|
|
 مابين صقر حيدر الزين وحمامة أسماء الجنيد ضاعت صورتي
|
فوجئت بالأمس بعدم وجود صورة البروفايل خاصتي
والتي تحمل رمز السلام - حمامة بيضاء تحمل غصن الزيتون الأخضر
أنزعجت جداً لما حدث خاصة وأنني حالياً خارج العاصمة والشبكة رديئة
الأمر الذي لم يمكنني من إستعادة حمامة السلام
وتلفت داخل المنبر واطمئنتت قليلاً إذ وجدت الصقر الذي يزين بروفايل الأخ حيدر الزين
فارداً جناحيه بطول المنبر وكذا تلك الحمامة التي تحمل الوردة الحمراء خاصة الأستاذة/أسماء الجنيد
والحالة هذه هانذا أطلب التدخل الأممي لعودة حمامة السلام لحضن البورض وتزيين بروفايلي
|
|
 
|
|
|
|
|
|
|
|
Re: مابين صقر حيدر الزين وحمامة أسماء الجنيد ضاعت صورتي (Re: HAIDER ALZAIN)
|
لوووووووووووولز
ابو عبيدة قالوا النصيحة ما كتلتلها زول ضمة
اها النديك النصيحة والزارعا غير الله اليجي يقلعا
دي عيني انا وحات الله عيني
حيدر ما عندو ذنب ولا ضنب في الحكاية دي لووولز ود الزين
علا انا يوم جيتك زيارة بحرت في حمامتك لامن عيني برقن ,,
والله صحي
وقلت اشمعني ابو عبيدة حمامتو جنحاتا يرفرفن متل جنا الزرزور
وانا التي معسمة بي وريدة حمراء خاتفاها من ورود دكتور مصطفي لووولز
باقي انا قبال اليوم كانت عندي فراشة صفيرة وسميــــــــحة
وترفرف نهارا ما طال
وقتين الناس ينومو تقعد تهبب فيني للصباح
اها هكرها هكرونا في حوش ابكرونا
شكيتو على شيخي الجنيد البروب الموية الحرامي السرق فراشتي
عشان كدي يا ابو عبيدة يا خوي
الليلة الجمعة سويلك بليلة عيش ولا قلية
بتعرف القلية ؟
اها وقسمها لي الجيران وشتتلك بلح للشفع
امكن حمامتك يا حليلا تجيك صادة
انا خوفي كلوووو ما يكون هبتها صاروخ الصهاينة
ولا انهجمت من الضربة ولبدتلها في جحر خوفة ساااااااااي
باقي ناس الحكومة زاتهم البهورطوا وبكوركوا لبدوا لبدة عدوك
لا يوم الليلة ما شفنالهم اتر ناس اللسد النتر
ودعتك الله و اعفا لي آآ خوي
وان جمعت بجيك صادة بالبشارة وتاني آآ بتلوم معاك تب
والله صحي
بقرأ المعوذتين والإخلاص لامن اجيك في بيتك ولا تجيني زيارة
الشكية لي اب ايدا قوية ما كت قايلة عيني حارة لووولز
| |
|
|
|
|
|
|
|
|
 Re: مابين صقر حيدر الزين وحمامة أسماء الجنيد ضاعت صورتي (Re: اسماء الجنيد)
|
بت عمي الأستاذة أسماء الجنيد -
حيث أن الإعتراف سيد الأدلة فما عندنا كلام بعد كلامك بس البهمني ترجع حمامتي دون أي عقوبات على العاين طالما قد رجع المعيونQuote: دي عيني انا وحات الله - قلت اشمعني ابو عبيدة حمامتو جنحاتا يرفرفن متل جنا الزرزور
وانا التي معسمة بي وريدة حمراء خاتفاها من ورود دكتور مصطفي لووولز |
ياخي كان تطلبي تنازل من حمامتي كان أديناك ليها بباسويردا
| Quote: شكيتو على شيخي الجنيد البروب الموية الحرامي السرق فراشتي |
بالمناسبة الجنيد الحلة ولا البيارة المصنع؟
| Quote: عشان كدي يا ابو عبيدة يا خوي الليلة الجمعة سويلك بليلة عيش ولا قلية بتعرف القلية ؟ |
ياخي القلية دي بسووها للزول العندو كتكوتة هههههه الهكر ده ان شاء الله بالكتكوتة التلحقو أمات طه ولا تلحقو صورة حمامتي المياسة
Quote: وان جمعت بجيك صادة بالبشارة وتاني آآ بتلوم معاك تب
والله صحي
بقرأ المعوذتين والإخلاص لامن اجيك في بيتك ولا تجيني زيارة
الشكية لي اب ايدا قوية ما كت قايلة عيني حارة لووولز |
بركاتك المستمدة من الشيخ الجنيد والشيخ حياتي وتيراب وودالمرين
| |
|
|
|
|
|
|
|
|
|
Re: مابين صقر حيدر الزين وحمامة أسماء الجنيد ضاعت صورتي (Re: أبوعبيدة محمد الأمين)
|
| Quote: بركاتك المستمدة من الشيخ الجنيد والشيخ حياتي وتيراب وودالمرين |
ها جنا ها ات ود عمي لزم وانا ماني جايبة خبر
وحات الله شيخ الجنيد والشيخ حياتي وصلوك البيت تب ,, وود الميرن مو بعيد من جدودي ومن اهلي
وحبابك الف
الجنيد الحلة زااااااااتها السمو عليها مصنع السكر والبيارة
النعمنو البيارة ديل جيرانا بالمواسير لوولز اقصد الحيطة
حبابك يا المن اهلنا
| |
|
|
|
|
|
|
|
|
|
Re: مابين صقر حيدر الزين وحمامة أسماء الجنيد ضاعت صورتي (Re: اسماء الجنيد)
|
الأستاذة أسماء
المنح طي المحن ههههههه| Quote: ها جنا ها ات ود عمي لزم وانا ماني جايبة خبر |
حيث طارت الحمامة وجمعنا بأهل لنا
| Quote: الجنيد الحلة زااااااااتها السمو عليها مصنع السكر والبيارة |
الشهرة حظوظ مقولة نرددها دوماً حين يبادرنا أحد بالسؤال: إنت من وين؟
نقول ليهو من قرية البويضاء - مصنع سكر الجنيد - يقول ليك ليه سموهوا الجنيد؟ نقول ليهم والله كان جينا للجد المشروع اصلاً مفروض يسموا مصنع البويضاء
لأنه المصنع في محل حلتنا القديمة وأكبر عدد من المزارعين تجدهم من أهل قريتنا ورئاسة الإتحاد والنقابات لاتذهب بعيداً عنا إلا لتعود طائعة ووووو| Quote: والبيارة النعمنو البيارة ديل جيرانا بالمواسير لوولز اقصد الحيطة |
ياحليلك وحليل كبري الجنيد: إنتي من زمن المواسير؟ المواسير ماجاء شارع الشرق من -لافوق ليها-
نسينا موضوعنا هسي أنا أعمل شنو مثلاً أضرب الزاقر وأقول ياأبومروة رجعوا لي صورتي؟
وتاني حبابك يابت أهلنا وأدخلي لي جوه إخياتك قاعدات بتلقى سعدية ومحاسن وإبتسام
| |
|
|
|
|
|
|
| |
أبوعبيدة محمد الأمين
HAIDER ALZAIN
اسماء الجنيد
فيس بوك
تويتر
انستقرام
يوتيوب
بنتيريست