كتب الكاتب الفاتح جبرا المتوفرة بمعرض الدوحة
|
Re: ملــيون مبروك الجائزة يا خضر حسين (تستاهل) صور (Re: معاوية عبيد الصائم)
|
Quote: وتبرع صديق الفائز المدعو حسبو عكاشة بتاجير عدد 2 ك لب بوليسى للمساعدة فى البحث عن كمونية بقر (المسرين) ولاتعرف نوايا هذا (الحسبو) فى المساعدة |
يا معاوية ياخ نحن لينا قريب الاسبوعين حايمين في الخيران من خور ابو عنجة لحدي خور ابوحبل و بالعودة, ما شمينا ريحة الكرشة البتتكلم عنها دي, تقول لي كـلب بوليسي !! هسه غايتو منتظرين وفد من الهالكين مشو صحراء بيوضة احتمال يلمو في الكمونية هناك و الي ذلك الحين نحب نطلعك بشعار المرحلة
بليلتنا ولا كمونية المصاروة بليلتنا ولا كرشة الجبهة
| |
|
|
|
|
|
|
Re: ملــيون مبروك الجائزة يا خضر حسين (تستاهل) صور (Re: ناذر محمد الخليفة)
|
Quote: سلام معاوية
غايتو خضر دا أنا داير اريحو من حكاية الجرورة ..
حا أقوم إتوسط ليهو عند زولي ود المرضي تاجر الإجمالي بي سعر الجملة واقل من الجملة زاتو ..
يعني يجي أول الشهر يأجر ليهو كارو يشيل حاجات الشهر ويتخارج ويسدد على أقل من مهلو ..
غايتو لو موافق أنا جاهز .. |
ود المرضي دا بي وين يا ناذر...
| |
|
|
|
|
|
|
Re: ملــيون مبروك الجائزة يا خضر حسين (تستاهل) صور (Re: نجلاء قرافي)
|
يا هو زاتو يا خدر ..
Quote: يا ناذر ودالمرضي ده موش الفي الشارع البين شارع القبة وشارع التركي ولا ود مرضي غيروا |
في الميدان فاتح شمال ...
بتلقى عندو أي حاجة من الكبريت لحدي شوالات السكر والدخن والفتريتة .. ما شاء الله مخازنو مليانة وكلو بي اسعار رخيصة وفرق كتير بينو وبين سعر السوق ..
حاليا عمل ليهو فرع قدام أفتكر جمب الشارع الفيهو الأدوات الكهربائية ..
شيل ليك مية جنيه وأمشي ليهو وحا تجي من عندو بي مؤوونة شهرين مما لذ وطاب ...!
| |
|
|
|
|
|
|
Re: ملــيون مبروك الجائزة يا خضر حسين (تستاهل) صور (Re: حسبو عكاشة)
|
والله استاهل الجايزه المهمانو قاعد اسدد ولا لا وكان ما قاعد اسدد رغبتنا سداده وانا اضافه للجوائز متبرعه بى
كرتونة صابون الحمامتين
عشره علب امواس ناستى
شوال سكر كنانه
صفيحة زيت الغزالتين
صابون الحمامتين
كرتونة زهرة التاج
كرتونة صابون بدره نونا
صندوق صابون لوكس
كرتونه حلويات سعد
كروسة كبريت النجمه
كرتون شاى الوزه
كرتونه لبن برازيلى
شوال شطه قبانيت
عشره صناديق برنجى
وللمدام حنة التاج
صندلية التاج محل
عشره صوابع امبى
عشره فتايل بت السودان
اه يخوانه قصرته مع استاذ حسين
| |
|
|
|
|
|
|
Re: ملــيون مبروك الجائزة يا خضر حسين (تستاهل) صور (Re: محاسن أحمد محمد)
|
Quote: كرتونة صابون الحمامتين
عشره علب امواس ناستى
شوال سكر كنانه
صفيحة زيت الغزالتين
صابون الحمامتين
كرتونة زهرة التاج
كرتونة صابون بدره نونا
صندوق صابون لوكس
كرتونه حلويات سعد
كروسة كبريت النجمه
كرتون شاى الوزه
كرتونه لبن برازيلى
شوال شطه قبانيت
عشره صناديق برنجى
وللمدام حنة التاج
صندلية التاج محل
عشره صوابع امبى
عشره فتايل بت السودان
|
يا أستاذة محاسن الحاجات دي آخر مرة شافها حسبو بكون في عرس أخوهو الكبير غايتو لو اتبرعتي بالحاجات دي يانا الفتحنا فرع جديد لي ودالرضي أنا وحسبو حنبقي من أكبر تجار الإجمالي
| |
|
|
|
|
|
|
Re: ملــيون مبروك الجائزة يا خضر حسين (تستاهل) صور (Re: طارق جبريل)
|
فرحت شديد عند مطالعتي لعنوان البوست واعتقدت ان مشروع فرحه فوز بجائزه قد نور الديار .
لكن ضحكت من كل قلبي يا معاويه علي خفة وجمال الطرح .
وبما اني من اشد الوازرين لفكرة تمرير الاجنده الاخرى : اسال ناذر وين الكان الخطير دا ؟
وعاشت فكرة استغلال المنابر والبوستات .
| |
|
|
|
|
|
|
Re: ملــيون مبروك الجائزة يا خضر حسين (تستاهل) صور (Re: Mahassin Ibrahim)
|
خضر حسين ...
Quote: أخونا ناذر ده . معقول ياناذر بتجي من نمرة اتنين لي اللفة عشان تتبضع من ودالمرضي ياخ قاتل الله عفراء والفقر ياصديقي |
الكلاكلة اللفة القريبة دي ..!!
أمال لو حكيت ليك عن بتاع المزرعة البيعرض خضارو في سوق صابرين نهاية الشنقيطي تقول شنو ؟!
زول عندو مزرعة في حتة ما عارفا وين مشغل فيها اولادو وهو فاتح محل للبيع في سوق صابرين في الثورة ..
بيبيع بي أسعار إنت لمن تشك في نفسك وفيهو لو ما عرفت السر ..!!
يا خي أقرب مثال كيلو البطاطس في السوق بي ألفين جنيه .. تمشي للزول دا بيديك شوال كامل بي مبلغ ما بيفوت الخمسطاشر جنيه ...!
يوم كدة مشيت هناك إشتريت منو شوال جيت البيت عملنا منو ملاح بطاطس وصينية بطاطس وبطاطس شبس وسلطة بطاطس وبطاطس بي سلطة طحينة وبطاطس باللحمة المفرومة وبطاطس كباب وبطاطس بالبيض ومحشي بطاطس ..!!
بعد قريب الشهر كدة قبلنا للتحلية عملنا بطاطس بالجلي وبطاطس بي الزبادي الملون وبطاطس كستر وبطاطس بي الموز واللبن !!!
يا خي من شدة ما نظرت في البطاطس دي خلطتو بالخلاطة مع الجزر عملتو عصير كامل الدسم !!
وزعنا للجيران وللأهل والشوال أبى يكمل زي قصة القدح المسحور دييك ..!!
ولي هسي الشوال فيهو باقي هسي بفكر في طريقة جديدة أوظف بيها الفضل دا ..!!
وخليني أرجع ليك أحكي ليك عن بتاع مزرعة الألبان الفي الديم جمب جامع حجازي ..!
| |
|
|
|
|
|
|
Re: ملــيون مبروك الجائزة يا خضر حسين (تستاهل) صور (Re: ناذر محمد الخليفة)
|
Quote: يوم كدة مشيت هناك إشتريت منو شوال جيت البيت عملنا منو ملاح بطاطس وصينية بطاطس وبطاطس شبس وسلطة بطاطس وبطاطس بي سلطة طحينة وبطاطس باللحمة المفرومة وبطاطس كباب وبطاطس بالبيض ومحشي بطاطس ..!!
بعد قريب الشهر كدة قبلنا للتحلية عملنا بطاطس بالجلي وبطاطس بي الزبادي الملون وبطاطس كستر وبطاطس بي الموز واللبن !!!
|
انت يانا زر قصدك توتير خضر و لا شنو ياخ احترم الوضع النفسى الغذائى للمذكور..واحترام الاقليات الفقيرة واجب اخلاقى وانسانى....
انت مطالب باعتذار ووجبة دسمة للمذكور ...فى (امواج) بس الله يستر ما يتسمم
| |
|
|
|
|
|
|
Re: ملــيون مبروك الجائزة يا خضر حسين (تستاهل) صور (Re: Mahassin Ibrahim)
|
محاسن ...
Quote: حيرتنا ناذر : دا شوال بطاطس ولا فدان بطاطس ؟
|
الليلة الصباح صحيت من النوم لقيت ما في بسكويت أو عيش أشرب بيها الشاي !! وأنا الشاي ما بشربو حاف كدة ..!!
إتلفت جاي جاي .. دخلت المطبخ طلعت لي من الشوال بطاطستين قشرتهم وقطعتهم (صلايصات) .. أديتم شوية تحميرة كدة في الزيت طلعهم غمزتهم في سكر ناعم إنتظرت شوية وجبت الشاي ..!!
يا خي مبالغة ..!!! حلوة ومقرمشة الذ من البسكويت زاتو ..!!
غايتو البطاطس دا فيهو إمكانيات مهولة خلاص !!
Quote: اما دكان اللبن اللي جنب حجازى دا خليهو ساى ...السعر هين فما باللك بجودته التي حيرت الناس .
|
الزول دا يا محاسن عندو مزرعة واي حاجة بيجيبا طازة ..!!
خشي البيت بي جوة وشوفي عدد العمال الشغالين .. أوضة للحليب وأوضة للمش وأوضة للأ######## ..!!! حاجة مبالغة ما شاء الله ..
أنصح أخونا خضر بعد ما يمشي ود المرضي ويرجع من صابرين في الشنقيطي يعرج على الزول بتاع الحليب دا يشيل البيت كم رطل حليب وكم كيس مش وكم كيس زبادي واي منتجات أبقارية أخرى وما حا يندم ..!!
| |
|
|
|
|
|
|
Re: ملــيون مبروك الجائزة يا خضر حسين (تستاهل) صور (Re: ناذر محمد الخليفة)
|
Quote: أنصح أخونا خضر بعد ما يمشي ود المرضي ويرجع من صابرين في الشنقيطي يعرج على الزول بتاع الحليب دا يشيل البيت كم رطل حليب وكم كيس مش وكم كيس زبادي واي منتجات أبقارية أخرى وما حا يندم ..!!
|
شوف يا سيد نازر
كيف معاك سيد دى هههههههههههه
ضاير مقترحاتك عليك سامع ولا ما سامع عندك امكانية تقدم حاجات عديل مرحب ما عندك خضرنا مقتنع بمقولة (ربنا ما شقه حنكا ضيعو)
بالمناسبة كمية من المنظمات ابدت رغبتها فى مساعدة خضر حسين بارسال كميات من المرتديلا والبسطرمة والديوك الرومية..والمعلبات الاوربية..ولكن وطنية خضر طغت على الاغراءت اعلاه..ايمانا منه بنظرية (ناكل مما نفوز) مهما (صغرت النفوس) عليه عندك اى منتوجات وطنية مرحب انشاء الله كمونية (المسرين) المتلجة.....انت كائن مستفز عديــــــــــــــــــــــــــــــــــــــــــــل ياخ...... عالم تتلذذ بتعب (الكادحين)
| |
|
|
|
|
|
|
Re: ملــيون مبروك الجائزة يا خضر حسين (تستاهل) صور (Re: Abdlaziz Eisa)
|
Quote: يا ودالصائم
هنا في جيل جديد (جرورة) شنو ياخ عموما نحن ادينا جائزة الاحترام والمحبة لخضر
|
الاستاذ الحبيب موصلى اولا اريتك بلغت الصحة واجر وعافية يا حبيبنا
يعنى وضع اخونا خضر ده عامل قلق للمنظمات الانسانية ونحن قلنا نستعين بمنظمات ومنتوجات وطنية....
بخصوص الجرورة والحداثة ..نسوى شنو مع ثقافة خضر صاحبك ............ عامل ليهو (نوتة) ليوم الليلة للجرورة
تحياتى لك
| |
|
|
|
|
|
|
Re: ملــيون مبروك الجائزة يا خضر حسين (تستاهل) صور (Re: معاوية عبيد الصائم)
|
سلام يا معاويه دعمآ لنجاحات أخونا خضر و انجازاته المحلية و الاقليمية و الدوليه في ترسيخ تراث الجروره و و اعادة الحياة لدفتر الكنتين أعلن عن تبرعى بالآتى: - كتاب فاتح العقول في فوائد موية الفول - ما بعد الحداثة و العدس - أصول فقه الرشوشة - الأصول الطبقية لمعاداة اللحم - الماركسية و جذور الحركة النباتيه - لماذا تركت الدجاج وحيدا - مجموعة شعراء و نرسل كذلك "شوالات" و "حاويات" تضامن ----------------------------- من التاريخ النضالى للجرارين: قالو عمك كل يوم يجيب نصو و يغشي الجزار الجنبو يتناول راس نيفه بالجرورة و يجي البيت , يشد الباسم و يقزقز بالنص لغاية الراس يستوى يعضي و ينوم, آخر الشهر يدى الجزار حسابو على داير المليم , كده لسنوات. يوم كالعاده غشي الجزار عاوز الراس, الجزار قاليهو يا كاش يا مافي, عمك حنسو بكل الوسائل مافي طريقه زولك واقف الف أحمر, عمك قنع و هو ماشي اتلفت شاف الريسين مرصوصه في البترينه قاليهم " إهههي يا *****" ---------------------- فتة الفول تحذ مورتا و عكاشه للمره الأخيرة
| |
|
|
|
|
|
|
Re: ملــيون مبروك الجائزة يا خضر حسين (تستاهل) صور (Re: esam gabralla)
|
Quote: - كتاب فاتح العقول في فوائد موية الفول - ما بعد الحداثة و العدس - أصول فقه الرشوشة - الأصول الطبقية لمعاداة اللحم - الماركسية و جذور الحركة النباتيه - لماذا تركت الدجاج وحيدا - مجموعة شعراء و نرسل كذلك "شوالات" و "حاويات" تضامن
|
الصديق عصام جبرالله اريتك طيب وحليل زمان واليوم (التاريخى) وسباق الزمن من اجل انجاز (السريع) وانجز...حليلك والله
بمناسبة المراجع الفوق بنفكر نسوى معهد لتاهيل ابناء الاصدقاء عموم فخليك جاهز قدامك شغل كتير ياعمك
ياخ مشتاقين كتير
| |
|
|
|
|
|
|
Re: ملــيون مبروك الجائزة يا خضر حسين (تستاهل) صور (Re: esam gabralla)
|
كتب الفقير لله عصام بن جبر الله
Quote: من التاريخ النضالى للجرارين: قالو عمك كل يوم يجيب نصو و يغشي الجزار الجنبو يتناول راس نيفه بالجرورة و يجي البيت , يشد الباسم و يقزقز بالنص لغاية الراس يستوى يعضي و ينوم, آخر الشهر يدى الجزار حسابو على داير المليم , كده لسنوات. يوم كالعاده غشي الجزار عاوز الراس, الجزار قاليهو يا كاش يا مافي, عمك حنسو بكل الوسائل مافي طريقه زولك واقف الف أحمر, عمك قنع و هو ماشي اتلفت شاف الريسين مرصوصه في البترينه قاليهم " إهههي يا *****"
|
| |
|
|
|
|
|
|
|