|
|
 يا اسرائيل هووووى ..أحسن ليكى تلمى جدادك
|
قال الانقاذى ( على كرتى ) بتلجلج وانكسار : يحتفظ السودان بحق الرد على اسرائيل )..
والله أكبر والعزة للسودان ولا نامت أعين الجبناء
فيا اسرائيل هووووى ..
لا يغرنك انتصارك على حماس وناس ( هنية )
فهم محتلون مساكين ونحن ثورة انقاذية
ولنا جبش عظيم وكمان مليشيات شعبية
وسلاح وعتاد صينى وانتينوف روسية
وياما كانت لجيشنا صولات وجولات بطولية
تشهد عليهو (ساحات الفداء ) فى الشاشة التلفزيونية
فياما برطعت طائراته فى كامل الأرض السودانية
وصبت على المواطنين الغافلين حمما جهنمية
وفى الجنوب خضنا أطول حروب الغارة الأهلية
وفى الغرب أحرقنا الأرض واغتصبنا الحرائر وذبحنا البقية
وأسرنا وقتلنا وطاردنا فلول الحركات الدارفورية
وفى جبال النوبة كانت لنا صولات ومذابح تاريخية
وفى النوبة كذلك أغرقنا مهد الحضارات السودانية
وفى الشرق فتحنا نار الجحيم على البورسودانية
وجبهة الشرق يا ما كبدناها خسائر مادية ومعنوية
وناس الانقسنا بهدلناهم أيضا وألحقناهم بالبقية
وما زلنا نتفنن فى ازكاء الفتن بين الدينكا والمسيرية
ونخطط أيضا لاغراق دولة الجنوب فى حرب أهلية
فيا اسرائيل هذى أمجادنا فانقرعى وأرعى بقيدك والا...
نجيب خبرك و نوقع معاكى اتفاقية ..
أو يرقص ليكى الرئيس رقصة حماسة جعلية
سى يا يمة سى ..
|
|
  
|
|
|
|
|
|
|
 Re: يا اسرائيل هووووى ..أحسن ليكى تلمى جدادك (Re: AMNA MUKHTAR)
|
حسبنا الله منكم يا ناس الانقاذ ومن هباشتكم..
نحنا مواطبنو بورسودان قضينا ليلتين من القلق المضنى حتى تم الأعلان عن هوية الضحايا..
خالص العزاء لأسرهم..
وربنا يكفينا شر هباشة ناس الانقاذ ..
فهذه ثالث مرة تقصف اسرائيل شرق السودان .
______
أسد علينا..وفى الحروب نعامة .
| |
|
|
|
|
|
|
|
|
 Re: يا اسرائيل هووووى ..أحسن ليكى تلمى جدادك (Re: AMNA MUKHTAR)
|
الحكومة ردت زمان عبر مضاداتها الارضية من قاعدة الصواريخ المنصوبة حول مطار بورتسودان القديم..!
ونحن الان في أنتظار نشر خسائر العدو في الصحف الاسرائيلية...!؟
..........
رد شنو يا بنت العم
الجماعة ما عارفين حتي الان نوع القذيفة شنو؟
ولم يستطيعوا معرفة تفاصيل العملية الا عن طريق المصادر الاسرائيلية؟
بوضعنا ده زي علي قول واحد من الاخوان ( الريس ممكن يتم أعتقاله من داخل القصر ونقرا الخبر في الصحف الإسرائيلية)..!!!
مع التحية.
| |
|
|
|
|
|
|
|
|
|
Re: يا اسرائيل هووووى ..أحسن ليكى تلمى جدادك (Re: hamid abdalah)
|
الأح حامد تحباتى :
Quote: رد شنو يا بنت العم
الجماعة ما عارفين حتي الان نوع القذيفة شنو؟
ولم يستطيعوا معرفة تفاصيل العملية الا عن طريق المصادر الاسرائيلية؟
بوضعنا ده زي علي قول واحد من الاخوان ( الريس ممكن يتم أعتقاله من داخل القصر ونقرا الخبر في الصحف الإسرائيلية)..!!! |
الهجوم الأمريكى الزمان داك على مصنع ( الشفاء ) لى الان ناس الانقاذ ما عارفين طيارة كان ولا صاروخ من البحر..
___
قلت لى مضادات أرضية ..
فلتبشر اسرائيل بطول سلامة ..اذا
| |
|
|
|
|
|
|
|
|
|
Re: يا اسرائيل هووووى ..أحسن ليكى تلمى جدادك (Re: hamid abdalah)
|
صديقنا اسحق السحار قال:
أهمّ حاجة في الشكّل إنّك تكون منتصر قدام الناس عشان تحفظ هيبتك، وقال: الأهمّ من ذلك تكون عارف مقدراتك ومقدرات خصمك بصورة جيدة، لو متأكد إنّك حتطقطق خصمك، تطقطقوا بدون كلام كتير، لكن لو ما متأكد من الخصم، أو متأكد إنو حيطقطقك، تقول ليهو: بلاقيك براك، وتتحاشى إنّك تلاقيهو براك بكل السبل، ولكن لو القدر لاقاك بيهو براك، تقدم إعتذار..
___
يا آمنة أنا لي كم يوم بتأمل في كيفية الرد على اسرائيل، على ضوء حديث كُرتي: قال يحتفظ بحق الرد؛ وفي البال يوغندا أخذت مثلث باديمي، وأخذت أثيوبيا الفشقة ومصر أخذت حلايِّب..
| |
|
|
|
|
|
|
|
|
|
Re: يا اسرائيل هووووى ..أحسن ليكى تلمى جدادك (Re: AMNA MUKHTAR)
|
أمونة إزيك ومنورة المنبر
أهلنا الطيبين قالوا التسوي كريت في القرض تلقا في جلدا
بنو كوز ديل بعد قطعة القلب والخوفة البتكون دخلتهم دي
ولسه .. لا حا يخافوا الله ولا حا يتوبوا ولا حا يخلوا البعملوا فيهو دا
لحدي ما تجيهم الكبيرة القاصمة أو يأتيهم أمر الله بغتة ..
الــلـــه يعذبهم في الدنيا والآخرة زي ما عذبونا
وعذبوا أهلنا وعذبوا هذا الشعب الطيب!
| |
|
|
|
|
|
|
|
|
|
Re: يا اسرائيل هووووى ..أحسن ليكى تلمى جدادك (Re: Hadeer Alzain)
|
العزيزة هدير..كيفك ومشتاقين :
Quote: بنو كوز ديل بعد قطعة القلب والخوفة البتكون دخلتهم دي
ولسه .. لا حا يخافوا الله ولا حا يتوبوا ولا حا يخلوا البعملوا فيهو دا
لحدي ما تجيهم الكبيرة القاصمة أو يأتيهم أمر الله بغتة .. |
هذه هى المشكلة أختى فهؤلاء الناس لا يتعلمون من من تجاربهم ابدددا ..
وهسه وبكره وبعده حا يظلوا يرتكبوا نفس الأخطاء فى حق انفسهم وحق الشعب السودانى وحق السودان الذى صارت اراضيه محتلة من كل الأطراف .
| |
|
|
|
|
|
|
|
|
|
Re: يا اسرائيل هووووى ..أحسن ليكى تلمى جدادك (Re: AMNA MUKHTAR)
|
سلام يا آمنة
راعي طلع يسرح بابلو لاقوهو مهارية ساقون منو. رجع للجماعة ييد وراء و اييد قدام.
لما سألوه قال حكى ليهم قصة المهاجرية و انهم آبوا بالسعية
و اختار ختم روايته بنهاية سعيدة كحال جماعتنا : لكني اوسعتهم سباً
على قولك المرتين الاولى عملوا لينا فيهم شنو؟
| |
|
|
|
|
|
|
|
|
 Re: يا اسرائيل هووووى ..أحسن ليكى تلمى جدادك (Re: معاوية عبيد الصائم)
|
اﻷخ معاوية تحياتى :
Quote: لانهم حسب كلام وزير الدفاع (الديش) والشعب
السودانى الفضل اكانوا فى صلاة العشاء...
عموما اقترح للسادة الضاربين اخطار غفير
الدفاع بموعد الضربة القادمة شان يكون عندو
فكرة ... |
وحتى لو أخطروه..يمكن المرة دى يقول
كنا نقيم الليل ..أو عاملين ختمة للقرآن ..
| |
|
|
|
|
|
|
| |
AMNA MUKHTAR
خالد عبد الله محمود
محمد إبراهيم علي
hamid abdalah
Yassir Tayfour
محمد أبوالعزائم أبوالريش
Hadeer Alzain
Tragie Mustafa
قيقراوي
فيس بوك
تويتر
انستقرام
يوتيوب
بنتيريست