|
|
|
 Re: بورداب الرياض يحتفون بالعريس الأمين البشاري (Re: صبري طه)
|
Quote: نرجو من الإخوة علاء الدين منصور و عمران أبو محمد المريخابي ردم الصور هنا
|
اردم يا معلم
يا ريس لحدي اخر استراحة الواد كان هلالابي معقول قلبّّ؟؟؟
مبروك يا الامين ربنا يهنيكم
كان ودنا الحضور لكن الله غالب
وافد جديد في الاسرة(الابن علي) اعاد ترتيب حياتنا بمزاجه.
نعمل شنو حكم القوي على الضعيف.
أسرة علي بابا
| |
  
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: معاذ حسن)
|
البشارى الله يهنيك
عدم حضورنا المبرر اظن وصلكم عذرنا
ياجماعه الزهايمر جانى
بالله فى بوردابى اتصل بى وصفت ليه الاستراحه
قلت ليه وصل اعتذارى وما وصلو وانا شاكى فى اتنين يوسف ابو سنينه
او احمد العمار ..
بالله البوردابى الوصفت ليه زى الساعه 5 كده يقول انا
اها دى حالة زول ممكن يجى،،،
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: صديق الموج)
|
مبروك مثنى وثلاث ورباع
للحبيب العريس الامين البشاري وزوجته
لمة فوق التصور ، ومن كل بستان زهرة
فرحنا لاخونا البشاري وحرمه المصون
اتونسنا مع القامة عركى ، وزكريات مسرح قاعة الصداقة الخارجي
سعدنا بمقابلة اخوانا بورداب جدة جمال سنوسي وعلاء صالح
انبسطنا لجمعة الاخوان بورداب الرياض وضيوفهم واسرهم
اللهم اجعل كل ايامنا افراح، وأجمعنا دائما في الخير
تحياتي الريس ابو جهينة
وسلامي للجميع
| |
|
|
|
|
|
|
|
|
 Re: بورداب الرياض يحتفون بالعريس الأمين البشاري (Re: سيف بخيت موسي)
|
الف الف مبرووووووك لود عمي البشاري وعروستنا الغالية
ابقي عشرة على جنانا يا يمة
وات يا جنا ابقى عليها الف
آآي الف عارفاك ممسوخ
والله صحي
التحية والتقدير لبورداب الرياض السمحين وحلوين وحنينين
ربي يسعدكم ويا بختكم حضروا معاكم اهل الأدب والفن الرفيع
الحبيبة الأريبة دكتورة عفاف الصادق ,, الف حمد الله على سلامتك يا زولة ملانة سماحة وريد
والاخ الصديق العزيز عركي لهم التحايا والأشواق العطرة
الريس ابو جهينة دائما بتجي شايل جواك سماحة جيل
مبروك عليهم وربنا يجعل ايامكم كلها افراح ويوعدنا بي لمة تانية معاكم قريب
سلام واشواق لكل البورداب خاصة الطولنا منهم
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: اسماء الجنيد)
|
لمة ولا الف لمة تستاهل يالبشاري بحضور القامة ابوعركي
و الدكتور عفاف والبورداب الحلوين استمتعنا بلقاكم و
نرحب البوردابيان الزقازيقان الاصيانل الفنان جمال السنوسي
و القامة زهير الزناتي و جميع الحضور الراقي و جمعة كانت
جميل بكم وبافتقادنا لود الصائم غابت عنا الجركانات و الحاجات
الحلوة مما كان له الاثر الواضح علي بعض البورداب من ناحية النشاط
الاجتماعي و.........................!!!!
الشي الثاني يا صديق الموج الزهايمر مشكلة والله يعين ام العيال عليك
و الحسرة علي شبابها الراح مع العجايز, لكن سمعت وصيتك وصلت العريس في
والريس ابوجهينة شهود علي ذلك لكن من الشخص هذا ما لم نستطع عليه كشفا!!
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: اسماء الجنيد)
|
إفتقدنا بعض الناس كانوا بجملوا ألأماكن ونجدألأعذار لهم والدنيا ظروف.
إندحنا بفرح شديد بلقاء الجميع وعريسنا ألأمين البشارى وعروسته اللطيفة..
شكرآ لكل الذين وقفوا لأنجاح هذا اليوم.
الشكر للباشمهندس بكرى أبوبكر الذى جعل من تجمعنا ألأسفيرى تجمعآ واقعآ ومفرحآ.
شكرآ الريس أبوجهينة..شكرآ اللجنة المنظمة.
كل مرة تظهر فكرة وناخذ خبرة وتتبلور نتاج جميل لواقع رائع.
التحية للجميع...
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: عبدالله كع)
|
ما أروع لقاء بورداب الرياض الذين سُعِدت وتشرّفت كثيراً بملاقاة معظمهم لأول مرّة
حقيقة أسرني بريق حفاوتهم وسحرني ألق سودانيتهم الخالص
رأيت سماحة البلد فيهم وكأنها قطعة من دهباً مجمَّر ما بتفقِد لمعتها
كم كنت أتوق شوقاً للقاء بقية الأحباب ممن غابوا عن اللقاء ولم يغيبوا عن القلب
ألف مبروك للأخ العزيز العريس الأمين
شكراً بورداب الرياض على جمال الإلفة وحفاوة الأحضان وألق الفرح
شُكراً لهالات المعزّة والمودَّة وأحلى الصِلات التي وجدتها تحفّكم ببهاء
وإن شاء الله دايماً ملمومين في ساعات الخير والفرح
تحيّاتي يا ريّس أبو جهينة
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: طارق ميرغني)
|
خالص التهاني للعروسين ونقول ليهم بيت مال وعيال
وكنا سعيدين بالتعرف على بورداب جدة (علاء وجمال وصديق )
واكثر سعادة بوجود القامة الاستاذ ابوعركي البخيت والاستاذة عفاف الصادق حمدالنيل
ومراحب بانضمام Anwar Ahmed الى بورداب الرياض ونتمنى له التوفيق Quote: لانو حصلت لعبة وسوء في التوزيع من د. محمد حسن
ده حالتو قال عايز ينضم للمؤتمر الوطني ....!!!!! |
فعلا يا طارق بعمليتو العملا امس في توزيع الباسطة دي اثبت انو فعلا مؤتمر وطني لووووول
شكرا للجنة بورداب الرياض
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: علاء الدين صالح)
|
شكرا معنى
شكرا رمــزا
وشكرا مضموناً
..
..
كما هو العهد بكم دوماً .. فقد كنتم قامات سامقات في سماء الرياض
احتشدتم بل تناديتم من كل حدب وصوب لمشاركتنا فرحتنا
كان اللقاء فرصة للقاء العديدين لأول مرة .. وكان لقاؤوهم بمقدار حبنا لهم
وجمل الأمسية حضور الاستاذ ابو عركي البخيت والأخت عفاف الصادق بحضورهم الزاهي
شكرا لجنة بورداب الرياض وفي كل مرة اكتشف روعتكم وروعة البورداب
وسأظل أردد ان روعتكم ليست صدفه فانتم الجمال كله والابداع من صنع ايديكم
تتقاصر حروفي في وصف مشاعري تجاهكم وكما قيل فالكيبورد موصل غير جيد للمشاعر
تحياتي لكل من شاركني بالأمس والعذر كل العذر لمن لم يستطع الحضور
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: الامين موسى البشاري)
|
Quote: انت اقعد انتظر الباسطة حقت طارق ميرغني
والله فاتتك حاجة أروع من الباسطة ومفعولها لا يقاوم وسرها باااااااااتع
ولو ما مصدقني أسأل اسماعيل عباس ومعتصم وطارق نقد ووزير الري
المذكورين أعلاه نموذجن بس |
أى والله أنا ضربت 3كور غلبنى المشى رغم أن باسطة مدام طارق ميرغنى لاتقاوم الله يديها العافية شوف عينى أكثر من ثلاثة صوانى ربنا يحفظهم ويجغل أيامهم كلها باسطة فى باسطة.
يوم امس ما بتوصف خلو الصور تحكى...
علاء صالح..زهير الزناتى جمال السنوسى د/أنور...وجودكم زاد الروعة روعة.
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: عبدالمجيد الكونت)
|
الف مبروك للاخ العريس البشاري
وفعلا القدم ليهو رافع
لحدي يوم الخميس بالليل اتصلت على الاخ الشفيع وراق
لتذكيره بالمناسبة ولقد ابدى عذره بحجة ان ابنه لديه
امتحان رياضيات اليوم ولا بد من المتابعة معه
وللاسف الشديد ظروف طارئة حالت دون مشاركتي للاخوة الاعزاء
بورداب الرياض وضيوفهم الكرام مشاركتي لهم هذا اللقاء الجميل
التحية لكم جميعا وللضيف الكبير الاستاذ ابو عركي وحرمه دكتورة
عفاف الصادق
ولضيوف الغربية الاعزاء
كنت اتوق شوقا لرؤية الكونت
لكن خيرها في غيرها
كما كنت ( اتمطق ) طعم باسطة طارق من نهار الاربعاء
مخير الله
شكرا للريس ابو جهينة واركان حربه من عضوية اللجنة التنفيذية
للبورداب
شكرا لكم جميعا
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: صلاح غريبة)
|
والله كان يوم باسطه بس
عركي وعفاف الصادق
والعريس الامين البشاري
ولمة شباب زي الورد
وعضه نضيفه
لكن تمبس اثبت انه ود المورده المفتح
وحرمه المصون زميلة البورد
اخذوا كاس افضل وجبه عن جدارة
وادوا باسطة طارق مرغني 0/10
قال باسطة قال!!!
اليلية ووووووووووووووووووبين 2
على قول الشاعر
الصور
الصور
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: عماد الشبلي)
|
شكرا اخي ايمن دياب علي الذوق وتستاهل الباسطه
شكرا اخي الكونت للمقابله الجميله
لاكين نانسي عجاج دي فكرني كانت في الحفله ولا شنو؟
شكرا ابو عركي للاشاده بالباسطه يللا بالله اغنيه عشانا
شكرا اخي تمبس ومدام داليا كباشي علي الشوربه المعتبره التي لم نذقها لكن الايام الجايه باذن الله
صديقي طارق نقد شكلك متغدي بي بنجر او عطر مصطفي شحرفان لخبت موازينك
وخلاك تشوف الباسطه قرموط ..قرموط يا بتاع القارميط...
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: كمال عباس)
|
ياخوانا معليش صور الليلة مافي ليها طريقة بعد الليل المشى ده
بس في صورتين ما بقدر أصبر بيهم وحبيت تشاركوني فرحتنا بأطفالنا الزينين
عمر معتصم دفع الله وابتسامة لا تملكـ إلا أن تقول معها ماشاء الله وربنا يحفظو
حفيدة المحرب وما عندي غير ماشاء الله ربنا يفرِح بيها الحوالينا
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: نوفل عبد الرحيم حسن)
|
بورداب الرياض ديل بزكرونى سودان زمان عندما يجتمعوا
لاحزبيه ولاقبليه ولااثنيه كل زول يمثل السودان البدرى داك
لكم التحيه ... وتشرفت بمعرفة بورداب جده ولاول مره اقابل الاستاذ
عركى ...
وين صور العرسان ياتمبس وعمران دى مفروض تكون نزلت بدرى
اما شوربة القراقير انشاء ما تنفعكم حصلت فيها خيانات انكشفت فى الاخر
لكن داليا قالت سوف تعوضنا فى القريب العاجل بهذه الشوربه السرها باتع
مع امكانيه مندى ريسين سمك .
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: خالد المحرب)
|
أولاً أعتذر بشده لكل الأخوه والاخوات بورداب الرياض وضيوفهم الكرام وللعريس وحرمه المصون وللأستاذ القامه أبو عركي البخيت وحرمه المصون الدكتورة عفاف الصادق عن حضوري المتأخر وذلك لظروف قاهرة ولكن الحمد لله الواحدجاء ولحق ليهو ساعة مع الناس وكانت ممتعه جداً وإلتقينا فيها بالبورداب الطيبين ولا أنسى بورداب جده الذين شرفونا بحضورهم وذادونا ألقاً بوجودهم بيننا ،
شكراً الريس أبو جهينة وشكراً لكل من صنع هذا الفرح ، شكراً الباش مهندس بكري ابو بكر لأنه جعل اللقاء الاثيري واقعاً شكراً كل الأخوه بورداب الرياض بدون فرز ،، فقد سعدنا بلقاءكم وكانت جمعه ولا كل الجمع ...
لمه في الحرم إن شاء الله ،،،
تحياتي : ياسر العيلفون
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: عمران حسن صالح)
|
التحية والتقدير للرائعين لبوعركي / عفاف
بورداب الرياض دائما انشاء الله تامين ولامينٍ
Quote: .
لكن تمبس اثبت انه ود المورده المفتح
وحرمه المصون زميلة البورد
اخذوا كاس افضل وجبه عن جدارة
وادوا باسطة طارق مرغني 0/10
قال باسطة قال!!!
|
لم نشاهد الوجبة اعلاه وين تم اكلها لذا نطالب
بالتعويض
اما الباسطة فهي شغل اسطوات
وسعدنا حقا بوجود جمال السنوسي/ علاء/انور/ زهير
بهم ازدات اللمة نورا وبهاء
| |
|
|
|
|
|
|
|
|
 Re: بورداب الرياض يحتفون بالعريس الأمين البشاري (Re: tmbis)
|
Quote: اما شوربة القراقير انشاء ما تنفعكم حصلت فيها خيانات انكشفت فى الاخر
لكن داليا قالت سوف تعوضنا فى القريب العاجل بهذه الشوربه السرها باتع
مع امكانيه مندى ريسين سمك . |
تلقى ضحك وشوربة قراقير ؟
كلام البعيو اصلو ما بنسمع
الا يكون بعيو يدو طويلة
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: عبدالله ود البوش)
|
بالنسبة للناس الفات عليهم .. غدا الفنانين ..
المكون من : شوربــة الصياد .. المخصوصة جدا .. والتي لا تؤكل إلا بالكاتلوج الذي تم صرفه مع الوجبـة .. 
ارجو أن أنونه .. أنو الخيانات .. كانت من جانب كل من:
1. طارق نقـد .. الخبير جدا في ظروف زي دي .. والذي اصر أنو الحلة دي ما تتفتح غلا بعد الساعة اطناشر بالليل وكدا
2. اسماعيل عباس .. والذي شارك طارق نقد المؤامرة .. التي تمت في غرفـة فرز المعيشة .. وتوزيع الوجبات ..
3. معتصم دفع الله .. المتستر عن المعروضات ..
4. العريس البشاري هيم سيلف
آخرين ..
1.ادريس وزير الري .. الذي نقش سر الخلطة وذلك لخبرته في مجال الاسماك ..
2.خالد سعيد .. ما جاب الجداد قال اخير ناكل ليكم سمكم دا ..
3. يوسف أبو وجيدة .. طبعا كان بياكل ويتبسم .. ويقش في خشمو ..
آحرين مشاركين عن بعد:
1. صلاح اسماعيل عباس ..
2. حرم اسماعيل عباس ..
3. زميلة البورد .. داليا كباشي
..
مع العلم أنو:
قام بعض من المذكورين أعلاه .. بإخفاء الحلة في (فرن البوتجاز) الملحق بمطبخ الاستراحة ..
يعني تاني يا جماعة في لمات زي دي .. أول حاجة تأمنو الحتة بتاعت البوتجازات دي ..
..
المحــرب وطارق مرغني :
اعربوا عن اسفهم الشديد جدا .. للشي الحاصل دا .. وابدو حسرة واضحة جدا اثناء حديثهم بعد انتهاء المعركة .. والفكفكة التي حصلت لمحتويات الحلة والتي كان من الصعب جدا فيها جمع الاشلاء ..
الخلاصـة:
تاني في لمات زي دي .. اعملوا على مراغبة تحركات .. طارق نقد .. واسماعيل عباس .. وفتشوا البوتجازات الملحقة ..
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: tmbis)
|
الأرباب عصام المحرب (البنطلون الأسود) ، والأرباب سعيد (الشيرت الأحمر ) ( في عرضـــة كروية )
والتشجيع يقول ياليل بقيادة رامي الإعتصامي ، وأبناء مهدي الصادق ..
التحية لكل الحضور ، وألف مبروك للعرسان ..
بالمناسبة : أنا شربته لي كورية بتاعت شوربة تمبس ( رجعته البيت لقيت قرموط بي عيون عسلية )
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: tmbis)
|
اخوتي واخواتي
بورداب الرياض
لقاء الجمعة 8 ابريل 2011
كان بحق وحقيقة
من اجمل اللقاءات التي حضرتها في حياتي
كان استقبالكم رائعا
وكرمكم فياضا
سعدت بكم كثيرا
وقابلت الكثير منكم لاول مرة
سعدت باللقاء جدا
وشاهدتكم يد واحدة في اجتماعياتكم
لا حزبية ولا قبلية ولا جهوية
نسيج اجتماعي واحد يغطي الكل
حتى وجبة الغداء كانت متحدة الاصناف للكل ( ده طبعا قبل الخيانات من زملاء البورض)
اعجبت كثيرا بتمازجكم في بوتقة واحدة برغم تعدد الوانكم السياسية
وليت بورداب جدة يتعلمون منكم معنى ان تكون بوردابي اصيل
والف مليون شكر لكل من رحب بنا في اللقاء او في هذا البوست
وياريت نلقى فرصة نرد هذا الجميل
الذي زينتم به ارواحنا وقلوبنا
فصرنا نحبكم اكثر واكثر
وربنا يجمعنا تاني
عما قريب ان شاء الله
طلب صغير جدا :
الرجاء فتح باب العضوية لكل بورداب المملكة
لأني أتشرف بالإنضمام لكم واعلن من هنا
حضوري ومشاركتي في كافة انشطتكم
وأنا في إنتظار قبول العضوبة
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: tmbis)
|
| Quote: عليك الجلوس لي إختبار القُدرات أولاً و الذي يتضمن |
يا أبوحسين .. الهلالاب (خاصةً من ناس جدة)
مستثنون من إختبار القدرات .. لأن جدة وناسها غير ؟!!؟
وعليه قبلت العضوية ، وعلى إسماعيل عباس تجهيز تذاكر
لعدة سفرات لجدة (ذهاب وعودة) لعضو بورداب الرياض الجديد
جميل الروح .. جمال ود السنوسي .
مودتي ،
( ليمو )
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: ABUHUSSEIN)
|
Quote: طلب صغير جدا :
الرجاء فتح باب العضوية لكل بورداب المملكة
لأني أتشرف بالإنضمام لكم واعلن من هنا
حضوري ومشاركتي في كافة انشطتكم
وأنا في إنتظار قبول العضوبة |
يا جما ل إنضمامك لنا شرف نعتز به ونتشرف بكل من يريد ألأنضمام إلينا بكل فرح وسرور.
ليس لبورداب السعودية بل بكل بورداب الدنيا...
أخاء بلاحدود.
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: ismeil abbas)
|
اخي تمبس
من الحطام الذي اطلعتني عليه وبعد ان اختلط علي البقر فرايت لاول مره كربريتر بوكس موديل 1979 م تحت التوضيب
ودققت النظر فتاكدلي انك معلم درجه اولي في حلحلة صعاب الامور وفكفكة رؤوس الاسماك
هكذا يؤكل السمك يا صديقي
التحيه لك ول "مساعد الحله"....
اما ناس الكفته والفرايد ديل خليهم ساكت
الما عارفين يفرقوا بين القرموط اب عيون عسليه ولا الريحه الحمرا ...
اما البورتريهات يا تمبس
انما شغل محترفين ما شاء الله
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: جمال السنوسي)
|
حقيقي نشكر ناس الرياض بورداب وغير بورداب ... علي هذه الحفاوة والبشاشة ... والكرم ... والاحتفال ..دون ذكر اسماء جميع الذين التقيناهم للمرة الاولي او الذين امتدت بيننا اواصر المودة من فترة طويلة .... تسابقوا في الاحتفاء بنا علي قلب رجل واحد ... نتمني ان تسود هذه الروح في جميع اللمات القادمة ... ما وجدناه من حفاوة يشجعناعلي حضور كل انشطة بورداب الرياض ... وكما قال صديقي جمال السنوسي ... نعتبر انفسنااعضاء في هذا المحفل الجميل .... مرة اخري سعدين بلقاءكم ايها الاعزاء ...
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: د.محمد حسن)
|
سلام يا امينو
الف مبروك ليك وللعروسة وربنا يبارك
تحية لبورداب الرياض على هذا الترتيب والحفل الرائع
حقيقة كنت راجع من المدينة المنورة للدمام، وخطتي ان اصل الرياض حوالي 10 مساءا او حولها
وكان في فكرة نتوقف عندكم، لكن للاسف وصلت الرياض مع صلاة الصبح.
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: الامين موسى البشاري)
|
Quote: المحــرب وطارق مرغني :
اعربوا عن اسفهم الشديد جدا .. للشي الحاصل دا .. وابدو حسرة واضحة جدا اثناء حديثهم بعد انتهاء المعركة .. والفكفكة التي حصلت لمحتويات الحلة والتي كان من الصعب جدا فيها جمع الاشلاء ..
|
تمبس نحن سوف نعمل حلف مع داليا لانك شكلك كدا سوف تضيعنا المره الجايه
مع هولاء الناس ياخ انا حالتى دى متحير فى ناس اسماعيل وادريس يخدمو فى الضيوف
كل مره اقول ليهم تعالو ياجماعه مافى ضيف اقعدو اكلو تاريهم كاتلين السمك وخامين البيض
ايوا فهنا حاجه لكن الحمد لله انو ود البوش ما ضاق البتاعة دى والله دى براها فايده
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: خالد المحرب)
|
لمتكم ولا حلوة ولاحاجة (ده طبعا من غيظي)
اول حاجة لمة ما فيها ود الصايم ولا ود الباوقة ولا ود الموج ولا ابو حسين ولا سامية حامد
اكييييييييييييييييييييد ها تكون بايخة وما عندها طعم (بالله زول بالغلط قال لي فقدناك ما في )
والله بالجد فاتتنا لكن نقول شنو الله غالب
وفاتنا كمان التعرف على الهلالابي الرائع جمال السنوسي والاخ علاء الدين صالح
وطبعا اصلا خسارتنا الكبرى في عدم مقابلتنا للاستاذ الفنان ابو عركي والاخت عفاف الصادق
يا ريس عاوزين واحدة تانية قريب (بس إتأكدوا في الاول انو مافي اي اصبع مكسور)
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: ahmed saeed)
|
في ليلة جميلة و فريدة إحتفل بورداب الرياض بالعريس الأمين البشاري ...إن شاء الله بيت مال وعيال... بورداب الرياض تسامح و تعاضد وتكاتف ... والله شرف لي الإنضمام إلي كوكبة من الرجال. نشكر الريس ابو جهينة علي الترحيب هنا وألاستاذ محمد إبراهيم علي علي تحمله الصعاب لكي التقيكم.
أنور أحمد
| |
|
|
|
|
|
|
|
|
|
Re: بورداب الرياض يحتفون بالعريس الأمين البشاري (Re: ismeil abbas)
|
انها جمعة التسامي فوق جراحات الوطن التي توكأت علي عصا الابداع التي هشت بها عفاف الصادق حمدالنيل بوحا انسانيا حرك عصب الدواخل ودندن قبلها الشعراءًُ الرائعون يوسف ابو وجيدة وعبدالله داش وهاشم حلف الله وبعدهما اعتلي منصة الابداع ابوعركي البخيت الذي فجر ينابيع الوجد الوطنية في كلمات عظيمات للشعب السوداني قاطبة .
تزينت خيمة فرحنا بهجةً بقدوم بورداب جدة والشرقية جمال السنوسي - علاء الدين صالح - صديق رحمة - زهير الزناتي والبوردابي القادم من امريكا د. انور فتوشحت بحنين الوطن وتلفحت ثوب الفرح الذي البسته لفارس الليلة الاخ الامين البشاري وعروستة .
الشكر لكل من ساهم في تلوين مجسم فرح تلك الليلة واخص ابوعركي البخيت ورفيقة دربه وملهمة ابداعه عفاف الصادق وابن خالتة د.بدوي .
والتهنئة للاخ الامين البشاري وعروستة متمنياًلهم حياة زوجية سعيدة .
| |
|
|
|
|
|
|
| |
ابو جهينة
معاذ حسن
صديق الموج
أحمد الشايقي
سيف بخيت موسي
اسماء الجنيد
موسي عيسي
ismeil abbas
ABUHUSSEIN
الامين موسى البشاري
Zomrawi Alweli
tmbis
عبدالله كع
علاء الدين صالح
محمد إبراهيم علي
بله محمد الفاضل
صلاح غريبة
طارق عبد اللطيف نقد
بريمة محمد
عماد الشبلي
كمال عباس
عمران حسن صالح
هجو الأقرع
ساميه حامد
نوفل عبد الرحيم حسن
خالد المحرب
ياسر السر
محمد عبد الماجد الصايم
عبدالله ود البوش
Khalid Saeed
وليد عبد اللطيف
جمال السنوسي
abdulhalim altilib
نصر الدين عثمان
حفصه خالد المحرب
زهير الزناتي
د.محمد حسن
أحمد ابن عوف
يوسف السماني يوسف
ادريس خليفة علم الهدي
BousH
فيس بوك
تويتر
انستقرام
يوتيوب
بنتيريست