خبر مهم قبل بقية المناضلين بس للأسف دا قبل التأكد
من صحة الخبر أو عدمه
المناضلين مشكلتهم النضال العشوائي اللي إنتشر هنا في سودانيز أون لاين
شوف خبر واحد بتكتب فيه كم بوست و بي كم نظرية
و المعارض لم تقول ليه الخبر دا غير صحيح و تجيب ليهم الأدلة وااااضحة برضو إكابر
و إحول ليك الموضوع لي حتة تانية هروباً من الإعتراف بي خطاءه
|
الاخ الكريم حسين
اتفق معك في ان بعض الاقلام المعارضة لها اطاءها كما نحن ايضا لنا اخطاؤنا
طيب
اسر شهداء رمضان معارضين
اسرة مجدي
اسر من قتلوا في التعذيب
مئات الالاف من الاباء والامعات الذي شردوا تحت مسمى الصالح العام معرضين
الملايين من الفقراء الذين طحنهم الفقر (حسب اصاءات حكومة الانقاذ 95% من السكان تحت خط الفقر) معارضين
فهل انت معهم اخي حسين؟
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: Amira Elsheikh)
|
قناة الجزيرة القطرية قبل كم يوم كدة جابت خبر إنو حسني مبارك سافر إلى ألمانيا ...
ونفى المجلس العسكري ما تردد عبر قناة الجزيرة القطرية ...
أها الناس دي بطّلت تشاهد الجزيرة القطرية وأضافوها للكذّابين ولاّ أدّوها العذر بإلقاء اللوم على المصدر ولاّ دة فيلم هندي
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: صبري طه)
|
Quote:
قناة الجزيرة القطرية قبل كم يوم كدة جابت خبر إنو حسني مبارك سافر إلى ألمانيا ...
ونفى المجلس العسكري ما تردد عبر قناة الجزيرة القطرية ...
أها الناس دي بطّلت تشاهد الجزيرة القطرية وأضافوها للكذّابين ولاّ أدّوها العذر بإلقاء اللوم على المصدر ولاّ دة فيلم هندي
|
يا صبري قناة الجزيرة أو غيرها إذا جابو خبر كاذب بقولو عليها كذابة
إنت مالك يا زول لافي لي في الحتة دي...؟؟؟
حكومة أو معارضة إذا قالو خبر كاذب بنقول عليهم كذابين
و الحكومة كذبت كتير و قلنا ليكم جات بي كذبة
.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
Quote: يا صبري قناة الجزيرة أو غيرها إذا جابو خبر كاذب بقولو عليها كذابة
إنت مالك يا زول لافي لي في الحتة دي...؟؟؟
حكومة أو معارضة إذا قالو خبر كاذب بنقول عليهم كذابين
و الحكومة كذبت كتير و قلنا ليكم جات بي كذبة |
اختلافنا يا عمّك في إنو أنا بأرى الكاذب هو المصدر الأصلي للخبر ...
وإنت بترى إنو كلهم كذّابين ...
ولو كنّا نعلم الغيب لكذّبنا المصدر عند صدور الخبر طازة ... وربما أيضاً يتم تكذيب خبر المصدر من جهة هي الكاذبة ويكون الخبر في الأصل صحيح واللفة الطويلة بتظهر بمرور الأيام بعد سجال وجدال من هو الصادق ومن هو الكاذب ...
في فترة اللفة الطويلة دي الخبر بيكون انتشر عبر وسائل الإعلام المختلفة ... ثمّ يا أخي أنا لمّا أنقل خبر وأقول مصدره فلان أو نقلاً عن كذا مش خلاص الشغلانة دي وضحت قبلتها وين ...
سأبحث لك عن خبر استشهاد محمد عبدالرحمن كما ورد في البي بي سي بعد البحث عنه ...
ولك ودي ،،،
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: Balla Musa)
|
صبري ياخي الموضوع دا أخد كتير في البوست دا
شوف الخبر من الـBBC بدأ كيف..؟؟؟
Quote:
اعلن ناشطون سودانيون ان احد الطلاب الذين شاركوا في التظاهرات التي انطلقت يوم امس الاحد في العاصمة السودانية قد توفي متأثرا بالجروح التي اصيب بها على ايدي رجال الشرطة.
|
أها الناشطون ديل ياكم إنتو .......
يعني يا صبري مشيت بي نفسك للحتة اللي إنت من أمس بتحاول تزوغ منها
.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
حتة شنو الأزوغ منها ... هل قُلت لك أن من روّج هذا الخبر غير كاذب ؟! أنا استنكرت عليك التعميم ... ليه بتعمم على كل المعارضة هذا الخبر الكاذب ؟!
| Quote: أبو الحسين كتب: أها الناشطون ديل ياكم إنتو ....... |
طيب يا عمّك أنا نقلت من موقع الراكوبة وقبل النقل تأكدت من وجود الخبر بموقع البي بي سي وغيره من المواقع الهبطرش ...
يعني الخبر بالنسبة لي أنا كالآتي:-
أعلن موقع الراكوبة وموقع البي بي سي وموقع كذا وكذا على الإنترنت أن ناشطين أعلنوا ....
يعني أنا لو كذّاب ترتيبي بعد البي بي سي مش قبلها ليه تضيفني ضمن الناشطين بتاعين البي بي سي ؟
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
إي حوار هنا لا ينجو من الشخصنة
طيب بدون أسماء وبدون شخصنة نقول
إذا في حكومة (ما حكومتنا دي، ضرب مثل ساكت) بتقول صاح ومرات بتكضب
وفي معارضة بتقول صاح ومرات بتكضب
وفي جهة لا تري كضب الحكومة
لكن صفافيرها تشتغل لمن تسمع كضب المعارضة
جهة زي دي يقولوا عليها شنو؟؟؟
طيب المعارضة دي فيها كل ألوان الطيف تتباين رؤاهم ومناهجهم
فيهم من يدعو لحمل السلاح
وفيهم الدايرة سلمية سلمية
زي مظاهرة طالعة تهتف لإسقاط النظام
ما ممكن تعمل إنترفيوا لكل من يريد أن يشارك فيها
ممكن يشارك فيها الداير يخرب ويكسر العربات
(ويظن أنه يحسن فعلا)
المهم
الموقف المبدئ شنو؟؟؟؟
هل نحن مع الديمقراطية أم مع الديكتاتورية
وبالمناسبة فكرة إنو الحكومة دي سيئة لكن المعارضة ذاتها سيئة
ما جديدة
هذا نهج دعائي متكامل للسلطة الديكتاتورية الحاكمة
بشوية ذكاء عرفوا أنهم لا يستطيعون تسويق ولا تزويق الديكتاتورية للناس
فلجأوا لحيلة تشويه المعارضة
فبقي عادي تلقي زول يقول ليك هي الحكومة سيئة لكن المعارضة ذاتها سيئة
وتسألوه يقول ليك ناس المعارضة إدعوا إنه في طالب مات في المظاهرات وإنه في بت إغتصبوها ودا كلو كذب
وتتمحن
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
Quote: ما عارف يا كونت إنت عايز تصل لي شنو ياخي الكوت الأخير لي كلامي وااااااااااااااااضح
عمر بدأ الإساءة في البوست المعني و يستحق أي إساءة تجيهو بعد كدا في نفس البوست
يا كونت إنت ما عايز تدين عمر لأنو حزب أمة زيك بتلف و تدور في الفارغة يا كونت |
انا عايز اوصل لي رد الكتبته في الاخر يا ابو حسين انك ما عايز تدين الخطأ في حد زاته لانه خطأ ولكن عايز تدين المعارضة او المعارضين وتغض الطرف عن الموالين
انا ما ادنت عمر موش عشان هو حزب امه وانا حزب امه لكن عشان نجاة غلطت في الاول وتدخلي بفرض علي ادينم الاتنين ونجاة طواالي حتفتكر اني داخل تضامن مع عمر ثم اني ما طارح نفسي مصلح اجتماعي في البورد كل ما اساء زول للتاني ادخل وادين لكن لو اعترضني اي خطأ سأقول انه خطأ حتى لو كتبه سيد صادق دعك من عضو عادي زي وزي عمر في سودانيز اونلاين
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: عبدالمجيد الكونت)
|
| Quote: ناصر كتب: فبقي عادي تلقي زول يقول ليك هي الحكومة سيئة لكن المعارضة ذاتها سيئة |
وجات وهمات طائرة كدة بتقول:
1- ديل أفضل السيئين !!!
2- البديل منو !!!
3- ديل شبعوا أحسن لينا من ناس يجوا يبدوا من الصفر !!!
عليك الله شوف نمرة 3 دي ما بتخجّل زول يعترف بإنو الناس شبعت من المال العام ويقول ليك أحسن لينا !!!!!
دمت بود ،،،
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
Quote: انا عايز اوصل لي رد الكتبته في الاخر يا ابو حسين انك ما عايز تدين الخطأ في حد زاته لانه خطأ ولكن عايز تدين المعارضة او المعارضين وتغض الطرف عن الموالين
انا ما ادنت عمر موش عشان هو حزب امه وانا حزب امه لكن عشان نجاة غلطت في الاول وتدخلي بفرض علي ادينم الاتنين ونجاة طواالي حتفتكر اني داخل تضامن مع عمر ثم اني ما طارح نفسي مصلح اجتماعي في البورد كل ما اساء زول للتاني ادخل وادين لكن لو اعترضني اي خطأ سأقول انه خطأ حتى لو كتبه سيد صادق دعك من عضو عادي زي وزي عمر في سودانيز اونلاين |
يا كونت زميلك في حزب الأمة هو اللي بدأ الإساءة في البوست يعني لو ما كان بدأ البوست ما كان حا تكون فيه إساءة أصلاً
و لو بدأت د. نجاة الإساءة كان نقول د. نجاة هي اللي بدأت الإساءة
يا كونت في البوست اللي إنت بتتكلم عنو زميلك في حزب الأمة هو اللي بدأ الإساءة و إنت بتتهرب من الحقيقة دي يا كونت
تلف و تدور و تلف تباريني في كل البوستات أمة محمد كلها حا تعرف الحقيقة دي لأني حا أكررها ليك رضيت أم أبيت
زميلك في حزب الأمة هو اللي بدأ في الإساءة و إنت مُصر إصرار غريب على إنك تجد ليه العذر....
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
ينصر دينك يا محمد سيد أحمد
والعجب النوع دا متجدع اليومين ديل في البورد تجدع شديد بعد أن وجد مصفقاتية النظام يمدحون ما يكتب
Quote: نعارضى المعارضة داخل البورد
يكتبون ويساهمون ونختلف معهم ونتحاور معهم
الاخطر مجموعة من الكتاب واصحاب اعمدة فى الصحف من المنظرين لمعارضة المعارضة
لهم تاريخ سابق فى الوقف ضد النظام
ثم تحولو وطاب لهم المقام فى موقع معارضة المعارضة
يتحدثون عن ان النظام سىء وفاسد
ولكن
وبعد ذلك يبدون فى السخرية من المعارضة الاسفيرية
اثار استغرابى موقفهم من الثورات العربية التى حدثت
هى ثورات شباب تجاوزت الاحزاب القائمة فى تلك الدول
وقاموا بتغير انظمة ديكتايورية عاتية
صمت هولا ء عن الكتابة عن الثورات
لانهم يخافون تيار التغير والثورة والشرارة التى انطلقت
ان تصل لتقتلع نظام الانقاذ الذى يعارضون معارضته |
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: عبد الصمد محمد)
|
ابو حسين دخل البوست وافرغو من معناه ...
في سؤال اتسال ليهو كتير انت ضد الحكومه ... (وكبر ) اللفه
زمان كان واحد اسمو حسب الله النعير ... اها النعير ده كل ما تجي جوديه ينتقد ليك المتخاصمين وتتعقد القضيه ... ومع مرور الوقت النعير بقي (جزء) من اي مشكله ترد للناظر ... يوم الناظر سالو قال ليهو: اتا يا النعير فهمك شنو ؟؟ كل ما تجينا مشكله نلقاك (منجبق) فيها... فرد النعير انا يا بوي الناظر بحب الانتقاد وبحاول احدد (قعر) المشكله ...فرد عليه الناظر آآآلنشطان اتا ما تشوفلك جيهة تتلم (وتقعر) فيها...
اخونا ابوحسين نشطان شديد في قصة معارضة المعارضه دي ... وداير يجر ودالبشري معاهو لكن ود البشري حريف
________________________________
ود البشري يا ابو حسين خطو معروف .. وحتي معارضتو عندها فهم ... لكن اتا فهمك شنو ؟؟؟...
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
استاذن الاخوة المتداخلين في ان ارد على الاخ ابو حسين لانه اكثر الاخوة المتداخلين دون ان يحدد موقفا واضحا وهذا قد ينظبق على بعض ممن يقرأون هذا البوست دون ان يشاركوا فيه لاي سبب
وحتى ياخذ البوست مجراه الطبيعي دون الخوض في الشخصنة التي قد تحرف مسار الحوار
سبق وان سالتك اعلاه
علما بانني اتفق في بعض مما قلته بشان معارضي هذا المنبر مع الاحتفاظ برؤيتي الخاصة فيما يتعلق بالعمل المعارض
Quote: اتفق معك في ان بعض الاقلام المعارضة لها اخطاءها كما نحن ايضا لنا اخطاؤنا
طيب
اسر شهداء رمضان معارضين
اسرة مجدي
اسر من قتلوا في التعذيب
مئات الالاف من الاباء والامهات الذي شردوا تحت مسمى الصالح العام معرضين
الملايين من الفقراء الذين طحنهم الفقر (حسب اصاءات حكومة الانقاذ 95% من السكان تحت خط الفقر) معارضين
فهل انت معهم اخي حسين؟ .... |
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: د.محمد حسن)
|
| Quote: أبو حسين كتب: شفت يا صبري دي الشتارة اللي بتفور الدم و بتخلي اللي ما كوز إبقى كوز |
لك كامل الحق والحرية في وصفها شتارة أو غير ذلك مش دة رأيك إنت أبو حسين إن شاء الله تعتبرها مش شتارة وبس ... طيارة عديل كدة ...
وبنفس المنطق دة يا أخوي حتفضل دي وجهة نظري أنا "صبري طه" ورأيي أنا بس مش رأي كل المعارضة عشان الناس تعملها شماعة وتبقى كيزان ...
ولك ودّي ،،،
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: صبري طه)
|
جبتا ليليقمات عاملاها براي رافعة شعار تأكل مما نصنع
وقعدت اقرأ في الكتابات البائسة اليائسة دي
بقيت آكل مما اصنع واضحك مما اقرأ
انابعارض المعارضة لو دا صب في ملصحة الكيزان لا امانع في ذلك
لانهالمعارضة عاملة نفسها
حالة توأم سيامي ملتصق الرآس ما ممكن توقف تشرب واحد
كيتا في التاني
الاثنين ذي بعض اي وقت تجي المعارضة لن يختلف الامر كثيرا
لو وما وقفناالاكاذيب وتصفية الاخرين واحادية النظرة
بتاعة يا معانا يا ضدنا..الحال ما بنعدل
لا معاكم ولا مع الحكومة
مع نفسي براي
واحتقركم الاثنين لغشكم للشعب والمتاجرة بالامه
ولو الانقاذ مشت وجيتو المواطن العادي ما حيحس بالفرق اصلا
احمد وحاج احمد اذ سيم سيم...
ابو الحسين والله خريف ابو السعن عديل كدا
كارت الامة دي كلها قومت نفسهم ياخي
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
يا اميرة يا صديقة إيي مشروع سقف طموحاتو ما السماء
حا يلقا نفسو مدفون في الطين، و ما عندي شك في أنو الواقع
بي يخلي المعارض في طريقو لي تحقيق أحلامو (الأنا بتفق معاها
و بعمل عشانا) بي يغلط ، بس الفرق بين المعارض الحيودينا السما
و الحا يرمي بينا الواطه ، إنو الأول بي يجي ينتقد نفسو و يعتذر بي
كل شجاعةإذا غلط.
نحنا ضد النظام و عندنا خطاب ،طيب الخطاب دا موجه لي منو؟ أنا
رأيي موجه لي كل الناس بما فيه النظام ذات نفسو. طيب لمن توجه
خطاب حا يجي إنتقاد للخطاب ، الإنتقاد حا يكون واحد من ديل:
1- نقد رافض للخطاب من حيث المبدأ .(لأنو مع النظام)
2- نقد يريد إصلاح الخطاب لأنو قلبو عليهو.
3- نقد رافض للخطاب لانو شايف النظام و المعارضة طريقتهم غلط.
4- نقد يرفض الخطاب و هو مع الحكومة و لكنه يرفض الإقرار بذلك.
(زول قاصد داير يشوش علي الخطاب)
5- نقد يجي من ناس لأنو عندهم أحقاد و ضغائن مع ناس محددين
(نفد شخصي)
أها بالتفكيك دا طلعت ليك 5 مجموعات مختلفة ناقدة للخطاب و ربما
في الواقع يكونو أكتر، المشكلة وين؟ المشكلة هنا:
الناس الفوق ديل كلهم مسئوليتك ،هدفك المفروض يكون إقناعهم كلهم
واقعيا": ما ممكن كلهم يقتنعوا لكن بي تكون قدرت تكسب منهم كتار
و قدرت حيدت كتار وعلي الأقل إذا ما معاك ما ضدك
عشان كدا ناسك و مجال عملك ما ممكن تكون عدائي تجاهم
طيب إذا الناس كلها معارضة و ضد الإنقاذ الكاتبين ليها هنا شنو ؟!!
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: د.نجاة محمود)
|
أنا لا حكومة و لا معارضة
و الإتنين في نظري كذابين و منافقين
الحكومة معروفة للجميع يعني ما محتاجة لي إثبات و قلت الكلام دا في البوست دا نفسه
قلت إنو الحكومة جات بي كذبة إنو دا إنقلاب عسكري و إتضح بعد كدا إنو إتقلاب تم بتخطيط
و تنفيذ من الجبهة الإسلامية دا غير الكذب اللي إستمر 22 سنة.
كذب المعارضة برضو معروف لكن سبحان الله المعارض و المناضل لا يقبل أن يقال
له كاذب حتى و لو كانت الكذبة لا يصدقها طفل.
المعارضين العشوائيين هم أكثر ضرراً بالمعارضة و أكثر نفعاً للحكومة
المعارضة كذابة لم تأتي من فراغ لأن البورد فيه من البوستات ما يكفى لألصاق تهمة الكذب
بالمعارضة و المعارضين و الأمثلة كثيرة.
المعارضة مُصرة على أن من ليس معها فهو مع الحكومة و لكنه لا يريد أن يقول ذلك
و هذه كذبة أخرى تضاف لكذب المعارضة فالحكومة و المعارضة ليستا الجنة و النار حتى
لا تكون هنالك منطقة بينهما.
أنا غير مقتنع بالحكومة و غير مقتنع بالمعارضة فهل معنى هذا أني مع الحكومة..؟؟؟
منطق غريب جداً.
إذا كانت المعارضة تريد أن تزيح حكومة كذابة فلا يعقل أن تمارس هي الكذب أيضاً
.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
| Quote: أنا لا حكومة و لا معارضة |
نحن ما لينا بي الجواك لانه ده امر بينك وبين نفسك اكن انت في هذا المنبر موالي للنظام متستر بمعارضة المعارضة اما ان كان هذا الامر خاض بانتماء تريد ان تنكره او بارادة خفية لا تعرفها فانت موالي للنظام والكل يفهم ذلك
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
د. محمد حسن سلام
Quote: استاذن الاخوة المتداخلين في ان ارد على الاخ ابو حسين لانه اكثر الاخوة المتداخلين دون ان يحدد موقفا واضحا وهذا قد ينظبق على بعض ممن يقرأون هذا البوست دون ان يشاركوا فيه لاي سبب
وحتى ياخذ البوست مجراه الطبيعي دون الخوض في الشخصنة التي قد تحرف مسار الحوار
سبق وان سالتك اعلاه
علما بانني اتفق في بعض مما قلته بشان معارضي هذا المنبر مع الاحتفاظ برؤيتي الخاصة فيما يتعلق بالعمل المعارض
Quote: اتفق معك في ان بعض الاقلام المعارضة لها اخطاءها كما نحن ايضا لنا اخطاؤنا
طيب
اسر شهداء رمضان معارضين
اسرة مجدي
اسر من قتلوا في التعذيب
مئات الالاف من الاباء والامهات الذي شردوا تحت مسمى الصالح العام معرضين
الملايين من الفقراء الذين طحنهم الفقر (حسب اصاءات حكومة الانقاذ 95% من السكان تحت خط الفقر) معارضين
فهل انت معهم اخي حسين؟ .... |
مشكلتكم إنو السؤال نفسه بتضعوه بحيث لا يقبل غير إجابتين حكومة أو معارضة
يعني الإجابة إما أنا مع الحكومة أو أنا مع المعارضة
و أنا مكانتي غير موجودة في سؤالكم
أنا لا مع الحكومة و لا مع المعارضة أنا مع نفسي
حا إجو المنظرين برضو إقولو ليك إنو أنا مع الحكومة لكن ما قادر أقول
تحياتي
.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
| Quote: نحن ما لينا بي الجواك لانه ده امر بينك وبين نفسك اكن انت في هذا المنبر موالي للنظام متستر بمعارضة المعارضة اما ان كان هذا الامر خاض بانتماء تريد ان تنكره او بارادة خفية لا تعرفها فانت موالي للنظام والكل يفهم ذلك |
أها يا كونت شفت أنا الكل ديل ما شغال بيهم
أنا علي بي اللي أنا مقتنع بيه و اللي أنا شايفو صاح
بقيتو تدخلو ضمائر الناس و تحكمو عليها كمان
إنت و الكل ديل أفهمو زي ما عايزين أنا ما بهمني كتير اللي إنتو بتفهموه
و يا كونت إذا كان إنتو ما ليكم بالجواي... الحرابة دي كلها قائمة فوق شنو ..؟؟
و تجي تقول لي فأنت موالي للنظام و الكل يفهم ذلك...!!!!!!
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: صبري طه)
|
| Quote: أبو حسين كتب: المعارضة مُصرة على أن من ليس معها فهو مع الحكومة |
أبو حسين لن أتهمك بالزوغانات ...
أنا فهمت من الاقتباس الفوق دة إنك ما مع المعارضة بشكل مطلق يعني المعارضة كلها وبأي شكلٍ كان إنت ما معاها ...
وأنسى حتة إنك تنضم لمعارضة معينة أو مطلقة ...
سؤال مباشر (ولو تكرّمت ما تدخّل فيهو المعارضة) طرفاه الحكومة وأبو حسين ولا ثالث لهما ؟
السؤال: أين موقع أبو الحسين من الحكومة هل هو مؤيد لها أم معارض لها ؟
ولك ودي ،،،
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: صبري طه)
|
صبري أنا كتبت الكلام دا في البوست دا نفسو:-
| Quote: أنا لا حكومة و لا معارضة |
تجي تسألني السؤال د:-
Quote: سؤال مباشر (ولو تكرّمت ما تدخّل فيهو المعارضة) طرفاه الحكومة وأبو حسين ولا ثالث لهما ؟
السؤال: أين موقع أبو الحسين من الحكومة هل هو مؤيد لها أم معارض لها ؟ |
إفهموك كيف يا صبري...؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
| Quote: أبو حسين كتب: إفهموك كيف يا صبري...؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
غايتو يا أبو حسين ما جنبي زول لو كان جنبي زول كان عضيتو في أضانو ....
قلت ليك أنسى حتة المعارضة الإنت ما معاها دي .... معاي لحدّي هنا ...
في نظام جاثم على صدر السودان اسمو نظام البشير النظام دة إنت بتأيّد حكمو للبلد ولاّ ما بتأيد حكمو للبلد الحتة دي ما فيها منطقة وسط ...
يا مؤيد حكم نظام البشير للبلد يا ما مؤيد حكمو للبلد ؟
كلمة معارضة البتجيب الحساسية دي المرة دي ما كتبتها ليك ... وشيلها من رأسك في ردّك لي لو تكرّمت ...
مؤيد إنو نظام البشير يكون حاكمك ولاّ لا ؟
وبدون ما تصرف عربي كتير الإجابة بـ (نعم) أو لا
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: صبري طه)
|
Quote:
غايتو يا أبو حسين ما جنبي زول لو كان جنبي زول كان عضيتو في أضانو ....
قلت ليك أنسى حتة المعارضة الإنت ما معاها دي .... معاي لحدّي هنا ...
في نظام جاثم على صدر السودان اسمو نظام البشير النظام دة إنت بتأيّد حكمو للبلد ولاّ ما بتأيد حكمو للبلد الحتة دي ما فيها منطقة وسط ...
يا مؤيد حكم نظام البشير للبلد يا ما مؤيد حكمو للبلد ؟
كلمة معارضة البتجيب الحساسية دي المرة دي ما كتبتها ليك ... وشيلها من رأسك في ردّك لي لو تكرّمت ...
مؤيد إنو نظام البشير يكون حاكمك ولاّ لا ؟
وبدون ما تصرف عربي كتير الإجابة بـ (نعم) أو لا |
| Quote: أنا لا حكومة و لا معارضة |
غايتو يا صبري عندك مقدرة على التنظير ما عادية
أها لونتها ليك بالأحمر شيل الأحمر و خلي لي الباقي....
و هاك دي زيادة علشان إنت بتقري و بتنسى بسرعة
Quote: الحكومة معروفة للجميع يعني ما محتاجة لي إثبات و قلت الكلام دا في البوست دا نفسه
قلت إنو الحكومة جات بي كذبة إنو دا إنقلاب عسكري و إتضح بعد كدا إنو إتقلاب تم بتخطيط
و تنفيذ من الجبهة الإسلامية دا غير الكذب اللي إستمر 22 سنة. |
و هاك زيادة كمان:-
| Quote: و الحكومة كذبت كتير و قلنا ليكم جات بي كذبة |
| Quote: الحكومة جات بي كذبة و قدام كل الأحزاب |
| Quote: الحكومة قتلت و شردت و إغتصبت و سرقت و نهبت و عملت أي شئ |
.
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
طيب عشان ما أنظِّر كتير يا أبو حسين ...
أنا فهمت من ردّك الأخير تلخيص لموقفك من الحكومة ويعني أنك غير مؤيد لنظام البشير الكاذب والقاتل والسارق وتتمنى زواله ؟
هل أنا مُحق في فهمي هذا أم لا ؟
ـــــ
ودة بس عشان لمّا يجي يوم وأكتب في أيّ بوست تاني إنو أبو حسين غير مؤيد لنظام البشير ما تنطّ لي في حلقي وتقول لي وين أنا قُلت الكلام دة
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: صبري طه)
|
| Quote: ودة بس عشان لمّا يجي يوم وأكتب في أيّ بوست تاني إنو أبو حسين غير مؤيد لنظام البشير ما تنطّ لي في حلقي وتقول لي وين أنا قُلت الكلام دة |
إنت يعني يا صبري ليك يومين سالي روحي و مقوم نفسي و عامل بهق و أرتكاريا و خمة نفس و شحتافة روح
علشان خايفني أنط ليك في حلقك لو قلت إنو أنا غير مؤيد لنظام البشير...؟؟؟؟؟
ختها بدل صورتك الشينة دي في البروفايل بتاعك
و أكتبها في كل مداخلاتك و أطبعها في فنايل وزعها في البطحاء
و أطبعها في مناديل و وزعها لكل الجكس
| |
|
|
|
|
|
|
|
|
|
Re: السادة معارضي المعارضة ... فهمكم شنو (Re: ABUHUSSEIN)
|
يا ابا حسين اراك لبست طاقية و اتباليت باعبائها لا ايدك لا كراعك ساي
ومشكور يا كونت وكتر خيرك
___________
لي اسئلة لمن يصنفون انفسهم كـ "معارضين" و يعانون من ما اسموه معارضة ابوحسين - على سبيل المثال -
انتم معارضين شنو؟ قولة معارض ساي كدا من غير تعريفها بالإضافة لا يكفي
واجابة مثل معارض الحكومة طوالي يتبعها سؤال " ليه؟"
طبعا ممكن تتكتب قائمة طويلة للصباح في اجابة سؤال "ليه" دا
اها لنأخذ مجموعة من الإجابات التي اتوقعها في اللستة
الكذب و الغش و التدليس و البذاءة و الافتراء والظلم و الإقصاء ... إلخ
طيب سؤال الحاجات دي معارضتها مربوطة بموقف و توجه فاعلها ولاّ مرفوضة بشكل مطلق؟
سؤال كمان هل في كيان موحد اسمه المعارضة تنسحب عليه جميعه اخطاء بعض افراده
اذا انتقد ابوحسين او غيره صحيفة حريات في تدليسها و ممارستها للغش هل معناها انتقد كل الصحف المعارضة ليتم تصنيفه كمعارض للمعارضة
اذا انتقد كذبة بدر الدين البلقاء بأن الشهيد دفعة ولده هل معناها انتقد جميع المعارضين ووصفهم بالكذابين
اذا اعلن رفضه لبذاءة هباني هل معناها وصم جميع المعارضين بالبذاءة
وليه من يصنف نفسه معارض يتحمل اللوم على اخطاء الآخرين, هل لأنهم جميعا معارضين ؟
قد يقول قائل أن الإحتجاج على معارض المعارضة ياتي من كونه يغض النظر عن أخطاء الحكومة نفسها و مؤيديهاو يلاحق نفس الاخطاء او ما شابهها عندما تأتي من قبل المعارضة
هنا يثور سؤال ما انتقده معارض المعارضة از إت فاليد ؟ يعني هل فعلا ما ذكره من كذب و غش و تدليس و عدم امانة و بذاءة وقع فعلا ام مجرد ادعاءات
إذا كان وقع فعلا هل كون من اثاره مصنف كمعارض للمعارضة يكفي لغض النظر عنه أو يغيّر من طبيعته كخطا يجب رفضه و الوقوف ضده
بامانة كدة كثرة الحديث عن معارضي المعارضة فيها نوع من الهروب من مواجهة الاستحقاق الأخلاقي بالوقوف ضد الخطا بصورة مطلقة
وهو استحقاق كتيرين بعملوا رايحين منو بحجة الحكومة فعلت ما هو ادهى وأمر
| |
|
|
|
|
|
|
| |
د.محمد حسن
معاوية عبيد الصائم
ABUHUSSEIN
ادريس خليفة علم الهدي
Nasr
محمد أبشر
محمد البشرى الخضر
خضر عطا المنان
BAKTASH
فاروق عثمان
هشام عباس
mohmmed said ahmed
aydaroos
Elsanosi Badr
فيس بوك
تويتر
انستقرام
يوتيوب
بنتيريست